Webrwanda Backend

Author: webrwanda

  • APR FC yaciwe amande akubye gatatu aya Rayon Sports nyuma yo kurenga ku mabwiriza #rwanda #RwOT

    Ku wa Gatatu w’iki cyumweru ni bwo IGIHE yanditse ko APR FC na Rayon Sports ziri mu makipe ashobora gufatirwa ibihano bitewe n’uko atasabye impushya ku mikino ya gicuti ateganya.

    Bivugwa ko FERWAFA yahanishije APR FC kwishyura miliyoni 1,5 Frw mu gihe Rayon Sports yaciwe ibihumbi 500 Frw.

    APR FC imaze gukina imikino irindwi ya gicuti, yari yasabye uruhushya ku wa 22 Ukwakira mbere yo gukina na AS Kigali, ariko hari imwe mu mikino yagombaga kongera gusaba gutegura.

    Rayon Sports yo yaherukaga kwakira Alpha FC mu mukino wa gicuti wabereye mu Nzove ku wa Gatandatu ushize.

    Icyemezo cyo guhana izi kipe cyafatiwe mu Nama ya Komite Nyobozi ya FERWAFA yateranye ku wa Gatatu tariki ya 11 Ugushyingo 2020, aho yemeje ko buri kipe icibwa amande y’ibihumbi 500 Frw ku mukino umwe.

    APR FC yaciwe miliyoni 1.5 Frw kuko yakinnye imikino itatu itarabisabiye uruhushya, irimo ibiri yahuyemo na Rutsiro FC n’umwe yakinnye na Rwamagana City FC.

    Andi makipe yahanwe ni Rwamagana City FC, Rutsiro FC ndetse na Alpha FC. Aya makipe yose yahawe iminsi 30 yo kuba yamaze kwishyura ihazabu.

    Ibi bihano byatanzwe mu gihe FERWAFA iherutse kwibutsa amakipe gusaba uburenganzira igihe cyose yifuza gukina umukino wa gicuti.

    Yagize iti 'Nta kipe yemerewe gukina umukino wa gicuti itabanje gusaba uburenganzira muri FERWAFA ngo ibuhabwe nk’uko bikubiye mu mategeko agenga amarushanwa muri FERWAFA.'

    Kugeza ubu, amakipe menshi yo mu Cyiciro cya Mbere amaze gukina imikino itandukanye ya gicuti, yitegura amarushanwa atandukanye ya FERWAFA azatangira mu minsi iri imbere.

    Ku wa Gatandatu nibwo hazatangira imikino ya playoffs yo gushaka amakipe abiri azazamuka mu Cyiciro cya Mbere. Umwaka mushya w’imikino mu Rwanda wa 2021, uzatangira ku wa 4 Ukuboza 2020.

    Source : http://www.ukwezi.rw/Imikino/article/APR-FC-yaciwe-amande-akubye-gatatu-aya-Rayon-Sports-nyuma-yo-kurenga-ku-mabwiriza

  • Twaganiriye na Dr Ryambabaje Alexandre wabaye umunyapolitiki, umwalimu n’umukinnyi ukomeye wa Volleyball #Rwanda #RwOT via @kigalitoday #rwanda #RwOT

    Dr Ryambabaje Alexandre azwiho kuba yarajyaga atera umupira ugaturika
    Dr Ryambabaje Alexandre azwiho kuba yarajyaga atera umupira ugaturika

    Ni umugabo uvuga atuje muremure w’ibiro biringaniye, umugabo uzi gusetsa ufite imyaka 60 y’amavuko, akaba umwe mu bahanga u Rwanda rufite wize imibare dore ko ari Dogiteri mu mibare. Iyi mpamyabumenyi yayibonye abikesha gukina umupira w’intoki (Volleyball).

    Dr Ryambabaje yize muri kaminuza nkuru y’u Rwanda, ajya kwiga icyiciro cya gatatu cya Kaminuza (Master’s Degree) muri Canada ari na ho bamuboneye ko ari umuhanga muri volleyball atangira gukina atyo mu cyiciro cya mbere muri uwo mukino muri Canada.

    Yaje kugaruka mu Rwanda yigisha muri kaminuza ndetse akomeza gukina uyu mukino no kuwutoza. Yakinnye mu ikipe y’igihugu ya Volleyball yasohokeye u Rwanda ahantu henshi hatandukanye ku isi.

    Yaje kubona buruse kubera kuba intyoza mu mukino wa volleyball ajya mu gihugu cy’u Bufaransa aho yakuye impamyabumenyi y’ikirenga ya Doctorat anakina Volleyball nk’uwabigize umwuga.

    Ababonye imikinire ya Dr Ryambabaje bemeza ko yari umuhanga utangaje ku buryo hari ubwo yateraga ikilo agaturitsa umupira.

    Avuga kuri ibi, yagize ati “Biragoye ko umuntu yakwivuga ahubwo abandi ni bo bashobora kumuvuga, gusa tukiri abasore twakubitaga umupira indodo zikagaragara tukanakubita ugaturika, niba ari uko imipira y’icyo gihe yari ikoze nabi cyangwa ihaze cyane simbizi gusa warakubitaga rwose ukabona ko harimo ingufu, mu nzu twakiniragamo (Gymnase ya kaminuza) byo twabaga twifuza gukubita ibiro, umupira ugakubita ku byuma biyubatse mu gisenge”.

    Mu bintu Dr Ryambabaje atajya yibagirwa, ngo ni uburyo bagiye gukina mu Bufaransa bakababwira ko nta mukino n’umwe baza gutsinda nyamara bakaza gutsinda imwe mu mikino bari babateze.

    Ikindi yibuka ni uburyo bagiye gukina muri Kenya bakanga ko aba umutoza bakamugira umukinnyi bagatangira gutsindwa akaza gusaba umutoza we kumuha amahirwe yo gutoza bikarangira atsinze.

    Hari ibyo atajya yibagirwa bibi nk’aho ubwo yatozaga ikipe y’igihugu, umwe mu bari bayoboye imikino mu Rwanda yamubwiye ko ngo atoranya abakinnyi bo mu bwoko bumwe undi akamusubiza ko we atoranya abakinnyi bazi gukina atitaye ku moko yabo.

    Yagize ati “Tujya kujya Congo Brazzaville baraje barambwira bati ‘ariko ko ikipe yawe igizwe n’ubwoko bumwe?’ hari muri 1987 mbwira Minisitiri n’umukozi we nti ni bande, bambwira amazina hanyuma ndababwira nti nkeneye abakinnyi 9 mwebwe mugende munshakire abandi, gusa byarangiye bandetse njyana ikipe yanjye yose ndetse tuzana umudari mba n’umukinnyi mwiza w’irushanwa”.

    Mu nkuru ikurikira iyi tuzabagezaho uko Dr Ryambabaje yakomeje kubyitwaramo muri ibyo bihe ndetse azanatubwira mu bisanzwe by’ubuzima bwe bwite hanze ya Volleyball.


    source https://www.kigalitoday.com/imikino-11/volleyball/article/twaganiriye-na-dr-ryambabaje-alexandre-wabaye-umunyapolitiki-umwalimu-n-umukinnyi-ukomeye-wa-volleyball

  • Charles Tusubira, umugande ukekwaho kubangamira umutekano w'u Rwanda yasubijwe mu gihugu cye #rwanda #RwOT

    Uyu munsi tariki ya 14 Ugushyingo 2020, inzego zishinzwe abinjira n'abasohoka mu Rwanda zasubije mu gihugu cya Uganda Charles Tusubira, umugande wari ufungiye mu Rwanda akekwaho ibyaha bikomeye bibangamiye umutekano w'igihugu.

    Nkuko amakuru yizewe yatangarijwe Virunga Post dukesha iyi nkuru, Tusubira yari afite kompanyi y'ubucuruzi ishinzwe kwamamaza no gukora ibijyanye n'imitako y'inama izwi nka Kleenville Media Ltd ; yafashwe tariki ya 27 Ukwakira akekwaho ibyaha bikomeye byo kubangamira umutekano w'igihugu. Ntabindi byatangajwe. Gusa uyu mugabo yafashwe mu nzira zinyuze mu mategeko kuko yafashwe nyuma yo kwerekwa impapuro zisaba ku muta muri yombi zatanzwe n'inzego zibifitiye ububasha.

    Gusa itangazamakuru ryo muri Uganda rikoreshwa na CMI urwego rw'iperereza rya gisirikari muri icyo gihugu, zahise zihutira gutangaza aya makuru zishyiramo ibinyoma, ngo abayobozi bo mu Rwanda bashakaga kumwambura Kompanyi ye.

    Commandonepost, urubuga rwandikwaho na Bob Atwine, akaba ahembwa na CMI mu guharabika isura y'u Rwanda yavuzeko Tusubira yafashwe agafungirwa ahantu hatazwi ngo akabazwa impamvu ataraba umunyarwanda.

    Ibinyamakuru byo muri Uganda byakwirakwije ibinyoma ko Tusubira yafungiwe ahantu hatazwi kandi umugore we yaramusuraga akabona ko ameze neza. Uko yamusanze niko yari ameze agifatwa ajya kubazwa.

    N'ikinyamakuru gikomeye cya Leta ya Uganda, New Vision cyashyizemo umunyu mu nyandiko yacyo gitangaza ko Tusubira yafashwe n'abantu batazwi baherekejwe na Polisi ashyirwa muri imwe mu modoka zari zaje mu rugo rwe. Icyo gitangazamakuru gikomeza kivuga ko Ambasaderi wa Uganda mu Rwanda yandikiye Minisiteri y'ububanyi n'amahanga ayimenyesha ifatwa ry'umunyagihugu wabo ntibabone igisubizo.

    Gusa amakuru agaragaza ko hari inyandiko inzego z'u Rwanda zandikiyeAmbasade ya Uganda ziyimenyesha ifatwa rya Tusubira.

    Ibi bitandukanye n'uburyo Abanyarwanda bafatwa bagafungwa muri Kongo kuko badakurikiza amategeko ahubwo usanga hari n'abamara imyaka bafunzwe bataragezwa imbere y'ubutabera. Mu rwego rwo kujijisha ibikorerwa Abanyarwanda, ibinyamakuru byo muri Uganda bikwirakwiza ibihuha bishaka kugaragaza ko abagande bafatwa nabi mu Rwanda kandi ataribyo.

    The post Charles Tusubira, umugande ukekwaho kubangamira umutekano w'u Rwanda yasubijwe mu gihugu cye appeared first on RUSHYASHYA.

    Source : https://rushyashya.net/charles-tusubira-umugande-ukekwaho-kubangamira-umutekano-wu-rwanda-yasubijwe-mu-gihugu-cye/

  • Museveni, Kyagulanyi Battle For Votes In Uganda Presidential Campaigns #rwanda #RwOT

    Youthful Presidential candidate Robert Kyagulanyi Sentamu travelled to Eastern Uganda to canvass for votes but along the way he encountered a situation between hard rock and stone.

    'We're still held at a roadblock by the military and police. Although we have a radio show scheduled for 7:00pm in Moroto town, they are blocking us from accessing it. They've spent the whole day beating up our people, now won't allow us speak on radio,' Kyagulanyi tweeted amidst an army of security personnel.

    Meanwhile, Incumbent President Yoweri Museveni who has been in power for almost 35years is seeking re-election and is currently begging for votes from west Nile region of Uganda while his arch rival in this election Kyagulanyi is in the Eastern region.

    According to assessments on ground on both campaign trails, the two candidates are pulling somewhat similar size of crowds.

    'When I do not stop to greet or engage with our supporters, it is not that I am a bad person. When you stop, the people will keep gathering and this is totally against our primary goal in the fight against COVID-19,' Museveni said upon arrival in Arua town famously known as birth place of Uganda's ex-military dictator Idi Amin.

    'I am sorry for not getting out to greet you, but I insist we should keep away from gathering for the safety of each one of us. Stay Safe first, we shall not be able to Secure Your Future when you are dead,' Museveni said as he drove away from supporters lined up along the streets.

    Source : https://taarifa.rw/museveni-kyagulanyi-battle-for-votes-in-uganda-presidential-campaigns/

  • Amavubi Return Goalless From Cape Verde #rwanda #RwOT

    The Rwanda National Football team Amavubi returned to Kigali without any goal in their basket after encountering Cape Verde national side in the ongoing African Cup of Nationals qualifiers.

    The two sides clashed on Thursday in a goalless draw and will meet again in Kigali on Tuesday next week November 17.

    Amavubi Fly To Cape Verde For Afcon Qualifiers

    Source : https://taarifa.rw/amavubi-return-goalless-from-cape-verde/

  • Ibanga Nyanza yakoresheje ikava ku mwanya wa 30 ikaba iya 5 mu kwesa imihigo #Rwanda #RwOT via @kigalitoday #rwanda #RwOT

    Ntazinda Erasme
    Ntazinda Erasme

    Uwari Visi Meya w’aka Karere, Solange Umutesi, yahawe inshingano zo kuba Umuyobozi Nshingwabikorwa w’Akarere ka Kicukiro mu Mujyi wa Kigali, ntihashyirwaho umusimbura.

    Abagize Komite nyobozi babiri bari basigaye, bahuje imbaraga n’abagize inama njyanama y’Akarere ndetse n’abafatanyabikorwa mu makomisiyo bakoreramo, maze baziba icyuho uyu muyobozi wahawe izindi nshingano yasize, nk’uko bivugwa na Meya wa Nyanza, Erasme Ntazinda.

    Agira ati “Njyanama n’abafatanyabikorwa n’ubundi bakorera mu makomisiyo atatu atatu. Iy’ubukungu, iy’imiyoborere myiza, n’iy’imibereho myiza. Twabasabye ko igihe cyose bateranye biga ku mihigo iri mu nkingi yabo, bakajya aho ishyirirwa mu bikorwa, bakajya inama kandi ku gihe, hayuma abakozi bagomba kubikurikirana izo nama bakazishyira mu bikorwa.”

    Umuhigo wo kubakira abasemberaga 404 kuri 448 bagombaga kubakira, na wo uri mu yahesheje amanota aka Karere, kandi ubusanzwe wari mu mihigo ya Visi meya ushinzwe imibereho myiza.

    Meya Ntazinda avuga ko mu babafashije kuwugeraho harimo n’abagize Umurenge wa 11 wa Nyanza, ni ukuvuga abakomoka muri Nyanza batahatuye.

    Ati “Abagize umurenge wa 11 bagize uruhare runini mu kugura amabati kuko batanze miliyoni zisaga umunani, ubwabo bikuye mu mufuka kugira ngo badufashe. Ariko hari n’abandi bafatanyabikorwa bagiye badutera ingabo mu bitugu, baduha amabati n’ibindi bikoresho, n’amafaranga, kugira ngo tuzibe icyuho cy’ingengo y’imari twari dufite mu kubakira abatishoboye.”

    Umwanya wa 5 aka Karere kawugezeho kavuye kuwa 30, kandi mbere yaho na bwo Nyanza yari yabaye iya 21. Meya Ntazinda ashimira abafatanyabikorwa bafatanyije ndetse n’abaturage muri rusange, kuko na bo babigizemo uruhare, bakora neza ibyo basabwa.

    Kubera ko uturere twasabwe gukomeza kwita cyane ku bibangamiye Imibereho myiza y’abaturage, uyu muyobozi arasaba abo ayobora bose kwimakaza isuku.

    Ati “Ndasaba buri wese kutihanganira umwanda. Aho uwubonye usige uzi neza ko uhavuye. Ari uwufite ku mubiri we cyangwa mu rugo cyangwa n’ahandi hose, wihava utabimubwiye kugira ngo yumve ko agomba kwikosora kandi mu gihe cya vuba.”

    Icyakora hari abatuye muri aka Karere bavuga ko isuku bayiharanira, ariko ko n’ibyo basabwe bazabishyira mu bikorwa.

    Sophie Vuguziga utuye i Gacu mu Murege wa Rwabicuma ati “Mu midugudu yacu dufite club z’isuku n’isukura duhuriramo nk’abagore tukiga iby’isuku byo gufata ingo n’abana neza, gukaraba, gufura, noneho tukanaremerana. Twabanje Twambikane, ubu turi muri Dusasirane. Nitubirangiza tuzafata n’izindi ngamba.”

    Kubera ko imibereho myiza idasigana no kuba abaturage bishimye, nyamara muri iki gihe cya Coronavirus inteko z’abaturage zakemurirwagamo ibibazo zitagiterana, Meya Ntazinda anasaba abayobozi b’imidugudu n’ab’utugari kwiha umunsi umwe mu cyumweru wo gukemura ibibazo by’abaturage, ibinaniranye ku rwego rumwe bikoherezwa ku rundi.


    source https://www.kigalitoday.com/amakuru/amakuru-mu-rwanda/article/ibanga-nyanza-yakoresheje-ikava-ku-mwanya-wa-30-ikaba-iya-5-mu-kwesa-imihigo

  • Kayumba Rugema wakunze kumvikana atuka abayobozi b'u Rwanda, asanga icyitwa 'opozisiyo' ari ubuhungiro bw'abicanyi n'abandi banyabyaha. #rwanda #RwOT

    Kayumba Rugema wakunze kumvikana atuka abayobozi b'uRwanda, asanga icyitwa 'opozisiyo' ari ubuhungiro bw'abicanyi n'abandi banyabyaha. Ese Kayumba Rugema yaba yaratangiye kugira imyumvire ikwiye, cyangwa ni ikindi kimenyetso cy'uko muri'opozisiyo' benda kumarana?.
    Uyu Kayumba Rugema ni umwe bakunze kwibasira abayobozi b'uRwanda, abita amazina mabi yose, akabinyuza ku mbuga nkoranyambaga n' ibitangazabinyoma by'ibigarasha n'interahamwe. Igitangaza abamaze iminsi bakurikira ibyo ashyira ku mbuga zinyuranye, ni ukuntu yatangiye kwerekana ko abiyita ko batavuga rumwe na Leta y'uRwanda bakina politiki mburamajyo, ya giswa, itagira aho izabageza, ngo kuko abayirimo babaswe n' ubuhemu n'amacakubiri.

    Ubu noneho yifatiye ku gahanga abirirwa basebya RPF-Inkotanyi, bayitirira ubwicanyi n'ibindi byaha by'ibipapirano, maze ababwira ko ahubwo ari bo bicanyi . Abinyujije kuri twitter, Kayumba Rugema yagize ati: 'FPR-Inkotanyi n'abafatanyije nayo mu kubohora uRwanda, ni intwari si abicanyi, ahubwo mwe mubeshya ngo muri muri 'opozisiyo', nimwe bicanyi. Abenshi muri mwe mwari abambari ba leta ya Habyarimana n'iy'Abatabazi, mwagize uruhare mu gutsemba Abatutsi'.

    Iyi mvugo ya Kayumba Rugema ije nyuma y'andi magambo ashaririye yari aherutse gutangaza ubwo yavugaga ko…' abitwa ko batavuga rumwe n'ubutegetsi bw'uRwanda bakwiye gushyira umupira hasi, kuko amayeri yose yabashiranye, ubu bakaba nta jambo bagifite. Igisigaye ni ukwitabira Inama y'Umushyikirano na 'Rwanda days', kuko arirwo rubuga basigaranye rwo gutanga ibitekerezo[NDLR: Niba babifite]..' Yashoje asaba abashinja RPF ubwicanyi, bahagarika ako gasuzuguro no kuyobya uburari, bakamenya ko kwiyita'opozisiyo' bidasibanganya uruhare rwa benshi muri bo muri Jenoside yakorewe Abatutsi.

    Abakurikiranira hafi politiki y'uRwanda rero baribaza niba Kayumba Rugema yaba yarabonye aho ukuri kuri, agatangira kugira imyumvire ikwiye, cyangwa se bikaba gusa ari urwango n'urwikekwe rusanzwe mu biryabarezi byabo ngo ni amashyaka. Kuba byaba ari ukwihimura kubo babana muri ayo manjwe, birashoboka cyane, kuko amakuru ava iyo za Burayi na Amerika, avuga ko abirirwa batuka uRwanda nabo ubwabo benda kumarana, bitewe cyane cyane no kunanirwa kugabana ibisahu n'ibisabano. Urugero rworoshye, uyu Kayumba Rugema yahoze muri wa mutwe w'iterabwoba wa RNC.

    Aho ashwaniye na mubyara we Kayumba Nyamwasa bapfuye imisanzu birirwa basaruza mu mpunzi ngo barashaka gufata uRwanda, yavuye muri Uganda ahungira muri Norvège, atinya kwicwa n'abayoboke ba RNC n'inzego z'ubutasi za Uganda zibashyigikiye. Kuva Kayumba Rugema yatangira kuzonga izo nzererezi zigenzi ze , zo ntacyo ziramusubiza, bikaba bishoboka amagambo yashize ivuga koko.

    The post Kayumba Rugema wakunze kumvikana atuka abayobozi b'u Rwanda, asanga icyitwa 'opozisiyo' ari ubuhungiro bw'abicanyi n'abandi banyabyaha. appeared first on RUSHYASHYA.

    Source : https://rushyashya.net/kayumba-rugema-wakunze-kumvikana-atuka-abayobozi-burwanda-asanga-icyitwa-opozisiyo-ari-ubuhungiro-bwabicanyi-nabandi-banyabyaha/

  • Nyarugenge District Starts Planting 47,500 Fruit-Trees #rwanda #RwOT

    Emmy Ngabonziza the District Executive Administrator for Nyarugenge District in the Capital Kigali on Saturday joined residents of Karama model village in a campaign to plant 47,500 Fruit-Trees.

    For commencement of this Fruit-trees planting campaign, a total of 1000 Fruit-trees were planted in this area including; 500 avocado trees, 250 mango tree seedlings, 250 lemon tree seedlings.

    Meanwhile, DHL -world's leading postal and Logistics Company offered a cheque of Rwf1.5million to cover health insurance for 500 vulnerable residents. This muganda was possible through partnership with Nyarugenge Youth Volunteers and DHL.

    Source : https://taarifa.rw/nyarugenge-district-starts-planting-47500-fruit-trees/

  • Abashumba bamwe na bamwe bemeza ko utariye ituro aba ahemukiye uwarituye #rwanda #RwOT

    Hari hamaze igihe kinini hagaragara kunengwa kw'abashumba b'amatorero ngo barya amaturo y'abayoboke babo, ndetse benshi mu babinenga bakaba bemeza ko ubwo ari ubujura bukomeye, gusa ku ruhande rw'abashumba b'amatorero nabo bavuga ko uko bifatwa atari ko biri ahubwo bakavuga ko 'utariye ituro aba ahemukiye uwarituye'. Ibyo bikaba byatangajwe na Bishop Gatera.

    Uyu Bishop usanzwe akorera umurimo we w'ivugabutumwa mu Murenge wa Kabarondo, Akarere ka Kayonza, avuga ko abaturage bamwe na bamwe babashinja ubujura, ngo ariko we siko abibona kuko amaturo ayariyo yose bemerewe kuyarya. Gatera yagize ati:

    'Aho kugira ngo ajye kwikopesha bayatuye, yayarya. Buri bwoko bwose bw'ituro, twemerewe kurirya 100%. Utanaririye, uba uhemukiye uwarituye. Hari ayo turya, hari ayo dukoresha imirimo yo kubaka insengero, hari ayo gufasha.'

    Undi mu Pasiteri nawe witwa Niyonzima mu gitekerezo cyunganira icya Gatera.

    Yagize ati: 'Gutura ni ngombwa. Ahubwo abantu benshi hari igihe bafata ituro bakaryitiranya. Buri kintu cyose kigira igarama, ntushobora kujya muri coaster y'umuntu, ngo uyigenderemo ubusa. Hari igarama ya essence aba yashyizemo. Nawe ugomba gutanga igarama. […] Umukozi wa leta, agira aho ahemberwa. N'umukozi w'Imana rero agira aho ahemberwa. Imana ntabwo ikoresha abantu badahembwa.' Yifashishije igitabo cya Malaki 3:7.

    Si abo gusa kuko na Apôtre Liliane Mukabadege nawe yunga mu ryabo avuga ko abantu babivugaho, bakabikabiriza. yavuze ko hari amaturo agomba gutunga abashumba.Ati:

    'Hari ituro ry'abakene, hari ituro ryo kubaka urusengero, hari ituro ry'icya cumi, hari ituro ry'umutima ukunze, ariko hari n'ituro rigenewe kugira ngo umushumba arikoreshe mu bibazo bye.'

    Apôtre Mukabadege yongeyeho kandi ko nta kosa riri mu kurya ituro, kuko ngo umushumba ntiyakwirirwa abwiriza ubutumwa, ngo abure amafaranga yo kumufasha mu rugendo , ayo kurihira abana amashuri, ayo kwishyura inzu n'atunga urugo.

    Ibi by'uko abashumba baba barya abayoboke amafaranga byatangiye gusakuza cyane muri ibi bihe bya covid 19, aho byavugwaga ko abashumba b'amatorero bari kwaka intama zabo amafaranga y'amaturo, bamwe rero banenze cyane icyo gikorwa bavuga ko ubu ibihe turimo bikomeye, intama atarizo zikwiye gutunga abashumba ahubwo abashumba aribo bakwiye gutunga intama

    Source : https://impanuro.rw/2020/11/14/abashumba-bamwe-na-bamwe-bemeza-ko-utariye-ituro-aba-ahemukiye-uwarituye/

  • Kamonyi: Gitifu w’Umurenge, DASSO n’Inkeragutabara bari mu maboko ya RIB #Rwanda #RwOT via @kigalitoday #rwanda #RwOT

    RIB nta byinshi yatangaje kuri iyi dosiye ariko yavuze ko bakurikiranyweho icyaha cyo kunyereza umutungo no kwaka ruswa.

    Hari amakuru avuga ko aba bayobozi baba barafatanye abantu amabuye y’agaciro yacukuwe mu buryo butemewe bakabitangira raporo nyamara nyuma ayo mabuye y’agaciro akaza kuburirwa irengero, akaza kugaragara nyuma yarongeye gutwarwa mu rugo rw’umuturage.

    Abakekwa ubu bafungiye kuri sitasiyo ya RIB ya Gacurabwenge mu gihe iperereza rikomeje kugira ngo hakorwe dosiye ishyikirizwe Ubushinjacyaha.

    source https://www.kigalitoday.com/umutekano/imbere-mu-gihugu/Kamonyi-Gitifu-w-Umurenge-DASSO-n-Inkeragutabara-bari-mu-maboko-ya-RIB