Category: Uncategorized

Ni impanuro Perezida Kagame yagarutseho kuri uyu wa 13 Nzeri 2024 mu Biro by'Umukuru w'Igihugu, Village Urugwiro, ubwo yakiraga indahiro ya Minisitiri Joseph Nsengimana.

Ku wa 11 Nzeri 2024 nibwo Joseph Nsengimana yagizwe Minisitiri w'Uburezi, asimbuye Gaspard Twagirayezu wagizwe Umuyobozi Mukuru w'Urwego Rushinzwe Isanzure.

Mu ijambo yavugiye muri uyu muhango, Perezida Kagame yagaragaje ko kurahira kwa Joseph Nsengimana kugaragaza ko yiteguye gushyira mu bikorwa inshingano yahawe.

Ati 'Kurahira bivuze ko yemeye kandi yiteguye gukorera igihugu cye, muri izi nshingano zijyanye n'ibireba uburezi mu gihugu cyacu. Uburezi buri mu bintu by'ibanze dushyira imbere, mu iterambere ry'igihugu cyacu, mu iterambere ry'Abanyarwanda n'imikoranire y'u Rwanda ndetse n'amahanga.'

Yakomeje agaragaza ko urwego rw'uburezi rufite uruhare rukomeje mu iterambere ry'igihugu.

Ati 'Ibiva mu burezi birafasha kandi ibijyanye n'uburezi ni ibintu tuvoma ari mu gihugu cyacu mu bushobozi bwacu ariko tuvoma no hanze, hari ibijyanye n'u Rwanda rwacu ubwarwo hari n'ibijyanye no kumenya Isi n'abandi bayituye n'imikoranire byose bitungana iyo uburezi bugenda neza mu gihugu bugategura abantu kugira ngo bahangane n'ibibazo bitandukanye by'isi ariko noneho banashingire aho biyubake mu majyambere n'ibindi.'

Perezida Kagame yagaragaje ko nubwo urugendo rukiri rurerure hari intambwe ifatika imaze guterwa mu kuzamura urwego rw'uburezi mu Rwanda.

Ati 'Uburezi bwacu bumaze gutera intambwe ariko ntabwo bwari bwagera aho twifuza cyangwa se hashimishije bitewe n'ibyo tubona hirya no hino. Inshingano rero Nsengimana amaze kurahirira nagira ngo mu menyeshe ko ntabwo ari inshingano zizakureba wenyine, ni inshingano itureba twese nk'igihugu n'abandi bayobozi, tugomba gufatanya kugira ngo uburezi bwacu bushingirwaho na byinshi bukomeze gutera imbere. Aho tugeze ni heza ntabwo twasubira inyuma, ahubwo duhera aho ngaho bimeze neza tukifuza ko byatera imbere kurusha.'

Perezida Kagame yibukije Minisitiri w'Uburezi mushya ko inshingano afite ifite uburemere kandi yizeye ko abwumva.

Ati 'Inshingano ufite nibwo buremere bwayo ngira ngo kandi urabwumva ariko kandi nk'uko nabivuze tuzafatanya kugira ngo twuzuze inshingano tugomba kuzuza, bireba urubyiruko, bireba abakuru n'abato, bireba amajyambere y'igihugu muri rusange, ntabwo byoroshye rero ariko birashoboka nk'uko n'ahandi hose bishoboka cyangwa nk'uko na hano byashobotse urebye aho tuvuye n'aho tugeze. Birashoboka gukomeza gutera imbere, turakwifuriza akazi keza.'

Joseph Nsengimana wagizwe Minisitiri w'Uburezi yari asanzwe ari Umuyobozi w'Ikigo cya Mastercard Foundation gishinzwe guteza imbere uburezi kuri bose binyuze mu ikoranabuhanga.

Mbere yo gukorana na Mastercard, Joseph Nsengimana yakoraga mu kigo cy'Abanyamerika cy'ikoranabuhanga, Intel Corporation.

Ni igikorwa cyabaye ku wa 12 Nzeri 2024, kibera ku ngoro y'uwo mwami iherereye mu Murwa Mukuru Maseru.

Ambasaderi Hategeka yagaragaje ko yishimiye guhagararira u Rwanda muri icyo gihugu gikikijwe na Afurika y'Epfo mu mpande zose, avuga ko ari andi mahirwe yo gukomeza kwagura ubufatanye hagati y'ibihugu byombi.

Ati 'Ni iby'agaciro gushyikiriza impapuro Umwami Lestie III zo guhagarira u Rwanda muri Lesotho. Ndashimira Minisitiri w'Intebe Wungirije, Nthomeng Majara na Minisitiri w'Ububanyi n'Amahanga, Lejone Mpotjoane, kuba banyakiriye ndetse banyifurije imirimo myiza. Nanjye nzaharanira guteza imbere umubano w'ibihugu byombi mu nzego zitandukanye z'ubufatanye.'

Ubufatanye bw'u Rwanda na Lesotho buzashingiye mu ishoramari n'ubucuruzi mu nzego nk'ubucuruzi, ubuhinzi, umutungo kamere, ubuvuzi cyane cyane mu bikoresho byabwo, uburezi, ikoranabuhanga n'uburyo bwo guhanahana ubumenyi mu bijyanye no kugeza serivisi zinoze ku baturage.

Umwami Letsie III yatanze intashyo kuri Perezida Kagame ndetse anamushimira ku ntsinzi aherutse kwegukana mu matora y'Umukuru w'Igihugu yo muri Nyakanga 2024.

Umwami Letsie III yagaragaje ko iyo ntsinzi ishimangira uburyo Abanyarwanda bafitiye icyizere ubuyobozi bwa Perezida Kagame, anashimira u Rwanda muri rusange ku musanzu rukomeje gutanga wo kubungabunga amahoro mu bihugu bitandukanye bya Afurika.

Yifurije Ambasaderi Hategeka imirimo myiza yemeza ko Lesotho izakora uko ishoboye kugira ngo umubano wayo n'u Rwanda ukomeze kuzamurwa hashingiwe ku nyungu z'ibihugu byombi.

Umubano w'u Rwanda na Lesotho watangiye kubakwa mu 1983, ukaba ushingiye ku bwubahane n'ubufatanye hagati y'ibihugu byombi.

Wabagarijwe n'ibikorwa bitandukanye byiganjemo kugenderanira kw'abayobozi b'impande zombi, aka wa munyarwanda wavuze ko 'ifuni ibagara ubucuti ari akarenge.

Uruzinduko rwa vuba ni urwo Minisitiri w'Intebe w'u Rwanda, Dr. Edouard Ngirente yagiriye muri iki gihugu kiri ku buso bwa kilometero kare 30.355, aho yari agiye mu muhango w'irahira rya mugenzi we, Ntsokoane Samuel Matekane.

Ni mu gihe na Ntsokoane Samuel Matekane yaje gufata mu mugongo u Rwanda ubwo hibukwaga ku nshuro ya 30 Jenoside yakorewe Abatutsi mu 1994 ndetse anitabira umuhango w'irahira rya Perezida Kagame.

U Rwanda na Lesotho bisanzwe bifitanye ubutwererane mu nzego zirimo n'iz'umutekano, ibi byatumye muri Mutarama 2022 uwari Umuyobozi Mukuru wa Polisi y'u Rwanda, yagiriye uruzinduko rw'akazi rw'iminsi ine muri Lesotho aho yagiye gusura Polisi y'iki gihugu.

Mu biganiro byahuje abayobozi bombi banaganiriye ku ishyirwa mu bikorwa ry'amasezerano y'ubufatanye inzego zombi zashyizeho umukono i Kigali mu Rwanda tariki ya 24 Kanama 2021.

Umwami Letsie III (iburyo) yakiriye impapuro zemerera Amb Hategeka guhagararira u Rwanda muri Lesotho

Minisitiri w'Intebe Wungirije, Nthomeng Majara yashimiye Amb Emmanuel Hategeka ugiye guhagararira u Rwanda muri Lesotho

Minisitiri w'Ububanyi n'Amahanga wa Lesotho, Lejone Mpotjoane (ibumoso) yifurije ishya n’ihirwe Amb Emmanuel Hategeka ugiye guhagararira u Rwanda muri icyo gihugu cyo mu majyepfo ya Afurika

Amb Emmanuel Hategeka aha icyubahiro ibendera ry’igihugu cya Lesotho

Ubushakashatsi bwakorewe ku banyeshuri 662 mu bigo 10 bitandukanye.

Bwagaragaje ko 87,0% by'abahungu bakoresha amagambo mabi mu gihe abakobwa banze ko bakorana imibonano mpuzabitsina, 82,7 % bakabatuka iyo banze ubushuti bwabo, 81,7% bakoresha amagambo asebanya, 70,9% bakubita abakobwa mu gihe banze ubushuti na ho 69,6% babakubita mu gihe banze ko baryamana.

Bwerekanye ko kandi 68,1% by'abakobwa bakoreshwa imibonano mpuzabitsina ku gahato, 64,4% basekwa mu gihe bari mu mihango n'aho 53,4% bakorwa ku myanya y'ibanga batabishaka naho 68.1% basambanywa ku gahato.

Ku ruhande rw'abarimu bakorera abanyeshuri b'abakobwa ihohoterwa usanga nibura 88,0% babasezeranya amanota meza, 87,4% babashukisha amafaranga, 76,2% babatera ubwoba iyo banze ubusabe bwa bo, 75% bakabaha amanota make, 62% bakabasambya ku gahato mu gihe 67,0% batuka abakobwa iyo banze ubusabe bw'abo.

Mu bakoreweho ubushakashatsi nibura 4,6% bakoze imibonano mpuzabitsina n'abo bahura mu kigo cy'ishuri. Harimo 3,0% babikoze n'abanyeshuri bagenzi babo mu gihe 1,6% babikoranye n'abarimu.

Abagera kuri 1,9% batewe inda bagifite imyaka iri munsi ya 15.

Abanyeshuri 59% babajijwe, bagaragaje ko bazi uburyo bwo kugaragaza ihohoterwa bakorerwa, nyamara abatinyuka kurigaragaza ni 37,3% gusa.

Umuyobozi Mukuru wa YWCA, Uzamukunda Pudentienne, agaragaza ko iki ari ikibazo gikwiye guhagurikirwa n'inzego zose zireberera umuryango Nyarwanda.

Ati 'Hakenewe kongera ubukangurambaga kandi tugakurikirana neza ko abana bose abahungu n'abakobwa bigishijwe, umuco wo guhohotera ukaba kirazira mu mashuri yacu. Ubikoze akaba azi ko hari ibihano biteganyijwe, kandi abantu bakareka kurebera ihohoterwa, bakajya babivuga.'

Imiryango yakoze ubu bushakashatsi yagaragaje ko nubwo hashyizweho amategeko n'amwe mu mabwiriza arebana no guteza imbere uburinganire mu mashuri hakiri imbogamizi ku bakobwa kuko bakunze guhura n'ihohoterwa rishingiye ku gitsina.

Mineduc yasabwe kongera gusura ibigo by'amashuri bitandukanye hakanavugururwa amabwiriza y'imyitwarire abigenga ndetse n'uburyo bwo kumenyekanisha ibikorwa by'ihohoterwa.

Abakobwa 37,3% ni bo bashobora gutanga amakuru ko bakorewe ihohoterwa

Ubwo hamurikwaga ubwo bushakashatsi, hagaragajwe ko hakiri ihohoterwa rishingiye ku gitsina rikorerwa mu mashuri

Ibi ni bimwe mu byagarutsweho ubwo Guverineri w'Intara y'Amajyaruguru yatangizaga ku mugaragaro igihembwe cy'ihinga cya 2025 A (Umuhindo).

Ni igikorwa cyabereye mu Karere ka Rulindo, mu Murenge wa Bushoki, mu gishanga cya Bahimba gifite hegitari 327 cyatangiye guterwamo ibigori.

Muri iki gihembwe, iki gishanga kizahingwamo ibigori ku buso burenga hegitari 200 ariko gisanzwe gihingwamo n'ibirayi, ibishyimbo ndetse n'imboga. Kinakoreshwamo imashini zigera kuri 41 zuhira mu gihe cy'impeshyi cyangwa imvura yabaye nke.

Guverineri Mugabowagahunde yasabye abahinzi guhinga ubutaka bwose bushobora guhingwa kugira ngo kwihaza mu biribwa bishoboke ndetse bakabikomatanya n'uburyo bwo kurwanya isuri cyane cyane mu duce tw'imisozi miremire kugira ngo umusaruro uzabe mwiza.

Yavuze ko uwo musaruro ariko ukwiye gufasha abahinzi gukemura ibindi bibazo by'imirire mibi bikigaragara mu bana.

Ati 'Nitubona umusaruro uzadufashe no kugera ku zindi ntego. Urugero nk'aka Karere ka Rulindo karacyari mu dufite abana benshi bafite ikibazo cy'imiririe mibi. Umusaruro tugeraho nudufashe gukemura ibyo bibazo binyuze mu gutera ibiti by'imbuto byinshi, kudasesagura, uturima tw'igikoni na gahunda ya Girinka ikaza itwunganira. Reka iki kibazo cy'igwingira ry'abana tukigire icyacu, umusaruro mwiza twiteze uzadufashe guhangana na cyo'.

Mugabowagahunde kandi yijeje abahinga ibigori mu gishanga cya Bahimba ko bizajya kwera baramaze kubona ubwanikiro kugira ngo barusheho gufata neza umusaruro wabo nta wangiritse.

Izamuhaye Jean Claude uyobora Ishami ry'ubushakashatsi ku bihingwa muri RAB, yavuze ko imibare ku rwego rw'igihugu igaragaza ko abahinzi bari mu gihe cyiza cyo gutegura ubutaka ariko gutera imyaka bikaba bikiri hasi.

Abahinga ibigori by'umwihariko, yabasabye gufatirana uku kwezi kwa Nzeri bakaba bamaze kubitera kuko biri mu bikenera imvura nyinshi bityo bigasaba kubihinga kare ngo itazacika biteze.

Ikigo k'Igihugu cy'Iteganyagihe kigaragaza ko imvura y'umuhindo yatangiye kugwa hagati y'itariki ya 1 n'iya 10 Nzeri 2024, hamwe na hamwe mu gihugu ikaba izacika hagati ya tariki 11 n'iya 30 Ukwakira 2024.

Hatangijwe ku mugaragaro igihembwe cy'ihinga cya 2025 A (Umuhindo)

Guverineri w’Intara y’Amajyaruguru, Mugabowagahunde Maurice, yatangije ku mugaragaro igihembwe cy’ihinga cy’Umuhindo

Igishanga cya Bahimba gihingwamo ibigori n’ibindi bihingwa

Guverineri Mugabowagahunde yasabye ko umusaruro w’ubuhinzi ukwiye gufasha abahinzi gukemura ibindi bibazo by'imirire mibi bikigaragara mu bana

Izamuhaye Jean Claude yasabye abahinga ibigori by'umwihariko gufatirana uku kwezi kwa Nzeri bakaba bamaze kubitera kuko biri mu bikenera imvura nyinshi

Abahinzi bitabiriye igikorwa cyo gutangiza iki gihembwe cy’ihinga

Nyamasheke isanganywe igisushanyo mbonera cy'igice cy'umujyi, gusa cyakoraga mu mirenge itatu ari yo Kagano, Kanjongo na Bushekeri.

Aka Karere ko mu Ntara y'Iburengerazuba gafite igice kinini cy'icyaro, igice kinini kigizwe n'amazi n'igice kinini kigizwe n'amashyamba agenda yiyongera.

Nyiraneza Mediatrice yabwiye IGIHE ko icyateraga akajagari mu mikoreshereze y'ubutaka bw'Akarere ka Nyamasheke ari uko abaturage badafite amakuru arambuye ku mikoreshereze yabwo.

Ati 'Ibyangombwa by'ubutaka nubwo tubifite, umuturage ntaramenya ko kugira icyo abukoreraho bisaba kubanza kureba icyo bwagenewe kuko twari tumenyereye ko ufite ubutaka abukoresha icyo ashaka'.

Umukozi w'Ikigo cy'Igihugu Gishinzwe Ubutaka, Aldo Muhizi, yavuze ko mu ikorwa ry'iki gishushanyo mbonera bakeneyemo uruhare rw'abaturage kugira ngo kizaze gisubiza ibibazo byabo.

Ati 'Abaturage tubitezeho ko bazaduha amakuru y'ibigendanye n'Akarere byose byadufasha mu gukora igishushanyo mbonera cyiza'.

Umuyobozi w'Akarere ka Nyamasheke, Mupenzi Narcisse, yavuze ko iki gishushanyo mbonera kizaba umuti urambye ku kibazo cy'imikoreshereze y'ubutaka bw'aka Karere yagaragaragamo akajagari.

Ati 'Dufite ikibazo cy'uko ubutaka bw'Akarere buri umwe abukoresha uko yishakiye. Iyo buri umwe abukoresha ku nyungu ze, inyungu rusange ziradindira kandi dukwiye kubutekereza nk'ubutaka bwacu ariko tuzasigira n'abazadukomokaho'.

Meya Mupenzi yijeje abaturage ko iki gishushanyo kigiye gukorwa kitazababangamira, ko ahubwo kizaza gishyira ibintu mu buryo.

Ati 'Utuye nabi ahita abona ko hari aheza ho guturwa. Iyo haje igishushanyo mbonera kikatwereka ngo hari n'aho gutura, dushobora kugenda tukahakata site yo gutura, tukajyanayo ibikorwaremezo abantu bakaza bahasanga ibyo bikorwaremezo kandi hatunganyije'.

Akarere ka Nyamasheke gatuwe n'abaturage barenga ibihumbi 434 ku buso bwa kilometero kare 1174.

Akarere ka Nyamasheke katangiye gukorerwa igishushunyo mbonere cy’ubuso bwose

Umuvugizi wa Guverinoma ya RDC, Patrick Muyaya, tariki ya 9 Nzeri 2024 yatangarije France 24 ko biteguye gusenya umutwe witwaje intwaro wa FDLR ariko ngo bazanasaba u Rwanda 'gukura ingabo' mu Burasirazuba bwa RDC.

Muyaya yagize ati 'Ibiganiro bya Luanda byatangijwe na Perezida wa Angola byarasubukuwe, hari inama yo ku rwego rw'abaminisitiri n'iy'inzobere. Turi kuganira ku bintu bibiri, icyo gusenya FDLR n'icyo kuba ingabo z'u Rwanda zagenda.'

Mu kiganiro na Mama Urwagasabo TV, Mukuralinda yagaragaje ko hari ibidasobanutse mu isezerano rya RDC ryo gusenya FDLR, bityo ko Guverinoma y'u Rwanda idashobora kwizera ko rizasohozwa.

Mukuralinda yagize ati 'Uwo mutego ntabwo Guverinoma y'u Rwanda izawugwamo, ntabwo Guverinoma y'u Rwanda ari abana bo gushiturwa, ntabwo Guverinoma n'Umukuru w'Igihugu ari abana bashukishwa ubuhendabana, ipipi cyangwa bombo.'

Umuvugizi wungirije wa Guverinoma yagaragaje ko mu isezerano rya RDC ryo gusenya FDLR hashobora kuba harimo uburyarya, kuko mu gihe ivuga ko izasenya uyu mutwe, ntigaragaza ko bamwe mu barwanyi bawo barinda Perezida wa RDC, kandi ko ufite ibice ugenzura muri iki gihugu.

Yagize ati 'Ntabwo waza ukangata uti 'Noneho FDLR twayemeye, tuzayihagarika' uzi neza ko abantu bari mu mutwe ushinzwe kurinda Umukuru w'Igihugu. Si yo mitwe ikomera mu bihugu byose? Uzi neza ko bari mu bice bitandukanye, uzi neza ko hari ahantu bacunga basoresha, ibyo se wari wumva babivuga?'

Mukuralinda yibukije ko icyo Guverinoma y'u Rwanda na Perezida Paul Kagame yemeje ni uko mu gihe cyose umutekano w'iki gihugu uzaba ugiye guhungabana, bizaba ngombwa ko kirwanya ushaka kuwuhungabanya aho azaturuka hose.

Ati 'Ntabwo uwo mutego Guverinoma y'u Rwanda izawugwamo. Icyo guverinoma y'u Rwanda yemeye, yaba Umukuru w'Igihugu, basobanuye, nibiba ngombwa ko umutekano w'u Rwanda ugiye guhungabana, aho uzahungabanira bazawusangayo kugira ngo bawubungabunge. Ni umutekano w'u Rwanda, ntabwo ari ugufasha M23.'

Yasobanujwe umutego avuga u Rwanda rutazagwamo, asubiza ati 'Uwo wo kugira ngo bavuge ngo 'Twemeye gukora ibi ngibi na Guverinoma y'u Rwanda niyemere gukora ibyo turi kuvuga.' Icyo dukora, tuzakomeza kubungabunga umutekano w'u Rwanda, nibiba ngombwa uzabungabungirwayo.'

Kuri uyu wa 14 Nzeri 2024, i Luanda hateganyijwe ibiganiro byo ku rwego rw'Abaminisitiri bihuza intumwa z'u Rwanda, iza RDC na Angola. Mukuralinda yasobanuye ko guverinoma y'u Rwanda itegereje kumva niba hari andi makuru azatangwa kuri FDLR n'uburyo izasenywamo.

Alain Mukuralinda yagaragaje ko hari ibitarasobanuka ku buryo Guverinoma ya RDC iteganya gusenyamo FDLR

Umuyobozi w'Akarere ka Nyamagabe, Niyomwungeri Hildebrand, yemereye IGIHE ukuri kw'aya makuru, avuga ko batawe muri yombi ku wa 10 Nzeri 2024, aho bari gukorwaho iperereza ngo hamenyekane niba hari uruhare bafite mu irigiswa ry'imisanzu abaturage bahuriza hamwe hagamijwe koroshya uburyo bwo kwishyura mituweli.

Meya Niyomwungeri yavuze ko mu Karere ka Nyamabe ayobora hari uburyo butandukanye bwo gukusanya no gutanga imisanzu ya mituweli, burimo kuyatanga kuri konti za RSSB ziri mu mabanki atandukanye, kwifashisha 'aba-agents' b'Irembo bakabishyura ariko hakaba n'abandi baturage bizera abayobozi babo bakabaha imisanzu, bakazaba ari bo bayabatangira.

Yongeyeho ko ibyabaye bidaca intege igikorwa cyo gutanga imisanzu ku baturage.

Ati 'Hari uburyo butandukanye bakoresha bishyura ubwisungane bwabo, ubu ni bumwe mu bwagize ikibazo, ariko ntabwo biri buce intege ubundi, barakomeza kwifashisha ubundi buhari.''

Ku bakeka ko byatuma abantu batakariza ubuyobozi bubegereye icyizere, Meya Niyomwungeri yavuze ko abaturage badakwiye gutera icyizere ubuyobozi bwabo kuko ngo no 'kuba abakekwaho ibyaha byo kunyereza imisanzu yabo bafatwa bakajya kubibazwa na byo ubwabyo ni ikimenyetso ko umuturage yitaweho'.

Yakomeje agira ati 'Nta gikuba cyacitse ku baturage, ndetse ntibinakwiye kubatera impungenge kuko kuba n'ubugenzacyaha bwinjira mu kibazo cy'abakekwa bukagira ibyo bubabaza, na byo ni ikindi kimenyetso gishimangira ko umuturage yitaweho.''

Meya Niyomwungeri yirinze kuvuga umubare w'imisanzu yaba yaranyerejwe ndetse n'umubare w'abatarabashije gutanga ubwisungane mu kwivuza bikomotse kuri iki kibazo cy'aba bayobozi ngo bitabangamira iperereza.

Gusa haribazwa uko abagizweho ingaruka n'iki kibazo bari kwivuza mu gihe cyose baba batarahise batanga indi misanzu kandi umwaka mushya wa mituweli 2024/2025 ubu ugeze mu kwezi kwa gatatu kuva utangiye.

Kuri ubu, imibare y'ubwitabire mu gutanga imisanzu y'ubwisungane mu kwivuza itangazwa n'Akarere ka Nyamagabe ivuga ko kageze ku mpuzandengo ya 83,24%.

Umurenge wa Musebeya uvugwamo iki kibazo cyo kunyereza imisanzu cyabaye mu tugari dutatu muri dutandatu tuwugize, uri ku mwanya wa 11 na 82,65% mu mirenge 17 ibarizwa mu Karere ka Nyamagabe.

Akarere ka Nyamagabe kinjiye mu kibazo cy’abanyereje imisanzu y’ubwisungane mu kwivuza

Biragoye kumara umunsi ku mbuga nkoranyambaga hadashyizweho amafoto n'amashusho y'ibyamamare nyarwanda byambaye ubusa, abavuga amagambo y'urukozasoni cyangwa arimo ingengabitekerezo ya Jenoside.

Ubwo Umuvugizi wa RIB, Dr. Murangira yari mu kiganiro Waramutse Rwanda cya Televiziyo y'Igihugu ku wa 12 Nzeri 2024, yavuze ko abakoresha imbuga nkoranyambaga bakwiriye kumenya amategeko agenga ibyo bakora kuko harimo n'abakora ibyaha babizi neza.

Ati 'Abo bantu bose bakoresha imbuga nkoranyambaga nabi baba bazi neza 100% ko ibyo bakora ari icyaha. Iyo babikora bihisha inyuma y'utuzina biyita ariko barafatwa kandi bagahabwa ibihano bitewe n'ibyo bakoze.'

Dr. Murangira yagaragaje ko ibyaha bitandukanye abantu bakoresha imbuga nkoranyambaga bishoramo biba bifite ibihano biremereye byabiteganyirijwe.

Ati 'Niba ari ugutangaza ibihuha hari amategeko ahari abihana, niba ari ukwiyitirira umwirondoro w'undi, niba ari ugukwirakwiza ingengabitekerezo ya Jenoside, niba ari uguhamagarira abantu kwanga abandi, niba ari ugukoresha imvugo zivangura abantu cyangwa gukwirakwiza ibikorwa by'urukozasoni, ibyo byose hari amategeko abihana kandi hazamo n'ibihano by'igifungo kuva ku myaka itanu kugeza ku myaka 10.'

Yanavuze ko abakoresha imbuga nkoranyambaga bafite inshingano zo kudahungabanya umudendezo w'abaturage, bityo bagashungura amakuru babagezaho aho gukurikira amafaranga.

Umuvugizi wa RIB yagurutse kandi ku bantu bajya ku mbuga nkoranyambaga bavuga ko bari kuruhura umutima nyamara abenshi muri bo babeshya, asobanura ko waba wivuga ubwawe cyangwa abandi, byose bigira ingaruka z'igihe kirekire ku muryango mugari.

Ati 'Ibintu byaje byo kuruhura umutima ku mbuga nkoranyambaga bisenya umuryango kuko iyo ugiye hariya ukavuga ukuntu wari indaya, umwana wawe najya ku ishuri bazamuserereza bati 'dore wa mwana ufite mama we w'indaya cyangwa papa we w'umusinzi'. Ibyo rero ntabwo bikwiriye, hari ubuzima bwite buba butagomba kuvugirwa mu ruhame.'

RIB yasabye abakoresha imbuga nkoranyambaga kuzibyaza umusaruro birinda gukora ibyaha kuko iterambere ry'ikoranabuhanga ari amahirwe igihugu cyashyizeho afasha abantu guhanga imirimo no gutumanaho.

Umuvugizi wa RIB, Dr Murangira B. Thierry, yavuze ko abakoresha imbuga nkoranyambaga nabi bashobora guhabwa igihano cy’igifungo guhera ku myaka itanu cyagera ku myaka 10 bitewe n’icyaha bakoze

Uwo muco wadutse wagarutsweho n'abaturage bo mu Murenge wa Bugarama, bagaragaza ko hari ubwo umugabo n'umugore bemeranywa kuri gahunda yo kuba umugore yazana undi mugabo nk'abari guca inyuma uwo bashakanye kandi nyamara babiziranyeho.

Icyo gihe ngo umugabo akora ibishoboka byose kugira ngo abagwe gitumo nta kirakorwa hagati y'umugore we n'uwo mugabo washakaga kumuca inyuma, hanyuma bagahita bamuca amafaranga bifuza nk'ufatiwe mu cyuho.

Abaganiriye na TV1 bagaragaje ko hari imiryango myinshi yabigize ubucuruzi nubwo bagaragaza ko ari ikibazo gikomeje gufata intera.

Umwe yagize ati 'Hari ubwo bemeranywa, umugore akabwira umugabo we ko ari bugume munsi y'igitanda yabona undi mugabo winjiriye umugore we amaze kwiyambura agasohokamo akamera nk'aho abafashe, ubwo agahita aca uwo mugabo amafaranga kugira ngo amurekure.'

Undi ati 'Bibaho cyane, hari n'umwarimu wigishaga hano hafi byabayeho, yateretaga umugore w'abandi, aragenda abyumvikanaho n'umugabo. Ni uko aza gusaba umwarimu ko yazamusura ariko umugabo yari aho. Bamaze kwiyambura abagwa gitumo, bahita bamuca ibihumbi 400 Frw.'

Ku rundi ruhande ariko, usanga abo bagabo babifatirwamo baba baca inyuma abagore babo bashakanye.

Iyo babafashe bakabaca amafaranga, bahitamo kwitabaza abo basize mu rugo. Umugabo ahamagara wa mugore we babana ngo azane amafaranga yo kwishyura kandi akabikora, ibyo aba baturage bagaragaza ko ari ihohoterwa riba rikorewe uwo mugore.

Ati 'Bamara kumufata agahamagara umugore ngo amuzanira amafaranga, undi na we akayazana. None se yabigenza ate? Ni ihohoterwa aba akorewe ariko nta kundi.'

Undi ati 'Ni ihohoterwa kuko umutungo we aba yawusohoye akawujyana mu bidakwiriye, ayo mafaranga yagatunze abana.'

Urwego rw'Igihugu rw'Ubugenzacyaha (RIB) ruherutse kuburira abaturage bo muri uyu mu Murenge wa Bugarama, ko uwo muco atari mwiza, kandi ko bakwiye kwirinda ibyaha bijyanye n'ihohoterwa iryo ari ryo ryose by'umwihariko irishingiye ku gitsina n'irikorerwa mu ngo.

Ifoto igaragaza ikibaya cya Bugarama mu Karere ka Rusizi

Rutahizamu wa Police FC n’ikipe y’igihugu Amavubi, Hakizimana Muhadjiri avuga ko ikintu kimushengura umutima mu buzima ari ukuba papa we atakiriho ngo arebe urwego agezeho abikesha umupira w’amaguru.

Ni mu kiganiro yahaye ikinyamakuru ISIMBI, uyu mukinnyi ukina asatira izamu yahishuye byinshi bijyanye n’ubuzima bwe bwite.

Muhadjiri Hakizima ni umuhererezi mu muryango w’abana 12 barimo na Sibo Abdul na Haruna Niyonzima bamenyekanye mu mupira w’amaguru. Ni umubyeyi w’umwana umwe w’umukobwa.

Yakiniye amakipe atandukanye nka Etincelles FC, Kiyovu Sports, Mukura VS yavuyemo yerekeza muri AS kigali atakiniye umukino n’umwe kuko yahise yerekeza muri APR FC yavuyemo ajya muri Emirates Club yagarutsemo ajya muri Police FC yo mu Rwanda.

Mu bwana bwe avuga ko ikintu yakubitiwe cyane ari ugukunda umupira akanga ishuri, ntabwo yakundaga kwiga mu gihe ababyeyi be bumvaga ari byo yashyiramo imbaraga imbere y’ibindi byose.

Kimwe mu bintu yakoze akiri umwana n’ubu yibuka kumva yaseka ni ukuntu akiri umwana yakundaga gutera amabuye hejuru y’inzu ni kimwe mu bintu atajya yibagirwa.

Ati 'nibuka ko hari igihe mu rugo bandakazaga nkatera amabuye hejuru y’inzu. Urumva ni ukubera umujinya ariko ni bimwe mu bintu ntajya nibagirwa.'

Yakomeje avuga ko kuva akiri umwana yatekerezaga kuzakina umupira w’amaguru nta kindi kintu yatekerezaga. Gusa kuri ubu nyuma y’umupira w’amaguru afite ibindi bintu bimwinjiriza amafaranga.

Ku kijyanye no kuba hari ikintu yicuza mu buzima bwe, yagize ati 'Nta kintu na kimwe nicuza, iyo ikintu nagikoze sinjya nkicuza.'

Hakizimana Muhadjiri avuga ko ikintu cyamushimishije mu buzima bwe ni uko uyu munsi afite umwana. Ati 'Ikintu cyanshimishije mu buzima ni uko mfite umwana, nari mukeneye.'

Ku kintu cyamubabaje, yagize ati 'ikintu cyamababaje ni uko uyu munsi nk’uko ubivuga Muhadjiri iyo nza kugira amahirwe nkaba mfite papa akareba bino bintu nakoze bavuga Muhadjiri umwana yabyaye byari kuzanshimisha.'

Hakizimana Muhadjiri ni umukinnyi uvuga ko mu buzima busanzwe akunda kurya ifiriti, umuceli, ibishyimbo n’inyama.

Ku kintu azi guteka kurusha ibindi, yagize ati 'ikintu nzi guteka kurusha ibindi bintu byose ni umuceli n’inyama.'

Uyu mukinnyi wanditse izina akaba akunzwe na benshi, yemeza ko umuntu wamugiriye inama mu buzima bwe n’uyu munsi akaba akibona ibyo yamubwiye ari mama we.

Amafaranga menshi yafatiye rimwe avuye mu mupira w’amaguru arenga miliyoni 100 ni mu gihe ayo yafashe bwa mbere ari ibihumbi 70 yahembwe ari muri Etincelles.

Hakizimana Muhadjiri ababazwa n’uko papa we atakiriho ngo arebe aho umwana we ageze

Hakizimana Muhadjiriashimishwa no kuba afite umwana