Author: webrwanda

Mu gicuku cyo ku wa 20 Kanama 2026 ni bwo uyu mugore w'imyaka 25 y'amavuko witwa Mukandekwe Clementine yasanzwe mu nzu amanitse, yapfuye.

Abaturage bahageze mbere bavuga ko uyu mugore yari mu nzu, umugabo we usanzwe atwara imodoka akinguye, asanga umugore amanitse mu mishumi y'inkweto.

Bavuga ko bumvise umugabo atabaza, bagiye kureba basanga umugore yamaze gupfa. Bahamya ariko ko bombi batari babanye neza.

Umukozi ushinzwe imari n'ubutegetsi mu Murenge wa Busasamana, Bisengimana Joseph, yabwiye IGIHE ko bakimenya amakuru bihutiye kujya gutabara.

Yagize ati “Ni byo. Twagezeyo dusanga yapfuye. RIB yatangiye iperereza”

Umurambo wa Mukandekwe wajyanywe mu bitaro bya Nyanza gukorerwa isuzuma kugira ngo hamenyekane impamvu idashidikanywaho y'urupfu rwe.

Umugabo we n'umuhungu we bafungiwe kuri sitasiyo ya Polisi ya Busasamana mu gihe iperereza rikomeje.

Nzayisenga Isiaka wari mu nyangamugayo z'Inkiko Gacaca yabwiye IGIHE ko buri nyangamugayo yari yagenewe amafaranga arenga ibihumbi 10Frw y'agahimbazamusyi ariko ko batigeze bayahabwa.

Ati 'Bari bayatwimye ngo tubanze dukore koperative, ariko kuko tuzi ko koperative akenshi zihomba, twe twagira ngo batwihere amafaranga yacu, umuntu avuge ngo ayaguzemo agashashi k'agahene'.

Habarugira Isaac wahoze ari Perezida wa IBUKA mu Karere ka Karongi yabwiye IGIHE ko ayo mafaranga yabanje kuba kuri konti yo muri BPR nyuma aza gukurwaho ajyanwa kuri konti ya SACCO nyuma yo kubona ko agenda agabanuka kubera ko BPR yagendaga ikataho buri kwezi.

Habarugira avuga ko inyangamugayo za Gacaca zo mu Murenge wa Bwishyura zasabwe gukora imishinga ku rwego rwa buri Kagari, hanyuma imishinga bakoze ntibayuvikaneho.

Ati 'Inyangamugayo zo mu Kagari ka Gitarama ni zo zakoze umushinga wo kugura urutoki, zigurira urutoki ahitwa mu Kigezi'.

Umurenge wa Bwishyura ugizwe n'utugari dutandatu ari two Burunga, Gasura, Gitarama, Kibuye, Kiniha na Nyarusazi.

Perezida w'Inama Njyanama y'Akarere ka Karongi, Ngarambe Vedaste yabwiye IGIHE ko ubwo bari mu cyumweru cy'umujyanama hari umuturage wo mu Kagari ka Burunga wabagejejeho iki kibazo.

Ati 'Amafaranga amaze imyaka irenga 10 kuri konti y'umurenge, ni amafaranga y'agahimbazamusyi yari agenewe inyangamugayo za Gacaca. Ni inyangamugayo zirenga 90, ukubye n'ibihumbi 10 Frw, urumva ko ari amafaranga arenga ibihumbi 900 Frw'.

Umuyobozi w'Akarere ka Karongi, Muzungu Gerald yabwiye IGIHE ko bagiye gukurikirana iki kibazo kugira ngo bamenye icyo bafasha aba baturage batarabona amafaranga yabo.

Ati 'Birasaba kureba uko giteye, konti ariho ni iyande? …. Tuzabanza tumenye imiterere y'ikibazo kugira ngo tumenye uko twabafasha'.

Inkiko Gacaca zasojwe ku wa 18 Kamena 2012 zimaze kuburanisha imanza miliyoni 1,9 mu myaka icumi, bikaba byarihutishije ubutabera ugereranije n'igihe byari gufata mu nkiko zisanzwe.

Ku gicamunsi cyo kuri uyu wa 22 Kanama 2026 ni bwo abantu bacukuraga ibumba rikoreshwa amatafari mu gishanga kiri mu Mudugudu wa Karehe, Akagari ka Bunyogombe.

Aba baturage bakibona iki gisasu bahise babimenyesha abayobozi mu nzego z'ibanze, na bo bihutira kubimenyesha igisirikare kugira ngo zigikureho.

Umunyamabanga Nshingwabikorwa w'Umurenge wa Ruhango, Kayitare Wellars, yabwiye IGIHE ko abasirikare bahise bahagera maze bagikuraho.

Yagize ati “Nta we cyakomerekeje ndetse ntacyo cyangije cyane ko inzego zibishinzwe za gisirikare zahise zihagera maze zigikuraho.'

Ubuyobozi bw'umurenge wa Ruhango busaba abaturage ko mu gihe babonye ikintu kidasanzwe bajya bihutira gutanga amakuru vuba kugira ngo inzego zibishinzwe zibikurikirane.

Uwamariya ukomoka mu Karere ka Rusizi yigaga mu ishuri ryisumbuye rya ISF Nyamasheke. Yagize amanota 98,7%, anganya na Musonga Isimbi Orah wigaga muri Fawe Girls' School.

Ibihembo bimaze gutangwa, hatangiye gucicikana amakuru avuga ko ababyeyi ba Uwamariya batigeze bahamagarwa ngo bamenyeshwe ko ari mu bazahabwa ibihembo. Bamwe batangiye kugaragaza ko hakozwe amanyanga.

Minisiteri y'Uburezi, ikoresheje urubuga X yasobanuye ko telefone y'ababyeyi ba Uwamariya yahamagawe inshuro ebyiri ariko ntiyaboneka, iti 'ibihembo bye azabihabwa igihe cyose azabonekera.'

Ku gicamunsi cyo ku wa 21 Kanama, Uwamariya aherekejwe n'ababyeyi be, Umuyobozi wa ISF Nyamasheke n'Umuyobozi wungirije w'akarere ka Rusizi ushinzwe imibereho myiza, Mukankusi Athanasie, bagiye kuri Minisiteri y'Uburezi.

Bakiriwe n'Umunyamabanga wa Leta muri Minisiteri y'Uburezi, Irere Claudette, Umuyobozi Mukuru w'Ikigo cy'Igihugu gishinzwe ibizamini n'ubugenzuzi bw'amashuri (NESA), Dr. Bahati Bernard, n'abandi bo mu nzego z'uburezi.

Uwamariya yashyikirijwe icyemezo cy'ishimwe nk'uwahize abandi mu bizamini bya Leta bisoza icyiciro rusange cy'amashuri yisumbuye, mudasobwa n'amafaranga y'ishuri azishyura mu mwaka w'amashuri wa 2026/2027 wose.

Mu kiganiro na RBA cyabaye kuri uyu wa 22 Kanama, Irere yasobanuye ko tariki ya 19 Kanama, NESA yahamagaye ababyeyi b'abanyeshuri babaye indashyikirwa ku rwego rw'igihugu kugira ngo bazaherekeze abana babo mu gufata ibihembo.

Ati 'Bose barabahamagara, byumvikane Leontine ni we wari ku mwanya wa mbere. Babanza guhamagara nimero imwe, ntiyari iriho nk'uko twabivuze. Bahamagara iya kabiri, yitabwa n'undi muntu.'

Irere yasobanuye ko umukozi wa NESA yabajije umuntu wa kabiri niba ari umubyeyi wa Uwamariya, arikiriza, amumenyesha uko gahunda iteganyijwe, uwo amusubiza ko bazitabira igikorwa cyo gutanga ibihembo.

Yagize ati 'Aravuga ati azaza. Ahamagara n'abandi bose bakurikiraho. Ku munsi nyirizina rero, ku itariki ya 20, barongera barahamagara habura igihe gito ngo umuhango nyirizina utangire, na none wa muntu aritaba, aravuga ati 'Simpari', ndumva yaravuze ko ari i Karongi, ati 'Ntabwo tubasha kuza'.'

Ku bavuga ko kuba Uwamariya ataritabiriye igikorwa nyirizina ku munsi cyateganyirijweho byatewe n'amanyanga yageragejwe yo kutamuha ibihembo bye, Irere yasubije ko ibyo ari ibinyoma bidafite ishingiro.

Ati 'Iyi haba harimo umugambi mubi no kudashaka ko ahabwa ibye, n'izina nta wari kwirirwa arivuga ariko izina ryo bararivuze.'

Irere yasobanuye ko nimero y'umuntu wa kabiri witabye yemera ko ari umubyeyi wa Uwamariya yakuwe muri ISF Nyamasheke, bityo ko habaye ikosa mu kwandika iya nyayo mu gihe yiyandikishaga mu bakandida bazakora ibizamini bya Leta.

Ati 'Tubaza ishuri 'iyi nimero yanditse kuri iri zina ni iyande?' Na bo batwemerera ko atari yo, ko bakoze ikosa mu kwandika nimero. Igikomeye hano ni ikosa ryo ku rwego rw'ubuyobozi kandi natwe tutihanganira.'

Yavuze ko atari ubwa mbere umunyeshuri aza mu bagize amanota ya mbere mu bizamini bya Leta ariko ntaboneke mu gikorwa cyo gutanga ibihembo kuko byabaye no mu bihe byashize bidaturutse ku nzego z'uburezi.

Ati 'Ibi ni ibintu rwose bisanzwe. Ntabwo ari ikintu kidasanzwe kibaho. Iyo rero umwana atabonetse, ibyo agenewe byose turabibika, icyo tudasiba gukora ni uko tudashobora kureka kuvuga izina rye.'

Irere yavuze ko ibigo by'amashuri bikwiye gushishoza cyane mu kwandika imyirondoro y'abanyeshuri, ariko ko n'inzego nkuru z'uburezi zabonye isomo ry'uko guhamagara ababyeyi gusa bidahagije, ahubwo ko zizajya zihamagara n'ubuyobozi mu nzego z'ibanze.

Ati 'Twabonye amasomo ndetse n'abo bireba turakomeza tubikurikire. Icya kabiri ni uko bitagomba kugarukira gusa ku mwana cyangwa se ku mubyeyi, ahubwo n'ishuri n'aho umwana abarizwa. Mu busanzwe ntabwo twirirwaga tubabwira, kuko twumvaga ko bireba umwana gusa n'umubyeyi ariko ubu byagaragaye ko bidahagije. Iri rero ni isomo.'

Mu cyiciro cya kabiri cy'amashuri yisumbuye, Uwamariya Leontine yoherejwe kwiga muri Rwanda Coding Academy mu Karere ka Nyabihu. Aziga ibijyanye na porogaramu za mudasobwa.

Abafite iki kibazo bavuga ko uyu muyoboro wanyuze mu mirima yabo, abawukora babangiriza imyaka, ibiti by'imbuto n'ibindi bikorwa, bagenzi babo bahabwa ingurane, bo ntishyurwa kandi batazi impamvu.

Haragakiza Donatien utuye mu Mudugudu wa Nyakagenge yagize ati 'Umuyoboro wanyuze mu isambu yanjye, wangiriza amasaka yari ahinze ndetse n'ibiti. Bambariye amafaranga asaga ibihumbi 690 ariko ntabwo nigeze nyahabwa.'

Haragakiza akomeza avuga ko kudahabwa ingurane byamugizeho ingaruka mu mibereho ye ndetse bidindiza iterambere rye.

Ati 'Umusaruro nagombaga kubona sinawubonye, kandi n'ingurane nabariwe ntayo nabonye. Bigira ingaruka kuko byabangamiye igenamigambi twari dufite. Turasaba ko twahabwa ingurane twabariwe.'

Mukagahutu Christiana na we yagize ati 'Baturanduriye imyaka, batubwira ko bazatwishyura, ariko nta mafaranga twabonye. Yego twamaze guhomba, ariko turasaba ko batwishyura tukayakoresha.'

Aba baturage bavuga ko batumva neza impamvu hari abishyuwe abandi ntibishyurwe, cyane cyane ko bamwe mu babwiwe ko bafite ibyangombwa bitanoze babikosoye, ariko bakaba bagitegereje ingurane.

Uwimana Maria utuye mu Mudugudu wa Nyakagege yagize ati 'Bari bambariye amafaranga asaga ibihumbi 200 kubera ko uyu muyoboro wanyuze mu isambu yacu ukangiza ibiti birimo, gereveriya ndetse n'ibigori. Twategereje ko twishyurwa, ariko ntabwo twabonye ingurane.'

Akomeza agira ati 'Badusabye gukosora ibyangombwa, twarabitanze. Njye bansabye icyangombwa cy'ubutaka, indangamuntu ndetse n'icyangombwa twasezeraniyeho, byose twarabitanze, ariko ntabwo twishyuwe. Twarategereje ariko nta gisubizo twabonye. Turasaba ingurane, baduhe amafaranga batubariye.'

Kabera Jean Claude yavuze ko bibabaje kubona abantu bangirijwe ibikorwa byabo ariko bakaba batarishyurwa, ibyo avuga ko badasobanukirwa impamvu.

Ati 'Ibyo twasabye gukosora twarabikosoye, ariko twibaza impamvu twebwe tutabona ingurane y'ibyangijwe. Turasaba inzego bireba kudukemurira ikibazo.'

Umuyobozi w'Akarere ka Nyagatare wungirije ushinzwe iterambere ry'ubukungu, Matsiko Gonzague, avuga ko abatarishyurwa byatewe n'uko hari abataruzuza ibisabwa, ariko ko bari muri gahunda yo kubafasha kubyuzuza.

Yagize ati 'Abatarishyurwa ni abatujuje ibyangombwa bisabwa kugira ngo bishyurwe. Harimo abadafite ibyangombwa by'ubutaka ndetse n'abafite ubutaka butabanditseho. Abaguze ubutaka basabwe kubanza gukora mutation. Turimo kubafasha kuzuza ibisabwa kugira ngo bishyurwe.'

Uyu muyoboro witezweho kongera amazi yuhira umuceri mu gishanga cya Cyabayaga, ufite uburebure bwa kilometero 3,4, ukaba ufite agaciro k'amafaranga y'u Rwanda miliyoni 41.

Abaturage 104 ni bo bagombaga guhabwa ingurane z'ibyangijwe mu itegurwa ry'uyu muyoboro. Abamaze kwishyurwa ni 78.

Mu mashyamba ya Repubulika Iharanira Demokarasi ya Congo, hari abarwanyi b'umutwe w'iterabwoba wa FDLR bamaze imyaka myinshi babwirwa ko umunsi umwe bazambuka umupaka, bakinjira mu Rwanda bagafata ubutegetsi.

Uru ruganda ruri mu mushinga munini wo kugeza amazi ku baturage baturiye Ikiyaga cya Kivu wiswe 'Kivu Belt Supply' rwatangiye kugeza amazi meza ku baturage muri Mata 2026.

Kuri ubu rutunganya meterokibe hagati ya 2.000 na 4.500 mu gihe rufite ubushobozi bwo gutunganya meterokibe 13.000 ku munsi.

Umuvugizi w'Ikigo cy'Igihugu gishinzwe amazi isuku n'isukura (WASAC Group), Bimenyimana Robert, mu kiganiro na IGIHE, yavuze ko impamvu uru ruganda rukora ku kigero kiri hasi ugereranyije n'ubushobozi rufite ari uko mu kurwubaka harebwe ku ngano y'amazi akenewe muri iki gihe n'azakenerwa mu gihe kiri imbere bakaruha ubushobozi bwo kuzaba rushobora gutunganya amazi azaba akenewe mu myaka 15 iri imbere.

Ati 'Iyo twubaka uruganda tubanza kureba amazi akenewe arangana iki? Muri icyo gihe, tukanatekereza amazi ashobora gukenerwa mu gihe kitarenze imyaka 10, cyane ko tuba tuzi ko bitewe n'imiturire abaturage baziyongera'.

Bimenyimana avuga ko uru ruganda rwubakwa byari biteganyijwe ko ruzubakwa mu byiciro bibiri. Icya mbere cyari ukurwubaka rukarangira rukanageza amazi mu mirenge ibiri ya Karongi ari yo Bwishyura na Rubengera.

Ati 'Ibyo niko bimeze amazi yarahageze, ariko hari ikindi cyiciro cya kabiri cyari giteganyijwe cyo kugeza amazi mu yindi mirenge ibiri ya Karongi ari yo Rugabano na Mubuga, hakaziyongeraho n'indi mirenge ine y'Akarere ka Rutsiro ari yo Mushubati, Gihango, Murunda na Musasa akaba ari yo mpamvu rero kuri ubu ruri gukora ku kigero kiri hasi kuko kuri ubu tuba turi hagati ya 20% na 23%'.

Minisitiri w'Ibikorwaremezo, Murwanashyaka Damien ubwo aheruka gusura uru ruganda yavuze ko igihe hari ubushobozi bwo gutunganya amazi akwiye gutunganywa akagezwa ku baturage.

Minisitiri yasabye ko harebwa niba nta yindi mirenge yo mu Karere ka Karongi uru ruganda rwaha amazi mbere yo kujya mu mirenge y'Akarere ka Rutsiro.

WASAC Group ivuga ko nubwo uru ruganda rufite ubushobozi bwo gutunganya metero kibe 13.000 z'amazi ku munsi ndetse n'amazi yo gutunganya akaba ahari, ngo imiyoboro yo kugeza aya mazi ku baturage b'indi mirenge ntiraboneka uretse iyo kuyageza mu mirenge ya Rubengera na Bwishyura.

Biteganyijwe ko imirimo yo kubaka imiyoboro yo kugeza aya mazi ku baturage bo mu Mirenge isigaye ya Rugabano na Mubuga yo muri Karongi, na Mushubati, Gihango, Musasa na Murunda yo mu Karere ka Rutsiro izatangira Gashyantare 2027.

Intego ya Guverinoma y'u Rwanda ni uko amazi meza agomba kuzaba agera ku baturage bose 100% bitarenze umwaka wa 2029. Kuri ubu ku rwego rw'igihugu abagerwaho n'amazi meza bageze kuri 90%.

Ibi byabereye mu Murenge wa Nyamyumba, Akagari ka Munanira ho mu Mudugudu wa Busumba, ku gicamunsi cyo ku wa 21 Kanama 2026.

Umunyamabanga Nshingwabikorwa w'Umurenge wa Nyamyumba, Ufitabeza Jean d'Amour yabwiye IGIHE ko uru rupfu rwatewe n'amakimbirane ashingiye ku bushoreke.

Ati 'Nibyo koko amakuru y'urupfu rw'uriya mubyeyi twarayamenye, dusanga rwarakomotse ku makimbirane ashingiye ku bushoreke, kuko hari ibikoresho byo mu nzu birimo ibiryamirwa umugabo yashakaga gutwara, avuga ko atakwihanganira kuba byararyamweho n'undi mugabo, ndetse inzego zibifite mu nshingano ziracyakomeje iperereza.'

Yakomeje avuga ko 'Ibi byabaye ubwo umukuru w'umudugudu yari ari kubakiza mu makimbirane y'ibikoresho uwo mugabo yazanye mu rugo rw'uyu mugore harimo matola, umugabo yari yazanye umupanga awuhishe mu ikote, ababwira ko ashaka kujya ku ruhande kwiyunga n'umugore we aribwo yahise amutema ijosi ndetse amukomeretsa no ku kuboko.'

Amakuru IGIHE yamenye ni uko aba bombi babanaga mu buryo butemewe n'amategeko, ndetse bari barigeze kubana mu myaka ishize batuye i Rusizi ariko bakabura urubyaro umugore akaza gushakira ubuzima i Rubavu.

Ubwo Umuyobozi w'umudugudu yari asoje kubunga, umugabo yahamagaye umugore we ngo bajye mu gikari kumvikana, bagezeyo afata umuhoro yari yahishe, abantu bahuruye basanga amaze kumutema.

Umurambo wa nyakwigendera watwawe ku bitaro bya Gisenyi gukorerwa isuzumwa mbere y'uko ushyingura.

Uyu mugabo yahise ajyanwa kuri Polisi ya Gisenyi mu gihe iperereza rigikomeje.

Byagarutsweho mu kiganiro n'itangazamakuru cyagarukaga ku myiteguro y'imurikagurisha ryatangiye kubera muri iyi Ntara mu Karere ka Kayonza mu Murenge wa Mukarange. Iyi Expo yitabiriwe n'abamurika barenga 300. Yatangiye tariki ya 19 Kanama ikazarangira tariki ya 6 Nzeri 2026.

Kimwe mu bibazo PSF ifite ni ukubona aho ikorera iri murikagurisha. Ubusanzwe yakundaga kurikorera mu Karere ka Rwamagana ariko ubu yimuriwe mu Karere ka Kayonza.

Mu byumweru birenga bibiri hagaragajwe ko PSF ikoresha arenga miliyoni 135 Frw mu kubaka ahabera iri murikagurishwa, ariko bigafatwa nk'igihombo kuko hongera gusenywa.

Perezida w'Urugaga rw'Abikorera mu Ntara y'Iburasirazuba, Benedata Laurien, yavuze ko muri uyu mwaka bakoresheje miliyoni 135 Frw zishobora no kurenga mu kubaka aho expo ibera ndetse n'indi myiteguro itandukanye irushaho gutuma iri murikagurisha rigenda neza.

Ati 'Ubutaka twari twabuhawe mu Karere ka Rwamagana ariko ntabwo byakunze, ubu natwe ntabwo twicaye turi mu bufatanye na Kayonza turashaka gushaka ubutaka bwacu aho kugira ngo tujye twubaka ibintu buke tubisenye. Turifuza kugura ubutaka tukubaka tukahagira ibiro n'inyubako zihoraho ku buryo ahantu ibikorwa byacu bizajya bibera haba ahantu hahoraho. Turi kuganira na Kayonza kandi twizeye ko bizakunda.''

Umuyobozi w'Agateganyo w'Akarere ka Kayonza, Hategekimana Fred, yavuze ko biteguye kwakira abantu bose bazitabira iri murikagurisha, agaragaza ko biteguye no gufasha abikorera kubona ubutaka bwajya buberaho iri murikagurisha mu buryo buhoraho.

Ati 'Dushobora kuborohereza kubona ubutaka biciye mu gikorwa cy'inyungu rusange nk'uko biteganywa n'amategeko. Rero ni icyifuzo cyiza bafite kandi turi gukorana mu kureba uko ubwo butaka babubona kuko byaba ari n'amahirwe ku Karere kacu kuko gasanzwe kari hagati y'utundi.''

Muri iri murikagurisha byitezwe ko bazajya bakira abantu 5.000 buri munsi baje kureba no gusura ibimurikirwamo. Kuri ubu biteganyijwe ko abantu 140 bazamurika ibintu bitandukanye bikorerwa mu Ntara y'Iburasirazuba.