Category: Uncategorized

APR FC yanganyije igitego kimwe kuri kimwe na Pyramids FC muri CAF Champions League, urugendo rwo matsinda ruzamo ibihekane.

Kuri uyu wa Gatandatu tariki ya 14 Nzeri 2024 APR FC yari yakiriye Pyramids FC mu mukino ubanza w’ijonjora rya nyuma rya CAF Champions League.

Umukino wo kwishyura uzabera mu Misiri tariki ya 21 Nzeri, ikipe izakomeza izahita ijya mu matsinda ya CAF Champions League.

Umutoza wa APR FC akaba yari yahisemo kubanzamo 11 yakoresheje asezerera Azam FC.

Yari yabanjemo; Pavelh Ndzila, Byiringiro Gilbert, Niyomugabo Claude, Nshimiyimana Yunusu, Niyigena Clement, Taddeo Lwanga, Seidu Dauda Yussif, Mahamadou Lamine Bah, Ruboneka Bosco, Mugisha Gilbert na Mamadou Sy

Mu minota 15 ya mbere y’umukino wabonaga amakipe yombi akinira mu kibuga agerageza kurema uburyo bw’ibitego ariko nta bufatika bwabonetsemo.

Ku munota wa 17, Karim Hafez yahinduye umupira mwiza imbere y’izamu ariko Pavelh Ndzila kuwufata ngo awugumane biranga, gusa habuze umukinnyi wa Pyramids FC ushyira mu izamu.

Ku munota wa 22, Ruboneka Bosco yagerageje ishoti rikomeye yatereye inyuma y’urubuga rw’amahina ariko umunyezamu Ahmed Naser awukuramo.

Muri iyi minota APR FC yari yashyize igitutu kuri Pyramids, yisirisimbya imbere y’izamu rya yo.

Ku munota wa 36, Seidu Dauda yateye ishoti rikomeye ariko umupira unyura hanze gato y’izamu. Amakipe yagiye kuruhuka ari ubusa ku busa.

APR FC yatangiye igice cya kabiri ishaka igitego ndetse iza no kukibona ku munota wa 50 cyitsinzwe na Mohamed Chibi, ni ku mupira wari utewe mu izamu na Mamadou Sy.

Ku munota wa 63, Mugisha Gilbert yacomekewe umupira mwiza ariko ateye mu izamu unyura hejuru.

Ku munota wa 64, APR FC yakoze impinduka za mbere, Taddeo Lwanga wagize umukino mwiza yasimbuwe na Aliou Souane.

Ku munota wa 75, APR FC yakoze impinduka za kabiri, Mamadou Sy na Mahamadou Lamine Bah bavuyemo hinjiramo Victor Mbaoma na Richmond Lamptey.

APR FC yaje kwishyurwa iki gitego ku munota wa 83 gitsinzwe na Fiston Kalala Mayele ku mupira wari uvuye muri koruneri.

Ku munota wa 90, Tuyisenge Arsene na Niyibizi Ramadhan binjiye mu kibuga basimbura Mugisha Gilbert na Seidu Dauda bavuyemo. Umukino warangiye ari 1-1.

Ikipe ya APR FC nubwo yanganyije na Pyramids FC ariko yagiye mu mibare igoranye bitewe nuko ubwo mu mukino wo kwishyura uzabera mu Misiri isabwa gutsinda igitego 1-0 kugira ngo ikomeze ijye mu matsinda

Uko umukino wagenze  umunota ku munota;

Umukino urangiye amakipe yombi anganya igitego 1-1

90+3′ Bamwe mu bafana bambaye imyambaro ya Rayon Sports bari gufana Pyramids FC 

90+3′ Bamwe mu bafana ba APR FC batangiye gusohoka muri Stade Amahoro

90+2′ Abakinnyi ba Pyramids FC nibo bafite umupira bari guhererekanya gake gake mu buryo bwo gutinza iminota

Umukino wongeweho iminota 4

89′ APR FC ikoze impinduka mu kibuga havamo Mugisha Gilbert na Dauda Yussif hajyamo Nyibizi Ramdhan na Tuyisenge Arsene

87′ Pyramids FC ikoze impinduka mu kibuga havamo Ibrahim Blati hajyamo Ahmed Tawfik

82′ Ikipe ya Pyramids FC ibonye igitego cyo kwishyura gitsinzwe na Fiston Kalala Mayele ku mupira mwiza waruzamuwe maze ashyiraho umutwe uragenda unyeganyeza inshundura

78′ Darko Novic utoza APR FC nawe akoze impinduka mu kibuga havamo Mamadou Sy na Mamadou lamine Bah hajyamo Richmond Lamptey na Victor Mbaoma

76′ Umutoza Pyramids FC akoze impinduka mu kibuga akuramo Ramadan Sobhi na hajyamo Youssef Morsy

73′ Pyramids FC ibonye kufura nziza ku ikosa ryari rikozwe na Mamadou Lamine Bah  iterwa na Ahmed Saad gusa umupira unyura impande y’izamu gato cyane

68′ Pyramids FC ikoze impinduka mu kibuga havamo Ramadan Sobhi hajyamo Mohamed Reda Mohamed

67′ Nyamukandagira yabaye Nyamukandagira ikomeje gushaka igitego cya akabiri,uwitwa Mamadou Lamine Bah arekuye ishoti risanga Mamadou Sy ari mu rubuga rw’amahina akozaho agatsi myugariro wa Pyramids n’umunyezamu baratabara

64′ APR FC ikoze impinduka mu kibuga havamo Thadeo Lwanga hajyamo Aliou Souane

62′ Mugisha Gilbert yihambuye ishoti gusa kubw’amahirwe macye rinyura hejuru y’izamu gato cyane

60′ Pyramids FC irase igitego cyo kwishyura ku mupira waruhinduwe na Karim Hafez Ramadan ashaka Fiston Mayele ariko birangira ba myugariro  ba APR FC bakinnye neza

54′ Nyuma yuko Nyamukandagira ifunguye amazamu abafana bari gufana mu buryo budasanzwe aho abenshi bacanye amatara ya telefone 

50′ APR FC ifunguye amazamu ku mupira mwiza waruhinduwe na Mamadou Lamine Bah maze myugariro wa Pyramids FC,Mohamed Chibi ahita yitsinda

47′ Pyramids FC yaribonye uburyo buremereye ku mupira waruvuye kuri kufura maze Ramadan Sobhi arekura ishoti ritaremereye Pavelh Ndzira arifata nta kugorana kubayemo

46′ Igice cya kabiri gitangijwe na APR FC ariko Mugisha Gilbert bahita bamwambura umupira

Igice cya kabiri kiratangiye

Igice cya mbere kirangiye amakipe yombi anganya 0-0

45+1′ Mamadou lamine Bah yambuye umupira Fiston kalala Mayele ahita awucomekera neza Mugisha Gilbert gusa birangira ba myugaro ba Pyramids FC babaye maso

Igice cya mbere cyongeweho iminota 2 

43′ Umupira ufitwe n’abakinnyi ba APR FC barimo barawuhererekanya gake gake

39′ Niyomugabo Claude azamuye umupira mwiza usanga Ruboneka Jean Bosco ashyiraho umutwe gusa birangira unyuze haruguru y’izamu

36′ Pyramid FC irase uburyo, Karim Hafez azamukanye umupira ku ruhande rw’ibumoso awuhindura mu rubuga rw’amahina ufatwa na Mostafa Mohamed Fathi arekura ishoti nti ryamukundira ngo rigane mu izamu

35′ Inkuba irakubise muri Stade Amahoro,uwitwa Dauda Yussif arekuye ishoti ripima amatoni ari inyuma y’urubuga rw’amahina riragenda rikubita igiti cy’izamu umupira uhita urenga

33′ Umupira uri gukinirwa mu kibuga hagati amakipe yombi yakaniranye nta nimwe ishaka ko indi igenda

30′ Mostafa Mohamed Fathi wa Pyramids FC yinjiye mu rubuga rw’amahina acenga arekura ishoti gusa Pavelh Ndzira aratabara

26′ APR FC ibonye koroneri ku mupira muremure waruzamuwe na Nshimiyimana Yunusu ashaka Mugisha Gilbert mu rubuga rw’amahina gusa birangira Ahmed Chibi awurengeje

25′ Ramadan Sobhi abonye ikarita y’umuhondo ku ikosa akoreye Thadeo Lwanga mu kibuga hagati

24′ Ikipe ya APR FC muri iyi minota yihariye umukino,uwitwa Dauda Yussif abonye umupira ari inyuma y’urubuga rw’amahina asabwa kuwusunika gato gusa arawutinda birangira awutakaje

20′ Nyamukandagira yongeye ku bona uburyo buremereye imbere y’izamu ku ishoti ripima amatoni rirekuwe na Ruboneka Jean Bosco ari inyuma y’urubuga rw’amahina  gusa umunyezamu wa Pyramids FC agatabara

19′ Byiringiro Gilbert wa APR FC akomewe amashyi n’abafana nyuma yuko  azamukanye umupira mu kibuga hagati acenga abakinnyi ba Pyramids FC bakamutereka hasi umusifuzi agatanga ikosa

16′ Rutahizamu ukomoka muri Repubulika iharanira Demokarasi ya Congo,Fiston Kalala Mayele arase igitego cyabazwe aho yari abonye umupira utakajwe na Nshimiyimana Ynussu gusa atinda kuwutereka mu izamu Pavelh Ndzira aratabara

10′ Fiston Kalala Mayele yaragerageje uburyo bwa mbere imbere y’izamu arekura ishoti gusa birangira umusifuzi asifuye ko Yussif Dauda yakorewe ikosa

9′ Mamadou Sy yari abonye uburyo ari mu rubuga rw’amahina aho myugariro wa Pyramids FC , Ahmed Saad yarahaye umupira mugufi umunyezamu we  Elshanawi agiye gufata birangira byanze

5′ Pyramids FC ibonye kufura yariteretse hafi y’umurongo ugabanyamo ikibuga 2 iterwa na Mohamed Chibi ashaka imitwe ya barutahizamu gusa birangira umupira urenze

3′ Abafana b’ikipe ya APR FC batangiranye umurindi aho umukinnyi w’ikipe yabo ari gufata umupira ubundi bakavugira rimwe

2′ Ikipe ya APR FC yari igerageje kurema uburyo bwa mbere aho Mugisha Gilbert yarahaye umupira Niyomugabo Claude ariko birangira ba myugariro ba Pyramids FC bawurengeje

1′ Umukino utangijwe n’ikipe ya Pyramids FC 

Umukino uratangiye

17:59′ Mbere yuko umukino utangira hafashwe umunota wo kwibuka uwahoze ari umutoza wa Pyramids witabye Imana 

17:57′ Amakipe yombi ari kwifotoza

17:55′ amakipe yombi avuye mu rwambariro mbere yuko umukino utangira

17:38′ Abakinnnyi b’amakipe yombi basubiye mu kibuga nyuma yo kwishyushya

17:27′ Aba MCS bo kuri uyu mukino,Brian na Guss barimo barashyushya abafana aho bari ikugenda babwira bakazunguza utubendera twa APR FC bafite

Abakinnyi 11 Krunoslac Jurcic utoza Pyramids FC yabanje mu kibuga;El-Shenawy,Mahmoud Marei,Ahmed Saad,Ibrahim Blati Toure,Fiston Kalala Mayele,Ramadan Sobhi,Mostafa Mohamed Fathi, Mohanad Mostafa Ahmed, Mohamed Chibi,Mohamed Sharaf Eldin na Karim Hafez Ramadan Seifeldini

Abakinnyi 11 Darko Novic utoza APR FC yabanje mu kibuga;

Mu izamu: Pavelh Nzila;

Ba Myugariro: Niyigena Clement, Nshimiyimana Yunusu, Niyomugabo Claude, na Byiringiro Gilbert;

Abakina hagati: Seidu Dauda Yussif, Taddeo Lwanga, Mohamadou Lamine Bah

Abasatira: Mugisha Gilbert, Ruboneka Jean Bosco na Mamadou Sy

17:18′ Abakinnyi ba Pyramids Fc barangajwe imbere na Fiston Kalala Mayele nabo basohotse mu rwambariro bagiye kwishyushya

17:10′ Abakinnyi b’ikipe ya APR FC basohotse mu rwambariro aho bagiye kwishyushya bakirwa n’abafana aho bamwe bari kuvuza vuvuzera naho abandi bakazunguza utubendera tw’ikipe y’ingabo y’igihugu

Abafana ba Rayon Sports ni bamwe mu baje kwihera ijisho uyu mukino

17:6′ Mu gihe umukino ubura iminota micye ngo utangire abafana bamaze kuzura igice cyo hasi naho icyo hejuru harimo bacye

16:32′ Amakipe yombi ari gutembera mu kibuga mbere yuko umukino utangira gukinwa

Abakinnyi 11 Krunoslac Jurcic utoza Pyramids FC ashobora kubanza mu kibuga;

Mu izamu:El-Shenawy

Ba myugariro:Mohamed Chibi,Ahmed Samy,Mohamed Hamdy,Karim Hafez

Abakina hagati: Blati Toure,Mohanad Lasheen, Walidi El Karti

Abasatira:Mostafa Fathi, ,Fagrie Lakay na Fiston Kalala Mayele

Abakinnyi 11 Darko Novic utoza APR FC ashobora kubanza mu kibuga

Mu izamu: Pavelh Nzila;

Ba Myugariro: Niyigena Clement, Nshimiyimana Yunusu, Niyomugabo Claude, na Byiringiro Gilbert;

Abakina hagati: Seidu Dauda Yussif, Taddeo Lwanga, Mohamadou Lamine Bah

Abasatira: Mugisha Gilbert, Ruboneka Jean Bosco na Mamadou Sy

Ikipe ya APR FC yageze mu ijonjora rya kabiri rya CAF Champions League nyuma yuko isezereye Azam FC yo muri Tanzania ku kinyuranyo cy’ibitego 2 -1 mu ijonjora ry’ibanze mu gihe Pyramids yo yari yari yasezereye JKU S.C yo muri Zanzibar ku kinyuranyo cy’ibitego 9-1.

Muri rusange amateka yerekana ko APR FC imaze gukina imikino 70 ya CAF Champions League ikaba yaratsinzemo imikino 25,inganya 16 itsindwa 29.

Iyi kipe y’Ingabo z’igihugu iheruka gutsindirwa mu rugo muri CAF Champions League taliki ya 2 Mutarama 2017 ubwo yatsindwaga na Zanaco FC igitego 1-0 bikaba byari mu mukino wo kwishyura w’ijonjora ry’ibanze.

APR FC na Pyramids zigiye guhura nyuma yuko n’ubundi mu mwaka ushize zari zahuye muri iki cyiciro aho mu mukino ubanza n’ubundi wabereye mu Rwanda warangiye amakipe yombi anganya 0-0 naho mu mukino wo kwishyura wabereye mu Misiri ukaba wararangiye Pyramids FC itsinze ibitego 6-1.

Ni inshuro ya 14 APR FC igiye guhura n’amakipe yo mu Misiri ikaba yarashoboye gutsindamo umukino umwe wo muri 2004 ubwo yatsindaga Zamarek ibitego 4-1,inganya 4 itsindwa inshuro 9.

Mbere yuko iri rushanwa rihuza amakipe yabaye ayambere iwayo rya CAF Champions League rihundirwa izina rikiri African Cup winners’ cup, muri 2003 ikipe ya APR FC yakoze amateka igera muri 1/2. Icyo gihe muri 1/16 yari yasezereye US Kenya iyitsinze ibitego 9-2 muri rusange,muri 1/8 isezerera Etoile du Congo iyitsinze ibitego 5-1 mu mukino ubanza nuwo kwishyura,muri 1/4 isezerera Asante Kotoko banganyije ibitego 2-2 ariko igitego cyo hanze gikora itandukaniro naho muri 1/2 ikaba yari yahuye na Julius Berger ari nayo yayisezereye ku kinyuranyo cy’ibitego 3-2.

“>

“>

AMAFOTO: Ngabo Serge-InyaRwanda

VIDEO: Eric Munyantore+Yaka Emmanuel

Uyu mukobwa yahize bagenzi be 41 bageranye mu cyiciro cya nyuma mu birori bikomeye byabaye mu ijoro ryo kuri uyu wa Gatanu rishyira kuri uyu wa Gatandatu tariki 14 Nzeri 2024, byabereye ahitwa Somaby mu Misiri.

Saluta yanditse amateka akomeye muri iri rushanwa kuko umukobwa wari wabashije kuza hafi muri iri rushanwa afite inkomoko muri Philippines, ari uwitwa Shanon Tampon, wabashije kuba igisonga cya mbere Miss Elite World 2022.

Mu 2021, umunya-Phillippines, Chella Falconer yahawe guhagararira iki gihugu mu 2023 mu irushanwa Miss Elite, ariko nyuma aza kwikuramo ku mpamvu ze bwite.

Saluta w'imyaka 20 y'amavuko wegukanye ikamba rya Miss Elite World, yanegukanye igikombe cy'umukobwa w'inseko icyeye (Best Smile Award). Yambitswe ikamba na Mejreme Hajdaraj yasimbuye, wari usanzwe ufite ikamba rya Miss Elite 2023.

Uyu mukobwa yagaragiwe na Victoria Maneiro wo muri Venezuela wabaye igisonga cya mbere, Irene Grande wo muri Espagne wabaye igisonga cya Kabiri, Sofia Gonzalez wo muri Mexico wabaye igisonga cya Gatatu na Tawana Sheldrick wabaye igisonga cya Kane.

Juvyel Anne Saluta yabaye umunya-Philippines wa mbere wegukanye ikamba rya Miss Elite World

Juvyel Anne Saluta yambitswe ikamba na Mejreme Hajdaraj yasimbuye wabaye Miss Elite World

Juvyel ari kumwe n'ibisonga bye, nyuma yo kugera mu cyiciro cya nyuma muri iri rushanwa

Ni urutonde rwakozwe n'urubuga Leading Ladies Africa rusanzwe rukora intonde cyane cyane zibanda ku bagore banyuranye bagaragaza impinduka muri Afurika. Uru rubuga ruherutse gukora urutonde rw'abagore 100 bigaragaje cyane mu gihugu cya Nigeria, mu 2023.

Mu ijoro ryo kuri uyu wa Gatanu tariki 13 Nzeri 2024, Leading Ladies Africa isanzwe ikorera mu Mujyi wa Lagos muri Nigeria, yasohoye urutonde rugaragaraho umunyarwandakazi Sherrie Silver nk'umwe mu bagore bari kugaragaza impinduka mu ruganda rw'imyidagaduro muri Afurika.

Uru rubuga rwasobanuye ko, aba bagore bari gukora ibikorwa bituma abakobwa bagenzi babo babafatiraho urugendo, mu bihugu bitandukanye byo ku Isi.

Uru rutonde rw'abagore batanu bo muri Afurika bari kwigaragaza cyane ruriho umuhanzikazi wo mu gihugu cya Nigeria, Oyinkansola Sarah Aderibigbe wamenyekanye nka Ayra Star, umukinnyi wa filime wabaye icyamamare ku Isi, Lupita Nyongo.

Hari kandi umunya-Afurika y'Epfo, Tayla Laura Seethal uzwi nka Tyla, umubyinnyi mpuzamahanga w'umunyarwanda, Sherrie Silver ndetse n'umunyarwenya ukomeye mu Karere k'Afurika y'Iburasirazuba, Anne Kansiime.

Mu butumwa yatambukije ku rubuga rwa Instagram, Anne Kansiime yagaragaje ko igihe aba yihugiyeho cyangwa se asinziriye, Imana iba iri kumukorera ibitangaza- Ni ubutumwa yatambukije agaragaza ko yakozwe ku mutima no kuba yashyizwe kuri uru rutonde.

Sherrie Silver ashyizwe kuri uru rutonde, nyuma y'uko ku wa Gatandatu tariki 7 Nzeri 2024, yahurije ibyamamare muri Kigali Convention Center mu birori yise 'The Silver Gala'.

Ni ibirori byabaye ku nshuro ya mbere, ndetse byakusanyirijwemo arenga Miliyoni 10 yo gufasha umuryango Sherrie Silver Foundation ufasha abana batishoboye. 

Sherrie Silver yasohotse ku rutonde rw’abagore batanu bari kugaragaza impinduka ku Mugabane wa Afurika

  

Sherrie Silver wamenyekanye cyane mu mbyino zinyuranye, yashyizwe mu bagore 5 babereye ikitegererezo abakiri bato

Lupita Amondi Nyong’o wamamaye muri filime zirimo ‘Black Panther’ yasohoye ku rutonde rw'abagore bari kugaragaza impinduka muri Afurika

Anne Kansiime wataramiye i Kigali mu bihe bitandukanye, yanyuzwe no gusohoka kuri uru rutonde

Ayra Star wamamaye mu ndirimbo zinyuranye yashyizwe mu bagore bari guhindura imyidagaduro muri Afuria- Mu bihe bitandukanye hari abagerageje kumutumira mu Rwanda biranga

Umuhanzikazi Tyla wo muri Afurika y'Epfo, uheruka mu Rwanda ubwo yari yitabiriye itangwa ry'ibihembo bya Trace Awards 2023

Ufitinema Clotilde wakiniye amakipe y’Abagore atandukanye mu Rsanda ndetse
n’ikipe y’igihugu Amavubi, ubuzima bwe buri habi kubera kanseri.

Yakiniye ES Mutunda WFC mu 2013-18, mu 2019 yagiye muri Bugesera WFC yavuyemo asubira muri ES Mutunda mbere yo kurwara.

Arasaba inzego za siporo, inshuti n’abavandimwe kuba bamufasha akabasha kwivuza iyi ndwara izahaje ubuzima bwe.

Avuga ko iyi Kanseri yaje gukomoka ku kibazo yagize ubwo yabyaraga abagabga ntibamwiteho neza ku bitaro bitandukanye.

Mu 2021 ni bwo yatwaye inda ndetse mu ntangiriro za 2022, abyara bamubaze ndetse anahamara iminsi ibiri kuva tariki ya 12 kugeza ku ya 14 Mata 2022.

Nk’uko yabuhamarije B&B Kigali FM avuye mu bitaro nyuma yo kubyara ni bwo yatangiye kugira ikibazo gikomeye.

Ati 'Nkihava natangiye kugira ibibazo ngubwa nabi, nta bwenge mfite ndetse ntangira kubyimba umubiri wose. Nasubiyeyo ariko ntibanyakira kuko hari nijoro, gusa twifashishije abandi bayobozi bahamagara umukuru w’ibitaro, avuga ko atabimenye ariko ahita anyakira.'

Byabaye ngombwa ko hakurikiraho igikorwa cyo kongera kumudoda kubera ko byagaragaraga ko ari byo bishobora kuba byari byaramuteye kubyimba umubiri wose, kandi bigakorwa nta kinya bamuteye kuko cyashoboraga no kumuhitana.

'Ntabwo bigeze bambwira ikibazo mfite, ahubwo nageze ku itariki ya 20 Mata nta kindi kintu bampa uretse imiti igabanya umuriro, kandi uri kumva bari bampambuye. Kubera kubyimba n’ahandi hari haturitse, batakibasha no kundoda kuko zikuragamo, nkomeza kuzahara.'

Yoherejwe mu bindi bitaro, yitabwaho gusa abaganga baza kubona ko yangiritse bikomeye.

Ati 'Aho banyitayeho cyane, basanga narangiritse, basanga uko nabazwe baturutse mu rubavu rumwe bagera ku rundi, bafata umwanzuro wo kudashyiramo izindi ndodo, cyane ko hari haranatangiye no kuzamo umwanda.'

“Icyo bakoraga ni ukuhaborora bakahapfuka gusa, bakamwoza mu nda kuko hari harangiritse. Ashimira ibi bitaro kuko iyo bitahaba 'ubuzima bwanjye buba bwarangiritse.'

Muri Mata uyu mwaka ni bwo uburwayi bwa Ufitinema bwongeye kubyuka, yumva atangiye kugira ikibazo cy’isereri iza kenshi, yagana kwa muganga bakamusangana amaraso make ndetse na 'hémoglobine ‘ zari zaragabanutse.

Uyu mukinnyi yagiye ku Bitaro bya Remera Rukoma, CHUK, King Faisal ibizamini bigaragaza ko nta ndwara afite, ariko nyuma CHUK iza kuvumbura ko yamaze kwanduka Kanseri.

Ati 'Nakomeje kuremba cyane ariko rimwe nasubiye CHUK, muri Kanama 2024 ni bwo bambwiye ko mfite Kanseri yo mu maraso iboneka mu musokoro. Kuva icyo gihe nshaka kumenya aho yaturutse n’uko nayitaho.'

'Kuri raporo ya muganga byagaragazaga ko nagize ikibazo cyo kuva amaraso igihe kirekire, mpita nibuka ko ari cya gihe nari kwa munganga.'

Yamenyeshejwe ko Kanseri afite agomba kugira imiti yifashisha ikomoka mu Buhinde, gusa yisunga umuganga w’i Kabgayi wo muri icyo gihugu amuhishurira ko ahubwo ishobora no kumuhitana.

Ubu ari ku nshinge zigabanya infections mu bihaha, mu mwijima no ku mutima, yabwiwe ko iri ku rwego rwo kuvurwa igakira akaba agomba kubagwa aho byose bisaba miliyoni 5.

Minisiteri ya Siporo ikaba yemeje ko iki kibazo yakimenye ndetse irimo kugikurikirana ngo gikemuke.

Minisitiri w'Ububanyi n'Amahanga n'Ubutwererane, Ambasaderi Olivier Nduhungirehe, yasobanuye ko abahagarariye u Rwanda, RDC na Angola bubakira ku byagezweho mu mezi atandatu ashize.

Yagize ati 'Inama y'inyabutatu ya Luanda ya kane irabera muri Angola kuri uyu wa 14 Nzeri 2024. Abahagarariye ibihugu bitatu bagaragaje ibitekerezo byubaka, bazubakira ku bifatika byagezweho n'abaminisitiri n'abofisiye mu iperereza mu mezi atandatu ashize.'

Inama y'aba baminisitiri ishingira ku myanzuro yafatiwe mu yabereye i Luanda tariki ya 21 Werurwe 2024. Icyo gihe bemeranyije ko imirwano ibera mu Burasirazuba bwa RDC ihagarara, umutwe witwaje intwaro wa FDLR ugasenywa.

Igitekerezo cyo gusenya FDLR cyatanzwe n'Intumwa za Guverinoma ya RDC, nyuma yaho zishyikiriza Perezida João Lourenço wa Angola (umuhuza) igenamigambi ry'uko bizakorwa.

Tariki ya 31 Nyakanga 2024, abaminisitiri bongeye guhura, basesengura uburyo RDC yerekanye ko izasenyamo FDLR.

Muri iyi nama, hafashwe undi mwanzuro w'uko imirwano hagati y'impande zishyamiranye mu Burasirazuba bwa RDC ihagarara guhera tariki ya 4 Kanama 2024 mu gihe ibiganiro byagombaga gukomeza.

Inzobere mu iperereza zo mu bihugu bitatu zasabwe guhura, zigasuzuma uburyo ihagarikwa ry'imirwano riri kubahirizwa, zikanasesengura uko FDLR izasenywa. Zahuye inshuro ebyiri, zishyiriza Angola raporo.

Tariki ya 20 n'iya 21 Kanama 2024, abahagarariye ibi bihugu bongeye guhurira i Luanda, basesengura raporo y'inzobere mu iperereza ku ihagarikwa ry'imirwano no gusenya FDLR.

Raporo yatanzwe ku busesenguzi mu igenamigambi ryo gusenya FDLR yagaragaje ko hari ibidasobanutse ku buryo bizakorwa.

Banzuye ko tariki ya 9 n'iya 10 Nzeri bazongera guhura, bakaganira kuri izi ngingo, ariko ntabwo bahuye. Ibiganiro babyimuriye kuri uyu wa 14 Nzeri.

---

Iri jambo Umukuru w'Igihugu yarivuze nyuma y'aho abahinga umuceri mu kibaya cya Bugarama mu Karere ka Rusizi bagaragaje ko muri toni 7000 basaruye, bagurishijemo toni 2000 gusa, undi ubura isoko.

Perezida Kagame wari umaze kwakira indahiro ya Minisitiri w'Intebe n'Abadepite, yagaragaje ko bitumvikana ko Leta y'u Rwanda isaba abaturage gushishikarira ubuhinzi, bakabikora, ariko umusaruro uva mu mbaraga z'amaboko yabo ntubone isoko.

Minisitiri w'Ubuhinzi n'Ubworozi, Dr. Musafiri Ildephonse, tariki ya 19 Kanama 2024 yasobanuye ko muri rusange, toni 26.000 zitari zakabonewe isoko, biturutse ku kuba abawutonora bakanawugurisha bahisemo kugura uturuka hanze bitewe n'uko ari wo uhendutse.

Yagize ati 'Inyungu bumvaga bashaka kubonamo bumvaga idahagije nubwo irimo, batinda kuwugura cyangwa se bawugura gake.'

Mu gihe ibiciro by'umuceri byari bikomeje gutumbagira bitewe n'impamvu zirimo kuba uwaturukaga hanze wari muke, muri Mata 2023 guverinoma y'u Rwanda yafashe icyemezo cyo kuwukuriraho umusoro ku nyongeragaciro (TVA).

Iki cyemezo cyatumye igiciro cy'umuceri uva hanze kijya kungana n'icy'uhingirwa mu Rwanda, bamwe mu baguzi bahitamo kujya bahaha uva mu bihugu birimo Tanzania, u Buhinde na Pakistan.

Mu gihe umuceri uva hanze ukomeje kwigarurira isoko ryo mu Rwanda, Karangwa Cassien ushinzwe ubucuruzi n'ishoramari muri Minisiteri y'Ubucuruzi n'Inganda yabajijwe na BBC niba bitashoboka ko uva hanze uhagarikwa kugira ngo uwo mu Rwanda ubone abaguzi.

Karangwa yasubije ko kuwuhagarika bitatuma uwo mu Rwanda ubona isoko. Ati 'Ntabwo kuwuhagarika ari cyo cyatuma isoko riboneka. Turi mu isoko rifunguye, n'ubundi uwo dufite ntabwo uhagije isoko ry'imbere mu gihugu.'

Yakomeje ati 'Ugeraganyije umuceri wera imbere mu gihugu n'uwo dutumiza ntabwo dushobora kuwuhagarika, ahubwo harebwa ibindi bisubizo byo gukemura icyo kibazo kuko uva hanze na wo urakenewe. Nta gahunda ihari yo kuwuhagarika.'

Mu gukemura ikibazo cy'umuceri uhingwa mu Rwanda wabuze isoko, Leta y'u Rwanda yafashe icyemezo cyo kuwugura, isobanura ko izawugaburira abanyeshuri.

---