Author: webrwanda

Abo baturage biganjemo abacuruza imyenda ya Caguwa bayikuye muri Repubulika Iharanira Demokarasi ya Congo, bakayinyuza mu nzira zitemewe, bayinjiza mu Rwanda.

Mu rukerera rwo kuri uyu wa Gatanu, Ishami rya Polisi rishinzwe kurwanya ubucuruzi bwambukiranya imipaka butemewe, ryari mu bugenzuzi mu Kagari ka Byahi mu Murenge wa Rubavu, ryafashe bimwe mu bicuruzwa bya magendu gusa abaturage bararirwanya.

Abo bapolisi bafashe bimwe mu bicuruzwa abaturage bari binjije mu gihugu mu buryo bunyuranyije n'amategeko, ariko bo bahitamo guteza akavuyo bagamije kwanga ko polisi ifata magendu, batera amabuye, abandi basunika imodoka ya polisi.

Umuvugizi wa Polisi y'u Rwanda, ACP Rutikanga Boniface, yabwiye IGIHE ko amabaro 20 y'imyenda ya Caguwa ya magendu ariyo yafatiwe muri icyo gikorwa cya Polisi, gusa ko abaturage barwanyije abashinzwe umutekano.

Ati 'Abaturage bagerageje kurwanya Abapolisi, batera amabuye, bangiza imodoka ya Polisi, barayisunika imodoka iragenda ihagarara ahantu gusa ntawe yakomereje.'

Polisi yahise irasa mu kirere kugira ngo itatanye abo baturage, nyuma icyenda batabwa muri yombi kubera gutera ako kavuyo.

ACP Rutikanga yakanguriye abaturage kugendera kure ubucurizi bwa magendu kuko bubashyira mu bibazo. Ati 'Turakangurira abaturage gukora ubucuruzi bwemewe, butabashyira mu kaga cyangwa bukabangamira ubukungu bw'igihugu.'

Polisi yarashe mu kirere mu gutatanya abaturage bari bari guteza akavuyo nyuma yo gufata abacuruza magendu

Iyi mpanuka yatewe n'imodoka eshatu zagonganye. Imwe yari iya Toyota Hilux (Vigo) yatambutse ku yari iri imbere yayo mu buryo butari bwo, ifite n'umuvuduko mwinshi, igonga iyo byari bihuye, nayo igongana n'indi yari itambutsweho n'iyo Vigo.

Iyo modoka yanyuze ku yindi n'umuvuduko mwinshi, yahise ita umuhanda igonga igiti, abantu babiri bari bayirimo bitaba Imana mu gihe abandi barindwi mu zindi ebyiri zagonganye harimo na Ritco yari itwaye abagenzi, bakomeretse.

Umuvugizi w'Ishami rya Polisi rishinzwe Umutekano wo mu muhanda, SP Kayigi Emmanuel, yabwiye IGIHE ko abatwara ibinyabiziga bakwiriye kwirinda gutwara ku muvuduko urenze uwagenwe.

Ati 'Icyateye impanuka ni Vigo yari ku muvuduko mwinshi yanyuze ku yindi modoka nabi itareba aho iri kujya. Ibi bintu nibyo bikunda guteza impanuka cyane, turasaba abashoferi kwirinda umuvuduko nk'uwo no kunyuranaho ahatemewe.'

Usibye babiri bari muri Vigo bapfuye, barindwi bakomeretse barimo babiri bakomeretse cyane bahise bajyanwa mu Bitaro bya Kaminuza bya Kigali, CHUK, mu gihe abandi bari kuvugurirwa ku Kigo Nderabazima cya Kanyinya.

Abari mu modoka yagonze igiti, bahise bitaba Imana

Imodoka yari Ritco iri mu zakoze impanuka, yahise igwa mu muhanda gusa abari bayirimo nta n’umwe wapfuye

Muri izo ngamba harimo guhanahana amakuru n'abandi bayobozi bo mu tundi turere ku buryo imboga zeze mu Karere kamwe zijya gucururizwa mu kandi.

Iyo utembereye mu turere tugize Intara y'Amajyaruguru hari ubwo usanga ku mihanda hateretse ibitunguru, karoti n'amashu byinshi, bimwe byatangiye kwangirika.

Ni ikibazo kimaze igihe kinini aho abahinzi bavuga ko guhinga amashu, ibitunguru, imboga ntibabone amasoko bibaca intege. Hari n'abavuga ko babangamiwe n'uko imihanda yakagejeje umusaruro wabo ku baguzi idakoze neza.

Mpayimana Aloys wo mu Murenge wa Gataraga, yavuze ko hari ubwo bahinga imboga bakabura isoko bigatuma bacika intege mu kuzihinga.

Ati 'Hakenewe amasoko ahoraho yatuma natwe tuzihinga dushishikaye, ubu urahinga amashu ukabona isoko, ariko ejo ukaribura rero ubuyobozi bukeneye kudushakira amasoko ahoraho.''

Undi muhinzi wa karoti we yavuze ko bibabaje kuba Leta ibashishikariza kuzihinga ariko imihanda igera ku mirima yabo ikaba idakoze neza, ndetse ngo n'iyo zigeze ku muhanda hari ubwo zihapfira ku bwo kubura isoko.

Guverineri w'Intara y'Amajyaruguru, Mugabowagahunde Maurice, aherutse kubwira itangazamakuru ko iki kibazo bari kugishakira igisubizo mu buryo burambye.

Yavuze ko bari kugerageza gukora imihanda myinshi no guhanahana amakuru n'izindi ntara kugira ngo ahari ibihingwa byeze ku bwinshi abandi babikeneye bajye babibagezaho.

Ati 'Icya mbere turi gukora hari umuhanda ugiye guhuza Akarere ka Burera mu Murenge wa Cyanika uce mu Kinigi ukomeze na Nyabihu.'

'Ni umuhanda uzadufasha kugira ngo ubwikorezi bushoboke muri ibyo bice, uko ingengo y'imari iboneka tuzajya dukora n'utwo duhanda tuwushamikiyeho.''

Uyu muyobozi yakomeje avuga ko umwaka ushize hari n'undi muhanda watangiye kubakwa uva muri Buranga ukazenguruka icyo gice cy'Akarere ka Gakenke ukagera kuri Base ureshya na kilometero 37 kandi ko uzafasha abaturage kugeza ibicuruzwa ku masoko.

Ati 'Ikindi ubu dusigaye tugira uburyo dusaruramo kugira ngo ntituzongere guhura n'ibibazo byo kumva ngo twejeje amashu ariko yabuze isoko, tukagira ikibazo cya karoti nyinshi hano muri Musanze ziri kubora kandi wenda Ngoma na za Rwamagana ugasanga ntazihari, hari nubwo usanga ibitungura ikilo kigura 200 Frw nyamara Ngoma ari 1000 Frw.''

Guverineri Mugabowagahunde yavuze ko kuri ubu bashyizeho uburyo bwo guhanahana amakuru ku buryo niba i Ngoma bejeje ibitoki byinshi abandi bayobozi bose bahita babibona.

Ati ' Nka Musanze tukababwira ko tubikeneye, niba nka Ruhango bejeje imyumbati myinshi Burera bayikeneye duhanehane amakuru.''

Uyu muyobozi yijeje abaturage bahinga amashu, imboga, karoti n'ibitunguru ko hari gukorwa ibishoboka byose ku buryo batazongera kubura isoko.

Intara y’Amajyaruguru yeza imboga nyinshi ariko izibona isoko ni nke

Guverineri Mugabowagahunde yavuze ko bashaka ko nta muhinzi uzongera kubura isoko ry'imboga yahinze

Amashusho atava mu mitwe ya benshi ni ayo ku wa 11 Mata, ubwo Abasirikare b'Ababiligi basize Abatutsi barenga 2000 bari bahungiye kuri ETO Kicukiro, bakabasiga mu maboko y'Interahamwe n'abasirikare ba Habyarimana, bakabica urw'agashinyaguro.

Burya na bo ntibari bo. Bakoraga ibyo batumwe n'ibihugu bavamo, bakagendera ku mabwiriza bahawe n'ababohereje. guhagarika Jenoside ntibyari mu byari byabazinduye.

Mu bihugu bivuga rikijyana mu Kanama ka Loni gashinzwe Umutekano, bimwe nk'u Bwongereza na Leta Zunze Ubumwe za Amerika byabonaga Abanyarwanda nk'abantu badakwiye guhabwa agaciro ngo batakazweho amafaranga batabarwa kuko bari muri Afurika, ibindi nk'u Bufaransa n'u Bubiligi byari bizi neza kandi bishyigikiye umugambi wa Jenoside washyirwaga mu bikorwa na guverinoma byateraga inkunga.

Mu gitabo “Shake Hands with the Devil”, Romeo Dallaire wari uyoboye ingano za Loni mu Rwanda ubwo Jenoside yabaga, asobanura ko u Bubiligi n'u Bufaransa ari byo bihugu byari bifite inyungu mu kohereza ubwo butumwa mu Rwanda.

Inyungu y'ibyo bihugu kwari uko ubwo butumwa bwagombaga kubuza ingambo za RPA gukuraho Guverinoma yari yarimitse ikibi no guhagarika Jenoside.

Ni yo mpamvu muri Mutarama 1994, Dallaire yatanze impuruza ko yahawe amakuru n'umwe mu bayobozi bakuru b'Interahamwe ko hari umugambi wo kurimbura Abatutsi mu gihe gito.

Icyakora Kofi Annan wari ushinzwe ibikorwa byo kubungabunga amahoro yamusubije ko aza 'kubimenyesha Habyarimana n'abadipolomate bo mu Burengerazuba bw'Isi bari i Kigali.'

Kuri RPA, abasore n'inkumi na bo bari biyemeje ko ntagusubira inyuma, ari ugutaha mu rwababyaye bagahagarika Jenoside ku bubi na bwiza.

U Bubiligi n'u Bufaransa bibonye inyungu zabyo zitagishobotse, byasabye Akanama ka Loni gukura ingabo z'uwo muryango mu Rwanda, abasirikare baracyurwa hasigara abagera kuri 250 gusa.

Ku wa 21 Mata 1994, ni bwo ako Kanama kabyemeje, ari na yo tariki hishwe Abatutsi benshi umunsi umwe, aho habarurwa abarenga 250.000.

Nkaho bidahagije, u Bufaransa bwanohereje abasirikare bo guhungisha abari muri guverinoma yakoze Jenoside, mu cyiswe 'Opération Turquoise'.

Iyo operasiyo ni yo yatumye abasirikare ba Habyarimana n'Interahamwe babasha guhungana intwaro, bakagaruka kwica Abatutsi i Mudende mu bitero by'Abacengezi, na n'ubu FDLR ikaba ibangamiye umutekano w'u Rwanda.

Agahinda k'Abanyarwanda kongewe no kubona izo ngabo za Loni zarananiwe kurinda abahigwaga ngo zibakize abicanyi, ahubwo zigakoresha imbunda zirasa imbwa zari zabaye nyinshi zirya imirambo y'Abatutsi yari yuzuye mu mihanda.

Mu byatumye Abatutsi barenga miliyoni bicwa mu minsi 100 gusa, harimo no kuba radio rutwitsi ya RTLM yarashishikarizaga Abahutu kwica, ibumvisha ko Abatutsi ari abanzi babo n'igihugu, ndetse ko atari abantu bakwiye kubaho.

Dallaire yamenyesheje Loni uko RTLM iri kwenyegeza Jenoside kubera imvugo z'urwango ikwiza, asaba ko ibihugu Amerika bifite ububasha byakwinjirira ikoranabuhanga ryayo bikayihagarika ntikomeze kumvikana (jamming). Amerika zavuze ko amafaranga bisaba ari menshi.

Mu Kiganiro Perezida Paul Kagame aheruka kugirana n'Umunyamakuru Mario Nawfal, yavuze ko ikiguzi cya 'jamming' kuri RTLM cyari ibihumbi 250$. Ayo ni yo mafaranga Amerika yasanze ari menshi ugereranyije n'ubuzima bw'Abatutsi barenga miliyoni bishwe.

Amahanga yatereranye Abatusti bicwa hagamijwe ko bashiraho, ariko ntibashize. Aho gufasha ingabo za RPA guhagarika Jenoside, ibihugu 'by'ibihangange' byarwanye no kuzimangatanya ibimenyetso by'inkunga byahaga Habyarimana bushyira mu bikorwa Jenoside, ngo uruhare rwabyo muri yo rutazagaragara.

Byabaye iby'ubusa kuko rwaragaragaye, ibyinshi muri byo bisaba imbabazi za nyirarureshwa kuko bikomeje gushyigikira imvugo zihakana n'izipfobya Jenoside yakorewe Abatutsi.

Abatutsi bari bahungiye kuri ETO Kicukiro bingize ingabo z’Ababiligi ngo zitabasiga mu maboko y’abicanyi biba iby’ubusa

Muri ETO Kicukiro hahungiye abatutsi basaga 4000 bicirwa i Nyanza ya Kicukiro

Mu mpera za 1993 ni bwo Ingabo za MINUAR zageze mu Rwanda

Murigande yabigarutseho mu kiganiro The Long Form aherutse kugirana na Sanny Ntayombya, cyagarutse ku rugendo rwe muri politiki, ubuzima bwe bw'ubuhunzi, n'ibindi.

Ati 'Hari ikintu cyabaye ubwo nari mfite imyaka itandatu, ababyeyi bacu bose bari bagiye guca inshuro, nibuka umuryango umwe wari wagiye guca inshuro, ababyeyi bari bagiye guca inshuro, babaha ibiryo bihumanye.'

'Barataha uwo mugoroba, barateka, hanyuma umuryango wose, bari icyenda, umunani barapfa, umwe warokotse ni uruhinja rwari rutaratangira kurya. Ni ibintu byanze kumva mu mutwe.'

Murigande asobanura ko urwo rupfu rw'abo bantu, ahora iteka arushanisha n'ubuzima bugoye yabayemo nk'impunzi, aho kwiga, kurya n'ubundi burenganzira bw'ibanze byari bigoye kugira ngo umuntu abigire.

Ati 'Niba hari ikintu nsanisha nacyo ubuzima bwanjye bwo mu nkambi, ni icyo, nubwo nari nkiri muto ariko ndabyibuka ibyo bintu, nibuka n'amazina y'uwo muryango, wari umuryango wa Sengofero.'

Murigande yavuze ko kubera uguhatana kw'ababyeyi be, bakoze ibishobka byose bakisanga bavuye muri ubwo bukene ku buryo byageze aho Abarundi batangira gukorera Abanyarwanda bari impunzi.

Muri ibyo bihe bigoye, ababyeyi be bakoze ibishoboka byose kugira ngo abana babeho neza, batsinde kandi bagere ku iterambere bifuza.

Ati 'Ubwo twari tubashije kugira amashuri abanza mu nkambi, ababyeyi baratubwiraga ngo tugomba gushyira umutima ku byo dukora, bakatubwira ngo dukora cyane kugira ngo mubone ibyo kurya, namwe turashaka ko mwitwara neza mu ishuri.'

'Nibuka mama wacu yakundaga kutubaza niba umwe muri twe babiri bigaga ashobora kuzaba uwa kabiri mu ishuri, akatubwira ati nkora ibishoboka byose kugira ngo mubone ibyo kurya, kuki mwe mutakora ibishoboka byose mukaba aba mbere mu ishuri. Ibyo byaradufashije twembi bigaga.'

Nyuma yo kurangiza amashuri abanza, ngo ntabwo byashobokaga gukomeza mu yisimbuye kuko imyanya yari ihari muri ayo mashuri, yabaga igenewe abanyeshuri b'Abarundi.

Gusa ngo abanyarwanda bari mu mahanga, bari muri Kaminuza mu ntangiriro za 1960, yaba abari mu Bubiligi no muri Zaire, bahisemo gushinga ishuri ryisumbuye, ryitwa College St Albert ritangirira muri Zaire riza kwimukira mu Burundi, abasha kugira amahirwe yo gukomeza amasomo.

Murigande Charles yatangaje ko ubuzima bugoye yabayemo mu buhunzi, bwakomeje imitekerereze ye

Ni amakuru yatanzwe ubwo hasozwaga umwitozo wo gusuzuma uko inzego zitandukanye zo mu Karere ka Rubavu ziteguye guhangana n'ibiza muri ibi bihe bikunze kwibasira ibice bitandukanye by'igihugu.

Imyaka igiye kuba ibiri yuzuye, ibiza byashegeshe Intara y'Amajyaruguru, iy'Iburengerazuba n'Iy'Amajyepfo muri Gicurasi 2023 bigahitana abaturage 135, hangirika byinshi birimo ibikorwaremezo n'imitungo y'abaturage.

Umuyobozi muri MINEMA ushinzwe ubutabazi bwihuse no gusana ibyangirijwe, ACP. Egide Mugwiza yabwiye IGIHE ko ubu mu gihugu hose bashyizeho ingamba zo guhangana n'ibiza zirimo no kwimura imiryango irenga 800, bakajya kuyikodeshereza mu mezi abiri, kuko yari ituye ahashyira ubuzima bwayo mu kaga.

Ati 'Mu gufasha abatuye ahashyira ubuzima bwabo mu kaga twarahabakuye, mu Rwanda hose twakodeshereje imiryango irenga 800 amezi abiri, ni ukuvuga ukwa Mata na Gicurasi.”

Ibiza byo mu 2023 byashegeshe uturere turimo n'aka Rubavu birimo n'ibyakomotse ku Mugezi wa Sebeya wateje imyuzure idasanzwe bifatanyije n'inkangu.

Byishe abantu 28, bikomeretsa abaturage 50 mu gihe inzu 1.621 zangiritse bikabije ku buryo bisaba kuzubaka bundi bushya, izigera ku 1.758 zangirika igice ku buryo zasanwa, na ho izindi nzu 1.629 zisigara mu manegeka ku buryo zigomba kwimurwa aho zari zubatse.

Mu kwirinda ko ibyo byakongera kuba, ACP Mugwiza yavuze ko mu ntangiriro za Mata 2025 mu Karere ka Rubavu bahakoreye umwitozo wo guhangana n'ibiza no kureba uko inzego zose zifite aho zihuriye n'ubutabazi biteguye gufasha abaturiye Umugezi wa Sebeya.

Uwo mwitozo bawuteguye mu gufasha Akarere ka Rubavu kurebera hamwe ko inzego z'ibanze zikorana n'inzego z'ubutabazi, mu buryo buteguye, harebwa ibikoresho bafite, uko batangiye gutegura no kuburira abaturage, kugeza igihe ishobora kuba bakakira ubutabazi bwihuse ndetse bakaba banasubiza abaturage mu buzima busanzwe.

Ati 'Nk'uko mubizi mu ntangiriro za Mata na Gicurasi ni bwo dukunze guhura n'imyuzure n'inkangu byiganza cyane muri iki gice cy'Uburengerazuba bw'Igihugu, by'umwihariko muri Rubavu. Umugezi wa Sebeya ukunda guteza imyuzure myinshi nubwo hari ingamba nyinshi zafashwe zo kugerageza gukumira no kurinda ko itatwara ubuzima bw'abantu.'

ACP. Egide Mugwiza kandi avuga ko bahora yiteguye guhangana n'ibiza aho byaba hose mu Rwanda, ibikorwa mu gutangira amakuru ku gihe, gutegura ibikoresho by'ubutabazi hamwe no kwimura abantu batuye mu manegeka.

Ati 'Duhora twiteguye iyo turi mu bihe nk'ibi, n'uyu mwitozo ni ukwitegura kuko turimo kugira ngo abantu bahore biteguye kugira ngo niharamuka hagize ikiba babe bazi icyo gukora mu gihe gikwiriye, kandi natwe ibikoresho byo kuba byakwifashishwa birahari, by'umwihariko hano i Rubavu na Musanze dufite ububiko.'

Yavuze ko Leta yakoze byinshi mu gufata ingamba zo guhangana n'imyuzure ikomoka ku mugezi wa Sebeya, zirimo kubaka inkuta zo kubuza ko amazi yawo kongera gusandara akajya mu baturage, ndetse hubatswe n'urugomero rushobora gufata amazi rukayamarana amasaha menshi rukajya rurekura amazi ari mu rugero.

Umuyobozi w'Akarere ka Rubavu, Mulindwa Prosper, yavuze ko mu baturage bagizweho ingaruka n'ibiza byibasiriye aka Karere muri Gicurasi 2023, ubu bagikodeshereza imiryango 740 ari na ko bamwe muri bo bagenda bubakirwa.

Umuyobozi muri Minisiteri y'Ibikorwa by'Ubutabazi, MINEMA, ushinzwe ubutabazi bwihuse no gusana ibyangirijwe, ACP Egide Mugwiza, yavuze ko ubu bari gukodeshereza imiryango 800 hirindwa ko yakwibasirwa n’ibiza

Umuyobozi w'Akarere ka Rubavu, Mulindwa Prosper, yavuze ko bageze kure bubakira abangiririjwe n’ibiza byabaye mu 2023

Ibiza byo mu 2023 byangirije byinshi bihitana n’ubuzima bw’abarenga 130

Muri Gicurasi 2023 u Rwanda rwahuye n'ibiza byangije inzu zirenga 4800

Mu gikorwa cyo kwibuka ku nshuro ya 31 abari abanyeshuri n'abakozi ba EAFO Nyamishaba na ETO Kibuye byaje guhinduka RP Karongi college habanje gushyira indabo ku kimenyetso cy'amateka ya Jenoside, gushyira indabo mu Rwibutso rwa Nyamishaba no gushyira indabo mu kiyaga cya Kivu mu rwego rwo kunamira Abatutsi bajugunywemo.

Mutemberezi John wakoraga mu rwuri rwa EAFO Nyamishaba, mu buhamya yatanze yavuze ko yabonye abanyeshuri bica bagenzi babo, abakozi n'abaturage bari bahahungiye bose b'Abatutsi.

Ati “Narakurikiranye nsanga batarigeze babikurikiranwaho ngo hatangwe ubutabera”.

Nyiratunga Epiphanie wigaga mu mwaka wa Gatandatu mu ishami ry'ubuhinzi yavuze ko mu ikusanyamakuru bamaze iminsi bakora bamenye ko mu banyeshuri bagize uruhare mu kwica abatutsi harimo uwitwa Rutinywa Vincent watorokeye muri Uganda, Mupenzi Vincent uri i Ngarama, Mbarubukeye Thomas, na Ndahiro.

Ati “Turasaba ubutabera ku mpande. Ikusanyamakuru rikomeze uwakoze icyaha agihanirwe”.

Gahirwa Emmanuel wigaga muri EAFO-Nyamishaba mu 1992 yavuze ko habaga imyigaragambyo yaberagamo ibikorwa byo gutoteza abanyeshuri b'Abatutsi. Mu bo yavuze mu mazina harimo n'abari mu myanya y'ubuyobozi mu nzego zitandukanye avuga ko bakwiye gusaba imbabazi abanyeshuri batoteje.

Umuyobozi wungirije wa RP Koleji ya Karongi, Leonard Manirambona yavuze ko mu bushakashatsi bamazemo igihe bamaze kumenya abanyeshuri 10 n'abakozi babiri b'icyahoze ari ETO Kibuye bishwe muri Jenoside, na ho ku ruhande rwa EAFO -Nyamishaba ngo bafite amazina y'abagera kuri 70 bakirimo kwigaho.

Ati “Ubushakashatsi turabukomeje ngo tumenye amakuru yimbitse ari abishwe n'ababigizemo uruhare”.

Guverineri w'Intara y'Iburengerazuba, Ntibitura Jean Bosco yavuze ko bagiye gukora iperereza ryimbitse kuri ariya mazina kugira ngo abakorewe ibyaha babone ubutabera.

Ati “Namaze kuvugana n'ubuyobozi bw'Akarere kugira ngo ariya mazina bayasangize n'izindi nzego hakorwe iperereza ryimbitse abashoboye kuboneka babazwe ibyaha bakoze cyangwa se bakekwaho, abakorewe ibyaha babone ubutabera.'

Urwibutso rwa Jenoside yakorewe Abatutsi rwa Nyamishaba rushyinguyemo abarenga 3400 biciwe i Nyamishaba no mu nkengero zaho. Uru rwibutso ruri mu zo akarere ka Karongi kazasigarana rukazajya rwifashishwa mu kwibuka Abatutsi bajugunywe mu Kivu.

Mutemberezi wakoraga muri EAFO-Nyamishaba yahamije ko hari abo yiboneye bishe abanyeshuri bagenzi babo n’abakozi

Bashyize indabo mu kivu bunamira Abatutsi bajugunywe mu Kivu

Ni nyuma y'uko ababyeyi be bose biciwe urw'agashinyaguro hafi y'aho bari batuye we n'abandi bakomezanya guhunga we ku bw'amahirwe abasha kurokoka.

Ubuhamya bwe yabutangiye mu gikorwa cyo kwibuka ku nshuro ya 31 abazize Jenoside yakorewe Abatutsi bashyinguwe i Ntarama mu Karere ka Bugesera.

Mukayirere avuga ko se na nyina n'abandi bantu bagerageje guhungira ku musirikare bari baturanye bakeka ko arabarinda, ariko afatanya n'Interahamwe kubica ndetse yabashije kwibonera imirambo yabo.

Ati 'Twabanje guhura n'umurambo wa mukuru wange ku mbuga bamucuje imyenda. Twigiye imbere tubona n'uwa mama bamumennye umutwe bakoresheje amabuye. Twigiye imbere tubona n'umurambo wa data mu muringoti imvura yaraye igwa amazi yose yo mu muringoti yamurenzeho.'

Mukayirere yavuze ko bashatse ikiringiti baca n'amakoma babarenzaho. Ariko nyirasenge basanga bamutsinze mu muhanda.

Yavuze ko ibyo byamuhahamuye we na mukuru we bahita bakomeza inzira yo guhunga ariko nyuma avuga ko ibyabereye aho bahungiye mu rufunzo ruri mu mu Cyugariro ahazwi nka CND bihora bimuza mu mutwe.

Avuga ko by'umwihariko atazibagirwa ukuntu Interahamwe bari bazi neza yatemaguye umwana wa mukuru we bari bahunganye, agakomeza kuyisaba imbabazi ariko igakomeza kugeza ashizemo umwuka.

Reba ubuhamya bwe bwose hano:

Mukayirere Jeanne yavuze inzira yanyuzemo kugira ngo arokoke Jenoside yahitanye benshi bo mu muryango we