Author: webrwanda

Ubushakashatsi bwa FinScope 2024 bwagaragaje ko Abanyarwanda bagera kuri 96% bagerwaho na serivisi z'imari bavuye kuri 93% mu mwaka wa 2020, ibigo by'imari iciriritse ni byo bifitemo uruhare runini.

Mu mpera z'icyumweru gishize abakozi b'ibigo by'imari biciriritse mu Rwanda bagera kuri 200 bahawe impamyabushobozi nyuma y'umwaka bahabwa amahugurwa.

Yateguwe n'Ikigo gishinzwe Amahugurwa y'Amakoperative, ba rwiyemezamirimo ndetse n'ibigo by'imari biciriritse (RICEM), ku bufatanye n'Ikigo cy'Abadage Germany Sparkassenstiftung (DSIK).

Clarisse Mushimirwa ukuriye imikorere y'ibigo by'imari bito n'ibiciriritse muri Banki Nkuru y'u Rwanda, (BNR) yavuze ko kongerera ubumenyi abakora mu by'imari ari ingenzi mu kuzamura ubukungu bw'igihugu.

Ati 'Ubumenyi mukuye muri ayo mahugurwa , ni inyungu kuri mwe ndetse n'Abanyarwanda bose muri rusange, cyane cyane ababagana babashakaho serivisi zitandukanye muri ibyo bigo mukorera.'

Umuyobozi w'Ishyirahamwe ry'Ibigo by'Imari iciriritse AMIR, Jackson Kwikiriza, yavuze ko ubu igisigaye ari ugukoresha ubwo bushobozi bahawe mu gutanga serivisi zinogeye ababagana.

Ati 'Ni byiza guhabwa ubumenyi nk'ubu kubera ko hejuru y'ubumenyi baba basanganywe, babasha no kwerekwa uko bushyirwa mu ngiro. Ubu buryo bwatumye babona imirimo iyo bavuye mu mashuri n'abari mu kazi, bityo umusaruro ukiyongera.'

Umuyobozi Mukuru wa RICEM, Dr. Olivier Mukulira, yagaragaje ko gukoresha abakozi badafite ubunararibonye n'amahugurwa ajyanye n'igihe, ari igihombo ku bigo by'imari.

Ati 'Yaba imicungire mibi y'imari, kutamenya gukurikirana no gucunga neza inguzanyo zatanzwe, kutamenya guha abakiliya ibyo bakeneye, byose byagiye bigira ingaruka mu iterambere ry' ibigo.'

Clarisse Uwumukiza usoje amahugurwa, yagaragaje ko ubumenyi benshi mu biga ibijyanye n'ubukungu n'imari bavana mu ishuri, buba budahagije kugira ngo batange umusaruro ukwiriye, ni yo mpamvu abona ko amahugurwa ari ingenzi.

Yavuze ko hakenewe imbaraga kugira ngo ubwo bumenyi bujyanishwe no kwihutisha ikoreshwa ry'ikoranabuhanga, ku buryo abazikoresha babasha kubona serivisi aho baba bari hose.

Imibare yo muri Kamena 2024, igaragaza ko abakoresha serivisi z'imari z'ibigo byanditse nka banki n'ibigo by'imari byanditse bagera kuri 92%, bangana na miliyoni 7.6 mu gihe abakoresha uburyo butanditse ari 4%.

Ubu bushakashatsi bugaragaza ko abantu 22% bahabwa serivisi binyuze muri banki zitandukanye, 70% bakazigeraho binyuze mu bindi bigo by'imari byanditse kandi bizwi mu gihe 4% ari bo bagera kuri serivisi z'imari binyuze mu bigo bitanditse.

Umuyobozi Mukuru wa AMIR, Kwikiriza Jackson, aganiriza abo mu rwego rw’imari

Clarisse Mushimirwa ukuriye imikorere y'ibigo by'imari bito n'ibiciriritse muri Banki Nkuru y'u Rwanda, (BNR), ashimira abatanze amahugurwa

Abo mu bigo by'imari cyane cyane ibiciriritse basoje amahugurwa yo gukora ibyo bakora

Ni amasezerano Seychelles igaragaza ko izungukiramo cyane mu kuzamura urwego rwayo rw'amagereza, bijyanye n'uko RCS imaze gutera imbere.

Ayo masezerano y'imikoranire yashyiriweho umukono i Kigali ku wa 31 Werurwe 2025, nka kimwe mu bigize uruzinduko itsinda ry'abayobozi ryaturutse muri Seychelles ryakoreye mu Rwanda.

Amasezerano yasinywe hagati y'Urwego rushinzwe Amagereza muri Seychelles rwari ruharagarariwe na Komiseri warwo, Janet Georges ndetse na RCS yari ihagarariwe na Komiseri Mukuru wayo, CG Murenzi Evariste.

RCS igaragaza ko ayo masezerano yasinywe akurikira guhura kw'abakuru b'ibihugu byombi kwabaye mu 2023 bagasinya amasezerano y'ubufatanye mu nzego zitandukanye.

Umuvugizi wa RCS, CSP Kubwimana Thérèse, yavuze ko SPS yakoreye urugendoshuri muri RCS muri Nzeri 2024 inyurwa cyane n'aho u Rwanda rugeze mu micungire y'amagororero bituma yiyemeza gufatanya na rwo kugira ngo irwigireho.

Yagize ati 'Muri Nzeri 2024 Komiseri yari yadusuye asura amagororero yacu areba aho tugeze mu buryo bwo kuyacunga, ubuzima bw'abantu bayarimo n'umutekano. Yifuje ko twabafasha kuko we yabonaga aho bageze ari inyuma yacu mu buryo bugaragara.'

CSP Kubwimana kandi yavuze ko muri Seychelles ubu bagikoresha uburyo bw'amagereza aho kuba amagororero ndetse ibyo bikaba ari kimwe mu byo RCS izabafasha bakareba uburyo na bo bakwimukira mu buryo bw'igorora.

Ayo masezerano yasinywe akubiyemo ingingo zinyuranye nko gufatanya mu gusangira ubumenyi mu bya tekiniki bujyanye n'igorora, kongerera ubushobozi abakozi no gukora imishinga ihuriweho.

Muri ayo masezerano harimo kwigisha uburyo bwo kugorora, kungurana abakozi hagamijwe kunguka ubundi bumenyi, ingendoshuri, gukora inyigo n'ubushakashatsi n'ibindi bitandukanye.

Komiseri wa SPS, Janet Georges, yavuze ko hari byinshi Seychelles yakwigira ku Rwanda ariko by'umwihariko ku micungire y'amagororero kuko urwego ayoboye rurimo abakozi badahagije na bo bakeneye kongererwa ubushobozi, agaragaza ko ikibazo cy'abakozi bake iwabo kiri mu gihugu hose.

Ati 'Muri Seychelles dufite ibibazo byinshi byo kubura abakozi bitewe n'ikoreshwa ry'ibiyobyabwenge riri hejuru. Hano mu Rwanda gukoresha ibiyobyabwenge ntibiri ku kigero gikabije […], ariko muri Seychelles ho ibiyobyabwenge birakoreshwa ku kigero kiri hejuru, kandi byangiza umuryango mugari. Nibura 10% by'abaturage muri Seychelles baba bahanganye n'ingaruka z'ibiyobyabwenge.'

Mu Rwanda kugeza ubu hari amagororero 13 harimo rimwe rigenewe abana abari munsi y'imyaka 18.

Amasezerano yashyizweho umukono na Komiseri wa SPS, Janet Georges (ibumoso) ndetse na CG Murenzi Evaritse w'Urwego rw'u Rwanda rushizwe Igorora (RCS)

Komiseri wa SPS, Janet Georges, yavuze ko hari byinshi Seychelles yakwigira ku Rwanda by'umwihariko ku micungire y'amagororero

Ubwo Komiseri wa SPS, Janet Georges yari ageze ku Cyicaro Gikuru cya RCS ahasinyiwe amasezerano

Abakozi b’Urwego rushinzwe amagereza muri Seychelles (SPS) bari kumwe n’aba RCS

Umuvugizi wa RCS, CSP Kubwimana Thérèse, yavuze ko Urwego rushinzwe amagereza muri Seychelles (SPS) rwakoreye urugendoshuri muri RCS muri Nzeri 2024 runyurwa cyane n'aho u Rwanda rugeze mu micungire y'amagororero

Abo bamotari bavuga ko kuba izindi sosiyete z'ubwishingizi zitemera kububaha basanga nta yandi mahitamo aba ahari uretse gukorana na sosiyete ya Radiant yonyine ibutanga ariko ko ibiciro bikomeza kuzamuka ugeranyije n'ibindi binyabiziga bagakekeka ko ibizamura uko ibyumva.

Umwe yagize ati 'Twibaza impamvu ari ikigo kimwe cyemerewe gutanga ubwishingizi kandi kikabuzamura uko cyishakiye bukaba buhenze kuko ari ikigo kimwe.'

Undi yagize ati 'Twifuza ko habamo n'izindi sosiyete z'ubwishingizi zikatwakira zakanatugabanyiriza ibiciro.'

Umukozi muri Radiant ushinzwe gukumira ibyateza ingorane, Abizeye Jean Damascène, yahakanye ibyavuzwe na bamwe ko hari amabwiriza agena ko iyo sosiyete ari yo yemerewe gutanga ubwishingizi yonyine kuko ibikora ku bushake bwayo kandi zindi zikuyemo ku bushake.

Gusa kuba abamotari bavuga ko buhenze cyane agaragaza ko biterwa no kuba moto ziri mu binyabiziga bikora impanuka cyane kandi nka sosiyete y'ubucuruzi iba igomba gukora idahomba.

Yagize ati 'Harimo ibibazo by'uko impanuka za moto ziba ari nyinshi kandi ikiguzi amasosoiyete y'ubwishingizi yishyura kuri zo ari amafaraga menshi cyane.'

Impuguke mu bukungu Straton Habyarimana yabwiye RBA ko mu gihe nta gikozwe mu kugabanya impanuka zikorwa na moto ubwishingizi bwazo buzakomeza kuzamuka ku buryo bamwe bashobora no kwikura muri ako kazi.

Yagize ati 'Uko abamotari bagenda badakurikiza amategeko y'umuhanda batigengesera bagakora impanuka mu buryo burimo akajagari ni byo bituma ibiciro by'ubwishingizi bizamuka.'

'Bitwaye neza mu muhanda ibyo byago n'impanuka bakora bikagabanuka ibiciro bishobora no kumanuka ariko mu gihe zikomeza kwiyongera ibiciro bizakomeza kuzamuka. Uzasanga kubera guhenda k'ubwishingizi bamwe mu bamotari bashobora kunanirwa bakikuramo.'

Banki Nkuru y'u Rwanda (BNR) iherutse kugaragaza ko ikiguzi cy'ubwshingizi bwa moto kiyongera bitewe n'uko buri mwaka impanuka ziyongera n'amafaranga ubwishingizi buzishyura akaba menshi. Gusa BNR ntigaragaza uko byagenda mu gihe na Radiant yahagarika guha abamotari ubwishingizi.

Imibare ya Radiant igaragaza ko moto 78.798 ari zo zifatamo ubwishingizi. Mu 2020 iyo sosiyete ivuga ko yishyuye miliyari 4.3 Frw ku mpanuka 3.890 za moto zari zabaye gusa mu mwaka ushize wa 2024 izo mpanuka zari zimaze kwikuba kabiri ziba 6.265 zishyurwa amafaranga asaga miliyari 14 Frw.

Ikiguzi cy'ubwishingizi bwa moto itarengeje imyaka itanu ikora kigeze ku bihumbi 182 Frw ku mwaka mu mu gihe mu myaka irindwi ishize cyari ku 45.000 Frw.

Polisi y'Igihugu igaragaza ko nibura buri munsi haba impanuka za moto zishobora kugera kuri 15 mu Gihugu hose, ndetse muri rusange moto n'amagare byihariye hejuru ya 50 by'impanuka zose ziba buri mwaka.

Abamotari barinubira ko mu Rwanda hari sosiyete imwe yonyine itanga ubwishingizi bwa moto

Mega Global Market yahembwe mu bihembo bitegurwa na Karisimbi Events bizwi nka 'Consumers Choice Awards'.

Umuyobozi Mukuru wa Mega Global Market, Dr. Francis Habumugisha, yishimiye iki gihembo ikigo abereye umuyobozi cyatwaye.

Yagize ati 'Ni umunezero mwinshi uyu munsi kuba ikigo cyacu cyatwaye igihembo gikomeye nk'iki. Gutanga serivisi nziza, ibicuruzwa byiza bikaba bituruka ku bunararibonye bw'imyaka 20 maze muri aka kazi ko gukwirakwiza inyunganiramirire.'

Dr. Francis Habumugisha yagaragaje ko mu byatumye iki kigo gihabwa iki gihembo harimo kuba giha serivisi nziza abakiliya. Ati 'Abakiliya ni abami, twabashyize imbere tubaha ibicuruzwa byiza kandi bikora neza nk'uko baba babishaka'.

Yakomeje avuga ko iyo wubashye umukiliya, ukora ibicuruzwa byiza ku buryo ibyo asoma byanditse inyuma ari byo azasanga imbere, icyo ashaka kuvura kigakira, niba ari vitamin ashaka akazibona neza.

Uyu muyobozi kandi yagaragaje ko bimwe mu bicuruzwa byabo byatumye iki kigo gishimwa n'abakiliya ndetse kigahabwa iki gihembo harimo nka 'Best Man Prime' ifasha abagabo kutarwara kanseri y'udusabo tw'intanga.

Harimo kandi 'Best Lady Care' ifasha abagore kuringaniza imisemburo, ikarinda nyababyeyi n'ubushake bwo gutera akabariro bukiyongera ku batabugira.

Hari kandi 'Best Kids Brain Gummies' ifasha imikurire y'abana, ikabongerera n'ubwenge.

Izindi nyunganiramirire zafashije iki kigo kuganwa na benshi harimo 'Best Fish Oil, Best Fit & Detox Tea, Best X Power Coffee na Best Brain Booster' zikora ku mubiri wose.

Dr. Francis Habumugisha yakomeje avuga ko iki kigo kizakomeza guha abakiliya ibicuruzwa byiza kandi byizewe, ndetse anashimangira ko mu minsi iri mbere bazatangiza uruganda rukorera ibi bicuruzwa mu Rwanda.

Yasabye kandi ko abacuruzi bashaka gukorana na Mega Globla Market bakayihagararira hirya no hino mu gihugu, ko bayigana bagakorana mu buryo bworoshye, ndetse ashimangira ko iki kigo kirajwe inshinga no gukomeza guha abakigana ibicuruzwa byiza ku giciro cyiza.

Umuyobozi Mukuru wa Mega Global Market, Dr. Francis Habumugisha, yavuze ko impamvu bahize abandi ari uko baha agaciro umukiliya akwiye

Abakozi ba Mega Global Market baserutse mu myenda yera

Umuyobozi Mukuru wa Mega Global Market, Dr. Francis Habumugisha (wa gatatu) ari kumwe n’abandi batsinze mu bihembo bya 'Consumers Choice Awards' bitegurwa na Kalisimbi Events

Umuyobozi Mukuru wa Mega Global Market, Dr. Francis Habumugisha, mu bitabiriye ibihembo bya 'Consumers Choice Awards' bitegurwa na Kalisimbi Events

Dr. Francis Habumugisha yakira igihembo Mega Global Market yatsindiye

Mega Global Market ifasha n’abashaka gukorera mu Burayi

Igihugu cyatangiye kwiyubaka nyuma yo kubona ubwigenge muri 1965, gishyiraho ubuyobozi bw’umukuru w’igihugu aho Lee Kuan Yew yahindutse umuyobozi mukuru w'igihugu nyuma yo kuva mu bwami bw’Abongereza. Ururimi rukoreshwa muri Singapore ni Icyongereza, ariko kandi hakaba hari n'izindi ndimi zirimo Igishinwa, Igitariyani, Ikirusiya n'indimi gakondo.    

Lee Kuan Yew yaharaniye iterambere ry’ubukungu, uburezi n'umutekano w'abaturage. Ashingiye ku miyoborere myiza n'imikoranire myiza n'ibindi bihugu, yatumye Singapore iba kimwe mu bihugu byateye imbere ku isi, haba mu bucuruzi, ikoranabuhanga no mu bwiza bw’imiterere y'umujyi baturage bari hagati ya 10% na 15% bari munsi y'umurongo w'ubukene.  

Umujyi wa Singapore uzwi cyane kubera ibitangaza by’imiturirwa myiza n'inyubako zigezweho, nk’ibikorwa remezo byitiriwe “Marina Bay Sands“, “Gardens by the Bay“, ndetse n'imiturirwa itangaje nka “The Pinnacle @Duxton“. Izi nyubako ntizigaragaza gusa iterambere ry’ubukungu, ahubwo zigaragaza n’ubushobozi bwa Singapore bwo gukoresha neza ubutaka.

Abaturage ba Singapore bagira ubuzima bwiza kandi bafite umubare munini w’abaturage bafite ubushobozi bwo kwiga no gukora, bibafasha kwinjiza amafaranga menshi. Ubukungu bw’igihugu bushingiye cyane ku bucuruzi, inganda, ubwubatsi, ikoranabuhanga, n'ubukerarugendo. Singapore ni igihugu cyagennye gahunda y'ubukungu ihamye, aho ubumenyi n'ikoranabuhanga byiyongera ku bwiza bw’ibikorwa remezo.

Singapore ikunze gusurwa n'abamukerarugendo kubera ibikorwa byayo birimo ubukerarugendo bushingiye ku bikorwa by'ikoranabuhanga, imiturirwa, n'ahantu ho gusura by'umwihariko nka “Universal studios” ndetse n’amazu akorerwamo ubuhinzi bugezweho. Ibi bituma Singapore iba kimwe mu bihugu byifuzwa cyane mu rwego rw'ubukerarugendo ku isi.       

Marina Bay Sands aha hakurura ba mukerarugendo kandi hakagaragaza ishusho nziza ya Singapore

Clarke hold aha habera ibirori bitandukanye aho abantu bashobora kubikora no mu masaha akuze

Abantu batari bake basura by'umwihariko “Universal Studios” buri mwakaUbusitani bwa “Gardens by the Bay” burihariye cyane kuko bugaragaza ikoranabuhanga mu bwubatsi n’amabara ateye amabengezaInyubako zubatswe mu buryo bwo kurengera ibidukikije aho n’ibindi bihugu bifatira urugero rwiza kuri Singapore

Si inyubako ziteye amabengeza gusa ahubwo binagaragaza uburyo bwiza bwo kurengera ibidukikije no kubyaza ubutaka umusaruro

Ikirwa cya Sentos hakaba hanabarizwa icyanya cyororerwamo inyamaswa cyane cyane izo mu maziSingapore ifite inyubako ziba ziriho ibimera n’ibiti biteye amabengeza

Abahanga mu bwubatsi bakomeza gufata umujyi wa Singapore nk’icyitegererezo mu bwubatsi                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           

Iri rushanwa ryari rimaze amezi rizenguruka intara zose n'Umujyi wa Kigali, rikaba ryarateguwe na Minisiteri y'Urubyiruko n’Iterambere ry'Ubuhanzi mu rwego rwo gukundisha urubyiruko umurage w’u Rwanda no kubashishikariza gukora ubuhanzi bubyara inyungu.

Mu birori byo gusoza aya marushanwa byabereye muri Camp Kigali ku Cyumweru, tariki 30 Werurwe 2025, itorero Inyamibwa rya UR CST ni ryo ryaje ku isonga, ritsindira igihembo gikuru cya miliyoni eshanu. 

Itorero Indangamuco rya UR Huye ryegukanye umwanya wa kabiri rihabwa miliyoni eshatu, naho itorero Uruyange rya UR CAVM riza ku mwanya wa gatatu ritsindira miliyoni ebyiri. Iri rushanwa ryabaye nyuma y’uko umudiho w'Intore nyarwanda ushyizwe mu murage w'isi na UNESCO.

Abitabiriye iri rushanwa batangaje ko uretse gusigasira umuco, binabafasha kwinjiza amafaranga no kwiteza imbere. Ryari rifite insanganyamatsiko igira iti “Imbyino gakondo umwimerere nyarwanda”.

Amatorero 11 yari yatoranyijwe nk'ayitwaye neza mu byiciro byabanje arimo itorero Inyamibwa rya UR CST, itorero Indangamuco rya UR Huye, itorero Uruyange rya UR CAVM, itorero Impumuza rya EAUR, itorero Inkashabirori rya Hanika Polytechnic, itorero Indakomwa rya RP Gishari, itorero Igisubizo rya INES Ruhengeri, itorero Indatwa rya UR Nyagatare, itorero Indangamirwa rya UR CoE, itorero Inganzo rya RP Kitabi n'itorero Ingeri y'Abeza rya RP Karongi. 

Uretse ibihembo byahawe amatorero, hanatanzwe ibihembo ku bantu batatu bagaragaje ubuhanga buhebuje mu byiciro bitandukanye birimo umubyinnyi w'umwaka, intore y'umwaka, n'umuririmbyi w'umwaka.

Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah, yashimiye amatorero yitabiriye amarushanwa, uko biteguye bakabigira ibyabo, udushya bagaragaje, ndetse by'umwihariko uburyo Kaminuza zashyigikiye iki gitekerezo. Yavuze ko gutangiza iri rushanwa byaturutse ku kuba ubuhanzi bw'imbyino gakondo bumaze gutera imbere.

Ati: 'Dutekereza iki gikorwa, twari mu nama isanzwe. Tumaze kubona yuko Inyamibwa yari imaze gukora Inkuru ya 30, twakurikiye imbyino nziza z'Urukerereza, tumaze kubona ko Inganzo Ngari imaze kugera ku rundi rwego, turavuga ngo ariko ko ibi bintu bimaze gutera imbere bibyara umurimo ku rubyiruko, bikaba kandi bitangiye kwitabirwa n'Abanyarwanda, ntitwareba niba nta zindi mpano ziri mu gihugu cyose, mu ntara, mu turere, ariko tugahera mu mashuri ya kaminuza kuko twabonaga ariho twajya tukabona abantu wenda n'amatsinda ntabe menshi cyane.'

Yakomeje avuga ko mbere bibazaga niba urubyiruko rutazatera utwatsi iki gitekerezo kuko benshi bakunda umuziki ugezweho, ndetse bagatekereza ko bajyanye amarushanwa mu ntara batabona abafana. Gusa, byaje kurangira urubyiruko ruyitabiriye ku bwinshi kuva amarushanwa atangiye kugeza arangiye.

Ati: 'Twabitangiye dukeka ko mutazabyakira neza, tugakeka ko wenda mukunda umuziki ugezweho kuruta gakondo, ariko mwaraduhinyuje, mwatweretse ko injyana gakondo ariyo yacu burya.'

Iri rushanwa ryasize icyizere gikomeye ko urubyiruko ruzakomeza guha agaciro umuco gakondo, rukawugira umusingi w'iterambere ry'ubuhanzi nyarwanda. 

Itorero Inyamibwa rya UR CT ryegukanye igihembo gikuru gihwanye na miliyoni 5Frw

Amatorero yose yari yiteguye

Byari ibishimo bihebuj ku bitabiriye ibirori bisoza amarushanwa y’imbyino gakondo mu mashuri makuru na kaminuza ku rwego rw’igihugu

Imyambaro n’imbyino gakondo bibereye ijisho

Hahatanaga amatorero 11

Abitwaye neza bagahiga abandi batahanye ibihembo

Kayigema Sangwa Aline yari ari mu bari bagize akanama nkemurampaka

Umugani ngo 'Ibuye ryanzwe n'abubatsi ni ryo ryabaye irikomeza imfuruka' bivuze ko ikintu cyangwa umuntu wateshejwe agaciro cyangwa akagirirwa nabi ashobora kuzagira agaciro gakomeye kurusha abamwanze. 

Uyu mugani ukunze gukoreshwa mu gihe umuntu wigeze guteshwa agaciro cyangwa kunenwa nyuma akaza kugira uruhare runini mu buzima cyangwa iterambere ry'abandi.

Ukomoka mu mvugo ya Bibiliya (Zaburi 118:22), ariko nanone ukoreshwa no mu buzima busanzwe iyo hagaragaye impinduka idasanzwe ku muntu cyangwa ikintu cyari cyarateshejwe agaciro.

Uwavuga ko Yampano nawe yari rya buye ryanzwe n'abubatsi ntiyaba abeshye. Uyu musore yarishimiwe mu buryo bukomeye ubwo yaririmbaga mu gitaramo cya The Ben cyabaye ku wa 1 Mutarama 2025, yahuriyemo n’abandi bahanzi. Ni igitaramo uyu muhanzi yari yateguye mu rwego rwo kumurika Album ye 'Plenty Love' iriho indirimbo 12.

Ni igitaramo kitari gisanzwe, kuko cyagaragaje ubufatanye bw’abaraperi bo muri Tuff Gang, abantu bongera kubona Tom Close ari ku rubyiniro na The Ben, ndetse abahanzi bashya barimo itsinda rya J-Sha na Shemi bagaragaza impano zabo.

By’umwihariko ariko, wabaye umunsi udasanzwe kuri Yampano, kuko yatashye yikomanga ku gatuza nyuma y’uko abarenga ibihumbi 10 bari muri BK Arena bamweretse ko indirimbo ze zabagazeho.

Ni cyo gitaramo cya mbere gikomeye uyu muhanzi yari aririmbyemo mu myaka ine ishize ari mu muziki nubwo yagiye ashyira hanze ibihangano byumvikana cyane mu bitangazamakuru by’imbere mu gihugu.

Mu kiganiro cyihariye na InyaRwanda, Yampano yavuze ko atajya abasha kubona amagambo yo gushimira neza The Ben, ahubwo ahita kwicecekera kugirango adakora ikosa mu magambo yumva ari ku mutima yamubwira.

Ati “Icya mbere cyo njya mbura uko nshimira The Ben nkicecekera kubera ko aho kugirango uvuge ibintu nabi cyangwa ntubihe imbaraga bikwiye uraceceka. Rero, The Ben ntabwo njya mbona ukuntu mushimira, si njya mbona n’ukuntu mushimira. Ni Mukuru! Umuntu mukuru rero ntabwo ajya arakarira umwana, kuko ibyo bihe aba yarabiciyemo.”

Yampano iyo avuga kuri The Ben ageraho agatuza agasubiza inyuma intekerezo yibuka cyane uburyo The Ben yamugiriye neza.

Avuga ko mbere yo kuririmba muri kiriya gitaramo, bisa naho yari afungiranye mu nzu, ndetse abafunze iyo nzu banataye ifunguzo ‘babeshya abantu ngo urufunguzo bararujyanye, ndavuga ku rugendo rwanjye rw’umuziki’.

Akomeza ati “Reka mbisubiremo njyewe nari ndi mu nzu ifunze, ariko iyo nzu mu by’ukuri ntabwo yari ifunze, nanjye nari mbizi ko hadafunze cyakora hari ikintu cyari kirimo, hariho ingufuri yapfuye ariko abantu bayifunze bakavuga ngo urufunguzo rw’iyo ngufuri ntaruhari.”

Abajijwe niba hari abantu bari barafungiranye impano ye, Yampano yavuze ko atabazi ndetse atabacyeka ariko “The Ben ataraza ngo afungure iyo ngufuri ampe umwanya abantu ntibambonaga kandi narakoraga. Byanze bikunze hari imbogamizi ntazi nagereranyije n’iyo ngufuri n’iyo nzu.”

Yampano yavuze ko ashingiye ku byo The Ben yamukoreye abigereranya no kuba yarayobowe n’Imana n’umwuka kugira ngo amufashe kugaragaza impano ye.

Uyu musore wamamaye mu ndirimbo nka 'Ngo' yakoranye na Papa Cyangwe, anavuga ko bigoye kubona icyo amushimira ‘uretse kumusabira umugisha ku Mana no ku muryango we no ku rubyaro rwe’.

Uyu muhanzi yavuze ko uriya munsi ataramana na The Ben abigereranya no kuba yaramuhaye inkoni y’umuziki. Ati “Kiriya gitaramo cyari icya The Ben, ku buntu bwe no ku mugisha we yahayeho Yampano. Kuri uwo mugisha yari yapangiwe uwo munsi yahayeho Yampano, bivuze ngo yampaye inkoni, kumpa inkoni bivuze ko uru rugi uzajya urufungura igihe ushakiye nta muntu uzongera ku gufungirana, akira inkoni.”

The Ben aherutse kubwira InyaRwanda ko yiteguye gukorana indirimbo na Yampano mu gihe cyose bahuza umwanya.

Ni ibintu yemeranya na Yampano, kuko mu bahanzi yifuza gukorana nabo indirimbo ari mu ba mbere, ariko kandi yifuza ko hejuru y’umuziki basabana, bakaba n’inshuti z’igihe kirekire.

Yampano yatangaje ko The Ben yafunguye umuryango yari yarafungiranywemo n'abantu batifuzaga iterambere rye mu muziki

The Ben aherutse gutangaza ko yiteguye gukorana indirimbo na Yampano mu rwego rwo gushimangira ko yanyuzwe n'impano ye 

Yampano yatangaje ko kuririmba mu gitaramo 'The Groove New Year' cya The Ben byafunguye imiryango myinshi y'umuziki we 

KANDA HANO UBASHE KUREBA IKIGANIRO CYIHARIYE TWAGIRANYE NA YAMPANO

“>

Chryso Ndasingwa akorera umurimo w’Imana muri New Life Bible Church Kicukiro iyoborwa na Rev. Dr. Charles Mugisha. Yavukiye i Nyamirambo mu Mujyi wa Kigali, akurira mu muryango w'Abakristo Gatolika, nyuma aza kwimukira mu itorero rya New Life Bible Church ari na ho abarizwa kugeza ubu. Yatangiye umuziki mu buryo bw’umwuga mu gihe cya Covid-19.

Umuziki waramuhiriye cyane dore ko ari mu bahanzi bacye babaye ibyamamare mu gihe gito cyane. Amaze gukora Album imwe “Wahozeho” yamuritse mu gitaramo cy’amateka na n’ubu kikibazwaho n’abanyamuziki bakomeye aho batiyumvisha ukuntu umuntu akora igitaramo cya mbere akuzuza BK Arena. Nyuma y’ibyo, Chryso arakataje mu muziki ndetse afite EP nshya.

EP (Extended Play) ya Chryso Ndasingwa ifite indirimbo 6 zirimo: “Mbega ukuntu uri mwiza”, “Great things”, “Ku musozi wera”, “Ibyo wakoze” na “Ulikuwepo”. Ije ikurikira izindi amaze iminsi ashyize hanze zirimo “As I know more”, “Iyo Mana”, “Nzakujya imbere” yakoranye na Rachel Uwimeza n’izindi ebyiri yakoranye na Sharon Gatete ari zo: “Wera Wera” na “Yanyishyuriye”.

Mu kiganiro na inyaRwanda, Chryso Ndasingwa yavuze ko buri ndirimbo iri kuri EP ye ifite ubutumwa bukomeye bwo “guhimbaza Imana no gushimangira ukwizera”. Yavuze ko yahisemo gukora EP aho gukora Album kubera impamvu zitandukanye. Izi ndirimbo zose ziri ku mbuga zicuruza umuziki, gusa kuri Youtube zizajyaho mu minsi itandukanye.

Uyu muramyi w’i Nyamirambo ukunzwe mu ndirimbo “Wahozeho” na “Wahinduye Ibihe”, avuga ko impamvu yakoze EP ari ugutanga umusaruro mwiza mu gihe gito no gufasha abantu kwakira izi ndirimbo vuba, kandi “buri ndirimbo ifite icyo ivuga ku rukundo rw'Imana, imirimo yayo n'imbaraga zayo zidahinduka”.

Ati “Ubutumwa bukubiye muri iyi EP ni ubuhamya bw'imirimo ikomeye Imana yakoze, kumenya neza ko ihora ihari kandi idahindurwa n'ibihe. Indirimbo nka “Mbega ukuntu uri mwiza” iratwibutsa ubwiza bw'Imana, “Ku musozi wera” ikagaragaza aho duhura nayo mu mwuka, naho “Great things” ni igihamya cy'ibyo yakoze mu buzima bwacu.

Ku bijyanye n'igitaramo cye cya Pasika kizaba kuwa 20 Mata 2025 mu Intare Arena i Rusororo, yavuze ko imyiteguro “irakomeje neza”. Ati “Twese turi mu mwuka wo gusenga no gukora ibishoboka byose kugira ngo kizabe igikorwa kidasanzwe cyo guhimbaza Imana”.

Chryso uri mu baramyi bakunzwe cyane muri iki gihe, avuga ko intego ye mu muziki wo kuramya no guhimbaza Imana ni ukuzana ibyiza bihimbaza Imana. Yikije ku gitaramo cye avuna ko akomeje kwitegura neza mu buryo bwose. Ati “Turizera ko bizaba ibihe bidasanzwe!”.

Chryso Ndasingwa ni umuhanzi wa kabiri mu baririmba indirimbo zo kuramya no guhimbaza Imana wabashije kuzuza BK Arena mu gitaramo cya mbere yari akoze mu mateka ye, abantu hirya no hino bakabura ayo bacira n'ayo bamira dore ko hari abahanzi benshi bagerageje BK Arena ariko bikanga.

Kuri ubu ari mu myiteguro y’igitaramo ngarukamwaka cya Pasika yise “Easter Experience” kizafasha abakristo n’abakunzi b’umuziki wa Gospel kwizihiza izuka rya Yesu. Mu baramyi azataramana nabo harimo Papi Clever na Dorcas, True Promises Ministries na Arsene Tuyi.

Kwinjira muri iki gitaramo ni ukugura itike ya 10, 000 Frw, 20,000 Frw, 30,000Frw ndetse na 50,000 Frw. Amatike aboneka kuri *797*30# no kuri www.ishema.rw. Chryso Ndasingwa aherutse gutangaza ko amatike agura 50,000 Frw yamaze gushira ku isoko.

Chryso Ndasingwa agiye gukora igitaramo gikomeye cyo kwizihiza Pasika

Chryso Ndasingwa akomeje kwandika amateka mu muziki

Apotre Masasu n’umufasha we ni bamwe mu bashumba bashyigikiye cyane umuziki wa Chryso

Amatike y’ibihumbi 50 Frw yamaze gushira ku isoko

Ku munsi mukuru wa Pasika bizaba ari uburyohe mu Intare Arena hamwe na Chryso Ndasingwa

Chryso Ndasingwa yashyize hanze EP Mbere yo gutaramira abakunzi be kuri Pasika

UMVA INDIRIMBO “MBEGA UKUNTU URI MWIZA” IRI KURI EP YA CHRYSO

INDIRIMBO “GREAT THINGS” IZAJYA KURI YOUTUBE KUWA KANE

Ni na ko byagenze, kuko abashinzwe gutegura iki gitaramo “'Solidarité Congo’” bahise batangaza ko bagisubitse. Mu itanganzo ryasohowe n’abategura iki gitaramo, bumvikanishije ko atari icyemezo bifatiye. Bati 'Iki si icyemezo cyacu, twabitegetswe n'ubuyobozi nubwo twe twari twagerageje gukora mu bwubahane, amahoro dushyize hamwe.' 

Maître Gims yari yagaragaje ko muri iki gitaramo azifatanya n’abahanzi bagenzi be barimo Angélique Kidjo, Dajdu, Youssoupha, Fally Ipupa, Gazo, Stefflon Don, Céline Banza watwaye Prix Découvertes RFI 2019, Theodora, Guysbezbar, Didi B, Soolking, Ya Levis, level Santana, L2B n’abandi. Ndetse, akavuga ko amafaranga azavamo ari ayo gufasha abana babayeho nabi muri Repubulika Iharanira Demokarasi ya Congo.

Byatangiye Ishami ry’Umuryango w’Abibumbye ryita ku bana, UNICEF, rigaragaza ko rishyigiye iki gitaramo, ariko nyuma yo kotswa igitutu n’abantu banyuranye, ryagaragaje ko ryitandukanyije na Maître Gims ndetse n’abategura iki gitaramo.

Meya w'Umujyi wa Paris mu Bufaransa, Anne Hidalgo we yari yanditse agaragaza ko ashingiye ku byo yabonye ndetse n’ibyo amaze gusoma iki gitaramo ‘ntigikwiye kuba’ ndetse agasaba Polisi gufata iya mbere mu kugikumira, hagashakwa indi tariki.

Madamu Anne Hidalgo yavugaga ko iki gitaramo gishobora guhungabanya umutekano w’umujyi mu gihe cyose cyabaye kiba kuri iriya tariki 7 Mata; akavuga ko yabonye amabaruwa y’abantu benshi bamubwiraga ko iki gitaramo kidakwiye kuba ku mpamvu zitandukanye.

Yavuze ko yabonye amabaruwa y’abarimo Ambasade y’u Rwanda mu Bufaransa, imiryango y’abanyarwanda itandukanye irimo IBUKA, umuryango w’abanyarwanda batuye mu Bufaransa, umuryango TUBEHO Family n’abandi bari bamwandikiye bagaragaza ko iki gitaramo cyari giteye ikibazo.

Iki gitaramo cyari kubera mu nyubako y’imyidagaduro ya Accor Arena. Gufata icyemezo cyo guhagarika iki gitaramo byafashe iminsi icumi, kuko Meya w’Umujyi wa Paris yandikiye Umuyobozi wa Polisi tariki 7 Werurwe 2025, asubizwa ku wa Kane tariki 27 Werurwe 2025. 

Umunyamategeko ukorera mu Bufaransa, Gisagara Richard yabwiye Televiziyo Rwanda binyuze mu kiganiro ‘Inkuru Mu Makuru’ ko kuba UNICEF yarikuye mu baterankunga b’iki gitaramo 'byabaye kimwe mu byatumye Meya w’Umujyi wa Paris n’Umuyobozi wa Polisi babona ko ibyo tuvuga atari ibintu tuvanye aho ngaho gusa, ko na UNICEF ubwayo ibivuyemo.'

Gisagara Richard yavuze ko bamwe mu bahanzi Maître Gims yari yiyambaje bari bafite amakuru ahagije ku cyari kigambiriwe, kandi ko bamwe bari mu murongo we. Yagarutse kuri Angélique Kidjo, Dajdu na Youssoupha.

Yavuze ko atatangajwe no kuba Youssoupha ari ku rutonde rw’abari kuririmba muri iki gitaramo kuko “Ni umuntu utayobewe ibyo ngibyo, kuko Youssoupha nawe afite indirimbo nawe agaragaramo avuga nabi u Rwanda n’Abanyarwanda avuga nabi Perezida wa Repubulika y’u Rwanda anamutuka, nawe ntabwo bintangaje.”

Yavuze ko Dajdu ari Murumuna wa Maître Gims “urumva ko nawe ntabwo wavuga ngo abigiyemo atabizi.” Ati “Ngirango mwarababonye mu minsi yashize, Dadju na Maître Gims bigeze kujya muri Congo bifotozanya na Perezida Thisekedi kandi tuzi ko abantu bose bavuye muri ziriya nzira ntabwo bavayo badafite icyo bababwiye. 

Ubwo rero abo batatu tuvuzeho ndumva ntashidikanya ko ibyo tuvuze, ibyo bari barimo bari babizi, kandi wari umugambi ushobora kuba waranateguriwe ahandi atari no mu Bufaransa.”

Gisagara yavuze ko amakuru y’ibanze afite ari uko Maître Gims yasabye ubwenegihugu bw’u Bufaransa ntiyabuhabwa. Uyu munyamategeko yavuze ko nta wamenya niba Angélique Kidjo yaragiye mu itegurwa ry’iki gitaramo abifiteho amakuru, cyangwa yarabyirengagije.

Ariko kandi ‘n’umuntu udafite icyo apfa n’abanyarwanda’. Yasobanuye ariko ko aho Angélique Kidjo yamenye iby’aya makuru ntiyigeze agira icyo avuga, nyamara asanzwe akorana bya hafi na UNICEF.

Avuga ati “Ni Ambasaderi wa Unicef […] Kuva rero UNICEF imukoresha yo yaravuze ngo ibivuyemo we ntatangaze ko abivuyemo njye ndumva ari ikibazo giteye kwibaza.”

Gisagara Richard yavuze ko Maître Gims ari umuntu ufite amafaranga kandi wamamaye ku Isi, bishobora kuba hari abantu bafashe icyemezo cyo kudaha agaciro igikorwa cyo kwibuka bakemera kwifatanya nawe kugirango ‘batiteranya’.

Ati “Ariko ni ikintu cyigayitse. Hari ubwo ushobora gusanga bamwe muri abo ngabo rero ari abantu banze kwiteranya na Maître Gims.”

Yavuze ko ashingiye ku ruhare rwagize mu guhagarika iki gitaramo, bigaragaza ko kwibuka amateka ya Jenoside yakorewe Abatutsi mu 1994, u Bufaransa buratanga icyizere ‘cy’uko amateka y’u Rwanda batangiye kuyaha agaciro’.

Ni ibintu ahuza na Senateri Evode Uwizeyimana uvuga “Bufaransa bwiminjiriyemo agafu ku bijyanye n’imyitwarire yabwo kuri Jenoside yakorewe Abatutsi.”

Maître Gims yakunze kumvikana mu mvugo zipfosha Jenoside yakorewe Abatutsi, ndetse yigeze guhabwa amafaranga arenga Miliyoni 690 Frw ngo yibasire Perezida Kagame

Youssoupha yakunze kwibasira u Rwanda, cyane cyane kuva umubano warwo na RDC wazamba, ndetse yanakoze ibihangano binyuranye

Umunyamuziki Dadju yagiye atumirwa mu bihe bitandukanye i Kigali, akabyanga kubera kuvuga ko Congo itabanye neza n'u Rwanda

Umunyamategeko Gisagara Richard yavuze ko bigayitse kuba Angélique Kidjo yaratuje, mu gihe UNICEF abereye Ambasaderi yaramaganye iki gitaramo 

Itorero Inganzo Ngari ni rimwe mu matorero akomeye mu Rwanda mu bijyanye no kubyina no gusigasira umuco nyarwanda. Ryashinzwe mu 2006 rigamije kwimakaza umuco binyuze mu mbyino, indirimbo, n'imiziki gakondo. 

Ni rimwe mu matorero yagaragaje ubuhanga buhanitse mu mbyino gakondo nyarwanda, by'umwihariko imbyino z'abasore n'abakobwa. Ryagiye ryitabira ibitaramo bikomeye birimo FESPAD (Festival Panafricain de Danse), aho ryagaragaje imbyino zihariye. 

Ryagiye rikora ibitaramo mu bihugu bitandukanye, rikaba ryaragiriye ingendo mu Burayi, Amerika n'ahandi. Ndetse, buri mwaka bakora ibitaramo nk'ibi bigamije guhuza abakunda umuco bakabatamira bitewe n'insanganyamatsiko bahitamo buri mwaka.

Umuyobozi w'Itorero Inganzo Ngari, Nahimana Serge yabwiye InyaRwanda ko muri uyu mwaka bahisemo kuzagaragaza ibigwi by'u Rwanda, ndetse n'uburyo Abanyarwanda bagiye bigobotora ibibazo barangajwe imbere na Leta y'Ubumwe.

Yavuze ati 'Impamvu igitaramo twakise 'inganji' ni igitaramo gishingiye ku bigwi by’igihugu cyacu. Aha tukazerekana uko u Rwanda rwagiye rwigobotora ibibazo bitandukanye rukishakira ibisubizo rubikesheje Leta y’Ubumwe bw’Abanyarwanda maze ibyo bikaganisha ku nganji (Intsinzi).'

Akomeza ati 'Ikindi ni ukwerekana inzira ya bene u Rwanda tuva mu mwijima tugana mu Rwanda tureba ubu ndetse n’ejo hazaza.'

Nahimana Serge avuga ko bahisemo iyi nsangamatsiko, ahanini binatewe n'ibihe u Rwanda ruri kunyuramo muri iki gihe, aho bimwe mu bihugu by'amahanga barufatiye ibihano. Ati 'Yego! Biriya muri biriya bibazo navugaga (hejuru).'

Uyu muyobozi yavuze ko iki gitaramo kibanjirije icyo bitegura gukora mu 2026, ubwo bazaba bizihiza imyaka 20 izaba ishize babonye izuba.

Yungamo ati 'Iki gitaramo kije gikurikira ibindi byinshi twagiye dukora ariko kikazaba gifite umwihariko wo kuba integuza y’ikindi gitaramo nganzamarumbo kizaba umwaka utaha twizihiza imyaka 20 tumaze. Ikindi muri ya nganji tuvuga harimo n’umuco wacu uzira ico dukomeyeho.'

Kuva mu 2009, iri torero ryakoze ibitaramo bikomeye kandi byateje imbere umuco, birimo nk'icyo bakoze mu 2009 bise 'Inganzo Twaje', mu 2010 bakoze igitaramo bise 'Umuco kagozi ka Bugingo kabuza u Rwanda gucika';

Tariki 25 Nzeri 2011, bwo bakoze igitaramo bise 'Bwiza bwa Mashira budashira irora n’irongorwa', n'aho ku wa 10 Ugushyingo 2013 bakoze igitaramo 'Inzira ya Bene u Rwanda';

Ku wa 25 Ukwakira 2015, bakoze igitaramo 'Ruganzu I Bwimba', ku wa 9 Ugushyingo 2018 bakora igitaramo 'Urwamazimpaka', ni mu gihe baherukaga gukora igitaramo gikomeye, cyabaye ku wa 8 Kanama 2023 bise 'Ruganzu II Ndoli Abundura u Rwanda'.

Inganzo Ngari bagiye bakora imbyino mu bitaramo by'abahanzi b'ibyamamare barimo Cecile Kayirebwa, Intore Masamba, n'abandi. Bafite umwihariko wo kwambara imyenda gakondo yerekana ishusho y'umuco nyarwanda uko wagiye utera imbere.

Uretse kubyina, ritanga n'umusanzu mu gukomeza kuririmba indirimbo z'umwimerere zishingiye ku muco. Inganzo Ngari kandi bakomeje kuba itorero rifite igikundiro mu bakunda umuco gakondo, kandi ryagiye ritanga umusanzu ukomeye mu kurinda umuco w'u Rwanda no kuwugeza ku rwego mpuzamahanga.

Inganzo Ngari batangaje ko tariki ya 1 Kanama 2025 bazakora igitaramo bise 'Tubarusha Inganji' 

Inganzo Ngari bavuze ko iki gitaramo kizagaragara muri rusange uko u Rwanda rwagiye rwigobotora ibibazo 

Inganzo Ngari bavuga ko bateguye iki gitaramo banabihuje n'ibihe u Rwanda ruri kunyuramo muri iki gihe

Iri torero rigiye gukora iki gitaramo, mu gihe mu 2026 bazakora icyo kwizihiza isabukuru y'imyaka 20