Category: Uncategorized

Nubwo ari Minisiteri ifatiye runini igihugu, yo n'inzego z'ibanze ishinzwe kureberera hakunze kuvugwamo ibibazo cyane cyane iby'imiyoborere birimo kwegura ka hato na hato kw'abayobozi, gukurwaho, guhindugurika kw'abakozi bya buri kanya mu nzego ishinzwe n'ibindi.

Mu kiganiro Indiba y'Ibivugwa tugiye kugaruka ku mpamvu zituma bigoye kuramba cyane muri iyi Minisiteri n'inzego z'ibanze ishinzwe kureberera, icyakorwa n'uko ahandi inzego nk'izi zikora.

Ni inkunga yatanzwe binyuze mu masezerano icyo kigega cyasinyanye na ba nyir'iyo mishinga ku itariki 30 Ukwakira 2024.

Iyo nkunga yatsindiwe n'uturere dutatu n'imiryango itandatu ya sosiyete sivile ikorera mu Rwanda.

Abahawe iyo nkunga bayitsindiye binyuze mu marushanwa yatangiye muri Nzeri 2023 aho uturere twose n'imiryango ya sosiyete sivile mu Rwanda bateguye imishinga bayitanga muri Green Fund irasuzumwa hatoranywamo itsindira iyo nkunga.

Ubuyobozi bw'icyo kigega busobanura ko imishinga yatoranyijwe yagombaga kuba yujuje ibintu bine byagenderwagaho ari byo ubuhinzi bwihanganira imihindagurikire y'ikirere, kuhira ku buso butoya, kubungabunga ubutaka no kubungabunga urusobe rw'ibinyabuzima.

Iyo mishinga kandi izashyirwa mu bikorwa mu gihe cy'imyaka itatu iri imbere hakaba hari ihuriweho n'abafatanyabikorwa batandukanye n'indi izashyirwa mu bikorwa gusa n'abatsindiye inkunga.

Uturere twatsindiye inkunga ni Ngororero, Nyanza na Gatsibo naho imiryango ya sosiyete sivile ni Caritas, APV, Arde-Kubaho, APEFA, FESY na REDO.

Iyo miryango yari yemerewe guhatanira inkunga itarenze miliyoni 300 Frw mu gihe uturere two twari twemerewe atarenze miliyari imwe na miliyoni 207 Frw.

Inkunga yatewe iyo mishinga yatanzwe n'Ikigega cya Loni cyitwa Adaptation Fund gifasha ibihugu biri mu nzira y'amajyambere guhangana n'ingaruka zi'imihandagurikire y'ibihe binyuze muri Green Fund Rwanda.

Umukozi muri Green Fund Rwanda wakoze kuri ayo marushanwa, Mugabo Florien yavuze ko iyo mishinga yose izakorerwa mu cyaro mu rwego rwo kubakira ubushobozi abaturage mu gahangana n'imihindagurikire y'ikirere.

Ati 'Intego nyamukuru y'iyo mishinga ni ugufasha abantu gahangana n'ingaruka z'imihindagurikire y'ikirere'.

Umuyobozi w'Akarere ka Ngororero kari mu twatsindiye iyo nkunga, Nkusi Christophe yavuze ko ako karere kazashyira mu bikorwa umushinga kazafatanyamo n'Umuryango World Vision wo kurwanya isuri harimo gutera amashyamba n'ibiti by'imbuto no gukora amaterasi y'indinganire mu mirenge ya Muhanda, Kavumu na Kageyo.

Yavuze ko uwo mushinga bawitezeho kugabanya ingaruka ziterwa n'ibiza bikunda kwibasira ibyo bice uzakorerwamo.

Ati 'Iyo mirenge ihura n'ibiza mu gihe cy'imvura ni yo mpamvu twahisemo ko ari ho ukorera. Uzafasha mu kurwanye isuri hakorwa amaterasi ndetse n'inyongeramusaruro zishyirwa mu mirima zibashe kugumamo'.

'Amashyamba na yo tuyitezeho kuzafata ubutaka ntibutwarwe n'isuri. Umushinga tuwitezeho ko umusaruro w'ubuhinzi uziyongera kandi n'ingaruka z'ibiza zikagabanuka'.

Minisitiri w'Ibidukikije, Dr. Uwamariya Valentine yavuze ko iyo mishinga igiye gushyirwa mu bikorwa ishimangira imbaraga Leta y'u Rwanda n'abafatanyabikorwa bayo bashyira mu kurengera ibidukikije.

Yakomeje agira ati 'Aya masezerano asobanuye ibirenze inkunga y'amafaranga ahubwo ni icyerekezo cyo kugira ahazaza heza mu kurengera ibidukikije aho abaturage bacu bazaba bakomeza imibereho yabo kandi barengera ibidukujike n'umutungo kamere udutunze'.

'Dufatanyije turi gushyiraho ingamba z'ingenzi zo gukemura ibibazo bigaragara bijyanye n'ibidukikije n'ihindagurika ry'ikirere kandi ibyo byongerera ubushobozi abaturage mu guhangana n'izo mbogamizi'.

Minisitiri Dr. Uwamariya yongeyeho ko ibyo bikorwa ari intangiriro yo gushyira mu bikorwa imishinga inagirwamo uruhare n'abaturage kandi itanga umusaruro urambye ku bantu n'Isi muri rusange.

Umuyobozi Mukuru wa Green Fund Rwanda, Mugabo Teddy ageza ijambo ku bitabiriye icyo gikorwa

Mugabo Florien yavuze ko iyo mishinga yose izakorerwa mu cyaro mu rwego rwo kubakira ubushobozi abaturage mu gahangana n'imihindagurikire y'ikirere

Gusinya ayo masezerano byabereye i Kigali

Minisitiri w'Ibidukikije, Dr. Uwamariya Valentine yavuze ko iyo mishinga igiye gushyirwa mu bikorwa ishimangira imbaraga Leta y'u Rwanda n'abafatanyabikorwa bayo bashyira mu kurengera ibidukikije

Abatsindiye inkunga ni uturere dutatu n’imiryango itandatu ya sosiyete sivile

Kuva ku wa 18 Ukwakira 2024, uyu mugabo afunzwe na Polisi kubera ibyaha bitatu akurikiranyweho birimo: Gukoresha imvugo zishyamiranya abantu mu myidagaduro, gutukana mu ruhame no kubuza amahwemo hifashishijwe imbuga nkoranyambaga. 

Ni ibyaha yakoze nyuma y'uko yihangirijwe mu bihe bitandukanye n'Urwego rw'Igihugu rw'Ubugenzacyaha mu bihe bitandukanye. 

Umuvugizi wa RIB, Dr. Murangira B. Thierry aheurtse kubwira InyaRwanda ko abakoresha imbuga nkoranyambaga bakwiye kuzikoresha mu buryo bwiza, kandi bubabyirira inyungu.

Ati 'RIB irasaba abantu gukoresha imbuga nkoranyambaga bubahiriza amategeko, kuko kugira imbuga nkoranyambaga wigengaho ntabwo biguha ubudahangarwa bwo kuba utakurikiranwa mu gihe wishe amategeko.' 

Arakomeza ati 'Ntabwo imbuga nkoranyambaga zibereyeho ngo zikoreshwe ibyaha, ahubwo zigomba gukoreshwa zibyazwa umusaruro kuko amahirwe arimo ni menshi.'

Dr. Murangira yavuze ko 'Uzazikoresha ibikorwa bigize ibyaha haba mu myidagaduro (Showbiz), muri siporo, mu ivugabutumwa cyangwa se no mu bundi buryo azakurikiranwa n’amategeko.'

Ni ibiki bikubiye muri Dosiye ye?

Icukumbura ryakozwe na InyaRwanda rigaragaza ko abantu batatu (Basanzwe bazwi mu ruganda rw'imyidagaduro) aribo batanze ikirego barega Fatakumavuta mu bihe bitandukanye, bamushinja kubabahuza amahwemo yisunze imbuga ze.

Hari ikirego cyatanzwe tariki 17 Ukwakira 2024, hari icyatanzwe tariki 15 Ukwakira 2024, hari n'ikindi cyatanzwe ku wa 7 Ukuboza 2023 (Uyu we yatanze ibirego bibiri).

Umwe mu batanze ikirego yavuze ko Fatakumavuta yatumye arwara 'Depression' kubera ibyo yamuvuzeho ku mbuga nkoranyambaga binyuze mu byo yagiye amutangazaho ku rubuga rwa rwe X, ndetse n'ibiganiro yagiye akora ku muyoboro wa 3D TV.

Yavuze ko Fatakumavuta amutangazaho ibihuha agamije kumuharabika no gutuma 'atakarizwa icyizere no kumuhungabanya'.

Mu kirego cye, yatanze 'Link' z'ibiganiro Fatakumavuta yamukozeho, ndetse yagaragaje 'Screenshot' zo ku rubuga rwa Twitter rw'ibyo Fatakumavuta yagiye amuvugaho. Uyu we yanisunze umunyamategeko, bandika basaba kurenganurwa.

Undi watanze ikirego, yagaragaje ko yinubira uburyo Fatakumavuta yagiye agaruka cyane ku bikorwa bye by'umuziki, abahanzi afasha, studio ye n'ibindi. Anakomoza ku kindi kirego yigeze gutanga, bagahanganira mu rukiko.

Mu kindi kirego, hagaragaramo uwareze avuga ko atishimira uburyo Fatakumavuta yagarutse ku muryango we, kumushinja ibyaha bikomeye, ubushyamirane n'abo bakoranye.

Mu icukumbura ryakozwe na InyaRwanda kandi ryanageze ku kubona ko mu byaha Fatakumavuta akurikiranyweho hiyongereho 'ivangura' ndetse no 'gukoresha ibiyobyabwenge' mu bihe bitandukanye nubwo we abihakana. 

Hejuru y'ibyo kandi, hari umuhanzi Fatakumavuta aherutse gukoraho ikiganiro, nawe ugarukwaho muri dosiye ye.

Abatanze ibirego bahuriye mu kugaragaza ko Fatakumavuta yagiye abambika isura mbi muri rubanda mu bihe bitandukanye, kandi ko bagiye bataka ariko ijwi ryabo ntiryumvikane.

Hari umwe muri bo usaba ko igihe Fatakumavuta azaba atangiye kuburana mu rubanza, atazavugwa mu itangazamakuru no ku mbuga nkoranyambaga.

Ibi birego byose Fatakumavuta yagiye abibazwaho, ndetse yasabye igihe cyo kwiga neza Dosiye kugirango azabiburane ku ifungwa ry'ifungurwa ry'agateganyo guhera ku wa 5 Ugushyingo 2024.

Abantu batatu nibo batanze ibirego bagaragaza ko Fatakumavuta yababujije amahwemo mu bihe bitandukanye

Abatanze ibirego bose bahurira ku kugaragaza 'Link' z'ibiganiro Fatakumavuta yagiye akora mu bihe bitandukanye abagarukaho 

Bimwe mu byo Fatakumavuta yagiye yandika ku mbuga nkoranyambaga, ni bimwe mu bimenyetso bizifashishwa n'ubushinjacyaha mu rubanza

Mu kiganiro yagiriye ku rubuga rwa X mu ijoro ryo kuri uyu wa Kane tariki 31 Ugushyingo 2024, Shadia Mbabazi wamamaye nka Shaddyboo yumvikanishije ko Miss Muheto akwiye guhabwa imbabazi, kuko ari umwana waserukiye neza Abanyarwanda.

Yavuze ko uyu mukobwa yageze ku kwambikwa ikamba biturutse ku kuba abantu baramushyigikiye, bityo imbabazi yasabye mu rukiko zikwiye kumvikana. Ati “[…] Uriya ni umukobwa waserukiye Igihugu nubwo rwose yakoze amakosa ariko nawe ari kwicuza. Yaserukiye Igihugu. Nta kibazo njyewe mujye mumvuga ariko ntimukavuge uyu mwana.”

Akomeza agra ati”Ni mwebwe mwamihaye, ngo ni gute twatoye Miss w’umusinzi nkaho atari mwebwe mwamutoye. Kubera ko yahuye n’ikibazo,… hari niho mbabonera. Nibyo yakoze amakosa twemeye, ese mwebwe ubumuntu bwanyu muri hehe? Ko mwirirwaga mu mufana, ngo ni mwiza, muri he?”

Kuri uyu wa Kane tariki 31 Ukwakira 2024, nibwo yitabye Urukiko rw'Ibanze rwa Kicukiro mu Mujyi wa Kigali, kugira ngo aburane ku ifunga n'ifungurwa ry'agateganyo.

Ubushinjacyaha mu Rwanda bwamusabiye gufungwa umwaka umwe n'amezi umunani ku byaha byo gutwara imodoka yanyoye ibisindisha birengeje igipimo, kugonga ibikorwa remezo no guhunga aho yabikoreye.          

Muri uru rubanza, Miss Muheto yunganiwe n'abanyamategeko batatu. Amaze gusomerwa ibyaha aregwa, Muheto ko yemeye icyaha cyo gutwara imodoka yanyoye no kugonga, ariko atemera icyo guhunga.

Yavuze ati: 'Ariko sinemera ko nahunze kuko imodoka nayirekeye aho. Nagize ubwoba kuko abantu bahuruye ari benshi ntinya ko bangirira nabi. Police ihageze nagarutse ubwanjye.'

Ubushinjacyaha bwavuze ko Muheto yari yanyoye ibisindisha kugeza ku gipimo cya 4 kandi igipimo kihanganirwa ari 0.8.

Miss Muheto yatawe muri yombi ku wa 20 Ukwakira 2024, ni mu gihe Polisi y'u Rwanda ku wa 29 Ukwakira 2024 ari bwo yatangaje ko Dosiye ye yagejejwe mu maboko y'Ubushinjacyaha. 

Abanyamategeko be basabye ko arekurwa kuko ibyo aregwa abyemera, kandi abisabira imbabazi. Uyu mukobwa w'imyaka 21 y'amavuko, nawe yavuze ko iminsi 11 ishize ari muri gereza yize amasomo ku buryo yiyemeje kutazongera gukora iki cyaha. Ati 'Iminsi 11 maze mfunze narize ntabwo icyaha nk'iki nzagisubira.' 

Umucamanza nyuma yo kumva impande zombi yavuze ko tariki 6 Ugushyingo 2024 ari bwo azafata icyemezo ku ifunga n'ifungura ry'agateganyo.

Byagenda gute aramutse ahamwe n'icyaha kandi acyambaye ikamba?

Kugeza ubu Nshuti Divine Muheto niwe ucyambaye ikamba rya Miss Rwanda kuko atarabona umukobwa umusimbura ahanini bitewe n'uko iri rushanwa ryahagaritswe. 

Uyu mukobwa yambwitswe iri kamba mu 2022. Ubwo hadukaga ibirego kuri Ishimwe Dieudonne [Prince Kid] wateguraga iri rushanwa, byatumye rihagarikwa, ndetse amarushanwa yose y'ubwiza yabaga kenshi mu Rwanda ahagarikwa.

Ibi byagize ingaruka ku marushanwa nka Miss Supranational, Mr Rwanda n'abandi. Byanagize ingaruka kuri Miss Muheto kuko atabashije guserukira u Rwanda muri Miss World, bitewe n'uko nta burenganzira yari afite no kuba atari afite kompanyi yari kumwohereza muri iri rushanwa.

Ibi bivuze ko imyaka ibiri ishize uyu mukobwa yambitswe iri kamba. Icukumbura ryakozwe na InyaRwanda rigaragaza ko Miss Muheto aramutse ahamwe n'ibyaha atakwamburwa ikamba, kuko abarimuhaye nabo bambuwe uburenganzira bwo gutegura iri rushanwa.

Si ibyo gusa kuko inyandiko ivuga kuri iri rushanwa, igaragaza ko ibihano n'ibindi byashyirwagaho, byubahirizwaga cyane iyo umukobwa yabaga acyambaye ikamba.

Kandi bakavuga ko igihe umukobwa wambitswe ikamba agaragaweho n'imyitwarire mibi, asimburwa n'igisonga cye cya mbere agakomeza akazi.

Bivuze ko abariteguraga bitaga cyane ku mwaka umukobwa amaranye ikamba. Ariko ntibigeze bashyiramo ibizabaho igihe yaba akurikiranywe mu nkiko kandi umwaka w'ikamba we wararangiye.

Umukobwa washakaga kwiyandikisha muri iri rushanwa yasabwaga kuba ari Umunyarwanda, afite imyaka hagati ya 18-28. Yararangije amashuri yisumbuye, atarabyaye, afite ubuzima buzira umuze, kandi atarashatse umugabo. Uburebure n'ibilo byajyaga bisabwa umukobwa witabira iri rushanwa nabyo byari byarakuweho.

Mu bindi bihugu iyo umukobwa wabaye Nyampinga akurikiranywe mu nkiko, kenshi yamburwa ikamba.

Nk'ubu, Miss Chidimma Adetshina agiye kwamburwa ubwenegihugu bwa Afurika y'Epfo n’ibyangombwa byifashishwa mu ngendo. 

Ni nyuma y'uko Minisiteri y’Ubutegetsi bw’igihugu itangaje ko nyina ashobora kuba yarakoze “ubujura bw’umwirondoro” (w’undi muntu) kugira ngo abe Umunyafurika y’Epfo. 

Muri Weruwe 2019, Anyella Grados wari Nyampinga wa Peru yambuwe ikamba nyuma yo kujya mu birori, anywa inzoga arasinda ndetse afatwa amashusho ari kuruka muri Hoteli.

InyaRwanda yabonye amakuru yizewe ahamya ko hari gutegurwa amabwiriza mashya azagenda amarushanwa y'u Rwanda. Ni amabwiriza azaza atanga umurongo, ari nabwo hazatekerezwa niba Miss Rwanda ishobora kuzasubukurwa.

Nshuti Divine Muheto yambitswe ikamba rya Miss Rwanda 2022, nyuma ye ntihatowe undi mukobwa kugeza ubu 

Ushingiye ku mabwiriza yagengaga Miss Rwanda, bigaragara ko ibihano n’ibindi byubahirizwaga mu gihe umukobwa yabaga ari mu mwaka w’ikamba we

Mu gitondo cyo kuri uyu wa Gatanu mu masaha yo mu Rwanda byari kuwa Kane muri Leta Zunze Ubumwe za Amerika, nibwo LeBron James yumvikanye agaragaza ko ashigikiye Kamala Harris mu matora azaba ahanganyemo na  Donald Trump.

LeBron James yagize ati ” Icyo nshaka kuvuga hano ni uko njyewe, abana banjye n’umuryango wanjye muri rusange kugira ngo tuzabe mu gihugu cyiza twamaze guhitamo. Tora Kamala Harris

LeBron James wagaragaje ko ashigikiye Kamala Harris abinyujije ku rukuta rwe rwa X yahoze ari Twitter, si ubwa mbere agaragaye ashigikiye umukandida ku mwanya Perezida muri Leta zunze Ubumwe za America kuko mu 2008 yashigikiye Barack Obama naho mu 2016 ashyigikira Hillary Clinton. 

LeBron James yagaragaje ko ashyigikiye Kamaka Harris mu matora 

Byagarutsweho kuri uyu wa 29 Ukwakira 2024 mu gikorwa cyo gushyikirizwa Miliyoni zisaga 22 bazakoresha batangiye gukora imishinga ibateza imbere.

Ubufasha butangwa binyujijwe muri Minisiteri y'ubutegetsi bw'igihugu n'abafatanyabikorwa, hagamijwe gusezerera abaturage bahoze mu bukene bakigishwa gukora bakiteza imbere.

Abaturage bagera kuri 450 baturuka mu tugari twa Ngondore na Kibari mu murenge wa Byumba muri Gicumbi, bashimangira ko bahawe amasomo atandukanye azabafasha guhanga imirimo ibateza imbere bakava mu cyiciro cy'abatishoboye .

Iribanje Alphonse yagize ati 'Batwigishije uko twakora imishinga twifashishije amatsinda, uburyo twakora ubworozi bw'inkoko turi batatu tukamenya uko dukurikirana amatungo neza tudasesaguye, tukamenya ayo twinjije ndetse n'ayasohotse. Ubwo twahawe igishoro, twiyemeje kutazasubira ku rutonde rw'abantu batishoboye”.

Bibumbiye mu matsinda 150 yahawe miliyoni 22.5 Frw. Ayo mafaranga azagera ku baturage 450, aho buri tsinda rizajya rikora umushinga ubafasha kwikura mu bukene.

Yankurije Emeline na we uri mu bahuguwe, yavuze ko ubumenyi yahawe bwo guhinga no korora kijyambere, buzamufasha kwiteza imbere.

Ati 'Twigishijwe uko twakora ubworozi n'ubuhinzi bw'imboga n'imbuto bikazadufasha kurera abana bacu ntibarangwe n'imirire mibi. Twize ubucuruzi buciriritse, gukorana n'ibigo by' imari ndetse no guhanga imirimo itanga serivisi kandi yinjiza amafaranga. Twiteguye kubikurikiza dufatanije ku buryo bizadufasha kwiteza imbere”.

Umuyobozi w'Ikigo gishinzwe imishinga y'Iterambere mu turere, Nyinawagaga Claudine yavuze ko ku rwego rw'igihugu habarurwa imiryango igera ku 800 000 iri mu cyiciro cy'abatishoboye, hakaba hamaze gufashwa imiryango igera ku bihumbi 300.

Umuyobozi w'Akarere ka Gicumbi Nzabonimpa Emmanuel yavuze ko abaturage bahuguwe bakwiriye kwirinda gushora amafaranga bahawe, mu mishinga batize neza kugira ngo itazabapfira ubusa ntibavane mu bukene.

Abayobozi biyemeje kuba hafi y’iyi miryango kugira ngo inkunga bahawe izabagirire akamaro

Imiryango yahawe inkunga yitezweho kwivana mu bukene

Nyinawagaga Claudine yavuze ko biyemeje ko imiryango ibihumbi 800 iri mu bukene yose izabuvamo binyuze mu gufashwa kwiteza imbere

Iyi nkunga izibanda cyane mu gutuma u Rwanda rubona inararibonye zizafasha u Rwanda mu bijyanye no gukumira iki cyorezo ndetse no kongera ubushobozi bw'urwego rw'ubuzima muri rusange, kugira ngo rurusheho guhangana nacyo.

Muri ayo mafaranga, agera kuri miliyari 1.5 Frw azanyuzwa mu Ishami ry'Umuryango w'Abibumbye ryita ku Buzima, OMS, ndetse n'Ishami ry'Umuryango w'Abibumbye ryita ku bana (UNICEF) akazagira uruhare mu gukaza ingamba zijyanye no kwirinda iki cyorezo ndetse no gukurikirana abanduye n'abo bahuye mu rwego rwo gukumira ikwirakwira ryacyo.

Agera kuri miliyari 1 Frw azakoreshwa mu bijyanye no gufasha u Rwanda gukarishya ubunaribonye mu bijyanye no guhangana n'iki cyorezo. Ikipe y'abahanga 11 baturutse mu Bwongereza izafatanya n'itsinda ry'abaganga riri kugira uruhare mu kwita ku bagaragaweho na Marburg kugira ngo ibikorwa byo gukurikirana abo barwayi bikomeze bigende neza.

U Bwongereza kandi busanzwe bufite abahanga bari mu Rwanda aho bakorana na UNICEF ndetse na OMS mu guhangana n'iki cyorezo.

U Bwongereza kandi bufatanya n'u Rwanda mu bijyanye n'ubushakakashatsi kuri iki cyorezo, ku buryo bizarufasha kubaka ubushobozi buzatuma ruhangana n'ibindi byorezo mu bihe biri imbere.

Ambasaderi w'u Bwongereza mu Rwanda, Alison Thorpe, yavuze ko u Bwongereza bwishimiye gufatanya na Guverinoma y'u Rwanda, ati 'Dutewe ishema no gukorana na Guverinoma y'u Rwanda ndetse n'Ishami ry'Umuryango w'Abibumbye ryita ku Buzima ndetse n'abandi bafatanyabikorwa mu rwego rwo guhashya iki cyorezo.'

Yongeyeho ati 'Umusanzu w'u Bwongereza uzafasha u Rwanda mu guhangana na Marburg ndetse no kurengera ubuzima. U Bwongereza buzafatanya n'u Rwanda mu guhashya iki cyorezo mu buryo bwihuse.'

Kugeza ubu u Rwanda ruri kwitwara neza mu guhangana n'iki cyorezo dore ko rusigaranye abarwayi babiri ba Marburg, 15 bitabye Imana na 49 bakize. Inkingo 1629 zimaze gutangwa mu gihe ibipimo 6099 bimaze gufatwa.

Abongereza baje gufasha u Rwanda guhangana na Marburg ubwo bahuriraga kuri ambasade y’u Bwongereza i Kigali

Zimwe mu nzobere zo mu Bwongereza zaje mu Rwanda gutanga umusanzu mu guhashya Marburg

Ni umuhango wabaye kuri uyu wa 31 Ukwakira 2024, ndetse ibiganiro abayobozi bombi bagiranye byibanze ku nzego z'ubufatanye ibihugu byombi bigirana harimo ubucuruzi, ishoramari, ubufatanye bw'abaturage b'ibihugu byombi n'ibindi.

Perezida Ilham Aliyev yahamije ko ubufatanye hagati y'ibihugu biri mu Muryango w'Abibumbye n'ibitawurimo buzakomeza kuba bwiza mu bihe bizaza.

Ikinyamakuru Azertag cyanditse ko Perezida Ilham Aliyev yishimiye ko Perezida Kagame azagira uruhare mu nama yiga ku kurengera ibidukikije COP 29 igiye kuba mu Ugushyingo 2024, avuga ko Azerbaijan igira uruhare rukomeye muri uru rwego.

Ambasaderi Charles Kayonga yagaragaje ko mu butumwa yahawe na Perezida Kagame, harimo guhamya ko intera iri hagati y'ibihugu byombi itaba inzitizi y'ubufatanye mu nzego zitandukanye.

Ati 'Perezida w'u Rwanda yantumye ngo umubano w'u Rwanda na Azerbaijan ni ingenzi cyane ndetse yongeraho ko nubwo hari intera iri hagati y'ibihugu byombi, hari amahirwe menshi y'ubufatanye.'

Ambasaderi Kayonga yahamije ko azakomeza gushyira imbaraga mu kwagura umubano n'inzego z'ubufatanye hagati y'impande zombi.

Mu bindi impande zombi zaganiriyeho harimo ibyerekeye ubukungu, ubucuruzi, ibikorwa by'imibereho myiza, uburezi na siyansi.

Amb. Kayonga ahagarariye u Rwanda mu bihugu bya Turikiya, Kazakhstan, na Liban.

Ambasaderi Lt Gen (Rtd) Charles Kayonga yashyikirije Perezida wa Azerbaijan impapuro zimwemerera guhagararira u Rwanda

Ibi ni bimwe mu byagarutsweho ubwo Minisiteri y'Ubumwe bw'Abanyarwanda n'Inshingano Mboneragihugu yasozaga Ukwezi k'Ubumwe n'Ubudaheranwa muri uyu mwaka.

Ni igikorwa cyabereye muri Kaminuza y'u Rwanda (UR) Ishami rya Rukara habarizwa College y'Uburezi mu Karere ka Kayonza ku itariki 30 Ukwakira 2024.

Urubyiruko rubarizwa muri iryo shami rya kaminuza rwari rwitabiriye icyo gikorwa ku bwinshi rwunguranye ibitekerezo n'ubuyozi ku buryo indangagaciro na kirazira by'umuco nyarwanda byagira uruhare mu kwimakaza ubumwe n'ubudaheranwa.

Urwo rubyiruko ibitekerezo rwatanze byagaragaje ko na rwo rwumva ubumwe n'ubudaheranwa ndetse n'imbuto zabyo by'umwihariko impinduka nziza zaranze imyaka 30 ishize harimo n'uburezi kuri bose.

Gusa byanagaragaye ko hakiri icyuho kuri rwo aho hari makuru acishwa ku mbuga nkoranyambaga n'abantu batagamije ineza ku Banyarwanda, hakaba urubyiruko ruhita ruyamira bunguri rutabanje gusesengura.

Umuyobozi wa Koleji y'Uburezi muri UR, Dr. Nsanganwimana Florien yavuze ko nk'abarera abarezi bishimiye kuba bahawe ibiganiro ku bumwe n'ubudaheranwa kandi bikabereka ahagikenewe gushyirwa ingufu mu kubugeraho byuzuye.

Ati 'Twari dusanzwe dufite gahunda dufatanya na Aegis Trust y'uburezi bwimakaza indangagaciro n'amahoro ariko guhera mu 2021 ni bwo twateye indi ntambwe dukorana na Unity Club Intwararumuri idufasha gushinga Club y'Ubumwe n'Ubudaheranwa mu 2022. Abanyeshuri bayirimo rero bafasha bagenzi babo kwimakaza ubumwe n'ubudaheranwa ariko bakanabigisha ku mateka ya Jenoside n'ingengabitekerezo yayo'.

Agaruka ku byuho bigihari yagize ati 'Urubyiruko rwavutse nyuma ya Jenoside hari urubwirwa ibintu ntirubisome ngo rubashe gusesengura harimo n'amateka agoretse y'u Rwanda n'aya Jenoside. Ibyo biduha umukoro nk'abarezi mu gukora ibiganiro bihoraho no kwita ku masomo y'uburere mboneragihugu dutanga ariko dukwiye no kujya tujya kureba abarangije amasomo bigisha abana niba ibyo babigisha bihuje n'ibyo twabatoje'.

Umunyamabanga uhoraho muri Minisiteri y'Ubumwe bw'Abanyarwanda n'Inshingano Mboneragihugu, Uwitonze Mahoro Eric, yavuze ko ukwezi iyo Minisiteri ishoje kwerekanye ko mu turere twose hari intambwe ifatika yatewe mu kwimakaza ubumwe mu mibanire y'Abanyarwanda.

Yavuze ko hakiri imbogamizi ku bumwe n'ubudaheranwa.

Ati 'Hari bamwe bagikwirakwiza ingengebitekerezo ya Jenoside ku mbuga nkoranyambaga ndetse na hamwe hari kugaragara amacakubiri mu rubyiruko'.

Yongeyeho ko ibyo bigaragaza ahakwiye gushyirwa ingufu mu rwego rwo kutirara mu nzira yo kubaka ubumwe ndetse asaba urubyiruko guhagarara rwemye rugakoresha uburezi rwahawe mu kumva neza abashaka gusenya Igihugu no kubarwanya mu buryo ubwo ari bwo bwose bakoresha.

Kuva mu 2008 buri kwezi k'Ukwakira guharirwa ubumwe n'ubudaheranwa aho hakorwa ibiganiro binyuranye mu gihugu ngo hasuzumwe uko buhagaze, imbogamizi zigihari ndetse n'icyakorwa.

Imibare y'iyahoze ari Komisiyo y'Igihugu y'Ubumwe n'Ubwiyunge mu 2020, yagaragaje ko igipimo cy'ubwiyunge mu Banyarwanda cyageze kuri 94,7%; bisobanuye ko hakiri icyuho cya 5,3% kibura kugira ngo bugerweho 100

Uwitonze Mahoro Eric yavuze ko ukwezi k'ubumwe n'Ubudaheranwa kwerekanye ko mu turere twose hari intambwe ifatika yatewe mu kwimakaza ubumwe mu mibanire y'Abanyarwanda

Urubyiruko rwiga muri UR ishami rya Rukara, rwitabiriye ibyo biganiro ku bwinshi

Iki gikorwa cyitabiriwe n’inzego z’ubuyobozi zitandukanye