Category: Uncategorized

Ni ibirego bishingiye ku gupfobya no guhakana Jenoside yakorewe Abatutsi, akora kenshi mu bitabo bye aho agaragaza ko nta Jenoside yakorewe Abatutsi yabayeho mu Rwanda.

Ni urubanza ruzaba iminsi ine kugeza ku wa 11 Ukwakira 2024, umuryango w'Abanyarwanda baba mu Bufaransa ukazunganirwa n'Umunyamategeko Gisagara Richard.

Mu kiganiro na RBA uyu munyamategeko yavuze ko urubanza ruzabera mu rugereko rwa 17 rw'Urukiko rwa Paris mu Bufaransa, ruzwi nka XVII Chambre du Tribunal de Paris, ruburanisha ibyaha bijyanye n'itangazamakuru, bikozwe hakoreshejwe inyandiko cyangwa imvugo.

Me Gisagara yavuze ko kuri iyi nshuro uru rubanza rutazabera mu Rukiko rwa Rubanda 'Cour d'Assises' kuko rwo ruburanishirizwamo ibyaha umuntu ubihamijwe ashobora guhanishwa imyaka irenga 10.

Yavuze ko urwo rukiko ruzobereye mu kuburanisha ibyaha byose byakozwe hifashishijwe inyandiko cyangwa imvugo, rukurikiza itegeko ryo mu 1981 ryahanaga ibyabaha byibasiye inyoko muntu.

Ati 'Jenoside yakorewe Abatutsi mu 1994 ntabwo yari irimo ariko yongewemo bigizwemo uruhare n'Umuryango w'Abanyarwanda baba mu Bufaransa kugira ngo hahanwe abapfobya Jenoside yakorewe Abatutsi.'

Ibyo Charles Onana akurikiranyweho ni ibyo yavuze mu gitabo yanditse mu 2019 agiha izina rya 'Rwanda, la vérité sur l'opération Turquoise'.

Iki gitabo cyasohotse mu Ukwakira 2019, mbere y'umunsi umwe ngo gisohoke Onana yagiranye ikiganiro na bamwe mu banyamakuru by'umwihariko radio yitwa RCI agaragaza ko mu Rwanda nta Jenoside yabayeho mu 1994.

Akimara gutangaza ayo magambo Umuryango w'Abanyarwanda baba mu Bufaransa wahise utanga ikirego. Hakurikiraho n'ikirego cy'imiryango nka Survie, Ligue des droits de l'homme na Fédération Internationale de Droits de l'Homme.

Me Gisagara ati 'Ikirego cyafashwe ni icyo cyatanzwe n'iyo miryango itatu noneho natwe nk'indi miryango yose twinjira muri iyo dosiye kugira ngo tuzafatanye kumukurikirana kuko iby'uyu mugabo yandika […] ni uguhakana Jenoside yakorewe Abatutsi. Nta kindi kintu akora byaba ibyo avuga ibyo yandika byose ni uguhakana Jenoside urebye wagira ngo nta kandi kazi agira mu buzima bwe.'

Mu byo Onana agaragaza akanabishingiraho ngo ni uko Urukiko Mpuzamahanga Mpanabyaha rwashyiriweho u Rwanda (ICTR) rwari i Arusha muri Tanzania (rwasoje imirimo) ngo rutigeze rugaragaza ko habayeho itegurwa rya Jenoside.

Agaragaza ko Guverinoma ya Habyarimana itigeze itegura Jenoside yakorewe Abatutsi akemeza ko nta kintu cyabigaragaje ashingiye kuri ibyo akanzura ko nta Jenoside igomba kuvugwa.

Gisagara ati 'Ni ibintu bihora bigaruka mu bitabo bye yanditse. Icya nyuma ndumva ari kimwe yagiye kugaragaza muri Repubulika Iharanira Demokarasi ya Congo mu minsi yashize akakirwa mu byubahiro bikomeye ku byo yita ko ari Jenoside yakozwe muri RDC.”

“Ni yo mpamvu twumva ari urubanza rukomeye cyane dushyizeho ingufu nyinshi kuko uyu mugabo adahamwe n'icyo cyaha sinumva icyo iryo tegeko ryaba ryaragiriyeho.'

Iryo tegeko ryo mu 1981 rigaragaza ko uzahakana cyangwa uzapfobya Jenoside yakorewe Abatutsi mu 1994 urukiko ruzamukatira igifungo cy'umwaka n'ihazabu ry'ibihumbi 45 by'Amayero (arenga miliyoni 67 Frw y'ubu).

Me Gisagara agaragaza ko urwo rubanza rugaragaza ko abahakana Jenoside yakorewe Abatutsi cyangwa bakayipfobya nkana bishingikirije inzitwazo zose bagomba kumenya ko hari amategeko atuma bahanwa.

Umunya-Cameroun ufite ubwenegihugu bw’u Bufaransa, Charles Onana agiye kuburana ku byaha byo gupfobya Jenoside yakorewe Abatutsi

Umujyi wa Kigali wavuze ko iyi mihanda yubatswe ku bufatanye n'abaturage, nta wundi mufatanyabikorwa, hari n'indi itari muri iyo 17 abaturage biyubakiye ku giti cyabo.

Muri ubu bufatanye, abaturage bakusanya uruhare rwabo rungana na 30% by'amafaranga akenewe yose noneho Umujyi wa Kigali ukabongereraho 70% by'asigaye.

Umujyi wa Kigali wavuze ko hari n'indi mihanda 18 ikiri kubakwa mu bice bitandukanye byawo, gusa ko iyi gahunda igiye kunozwa kurusha uko yakorwaga.

Umuvugizi w'Umujyi wa Kigali, Ntirenganya Emma Claudine, yagize ati 'Umujyi wa Kigali uri kwiga kuri iyo gahunda neza kugira ngo urebe uburyo byakomeza gukorwa neza mu gihe kiri imbere kubera ko mu gihe cyashize iyi gahunda yagiye itinda'.

Ntirenganya yasobanuye ko icyateraga gutinda kw'iyi gahunda ari uko ingengo y'imari y'Umujyi wa Kigali yagiye itinda kuboneka kandi abaturage bo bazanye uruhare rwabo.

Ibi ngo bizakemurwa no gushyiraho amabwiriza yanditse agena uko buri baturage babishaka bazakorana n'Umujyi wa Kigali mu kubaka iyo mihanda bitewe n'aho batuye.

Yongeyeho ko muri uyu mwaka Umujyi wa Kigali ushaka kubanza kurangiza imihanda ikiri kubakwa noneho nyuma gahunda yamaze kunonzwa, ukaba ari bwo wongera kwakira ubusabe bushya bw'abaturage bashaka ko bafatanya.

Gahunda yo kubaka imihanda y'imigenderano ku bufatanye bw'abaturage n'Umujyi wa Kigali yashyizweho nyuma yo kubona ko abaturage bawo banyotewe n'ibikorwaremezo ndetse ubwabo bakaba barashyiraga hamwe amafaranga bakagira ibyo biyubakira.

Iyi gahunda kandi iri mu mushinga w'Umujyi wa Kigali wo kubaka ibilometero 300 by'imihanda y'imigenderano mu rwego rwo koroshya uburyo bwo gutwara abantu n'ibintu.

Imihanda migenderano muri Kigali igenda ishyirwamo kaburimbo ku bufatanye n’abahatuye

Minisiteri ya Siporo ni imwe muri nke cyane zahinduriwe Abaminisitiri muri Guverinoma nshya, ndetse hadashize ukwezi n'Umunyamabanga Uhoraho arasimbuzwa.

Hari abajya baganira batebya bakavuga ko ubundi Umunyamabanga Uhoraho bumva akwiye kuvaho agiye mu kiruhuko cy'izabukuru kuko nyine izina rye ryitwa ko 'ahoraho', ariko inshingano ahabwa n'amategeko zigaragaza ko ari we mutima w'imibereho n'imiyoborere y'urwego akorera, bityo uwavuga ko aho bigenda neza abigiramo uruhare runini n'ibipfa bikamubarwaho ntiyataba yibeshye.

Inzego zifite Ubunyamabanga Buhoraho zirimo Minisiteri zose n'ibigo bitandukanye. Bose bahurira ku nshingano zirimo gucunga imari, ibikoresho kuyobora abakozi no gushyira mu bikorwa igenamigambi.

Muri Minisiteri, Umunyamabanga Uhoraho aba ashinzwe gukurikirana no gushyira mu bikorwa inshingano zayo, gucunga ingengo y'imari n'umutungo no kuyobora abandi bakozi baba abagize ubunyamabanga n'abandi bose bayikoramo hagamijwe kuzuza inshingano zayo.

Nelly Mukazayire abinyujije kuri konti ya X yagize ati 'Nshimiye byimazeyo Perezida Paul Kagame wongeye kumpa andi mahirwe yo gukorera igihugu cyanjye binyuze mu guteza imbere imikino.”

“Siporo ni igice cy'ingenzi mu iterambere ry'u Rwanda, ikagira igice gitera imbere byihuse cyo kwakira ibikorwa bikomeye byaba iby'imbere mu gihugu no hanze yacyo.'

Abayobozi bo mu rwego rwa tekinike babarizwa mu Biro by'Umunyamabanga Uhoraho, abadakorera mu biro bye bagakurikiza amabwiriza aturuka mu biro bye. Gusa ntayobora Minisitiri n'abakorera mu biro bye barimo umujyanama n'umugenzuzi w'imari n'Umunyamabanga wa Leta n'abakorera mu biro bye.

Usibye umushahara mbumbe wa 1.617.505 Frw, Umunyamabanga Uhoraho agenerwa ibindi bimufasha gutunganya umurimo we birimo ibihumbi 100 Frw buri kwezi y'itumanaho rya telefoni yo mu biro, n'andi ibihumbi 100 Frw y'itumanaho rya telefoni igendanwa.

Agenerwa kandi ibihumbi 200 Frw yo kwakira abashyitsi mu kazi buri kwezi, anyura kuri konti ya Minisiteri, akoroherezwa ingendo hakurikijwe amabwiriza ya Minisitiri ushinzwe gutwara abantu n'ibintu.

Ku banyamabanga bahoraho b'ibigo n'inzego zitandukanye, inshingano zigenda ziyongeramo ibyo amategeko abigenga ateganya.

Nk'urugero mu Rwego rw'Umuvunyi, Umunyamabanga Uhoraho ashinzwe gushyira mu bikorwa inshingano z'Urwego akurikije amategeko arugenga, politiki n'umurongo byemejwe n'Inama y'Abavunyi no gushyira mu bikorwa igenamigambi ry'Urwego.

Ashinzwe kandi gucunga imari, ibikoresho n'abakozi b'Urwego; no gutunganya indi mirimo ijyanye n'inshingano y'Urwego yahabwa n'Inama y'Abavunyi.

Ingingo ya 112 y'Itegeko Nshinga iteganya ko Perezida wa Repubulika ashyiraho iteka ryemezwa n'Inama y'Abaminisitiri ryerekeye gushyiraho no kuvanaho abayobozi barimo Abanyamabanga Bahoraho muri za Minisiteri n'Abanyamabanga Bakuru b'izindi nzego za Leta.

Nelly Mukazayire yahawe inshingano zo kuba Umunyamabanga Uhoraho muri Minisiteri ya Siporo

Rutahizamu w’umunyarwanda ukinira Namungo FC muri Tanzania, Meddie Kagere yasabye abakinnyi ba APR FC kumva ko gutsinda Pyramids FC bishoboka kandi ko muri Champions League amanota 3 yo mu rugo ari ingenzi cyane.

Kuri uyu wa Gatandatu tariki ya 14 Nzeri 2024 APR FC iracyira Pyramids FC mu mukino ubanza w’ijonjora rya nyuma rya CAF Champions League ni mu gihe umukino wo kwishyura uzaba tariki ya 20 Nzeri 2024, ikipe izakomeza ikazagera mu matsinda.

APR FC ikaba iri mu rugamba rwo kugera mu matsinda, ikandika amateka akomeye cyane ko itarageraho.

ISIMBI yaganiriye na Meddie Kagere, umwe mu bakinnyi b’abanyarwanda bakinnye amatsinda bakanayarenga ari kumwe na Simba SC, avuga uburyo abakinnyi bitwara mu gihe ikipe iri mu bihe nk’ibyo APR FC irimo uyu munsi.

Kagere yavuze ko byose ari mu mutwe kumva ko ushobora gutsinda, ukamenya ko mu rugo wabonye amanota ya we 3.

Ati “byose ni mu mutwe, kuba ufite umwuka wo gutsinda kuko Champions League ni urugamba rw’abagabo, ayo makipe aba ari yo yatwaye ibikombe mu bihugu bya yo, iyo ahuye ni iyihe ifite imyumvire yo gutsinda, icyo ni cyo cy’ingenzi kigora amakipe.”

“Ikindi muri Champions League ntabwo ugomba gutsindirwa mu rugo, umukino wo hanze na wo ugashaka inota rimwe ariko mu rugo ugomba gutsinda. “

Yakomeje avuga muri Champions League bisaba kuguma mu mukino kuko no ku isegonda rya nyuma ikipe yagutsinda.

Meddie Kagere yahishuye ko ari umukunzi wa APR FC ndetse ayikurikirana, yizeye ko iza gutsinda kuko ifite abakinnyi beza n’umutoza mwiza.

Ati “njye ndi umufana ukomeye wa APR FC, ifite umutoza mwiza, bafite abakinnyi beza rero bagomba gukorera hamwe nk’ikipe, bitabaye ibyo bashobora gutsindwa.”

Meddie Kagere yakiniye amakipe atandukanye nka Mukura VS, Police FC, Rayon Sports, Gor Mahia yo muri Kenya, Simba SC na Singida Black Stars zo muri Tanzania.

Yavuze ko APR FC ifite abakinnyi beza bashobora gusezerera Pyramids FC

Iyi Siporo rusange yitabiriwe kandi n'bayobozi b’Akarere n’inzego z’umutekano. Ubuyobozi bw'Akarere ka Nyagatare, bwatangaje ko abayitabiriye iyi siporo basabwe kuzitabira igitaramo cya MTN Iwacu Muzika Festival, bakanashishikariza abandi kuzitabira kandi bakahagera kare, bahawe kandi ubutumwa burimo kunywa mu rugero no kwirinda ibiyobyabwenge.

Ibi bitaramo bikomereje muri aka karere, nyuma yo gutanga ibyishimo mu Karere ka Gicumbi ndetse na Musanze. Kuri uyu wa Gatandatu tariki 14 Nzeri 2024, biteganyijwe ko aba bahanzi bataramira muri aka Karere, mu rwego rwo kwiyegereza abafana n'abakunzi babo.

Benshi mu buhanzi ni ubwa mbere bagiye gutaramira muri kariya kare. Mbere yo kwitabira Siporo rusange, babanje kuganira n’itangazamakuru, buri umwe avuga uko yiteguye gususurutsa abakunzi be muri ibi bitaramo byihariye.

Abahanzi barindwi nibo bitabiriye ibi bitaramo bya 'MTN Iwacu Muzika Festival' barimo Bruce Melodie, Bwiza, Kenny Sol, Ruti Joel, Danny Nanone, Bushali ndetse na Chriss Eazy. Bombi barataramira kuri Sitade ya Kaminuza y'u Rwanda ishami rya Nyagatare.

Kuri iyi nshuro ibi bitaramo byatewe inkunga n'uruganda rwenga ibinyobwa bisembuye n'ibidasembuye rwa Bralirwa.

Akarere ka Nyagatare ni kamwe mu Turere 7 tugize Intara y’Iburasirazuba. Icyicaro cy'Akarere kiri mu Murenge Nyagatare, mu Kagari ka Nyagatare. Akarere ka Nyagatare gahana imbibi n’Akarere ka Gatsibo mu Majyepfo, Akarere ka Gicumbi mu burengerazuba. Akarere ka Nyagatare gahana imbibi n’Igihugu cya Uganda mu Majyaruguru hamwe n’Igihugu cya Tanzania mu burasirazuba. 

Bruce Melodie ari kumwe n’umurinzi we Jean Luc muri siporo y’umugoroba muri Nyagatare

Umuhanzi Chriss Eazy akora siporo ari kumwe n’abaturage bo mu Nyagatare

Abaturage ba Nyagatare basabwe kwitabira ibitaramo bya MTN Iwacu Muzika Festival

Siporo ni ubuzima!

Umuhanzi Chriss Eazy ari kumwe n’umujyanama we Junior Giti mu bitabiriye Siporo y’umugoroba

Abitabiriye iyi siporo basabwe kwirinda ibiyobwenge no kunywa mu rugero

Abayobozi mu Karere ka Nyagatare bitabiriye iyi siporo yahuje amagana y’abaturage

Inzego z’umutekano zafashije abitabiriye iyi siporo y’umugoroba kuyikora mu ituze 

Umuyobozi wa East African Promoters, Mushyoma Joseph [Ubanza ibumoso] aganiriza abitabiriye iyi siporo y’umugoroba

Ku mugoroba wo kuri uyu Wa Katanu taliki ya 13 Nzeri 2024 nibwo ikipe ya Rayon Sports yatangaje ubu bwegure ibinyujije ku mbugankoranyambaga zayo aho yanditse iti “Perezida Jean Fidele Uwayezu yafashe umwanzuro wo guhagarika inshingano zo kuyobora umuryango wa Rayon Sports ku mpamvu z'uburwayi”.

Uwayezu Jean Fideli yeguye ku mwanya wo kuyobora Rayon Sports yari yaragiyeho mu kwezi kwa 10 kwa 2020 nyuma y’uko iyi kipe yari ifite ibibazo mu buyobozi byari hagati ya Munyakazi Sadate wayoyoboraga icyo gihe ndetse n’abandi bayobozi bayiyoboye kera bari mu cyiswe ‘Imena za Rayon Sports’.  

Icyo gihe hari hifashishijwe u Rwego rw’igihugu rw’imiyoborere myiza (RGB) mu gutegura amatora aho hari hategetswe ko ntawemerewe kwiyamamaza kandi yari yarigeze aba mu boyobozi bwa Rayon Sports. 

Nyuma yuko Uwayezu Jean Fideli ariwe utorewe kuyobora Rayon Sports hari ibibazo by”ungutu yagombaga guhangana nabyo birimo kuba iyi kipe yari ifite ubukene bukomeye bitewe n’ikibazo cya COVID-19 cyari cyaragize ingaruka ku makipe menshi ndetse n’ibindi.

Nubwo benshi bavuga ko hari ibyagiye bimunanira birimo cyane cyane ibijyanye no mu kibuga ariko hari ibyo azibukirwaho ;

Uwayezu Jean Fideli yakemuye ibibazo by’imanza Rayon Sports yahoragamo

Mbere yuko uyu mugabo yinjira muri Rayon Sports byaragoranaga kuba hashira umwaka iyi kipe idafite urabanza rw’imukinnyi cyangwa umutoza wayireze mu ishyirahamwe ry’umupira w’amaguru mu Rwanda, FERWAFA cyangwa mu impuzamashyirahamwe y’umupira w’amaguru ku Isi FIFA bitewe nuko yamwirukanye mu buryo bunyuranyije n’amategeko ,hari ibitubahirijwe mu masezerano yagiranye nayo cyangwa se kuko hari imishahara itamuhaye.

Akenshi izi manza yaranazitsindwaga ugasanga buri mwaka hari amafaranga menshi itakaza kuberazo kandi yagagakoreshejwe ibindi.

Yaciye amashyamba muri Rayon Sports

Mbere yuko Uwayezu Jean Fideli yinjira muri Rayon Sports hari ikintu cyari kiyirimo cyari cyariswe amashyamba aho wasangaga abantu bamwe barwanya abandi cyane cyane binyuze mu bayiyoboye banafite ijambo rikomeye.

Rimwe na rimwe hari n’imikino iyi kipe yatsindwaga ugasanga hari abakinnyi bayo babigizemo uruhare bitewe nuko baguzwe n’umuntu runaka ariko muri iyo minsi akaba ari muri ayo mashyamba atari kumvikana n’umuyobozi uriho.

Nubwo abenshi babyita kuyoboza igitugu ariko kuva ku munsi wa mbere Uwayezu Jean Fideli ageze muri Rayon Sports nta muntu wigeze atinyuka ku muvangira ndetse n’abari batangiye kubigerageza yakoresheje ikiganiro n’itangazamakuru cyo kubihanangiriza.

Gushaka abafatanyabikorwa batandukanye 

Ubwo Uwayezu Jean Fideli yagirwaga Perezida wa Rayon Sports, ntabwo iyi kipe yari ifite abafatanyabikorwa benshi ndetse yewe n’Uruganda rwa SKOL wari umufatanyabikorwa bari baratangiye gushwana rigiye kubivamo nyuma yuko Munyakazi Sadate yari yaravuze ko rubaha amafaranga macye.

Akihagera n’icyo kibazo yahereyeho bariyunga ndetse n’amafaranga rwatangaga ariyongera nyuma ashaka n’abandi bafatanyabikorwa barimo Choplife,Kwesa Collection,Tap & Go ndetse n’abandi.

Yishyuye umwenda warenga miliyoni 800

Muri 2020 ubwo Urwego rw'igihugu rw'imiyoborere 'RGB' rwari rimaze kwinjira mu bibazo bya Rayon Sports rwasanzer ifite umwenda w’amafaranga arenga miliyoni 800 z’Amanyarwanda kandi kuri konti yayo hariho amafaranga angana n’ibihumbi 200 Frw gusa.

Ibi bibazo byose byagombaga kujya ku mutwe wa Uwayezu Jean Fideli none mu mwaka ushize ubwo yari mu kiganiro n’itangazamakuru yari yavuze ko uyu mwenda ageze kure awishyura.

Yashinze ikipe y’abagore

Kimwe mu bintu Uwayezu Jean Fideli azibukirwaho mu myaka 4 iburaho iminsi micye yaramaze muri Rayon Sports harimo kuba yarashinze ikipe y’abagore kandi igakomera. 

Iyi kipe yayishinze muri 2022 ihera muri shampiyona y’icyiciro cya kabiri ihita yegukana igikombe inagera ku mukino wa nyuma w’igikombe cy’Amahoro gusa birangira itsinzwe na AS Kigali WFC.

Nyuma yuko izamutse muri shampiyona y’icyiciro cya mbere nta gutinzamo yahise yegukana igikombe mbere cyayo ndetse inatwara igikombe cy’Amahoro itsinze AS Kigali WFC ku mukino wa nyuma.

Yafashije Rayon Sports gutwara igikombe cy’Amahoro 

Muri Manda ya Uwayezu Jean Fideli muri Rayon Sports ntabwo wakibagirwa ko iyi kipe yegukanye igikombe cy’Amahoro cya 2023 itsinze APR FC ku mukino wa nyuma igitego 1-0.

Ibindi bikombe yayifashije gutwara ni icya Super Cup itsinze APR FC ibitego 3-0 ndetse n’icya RNIT.

Yazanye gahunda yo kumurika imyambaro mishya mbere  yuko umwaka w’imikino utangira

Uwayezu Jean Fideli niwe wazanye gahunda yuko mbere yuko umwaka mushya w’imikino utangira, Rayon Sports igomba kuzajya imurika umwambaro mushya ugizwe nuwo mu rugo(home kit) ,uwo hanze(away kit) nuwa 3(third kit) ndetse ku buryo na buri mufana ushaka kuwugura awubona mu buryo bumworoheye.

Uwayezu Jean Fideli weguye ku buyobozi bwa Rayon Sports afite byinshi byo kumwibukiraho 

Ubwo Rayon Sports yegukanaga igikombe cy’Amahoro i Huye ni itsinze APR FC bimwe mu byo kuzibukira kuri Uwayezu Jean Fideli 

Babitangaje ku wa 11 Nzeli 2024, ubwo batangizaga ku mugaragaro igihembwe cy'ihinga cya 2025A. Ni igikorwa cyabereye mu kagari ka Mwendo ahamaze gucibwa amaterasi ku buso bwa hegitari 58.

Rutsiro ni kamwe mu turere tugize uruhererekane rw'imisozi y'isunzu rya Congo-Nil. Iyi misozi yahozeho ishyamba Gishwati-Mukura, abaturage baritema bagira ngo babone aho guhinga no gutura gusa kubera isuri ubutaka bwangiye butakaza intungabihingwa umusaruro uragabanuka.

Mugorozi Athanasie, ufite umurima mu misozi yamaze gucibwaho amaterasi y'indinganire yabwiye IGIHE ko ubutaka bwe butarangizwa n'isuri yezaga ibiro 300 by'ibigori, ariko ngo kubera isuri umusaruro wabyo waragabanutse ugera ku bilo 30.

Ati 'Twarahingaga twashyiramo ifumbire isuri ikayitwara umusaruro ukaba muke ariko kubera ko badukoreye amaterasi dufite icyizere ko nitubona imvura ihagije tuzongera tukabona umusaruro mwinshi'.

Uwimana Genereuse yavuze ko yezaga ibigori byinshi n'ibishyimbo agahunika mu mitiba n'ibigega ariko ngo umusaruro wari waragabanutse cyane kubera isuri.

Ati 'Icyo mbona cyakorwa kugira ngo umusaruro ukomeze kwiyongera ni uko amaterasi nk'aya yagera ahantu hose atari, kuko afata ubutaka ifumbire ntitwarwe n'isuri'.

Umuyobozi Mukuru w'Umuryango ARCOS, Dr Sam Kanyamibwa avuga ko aya materasi yatangirijweho igihembwe cy'ihinga cya 2025A, bayaciye muri gahunda y'umushinga MULAKILA wo kubungabunga ibidukikije n'urusobe rw'ibinyabuzima mu turere twa Rutsiro na Ngororero uzamara imyaka 30.

Ati 'Igikorwa cyo guca amaterasi kizamara imyaka itatu ariko ibikorwa byo kubungabunga urusobe rw'ibinyabuzima n'ibidukikije bizamara imyaka 30. Hano mu Karere ka Rutsiro tumaze guca amaterasi kuri hegitari 400, ariko tuzakomeza kuko duteganya gukora amaterasi kuri hegitari 1200 bitarenze imyaka itatu.'

Umuyobozi w'Ikigo cy'Igihugu gishinzwe ubuhinzi n'ubworozi RAB, sitasiyo ya Gakuta, Kimenyi Martin, yasabye abahinzi bakorewe amaterasi y'indinganire kwita ku mbuto baterewe no gutegura hakiri kare aho bazahunika umusaruro kugira ngo utazangirikira mu iyanika n'iyanura.

Umuyobozi w'Akarere ka Rutsiro wungirije, ushinzwe iterambere ry'ubukungu, Uwizeyimana Emmanuel yavuze ko kuva igikorwa cyo guca amaterasi cyatangira bamaze gukora amaterasi y'indinganire ku buso bwa hegitari 6000, ndetse ko iki gikorwa gikomeje kuko bagifite imisozi itaracibwaho amaterasi.

Ati 'Abaturage icyo tubasaba ni ugufata neza ibi bikorwaremezo baba begerejwe no kubibyaza umusaruro. Turabasaba guhingira ku gihe ku buryo bitarenze itariki 20 Nzeri, bose bazaba bamaze gutera, ikindi tubasaba ni ugukoresha inyongeramusaruro kugira ngo bazabone umusaruro mwinshi kuri hegitari babashe kwihaza mu biribwa'.

Abafite imirima mu materasi yaciweho amaterasi y'indinganire bahawe ishwagara, ifumbire mvaruganda n'imborera mu rwego rwo gusubiza mu butaka intungagihingwa zatwawe n'isuri.

Mu Karere ka Rutsiro batangije igihembwe cy’ihinga cy’umuhindo

Mu Karere ka Rutsiro imisozi ikunze kwibasirwa n’isuri iri gucibwaho amaterasi y’indinganire

Umuyobozi Mukuru wa ARCOS, Dr Sam Kanyamibwa yavuze ko bateganya guca amaterasi ku buso bwa hegitari 1200 mu Karere ka Rutsiro