Category: Uncategorized

Musonera Germain yatawe muri yombi akurikiranweho ibyaha bya Jenoside n'ubufatanyacyaha muri icyo cyaha bikekwa ko yakoreye mu yahoze ari Komini ya Nyabikenke.

Ubushinjacyaha bwari bwavuze ko muri Jenoside yakorewe Abatutsi, Musonera yari atunze imbunda, bwagaragaje kandi ko yagize uruhare mu rupfu rw'umwe mu bo bikekwa ko yaguye mu kabari ka Musonera.

Bwari bwashimangiye ko kumufunga ari uburyo bwiza bwatuma atabangamira iperereza rigikomeje kuri dosiye ye ndetse bikaba byatuma adatoroka ubutabera.

Musonera we yari yasabye ko yakurikiranwa adafunzwe, akagaragaza ko adashobora gutoroka ubutabera nubwo yaburanye ahakana ibyaha byose yari akurikiranweho.

Icyemezo cy'urukiko cyasomwe kuri uyu wa 10 Nzeri 2024.

Urukiko Rwibanze rwa Kiyumba rwemeza ko hari impamvu zikomeye zituma Musonera Germain akekwaho icyaha cya Jenoside yakorewe Abatutsi muri Mata yo mu 1994 ndetse b'ubufatanyacyaha.

Rwemeje ko Musonera afungwa iminsi 30 y'agateganyo mu Igororero rya Muhanga.

Urukiko rwategetse ko Musonera afungwa iminsi 30 y’agateganyo

Ni umuhango wabaye kuri uyu Kabiri tariki 10 Nzeri 2024. Witabiriwe n'abandi bayobozi barimo Minisitiri w'Ikoranabuhanga na Inovasiyo, Ingabire Musoni Paula; uw'Ibikorwaremezo, Jimmy Gasore n'Umuyobozi Mukuru w'Urwego rw'Igihugu rw'Iterambere, Dr Francis Gatare.

Uri gushyirwa mu bikorwa na Guverinoma y'u Rwanda binyuze muri RDB, ku bufatanye n'Ikigo cya Africa50 gishora imari mu mishinga y'ibikorwaremezo bifite inyungu ku Mugabane wa Afurika.

Uzakorerwa kuri hegitari 61, ukazarangira utwaye abarirwa muri miliyari 2$. Ugizwe n'inyubako zizacumbikira kaminuza mpuzamahanga, ibigo by'ikoranabuhanga, inyubako z'ubucuruzi n'ibindi.

Aka gace kazaba kagizwe n'ikigo kinini kigizwe n'amashami azajya akorerwamo ibijyanye n'ubwenge bw'ubukorano [Artificial Intelligence] n'ibijyanye n'umutekano mu by'ikoranabuhanga.

Zimwe mu nyubako zizashyirwa muri Kigali Innovation City zifite ibisenge bibyaza ingufu imirasire y'izuba.

Ibinyabiziga bizajya bikoreshwa muri aka gace byiganjemo ibikoresha ingufu z'amashanyarazi mu kurengera ibidukikije.

Minisitiri w'Ikoranabuhanga na Inovasiyo, Ingabire Musoni Paula, yavuze ko igitekerezo cy'uyu mushinga kimaze imyaka irenga 10. Watekerejweho hagamijwe gushyiraho ahantu hamwe hahurizwa imishinga itandukanye irimo iy'uburezi, ikoranabuhanga n'ibindi.

Yavuze ko mu myaka 10 iri imbere, u Rwanda rwizeye ko uyu mushinga uzaba warabaye impamo kandi ugira uruhare mu bijyanye n'iterambere ry'ikoranabuhanga.

Inzu zo muri aka gace zizaba zifite umwihariko mu bijyanye n'imyubakire, aho zimwe zizaba zitamirijwe imigongo isanzwe ikoreshwa mu gutaka mu muco nyarwanda.

Kigali Innovation City izaba igizwe n'imihanda migari, aho mu nkengero zayo hazajya haba ahacururizwa ikawa na restaurant zifite uburyo bwo kwakirira abantu hanze.

Izaba ifite n'inyubako ziri ku rwego rwo hejuru ku buryo zakorerwamo n'ibigo mpuzamahanga mu by'ikoranabuhanga, hoteli, amacumbi agezweho y'abanyeshuri n'inzu zo guturamo.

Kugeza ubu hari bimwe mu bice bizaba bigize uyu mushinga byatangiye kuzura birimo African Leadership University na Carnegie Mellon University Africa.

Umuyobozi Mukuru wa RDB, Dr Francis Gatare, yavuze ko iyi ari intambwe ikomeye itewe n'u Rwanda mu bijyanye na gahunda rufite yo kuba igihugu gifite ubukungu bwubakiye ku bumenyi n'ikoranabuhanga.

Ati 'Turi hano ngo twishimire uyu muhigo w'igihugu cyacu, ubuyobozi bwacu n'abaturage b'u Rwanda, bafite intego yo gushyiraho igihugu gifite ubukungu bushingiye ku bumenyi, buri imbere cyane mu bijyanye no guhanga udushya n'iterambere rirambye.'

Yakomeje avuga ko 'Kigali Innovation City ni umwe mu mishinga ikomeye y'u Rwanda ndetse ikaba n'ibuye ry'ifatizo muri gahunda yacu yo kubaka ubukungu bushingiye ku bumenyi.”

“Uyu mushinga ugaragaza imbaraga zo gukorera hamwe z'abaturage bacu n'ubuyobozi bwacu hagamijwe guhindura igihugu cyacu kugira ngo guhanga ibishya, uburezi n'ikoranabuhanga bibe koko umusingi w'ahazaza h'igihugu cyacu.'

Biteganyijwe ko uyu mushinga mugari numara kuzura buri mwaka uzajya winjiza miliyoni 150$ ziturutse mu ikoranabuhanga rizahahangirwa, ndetse ukazazana ishoramari rya miliyoni 300$ ry'abanyamahanga.

Minisitiri w'Intebe, Dr Edouard Ngirente, yavuze ko uretse u Rwanda uyu mushinga uzanagirira inyungu abandi Banyafurika.

Ati 'Turi kubaka umusingi ku hazaza heza aho buri Munyafurika azungukira mu Ikoranabuhanga rigezweho ndetse n'ibisubizo birimo guhanga udushya […] Kigali Innovation City irenze gusa igikorwaremezo kiboneshwa amaso, ahubwo ni uruhurirane ruzafasha mu guhanga udushya, gukurura abanyempano ndetse n'ishoramari rivuye hirya no hino ku Isi.'

Yakomeje avuga ko 'Ndasaba abashoramari baba ab'imbere mu Gihugu no hanze gukoresha aya mahirwe Kigali Innovation City itanga.'

Uyu muhango wo gushyira ibuye ry'ifatizo ahazakorerwa uyu mushinga mugari ubaye nyuma y'iminsi mike, Leta y'u Rwanda isinye amasezerano n'Ikigo cya Africa50 gishora imari mu mishinga y'ibikorwaremezo bifite inyungu ku Mugabane wa Afurika.

Imirimo yo kubaka bimwe mu bikorwaremezo bizaba biri muri Kigali Innovation City igeze kure

Umuyobozi Mukuru wa BK Group, Dr Uzziel Ndagijimana ubwo yari ageze ahabereye uyu muhango wo gushyira ibuye ry'ifatizo ahazubakwa Kigali Innovation City

Umuhango wo gushyira ibuye ry'ifatizo ahazubakwa 'Kigali Innovation City' witabiriwe n'abantu bafite aho bahuriye n'uyu mushinga

Abikorera n'abo mu nzego za leta banejejwe n'uyu mushinga uzahindura ubuzima bw'igihugu

Abitabiriye uyu muhango babanje gusobanurirwa imiterere ya 'Kigali Innovation City'

Buri wese yasabwe uruhare rwe kugira ngo uyu mushinga mugari w'ubwubatsi uzagende neza

Minisitiri w'Ikoranabuhanga na Inovasiyo, Ingabire Musoni Paula, yavuze ko uyu mushinga uzarushaho guteza imbere ibijyanye no guhanga ibishya mu Rwanda

Habaye ikiganiro kigaragaza akamaro ka Kigali Innovation City

Minisitiri w'Ikoranabuhanga na Inovasiyo, Ingabire Musoni Paula, yitabiriye uyu muhango

Umuyobozi Mukuru w'Urwego rw'Igihugu rw'Iterambere, Dr Francis Gatare, yavuze ko uyu mushinga uzatuma u Rwanda ruhinduka igicumbi cy'imishinga y'ikoranabuhanga

Minisitiri w'Intebe, Dr Edouard Ngirente, yavuze ko uretse u Rwanda uyu mushinga uzanagirira inyungu abandi Banyafurika

Minisitiri w'Intebe Ngirente n'abandi bayobozi bashyize ibuye ry'ifatizo ahazubakwa 'Kigali Innovation City'

Ni amakuru ashimangiwa na nyir'inzu nyakwigendera yari acumbitsemo mu Mudugugu wa Kiberinka i Nyamirambo wabwiye BTN ko yari ahamaze amezi ane ariko akunze gutahana indaya bakarana.

Gusa ngo ntibyakomeje kumuhira kuko iyo yatahanye mu ijoro ryo ku itariki 8 Nzeri 2024 byageze mu rukerera akirwana na yo bishoboka ko bapfaga amafaranga kuko nyuma yo yaje kuyishyura ikabona kuhava.

Amakuru avuga ko iyi ndaya yaje guhabwa 20.000 Frw ibona kuva muri urwo rugo nyuma yo kwanga kuhava nyakwigendera akayihasiga bikekwa ko yari agiye gushaka amafaranga yo kuyishyura.

Nyir'inzu nyakwigendera yari acumbitsemo yagize ati 'Mu masaha ya ya saa kumi z'urukerera numvise induru numva urujyi bararukubita. Uko basakuzaga birashoboka ko banaharwaniye ariko ntibyamaze umwanya munini kuko umumotari yahise yatsa moto aragenda. Nabyutse nyuma yagiye ndetse n'iyo ndaya yamaze guteza akavuyo hano ariko aza kuyishyura na yo iragenda'.

Nyuma yo kugenda kwa nyakwigendera nyuma ngo yaje kugaruka mu rugo agerageza kujya kwa muganga ariko apfira mu nzira.

Ati 'Ubwo nari ndi gukora isuku mu rugo hano imbere nyakwigendera yagarutse afite intege nke mubaza icyo yabaye aranyihorera. Yaje gukomeza yerekeza ku Kigo Nderabuzima cya Rugarama ariko ageze mu nzira agira imbaraga nke yitura hasi nyuma ashiramo umwuka. Birashoboka ko yaba yazize inzoga cyangwa bakaba barwanye hakagira nk'inyama yo mu nda yangirika kuko nta gikomere yari afite'.

Abaturanyi ba nyakwigendera na bo baracyari mu rujijo gusa bagasaba abasore bibana gushaka abagore aho gucyura indaya kuko biteza urugomo nanone bagasaba ko iyo ndaya yashakishwa ikaryozwa urupfu rw'uwo musore kuko bakeka ko yarugizemo uruhare.

Urwego rw'Igihugu rw'Ubugenzacyaha, RIB na Polisi y'Igihugu bahise batangira iperereza ku rupfu rwa nyakwigendera ngo hamenyekane mu by'ukuri icyamuhitanye.

Hari amayobera ku musore wararanye indaya i Nyamirambo bamara gutandukana agapfa

NISR yatangaje ko mu kwezi kwa Kanama 2024, ibiciro byiyongereye bitewe ahanini n'ibiciro by'ibiribwa n'ibinyobwa bidasembuye byiyongereyeho 1,6%, ibiciro by'amazu, amazi, amashanyarazi, gazi n'ibindi bicanwa byiyongereyeho 4,8% n'ibiciro by'ibijyanye n'ubwikorezi byiyongereyeho 19%.

Ugereranyije Kanama 2024 na Kanama 2023, ibiciro by'ibintu bitarimo ibiribwa n'ibikomoka ku ngufu byiyongereyeho 5,6% ni mu gihe ugereranyije Kanama 2024 na Nyakanga 2024, ibiciro byiyongereyeho 0,9%.

Iryo zamuka ryatewe ahanini n'ibiciro by'ibiribwa n'ibinyobwa bidasembuye byiyongereyeho 1, 9% n'ibiciro by'amafunguro n'icumbi byiyongereyeho 2,2%.

Muri Kanama 2024, ibiciro mu byaro byagabanutseho 0,3% ugereranyije na Kanama 2023.

Bimwe mu byatumye ibiciro bigabanuka mu kwezi kwa Kanama 2024 ni ibiciro by'ibiribwa n'ibinyobwa bidasembuye byagabanutseho 6%.

Muri rusange Kanama 2024 ibiciro mu Rwanda byiyongereyeho 1,7% ugereranyije na Kanama 2023.

Ibiciro byiyongereyeho 5% muri Kanama 2024

Iminota 90 yarangiye nta kipe ibashije kureba mu izamu ry’indi hagati ya Nigeria n’u Rwanda mu gushaka itike y’igikombe cy’Afurika cya 2025, ni umukino warebwe na Perezida Kagame.

Wari umukino wa mbere ikipe y’igihugu Amavubi yakiniye kuri Stade Amahoro kuva ivuguruye aho isigaye yakira ibihumbi 45 ivuye ku bihumbi 25 yakiraga.

Wari umukino w’umunsi wa kabiri wo gushaka itike y’igikombe cy’Afurika cya 2025, ni nyuma y’uko mu mukino w’umunsi wa mbere Amavubi yanganyije na Libya, Nigeria igatsinda Benin 3-0.

Ni umukino kandi warebwe na Nyakubahwa Perezida wa Repubulika y’u Rwanda, Paul Kagame.

Umutoza w’ikipe y’igihugu Amavubi, Frank Spittler yari yahisemo gukora impinduka imwe muri 11 yabanjemo mu mukino uheruka aho Rubanguka Steve yavuyemo hakajyamo Mugisha Bonheur.

Amavubi yari imbere y’abafana ba yo, yatangiye neza aho ku munota wa 1 Mugisha Gilbert yagerageje ishoti ariko rinyura hanze y’izamu.

Ku munota wa 5 Wilfred Ndidi yagerageje ishoti rikomeye ariko umunyezamu Ntwari Fiacre arawufata.

Ku munota wa 6, Mugisha Gilbert yahinduye umupira mwiza ariko Bonheur ashyizeho umutwe umupira unyura hejuru y’izamu.

Amavubi wabonaga ari mu mukino neza, ku munota wa 7 Jojea Kwizera yagerageje kuroba umunyezamu umupira unyura hejuru y’izamu.

Ku munota wa 15, Lookman yafashe umupira yinjirana ubwugarizi bw’Amavubi ariko ataye mu izamu umunyezamu Ntwari Fiacre arawufata.

Ku munota wa 25 , ku makosa ya Mugisha Gilbert watanze umupira nabi mu rubuga rw’amahina, Bashiru yari atsindiye Nigeria ariko baritambika bawushyira muri koruneri itagize icyo itanga.

Muri iyi minota wabonaga Nigeria yamaze kwinjira mu mukino maze abakinnyi b’u Rwanda batangira gukora amakosa aho Bizimana Djihad na Niyomugabo Claude bahawe amakarita y’umuhondo.

Ku munota wa 36, Amavubi yongeye kurokoka ubwo Chukwueze yakubitaga umutambiko w’izamu, Lookman asubijemo biranga.

Ku munota wa 40, Onyemaechi yahinduriwe umupira mwiza n’umutwe ariko ashyizeho umutwe unyura hanze yaryo.

Mu minota 3 ya nyuma y’igice cya mbere Amavubi yabonye amahirwe ariko abarimo Nshuti Innocent ntiyayabyaza umusaruro. Amakipe yagiye kuruhuka ari 0-0.

Nigeria yatangiye igice cya kabiri ikora impinduka 2, Samuel Chukwueze na Victor Boniface bavuyemo hajyamo Simon Moses na Victor Osimhen

Iminota 15 ya mbere y’igice cya kabiri amakipe yombi wabonaga arimo akina ashaka igitego ariko mu buryo bwa kugarira yombi yari ahagaze neza.

Amavubi yakoze impinduka za mbere ku munota wa 60 ubwo Samuel Gueulette yasimburaga Mugisha Gilbert.

Ku munota wa 68, Amavubi yahushije uburyo bukomeye ku mupira Muhire Kevin yahaye Jojea Kwizera ariko yatera mu izamu ukunyura hanze y’izamu.

Ntwari Fiacre yongeye kurokora u Rwanda ku mupira Aina yarenguye maze Lookman atera mu izamu, umunyezamu awushyira muri koruneri itagize icyo itanga.

Amavubi yagerageje gushaka igitego harimo n’ishoti rya Mugisha Bonheur ku munota wa 88 umunyezamu yakuyemo. Ku munota wa 90 Nshuti Innocent yahaye umwanya Gitego Arthur ni nako Jojea Kwizera yahaye umwanya Ruboneka Bosco.

Umukino warangiye ari ubusa ku busa Nigeria ikomeza kuyobora itsinda n’amanota 4, u Rwanda rufite 2 mu gihe Libya ifite 1 iri bukine na Benin ifite ubusa.

11 Babanjemo ku mpande zombi

Amavubi: Ntwari Fiacre, Omborenga Fitina, Niyomugabo Claude, Mutsinzi Ange Jimmy, Manzi Thierry, Mugisha Bonheur Casemiro, Bizimana Djihad (C), Muhire Kevin, Kwizera Jojea, Mugisha Gilbert na Nshuti Innocent

Super Eagles: Stanley Nwabali, William Troost- Ekong (C), Ola Aina Semi Ajayi, Bruno Onyemaechi, Calvin Bassey, Wilfred Ndidi, Fisayo Dele-Bashiru, Ademola Lookman, Samuel Chukwueze na Victor Boniface

Ni igitaramo cyabaye gihurirana n'igitekerezo Kenny Mirasano yari amaranye imyaka ibiri, aho atekereza kujya akora ibitaramo nk'ibi bigamije gufasha abatishoboye cyangwa se bakeneye inkunga ibafasha gukemura bimwe mu bibazo bahura nabyo mu buzima bwa buri munsi.

Byatumye uyu muhanzi yumva vuba igitekerezo cya Camilla, yiyemeza guhuza imbaraga na bagenzi be, bategura iki gitaramo cyabaye ku nshuro ya mbere bise 'Umutima Charity Music Concert', cyari kigamije gufasha uriya mubyeyi.

Uyu mubyeyi yitwa Bizimana Jean Marie Vianney amaze igihe kinini agize uburwayi bukomeye bwa 'Parkinson disease (PD)' bwagoye umuryango we. Kuko bagiye kumuvuza muri Kenya, no mu Busuwisi, nyuma y'uko mu Rwanda bari bagerageje bikanga, bikaba ngombwa ko yoherezwa muri biriya bihugu.

Nyuma yo kwivuriza buri biriya bihugu, yasabwe Miliyoni 50 Frw kugirango ajye kuvurirwa mu Buhinde. Ni ibintu byagoye umuryango we kuko amafaranga basabwa ari menshi, binatewe n'uko hari andi amafaranga batanze bamuvuza hirya no hino.

Camilla ari nawe ufite umubyeyi urwaye, yagize igitekerezo cyo guhuza na mugenzi we Bryan, bategura igitaramo cyo gushakisha amafaranga yafash umubyeyi we kujya kwivuza mu Buhinde.

Ni igitekerezo basangije Kenny Mirasano, bihurirana n'uko yari amaze imyaka ibiri atekereza gukora ibitaramo nk'ibi bifasha abantu bafite ibibazo bitandukanye.

Umucuranzi wa Gitari, Bolingo Paccy yatanze ibyishimo muri iki gitaramo cyabaye ku wa Gatanu tariki 6 Nzeri 2024

Itsinda Abutazi Duet ryigaragaje cyane mu ndirimbo zinyuranye muri iki gitaramo cyihariye

Bryan yisunze indirimbo zinyuranye yatanze ibyishimo ku bitabiriye iki gitaramo

Umuhanzikazi Neema Rehema uherutse gushyira hanze Extended Play ye ya mbere

Umuhanzikazi Lee Dia wo mu itsinda Sea Stars, yigaragaje cyane muri iki gitaramo

Itsinda rya Shauku Band ryamamaye mu bitaramo binyuranye ryatanze umusanzu waryo muri iki gitaramo

Umucuranzi wa Saxophone, Sax Water yacuranze muri iki gitaramo yikuye umwambaro wo hejuru

Camilla ufite Papa we urwaye ukeneye arenga Miliyoni 50 Frw kugirango ajye kwivuza

Otis Kayonga yagaragaje ubuhanga muri iki gitaramo cyabereye Mundi Center

Dawidi usanzwe ari umuhanga mu gucuranga ibicurangisho binyuranye

Umuhanzi Kenny Mirasano yumvise vuba igitekerezo cyo gukora igitaramo nk'iki cyo gufasha umubyeyi ukeneye ubufasha

Ni ingingo yatumye inzego zirimo Urwego rw'Igihugu rw'Ubugenzacyaha (RIB), zihaguruka zisaba buri wese witwikira umutaka wa 'Showbiz' akandagaza mugenzi we kubireka, kuko bigize icyaha.

Byaturutse ku nkundura ya Nyarwaya Innocent [Yago], wanditse ubutumwa ku rubuga rwa X agaragaza ko yahunze igihugu kubera abo yise agatsiko kari kamaze imyaka ine bamukorera iyicarubozo. Kandi yagiye avuga amazina ya bamwe mu bantu bashatse gupyinagaza izina rye.

Uyu musore kandi yagiye ateguza bagenzi be bahanganye ko nabo ibyabo bizajya hanze. Nk'aho ibyo bidahagije, yabisikanye na Murangi Sabin mu ruvugo, nyuma y'amashusho yagiye hanze, bivugwa ko yari kumwe na Ngwinondebe wamamaye mu Itorero Inyamibwa.

Izi nkuru ariko zavuzwe nyuma y'igihe muri 'Showbiz' havugwamo ubugambanyi bwa hato na hato, amarozi, kujya mu bapfumu n'ibindi benshi batekereza ko bitari bikwiye mu bana b'u Rwanda.

Si rimwe si kabiri, wumvise ubuhamya bw'abantu bavuze ko barozwe na bagenzi babo, ariko nyuma yo kwivuza, Imana igakinga akaboboko.

K john wamamaye ku mbuga nkoranyambaga aherutse gutanga ubuhamya bwatunguye benshi. Ku rubuga rwa X aganiriza na bamwe mu bantu bazwi yavuze uburyo yarozwe, ndetse abarimo Patycope na Young Grace bazi neza urugendo rw’uburwayi bwe ‘kubera ibintu nk’ibi by’amashyari’.

Yavuze ko akimara guhabwa uburozi byamusabye kujya ku Gisenyi, avugwa n’umubyeyi w’umwe mu baririmbyi mu itsinda rya The Same. Ati “Niwe wamvuye, uburozi bw’iyi ‘Showbiz’.

K John avuga ko kutagaragara cyane muri ‘Showbiz’ muri iki gihe, bituruka ku bihe bisharira yanyuzemo. Yavuze ko Leta ikwiye gushyira imbaraga mu bibazo biri muri ‘Showbiz’, ndetse igashyiraho amategeko ahana. 

Yavuze ko hari igihe yicaraga mu kabari akabona umuntu udahari. Ati “Iyi ‘Showbiz’ iri mu bugome, abantu bashaka kwica bagenzi babo. Njyewe hari igihe nicaraga mu kabari nkajya mbona uwo muntu ntabwo namuvuga nawe ariyizi, nkamubona mu maso yanjye kandi ntawuhari. Ari umuntu w’umusitari nafashaga. Ibi si ibintu ndi kubahimbira….”

Yunganirwe n'umuhanzikazi Nessa wavuze ko abayeho mu buhungiro, kandi ko mu ndirimbo zirenga 300 bamaze gukora, batigeze babona abantu babashyigikira. Avuga ko mu myaka 13 ishize ari mu muziki, hari abagerageje kumwica, ndetse yahisemo guhungisha umwana we kugirango atazagira ikibazo.

Anavuga ko yahisemo kuva iwabo kuko yari amaze kubona ko hari abantu bazaga iwabo bamushakisha. Nessa yavuze ko yigeze kubwirwa na M Irene ko ‘bazanyica’.

Igihe kirageze ko abari muri 'Showbiz' bajyanwa mu Itorero?

Mu myaka 30 ishize, Guverinoma y'u Rwanda yashyize imbaraga mu gutoza Abanyarwanda b'ingeri zinyuranye binyuze mu Itorero. Aho abarijyamo bigishwa indangagaciro n'umuco.

Itorero ryahozeho mu Rwanda mbere y'umwaduko w'abakoloni ari 'Irerero' . Abanyarwanda batorezwagamo kumenya umuco n'uburere by'Igihugu, gukunda umurimo, gukunda u Rwanda no kururwanira ishyaka, n'ibindi byose byabatozaga umuco wo kwigira no kwihesha agaciro bishingiye ku kumenya amateka basangiye n'indangagaciro na kirazira by'umuco nyarwanda.

Nyakubahwa Perezida wa Repubulika Kagame Paul arigarura ku wa 16 Ugushyingo 2007 yabwiye Abanyarwanda ati: 'Twaje gutangiza gahunda y'Itorero ry'Igihugu nk'uburyo twihariye kandi bukomoka ku muco nyarwanda'. Yakomeje agira ati: 'Itorero ry'Igihugu ryari ishuri ryo gutoza no kwigisha Abanyarwanda gukunda Igihugu, kukiyobora neza, guharanira ubutwari, kwanga ubuhemu, gufatanya gukemura ibibazo, no kwirinda ubutsimbanyi, n'ibindi…'

Umwe mu bakoresha urubuga rwa X mu mazina ya Paul Kagame 2029, kuri uyu wa Mbere tariki 9 Nzeri 2024, yanditse agaragaza ko ashingiye ku bintu bimaze igihe bivugwa muri 'Showbiz' atekereza y'uko igihe kigeze ko bajyanwa muri Itorero kwigishwa.

Ati 'Ariko mfite igitekerezo. Ko ndeba ibibazo bya munyangire bikomeje kwiyongera, inzangano, gusebanya…Ntakuntu buriya Minisitiri Dr. Damascene na Minisitiri w’urubyiru ko wategura/bategura itorero ry’abantu baba muri 'Showbiz' rwose hakabaho kwiyunga no kwimika Ndi Umunyarwanda. Birakabije cyane pe.'

Mu gusubiza, Minisitiri w’Ubumwe bw’Abanyarwanda n’Inshingano Mboneragihugu, Dr Jean Damascène Bizimana, yumvikanishije ko nta muti n'umwe utashwa mu gucyemura iki kibazo cyumvikanye mu bakora 'Showbiz' muri iki gihe.

Ati 'Ibitekerezo mutanga n'impungenge mufite birumvikana kuri iki kibazo n'ibindi bisa nkacyo. Ntabwo twabyihoreye. Dukoresha kandi tuzakomeza gukoresha uburyo bwose bwo kwigisha umuco n'indangagaciro zawo. Ndanakwizeza ko nta buryo na bumwe bushobora gutanga umusaruro twirengagiza.'

Icukumbura ryakozwe na InyaRwanda, ryageze ku nkuru y'abahanzi babiri bigeze kuramukanya bahuriye mu kabari, umwe atashye, undi asigara atwika (gutwika) ishati yari yambaye kubera ko mugenzi we yari yamukozeho ubwo yamuhoberaga.

Ryanageze ku nkuru y'umunyamakuru wafunzwe, nyuma y'uko aryamanye n'umukobwa bwacya uwo mukobwa akitabaza inzego avuga ko yamufashe ku ngufu. Ariko kandi, yaje kumenya ko ari abahanzi bamugambaniye, kubera ko yari amaze igihe kinini abagarukaho mu biganiro yakoraga kuri Radio.