Webrwanda Backend

Author: webrwanda

  • Madagascar iheruka kwigamba kugira umuti uvura Covid-19 yakajije ingamba za “Guma mu rugo” #rwanda #RwOT

    Igice kinini cy’ikirwa cya Madagascar kirimo n’umurwa mukuru, Antananarivo, cyasubijwe mu ngamba za gahundaa ya“ kuguma mu rugo” kubera kwiyongera kw’ubwandu bwa coronavirus. Iki gihugu giherutse gutangaza ko cyavumbuye umuti uvura iki cyorezo ndetse bimwe mu bihugu bya Afurika birawutumiza ngo biwifashishe.

    Leta yatangaje ko izi ngamba zigomba gutangira kubahirizwa uyu munsi ku wa mbere kugeza tariki 20 y’uku kwezi kwa karindwi 20220. Itangazo rya leta rivuga ko “umuntu umwe gusa mu rugo ari we uzemererwa kuva mu rugo hagati ya saa kumi n’ebyiri z’igitondo na saa sita z’amanywa”. Abategetsi bavuga ko izi ngamba zigamije kugabanya ikwirakwira ry’iki cyorezo.

    Leta ya Madagascar imaze gutangaza abantu 3,250 banduye Covid-19 muri bo 33 imaze kubica naho 1,135 bamaze kuyikira kuva yahagera mu kwezi kwa gatatu, nkuko imibare ya Kaminuza ya Johns Hopkins yo muri Amerika ibigaragaza.

    Madagascar yavuzwe cyane mu makuru mu kwezi kwa gatanu ubwo Perezida Andry Rajoelina yatangazaga ko babonye umuti ushobora kuvura no kurinda iki cyorezo.
    Uyu “muti” muri Madagascar bise CovidOrganics ukoze mu byatsi byitwa Artemisia bisanzwe bikoreshwa mu kuvura malaria, watanzwe henshi mu mashuri mu gihugu.

    Nubwo uyu muti wari utaremezwa n’abahanga muri siyansi ko uvura iyi ndwara, ibihugu bimwe bya Afurika byawutumijeho ngo biwifashishe.
    Mu kwezi kwa gatanu, BBC dukesha iyi nkuru itangaza ko Umuryango w’Ubumwe bwa Afurika watangaje ko ushaka gufata ibipimo bya siyansi ngo urebe niba uyu muti “ntacyo utwaye kandi unavura”.
    Ishami ry’umuryango w’abibumbye ryita ku buzima (OMS/WHO) ryaburiye abantu kwirinda gukoresha imiti itarapimwe mu kuvura coronavirus.
    Munyaneza Theogene / intyoza.com

    source http://www.intyoza.com/madagascar-iheruka-kwigamba-kugira-umuti-uvura-covid-19-yakajije-ingamba-za-guma-mu-rugo/

  • Ibigo bikurikirana abashyizwe mu kato ka Covid-19 muri Tanzania biri gufunga imiryango #rwanda #RwOT

    Leta ya Tanzania yatangaje ko ibigo byayo bikurikirana kandi bikavura abanduye icyorezo cya Coronavirus bigiye gufungwa. Iyi ngingo ifashwe bitewe n’uko abategetsi b’iki gihugu batangaje ko imibare y’abandura icyorezo ikomeje kugabanuka.

    Ku wa gatanu tariki 03 Nyakanga 2020, Minisitiri w’ubuzima Ummy Mwalimu yavuze ko ubu mu gihugu hari ibigo 11 gusa bigikora, mu bigo 85 byose hamwe byari byashyiriweho gushyira mu kato abarwayi ba Covid-19.

    Minisitiri Mwalimu yagize ati: “Turashima Imana ko coronavirus iri kugana ku musozo muri Tanzania”. Yongeyeho ko abantu badakwiye kwirara kuko bishoboka ko habaho ubwandu bwa kabiri mu gihugu.

    Madamu Mwalimu yavuze ko abaturage ubu bashobora gukomeza kugana ibyo bigo kwivuza indwara zisanzwe kuko bitazongera gukoreshwa nk’iby’akato ku barwayi ba Covid-19.
    Kuri ubu ikigero cy’ubwandu, umubare w’abarwayi n’impfu zitewe na coronavirus byose ntibizwi uko bihagaze muri Tanzania kuko leta idatangaza iyo mibare mu buryo buhoraho. Imibare iheruka gutangazwa na leta ni iyo mu kwezi gushize kwa gatandatu.

    Icyo gihe Minisitiri w’intebe Kassim Majaliwa yabwiye inteko ishingamategeko ko mu gihugu hari abantu 66 gusa barwaye coronavirus. Muri iki gihe, nkuko BBC dukesha iyi nkuru ibitangaza, amashuri yose, za kaminuza n’inzego zimwe nk’urwego rwo gutwara abagenzi mu ndege ndetse n’urw’ubukerarugendo, byongeye gufungurwa.

    Imikino nayo yarasubukuwe, hafatwa ingamba nko guhana intera, hanashyirwaho uburyo bwo gukaraba intoki mu kwirinda ikwirakwira ry’ubwandu bwa coronavirus.
    Uko Tanzania yitwaye mu guhangana n’iki cyorezo cya coronavirus ntibivugwaho rumwe.
    Aho gushyiraho ingamba zikaze za “guma mu rugo” (lockdown), zifashishijwe na benshi mu baturanyi b’iki gihugu – leta ya Tanzania yahisemo gushyira imbere gusigasira ubukungu hafatwa ingamba zirimo kudohora.
    Ariko, abanenga leta ya Tanzania bavuga ko izo ngamba zirimo koroshya mu buryo bukabije urebye ubukana bw’iki cyorezo, bakanashinja leta gukorera mu bwiru (mu ibanga).
    Munyaneza Theogene / intyoza.com

    source http://www.intyoza.com/ibigo-bikurikirana-abashyizwe-mu-kato-ka-covid-19-muri-tanzania-biri-gufunga-imiryango/

  • Covid-19: Gukumira Abanyamerika mu bihugu bigize Ubumwe bw’uburayi-EU bibangamiye Ubutaliyani #rwanda #RwOT

    Icyuho cya bamukerarugendo b’Abanyamerika kiragaragara mu bukerarugendo bw’Ubutaliyani. Ni mu gihe Amerika yashyizwe ku rutonde rw’ibihugu abaturage babyo batemerewe kujya ku mugabane w’ubulayi muri ibi bihe bya COVID-19. Ni inzitizi zikomeje guheza Abanyamerika, bakoreshaga akayabo k’amafaranga mu Butaliyani.

    Imipaka y’Umuryango w’ubumwe bw’Ubulayi yongeye gufungurirwa ba mukerarugendo baturuka mu bihugu biri ku rutonde aho ababiturukamo badakeneye gushyirwa mu kato. Cyakora Amerika ntiri kuri urwo rutonde ku buryo bica intege ubucuruzi mu Butaliyani.

    Urwego rw’ubukerarugendo rubarwaho 13 kw’ijana by’umutungo w’igihugu, ubu bwagizweho ingaruka n’icyorezo cya COVID-19. Byitezwe ko hazaba igihombo gikomeye mu gihe ba mukerarugendo b’Abanyamerika bakoreshagayo akayabo k’amafaranga batagishoboye kujyayo.

    Guverinema y’Ubutaliyani ivuga ko miliyoni 5 n’ibihumbi magana atandatu z’Abanyamerika basura Ubutaliyani buri mwaka. Bakunda kujyayo mu kwezi kwa karindwi.

    Uretse imijyi bakunda gusura nka Roma, Venice, Florence na Milan, abenshi bakunda no kujya mu mahoteli nka Amalfi Coast n’ibirwa binini nka Sardinie na Sicile aho ibiribwa n’umuco bivugwa ko ari byo ahanini bireshya ba mukerarugendo.

    Kuva igihugu gifunguye imipaka yacyo kw’itariki ya 3 Kamena 2020, abanyabulayi ni bo babanje gusubirayo hanyuma mu cyumweru gishize abandi baturuka mu bindi bihugu byo hanze y’Ubulayi bakurikiraho. Cyakora ba mukerarugendo b’Abanyamerika, ari na bo baza ku mwanya wa kabiri mu bwinshi mu basura Ubutaliyani nyuma y’Abadage, baracyabujijwe kwinjira mu gihugu keretse gusa ku mpamvu zihutirwa.

    Amahoteri ahenze yo mu Butaliyani nkuko ijwi rya Amerika dukesha iyi nkuru ribitangaza, akunze gukoreshwa n’Abanyamerika nk’iyitwa In the Amalfi Coast yiteguye igihombo gikomeye muri ibi bihe by’ibiruhuko. Amahoteli amwe yafunguye igice, mu gihe andi atigeze afungurwa na gato.

    Miliyoni 15 z’Abanyamerika basura Uburayi buri mwaka. Abenshi muri bo bajyayo mu bihe by’Impeshyi. Kuba batazabasha kujyayo ni igihombo gikomeye kuko bagize 15 kw’ijana by’ubukungu bwose bw’Ubulayi.

    Icyemezo cy’Umuryango w’ubumwe bw’Ubulayi cyo gushyira ku ruhande ibihugu bimwe, birimo Leta zunze ubumwe z’Amerika, gishingiye ku mubare w’abantu banduye virusi ya Corona. Ibindi bihugu ababiturukamo babujijwe kwinjira mu Bulayi, birimo Brezile n’Uburusiya. Ibyemerewe ni Australiya, Canada, Ubuyapani na Koreya y’epfo.

    Munyaneza Theogene / intyoza.com

    source http://www.intyoza.com/covid-19-gukumira-abanyamerika-mu-bihugu-bigize-ubumwe-bwuburayi-eu-bibangamiye-ubutaliyani/

  • Polisi ntabwo ihugiye ku iyubahirizwa ry’amabwiriza yo kurwanya Covid-19 gusa-CP Kabera #rwanda #RwOT

    Umuvugizi wa Polisi y’u Rwanda, Commissioner of Police (CP) John Bosco Kabera aributsa abaturarwanda ko batagomba kwibwira ko Polisi ihugiye gusa mu bikorwa byo kurwanya Koronavirusi, ikaba yaribagiwe abakora ibindi byaha. Arashimira abaturage bakomeje gufatanya na Polisi mu kurwanya ibyaha batangira amakuru ku gihe.

    Kuva muri Werurwe uyu mwaka wa 2020 mu Rwanda nibwo hagaragaye bwa mbere icyorezo cya COVID-19, kuva icyo gihe Leta y’u Rwanda yagiye ishyiraho ingamba zitandukanye zigamije kurwanya ikwirakwira ry’iki cyorezo.  Polisi y’u Rwanda nk’urwego rushinzwe kugenzura iyubahirizwa ry’amategeko n’amabwiriza yafashe iya mbere mu kugenzura ko amabwiriza Leta igenda itanga yubahirizwa uko yakabaye.

    Mu bihe bitandukanye kuva muri Werurwe hagiye hagaragara abakora ibyaha bitandukanye nk’ikoreshwa n’ikwirakwizwa ry’ibiyobyabwenge, ubucuruzi bwa magendu, ibyaha bishingiye k’ubusinzi birimo gukubita no gukomeretsa, ubucukuzi n’ubucuruzi bw’amabuye y’agaciro bikorwa binyuranyijwe n’amategeko n’ibindi bitandukanye.

    Nubwo Polisi y’u Rwanda ishyira imbaraga nyinshi mu gukurikirana abarenga ku mabwiriza yo kurwanya Koronavirusi, ntiyahwemye no gukomeza gucunga umutekano w’abaturage nk’uko byari bisanzwe na mbere y’icyorezo cya COVID-19. Mu bihe bitandukanye n’ahantu hatandukanye yagiye yerekana abafatiwe mu byaha bishobora guhungabanya umudendezo w’abaturarwanda.

    Aha niho umuvugizi wa Polisi y’u Rwanda, Commissioner of Police(CP) John Bosco Kabera ahera yibutsa abantu ko batagomba kwibwira ko Polisi y’u Rwanda ihugiye gusa ku kurwanya COVID-19 ikaba yaribagiwe abakora ibindi byaha.

    Yagize ati: “Hari abantu batekereza ko muri iki gihe cy’icyorezo cya COVID-19  Polisi irimo kureba ukuntu amabwiriza yubahirizwa gusa, itareba ibindi byaha bikorwa.  Abacuruza magendu, ibiyobyabwenge n’ibindi byaha, nagira ngo mbabwire ko Polisi y’u Rwanda itareba ikintu kimwe, ireba byose, ibyo byaha irabigenzura ababikora barafatwa bagahanwa”.

    Urubuga rwa Polisi dukesha iyi nkuru rutangaza ko CP Kabera agaragaza ko akenshi abantu bakora ibyaha bisanzwe baba banarenze ku mabwiriza ya Leta yo kurwanya icyorezo cya COVID-19 nk’abakora ubucuruzi bwa magendu bwambukiranya imipaka ndetse n’abacuruza ibiyobyabwenge.

    Umuvugizi wa Polisi y’u Rwanda yashimye ubufatanye bukomeje kuranga abaturage mu bikorwa bya Polisi byo kurwanya ibyaha.

    Yagize ati:“Dukomeje gushimira abaturarwanda batanga amakuru, abantu bose baba bafashwe ntugire ngo ni Polisi iba yabigezemo uruhare yonyine. Abaturarwanda baduha amakuru umunsi ku wundi kugira ngo abanyabyaha bafatwe”.

    CP Kabera yakanguriye abaturage gukomeza gukorana na Polisi, agaragaza imiyoboro itandukanye bazajya bifashisha batanga amakuru harimo imbuga nkoranyambaga za Polisi nka Twittwer (@Rwandapolice), WhatsApp (0788311155), Instagram (Rwanda National Police), Facebook (Rwanda National Police).

    Abadakunze gukoresha imbuga nkoranyambaga nabo hari imirongo ya Telefoni itishyurwa bazajya bifashisha bahamagara ariyo:

    110: Umutekano wo mu mazi

    111: Inkongi z’umuriro n’ubundi butabazi

    112: Ubutabazi bwihuse

    113: Umutekano wo mu muhanda

    118: Ibibazo bijyanye n’umutekano wo mu muhanda

    997: Kurwanya ruswa

    3511: Uhohotewe n’umupolisi

    Munyaneza Theogene / intyoza.com

    source http://www.intyoza.com/polisi-ntabwo-ihugiye-ku-iyubahirizwa-ryamabwiriza-yo-kurwanya-covid-19-gusa-cp-kabera/

  • Air France igiye kugabanya abakozi bayo ku kigero cya 17.5% #rwanda #RwOT

    Kubera ibihombo yatewe n’icyorezo cya Covid-19, Sosiyete y’Abafaransa itwara abantu n’ibintu mu ndege, Air France, yatangaje ko mu myaka iri imbere iteganya kugabanya abakozi bagera kuri 7,580, bangana na 17.5% by’abakozi bose ikoresha.
    http://dlvr.it/Rb3QzC

  • Ijwi ry’Umusomyi: Ibitekerezo by’ingenzi byatanzwe ku nkuru za IGIHE mu cyumweru gishize #rwanda #RwOT

    Nkuko twabibasezeranyije, buri wa Mbere tubakusanyiriza bimwe mu bitekerezo by’abasomyi byatanzwe mu cyumweru gishize, mu rwego rwo kuba hafi y’abasomyi bacu no kubereka ko ibitekerezo byabo tubizirikana.
    http://dlvr.it/Rb3R0s

  • Menya ibintu 10 bishimishije kubwonko bwawe. #rwanda #RwOT

    Ubwonko ni urugingo rugoye rushinzwe imirimo myinshi yumubiri. Reba ibi bintu 10 bishimishije bijyanye nuburyo ubwonko bukora.

    * Ugereranyije ubwonko bwabantu bakuze bupima ibiro bitatu kandi bufite imiterere nka jelly ikomeye.
    * Igihe cyose umutima wawe uteye , imitsi yawe itwara 20-25% byamaraso yawe mubwonko.
    * Igihe cyose wibutse kwibuka cyangwa ufite igitekerezo gishya, urema isano mubwonko.
    * Mu bwonko harimo miliyari 100 za neuron (selile selile) , ariko zigize 10 ku ijana gusa byubwonko. Izi neuron ishami kugeza kuri tiriyari 100 ziyongereyeho imbarutso, bikora icyo abahanga bita “ishyamba rya neuron.”
    * Ingano ntacyo itwaye mubwonko. Nta kimenyetso cyerekana ko ubwonko bunini burusha ubwenge ubwonko buto.
    * Mu bwonko hari ibirometero 100.000 byamaraso .Intera hirya no hino kwisi kuri ekwateri ni kilometero 24.900.
    * Wari uzi ko ari ibisanzwe ko ubwenge bwawe buzerera ? Ubushakashatsi bwakozwe na kaminuza ya Harvard, Dartmouth College na kaminuza ya Aberdeen muri otcosse bwasanze ibice byubwonko bigenzura “igitekerezo kidafitanye isano nakazi” (nko kurota ku manywa) hafi ya byose bikora mugihe ubwonko buruhutse.
    * Nk’uko kwiga byasohowe mu New England Journal of Medicine, abakoze uruhare mu bwenge-bigisha ibikorwa bari kw’ijana 63 gake imbere dementia .
    * Ubushakashatsi bwerekanye ko abagore bafite ubuzima bwiza ku mubiri ari 90 ku ijana badashobora kurwara umutwe kurusha abagore bafite ubuzima bwiza.
    * Iyo utekereje cyane, niko umwuka wa oxygen na lisansi ubwonko bwawe buzakoresha kuva mumaraso yawe – kugeza 50%.
    http://dlvr.it/Rb3R1W

  • Dore filime z’uruhererekane ‘Series’ zigezweho ushobora kureba kuri YouTube #rwanda #RwOT

    By UKWEZI

    Umwaka wa 2018 wasize benshi mu bakinnyi ba filime bashyize mu ngiro imishinga yo gukora ‘series’ ukorerwa mu ngata na 2019 yasize izi filime zigize igikundiro kinini n’abandi bakinnyi barayoboka.
    Kuri ubu iyo ugiye ku rukuta rwa YouTube, uhasanga ‘Series’ zitandukanye haba mu butumwa buzigize ndetse n’abakinnyi bazibarizwamo. Urutonde ni rurerure kandi inyinshi ni nziza.
    Muri iyi nkuru turakugezaho urutonde rwa filime twaguhitiyemo ushobora kureba igihe wabonye uburyo bwo kujya kuri YouTube ukeneye filime yagufasha kuruhuka neza.
    Ntabwo zitondetse hakurikijwe ikintu icyo aricyo cyose ahubwo twagiye dufata izo tubona ahanini dukurikije uko zikunzwe cyangwa se ubutumwa buzirimo.
    Papa Sava
    Ni filime y’uruhererekane ya Niyitegeka Gratien ari nawe uyikinamo ari umukinnyi w’imena akaba yitwa Papa Sava ari naryo zina ryitiriwe iyi filime y’uruhererekane.
    Ubutumwa buri muri iyi filime akenshi bugaruka ku buzima abantu babamo buri munsi, aho abakinnyi bayo n’abayitegura muri rusanga bakunze kuyikinira mu cyaro cyangwa se kugaragaza ubuzima bwo mu cyaro.
    Filime y’uruhererekane ya Papa Sava yageze kuri Shene ya Youtube, ku wa 21 Nyakanga 2018.
    Uretse Niyitegeka Gratien ukina nka Papa Sava harimo andi mazina azwi cyane nka Ndimbati ndetse n’andi mazina akunzwe na benshi.
    Uramutse rero ushaka kuruhuka mu mutwe, guseka ndetse no kwiga binyuze muri filime wareba ‘Papa Sava’.
    Bamenya
    Ni filime ikinamo abarimo Benimana Ramadhan ukina yitwa Bamenya ari nawe mukinnyi w’imena, Mazimpaka Willson ukina yitwa Kanimba [Ni shebuja wa Bamenya muri iyi filime].
    Harimo kandi Uwase Delphine ukina yitwa Soreil, Mukayizeri Djaria [Kecapu] ndetse na Munezero Aline [Bijoux].
    Yatangiye uwitwa Soreil akunda Bamenya uba ari umukozi we wo mu rugo.
    Si urukundo rusanzwe ahubwo yari atwite ‘atwariza’ umukozi wo mu rugo. Yabaye nk’uhurwa umugabo we bituma mu rugo havuka amakimbirane ndetse kubera amakosa y’umugabo we, inda yavuyemo.
    Filime y’uruhererekane ya “Bamenya” yageze kuri Youtube, ku wa 31 Mutarama 2019.
    Kuri ubu rero ushaka kureba filime igufasha kuruhuka ariko unakuramo inyigisho wareba ‘Bamenya’ kuri YouTube.
    Izindi filime zigezweho kuri YouTube ushobora kureba
    1. Mbaya
    2. Impanga
    3. Makuta
    4. Bavakure
    5. Twitonze
    6. Ubutumwa Bugufi

  • Kontineri zo mu Rwanda zari zaraheze ku cyambu cya Dar es Salaam zarekuwe #rwanda #RwOT

    By igihe

    Kontineri z’abatumiza ibicuruzwa mu mahanga bo mu Rwanda zari zaraheze ku cyambu cya Dar es Salaam muri Tanzania, zemerewe kuhava nyuma y’uko ubuyobozi bw’ibyambu bwemeye gukuraho amafaranga zishyuzwa y’ububiko, n’ibihano kubera kuhamara igihe kirenze icyateganyijwe.

  • Ingingo zashingiweho mu gufunga Christian University ndetse nitabwa muri yombi ry’uwayishinze Dr Pierre Damien habumuremyi. #rwanda #RwOT

    By Jean Felix BIZIMUNGU

    Minisiteri y’Uburezi yambuye Kaminuza ya Christian University of Rwanda (CHUR) ikorera mu Mujyi rwagati ahazwi nka St Paul, uburenganzira bwo gukora nyuma y’isesengura ryagaragaje ko yabaswe n’urusobe rw’ibibazo bigira ingaruka ku ireme ry’imyigishirize yayo.
    Itangazo ryo ku wa 30 Kamena 2020 ryashyizweho umukono na Minisitiri w’Uburezi, Dr Uwamariya Valentine, rivuga ko mu kwambura CHUR uburenganzira bwo gukora hashingiwe ku bugenzuzi bwakozwe n’Inama Nkuru y’Amashuri makuru na za Kaminuza (HEC) n’izindi nama zakurikiyeho zahuje ubuyobozi bw’iyi kaminuza na Mineduc zagaragaje imbogamizi zitandukanye zijyanye n’imyigishirize iciriritse muri CHUR.
    Iryo tangazo rivuga ko Kaminuza ya CHUR hari ibyo itashoboye kubahiriza, mu byo yagaragarijwe.
    Rigira riti “Bijyanye no kuba kaminuza itarashoboye kubahiriza imyanzuro ihuriweho, Minisiteri y’Uburezi ibabajwe no kumenyesha ubuyobozi bwa CHUR ko yambuwe uburenganzira yari yarahawe bwo gutangira ibikorwa byayo. Ibikorwa byose bijyanye n’amasomo bigomba guhagarikwa, kuva tariki ya 1 Nyakanga 2020.’’
    Minisiteri y’Uburezi yasabye ubuyobozi bwa CHUR gufasha abanyeshuri no kuborohereza kubona inyandiko zibafasha kwiga ahandi mu mashami basanzwe bigamo; gukorana na HEC igahamagara abanyeshuri bose bakagirwa inama y’uburyo bakomezamo amasomo yabo n’aho kuyigira ndetse no kwishyura ibyo kaminuza igomba abanyeshuri n’abakozi.
    Iyi kaminuza yanasabwe gukora raporo igaragaza ko ibi byashyizwe mu bikorwa bitarenze tariki ya 15 Nyakanga ndetse ikazashyikirizwa Minisiteri y’Uburezi.
    Izingiro ry’ibibazo byahungabanyije ireme ry’imyigishirize muri CHUR
    Minisiteri y’Uburezi yagaragaje ko icyemezo cyo kwambura CHUR uburenganzira bwo gukora cyafashwe nyuma yo gusuzuma ingingo zitandukanye.
    Kunyuranya n’ibigenderwaho mu mashuri makuru n’ireme ry’uburezi buyatangirwamo.
    Kutagira abakozi bahagije, bafite ubumenyi n’uburambe mu kazi.
    Imyenda y’imishahara y’abakozi byatumye bakora bikandagira, bituma bahora bashaka akazi ahandi no kuva mu kigo.
    Kudakurikirana abanyeshuri bikwiye no kutita ku bizamini bahabwa.
    Ibitabo bike by’abiga mu masomo atandukanye birimo iby’Indimi, Itangazamakuru, Ubuhinzi, Icungamari, Uburezi n’Ikoranabuhanga.
    Amadeni yasabwe muri Kiliziya Gatolika (Ishami rya Kigali) n’irya Karongi.
    Amadeni ya RRA na RSSB.
    Ikibazo cy’amikoro cyatumye ibikorwa bya CHUR bihungabana
    Imiyoborere idahwitse no kutumvikana hagati y aba nyiri kaminuza n’abayobozi bayo aho umuyobozi wayo afatwa nk’umuyobozi akaba ari na we ufata ibyemezo.
    Kaminuza ya CHUR yambuwe uburenganzira bwo gukora ku munsi umwe n’uwatangarijweho ko Kaminuza ya Kibungo (UNIK) yavugwagamo ibihombo ikananirwa kwishyura abakozi bayo,
    yafunzwe burundu .
    Dr Pierre Damien Habumuremyi wigeze kuba Minisitiri w’Intebe na Prof Egide Karuranga wayoboraga Kaminuza ya Kibungo, bamaze iminsi ibiri bafunzwe aho bakurikiranyweho ibyaha bitandukanye bakoze mu bihe binyuranye mu nyungu z’amashuri bari bayoboye.
    CHUR yashinzwe na Dr Pierre Damien Habumuremyi wigeze kuba Minisitiri w’Intebe, nawe watawe muri yombi akurikiranyweho ibyaha yakoze mu bihe binyuranye mu nyungu z’ishuri rye.
     Dr Pierre Damien habumuremyi wigeze kuba minisitiri w’intebe.
    Dr Habumuremyi yatawe muri yombi ku wa Gatanu akurikiranyweho ibyaha bibiri birimo icyaha cyo gutanga sheki zitazigamiye n’icyaha cy’ubuhemu.
    Bivugwa ko Dr Habumuremyi ibyo aregwa yabikoze mu myaka itandukanye kuva yashinga iriya kaminuza mu 2017, ariko ko byakajije umurego cyane ubwo iri shuri ryatangiraga kujya mu bibazo by’amikoro, kubera kubura aho akura amafaranga yo kuribeshaho, agahitamo kujya atanga sheki zitazigamiye ndetse rimwe na rimwe agahitamo kujya ashaka inguzanyo zizwi nka “Lambert”.
    Hashize igihe kinini havugwa ibibazo muri iyi kaminuza, aho abarimu bayo n’abandi bakozi bamaze igihe kinini badahembwa.