Category: Uncategorized

Mu 2023 nibwo umushoramari w'Umunya-Misiri, Dr. Thrawat Moheib, usanzwe ari inzobere mu bijyanye n'ubuhinzi n'ubworozi yabengutse iki gishanga cyari gisanzwe gihingwamo mu buryo by'akajagari atangira ku gihingamo urusenda rwa Toja na Habonera.

Iki gishanga kitabagamo amazi ahagije, uyu mushoramari yaragitunganyije anashyiramo uburyo bwo kukivomerera yifashishije umugezi wa Kigoya unyura iruhande rwacyo, aha akazi abaturage bamufasha mu mirimo irimo gutera, kubagara, gufumbira, gutera imiti no gusarura.

Uyu mushinga w'Ikigo Egyptian Agricultural Development wahaye akazi abakozi 60 bahoraho na banyakabyizi 20. Umukozi w'iki kigo ahembwa 2500 Frw ku munsi akayahererwa rimwe icyumweru kirangiye.

Nyiranzeyimana Pelagie w'imyaka 56 ni umwe mu bakozi bahoraho babonye akazi muri uyu mushinga w'ubuhinzi bw'urusenda. Ni umubyeyi wo mu kagari ka Kigoya, Umurenge wa Kanjongo.

Avuga ko atarabona aka kazi yibariraga umushahara w'ibihumbi 20 Frw ariko ubu ku kwezi ahembwa ibihumbi 60 Frw.

Yagize ati 'Umubyizi ni 2500 Frw ariko bayaduherera rimwe icyumweru kirangiye. Twishyize hamwe dukora amatsinda, twahembwa tukayaha umuntu umwe kugira ngo agire ikintu gifatika aguramo'.

Nyiranzeyimana avuga ko aka kazi kamufashije kwambara ibitenge bigezweho, kwishyurira ishuri umukobwa we ry'ibihumbi 90 Frw ku gihembwe, ndetse yanaguze n'ihene ebyiri.

Nyirabazubafite Seraphine avuga ko atarabona aka kazi yari umukene rimwe na rimwe we n'abana be bakabwirirwa ariko ngo ubu asigaye agura umufuka wa kawunga n'uw'umuceri.

Ati 'Ubwisungane mu kwivuza narabutanze nta kibazo, abana nabishyuriye amafaranga y'ishuri n'ibikoresho ndetse naguzemo n'inkoko eshatu n'ingurube'.

Umuyobozi w'Akarere ka Nyamasheke, ushinzwe Iterambere ry'Ubukungu, Muhayeyezu Joseph Desire avuga ko ubuhamya bahabwa n'ababonye akazi muri iyi mirimo yo gukorera urusenda bugaragaza ko amafaranga bahembwa yabahinduriye ubuzima.

Ati “Arakubwira ngo nishyuye mituelle de santé. Iyo muganira akakubwira ngo nta tungo nagiraga, none mfite ingurube cyangwa ihene, nta handi aba yakuye ubushobozi. Iyo ashobora kwishyura umusanzu w'uburezi, ni aho turebera umusaruro w'ako kazi by'igihe gito.”

Visi Meya Muhayeyezu avuga ko nyuma y'imyaka itanu iyo bageze kuri wa muturage bagasanga afite ingurube 10 yaraheye kuri yayindi imwe yakuye mu kazi icyo gihe imibereho ye iba itangiye guhinduka mu buryo burambye.

Ati 'Iterambere ry'umuturage rizamukira muri rusange, hari igihe usanga yarahinduye n'ishuka araraho, cyangwa se na matora ku buryo ubona imibereho ye yarahindutse biturutse ku mahirwe y'akazi yabonye'.

Abaturage babonye akazi mu mirimo yo gukorera urusenda bavuga ko amafaranga bahembwa yabafashije kwiteza imbere

Byatangarijwe mu Murenge wa Kanjongo w'Akarere ka Nyamasheke mu gikorwa cyo gusoza icyumweru cyo konsa no guhemba imidugudu yahize indi muri gahunda ya 'Hehe n'igwingira'.

Nyirandushabandi Alexia ushinzwe Imirire ku Bitaro bya Kibogora, avuga ko igihe umugore ari konsa, umugabo akwiye kuba ari hafi ye, akamuganiriza ndetse akamuba hafi cyane.

Ati 'Uko ari kumukorakora, umwana afite ibere mu kanwa bikora ku myakura ikarekura amashereka neza. Ibyo byo kumukorakora babikorera uwabuze amashereka. Kutabikorerwa bishobora gutuma amashereka ataza, umwana akagwingira'.

Nyirandushabandi avuga ko igihe umugore yabuze amashereka umugabo we akwiye gutekereza kabiri, kuko ashobora kuyabura bitewe n'uko atabonye indyo yongera amashereka cyangwa akayabura bitewe n'uko adatekanye mu mutwe.

Senenzi Alfred yavuze ko atari azi ko umugore ashobora kubura amashereka kandi yahawe indyo yongera amashereka.

Ati 'Nk'abagabo icyo twari tuzi tugomba gukora igihe umubyeyi yabuze amashereka ni uguhaha'.

Byukusenge Ernestine ufite abana bane barimo uw'imyaka itatu, yabwiye IGIHE ko we n'abandi bagore baganiriye, icyo bari bazi ari uko igihe umugore yabuze amashereka akwiye gushaka isombe n'imboga.

Ati 'Hano batwigishije ikindi tutari tuzi cy'uko wabuze amashereka kandi wariye indyo iyongera ukwiye kwegerwa n'umugabo wawe akakuba hafi.”

Umuyobozi wungirije w'Akarere ka Nyamasheke, ushinzwe Iterambere ry'Ubukungu, Muhayeyezu Joseph Desire yavuze ko bagiye kwifashisha ingo mbonezamikurire mu kwigisha uruhare rw'umugabo mu konsa.

Ati 'N'uyu munsi tuvuye hano twize, ntabwo abagabo bari bazi ko bafite inshingano yo gufasha umugore kubona amashereka muri buriya buryo. Aba bagabo bari aha bamenye ko bafite uruhare mu gutuma umwana yonka neza, kandi babibwire bagenzi babo.”

Ubuyobozi bw'akarere ka Nyamasheke bugaragaza ko ingamba zafashwe mu kurwanya igwingira mu myaka ine ishize zatumye riva ku 37,8% mu 2020, rigera ku 23,6% mu 2024.

Ababyeyi basobanuriwe uruhare rw’umugabo mu gutuma abana bonka neza

Imidugudu yitwaye neza mu marushanwa yo kurwanya igwingira ry’abana yahembwe

Uyu muhanzi ubarizwa muri KIKAC Music yavuze ko abantu bari bazi ko abayeho neza nk'icyamamare ariko mu by'ukuri yari abihiwe n'ubuzima kandi nta mutuzo afite.

Niyo Bosco yagarutse kuri ibi aganira na MIE Empire, aho yashyize umucyo ku byamuvuzweho mu minsi ishize birimo kugira agahinda gakabije (depression) no gukoresha ibiyobyabwenge, agaragaza ko ibyavuzwe atari ukuri gusa habuze gato ngo atangire kubikoresha.

Ati 'Hari ibintu bajyaga bavuga ngo anywa ibi bintu ibi n'ibi (ibiyobyabwenge), bavuga njye, biriya ntabwo byabayeho ariko byari hafi, hari ibintu byari kuzabaho byinshi cyane iyo ntaza gukizwa. Nari kurunywa nonese ntirubaho? Nari kurunywa kabisa, urumogi iyo uri ahantu barunywa urumva wahaba inshuro 10 koko utarasomaho?'

Uyu muhanzi kandi avuga ko mbere y'uko afata umwanzuro wo gukora indirimbo zo kuramya no guhimbaza Imana yari afite agahinda gakabije.

Ati 'Kera mbere y'uko mfata umwanzuro nari nyifite (avuga depression) kandi nari mfite buri kimwe cyose, abantu ntibazi imbaraga ziri mu kwizera, ntibazi ko ari bwo tuba tugiye kuyikira (depression) kandi niho ikirira koko. Nagize Imana ndakizwa iyo ntakizwa byari birangiye.'

Niyo Bosco yahishuye ko mbere yo gufata umwanzuro wo gukora indirimbo zigaruka ku butumwa bwiza yabanje kugisha inama abantu batandukanye barimo na Meddy nawe uherutse gutangaza ko yaretse indirimbo zisanzwe akiyegurira izo guhimbaza Imana.

Meddy yabwiye Niyo Bosco ko nyuma yo gufata umwanzuro ari bwo yabonye umusaruro urenze uwo yabonye mu gihe cyose yari amaze akora umuziki kandi nibwo yatangiye kubona ibyiza byinshi.

Niyo Bosco uri gutunganya album nshya y'indirimbo zikubiyeho ubutumwa bwo kuramya no guhimbaza Imana, yatangarije abakunda umuziki we ko vuba bidatinze asohora indirimbo nshya nyuma y'amezi atanu asohoye 'Ndabihiwe'.

'Ndabihiwe' indirimbo ya Niyo Bosco iheruka

Bitandukanye cyane n’uko byagenze mu Karere ka Gicumbi kuko imvura yabanje kugwa, ndetse no mu Karere ka Musanze ntibyari ku rwego rwo hejuru.

Igitaramo cya Gatatu cya MTN Iwacu Muzika Festival, cyabereye mu Karere ka Nyagatare, kuri Sitade ya UR-Nyagatare, kuri uyu wa Gatandatu tariki 14 Nzeri 2024.

Mbere y’iki gitaramo, abahanzi babanje gukora Siporo y’umugoroba ‘NightRun’ bari kumwe n’abaturage, ndetse bagiranye ikiganiro na Radio ya Nyagatare. 

Bushali yabimburiye abandi!

Umuraperi Hagenima Jean Paul wamamaye nka Bushali niwe wabanje ku rubyiniro muri iki gitaramo.

Uyu muhanzi wamamaye mu njyana ya Kinyatrap, yaririmbye afite ishimwe ku mutima kuko ari kwitegura gusohora Album ye ya Gatatu.

Ndetse, yatangiye gutanga ibimenyetso by’isohoka ry’iyi Album.

Yisunze indirimbo ze zirimo ‘Umwirabura’, ‘Kamwe, ‘Ni tuebue’, ‘Ku Gasima’, ‘Kinyatrap’ yagaragaje ko imyaka itatu ishize ari mu muziki yubatse ibigwi.

Bwiza, umukobwa rukumbi muri ibi bitaramo 

Uyu mukobwa wo muri Kikac Music Label yongeye kugaragaza ko imyaka ibiri ishize ari mu muziki atari ubusa. 

Yaserutse yambaye imyambaro ihuje amabara n’ay’ikipe ya Rayon Sports.

Ubundi yinjirira mu ndirimbo ‘Do Me’, ‘Ni Danger’, ‘Ahazaza’, ‘Ongera’ yakoranye na Bruce Melodie, ‘Ready” n’izindi. 

Amaze iminsi akora ibitaramo nk’ibi, ariko byagera mu ndirimbo ‘Do Me” bikaba akarusho, kuko ab’i Nyagatare bahagarutse bafatanya nawe kuyibyina. Yanamanutse ku rubyiniro, ajya kubyinana n’abakunzi be.

Kenny Sol, umuhanzi wa Gatatu muri 1:55 AM

Niwe muhanzi uheruka kwinjira muri 1:55 AM byatumye aba uwa Gatatu Coach Gael yakiriye.

Yavutse yitwa Rusanganwa Norbert ariko yahisemo gukoresha izina rya Kenny Sol.

Yaririmbye yitaye cyane ku ndirimbo ze zakunzwe kuri Extended Play (EP) aherutse gushyira ku isoko.

Kenny yaririmbye indirimbo nka ‘Haso’ ,’Addicted’, ‘Joli’, ‘No One’s n’izindi.

Chriss Eazy, umuhanzi ukoresha akabyiniriro ka ‘Ewana’

Niwe wari utahiwe! Yitaye cyane ku ndirimbo nka ‘Jugumila’ yakoranye na Kevin Kade na DJ Phil Peter.

Ariko anibuka kuririmba indirimbo nka ‘Inana” yabaye idarapo ry’umuziki we, ‘Sekoma’ aherutse gusohora n’izindi. 

Ruti Joel yitabaje Album ye

Uyu muhanzi wamamaye mu ndirimbo zitsa ku muco Nyarwanda, yashimangiye ubuhanga bwe. 

Yaserutse mu mwambaro wa Kinyarwanda, cyo kimwe n’abasore bari kumwe.

Ruti yaririmbye indirimbo nka ‘Musomandera’, ‘Rumata’, ‘Igikobwa’ n’izindi. Muri iki gitaramo, yari kumwe n’Itorero Ibihame by’Imana.

Indirimbo ‘Ikirori’ yasabwe!

Ku rutonde rw’indirimbo, Ntakirutima Danny wamamaye nka Dany Nanone, yagomba kuririmba ntihariho ‘Ikirori’ ariko ubusable bw’abafana bwatumye ayiririmba.

Si ubwa mbere uyu muraperi aririmbye mu bitaramo byagutse nk’ibi, kuko yahatanye mu bitaramo bya Primus Guma Guma Super Stars.

Ku rubyiniro, yaririmbye indirimbo nka ‘My Type’, ‘Confirm’ n’izindi, ava kuri ‘stage’ yemeje abaturage ba Nyagatare.

Sowe yo kuri Album nshya yatanze ibyishimo

Bruce Melodie niwe muhanzi washyize akadomo kuri iki gitaramo, nyuma y’uko aririmbye indirimbo zirimo “Sowe” iri kuri Album yitegura gushyira hanze.

Uyu muhanzi yari kumwe n’ababyinnyi i Nyagatare, ndetse niwe ukunze gukoma umurishyo wa nyuma w’ibi bitaramo. 

Yitaye cyane ku ndirimbo ze zakunzwe mu myaka 15 ishize. Aririmba indirimbo nka ‘Ndakwanga” akomereza ku ndirimbo ‘Bado’, ‘Kungola’ yakoranye na Sunny n’izindi.

Ibi ibitaramo bizakomereza mu Karere ka Ngoma, ku wa Gatandatu tariki 22 Nzeri 2024.

Ku rubyiniro, Bruce Melodie yari kumwe n’inkumi zamufashije gususurutsa ibihumbi by’abantu

Bruce Melodie niwe wavugije umurishyo wa nyuma y’iki gitaramo cyabereye mu Karere ka Nyagatare

Ruti yashimangiye ko ashyize imbere guteza imbere umuco gakondo, aha yari kumwe n’itorero Ibihame by’Imana

Ruti Joel ari kumwe n’umucuranzi we Clement basanzwe bakorana cyane mu bitaramo

Uruganda rwa Bralirwa rwateye inkunga ibi bitaramo bya MTN Iwacu Muzika Festival

Ibihumbi by’abantu bari bakoraniye kuri Sitade ya UR-Nyagatare

Umuhanzikazi Bwiza yongeye kwemeza abakunzi b’ibihangano bye

Ibyishimo byari byose ku bakunzi b’umuziki i Nyagatare mu Burasirazuba bw’u Rwanda

Abashyushyarugamba, MC Buryohe na Bianca bongeye kunezeza imitima ya benshi 

Bushali yisunze indirimbo zubakiye ku mudiho wa Kinyatrap yanditse amateka i Nyagatare

Ni uko Chriss Eazy yaserutse i Nyagatare mu myambaro yihariye

Kenny Sol yaririmbye yitaye ku ndirimbo ze zakunzwe mu bihe bitandukanye

Dany Nanone wamenye nka ‘Young President’ yagaragaje ko amasomo yakuye ku ishuri rya muzika yatanze umusaruro 

Abahanzi bakomoka muri Nyagatare, bahawe umwanya bagaragaza impano

Ibi byagaragajwe ku wa Gatanu, tariki ya 13 Nzeri 2024, mu nama y'uburezi yahurije hamwe abayobozi b'ibigo by'amashuri, abashinzwe uburezi, abayobozi b'uturere n'izindi nzego zifite mu nshingano uburezi mu Ntara y'Iburasirazuba.

Ni inama yari igamije kurebera hamwe ishusho y'uburezi muri iyi ntara, itangira ry'amashuri no gufata ingamba zo guteza imbere uburezi.

Muri iyo nama, hagaragajwe ko mu mwaka ushize wa 2023/2024, abana 5528 bari barataye ishuri mu gihe abagera 4582 bangana na 82% bagaruwe mu ishuri nyuma y'ubukangurambaga bwakozwe mu Ntara hose.

Ubugenzuzi buheruka bwasanze hari ibibazo birimo ubucucike mu mashuri aho hari ibigo bigifite abana barenga 60 mu ishuri, intebe nke, ikibazo cy'amazi ku mashuri, uruhare ruto rw'ababyeyi mu kugaburira abana ku mashuri n'ibindi.

Kayitesi Vanis uhagarariye abarimu mu Karere ka Gatsibo, yagize ati ' Iyo umwana avuye mu muryango udatekanye ntazabona ibikoresho, yewe nta n'ikimushishikaza ku babyeyi cyatuma ajya kwiga.'

'Hari no kuba bamwe mu barezi bagenzi banjye batari inshuti z'abana, umwana ashobora kuza ku ishuri afite ubushobozi buke ariko twe ntabwo dutanga ubumenyi gusa, ushobora no kumuha ubundi burere, umwana nubwo yaba adashoboye amasomo ushobora kumufata neza bikazagenda biza.'

Umubyeyi uhagarariye komite z'ababyeyi mu Karere ka Bugesera, Rusagara Faustin, we yavuze ko kimwe mu bituma abana bata ishuri ari uruhurirane rw'ibibazo biterwa n'ababyeyi.

Ati 'Usanga hari ababyeyi batize bigakurura kuba batumva umumaro wo kujya kwiga, akaba ashobora gusibya umwana ngo arere murumuna we cyangwa ngo akore imirimo.'

Guverineri w'Intara y'Iburasirazuba, Pudence Rubingisa, yavuze ko bifuza kuvana mu magambo uburyo bwo kuvuga ikibazo cy'abana basiba ishuri ahubwo bakajya mu gushaka ingamba zihamye.

Yasabye abarimu ko niba umwana agiye ku ishuri atambaye umwambaro w'ishuri bareka kumusubizayo, ahubwo akiga, uwo mwambaro ugashakwa nyuma.

Guverineri Rubingisa yavuze ko kandi ababyeyi bakwiriye gugira uruhare mu gutanga amafaranga atuma umwana agaburirwa ku ishuri kuko basanze biri gutanga umusaruro cyane.

Yasabye ababyeyi n'abayobozi b'inzego z'ibanze gukurikirana abana bata ishuri bikajya bimenyekana hakiri kare kugira ngo bongere barisubizwemo.

Ababyeyi, abayobozi n'abashinzwe uburezi mu Ntara y'Iburasirazuba bahuriye hamwe mu kureba bimwe mu bibangamiye uburezi

Abayobozi batandukanye bitabiriye iyi nama igamije kureba uko imyigire y’abanyeshuri yatera imbere

Guverineri w'Intara y'Iburasirazuba, Pudence Rubingisa, yavuze ko ibibazo birimo intebe nke ku mashuri batangiye kubikurikirana

Rugaragara Faustin yavuze ko kugaburira abana ku ishuri biri mu bituma abana benshi bitabira ishuri asaba ko byakongerwamo imbaraga

Kayitesi yavuze ko kimwe mu bibangamiye uburezi ari abana bata amashuri, asaba ko buri wese yakigira icye

Umujyi wa Kigali wavuze ko iyi mihanda yubatswe ku bufatanye n'abaturage, nta wundi mufatanyabikorwa, hari n'indi itari muri iyo 17 abaturage biyubakiye ku giti cyabo.

Muri ubu bufatanye, abaturage bakusanya uruhare rwabo rungana na 30% by'amafaranga akenewe yose noneho Umujyi wa Kigali ukabongereraho 70% by'asigaye.

Umujyi wa Kigali wavuze ko hari n'indi mihanda 18 ikiri kubakwa mu bice bitandukanye byawo, gusa ko iyi gahunda igiye kunozwa kurusha uko yakorwaga.

Umuvugizi w'Umujyi wa Kigali, Ntirenganya Emma Claudine, yagize ati 'Umujyi wa Kigali uri kwiga kuri iyo gahunda neza kugira ngo urebe uburyo byakomeza gukorwa neza mu gihe kiri imbere kubera ko mu gihe cyashize iyi gahunda yagiye itinda'.

Ntirenganya yasobanuye ko icyateraga gutinda kw'iyi gahunda ari uko ingengo y'imari y'Umujyi wa Kigali yagiye itinda kuboneka kandi abaturage bo bazanye uruhare rwabo.

Ibi ngo bizakemurwa no gushyiraho amabwiriza yanditse agena uko buri baturage babishaka bazakorana n'Umujyi wa Kigali mu kubaka iyo mihanda bitewe n'aho batuye.

Yongeyeho ko muri uyu mwaka Umujyi wa Kigali ushaka kubanza kurangiza imihanda ikiri kubakwa noneho nyuma gahunda yamaze kunonzwa, ukaba ari bwo wongera kwakira ubusabe bushya bw'abaturage bashaka ko bafatanya.

Gahunda yo kubaka imihanda y'imigenderano ku bufatanye bw'abaturage n'Umujyi wa Kigali, yashyizweho nyuma yo kubona ko abaturage bawo banyotewe n'ibikorwa remezo ndetse ubwabo bakaba barashyiraga hamwe amafaranga bakagira ibyo biyubakira.

Iyi gahunda kandi iri mu mushinga w'Umujyi wa Kigali wo kubaka ibilometero 300 by'imihanda y'imigenderano mu rwego rwo koroshya uburyo bwo gutwara abantu n'ibintu.

Imihanda migenderano muri Kigali igenda ishyirwamo kaburimbo ku bufatanye n’abahatuye

Abaturage bagize uruhare rukomeye mu kwiyubakira ibikorwaremezo birimo imihanda mu Karere ka Kicukiro

Umwe mu mihanda yubatswe mu bushobozi bw’abaturage