Author: webrwanda

Mu mahugurwa yabereye mu karere ka Muhanga yateguwe na Ihorere Munyarwanda organization (IMRO-Rwanda; Umuryango nyarwanda utari uwa Leta) bigahuza indi miryango itari iya Leta itandukanye, Umuyobozi ushinzwe ubuvugizi mu muryango utari uwa Leta Health Development Initiative(HDI) Mbembe Aaron Clavis yavuze ko mu Rwanda indaya zidahanwa hahanwa uwayiguze

Mbembe ati “Imiryango itari iya Leta yakoze ubuvugizi y’uko indaya zidakwiye guhanwa,ubu hahanwa umuntu ugura indaya”

Uyu muyobozi akomeza avuga ko impamvu yatumye hakorwa ubwo buvugizi ari uko abakora uwo mwuga bari bugarijwe no kutabona imiti igabanya ubukana bw’agakoko gatera SIDA n’uburyo bwo kwipimisha bukaba ikibazo kuko bahoraga bafite imbogamizi yo kuba bahanwa.

Nteziryayo Ephrem umuhuzabikorwa ku rwego rw’Igihugu mu muryango Concern and care for the Needy in Rwanda(CCN-RWANDA) yavuze ko abantu bakora umwuga w’uburaya badakwiye guhabwa akato kuko nabo akenshi usanga ataribo babyiteye

Ati “Umwuga w’uburaya hari ubuhitamo kubera ubuzima bubi akabona ntabundi buryo yabamo bityo hakabaho kubigisha kuburyo uwo mwuga bawureka”

Umuhuzabikorwa w’ibiro bitanga inama n’ubufasha muby’amategeko(MAJ) mu karere ka Muhanga Uwineza Chantal avuga ko ubusanzwe bigoranye kubona umuntu uregwa ko yaguze indaya ahubwo byoroshye kubona urega avuga ko bamuciye inyuma.
http://dlvr.it/RZQN25

impuzamashyirahamwe y’umupira w’amaguru ku Isi ‘FIFA’, yamaze kwemeza ko igiye gutanga amafaranga angana na miliyoni n’igice y’amadorali ku mafederasiyo yose yo ku Isi mu rwego rwo guhangana n’ingaruka z’icyorezo cya COVID-19.

FIFA ifashe umwanzuro wo gutanga igice cya gatatu cy’amafaranga mu rwego rwo gutera inkunga amafederasiyo guhangana n’ingaruka z’icyorezo cya COVID-19 cyaba cyarateje abanyamuryango bayo(amakipe).

Ubusanzwe FIFA igenera amafederasiyo miliyoni y’amadorali itangwa mu bice 2, ibihumbi 500 bitangwa umwaka w’imikino ugiye gutangira, andi agatangwa mu mpera z’umwaka w’imikino amafederasiyo amaze kwerekana uko aya mbere yakoreshejwe.

Igice cya kabiri FIFA ikaba yaragitanze mu kwezi gushize itarindiye ko amashyirahamwe atanga uko yakoresheje aya mbere, ndetse ibaha uburenganzira bwo kuyakoresha mu bikorwa byo kurwanya COVID-19.

Mu nama ya FIFA yabaye ku munsi w’ejo ku wa Kane, yemeje ko FIFA igiye gutanga igice cya gatatu cy’amafaranga azifashishwa mu guhangana n’ingaruka z’icyorezo cya COVID-19 cyazahaje amakipe menshi ku Isi.

FIFA izatanga miliyoni y’idorali kuri buri federasiyo igenewe kuzafasha yo n’amakipe guhangana n’ingaruka z’icyorezo cya COVID-19, aya akaziyongeraho ibihumbi 500 by’amadorali yo agenewe guhita ajya mu mupira w’abagore.

Perezida wa FIFA Gianni Infatino yagize ati“nejejwe no kubamenyesha ko inama ya FIFA yemeje gutanga miliyoni 1.5 y’amadorali yo kugobaka amafederasiyo yacu muri ibi bihe bya COVID-19.”

FIFA kandi ikaba yageneye miliyoni 2 z’amadorali buri shyirahamwe (Confederation) uko ari 6. FIFA yemereye buri federasiyo yifuza kwaka inguzanyo bitewe n’ibi bihe ko yabegera imirango irafunguye.

Byitezwe ko aya mafaranga natangwa, mu Rwanda azagera no ku makipe yazahajwe n’iki cyorezo, amwe agahagarika amasezerano y’abakinnyi byanakuruye impaka ndende bishobora no kuzavamo imanza bitewe no kutumvikana hagati y’impande zombi kubera uburyo amasezerano yahagaritswemo. Rayon Sports iri mu makipe yagizweho ingaruka n’icyorezo cya COVID-19 Musanze iri mu makipe yahagaritse amasezerano y’abakinnyi mu ba mbere
http://dlvr.it/RZQN2Y