Category: Uncategorized

Ikipe y’igihugu y’u Rwanda ya Handball mu batarengeje imyaka 20, yatsinzwe umukino wa kabiri mu gikombe cy’Afurika kirimo kubera muri Tunisia.

Kuva tariki ya 9 Nzeri 2024, muri Tunisia harimo kubera Igikombe cy’Afurika cya Handball mu batarengeje imyaka 20 aho u Rwanda rwisanze mu itsinda B na Algeria, Tunisia na Libya.

Umukino wa mbere ntabwo u Rwanda wawmrugendekeye neza kuko rwatsinzwe na Algeria 38-35.

Ejo rwagarutse mu kibuga rufite icyizere ko rushonora gutsinda Tunisia yari imbere y’abafana ba yo.

Abakinnyi b’u Rwanda wabonaga bari mu mukino neza ndetse bajya kuruhuka Tunisia ibarusha igitego kimwe aho byari 16-15.

Ntibaje guhirwa n’igice cya kabiri kuko Tunisia yakomeje kuzamura umubare w’ikinyuranyo maze umukino urangira Tunisia itsinze u Rwanda 39-30. U Rwanda rurasoza imikino y’amatsinda rukina na Libya.

Ntabwo u Rwanda rwahiriwe n’imikino 2 ibanza

Augustine Owen Eguavoen utoza Nigeria yavuze ko yagowe bikomeye n’ubwugarizi bw’u Rwanda mu mukino wabahuje.

Wari umukino w’umunsi wa 2 w’itsinda D mu gushaka itike y’Igikombe cy’Afurika 2025 aho Amavubi yanganyije na Nigeria 0-0 mu mukino wabereye kuri Stade Amahoro kuri uyu wa Kabiri tariki ya 10 Nzeri 2024.

Nyuma y’uyu mukino umutoza Augustine yavuze ko bashakaga amanota 3 ariko batayabonye bitewe n’uburyo Amavubi yugariyemo.

Ati “Twashakaa amanota 3 ariko si ko byagenze twabonye inota rimwe. Twabonye amahirwe menshi ariko u Rwanda rwugariye neza cyane ni byiza kuri bo. Ubwugarizi bwa yo bwatugoye”

Yavuze ko mu mukino bisanzwe nta mahirwe menshi Amavubi yabonye uretse ishoti rimwe ryonyine (rya Mugisha Bonheur) n’aho ubundi nta mahirwe babonye.

Ati “Ishoti rimwe ryonyine byasabye ko umunyezamu yari mu mukino n’aho ubundi nta yandi mahirwe afatika babonye, tuba twarangije umukino mu gice cya mbere ariko no mu gice cya kabiri twaremye amahirwe ntitwayabyaza umusaruro.”

Augustine usanzwe ari umuyobozi ushinzwe tekinike, yavuze ko nyuma y’uyu mukino atazakomeza kuba umutoza w’ikipe y’igihugu ya Nigeria kuko yari yasinye gutoza imikino 2 kandi akaba ayisoje.

Augustine yavuze ko yagowe n’ubwugarizi bw’u Rwanda

Umunyezamu w’ikipe y’igihugu y’u Rwanda, Ntwari Fiacre yavuze ko kimmwe mu bintu byamufashije ku mukino wa Nigeria akitwara neza ari uko yagombaga kwerekana ko ari umukinnyi ukomeye ukinira ikipe nziza (Kaizer Chief) muri Afurika y’Epfo.

Uyu munsi u Rwanda rwakinaga na Nigeria mu gushaka itike y’Igikombe cy’Afurika cya 2025 aho yanganyije na Nigeria 0-0 kuri Stade Amahoro.

Ntwari Fiacre ni umwe mu bakinnyi bagize umukino mwiza aho ari na we mukinnyi w’umukino, uyu munyezamu wakoze akazi akomeye yabwiye ISIMBI ko intego kwari ukwirinda gutsindirwa mu rugo kandi na Perezida Kagame yari yaje kubashyigikira.

Ati “Ni umukino twari twiteguye ntabwo twari twiteze ko twatakaza mu rugo kandi twari twamenye ko Pereza wacu aza kuza, twashyizemo imbaraga, Nigeria ni ikipe ikomeye, ni imwe mu makipe akomeye muri Afurika twavuze ko tutagomba gutakaza, umusaruro mubi kwari ukunganya kandi twabigezeho ni ibintu byiza.”

Yavuze ko kandi ikintu cyamufashije ari uko yagombaga kwerekana ko ari umukinnyi ukomeye kuko akina mu ikipe nziza.

Ati “Ikintu cyamfashije nagombaga kwitera imbaraga, nakinaga n’ikipe ikomeye kandi nanjye nagombaga kwerekana ko ndi umukinnyi ukomeye kuko nkina mu ikipe nziza, ni cyo cyamfashije kumva ko umukino wanjye wa mbere kuri Stade Amahoro ngomba kwitwara neza kandi nabigezeho ndashima Imana.”

Yashimangiye ko kandi batigeze bakangwa n’amazina y’abakinnyi ba Nigeria kuko bakina mu makipe akomeye kubera ko n’abakinnyi b’Abanyarwanda ubu bakina mu makipe meza i Burayi no muri Afurika.

Ntwari Fiacre yavuze ko yagombaga kwerekana ko ari umukinnyi ukomeye ukina mu ikipe nziza utagombaga gutsindirwa imbere ya Perezida Kagame wari waje kubashyigikira

Perezida Kagame yakurikiranye uyu mukino

Miss Kenza Ameloot winjiranye mu marushanwa y'ubwiza ya Nyampinga w' Bubiligi umushinga wo gufasha abana baturuka mu miryango ikennye bakabasha gusubira mu ishuri, ubu ari kubarizwa muri mu Rwanda.

Binyuze muri 'Light for the World', uyu mukobwa yifuza gufasha abana benshi bashoboka bafite uburwayi bw'amaso. Yavuze ko yishimira cyane iyi gahunda yinjiyemo.

Yagize ati: 'Uyu munsi nungutse ibintu by'ingenzi ubwo nahuraga n'abana beza ariko bafite ikibazo gishobora gutuma bagira ubumuga bwo kutabona.'

Akomeza agira ati: 'Turimo kubafasha binyuze muri 'Light for the World', kongera kwiyubaka n'umunezero wabo biteye umuhate. Mfite ishimwe indani muri njye ku bw'amahirwe yo kuba muri iki gikorwa kigamije guhindurira ubuzima.'

Asaba abantu bose kumushyigikira mu rugendo yatangiye ati: 'Mureke duhurize hamwe imbaraga duhindurire ubuzima ibihumbi by'aba bana. Twese hamwe dushobora kubera urumuri isi tukabaha ahaza heza bakwiriye.'

Umunyarwandakazi Kenza Johanna Ameloot yabaye ‘Miss Belgique 2024’ ahize abakobwa 32 bari bahatanye muri aya marushanwa y’ubwiza ngarukamwaka.

Kenza Ameloot w’imyaka 22 wabaye Miss Belgique 2024, abyarwa n’umunyarwandakazi Gakire Joselyne. Ubusanzwe, Kenza ni umunyamideli uri mu bagezweho bakiri bato mu Bubiligi.

Yavukiye mu Bubiligi ahigira amashuri abanza n'ayisumbuye, kuri ubu akaba ari kwiga Kaminuza mu ishami ry'ubucuruzi mpuzamahanga, akaba n'umunyamideli wabigize umwuga.

Kenza Ameloot yinjiye mu gikorwa cyo gufasha abana bato bafite uburwayi bw’amaso bushobora kubaviramo kutabonaKenshi Kenza agaragaza ko yishimira aho u Rwanda rugeze ariko akanagaruka ku kuba yifuza kugira uruhare mu gukomeza kuruteza imbere Yasabye buri umwe ufite umutima wo gufasha kumushyigikira muri iki gikorwa cy’ingirakamaroYifuza guhindurira ubuzima abana bato benshi bashoboka akababera urumuri

Uko iminsi igenda, ubuhinzi burushaho gutera imbere hakimakazwa ikoranabuhanga kuva mu ihinga kugeza mu gihe cy'isarura.

Ibyavuye mu ibarura rusange rya 2022 bigaragaza ko 69% by'Abanyarwanda bakora umwuga w'ubuhinzi, ndetse Ikigo cy'Igihugu gishinzwe guteza imbere ibikomoka ku buhinzi n'ubworozi, RAB giherutse gutangaza ko ubuso bw'ubutaka buhingwa buziyongeraho 10% mu gihembwe cy'ihinga cya 2025 A.

Minisitiri w'Intebe Dr. Edouard Ngirente ubwo yagezaga Gahunda ya Guverinoma y'imyaka itanu ku bagize Inteko Ishinga Amategeko imitwe yombi kuri uyu wa 9 Nzeri 2024, yagaragaje ko umusaruro w'ubuhinzi uzazamukaho 50%, bigafasha igihugu kwihaza mu biribwa.

Ati 'Hazongerwa ingano y'umusaruro w'ibihingwa by'ingenzi byatoranyijwe, ibyo bihingwa ni ibigori, ibishyimbo, ibirayi, umuceri, imyumbati, ingano n'ibitoki. Hateganyijwe ko tuzihaza mu bihingwa nk'ibigori, ibirayi n'ibishyimbo ku buryo tutazakenera kubitumiza mu mahanga.'

Imibare ya RAB igaragaza ko mu gihembwe cy'ihinga cya 2025 A, ibigori bizahingwa kuri hegitari 274 379, ibishyimbo bigahingwa kuri hegitari 361 901, ibirayi bigahingwa kuri hegitari 59 453, umuceri ugahingwa kuri hegitari 16 605, imyumbati igahingwa kuri hegitari 66 426, soya igahingwa kuri hegitari 7305, ingano kuri hegitari 8078 na ho imboga zikazahingwa kuri hegitari 8491.

Dr. Ngirente yahamije ko uyu musaruro uziyongera binyuze mu kongera ingano y'ifumbire mvaruganda mu Gihugu, kuyigeza ku bahinzi ku gihe, kongera ingano y'ifumbire ikoreshwa ikava ku bilo 70 kuri hegitari ikagera ku bilo 94,6 kuri hegitari kandi byose bikajyanishwa n'imiterere y'ubutaka.

Kuri ubu mu Karere ka Bugesera hari uguganda rutunganya toni ibihumbi 100 z'ifumbire mvaruganda, hakavangwa ubwoko bw'ibinyabutabire bitandukanye hagendewe ku butaka izakoreshwaho.

Usibye intego yo kwihaza mu biribwa, binateganywa ko umusaruro ukomoka ku buhinzi woherezwa hanze uzinjiriza u Rwanda arenga miliyari 3.2$ avuye kuri miliyari 1.4$.

Hazakomeza kandi imishinga yo guteza imbere ubuhinzi bw'ibihingwa ngengabukungu birimo ikawa, icyayi n'ibireti, hibandwa ku gusazura ibiti bishaje no kugeza ingemwe ku bahinzi hirya no hino mu Gihugu.

Igihembwe cy'Ihinga cya A cyeramo umusaruro ugera kuri 70% by'ukoreshwa mu gihugu mu mwaka wose.

Umusaruro w'ibigori mu gihembwe cya 2024 A wari ku mpuzandengo ya toni ebyiri kuri hegitari, ibishyimbo byeze kuri hegitari byari ibilo 709, na ho umusaruro w'ibirayi wari toni 8.5 kuri hegitari.

Minisitiri w’Intebe Dr. Ngirente yavuze ko ubuhinzi buzarushaho gutezwa imbere muri iyi myaka itanu iri imbere

U Rwanda rwifuza kwihaza ku musaruro w’ibigori ku buryo rutazifuza kubitumiza hanze

Hazakomeza kongerwa ifumbire mvaruganda ikoreshwa mu guhinga ibihingwa bitandukanye

Umusaruro w’ubuhinzi uziyongeraho 50% mu myaka itanu iri imbere