Author: webrwanda

Ni umukobwa ufite impano idashidikanywaho mu kuririmba, ndetse no mu gucuranga 'guitar', kuko akenshi aririmba anicurangira.

Iyo muganira akubwira ko impano yo kuririmba yakuze ayiyumvamo, ariko ikaza gutyara ubwo yagiraga amahirwe yo kwiga umuziki ku Ishuri ry'Umuziki ry'u Rwanda riherereye i Muhanga. Yasoje aya masomo mu 2022.

Yabwiye IGIHE ko aya masomo yamufashije, kuko byatumye akora ibintu akunda ariko na none azi neza.

Ati 'Kwiga umuziki byari ibintu nkunda kandi mbishoboye. Byatumye nsobanukirwa buri kimwe icyo kivuze, naho gikoreshwa […] nashakaga kwiyungura ubumenyi burenze ku bwo nari mfite. Nagiye kwiga umuziki mu 2019.'

Ubuhanga bwe bwamubashishije guhirwa, ndetse atangira kwigisha muri rimwe mu mashuri y'umuziki mu Mujyi wa Kigali ubwo yarangizaga amasomo ye.

Là Reïna ni we wagize uruhare rukomeye mu ikorwa rya zimwe mu ndirimbo zakunzwe mu bihe byashize zirimo iyahuriyemo Juno Kizigenza na Ariel Wayz, bakoze mu bihe by'amatora bise 'Injyana'. Hari n'indi yanditse izagaragara kuri album nshya ya Bruce Melodie.

Là Reïna yavukiye mu Karere ka Nyamagabe ahazwi nko ku Itaba. Avuka mu muryango w'abana barindwi, akaba Ubuheture.

Yamenyekanye ubwo yashyiraga hanze indirimbo ye ya mbere, yise 'Nditinya' yasamiwe hejuru na benshi, ubu ikaba imaze kurebwa n'abarenga ibihumbi 440.

Agendeye ku kuntu yakiriwe, agaragaza ko uyu mwaka wamubereye mwiza. Ati 'Navuga ko wambereye mwiza kuko ninjiye mu muziki nkora indirimbo ihita igera ku bantu benshi. Ni umwaka mfata nk'uw'umugisha.'

Là Reïna yasohoye iyi ndirimbo muri uyu mwaka nyuma y'umwaka yari amaze asoje amasomo ye, akavuga ko ari ibintu yatekerejeho akabanza kureba uko ikibuga kimeze.

Ati 'Nari ndi kwihugura. Nashakaga kubanza kumenya uburyo ngomba kuba njye wa nyawe. Nkareba ibitaramo by'abandi bahanzi, ubuzima bw'abandi bahanzi. Nkavuga nti ni gute umuhanzi yahangana no kuvugwa nabi n'ibindi.'

Agaragaza ko mu myaka itanu iri imbere ashaka kuba hari ahantu hakomeye yageze harenze aho ari uyu munsi.

Ati 'Nifuza ko ibintu byanjye bizaba byarageze ku bantu benshi ugereranyije n'uko bimeze ubu. Ikindi ni uko hazaba hari nk'umuntu uvufa ko yifuza kuba nkanjye.'

Là Reïna afite ubuhanga buhambaye mu muziki

Imyandikire ya Là Reïna ituma akundwa na benshi

Uyu mukobwa yize umuziki ndetse avuga ko byamufashije mu kuzamura impano ye

Reba ikiganiro uyu mukobwa yagiranye na IGIHE

Reba indirimbo nshya ya Là Reïna

IGIHE yifuje kumenya byinshi ku ikorwa ry'icyo cyaha n'icyo inzego ziri kugikoraho, igirana ikiganiro cyihariye n'Umuvugizi w'Urwego rw'Igihugu rw'Ubugenzacyaha, RIB, Dr. Murangira B. Thierry.

Yagaragaje ko abakekwaho kugira uruhare muri ibyo bikorwa bakurikiranyweho ibyaha bibiri birimo iyicarubozo no kwirengagiza gutabara uri mu kaga.

Yashimangiye ko ibyo bakurikiranyweho mu gihe byaba bibahamye bashobora gufungwa kuva ku myaka 20 kugera ku myaka 25.

IGIHE: Ibi byaha mwabimenye mute?

Nyuma y'uko RIB imenye amakuru ko hari umwana uri guhohoterwa na bagenzi be mu nzu bari bakodesheje iherereye mu Karere ka Kicukiro, Umurenge wa Nyarugunga, Akagari ka Kamashashi mu Mudugudu w'Akindege, ku bufatanye bwa RIB na Polisi, inzego zahise zigoboka, hafatwa abasore n'inkumi bari mu kigero cy'imyaka 19-24. Bafashwe tariki ya 13 n'iya 14 Ukuboza 2024.

Ku ikubitiro hafashwe abakekwa 10, hanyuma hakorwa isesengura ry'uruhare buri wese yagize muri ibi bikorwa bigize ibyaha, Iperereza riza kugaragaza ko umunani ari bo bafite impamvu zifatika zituma bakekwaho icyaha. Hari abandi bagishakishwa.

IGIHE: Abakekwa ni bande?

Abakekwa ni aba bakurikira, Uwase Adolphe Emmanuel w'imyaka 24, Ikuzwe Bruce Emery wa 21, Imanzi Kevin wa 21, Kirezi Vanessa w'imyaka 20, Nkubana Joel w'imyaka 20, Mugenzi Jonathan w'imyaka 20, Kirenga Kevin ufite imyaka 19 na Rugema Marembo w'imyaka 19.

IGIHE: Icyo cyaha bagikoze bate?

Aba basore n'inkumi bakodesheje inzu iherereye mu Karere ka Kicukiro, Umurenge wa Nyarugunga, Akagari ka Kamashashi mu Mudugudu w'Akindege.

Byatangiye ari bimwe by'urubyiruko, bakodesha inzu iminsi runaka, bashaka gukoreramo ibirori byo kwinezeza, bimwe bizwi nka house party, biza kurangira habereyemo ibyaha biremereye.

Mu gihe rero bari muri iyo nzu, baje kwibwa telefoni eshatu na laptop imwe, hanyuma baje gukeka umwe muri bo witwa Haberumugabo Guy Divin w'imyaka 19.

Baje gutangira kumukubita bamuryoza ko ngo ari we wabibye. Iperereza rigaragaza ko bamukoreye urugomo rukabije, bimuviramo gukomereka ku buryo bubabaje.

Ikintu kitumvikana n'uko iki cyaha cyakorewe Divin, cyakozwe n'Inshuti ze, Divin yari mugenzi wabo bari mu mugambi umwe wo gukodesha iyo nzu yo kwishimishirizamo.

Iyo nzu bayikodesheje guhera tariki ya 30 Ugushyingo 2024. Kugeza ubu abafashwe bafungiwe kuri Stasiyo ya RIB ya Nyarugunga.

IGIHE: Nyuma yo gufatwa n'iki kigiye gukurikira?

Ubu ikiri gukorwa ni uko nyuma y'uko abakekwa bafashwe, dosiye yabo yahise itangira gutunganywa. Ubu abo basore n'inkumi bose bakaba bagiye gupimishwa muri Rwanda Forensic Institute kugira ngo harebwe niba harimo abanywa ibiyobyabwenge.

Ibisubizo ntabwo biraboneka, ariko dosiye yabo ikaba yamaze gutunganywa ikaba yamaze koherezwa mu Ubushinjachaya tariki ya 18 Ukuboza 2024.

Ubu Haberumugabo Guy Divin ari kwitabwaho mu bitaro ndetse n'abaganga bari kumuvura, bavuga ko ari kugenda yoroherwa, mu minsi iri imbere bashobora kumusezerera.

IGIHE: Hari abavuga ko uwo mwana akomoka mu Burundi, bagenzi be akaba ari cyo bamujijije… Byaba ari byo

Ni byo koko akomoka mu gihugu cy'u Burundi, yari mu Rwanda kubera kwiga. Guhohoterwa kwe na bagenzi be bari inshuti ntaho bihuriye n'Igihugu akomokamo, Ikindi kandi inzego za RIB na Polisi zagobotse ntabwo zabanje kubaza ubwenegihugu.

Zihutiye gutabara uwarimo guhohoterwa no gufata ababigizemo uruhare, RIB irasaba abantu kureka ibihuha bahuza uguhohoterwa kwe n'ibindi bintu.

U Rwanda ni igihugu kigendera ku mategeko kandi cyubahiriza uburenganzira bwa muntu, kandi inzego zacu zita kuri buri wese, yaba Umunyarwanda cyangwa umunyamahanga uri mu Rwanda.

IGIHE: Ibyaha bakurkiranyweho ni ibihe, biramutse bibahamye bahanwa bate?

Bakurikiranyweho ibyaha bibiri bikurikira, birimo Icyaha cy'Iyicarubozo (Torture) no kwirengagiza gutabara umuntu uri mu kaga (Non-assistance à une personne en danger).

Iyicarubozo ni icyaha giteganwa n'ingingo ya 112 y'itegeko N0 68/2018 ryo ku wa 30/08/2018 riteganya ibyaha n'ibihano muri rusange.

Ivuga ko iyicarubozo ari igikorwa icyo ari cyo cyose gitera uburibwe cyangwa ububabare haba ku mubiri cyangwa ku bwenge, gikorewe umuntu ku bushake hagamijwe kumushakaho amakuru cyangwa kuyashaka ku wundi muntu cyangwa ukwemera icyaha, kumuryoza igikorwa yakoze cyangwa cyakozwe n'undi muntu cyangwa akekwaho kuba yarakoze, cyangwa kumukangisha cyangwa kumuhatira we ubwe cyangwa undi muntu, cyangwa kubera impamvu iyo ari yo yose ishingiye ku ivangura iryo ari ryo ryose.

Ugihamijwe n'urukiko ahanishwa igifungo kitari munsi y'imyaka 20 ariko kitarenze imyaka 25.

Kwirengagiza gutabara umuntu uri mu kaga ni icyaha giteganwa n'ingingo ya 244 y'itegeko No 68/2018 ryo kuwa 30/08/2018 ritegenya ibyaha n'ibihano muri rusange.

Ugihamijwe ahanishwa igifungo kuva ku mwaka umwe ariko kitarenze imyaka itatu n'ihazabu y'amafaranga y'u Rwanda kuva ku bihumbi 300 Frw ariko atarenze ibihumbi 500 Frw.

Ikindi n'uko Icyaha cy'iyicarubozo kidasaza.

IGIHE: Ni ubuhe butumwa mwagenera abadukurikira?

RIB iributsa Abaturarwanda ko kwihanira ari icyaha gihanwa n'amategeko. Nta muntu wari ukwiye kwihanira kuko Leta iba yarashyizeho inzego kugira ngo niba hari ukosherejwe yitabaze inzo nzego.

Ubundi butumwa buragenerwa abantu bafite inzu zikodeshwa. RIB irabasaba kudakodesha abana cyangwa urubyiruko ruvuga ko rushaka kwinezeza, kuko usanga bakoreramo ibyaha bitandukanye kandi biremereye.
Ntabwo nyir'inzu yari akwiye kwita ku mafaranga ahabwa gusa ngo yirengagize ko afite inshingazo zo kudaha icyuho imikorere y'icyaha.

Urubyiruko akenshi rwahuriye mu nzu bakodesheje, bimwe bita house party, usanga bakoreramo ibyaha birimo kunywa ibiyobyabwenge, gusambanya abana, guha ibisindisha abakobwa n'abahungu barangiza bakabasambanya ku gahato, kurwana, n'ibindi bikorwa by'ubwomanzi no kubangamira ituze rusange rya rubanda. Aho ni ho hava ibikorwa by'ubujuru no kwihorera nk'uko byakorewe Haberumugabo Guy Divin.

Abatunze inzu bafite inshingano zo kumeya umuntu ubabereye mu nzu n'icyo ayikoresha. Ntabwo agomba guhugira mu kwakira amafaranga.

Ibikorwa byaho urubyiruko rukodesha inzu zo gukoreramo house parties bikunze kugaragara iyo iminsi bikuru yegereje, aho baba bashaka inzu bakoreramo ibirori.

Muri iyi minsi twegereje iminsi mikuru ya Noheli n'Ubunani ba nyir'inzu rero barasabwa kwitondera no guhagarika gukodesha urubyiruko inzu, kuko usanga bitiza umurindi imikorere y'ibyaha.

Abo bireba bafate ubu butumwa nk'ubwabo, nibitaba ibyo bishobora kubaviramo ibyaha, birimo kuba icyitso cyangwa guhishira ibyaha. Ndagira ngo ibyakorewe uriya mwana, ndetse n'ibindi bikorwa bikorerwa muri za house parties bigomba guhagarara.

Ba nyir'inzu zikodeshwa bafite inshingano ku gihugu zo kurinda urubyiruko no kwirinda kubatiza umurindi wo gukora ibyaha biciye mu kubatiza cyangwa kubakodesha inzu.

Baturarwanda, Mureke twese dufatanye kurinda urubyiruko kugwa mu byaha, ndetse dufatanye kubarinda kwishora mu bikorwa bibaganisha mu gukora ibyaha kuko akenshi usanga ingaruka zivamo ziba ziremereye.

Umuvugizi w'Urwego rw'Igihugu rw'Ubugenzacyaha, RIB, Dr. Murangira B. Thierry, yasobanuye iby’umusore uherutse kuboneka yahohotewe bikomeye

Aba bantu ni benshi ugereranyije n'abakenewe kuko iyi gahunda igamije guhugura urubyiruko rw'u Rwanda 20 gusa ruri hagati y'imyaka 18 na 24, aho biteganyijwe ko bazamara imyaka ibiri bahugurwa.

Iyi gahunda ya 'Cadet Pilot Program' yatangajwe ku wa 5 Ukuboza 2024, ikaba yari ifite igihe ntarengwa cyo gutanga ubusabe cy'iminsi 10.

Umuyobozi ushinzwe kuzamura impano muri RwandAir, Emmy Ndayambaje, yavuze ko guhugura umupilote umwe bisaba 81.000$ [asaga miliyoni 110 Frw], yongeraho ko iki kiguzi cyose kizishyurwa na RwandAir.

Ati 'Aya mafaranga [81.000$] yishyura ibikenewe byose mu mahugurwa kugeza uhugurwa ahawe icyangombwa cyo gutwara indege za gisivili by'umwuga [Commercial Pilot Licence – CPL].'

Kubera ko iyi gahunda igamije guhugura abapilote 20, amafaranga azakoreshwa yose hamwe angana na miliyoni $1,62 [asaga miliyari 2,2 Frw].

Ndayambaje yavuze ko guhitamo abazinjira muri iyi gahunda bizashingira ku bushobozi bw'usaba yaba umusore cyangwa umukobwa, kandi ko igikorwa cyo kubahitamo kizaba cyarangiye mu mpera za Mutarama 2025.

Aya mahugurwa azakorerwa muri Akagera Aviation Academy, aho azaba agizwe n'amasomo asanzwe yo mu ishuri n'andi yo kwiga kugurutsa indege hifashishijwe ikoranabuhanga n'imashini zabugenewe [simulator training], igihe cyo guhugurwa ku kugurutsa indege kugira ngo abahugurwa bahabwe uruhushya rwa CPL, amasomo y'imiyoborere n'andi yoroheje [soft skills and leadership training].

Nk'uko RwandAir ibigaragaza, intego nyamukuru y'iyi gahunda ni 'ukugira ngo sosiyete yacu igire abapilote beza kandi b'Abanyarwanda,' cyane cyane hagamijwe kongera umubare wabo.

Imibare ya RwandAir igaragaza ko kugeza ubu ifite abapilote 207 barimo abagore 13 n'abagabo 194. Muri aba bose Abanyarwanda ni 59, bangana na 28.5% by'abapilote bose.

RwandAir yagaragaje ko intego nyamukuru y’iyi gahunda ari ukugira ngo igire abapilote beza kandi b'Abanyarwanda

Ni imyigaragambyo abo bakozi bateguye nyuma y'uko ubuyobozi bw'Umuryango uharanira uburenganzira bw'abakozi uzwi nka 'International Brotherhood of Teamsters:IBT' utangaje ko iki kigo cyashinzwe n'Umunyemari Jeff Bezos cyanze kuganira n'abakozi bacyo ku bijyanye no kunoza amasezerano y'akazi, gutanga imishahara myiza no kunoza uburyo bakora.

IBT yatangaje ko abakozi ba Amazon bo mu mijyi nka New York, Skokie muri Leta ya Illinois, Atlanta, San Francisco na Southern California biteguye kujya mu myigaragambyo.

Iryo huriro rivuga ko rizaba rihagarariye abakozi ibihumbi 10 bamwe bafatwa nka ba nyakabyizi, bo mu maduka atandukanye ya Amazon muri Amerika ndetse n'abandi bafite amasezerano yemewe y'umurimo bose bazitabira imyigaragambyo.

Icyakora ni ibirego Amazon ihakana, umuvugizi wayo, Kelly Nantel yavuze ko ari uguharabika ikigo, ibintu yise ko bidakwiriye.

Ati 'Ukuri ni uko IBT iri gukoresha uburyo butanyuze mu mucyo. Iryo huriro ryakomeje kuyobya no gutera ubwoba abakozi ba Amazon kugira ngo baryiyungeho.'

IBT yahaye Amazon ku wa 22 Ukuboza 2024 nk'umunsi ntarengwa wo gutangira ibiganiro bijyanye no kunoza amasezerano y'akazi, bitaba ibyo imyigaragambyo igatangira.

Inzobere mu bijyanye n'iyubahirizwa ry'amategeko agenge umurimo zigaragaza ko amahirwe menshi ni uko Amazon itazigera iganira ku bijyanye n'ibyo IBT iri gusaba, bakagaragaza impungenge ko bizabyutsa n'indi miryango ireberera abakozi.

Iki kigo gifatwa nk'isoko ryo kuri internet cyakunze kugaragaza ko gishyize imbere ibyo kubaka umubano n'abakozi ku giti cyabo, aho gukorera mu mahuriro, ibintu abakozi na bo batumva.

Amazon nk'ikigo cya kabiri mu byigenga bitanga akazi ku bantu benshi ku Isi, igaragaza ko ihemba imishakara iri hejuru y'ibindi bigo bikora ibintu bimwe, ndetse iherutse gushyiraho uburyo bw'ikoranabuhanga mu buryo bwo kugabanya imirimo yisubiramo yagoraga abakozi.

Icyakora abakozi ntibabyumva kuko bashinja iki kigo gukorera ku muvuduko uri hejuru no kunoza cyane ibyo gikora, igitambo cy'ibyo kikaba abakozi bakomerekera muri iyo mirimo kandi ntibitabweho neza.

Muri uyu mwaka Amazon yagaragaje ko izashora miliyari 2,1$ mu kongera imishahara y'abakozi bo muri Amerika, ababona igihembo kiri hasi bakazajya bakorera 1,5$ ku isaha, mu gihe ababona ikigereranyije bazajya babona 22$, ibingana n'inyongera ya 7%.

Abakozi ba Amazon bateguje imyigaragambyo

Ni ubutumwa bwagarutsweho n'Umuvugizi wa RIB, Dr. Murangira B. Thierry, mu kiganiro cyihariye yagiranye na IGIHE.

Ni nyuma y'uko mu minsi ishize hagaragaye amashusho y'umusore w'umunyeshuri mu Mujyi wa Kigali, wakubiswe bikabije na bagenzi be, bikavugwa ko bashobora kuba bari bamumaranye iminsi umunani bamutoteza. Bamushinjaga kubiba telefone.

Amakuru yashyizwe hanze na RIB ashimangira ko iki cyaha cyabereye mu nzu yari yakodeshejwe n'ababikoze iherereye mu Karere ka Kicukiro, Umurenge wa Nyarugunga, Akagari ka Kamashashi mu Mudugudu w'Akindege.

Ku bufatanye bwa RIB na Polisi, inzego zahise zihagoboka, hafatwa abasore n'inkumi bari mu kigero cy'imyaka 19-24. Bafashwe tariki ya 13 n'iya 14 Ukuboza 2024.

Ku ikubitiro hafashwe abakekwa 10, hanyuma hakorwa isesengura ry'uruhare buri wese yagize muri ibi bikorwa bigize ibyaha, Iperereza riza kugaragaza ko umunani ari bo bafite impamvu zifatika zituma bakekwaho icyaha. Hari abandi bagishakishwa.

Nyuma yo kubona ibyahaye, Umuvugizi wa RIB, yasabye abakodesha inzu n'abashaka kuzikoreramo 'house party', kwigengesera kuko usanga zikorerwamo ibyaha.

Ati “Muri iyi minsi twegereje iminsi mikuru ya Noheli n'Ubunani ba nyir'inzu rero barasabwa kwitondera no guhagarika gukodesha urubyiruko inzu ngo bakoreramo ibirori bimwe bizwi nka 'house party', kuko usanga bitiza umurindi imikorere y'ibyaha, birimo gusambanya abana, kunywa ibiyobyabwenge, guha ibisindisha abakobwa n'abahungu barangiza bakabasambanya ku gahato, kurwana, ubujura n'ibindi bikorwa by'ubwomanzi no kubangamira ituze rusange rya rubanda.”

Yakomeje asaba abo bireba gufata ubu butumwa nk'ubwabo, nibitaba ibyo bishobora kubaviramo ibyaha, birimo kuba icyitso cyangwa guhishira ibyaha.

Ati 'Ba nyir'inzu zikodeshwa bafite inshingano ku gihugu zo kurinda urubyiruko no kwirinda kubatiza umurindi wo gukora ibyaha biciye mu kubatiza cyangwa kubakodesha inzu.'

Umuvugizi wa RIB, Dr Murangira B. Thierry yihanangirije abakodesha urubyiruko inzu zo gukoreramo 'House Party'

Twagirayezu Thaddée yabitangaje ubwo yaganiraga na Radio & TV 10 mu kiganiro cy’imikino ‘Urukiko rw’Ubujurire’. Yavuze ko batanze ibiganiro na Munyakazi Sadate bijyanye nuko asanzwe ari n’umuyobozi muri Rayon Sports ahubwo ko bamubwiye ko bataganira ku bijyanye n’amasezerano avuga ko atubahirijwe ndetse n’amadeni avuga afitiwe n’iyi kipe bitewe nuko basuzumye bagasanga nta bimenyetso bihari.

Yagize ati “Ntabwo twanze ibiganiro nawe kuko Sadate ni umunyamuryango wa Rayon Sports ndetse ari no mu Rwego rw’ikirenga, ubwose urumva tutaganira gute ahubwo icyo namwandikiye namubwiye ngo maze gusuzuma ibaruwa wanditse n’amasezerano ni byo twagiye tubona birimo amahererekanyabubasha dusanga nta mpamvu yo kuganira kuri ibyo bintu kuko nta kintu kirimo”.

Yakomeje agira ati: “Rero turamubwira ngo dukurikije ibyo waduhaye kugira ngo tuganireho nta mpamvu yo gutakaza umwanya kuko nta kintu kirimo gituma tuganira. Nta mpamvu yo kuganira ku mwenda, nta mpamvu yo kuganira kuri ayo masezerano kubera ko nta kimenyetso na kimwe kigaragaza ko hari amasezerano yagiranye na Rayon Sports nta n’ikimenyetso kigaragaza ko tumufitiye umwenda”.

Thaddée yavuze ko ubwo Sadate yari akiri Perezida wa Rayon Sports nawe ayo masezerano avuga yagiranye n’iyi kipe yambara Ubururu n’Umweru atigeze ayashyira mu bikorwa. Yagize ati “Sadate ni we wagombaga kubona inyungu kuri ibyo bintu (Amasezerano) ari nawe muyobozi wa Rayon Sports? Ntabwo ari umuyobozi yigeze atwereka uburyo ayo masezerano yayashyize mu bikorwa nawe.”

Munyakazi Sadate yandikiye Rayon Sports ayibwira ko akeneye ibiganiro ku masezerano kompanyi ahagarariye zifitanye n'Umuryango wa Rayon Sports hamwe n'umwenda uyu muryango umufitiye.

Yagaragaje ko ku wa 17 Mutarama 2018, kompanyi ye ya MK Sky Vision Ltd yagiranye n'Umuryango wa Rayon Sports amasezerano yo gushakira Ikipe ya Rayon Sports abafatanyabikorwa mu by'ubucuruzi.

Ni mu gihe tariki ya 16 Werurwe 2019, indi kompanyi ye yitwa Three Brothers Marketing Group Ltd yagiranye n'Umuryango wa Rayon Sports amasezerano yo gucuruza ibintu byose biriho ibirango by'Umuryango wa Rayon Sports ndetse ibyo byatangiye kubahirizwa ubwo iyi kipe yatwaraga Shampiyona ya 2018/19.

Munyakazi Sadate kandi yagaragaje ko mu bihe binyuranye yagurije Umuryango wa Rayon Sports amafaranga yo kuyifasha mu bikorwa byayo bya buri munsi agera kuri Miliyoni 85 [85.389.000 Frw] hatabariwemo ayo bahaye Umuryango nk'umusogongero w'ibyo bari bagiye gukorana ndetse n'amafaranga batanze mbere ya Nyakanga 2019.

Yavuze ko Umuryango wa Rayon Sports warenze kuri ayo masezerano uha abandi bantu gukora ibyo basezeranye kandi byari bibujijwe none umwenda bamufitiye bakaba bataramwishyura kugeza ubu, akaba ari yo mpamvu yabandikiye iyi baruwa abasaba ko bahura bakaganira kuri ibyo bibazo byose ngo babishakire ibisubizo mu bwumvikane.

Perezida wa Rayon Sports yavuze ko batakwirirwa batakaza umwanya bajya mu biganiro na Sadate bitewe nuko amasezerano avuga yagiranye n’ikipe n’amafaranga avuga aberewemo nta bimenyetso bifite

Munyakazi Sadate avuga ko Rayon Sports imufitiye umwenda w’amafaranga arenga Miliyoni 85 

Perezida wa Rayon Sports yakuriye Munyakazi Sadate inzira ku murima

Munyakazi Sadate ushaka ibiganiro na Rayon Sports ari mu buyobozi bwayo 

Taliki ya 11 Ukuboza 2024 ni bwo Munyakazi Sadate yandikiye Umuyobozi w'Umuryango Rayon Sports amusaba ko baganira ku masezerano kompanyi ahagarariye zifitanye n'Umuryango wa Rayon Sports hamwe n'umwenda uyu muryango umufitiye.

Yagaragaje ko ku wa 17 Mutarama 2018, kompanyi ye ya MK Sky Vision Ltd yagiranye n'Umuryango wa Rayon Sports amasezerano yo gushakira Ikipe ya Rayon Sports abafatanyabikorwa mu by'ubucuruzi.

Ni mu gihe tariki ya 16 Werurwe 2019, indi kompanyi ye yitwa Three Brothers Marketing Group Ltd yagiranye n'Umuryango wa Rayon Sports amasezerano yo gucuruza ibintu byose biriho ibirango by'Umuryango wa Rayon Sports ndetse ibyo byatangiye kubahirizwa ubwo iyi kipe yatwaraga Shampiyona ya 2018/19.

Munyakazi Sadate kandi yagaragaje ko mu bihe binyuranye yagurije Umuryango wa Rayon Sports amafaranga yo kuyifasha mu bikorwa byayo bya buri munsi agera kuri Miliyoni 85 [85.389.000 Frw] hatabariwemo ayo bahaye Umuryango nk'umusogongero w'ibyo bari bagiye gukorana ndetse n'amafaranga batanze mbere ya Nyakanga 2019.'

Yavuze ko Umuryango wa Rayon Sports warenze kuri ayo masezerano uha abandi bantu gukora ibyo basezeranye kandi byari bibujijwe none umwenda bamufitiye bakaba bataramwishyura kugeza ubu, akaba ari yo mpamvu yabandikiye iyi baruwa abasaba ko bahura bakaganira kuri ibyo bibazo byose ngo babishakire ibisubizo mu bwumvikane.

Nubwo Munyakazi Sadate yandikiye ubuyobozi bw’iyi kipe abusaba ibihano ariko bwanze ko byabaho nk’uko yabitangaje abinyujije ku rukuta rwe rwa X.

Munyakazi Sadate yayoboye Rayon Sports hagati ya Nyakanga 2019 kugeza muri Nzeri 2020.

Ibaruwa Munyakazi Sadate yandikiye umuryango wa Rayon Sports