Author: webrwanda

Uyu mugabo w'imyaka 61 wo mu Kagari ka Rurangazi, Umudugudu wa Kigarama, yari mu murima ahinga ku wa 28 Werurwe 2025, abona grenade agira ngo ni iteke, aniyemeza kuyitahana mu rugo.

Ari mu nzira ataha, yahuye n'umugabo w'inkeragutabara amubwira ko icyo atahanye ari igisasu cyo mu bwoko bwa 'grenade', amusaba kukizibukira.

Umuyobozi w'Akarere ka Nyanza, Ntazinda Erasme yabwiye IGIHE ko iyo grenade bakiyibona, inzego z'umutekano zahise zibimenyeshwa.

Ati 'Yageze mu nzira, ahura n'umuntu w'inkeragutabara wahoze mu gisirikare, amubwira ko ari grenade, ahita ayishyira hasi, maze bahita batumenyesha, duhamagara abasirikare bajya kuyitegura.'

Meya Ntazinda yavuze ko iyo grenade bigaragara ko yari ishaje cyane, abihuza n'uko agace ka Nyagisozi kahoze mu gice cya 'Zone Turquoise' yari muri Perefegitura ya Gikongoro.

Umusaza yabonye grenade mu murima agira ngo ni iteke

Ni mu gitaramo cyiswe 'Fuego Fest' cyateguwe na 'Evolve Music Group Ltd' yagiye itegura ibindi bitandukanye mu Rwanda. Iki gitaramo giteganyijwe kuba ku wa 31 Gicurasi, aho kizabera ndetse n'abahanzi bashobora kuzakiririmbamo ntabwo biratangazwa.

Gilbert M Rukundo uhagarariye sosiyete yatumiye uyu musore yabwiye IGIHE ko batekereje kumutumira i Kigali, kuko ari umwe mu bamaze iminsi bafite izina rikomeye cyane cyane mu gucuranga Amapiano. Ati 'Ni umusore ugezweho, twizeye ko benshi bamutegerezanyije amatsiko.'

Vigro Deep afite imyaka 23. Ni Producer, DJ ndetse akaba n'umucuranzi wa piano. Yamamaye mu ndirimbo yagize uruhare mu ikorwa ryazo zirimo 'Blue Monday', 'Africa Rise', 'Wishi Wishi' yakoranye na DJ Maphorisa, Kabza de Small, Scotts Maphuma na Young Stunna, 'Ke Star [Remix]' yahuriyemo na Focalistic na Davido n'izindi.

Evolve Music Group [EMG] yatumiye Vigro Deep ni imwe muri sosiyete zimaze igihe zitegura ibitaramo mu Rwanda ariko by'umwihariko ikanafasha abahanzi mu bindi bikorwa. Iyi sosiyete yateguye ibitaramo birimo icya Trapish Music Concert 2 cyatumiwemo umuhanzi Singah wo muri Nigeria cyabaye mu 2022.

Guhera mu 2017 kandi nibwo iyi sosiyete yatangiye gutegura ibitaramo bikomeye ihereye ku cyatumiwemo umuhanzi Tekno Miles wo muri Nigeria cyiswe 'My250 Concert 1st Edition'. Mu bindi bakoze harimo icyiswe 'Love and Drunk Party' yatumiwemo Yceee wo muri Nigeria, 'Campus Music Fest' n'ibindi.

Mu minsi ishize yarebereraga inyungu za Gabiro Guitar ariko baza gutandukana.

'Ke Star [Remix]' zimwe mu ndirimbo za Vigro Deep utegerejwe mu Rwanda

Uwizeyimana yabigarutseho mu kiganiro yagiranye na RBA, cyagarukaga ku bibazo by'umutekano muke muri RDC.

Yavuze ko RDC ariyo muterankunga mukuru wa M23, binyuze mu ntwaro iha ingabo za FARDC kandi zitazi kuzikoresha.

Ati 'Bizeye intwaro bari bafite. Baguze intwaro pe kuko bagaragaza ingengo y'imari bakoresheje mu gisirikare, ariko (RDC) igura intwaro nta gisirikare igira. Buriya amasuka ntiyihingisha, ushobora kugira kontineri y'amasuka ariko nta bahinzi ufite abantu bazi guhinga bakazaza bakikorera ayo masuka bakayatwara ni na yo mpamvu tuvuga ko umuterankunga wa mbere wa M23 ni Leta ya Congo.'

Akomeza asobanura ko iki kibazo cy'igisirikare, ubuyobozi bwa RDC bukizi ariko bukomeza kwitwaza u Rwanda nk'impamvu yatumye igisirikare cyabo kidakomera, nyamara icyo bari biringiye ari ukugura intwaro no kwizera ko ingabo z'amahanga zizabafasha nibaramuka bafite intwaro.

Senateri Uwizeyimana kandi yavuze ko kimwe mu bituma igisirikare cya RDC kidakomera ari ruswa n'abayobozi bashaka kwigwizaho umutungo, bigatuma bashyira mu gisirikare ababonetse bose.

Ati 'Congo nta gisirikare igira, ni abantu b'abajura yashyize hamwe irabegeranya ibaha intwaro ariko nta gisirikare gihari rwose keretse ukuyemo bariya bantu bambaye inyenyeri.'

Bivugwa ko RDC ari cyo gihugu cya Afurika cyaguze intwaro zihenze mu myaka mike ishize, aho cyakoresheje agera kuri miliyari enye z'amadolari.

Senateri Evode Uwizeyimana yatangaje ko RDC ifite inenge zikomeye mu gisirikare cyayo

Umunyarwanda yavuze kera ko umurunga w'iminsi ari umurimo. Ubushakashatsi bwa NISR ku murimo mu Rwanda bwashyizwe hanze muri Werurwe 2025 bugaragaza ko mu 2024, Abanyarwanda miliyoni 8,3 bari ku isoko ry'umurimo, muri bo miliyoni 4,4 bakaba bari bafite akazi na ho ibihumbi 780 batagafite ariko biteguye kugakora.

Imibare igaragaza ko abantu bafite imyaka yo gukora bari ku isoko ry'umurimo biyongereye kuva mu 2022, kuko nko mu 2024 bageze kuri 62,9% by'abaturage bose, bingana n'inyongera ya 3,6% ugereranyije n'uko byari bihagaze mu 2023.

Ni mu gihe abatagaragara ku isoko ry'umurimo, ni ukuvuga abanyeshuri, abageze mu za bukuru n'abihebye ko batakibonye akazi bavuye kuri 40,7% mu 2023 bagera kuri 37,1% mu 2024.

Imibare igaragaza ko ubukungu bw'igihugu bwazamutse ku rugero rwa 8,9% mu 2024, umusaruro mbumbe ugera kuri miliyari 18.785 Frw uvuye kuri miliyari 16.626 Frw mu 2023.

Urwego rwa serivisi rwagize uruhare rwa 48% mu izamuka ry'umusaruro mbumbe w'igihugu, aho rwatanze akazi ku bagera kuri 42,9% mu 2024 bavuye kuri 39,8% bariho mu 2023.

Urwego rw'ubuhinzi rufite uruhare rwa 25% ku musaruro mbumbe, rwatanze imirimo ku bangana na 39,9% mu 2024 mu gihe bari 43,4% mu 2023.

Urwego rw'inganda rufite uruhare rwa 21% mu musaruro mbumbe w'igihugu rwo rwatanze imirimo ku bagera kuri 17,2% mu 2024 bavuye kuri 16,7% mu 2023.

Minisitiri w'Intebe Dr. Edouard Ngirente ku wa 28 Werurwe 2025, yabwiye Inteko Ishinga Amategeko ko agaciro k'ibikoresho byifashishwa mu bikorwa by'ishoramari kavuye kuri miliyoni 504$ mu 2017 kagera kuri miliyoni 957$ mu 2024, mu gihe ak'ibyo inganda zikenera (intermediate goods) zatumije hanze kavuye kuri miliyoni 564$ karenga miliyari 1,1 $ mu 2024.

Ati 'Iri zamuka ry'ibi bikoresho byatumijwe mu mahanga, rijyanye no kwiyongera kw'inganda nshyashya no kuvugurura izari zihari byakozwe muri iyi myaka ishize.'

Imibare igaragaza ko Abanyarwanda bakora mu rwego rw'inganda bavuye ku bihumbi 180 mu mwaka wa 2017 bagera ku bihumbi 259 mu mwaka wa 2024.

Urwego rwa serivisi rubarizwamo ubukerarugendo n'amahoteli, rugenda rurushaho gutera imbere kuko u Rwanda rwashyize imbaraga mu kwakira inama n'ibikorwa mpuzamahanga.

Mu 2024 mu Rwanda habarurwaga ibyumba bya hoteli birenga ibihumbi 25, intego ikaba kuzagira ibihumbi 35 mu 2029.

Ikigereranyo cy'umushahara w'ukwezi ku muhinzi mu 2024 cyari 30.678 Frw, ku bakora mu nganda yabarirwaga muri 92.221 Frw ku kwezi, na ho abakora muri serivisi akaba 127.680 Frw ku kwezi.

Ubushomeri bwagabanyutse mu byiciro byose

Ikigero cy'ubushomeri mu 2024 cyari kuri 14,9% bukarangwa mu bagore cyane ugereranyije n'abagabo na ho ugendeye ku myaka abafite imyaka iri hagati ya 16 na 30 bubugarije ku rugero rwa 18,5% mu gihe abakuru bugarijwe n'ubushomeri ku ijanisha rya 12,3%.

Ku ruhande rw'abarangije kaminuza, abugarijwe n'ubushomeri bari 14,2% mu 2023, ubu bageze kuri 11,5% mu 2024, abarangije amashuri yisumbuye bavuye kuri 23,1% bagera kuri 19,9% mu 2024, abashomeri bize imyuga n'ubumenyingiro bavuye kuri 18,9% bagera kuri 15,7% mu 2024, na ho mu cyiciro cy'abafite ubumuga abugarijwe n'ubushomeri bavuye kuri 19% bagera kuri 14,9% mu 2024.

Umubare w’abugarijwe n’ubushomeri waragabanyutse mu 2024

Urwego rwa serivisi rwihariye umubare w’abakozi mu Rwanda

Abari mu buhinzi n’ubworozi bagenda bagabanyuka

Iki gikorwa kizwi nka “Arsenal Africa Fans Festival” cyitezweho guhuriza hamwe abafana barenga 1,000 baturutse mu bihugu 14 byo muri Afrika. Ni ku nshuro ya kabiri iri serukiramuco rizaba ribereye mu Rwanda.

Nk'uko byatangajwe na Bigango Valentin uyobora itsinda Rwanda Arsenal Fans Community (RAFC), ibikorwa by'ingenzi biteganyijwe birimo ubukangurambaga bw'ubugiraneza, aho bazasura Aheza Healing and Career Center iherereye mu Bugesera.

Iki kigo gifasha abarokotse Jenoside yakorewe Abatutsi mu 1994, kizahabwa inkunga n’abafana ba Arsenal igizwe na 'studio' izajya ifasha mu gutunganya inkuru zigaragaza ibikorwa by'iki kigo.

Mu yindi gahunda, abafana bazifatanya na Orion BBC mu gikorwa cyo gutera ibiti, hagamijwe kubungabunga ibidukikije. 

Hazanabaho urugendo rw'ubukerarugendo ruzanyura mu bice bitandukanye bya Kigali nk'aho bazasura Stade Amahoro, BK Arena n'ahandi.

Abazitabira iri serukiramuco bazanarebera hamwe umukino wa Arsenal na Ipswich Town. Nubwo ari igikorwa cyateguwe n'abafana ba Arsenal, n'abandi bakunzi ba ruhago bazaba bemerewe kucyitabira.

Iri serukiramuco ryaherukaga kubera mu Rwanda mu mwaka wa 2018, kuri iyi nshuro rikazitabirwa n'abafana baturutse mu bihugu birenga 14 birimo u Rwanda, Ghana, Sudani y'Epfo, Nigeria, Kenya, Uganda, Zambia, u Burundi, Zimbabwe, Tanzania na Namibia.

Arsenal isanzwe ifitanye umubano wihariye n'u Rwanda binyuze muri gahunda ya Visit Rwanda, aho iri jambo ryamamaza igihugu riri ku mwenda w'iyi kipe kuva mu 2018.

 

Abafana ba Arsenal Barenga 1000 barateganya guhurira i Kigali mu bikotwa bitandukanye harimo n’icyubugiraneza

Kuva muri 2018 Arsenal isanzwe ikorana n’u Rwanda muri Gahunda ya Visit Rwanda

Umwuga wo kubara kugena no kugenzura ingano y'ibintu n'ibiciro mu bwubatsi (Quantity Surveying) ni umwuga wihariye ugira uruhare mu gutegura neza inzira yo gutanga amasoko, aho abakora muri uyu mwuga bapima kandi bagena ibiciro by'imishinga minini y'ubwubatsi n'iyindi mishinga y'ubucuruzi, yaba iya leta cyangwa iy'abikorera ku giti cyabo.

Ufite kandi uruhare rukomeye mu kwemeza agaciro k'amafaranga akoreshwa no gukurikiza amategeko n'amahame ngengamyitwarire, ukaba umaze igihe mu Rwanda, kuko watangiye kuva mu 2008 ariko nta cyemezo cyemewe n'amategeko, kandi ntiwahabwaga agaciro ukwiye mu ishyirwa mu bikorwa no mu micungire y'imishinga.

Kuba uyu mwuga utari uhari cyangwa ukaba utari ufite itegeko riwugenga, byatumye amafaranga abarirwa muri za miliyari akoreshwa nabi cyangwa anyerezwa bitewe n'uburangare mu gukurikirana imishinga y'iterambere yari iteganyijwe.

Imwe muri raporo z'Umugenzuzi Mukuru w'Imari ya Leta igaragaza ko imishinga 66 ya leta ifite agaciro ka miliyari 551.91 Frw yadindiye, imitungo idakoreshwa ifite agaciro kanini aho hari imitungo 90 idakoreshwa ifite agaciro ka miliyari 15.86 Frw mu nzego 22.

Mu Ugushyingo 2024, Umutwe w'Abadepite wemeje ishingiro ry'umushinga w'itegeko rigenga imirimo y'ubuhanga mu guhanga inyubako, iy'ubuhanga mu by'ubwubatsi n'iy'ubuhanga mu kubara, kugena no kugenzura ingano y'ibintu n'ibiciro mu bwubatsi.

Uyu mushinga w'itegeko umaze amezi uri mu biganiro muri komisiyo y'Inteko Ishinga Amategeko kandi biteganijwe ko uzemezwa mu mezi abiri ari imbere.

Mu rwego rwo kwitegura ibi, RIQS hamwe n'izindi nzego zifite aho zihuriye n'uyu mwuga, zirimo Ikigo cy'Igihugu Gishinzwe Gutanga Amasoko ya Leta (RPPA), Ikigo cy'Igihugu Gishinzwe Imiturire (RHA) ndetse n'Ishyirahamwe ry'Abakora mu Gutanga Amasoko, bateguye amahugurwa yo Kuzamura Ubumenyi mu Mwuga (CPD) ku wa 27 Werurwe 2025.

Ibi byari bigamije guha abanyamuryango ba RIQS n'abanyeshuri biga uyu mwuga ubumenyi ku mategeko n'imyitwarire kugira ngo bahindure imyumvire iriho ubu no guteza imbere ubufatanye hagati y'inzego zose zifite aho zihuriye no gushyira mu bikorwa imishinga.

Frederick Nyaminani, Visi-Perezida wa RIQS, yavuze ko iri tegeko rishya rigomba gusanga abakora muri uwo mwuga biteguye kwemeza inshingano zabo.

Yagize ati “Ibi bisaba guhindura imyumvire, kumenya inshingano zacu no kumenya ko umushinga uwo ari wo wose dufasheho, tuzabibazwa.”

Nubwo bamwe mu bashinzwe imishinga barimo abakora ubwubatsi, abakanishi ndetse na bamwe mu bagena agaciro k'imishinga bahanwe kubera imishinga yananiranye, Nyaminani yavuze ko abagena ingano y'ibintu n'ibiciro mu bwubatsi bagomba kwirinda kuba abagizi ba nabi kuko ibaruramari ryabo rigomba kuba ridafite aho ribogamiye kandi rikozwe kinyamwuga.

Umukozi wa RPPA ushinzwe E-Procurement, Vincent Ngarambe, yavuze ko amaze imyaka myinshi ajya muri Komisiyo y'Inteko Ishinga Amategeko Ishinzwe Gukurikirana Imikoreshereze y'Imari ya Leta aho abayobozi babazwa ku mishinga yashowemo amafaranga, yavuze ko iri tegeko ry'abagena ingano y'ibintu n'ibiciro mu bwubatsi, rizatuma habaho igabanuka ry'imicungire mibi n'imishinga itabwa na ba rwiyemezamirimo.

Ati “Uru ni urwego rw'ingirakamaro cyane kandi dukorana na rwo (mu gutanga amasoko ya leta) bityo ibi bibazo byo gutinda n'imishinga itabwa, twabonye bizakemurwa n'itegeko ryabo kandi bizatuma habaho imyitwarire myiza n'ubunyamwuga.”

Ikirezi Angelique Benita, umunyeshuri muri Kaminuza y'u Rwanda, yavuze ko kumenya byinshi ku itegeko rishya n'imyitwarire muri rusange mu Rwanda bitanga icyizere cyo kuba ashobora gukoresha ubumenyi yize kugira ngo ateze imbere uru rwego ariko na none agire uruhare mu iterambere ry'imishinga y'igihugu.

Yagize ati “Ukurikije aya mahugurwa, twebwe nk'abanyeshuri ndetse n'abahanga mu kugena ingano y'ibintu n'ibiciro mu bwubatsi b'ejo hazaza, tubasha kwigira ku bari mu mwuga ariko na none tukaza nk'amaraso mashya yo guhindura ejo hazaza.”

Irankunda Vedaste, umunyamwuga usanzwe akora, yavuze ko iri tegeko rishya ritegerejweho gukemura bimwe mu bibazo biri muri uyu mwuga ariko nanone rikemeza umwanya wabo ukwiye mu rwego.

Ikirezi Angelique Benita, umunyeshuri muri Kaminuza y’u Rwanda yishimiye kumenya byinshi ku itegeko rishya

Ngarambe Vincent yavuze ko iri tegeko rizatuma habaho igabanuka ry’imicungire mibi n’imishinga itabwa na ba rwiyemezamirimo

Frederick Nyaminani, Visi-Perezida wa RIQS, yavuze ko iri tegeko rishya rigomba gusanga abakora muri uwo mwuga biteguye kwemeza inshingano zabo

Intare Cultural Centre ni inyubako iri mu Mudugudu wa Murambi, Akagari ka Rwesero, mu Murenge wa Busasamana, ikaba igeretse kabiri.

Ni inyubako ifite imbuga yakira imodoka zirenga 150, ikagira inzu mberabyombi yakira abantu 1000 bicaye neza, ibyumba byagenewe ibiro 12, imbuga nini mu kirere yakoreshwa nk'ahantu ho kwakirira abantu, ndetse n'igikoni kinini cyagenewe gutekera abantu benshi.

Ndayishimiye Joseph bakunda kwita Musinga, yabwiye IGIHE ko iyi nyubako yatangiye gutanga umusanzu mu byerekeye imyidagaduro.

Ati 'Nk'abahanzi, twishimira iriya nyubako ndetse n'iriya salle irimo kuko mbere nta yari ihari. Ariko ubu ibirori by'abantu 1000 bicaye neza ushobora kubihakorera.'

Gukorera muri iyi nyubako bisaba kwishyura hagati ya miliyoni 1,5 Frw na miliyoni 1,77 Frw bitewe n'ibirori byateguwe.

Muvunyi Emmanuel utuye mu Mujyi wa Nyanza, na we akaba asanzwe akurikiranira hafi ibijyanye n'imyidagaduro, yavuze ko iyi nzu yakemuye byinshi.

Ati 'Yakemuye byinshi kuko ab'i Nyanza nta hantu heza hagutse bari bafite ho gukorera ubukwe cyangwa ibindi birori, cyane cyane mu gihe cy'imvura. Hafite salle wicaramo hari imbyino ugasusuruka nta mbeho ikwica cyangwa ubushyuhe.'

Umuyobozi w'Akarere ka Nyanza, Ntazinda Erasme, yabwiye IGIHE ko iyi nyubako yubatswe ku bufatanye FPR Inkotanyi mu Ntara y'Amajyepfo n'abanyamuryango ba FPR Inkotanyi mu Karere ka Nyanza, ikaba yaraje gutanga serivisi zo kwegereza salle y'inama ku bayikeneye n'ibindi birori.

Meya Ntazinda yavuze ko kuba yubatswe mu ishusho ijya kuba nk'inzu za kinyarwanda, bigamije gusigasira umuco nyarwanda kuko Nyanza isanzwe ari igicumbi cy'umuco ikomora kukuba harabaye umurwa w'abami.

Muri iyi nyubako banateganyije aho abantu bashobora kunywera ikawa (coffee shop), restaurant n'ibindi.

Iyi nyubako yuzuye muri Kanama 2024, itwaye agera kuri miliyari 3Frw, iha ikaze abifuza gukora ibikorwa bitandukanye byaba inama nini, ubukwe, gukodesha ibiro byo gukoreramo, ibitaramo n'ibindi.

Iyi nyubako yuzuye itwaye miliyari 3 Frw

Iyi nyubako igezweho kandi igasigasira umuco nyarwanda

Igikoni cyateguriwe gutekera abantu benshi

Iyi nyubako yakira abantu barenga 1000 bicaye

Abahanzi b’i Nyanza bashimye iyi nyubako

Aha abantu bashobora kuhicara bafata agacupa