Webrwanda Backend

Category: Uncategorized

  • Knowless na Ariel Wayz bakoze mu nganzo! Tang… – #rwanda #RwOT

    Nk'uko bisanzwe bigenda mu mpera za buri Cyumweru, InyaRwanda ibagezaho urutonde rw'indirimbo nshya z'abahanzi barimo abamaze kugera ku rwego rukomeye n'abakizamuka.

    Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro abahanzi batandukanye bakoze mu nganzo batanga ibihangano bishya.

    Kuri ubu, abahanzi nyarwanda baba abakora umuziki usanzwe ndetse n'abakora uwo kuramya no guhimbaza Imana bose bakoze mu nganzo.

    Imwe mu ndirimbo zagiye hanze muri iki cyumweru ni iyitwa 'Katira' yahuriyemo abahanzikazi bakunzwe cyane barimo Ariel Wayz wahuje imbaraga na Butera Knowless.

    ‘Katira’ ni nk’indirimbo idasanzwe yaciriye inzira Ariel Wayz. Kuko iri mu za mbere umuhanzi Mukuru mu muziki azaba akoranye n’umuhanzi ukiri muto mu rugendo rwe rw’umuziki nka Ariel Wayz, ariko kandi mu bihe bitandukanye uyu mukobwa yagiye agaragaza ko akunda kandi anyurwa n’ibihangano bya Butera Knowless. 

    Mu kiganiro na InyaRwanda, Ariel Wayz yavuze ko gukorana indirimbo na Butera Knowless ari ibintu afata nk’ibidasanzwe, kuko azirikana neza ko yakoranye n’umugore w’umunyabigwi mu muziki kandi ukomeye. 

    Yavuze ko ari umuntu yagiyeho ibintu byinshi cyane, kandi kuva akiri muto kugeza n’uyu munsi yakunze ibihangano bye, ku buryo yahoranaga igitekerezo cy’uko bazakorana. 

    Ariel yavuze ko ubwo yasozaga amasomo ye ku ishuri rya muzika rya Nyundo yabonye amahirwe yo kuba mu bahanzi bafashije Knowless mu miririmbire mu gitaramo cya East African Party yaririmbyemo. 

    Umuraperi Gatsinzi Emery wamenyekanye nka Riderman na we yongeye gukora mu nganzo, ashyira indirimbo yise 'Iwabo w'Abasitari' abara inkuru ishushanya uburyo mu mitima y'abasitari huzuye byinshi, bityo buri wese utekereza kuhagana akwiye kwitonda.

    Ni indirimbo yagiye hanze mu gihe abasitari muri iki gihe bagarukwaho cyane ku mbuga nkoranyambaga. Aho buri wese abavugaho ijambo ashaka, imitima igakomereka ariko bagahitamo kubika imbere mu mitima; utekereza ko babayeho ubuzima bwiza ariko siko iyo muganira bakubwira ko atari ko bimeze. 

    Riderman yabwiye InyaRwanda ko ajya guhimba iyi ndirimbo yashingiye cyane ku bintu binyuranye bivugwa mu ruganda rw'imyidagaduro byitsa ku basitari. 

    Ati: 'Mu guhimba iyi ndirimbo nagendeye ku byo mbona hanze aha, ngendera ku bitekerezo by'abafana, nkoresha ibyo abanyamakuru batuvugaho. Mu by'ukuri nateranyije ibitekerezo benshi bafite ku ruganda rw'imyidagaduro.'

    Mu bandi bakoze mu nganzo, harimo Papa Cyangwe, Fireman, Clarisse Karasira, Jado Sinza, Sharon Gatete, Emmy Vox n'abandi benshi.

    Dore indirimbo InyaRwanda yaguteguriye zagufasha kuryoherwa na weekend ya mbere y'Ugushyingo:

    1.     Katira — Ariel Wayz ft Butera Knowless

    “>

    2.     Iwabo w'abasitari — Riderman

    “>

    3.     Bucyanayandi — Fireman

    “>

    4.     2Pac Muri Njye — Hollix

    “>

    5.     Icyimbo — Clarisse Karasira

    “>

    6.     Luza — Mulix

    “>

    7.     Serious — Hero B ft Papa Cyangwe

    “>

    8.     Imbobo — Bill Ruzima

    “>

    9.     Umwizera — Jado Sinza

    “>

    10. Imana Ibirimo — Emmy Vox

    “>

    11. Ntutinye — Sharon Gatete ft Les Gatetes

    “>

    12. Twaremewe kumuramya — John B Singleton

    “>

    13. Ni Iki — Byiringo Gedeon

    “>

    14. I Need To Know — Arnaud Gray ft Shemi, Logan Joe & DJ Grvndlvng

    “>

    15. Nduwawe — Yee Fanta

    “>
      

    Source : https://inyarwanda.com/inkuru/148249/knowless-na-ariel-wayz-bakoze-mu-nganzo-tangirana-ugushyingo-numuziki-mushya-video-148249.html

  • Muvunyi Paul : “Twari twasabwe kuva mu buyobozi bwa Rayon Sports, none basabye ko tugaruka” – YEGOB #rwanda #RwOT

    Muvunyi Paul, umwe mu bayobozi b'inararibonye muri Rayon Sports, yatanze ubutumwa bwerekana uko impinduka mu buyobozi bwa Rayon Sports zabayeho mu myaka yashize, agaruka ku nama yabereye kuri Kigali Arena aho abayoboye Rayon Sports bose bari basabwe guhagarara mu nshingano zabo kugira ngo hashyirweho ubuyobozi bushya.

    Mu butumwa bwe, Muvunyi yagize ati, 'Hari inama yabaye kuri Arena, basaba ko abayoboye Rayon Sports bose tujya ku ruhande ni bwo hajeho ubuyobozi bushya.' Yakomeje avuga ko abasabye kuva ku buyobozi icyo gihe barimo Minisitiri wari ushinzwe Siporo, Urwego rw'Igihugu rushinzwe Imiyoborere (RGB), ndetse n'izindi nzego za Leta.

    Muvunyi yongeyeho ko atari bo ubwabo bifuje kuva mu buyobozi, ahubwo ko bubahirije icyifuzo cy'izo nzego kugira ngo hatozwe abayobozi bashya. Yungamo ati, 'Ni yo mpamvu twagiye ku ruhande imyaka ine yari ishize. Izo nzego ni zo zongeye kutubwira ngo tugaruke ntabwo ari twe twabisabye.'

    Ubu butumwa bwa Muvunyi buje mu gihe Rayon Sports iri mu rugendo rwo kongera kwiyubaka mu miyoborere, aho abafana bayo bashyize icyizere mu kugaruka kw'abayobozi b'inararibonye, bategereje ko baharanira kongera kwubaka ikipe no kuyifasha kugera ku iterambere rirambye.

    Source : https://yegob.rw/muvunyi-paul-twari-twasabwe-kuva-mu-buyobozi-bwa-rayon-sports-none-basabye-ko-tugaruka/

  • Amavubi ahejeje umwuka abakinnyi ba Djibouti baranyagirwa – YEGOB #rwanda #RwOT

    Amavubi ahejeje umwuka abakinnyi ba Djibouti baranyagirwa

    Kuri uyu wa Kane tariki 31 Ukwakira 2024, ikipe y'igihugu y'u Rwanda Amavubi yakinnye umukino ubanza n'ikipe y'igihugu ya Djibouti umukino urangira u Rwanda rutsinze ibitego 3-0, urebwa na Perezida w'u Rwanda Paul Kagame.

    Uyu mukino watangiye wo kwishyura mu gushaka itike yo gukina igikombe cy'afurika cy'abakina imbere mu gihugu, watangiye ku isaha ya saa kumi n'ebyiri z'umugoroba, utangizwa n'ikipe y'igihugu y'u Rwanda Amavubi yari mu rugo.

    Ikipe y'igihugu y'u Rwanda Amavubi yatangiye ishaka igitego cyo kwishyura icyo batsinzwe mu mukino ubanza ndetse ubona ko abasore barimo Muhire Kevin, Dushimirimana Olivier, Mbonyumwami Thaiba bagenda bahusha uburyo bwabaga bwabazwe.

    Ku munota wa 10, Ruboneka Jean Bosco yazamukanye umupira yihuta cyane ahereje Dushimirimana Olivier Muzungu ahita ashyira mu izamu abafana bari muri Sitade Amahoro batangira kugira icyizere cyo gukomeza mu kindi cyiciro.

    Ikipe y'igihugu y'u Rwanda Amavubi yakomeje kugenda ishaka ikindi gitego, ku munota wa 26 Ruboneka Jean Bosco yongeye kuzamukana umupira ahereza Dushimirimana Olivier ateye ishoti ari inyuma y'urubuga rw'umuzamu, u Rwanda ruhita rubona igitego cya Kabiri.

    Nyuma gato, ku munota wa 29 Mbonyumwami Thaiba yafashe umupira akorerwa ikosa rikomeye cyane benshi bagira ubwoba kubera imvune ariko n'ubundi yakinnye uyu mukino bivugwa ko yatewe inshinge atari yagakize neza ku buryo yakoreshwa. Igice cya mbere kirangira ari ibitego 2-0.

    Mu gice cya Kabiri, ntabintu bihambaye byagaragaye kugeza ku munota wa 68 usibye amashoti amwe n'amwe ikipe zombi zagerageje gutera mu izamu ariko ntibigire icyo bihindura.

    Torsten Spittler utoza Amavubi yaje guhita akora impinduka akuramo Dushimirimana Olivier ndetse na Mbonyumwami Thaiba hinjiramo abarimo Twizerimana Onesme ndetse na Tuyisenge Arsene.

    Ikipe y'igihugu y'u Rwanda Amavubi ku munota wa 79, yazamukanye umupira ku ruhande rw'iburyo Byiringiro Gilbert ateye santire nziza cyane umupira usanga aho Mugisha Gilbert yari ahagaze ahita ashyira mu izamu ariko umusifuzi amanika igitambaro avuga ko hari habayemo kurarira.

    Ikipe y'igihugu y'u Rwanda yakomeje kugenda ishaka ibindi bitego kugirango aba bakinnyi bakomeze bashimisha umukuru w'igihugu wari muri Sitade kuri uyu mukino. Mugisha Gilbert yahaye umupira mwiza cyane Tuyisenge Arsene ahita ashyira mu izamu biba ibitego 3-0 bwa Djibouti Perezida aramwenyura.

    Ikipe y'igihugu y'u Rwanda nyuma yo gutsinda ikipe y'igihugu ya Djibouti ibitego 3-0, yahise igera mu kindi cyiciro cya kabiri aho u Rwanda ruzacakirana n'ikipe izaturuka hagati ya Sudani y'epfo na Kenya.

     

     

     

     

    Source : https://yegob.rw/amavubi-ahejeje-umwuka-abakinnyi-ba-djibouti-baranyagirwa/

  • Umuhanzikazi Bwiza mu birori bya 'The Stage Fashion Showcase' #rwanda #RwOT

    Umuhanzikazi Bwiza wari witabiriye ibirori byo kumurika imideli bya 'The Stage Fashion Showcase' yatunguranye nawe atambuka imbere y'abari babyitabiriye amurika imyambaro
    y'inzu ihanga imideli ya 'Matheo Studio'.

    Ibirori bya 'The Stage Fashion Showcase' byabereye ahitwa 'Mundi Center' mu ijoro ryo ku wa 1 Ugushyingo 2024, ahari hakoraniye abahanzi b'imideli batandukanye ndetse n'abamurika imideli bari bitabiriye ari benshi.

    Ni ibirori byari byitabiriwe ku rwego rwo hejuru nubwo itike yo kwinjira yo yari ibihumbi 50 Frw mu myanya isanzwe n'ibihumbi 100 Frw mu myanya y'icyubahiro.
    Mu kiganiro na IGIHE, Bwiza yavuze ko byari inshuro ye ya mbere amuritse imideli nubwo ari uruganda yari asanzwe akurikira.

    Icyakora avuga ko byari igitekerezo cya Matheo Studio, ati 'Ni igitekerezo cya Matheo, rero nk'umuntu dusanzwe dukorana nanjye nagombaga kumushyigikira, byakwiyongeraho ko ari ibintu nkurikira bikanyorohera.'

    Bwiza yavuze ko uruganda rwo kumurika imideli rukeneye ko buri Munyarwanda arushyigikira kuko ahandi rutunze abatari bake.
    Uyu muhanzikazi yaboneyeho gushima Mucyo Sandrine wiyemeje gushora amafaranga ye mu gikorwa cya 'The Stage Fashion Showcase' cyabaga ku nshuro ya kabiri.

    Bwa mbere ku itariki 14 Ukwakira 2023 mu birori byabereye muri Kigali Marriot Hotel. Ni ibirori bigamije kuzamura uruganda rw'imideli mu Rwanda no kumurika impano nshya ku ruhando mpuzamahanga.

    The post Umuhanzikazi Bwiza mu birori bya 'The Stage Fashion Showcase' appeared first on KASUKUMEDIA.COM.

    Source : https://kasukumedia.com/umuhanzikazi-bwiza-mu-birori-bya-the-stage-fashion-showcase/

  • Kepler College yashyize ku isoko ry'umurimo abanyeshuri barenga 140 – #rwanda #RwOT

    Uyu muhango wabaye ku wa 1 Ugushyingo 2024, wahuriranye n'imyaka 20 iki kigo kimaze gishinzwe mu Rwanda n'imyaka 10 kimaze mu bufatanye na Kaminuza ya Southern New Hampshire University, SNHU, ndetse abasoje bakaba bakiriwe mu barenga ibihumbi 250 bamaze gusoza muri iyi kaminuza yo muri Leta Zunze Ubumwe za Amerika.

    Mu banyeshuri basoje, 106 bigiye mu Ishami rya Kepler riri i Kigali mu gihe 38 bigiye mu ishami riri mu Nkambi ya Kiziba. 54,9% ni abakobwa mu gihe 45,1% ari abahungu, muri abo bose, abanyeshuri 36,1% bakaba ari impunzi.

    Abanyeshuri 54% bamaze kubona akazi mu bigo bitandukanye mu gihe 23% bari mu imenyerezamwuga na ho abandi 23% ntibarabona akazi.

    Abanyeshuri barenga 70,1% bize ibijyanye na “Management of Logistics and Operations”, 24,3% mu Itumanaho n'Ubucuruzi mu gihe 5.6% bize ibijyanye n'Ubuvuzi.

    Umwe mu basoje amasomo witwa Stephano Niyonsenga, yavuze ko nk'umwana wavutse ari impunzi, inzozi bari bafite zari izo gutunga mudasobwa gusa, ariko uyu munsi byararenze.

    Ati 'Ubu turi muri 7% b'impunzi bagize amahirwe yo kwiga kaminuza. Murumva ko tuzahora duharanira ko uwo mubare wiyongera twunze ubumwe tukareka ibidutandukanya. Turashima abarezi bose, ababyeyi bo tubabwire ko ubu icyari ndinda mubyeyi, cyabaye ndinda mwana. Icyo gihango tuzagisigasira.'

    Umuyobozi wa Kepler College, Nathalie Munyampenda, yashimiye abo banyeshuri, abarezi, ababyeyi babo n'abandi bafashije iyi kaminuza kwesa uyu muhigo.

    Yabwiye abanyeshuri ko ntako bisa kuba batangiye ikindi gice cy'ubuzima bafite ubumenyi bwose busabwa kugira ngo bagere ku cyo bifuza mu myuga bazerekezamo.

    Ati 'Twizeye ko inzira zose muzacamo, muzakorana ubwitonzi, umurava n'ubunyamwuga kugira ngo mugere ku ntsinzi irambye, kuko nta ntsinzi umuntu yageraho atiyushye akuya. Ntabwo tubasezeyeho, ahubwo mwinjiye mu cyiciro cy'abize muri Kepler kizabafasha kubyaza umusaruro amahirwe ahari no guhangana n'imbogamizi kandi natwe tuzababa hafi.'

    Ni mu gihe Umunyamabanga wa Leta muri Minisiteri y'Uburezi, Irere Claudette, yabwiye abo banyeshuri ko Isi ikeneye abashobora gukemura ibibazo ifite, bashoboye, biyizeye, ndetse bakora kinyamwuga.

    Ati 'Kuko musoje, twiteze ko muje ku isoko ry'umurimo mwiteguye ndetse murajwe ishinga no kunoza ibyo mukora. Ibigo nka Kepler byakomeje kugaragaza ubudasa mu kurema impano, ni yo mpamvu twizeye ko muje mufite icyo bisaba cyose ngo sosiyete ibeho neza. Iki gihugu kirabakeneye cyane mwese nk'abayobozi b'ejo hazaza.'

    Kepler yatangiye mu 2004 yitwa Orphans of Rwanda, mu 2008 iza guhindurirwa izina iba Generation Rwanda, ari gahunda igamije gufasha abana n'abahanga bo mu miryango itishoboye kwiga mu mashuri makuru na kaminuza zo mu Rwanda.

    Mu 2013 yahinduye imikorere, itangiza gahunda yari itegerejweho yo gufasha abanyeshuri barangiza amasomo kugira amahirwe menshi yo kubona imirimo.

    Nibwo yasinyanye amasezerano na Southern New Hampshire University (SNHU), itangira gufasha abanyeshuri bayo kubona impamyabumenyi y'icyiciro cya mbere n'icya kabiri cya kaminuza.

    Yakira abanyeshuri batsinze ibizamini bahabwa nyuma yo kubona impamyabumenyi zisoza amashuri yisumbuye, baba abo mu Rwanda n'abo mu Karere. Ifite amashami mu Mujyi wa Kigali no mu Kambi ya Kiziba ibamo impunzi z'Abanye-Congo. Mu 2021 yafunguye ishami muri Ethiopia.

    Abanyeshuri bayo babanza gutegurwa binyuze mu masomo y'ingenzi atangwa muri gahunda y'ibanze ya Kepler (Kepler Foundation Program), bakabona ubumenyi bw'ibanze nko mu ikoranabuhanga, gukoresha ururimi n'ubundi bumenyi butuma umunyeshuri azabasha guhatana ku isoko ry'umurimo.

    Nyuma y'iyo porogaramum, aba banyeshuri ni bwo binjira muri gahunda y'amasomo ya SNHU izwi nka College for America, bagahitamo amasomo biga ku rwego rw'icyiciro cya kabiri cya kaminuza.

    Abanyeshuri 146 basoje amasomo muri Kepler College

    Mu basoje muri Kepler College, abanyeshuri 54% bamaze kubona akazi mu bigo bitandukanye

    Mu banyeshuri basoje amasomo muri Kepler College, 36,1% ni impunzi

    Umunyamabanga wa Leta muri Minisiteri y'Uburezi, Irere Claudette, yeretse abasoje amasomo muri Kepler College ko igihugu gikeneye abafite ubushobozi mu gukemura ibibazo sosiyete ifite

    Rosine Tuyisenge mu basoje amasomo yabo muri Kepler College

    Umuyobozi wa Kepler College, Nathalie Munyampenda yifurije ishya n’ihirwe abanyeshuri basoje muri iyo kaminuza

    Abavandimwe, ababyeyi n’inshuti z’abasoje amasomo muri Kepler College bari baje kubashyigikira

    Umuyobozi wa Kepler College, Nathalie Munyampenda ari kumwe na Dr Charles Murigande uri mu buyobozi bw’icyo kigo

    Amafoto: Harerimana Ramadhan

    Source : http://igihe.com/amakuru/u-rwanda/article/kepler-college-yashyize-ku-isoko-ry-umurimo-abanyeshuri-barenga-140

  • REG WBC yabonye itike y'igikombe cya Afurika itsinze APR WBC mu mikino ya Zone V ibera muri Zanzibar #rwanda #RwOT

    Ikipe ya Rwanda Energy Group (REG) WBBC yasubiriye ikipe ya APR WBBC iyitsinda amanota 82-77 muri ½ cy'irangiza cy'imikino y'akarere ka 5 irimo kubera mu gihugu cya Zanzibar.

    Muri uyu mukino wagiye gukinwa amakipe yombi ahabwa amahirwe yo kwegukana intsinzi dore ko aheruka guhurira ku mukino wa nyuma wa shampiyona y'u Rwanda.

    Icyo gihe ikipe ya REG WBC yatwaye igikombe itsinze ikipe y'Ingabo z'igihugu imikino ine yikurikiranya mu mukino irindwi yari iteganyijwe.

    REG WBBC yahise ikatisha itike ya Africa Women's Basketball League/ AWBL izabera i Dakar muri Senegal, Ku ya 06-15 Ukuboza 2024.

    Iyi kipe yo mu Misiri yo yabigezeho itsinze KPA amanota 104-63, Uyu mukino wa nyuma uteganyijwe ku wa Gatandatu.

    REG BBC na Al Ahly ni zo zizahagararira aka karere mu mikino ya Africa Women Basketball League

    The post REG WBC yabonye itike y'igikombe cya Afurika itsinze APR WBC mu mikino ya Zone V ibera muri Zanzibar appeared first on RUSHYASHYA.

    Source : https://rushyashya.net/reg-wbc-yabonye-itike-yigikombe-cya-afurika-itsinze-apr-wbc-mu-mikino-ya-zone-v-ibera-muri-zanzibar/?utm_source=rss&utm_medium=rss&utm_campaign=reg-wbc-yabonye-itike-yigikombe-cya-afurika-itsinze-apr-wbc-mu-mikino-ya-zone-v-ibera-muri-zanzibar

  • Huye: Umugabo yagiye gusambana mu rugo rw'abandi, umwana waho amukubita ifuni arapfa – #rwanda #RwOT

    Amakuru y'urupfu rwa Mutunzi Emmanuel, yamenyekanye mu masaha ya saa kumi n'ebyiri z'igitondo ageze ku nzego z'ibanze, aho bivugwa ko yari yagiye gusambanya uwo mugore usanzwe ari umupfakazi ariko ufite abana.

    Amakuru akomeza avuga ko umuhungu w'uwo mugore w'imyaka 19, yaje aho uwo Mutunzi yari kumwe na nyina maze ahita amukubita ifuni mu mutwe, ibyaje kumuviramo urupfu.

    Abaturanyi b'uyu muryango, bavuze ko uyu musore yahoraga yumva ko uyu mugabo aza iwabo gusambanya nyina, ariko atarabafata, mu ijoro ryakeye rero ubwo ngo yatahaga mu masaha ya saa yine z'ijoro asanga uwo nyakwigendera ari mu buriri bwa nyina.

    Ngo yahise afata ifuni amukubita mu mutwe ariko ntiyahwana, nyuma babona ko uwo mugabo ari kuremba bashaka uko bamujyana kwa muganga, uwamujyanye ngo yageze mu nzira umurwayi aramurembana, birangira apfuye.

    Umunyabanga Nshingwabikorwa w'Umurenge wa Karama, Kalisa Constantin, yemereye IGIHE iby'aya makuru, avuga ukekwaho ubu bwicanyi yahise afatwa muri iki gitondo, ubu akaba afungiye kuri sitasiyo ya RIB, ishami rya Huye, riri mu Murenge wa Huye, uhana imbibi n'uwa Karama.

    Ati'' Ni byo koko ayo makuru ni yo, ndetse n'ukekwa kugira uruhare muri ubu bwicanyi ari mu maboko y'ubugenzacyaha,RIB, ishami rya Huye, dutegereje ibizava mu iperereza.''

    Hari amakuru IGIHE yamenye ko uyu nyakwigendera ngo yari amaze kugira akamenyero ko kuza kenshi mu rugo rw'uyu mupfakazi, bikavugwa ko uyu musore na we yari yarahize ko azamugirira nabi namubona iwabo ariko ntibihabwe agaciro.

    Source : http://igihe.com/amakuru/u-rwanda/article/huye-umugabo-yakubiswe-ifuni-yagiye-gusambana-mu-rugo-rw-abandi

  • Uruhare rw'Umushinga SERVE wa miliyari 32,5 Frw, mu kugabanya ubushomeri mu rubyiruko – #rwanda #RwOT

    Ni umushinga uzamara imyaka itanu kuva muri 2023 kugera mu Ukuboza 2027, ukazafasha urubyiruko rurenga ibihumbi 100 ruri hagati y'imyaka 18 na 35 kubona akazi keza ariko 70% by'abo bakaba ari abari n'abategarugori.

    Uyu mushinga uterwa inkunga na Mastercard Foundation, binyuze muri Care Rwanda ugashyirwa mu bikorwa n'imiryango itari iya Leta itandukanye irimo na DUHAMIC-ADRI.

    SERVE ikorera mu Turere twa Rulindo, Gakenke, Kayonza, Rwamagana, Ngoma, Kirehe, Nyamagabe, Huye, Nyabihu na Rubavu, abagenerwabikorwa bayo bagafashwa ku kuzamura imishinga yabo mito n'iciriritse iri mu ruhererekane nyongeragaciro rw'ubuhinzi bw'imiteja, urusenda n'inyanya ndetse n'ubworozi bw'inkoko.

    Ni umwe mu mishinga iri muri gahunda ya Mastercard Foundation yo guteza imbere urubyiruko hahangwa imirimo ibihumbi 300. Uzarema imirimo ibihumbi 10 muri buri karere, bitarenze mu 2030.

    Mu rwego rwo gufasha abafite imishinga mito n'iciriritse, ku wa 30 Ukwakira 2024, DUHAMIC-ADRI ku bufatanye na CARE Rwanda, yahembye imishinga 47 y'urubyiruko iri guteza imbere ubuhinzi n'ubworozi yo mu turere 10, ihabwa miliyoni 275 Frw, zitazasubizwa, aho 68% ari iy'abari n'abategarugori.

    Umunyamabanga Nshingwabikorwa wa DUHAMIC-ADRI, Muhigirwa Benjamin, yavuze ko guhemba imishinga y'urubyiruko ishingiye ku guhanga udushya , ari kimwe mu byo bakora byo gukangurira urubyiruko kwishakamo ibisubizo.

    Yerekanye ko iyo mishinga 47 yatoranyijwe mu yindi 614 yahatanye. Iyari yujuje ibisabwa yari 580, nyuma hasuzumwa umushinga ku wundi, hatoranywamo 47 y'abahize bagenzi babo ari nayo yahembwe, miliyoni 275 Frw.

    Ati 'Ni imishinga iri gukemura ikibazo kiriho, haba mu gutunganya amafumbire y'imborera, ibikorwa birengera ibidukikije n'ibindi. Twashakaga ko bibazamura mu bikorwa byabo bikanatuma bagenzi babo na bo babikora kandi bagahanga akazi ku rundi rubyiruko.'

    Muri iyo mishinga yatsinze harimo uwa Muhayuwera Vivine, ufite ubumuga bw'ingingo, ariko akaba umworozi w'inkoko wabigize umwuga, aho ubu afite inkoko 800 yororera i Mwurire mu Karere ka Rwamagana atuye anarerera abana batatu wenyine.

    Ati 'Natangiye ku nkoko 50 nari mfite ubumuga, akaboko ntigakora n'umugongo. Namenye SERVE nserukana umushinga w'ituragiro rigezweho. Iki gihembo kiramfasha gukuba abakozi kabiri bakagera kuri batandatu bahoraho na ba nyakabyizi 20. Nshaka ko mu myaka itanu nzaba mfite inkoko zirenga 5000.'

    Umuyobozi Mukuru wa Care Rwanda, Hela Gharbi, yagaragaje ko gushyigikira abantu nk'aba baba batagerwaho na serivisi z'imari uko bikwiriye, ari byo biyemeje gukora haba mu mushinga wa SERVE n'indi mishinga itandukanye bakora mu Rwanda.

    Ati 'Tumaze imyaka 40 mu Rwanda. Tuzwi cyane mu kugeza ku abaturage serivisi z'imari, mu kwizigama n'ibindi. Ubu twishimira ko tumaze guhanga amatsinda yo kubitsa no kugurizanya ibihumbi 39 abarizwamo abarenga miliyoni by'Abanyarwanda, abarenga 80% bakaba abari n'abategarugori.'

    Nka Care Rwanda, Gharbi yavuze ko bashaka ko bitarenze 2025 bazaba barafashije abari n'abategarugori miliyoni 1,5 kubona amahirwe abateza imbere.

    yavuze ko uyu munsi igihugu kiri guteza imbere ubuhinzi bugezweho bugamije ubucuruzi, ababikora ku bw'amaramuko bakagabanywa.

    Dr Karangwa ati 'Ntabwo dushishikariza abantu kujya mu buhinzi gusa, ahubwo tubasaba no kujya mu ruhererekane nyongeragaciro. Ntabwo abantu bose bagomba kumva ko bagomba kujya gukubita isuka. Mu igenamigambi dukora ni uko abantu bagabanyuka bakava mu buhinzi bakajya mu zindi nzego.'

    Uyu muyobozi yavuze ko muri gahunda y'icyerekezo 2050, u Rwanda ruzaba rufite abahinzi bari munsi ya 30% bavuye ku barenga 64% batunzwe n'ubuhinzi uyu munsi, hakazasigaramo ababikora kinyamwuga.

    Kugeza muri Kamena 2024, imibare igaragaza ko muri SERVE imishinga 23.504 imaze kunganirwa muri uwo mushinga. Muri yo, harimo irenga 15.567 ingana na 66,23%, imishinga 827 ingana na 4% ni iy'urubyiruko rw'impunzi mu gihe imishinga 203 ingana na 1% ari iy'abafite ubumuga.

    Muri uyu mushinga kandi hamaze gukorwa ubuhinzi kuri hegitari 731,4 mu bihembwe by'ihinga bya B na C bya 2024 harimo hegitari 115,77 z'urusenda, 259,46 z'ibishyimbo, na 356,17 z'inyanya, ndetse hashyizweho 'green house' 10 mu turere SERVE ikoreramo.

    Hatanzwe ibikoresho by'ubworozi bw'inkoko ku rubyiruko rwibumbiye mu matsinda 104, barimo abagore 1558 n'abagabo 753.

    Mu buryo bwo guteza imbere uburyo bwo gusarura hamaze gutangwa shitingi 3200 zitangiriza ibidukikije, ibikoresho byo gusaruriramo 5500, ibyo gutwaramo amagi (crette) 3000, bihabwa abahinzi bari mu matsinda 421 agizwe n'abagore 6.779 n'abagabo 3,816 males, abafite ubumuga n'impunzi z'abari n;abategarugori 156 n'iz'abagabo 74.

    Mu buryo bw'imari ihuriro ry'ibigo by'imari, AMIR, ubu iri gufasha abantu kugezwaho serivisi z'imari aho kugeza muri Kamena 2024 yari iri gufasha imishinga 74 yasabye inguzanyo ya miliyoni 127 Frw ndetse imaze gusinyana amasezerano y'imikoranire n'abanyamuryango bayo 40 mu gufasha urubyiruko.

    DUHAMIC-ADRI na Care Rwanda bahembye imishinga yo mu turere 10 iri guteza imbere ubuhinzi n’ubworozi

    Ba rwiyemezamirimo bafite imishinga iteza imbere ubuhinzi n’ubworozi no kurengera ibidukikije basaranganyijwe inkunga ya miliyoni 275 Frw

    Urubyiruko ruri mu bijyanye no gukora ifumbire rwahawe inkunga ya miliyoni 172 Frw

    Umunyamabanga Nshingwabikorwa wa DUHAMIC-ADRI, Muhigirwa Benjamin yemeje ko muri SERVE biyemeje gufasha urubyiruko ibihumbi 100 mu turere 10 tw’u Rwanda

    Umuyobozi Mukuru wa Care Rwanda, Hela Gharbi yavuze ko bitarenze mu 2025 bazaba bafashije abari n’abategarugori miliyoni 1,5 kubona amahirwe abateza imbere

    Muhayuwera Vivine ufite ubumuga bw’ingingo afite umushinga w’inkoko aho ubu ari korora izirenga 800. Agaragaza ko kugira ubumuga bitabuza ubufite gutekereza icyamuteza imbere

    Umuyobozi muri Minisiteri y'Ubuhinzi n'Ubworozi Ushinzwe Guteza Imbere Ubuhinzi Buvuguruye, Dr. Karangwa Patrick yavuze ko mu 2050 u Rwanda ruzaba rwaragabanyije abahinzi, uyu murimo ugakorwa n’ababigize umwuga babisobanukiwe

    Umuyobozi Mukuru wa Care Rwanda, Hela Gharbi yifatanyije n’Abanyarwanda kubyina ibyino gakondo

    Source : http://igihe.com/amakuru/u-rwanda/article/uruhare-rw-umushinga-serve-wa-miliyari-32-5-frw-mu-kugabanya-ubushomeri-mu

  • 404 ERROR | #rwanda #RwOT

    Source : http://igihe.com/amakuru/u-rwanda/article/asaga-miliyari-5frw-agiye-kwifashishwa-mu-gushyigikira-imishinga-y-ishoramari

  • Ngororero: Umusore w'imyaka 25 yapfiriye mu kirombe – #rwanda #RwOT

    Byabereye mu Mudugudu wa Kiregamazi, Akagari ka Rundage, Umurenge Bwiza ku wa 31 Ukwakira 2024.

    Umuvugizi wa Polisi y'u Rwanda mu Ntara y'Iburengerazuba, SP Bonaventure Twizere Karekezi, yabwiye IGIHE ko saa mbili z'ijoro aribwo bamenye ko Habimana yagwiriwe n'ikirombe gikurwamo amabuye y'agaciro.

    Ati “Turacyakora ibishoboka byose ngo tumukuremo”.

    Tariki 15 Ukwakira 2024 nibwo Ikigo cy'igihugu gishinzwe ubucukuzi bw'amabuye y'agaciro mine na kariyeri cyafunze ibirombe birimo n'icyo Habimana yaguyemo nyuma yo gusanga bitujuje ibisabwa.

    SP Bonaventure Twizere Karekezi yihanganishije umuryango wabuze umuntu wawo, anasaba abaturage kwirinda ubucukuzi bunyuranyije n'amategeko kuko bugira ingaruka zirimo no guteza impanuka zibyara urupfu.

    Source : http://igihe.com/amakuru/u-rwanda/article/ngororero-umusore-w-imyaka-25-yapfiriye-mu-kirombe