Author: webrwanda

Ibiro by'Umukuru w'Igihugu byatangaje ko Perezida Kagame yakiriye Gnassingbé ku mugoroba wo kuri uyu wa 21 Mata 2025, baganira ku ntambwe imaze guterwa mu biganiro by'akarere bigamije kugashakira amahoro arambye.

Itangazo ryaturutse mu biro bya Perezida Gnassingbé ku gicamunsi cyo kuri uyu wa Mbere, ryavugaga ko uru ruzinduko rwa Gnassingbé rugamije gushimangira ubushake bwe mu gukorana n'abandi bafatanyabikorwa mu gushaka igisubizo kirambye ku makimbirane ari hagati y'u Rwanda na RDC.

Riti 'Ibyo bizafasha no mu guteza imbere ubufatanye no kuzamura umubano hagati y'ibihugu byombi.'

Ku wa 24 Werurwe 2025 ni bwo Ibiro by'Umukuru w'Igihugu wa Angola byatangaje ko Perezida João Lourenço atakiri umuhuza mu bibazo bya RDC n'u Rwanda ahubwo agiye gushyira imbaraga muri gahunda zireba umugabane wose aho kwita ku karere kamwe.

Nyuma Perezida Lourenço yagejeje ku bayobozi b'Umuryango wa Afurika Yunze Ubumwe (AU) dosiye ya Faure Gnassingbé nk'uwarI umukandida ku mwanya w'umuhuza barayisuzuma.

Mu ntangiriro za Mata 2025 AU yagaragaje ko ushyigikiye icyifuzo cya João Lourenço wa Angola ko Perezida Gnassingbé amusimbura ku mwanya w'umuhuza mu biganiro bihuza u Rwanda na RDC.

Ku wa 12 Mata 2025 Inteko Rusange ya AU yagize Perezida Gnassingbé bidasubirwaho umuhuza uzafasha u Rwanda na RDC gukemura amakimbirane bifitanye.

Perezida Gnassingbé yakunze gusura u Rwanda inshuro nyinshi haganirwa ku ngingo zitandukanye zirimo ibijyanye n'umutekano n'ubufatanye hagati y'ibihugu bya Afurika.

Muri iyi myaka ishize umubano wa Rwanda na RDC wazambye, biturutse ku ntambara iri kubera mu Burasirazuba bwa RDC, aho Kinshasa irushinja gufasha ihuriro rya AFC/M23 ariko rurabihakana.

U Rwanda na rwo rushinja RDC gufasha no gukorana n'umutwe w'iterabwoba wa FDLR ugizwe n'abagize uruhare muri Jenoside yakorewe Abatutsi mu 1994, n'ubu ugifite umugambi wo kuruhungabanyiriza umutekano.

Perezida Gnassingbé agarutse mu Rwanda nyuma y'uko muri Mutarama 2025 na bwo yari i Kigali mu ruzinduko rw'akazi rw'iminsi ibiri mu Rwanda, bemeranya kurushaho guteza imbere imikoranire y'ibihugu byombi.

Perezida Paul Kagame yakiriye mugenzi we wa Togo, Faure Essozimna Gnassingbé

Perezida Kagame na Gnassingbé baganiriye ku bibazo byo mu burasirazuba bwa RDC

Ku mugoroba wo kuri uyu wa Mbere ni bwo Perezida Kagame yagiranye ibiganiro na Gnassingbé wa Togo

Ni igikorwa cyabaye ku wa 17 Mata 2025 gitangirana no gusobanurirwa amateka yagejeje kuri Jenoside yakorewe Abatutsi mu 1994 by'umwihariko ay'inzirakarengane zirenga 5000 zishyinguye muri urwo rwibutso.

Babwiwe uburyo by'umwihariko Abatutsi bari bahungiye ku Kiliziya ya Ntarama kuri ubu yagizwe urwibutso bishwemo abagera ku 2000 abandi bagerageje guhungira mu rufunzo rw'ahitwa i Cyugaro batazwi umubare na bo baricwa.

Nyuma yo gusobanurirwa ayo mateka basuye ibice bitandukanye bigize urwo rwibutso ndetse bashyira indabo ku mva mu rwego rwo gusubiza agaciro inzirakarengane zihashyinguye.

Umwanankabandi Mathilde watanze ubuhamya, yavuze uburyo ku wa 15 Mata 1994 yarokokeye mu Kiliziya ya Ntarama, nyuma yo gutemwa ndetse abicanyi bagakeka ko yapfuye.

Yavuze ko nyuma yo kurokoka yaje kwanga guheranwa ashaka umugabo babyarana abana bane bariyubaka, aza gusubira mu mashuri yari yaracikirije akomeza na kaminuza. Ubu Umwanankabandi Mathilde arakomeye abasha no gukomeza abandi nubwo umugabo we yaje kwitaba Imana nyuma.

Abakora muri iyo banki bashenguwe cyane n'amateka Urwibutso rwa Jenoside rwa Ntarama rubitse by'umwihariko uburyo Abatutsi bari bahahungiye n'abahungiye mu rufunzo rwa Cyugaro ahazwi nka CND bishwe ari benshi kandi urw'agashinyaguro gusa bakomezwa n'ubuhamya bwa Umwanankabandi waharokokeye.

Komiseri ushinzwe ubushakashatsi, iterambere no kubaka ubushobozi n'ishoramari muri IBUKA, Ndatsikira Evode yanenze umuryango mpuzamahanga n'ibihugu bikomeye byarebeye Jenoside yakorewe Abatutsi nyamara hari hashize imyaka 49 Isi yiyemeje ko nta yindi izongera ukundi.

Yakomeje yibutsa buri Munyarwanda ko kurwanya ingengabitekerezo ya Jenoside ikigaragara ari inshingano ze kuko amahanga bisa n'aho arangaye kuva mu 1994.

Umuyobozi Mukuru wa Ecobank Rwanda Plc, Umutoni Carine yihanganishije abarokotse Jenoside, ariko ashima uburyo bagize ubutwari bwo kudaheranwa n'amateka ashaririye banyuzemo ndetse ko ibyo bitanga isomo.

Ati 'Ndashaka guhumuriza abarokotse Jenoside kandi kwihangana kwabo byagaragaje ubutwari bukomeye. Twakozwe cyane ku mutima n'ubuhamya bw'umubyeyi Mathilde kuko yagize ubutwari bukomeye kandi byaduhaye isomo ko ibyabaye bitazongera ukundi. Kwibuka si ukwibuka byonyine ahubwo ni umuhamagaro utwibutsa ko tugomba kubaka Igihugu gishingiye ku butabera, amahoro n'ubumwe.'

Umutoni yongeyeho ko Ecobank Plc izakomeza gukorana na IBUKA mu gushyigikira no gufasha abacitse ku icumu rya Jenoside kugira ngo bakomeze kwiyubaka badaheranwa n'amateka.

Basuye ibice bitandukanye by’Urwibutso rwa Jenoside rwa Ntarama

Basobanuriwe amateka yagejeje kuri Jenoside yakorewe Abatutsi by’umwihariko muri Bugesera

Bafashe umunota wo kwibuka inzirakarengane zishwe muri Jenoside yakorewe Abatutsi

Umuyobozi Mukuru wa Ecobank Rwanda Plc, Umutoni Carine yihanganishije abarokotse Jenoside

Umwanankabandi Mathilde yatanze ubuhamya bw’uko yarokokeye i Ntarama mu buryo bugoye ariko nyuma akaza kwiyubaka

Kiliziya ya Ntarama iri mu bice by’uru rwibutso abakora muri Ecobank Plc basuye

ALX Rwanda ni ikigo gihugura urubyiruko rukabasha kwihangira imirimo cyatangaje. Cyamaze no kwinjira mu kurushakira buruse zo kujya kwiga muri kaminuza hirya no hino ku Isi.

ALX Pathway Program ni gahunda y'amasomo y'amezi umunani igamije gufasha abarangije amashuri yisumbuye kubona ubumenyi bw'ingenzi mu kwihangira imirimo, ubumenyi mu micungire y'imari, imibare no gutegura ahazaza habo mu kazi.

Abo banyeshuri kandi bahabonera amahirwe yo guhabwa buruse zo kwiga muri kaminuza mpuzamahanga zikomeye ku Isi aho umwe yishyurirwa 85.000$ buri mwaka.

ALX Rwanda yagaragaje kaminuza zo muri Amerika i Burayi no muri Afurika ikorana na zo mu guha buruse abanyeshuri bakajya kwigayo imyaka ine.

Muri izo kaminuza harimo University of California, Berkeley iherereye muri Leta ya California muri Amerika mu gace ka Silicon Valley gafatwa nk'igicumbi cy'ibigo by'ikoranabuhanga ku rwego rw'Isi.

Ni Kaminuza igezweho mu guhanga udushya ndetse kuba ituranye n'ibigo nka Meta na Apple, Google n'ibindi bikaba akarusho.

Hari kandi ishuri rikuru rya Morehouse College riri muri Atlanta muri Leta ya Georgia muri Amerika.

Ni ishuri rikuru ryizemo abahanga nka Martin Luther King Jr. na Spike Lee wamamaye mu gutunganya filimi muri Amerika n'abandi bakomeye.

ALX Rwanda kandi ikorana na Kaminuza ya Chicago n'iya Vanderbilt na zo ziri mu zikomeye muri Amerika abagenerwabikorwa ba ALX Pathway Program bafite amahirwe yo kwigamo kuri buruse.

Muri Amerika kandi ALX Pathway Program itanga buruse zo kujya kwiga mu ishuri rikuru rya Macalester College ryigwamo n'abaturuka mu bihugu birenga 90 ku Isi na Kaminuza ya Northwestern izwiho kwigisha amasomo ari mu ngeri zitandukanye kandi akenewe ku isoko ry'umurimo.

Irindi shuri rikuru ALX Pathway Program ikorana na ryo muri Amerika ni Skidmore College riri mu Mujyi wa New York.

Mu Burayi ALX Rwanda ikorana na Kaminuza ya Code iri i Berlin mu Budage, yigisha ikoranabuhanga mu ngiro ku buryo abahiga bahava babasha guhanga imishinga y'ikoranabuhanga.

Muri Afurika, ALX Pathway Program itanga buruse yo kujya kwiga mu ishuri rikuru ryitwa Richfield Institute ryo muri Afurika y'Epfo, rizobereye mu kwigisha ikoranabuhanga mu ngiro ndetse n'amasomo ajyanye n'ubucuruzi.

Hari kandi mu Birwa bya Maurice mu ishuri rikuru rya African Leadership College ryigisha amasomo asanzwe ariko rikanongeraho ajyanye n'imiyoborere nyafurika nk'umugabane uri mu nzira y'iterambere.

ALX Pathway Program kandi itanga buruse zo kwiga muri African Leadership University ikorera i Kigali ikaba yigwamo n'abanyeshuri bo mu bihugu binyuranye bya Afurika.

Yibanda ku guha abanyeshuri ubumenyi bukenewe mu guhangana n'ibibazo byugarije uyu mugabane binyuze mu miyoborere kandi bikozwe n'Abanyafurika.

Kwiyandikisha muri ALX Pathway Program mu cyiciro cya kabiri birarangira uyu munsi tariki ya 21 Mata 2025. Bikorwa unyuze aha cyangwa ugahamagara kuri 0796163394.

Muri ALX Pathway Program abanyeshuri bahabwa amasomo ku ngingo zitandukanye mu mezi umunani

Abagenerwabokorwa ba ALX Pathway Program bahabwa amahirwe yo kwiga muri kaminuza zikomeye ku Isi

Abiga mu mashuri yisumbuye ni bo bahabwa amasomo muri ALX Pathway Program

Icyo gihe hasigaye abasirikare 270 batashoboraga kugira icyo bakora imbere y'abicaga Abatutsi bazira uko bavutse.

Minisitiri w'Ubumwe bw'Abanyarwanda n'Inshingano Mboneragihu, Dr. Bizimana Jean Damascène asobanura ko uwo mwazuro Loni yawufashe izi neza ko ku itariki 18-19 Mata 1994 Sindikubwabo Théodore wari Perezida w'inzibacyuho afatanyije n'abandi baminisitiri batandukanye, bari mu butumwa bwo gushishikariza ikorwa rya Jenoside aho Inkotanyi zari zitarabohora.

Abo baminisitiri bari bafatanyije uwo mugambi mubisha ku isonga harimo Kambanda Jean wari Minisitiri w'Intebe, Karemera Édouard, Nyiramasuhuko Pauline, Mugenzi Justin na Niyitegeka Eliezer.

Harimo kandi abaminisitiri barimo Ntamabyariro Agnès, Ngirabatware Augustin, Ndindabahizi Emmanuel, Mbangura Daniel, Mugiraneza Prosper, Nzabonimana Callixte, Nsengiyumva Rafiki Hyacinthe n'abandi.

Ikindi Loni yari izi neza ni uko ku wa 19 Mata 1994 Perezida Sindikubwabo yayoboye inama mu Mujyi wa Butare agasaba ko Abatutsi bagomba kwicwa bose ndetse n'Umuhutu utabikoze bakamwica.

Icyo gihe Sindikubwabo yari yashyizeho Perefe Nsabimana Sylvain ngo ayobore Jenoside muri Butare kuko uwari uriho Dr. Habyarimana Jean Baptiste yari amaze kwicwa azira kwanga ko Abatutsi bicwa muri Butare.

Ikindi ni uko Loni yafashe uwo mwanzuro wo kugabanya ingabo zayo mu Rwanda izi neza ko ku matariki ya 18, 19 na 20 Mata 1994 Jenoside yari yakozwe ihitana Abatutsi barenga 60.000 b'i Simbi, i Mugombwa n'ahandi.

Na none ku itariki 21 Mata 1994 Jenoside yari yakozwe muri perefegitura za Byumba, Ruhengeri, Kibungo no muri Kigali Ngali.

Kuri iyo tariki ya 21 Mata 1994 Loni yafatiyeho uwo mwanzuro ugayitse kandi yari izi neza ko Radiyo Rwanda yakoze ikiganiro n'abanyapolitiki babi b'intagondwa z'Abahutu gikangurira kwihutisha Jenoside yakorerwaga Abatutsi.

Ni ikiganiro cyari cyatumiwemo Karemera Édouard, Mbonampeka Stanislas, Nsengiyumva Rafiki Hyacinthe na Shingiro Mbonyumutwa cyiyoborwa na Bamwanga Jean Baptiste wari Umuyobozi w'Amakuru kuri Radiyo y'Igihugu.

Minisitiri Dr. Bizimana yagaragaje ko icyakurikiye uwo mwazuro ugayitse wa Loni ari uko kuri iyo tariki Abatutsi hirya no hino mu gihugu bishwe ari benshi kuko hishwe abarenga 250.000 muri za perefegitura za Gitarama Ntongwe na Kinazi; i Butare mu mujyi ahitwa i Cyarwa, i Tumba, no mu i Rango no ku Gikongoro muri Murambi, Cyanika na Kaduha.

Mu yindi minsi yakurikiyeho guhera ku itariki 22 Mata 1994 Abatutsi na bwo bishwe ari benshi i Kansi, i Kibilizi, mu yahoze ari Kaminuza Nkuru y'u Rwanda, mu Bitaro bya Kaminuza bya Butare, ku Kabutare ndetse nyuma i Ngoma n'i Ruhashya muri Butare n'i Nyanza muri Rusatira, Nyabinyenga na Gatagara baricwa.

Abatutsi kandi bakomeje kwicwa ku Kibuye muri Rubengera, ku Mubuga no mu Birambo, i Gisenyi muri Komini Rouge mu Bigogwe ndetse n'i Cyangugu muri Mibilizi, Nyarushishi, n'ahandi henshi mu gihugu.

Ku itariki 21 Mata 1994 ingabo za Loni zari mu Rwanda zaragabanyijwe hasigara abasirikare 270 gusa

Urupfu rwa Papa Francis wari ufite imyaka 88 rwashenguye benshi barimo na Antoine Cardinal Kambanda, akaba ari na Arikiyepiskopi wa Kigali, wagaragaje ko Papa Francis yari afite umutima wo gusura u Rwanda ariko akaba atabarutse atarahagera.

Ibi yabigarutseho mu kiganiro yagiriye kuri Pacis TV, kuri uyu wa 21 Mata 2025, nyuma y'umwanya muto hatangajwe urupfu rwa Papa Francis.

Ati 'Twaramutumiye kuba yadusura. Ntabwo iwacu nyirizina yari bwahagere ariko yari abifite ku mutima.'

Cardinal Kambanda yagaragaje ko Papa Francis yagiye ashimira u Rwanda kubera urugendo rurimo rw'ubumwe n'ubwiyunge nyuma ya Jenoside yakorewe Abatutsi.

Ati 'Yagiye adushimira adukomeza mu rugendo turimo rw'ubumwe n'ubwiyunge bw'abakirisitu kugira ngo tube urumuri n'umunyu waho turi nk'uko ivanjiri ibidusaba.'

Yakomeje avuga ko Papa Francis yakundaga abantu, agakunda Imana ndetse agafasha abakene n'abari mu kaga.

Ati 'Yari umushumba ukunda abantu, ukunda Imana, mu rukundo rw'Imana rukomeye yari afite, agakunda n'abantu cyane cyane abakene, intamenyekana n'abari mu kaga.'

Papa Francis, yitabye Imana ku myaka 88 y'amavuko nyuma y'igihe yari amaze arwaye indwara z'ubuhumekero.

Urupfu rwa Papa Francis rwatangajwe mu gitondo cyo kuri wa Mbere wa Pasika Saa 7:35 aho Cardinal Kevin Farrell yashyize hanze itangazo rivuga ko Papa 'yasubiye mu ngoro ya Data'.

Imyaka ishize y'ubuzima bwa Papa Francis yaranzwe n'uburwayi ku buryo yamaze igihe kinini mu bitaro avurwa indwara zifata mu myanya y'ubuhumekero.

Antoine Cardinal Kambanda yagaragaje ko Papa Francis yari afite umutima wo gusura u Rwanda

Polisi y'u Rwanda yasabye abo bireba bose cyane cyane ibigo bitwara abagenzi mu buryo bwa rusange, abayobozi b'amashuri n'ababyeyi b'abana, gukora ibishoboka byose kugira ngo bikorwe mu buryo bunoze kandi butekanye.

Hagendewe ku itangazo ryashyizwe ahagaragara n'Ikigo cy'igihugu gishinzwe ibizamini n'ubugenzuzi bw'amashuri (NESA), ingendo z'abanyeshuri biga bacumbikirwa ziteganyijwe kuva ku wa Mbere tariki ya 21 Mata kugeza ku wa Kane tariki ya 24 Mata 2025.

Ku wa Mbere tariki ya 21 Mata hazagenda abanyeshuri biga mu turere twa Ruhango, Gisagara, Ngororero, Musanze, Nyagatare na Gatsibo.

Ku wa Kabiri tariki ya 22 Mata, hazagenda abiga mu turere twa Nyanza, Nyamasheke, Nyabihu, Rubavu, Rulindo, Gakenke, Rwamagana na Kayonza.

Ku wa Gatatu tariki ya 23 Mata, hazagenda abo mu turere twa Huye, Kamonyi, Karongi, Rutsiro, Gicumbi, Ngoma na Kirehe.

Naho ku wa Kane tariki ya 24 Mata, ari nawo munsi wa nyuma, hazagenda abo mu turere twa Muhanga, Nyaruguru, Rusizi, Nyamasheke, Bugesera, Burera, Nyarugenge, Gasabo na Kicukiro.

SP Emmanuel Kayigi, Umuvugizi w'Ishami rya Polisi rishinzwe umutekano wo mu muhanda, yashishikarije ababyeyi b'abanyeshuri kubohereza hakiri kare kugira ngo bibafashe gutega imodoka zerekeza mu turere amashuri bigamo aherereyemo, asaba n'abayobozi b'ibigo gukurikirana ko bahagereye ku gihe.

Ati “Muri iki gihe cyo gusubira ku mashuri kw'abanyeshuri, mu mihanda no muri za gare, haba hari urujya n'uruza rw'imodoka nyinshi zinyuranamo n'abagenzi.'

'Aya mabwiriza ashyirwaho hagamijwe kugira ngo abanyeshuri biborohere kugera aho biga hatabayemo inkomyi, haba kuri bo ndetse no ku bandi bagenzi basanzwe. Turasaba buri wese kuyubahiriza, ababyeyi bohereza kare abana babo, abayobozi b'ibigo bigaho nabo bagakurikirana ko bahagereye igihe, abo batabonye ku munsi wagenwe bakamenya icyabiteye.”

SP Kayigi yasabye ba nyir'ibigo bitwara abagenzi mu buryo bwa rusange kubanza kwita ku banyeshuri basubira ku bigo bigaho babafasha gusubirayo mu ituze n'umutekano, yibutsa abashoferi by'umwihariko kwirinda imyitwarire yateza akaga ubuzima bwabo n'ubw'abanyeshuri nko gutwara banyoye, umuvuduko mwinshi n'andi makosa yose ahabanye n'amabwiriza agenga imikoreshereze y'umuhanda.

Polisi yibukije ibigo bitwara abagenzi gufasha byihariye abanyeshuri basubira ku ishuri

Ibi byatangajwe ubwo abakozi n'ubuyobozi bwa Choplife basuraga Urwibutso rwa Jenoside rwa Nyanza ya Kicukiro mu kwibuka ku nshuro ya 31 Jenoside yakorewe Abatutsi.

Abakozi ba Choplife beretswe uburyo ku wa 11 Mata 1994 Ingabo z'Ababiligi zasize Abatutsi bari bahungiye muri ETO Kicukiro, bakicirwa i Nyanza ya Kicukiro, abarenga ibihumbi bitatu bahicirwa mu ijoro rimwe.

Umuyobozi Mukuru wa Choplife mu Rwanda, Cyuzuzo Aimée Pacifique, yavuze ko gusura urwibutso bibifasha guha agaciro abishwe urw'agashinyaguro bazira uko bavutse ariko bikanafasha urubyiruko n'abanyamahanga bakoramo kwiga amateka ya Jenoside yakorewe Abatutsi mu 1994.

Ati 'Kubera ko Sosiyete yacu yiganjemo urubyiruko rwavutse nyuma ya jenoside ndetse n'abanyamahanga, n'iyo mpamvu igihe nk'iki tuba twifuza kugira ngo dusure inzibutso hirya no hino kugira ngo bige ayo mateka bayamenye.'

Yashimangiye ko bazakomeza gusura inzibutso zitandukanye kugira ngo urubyiruko n'abanyamahanga bakorera Choplife bashobore kumenya amateka nyakuri ya Jenoside yakorewe Abatutsi.

Choplife Gaming yagaragaje ko ikomeje kwifatanya n'Abarokotse Jenoside yakorewe Abatutsi mu 1994 ndetse n'igihugu cyose muri rusange muri ibi bihe bikomeye kirimo.

Umuyobozi Mukuru wa Choplife mu Rwanda, Cyuzuzo Aimée Pacifique, yagaragaje ko bakomeje kwifatanya n’Abarokotse Jenoside yakorewe Abatutsi mu 1994

Abayobozi n'abakozi ba Choplife Gaming mu Rwanda basuye Ubusitani bwo Kwibuka

Abayobozi n'abakozi ba Choplife Gaming mu Rwanda bunamiye abazize Jenoside yakorewe Abatutsi

Abakozi ba Choplife basobanuriwe ubukana Jenoside yakorewe Abatutsi yakoranywe

Ubwo abayobozi ba Choplife bashyiraga indabo ku mva ziruhukiyemo inzirakarengane z’Abatutsi bishwe muri Jenoside

Abakozi ba Choplife bifatanyije n'Abanyarwanda kwibuka ku nshuro ya 31 Jenoside yakorewe Abatutsi

Amafoto: Kwizera Moses

Ibi yabigarutseho mu gikorwa cyo kwibuka ku nshuro ya 31 Jenoside yakorewe Abatutsi mu yahoze ari Komini Ntongwe n'inkengero zayo, ku wa 20 Mata 2025. Uyu muhango wabereye ku Rwibutso rw'Akarere ka Ruhango ruri mu Murenge wa Kinazi.

Mu buhamya bwa Uwambajimana Jeanne, warokeye aha mu Murenge wa Kinazi afite imyaka 11 yiga mu mwaka wa gatanu w'amashuri abanza, yagaragaje uburyo yatunguwe n'ubugome bw'umwarimu wamwigishaga witwaga Nsabimana Jacques, bihambaga Pilato mu gihe cya jenoside.

Ati 'Uyu mwarimu yaje mu rugo nari ndimo atambagira mu nzu hose arangije ntiyicara ahita agenda, mpita menya ko ari njyewe yari aje kureba. Icyabimbwiye ni uko uwari umpishe witwaga Munyanziza, yahise ambwira ngo ningende barashaka kunyica.'

Yakomeje avuga ko 'Nta nubwo nari nzi ko njyewe na mwarimu yanyica! Nabonaga ari umuntu mwiza, yatwigishaga neza akaduhana twasakuje, ariko muri Jenoside yari yarabaye mubi.'

Perezida wa IBUKA ku rwego rw'igihugu, Dr Gakwenzire Philbert, yagaragaje ko abantu bose bakwiye gufata umwanya wo gutega amatwi abarokotse, bagatanga amakuru ku byabayeho muri jenoside kuko ari byo bihamya bya jenoside.

Ati 'Dukwiye guha umwanya abarokotse bagatanga amakuru y'ikiganiro bagiranye n'urupfu, kandi ibiganiro n'ubuhamya bufatirwa mu bihe byo kwibuka bukabikwa neza kuko ni bwo buzafasha abadukomokaho kumenya ibyabaye, bunatume bakomeza kubivuga, no kubizibukira.'

Minisitiri w'Ibidukikije akaba n'imboni y'Akarere ka Ruhango, Dr Uwamariya Valentine, yagaye cyane abarezi bijanditse mu bwicanyi aha i Kinazi barimo mwarimu Nsabimana Jacques, wari na Perezida wa CDR mu yahoze ari Komini ya Ntongwe.

Minisitiri Dr Uwamariya, avuga ko ibyakozwe n'abicanyi barimo na mwarimu Nsabimana, ari umusaruro w'amateka mabi yagejeje kuri Jenoside yakorewe Abatutsi mu 1994, yigishijwe mu mashuri.

Ati 'Amateka y'amacakubiri yigishijwe kuva kera kandi abayatije umurindi ni abazungu kuko mu mashuri higishwaga ko Abatutsi bavuye muri Abisiniya (Ethiopia y'ubu), naho Abahutu bakava muri Cameroun na Tchad bitwa aba 'Bantou', bose ngo baza basanga Abatwa ari abasangwabutaka. Nanjye ndi mu bize aya mateka mu ishuri.'

Yakomeje agaragaza ko ivangura n'amacakubiri bishingiye ku moko, ari byo byagejeje u Rwanda kuri Jenoside yakorewe Abatutsi mu 1994, ari nayo mpamvu bikwiye gutanga isomo ryo kubirwanya.

Ati 'Ibi biduha umukoro ukomeye wo kurandurana n'imizi ingengabitekerezo ya jenoside. Mboneyeho kubasaba ngo mwese mukore uko mushoboye turwanye abagihembera urwango.'

Muri iki gikorwa kandi, hanashyinguwe imibiri 38, irimo itandatu yabonetse, n'indi 36 yimuwe. Iyi ije isaga indi irenga ibihumbi 63 iruhukiye muri uru rwibutso rwa Ruhango rwubatse i Kinazi.

Abari batuye ku Mayaga bongeye kwibuka no kunamira inzirakarengane ziruhukiye mu Rwibutso rw’Akarere ka Ruhango

Minisitiri w’Ibidukikije, Dr Uwamariya Valentine, yasabye ko abantu bafatanya mu gukumira ingengabitekerezo ya jenoside

Perezida wa IBUKA ku rwego rw’Igihugu, Dr. Gakwenzire Philbert, yavuze ko ubuhamya bw’abarokotse ari ingenzi mu kugaragaza ukuri

Hagaragajwe ko i Ntongwe habereye ubugome bwinshi bwakozwe n’impunzi z’Abarundi

Urupfu rwa Papa Francis rwatangajwe mu gitondo cyo kuri wa Mbere wa Pasika Saa 7:35 aho Cardinal Kevin Farrell yashyize hanze itangazo rivuga ko Papa 'yasubiye mu ngoro ya Data'.

Cardinal Kevin Farrell yatangiye itangazo rivuga ku rupfu rwe ati 'Nshuti bavandimwe, n'umubabaro mwinshi, bibaye ngombwa ko mbatangariza urupfu rwa Nyirubutungane Papa Francis'.

Yavuze ko ubuzima bwe bwose bwaranzwe no gukorera Imana na Kiliziya, urukundo no gufasha abakene n'imbabare ndetse ko yabyishaga aho ari hose.

Imyaka ishize y'ubuzima bwa Papa Francis yaranzwe n'uburwayi ku buryo yamaze igihe kinini mu bitaro avurwa indwara zifata mu myanya y'ubuhumekero. Ku wa 14 Gashyantare, Papa Francis yashyizwe mu bitaro ndetse bigeze ku wa 22 Gashyantare, ibiro bye bitangaza ko akomeje kuremba cyane ko yanashyizwe ku mashini zimufasha guhumeka.

Ku munsi wakurikiyeho, abaganga batangaje ko impyiko ze zifite ikibazo. Muri iyo minsi, abakirisitu gatolika bo ku Isi cyane cyane ababa mu Butaliyani batangiye guteranira ku Ngoro ya Mutagatifu Petero bamusabira kugira ngo akire.

Hari bamwe banagiye mu bitaro yari arwariyemo i Roma, bamushyiriye indabo n'ibindi. Icyo gihe yamaze mu bitaro ukwezi, abaganga bamwitaho. Ijwi rye ryongeye kumvikana bwa mbere ku wa 6 Werurwe, ubwo hajyaga hanze amajwi ye ashimira abakomeje kumuba hafi mu burwayi bwe. Ati 'Turi kumwe'.

Iminsi 38 yamaze mu bitaro yarangiranye n'itariki ya 23 Werurwe ubwo yagaragaraga mu ruhame aseka ndetse anasuhuza abakirisitu bari bateraniye hafi y'aho yari ari ku ngazi y'ahitwa Gemelli.

Yavuye i Roma icyo gihe asubira i Vatican kugira ngo akomeze kwitabwaho n'abaganga cyane ko yari yasabwe gufata ikiruhuko cy'amezi abiri.

Ku Cyumweru, amasaha make mbere y'urupfu rwe, yasuhuje abakirisitu mu misa ya Pasika, ndetse ahura na Visi Perezida wa Amerika, JD Vance.

Papa Francis yitabye Imana ku myaka 88 y’amavuko

Papa Francis yitabye Imana nyuma y'imyaka 12 ayoboye Kiliziya Gatolika ku Isi kuko yimitswe muri Werurwe 2013, asimbuye Papa Benedigito wa 16 wari umaze kwegura.

Ni we wari umushumba rukumbi wa Kiliziya Gatolika ku Isi, watorewe izo nshingano akomoka muri Amerika y'Epfo ndetse ni na we wa mbere wabayeho akomoka mu muryango w'aba-Jesuites.

Apfuye nyuma y'uko yunze Kiliziya Gatolika n'u Rwanda, nyuma y'imyaka myinshi umubano wayo narwo warajemo agatotsi kubera uruhare rwayo muri Jenoside yakorewe Abatutsi.

Mu 2017, yahuye na Perezida Kagame, ndetse nyuma y'uwo muhuro, i​tangazo ryaturutse i Vatican ryavugaga ko ​yicishije bugufi, Papa Francis yasabye “Imana imbabazi ku byaha no gutsindwa kwa Kiliziya n'abayo bose barimo n'abihaye Imana batwawe n'urwango ndetse n'ubugizi bwa nabi, bagaca ukubiri n'inshingano zabo z'iyogezabutumwa” mu byabereye mu Rwanda.

Papa Francis yagaragaje “umubabaro ukomeye we bwite, uw'ubutaka butagatifu bwa Vatican ndetse na Kiliziya muri rusange uturuka kuri Jenoside yakorewe Abatutsi”, anagaragaza kandi “ukwifatanya n'abahekuwe ndetse n'abakomeje kugerwaho n'ingaruka z'ibyo bihe bikomeye”.

Iryo tangazo kandi ryavugaga ko Papa Francis “yicishije bugufi yemera imyitwarire mibi yaranze ibyo bihe” ndetse “isiga icyasha isura ya Kiliziya”.

​Nyuma gato yo kubonana na Papa Francis, Perezida Kagame yanditse ku rukuta rwe rwa Twitter amagambo agaragaza uburyo yakiriye neza imbabazi zasabwe. ​

Ati “Umunsi mwiza no guhura na Papa Francis…ibihe bishya mu mibanire hagati y'u Rwanda na Kiliziya. Kubasha gusabira imbabazi ibibi muri ubu buryo ni igikorwa cy'ubutwari.”

Great day/moment and meeting with Pope Francis, new chapter in relations btwn Rwanda & Catholic Church/Holy See!

— Paul Kagame (@PaulKagame) March 20, 2017

Papa Francis yavutse ku wa 17 Ukuboza 1936, avukira i Buenos Aires muri Argentine ku babyeyi w'abimukira bari bafite inkomoko mu Butaliyani. Amazina yahawe akivuka ni Jorge Mario Bergoglio, aho yari afite abavandimwe bane.

Yize amashuri mu iseminari ya Villa Devoto mbere yo kwinjira mu muryango w'aba-Jesuites mu 1958. Papa Francis kandi yari yarize amasomo y'iby'ubumenyamuntu mu gihugu cya Chile mbere y'uko asubira mu gihugu cye cy'amavuko kwiga amasomo nyobokamana.

Yahawe ubusaseridoti ku wa 13 Ukuboza mu 1969, agenda azamuka mu ntera kugeza ubwo mu 1973 yagizwe uhagarariye umuryango w'aba-Jesuites ku rwego rw'intara mbere yo kugirwa Arikiyepisikopi wa Buenos Aires muri Argentine, na mbere y'uko Papa Paull Yohana II amugira umukaridinali mu 2001.

Mu gihe cye cy'ubukaridinali, yaranzwe no gukemura ibibazo muri rubanda, kwicisha bugufi n'ubuvugizi ku bakene.

Papa mushya azaboneka mu minsi 20

Nyuma y'urupfu rwa Papa Francis, byitezwe ko mu minsi iri hagati ya 15 na 20 aribwo undi azaba yatowe. Ni itorwa rikorwa mu nzira izwi nka Conclave.

Ibikorwa by'amatora bitangizwa na misa idasanzwe ya mu gitondo. Nyuma y'iyo misa, hatangazwa amagambo agira ati 'extra omnes' bivuze ngo 'abandi bose basohoke', maze Abakaridinali bakarahirira kubika ibanga.

Nyuma y'ibyo, aba-Cardinal bose bafite munsi y'imyaka 80 cyangwa bemerewe gutora bateranira muri Chapelle ya Sistine, yakiriye Conclave zose kuva mu 1858.

Bahita bakingiranwa muri Conclave kugeza igihe bahisemo Papa mushya. Icyumba baba barimo nta koranabuhanga cyangwa itumanaho ry'inyuma biba bihari.

Nta cyizere kiba gihari ko icyiciro cya mbere cy'amatora cyatanga umusaruro uwo munsi. Hakoreshwa ibiganiro, amasengesho, kwitekerezaho kugira ngo bagabanye urutonde rw'abashobora gutorwa.

Hatoranywa aba-cardinal icyenda bo kuyobora amatora. Batatu baba abagenzuzi b'itora, batatu bagakurikirana ibijyanye n'amajwi mu gihe abandi batatu bagenzura niba byakozwe neza.

Papa atorerwa umwanya we ari uko umukandida umwe abonye bibiri bya gatatu by'amajwi.

Iyo bigeze ku cyiciro cya 34 cy'amatora, hatorwa hagati y'abakandida babiri ba mbere babonye amajwi menshi mu cyiciro giheruka. Icyakora, hari ubwo amatora yihuta mu gihe hari umukandida ukomeye wigaragaje.

Mu mateka, amatora ya Papa yatinze cyane mu kinyejana cya 13, aho yamaze hafi imyaka itatu kubera impaka za politiki. Muri icyo gihe, aba-cardinal batatu bapfuye bari muri Conclave.

Nyuma ya buri tora, impapuro z'amajwi zitwikirwa muri Sistine. Iyo hazamutse umwotsi w'umukara, biba bivuze ko nta Papa uratorwa.

Iyo umukandida umwe amaze kubona bibiri bya gatatu by'amajwi, aba abaye Papa mushya. Umuyobozi w'Aba-Cardinal amuhamagara imbere, akamubaza niba yemeye inshingano. Iyo asubije 'yego', ahita ahitamo izina rya gishumba azakoresha.

Papa Francis yagiranye ibiganiro byihariye na Perezida Kagame

Perezida Kagame yahaye Papa Francis inkoni ikozwe mu mitako ya Kinyarwanda