Webrwanda Backend

Author: webrwanda

  • Umutoma wa The Ben kuri Pamella wizihiza isab… – #rwanda #RwOT

    Uwicyeza Pamella arizihiza isabukuru y'amavuko. Niyo ya mbere yizihije rubanda ruziko afite umukunzi. The Ben nawe aherutse kwizihiza isabukuru y'amavuko yabaye iya mbere yahuriranye n'uko afite umukunzi.

    Mu ijoro ry'uyu wa Gatandatu tariki 30 Mutarama 2021, The Ben yashyize ifoto ari kumwe na Uwicyeza yamusekeje maze arenzaho amagambo yo kumwifuriza isabukuru nziza y'amavuko amwita 'Jelly'.

    The Ben yanditse agira ati 'Iyo gushimisha biba umuntu, yari kuba ari wowe. Akandi gace k'igitangaza kari karabuze nkakibonera. Isabukuru nziza”. Mu gusubiza, Uwicyeza Pamella yabwiye The Ben ko azamuhoza mu ntekerezo ze.

    Ahashyirwa 'Story' ku rubuga rwa Instagram, The Ben yahashyize amafoto n'amashusho ari kumwe na Pamella bishimisha. Hari nk'amashusho y'amasegonda macye yashyizeho asoma ku itama Pamella, humvikanamo indirimbo 'Forever&Always' ya Dylan Matthew.

    The Ben kandi yifashishije indirimbo 'Habibi' yakunzwe mu buryo bukomeye avuga ko Pamela ari inshuti nyanshuti. The Ben yise Pamella 'Jelly' mu gihe uyu mukobwa nawe yita The Ben 'Butter'.

    Imyaka 12 amaze mu muziki, The Ben ntiyigeze yumvikana kenshi mu nkuru z'urukundo; gusa hari abakobwa b'ikimero batandukanye bagiye bavugwa mu rukundo nawe.

    Tariki 28 Ugushyingo 2020, The Ben yashyize amashusho y'amasegonda abiri kuri konti ye ya Instagram amugaragaza ahobereye Pamella amuturutse inyuma. Mbese yamwiyegamije mu gituza asa n'ushaka kumusoma mu mutwe.

    Aya mashusho yafatiwe muri Tanzania aho The Ben yamaze iminsi ari kumwe na Pamella witabiriye irushanwa rya Miss Rwanda 2019. Bigaragara ko aya mashusho yafashwe na Pamela ndetse humvikanamo indirimbo y'umuhanzi byakugora guhita umenya.

    Hari amakuru avuga ko The Ben yakunze bya nyabyoPamela ndetse ko inshuti ze za hafi zizi neza ko umubano wabo wagiye kure. Hari n'andi makuru avuga ko urukundo rwa The Ben na Pamella rwakomeye birutse ku kuba uyu muhanzi amaze igihe kinini mu Rwanda.

    Urukundo rwa The Ben na Pamella rwitamuruye nyuma y'igihe cya Guma mu Rugo. Amafoto n'amashusho y'aba bombi yasakaye ku mbuga nkoranyambaga mu bihe bitandukanye, benshi batangira kubakeka amababa.

    Tariki 09 Mutarama 2021, wabaye umunsi wo kwemeza ko bakundana nta banga rihari. The Ben yakoze ibirori byo kwihiza isabukuru y'amavuko ye y'imyaka 33 atumira abarimo umukunzi we Uwicyeza Pamella, David Bayingana n'abandi.

    Pamella yifurije isabukuru nziza y'amavuko The Ben amubwira ko amukunda. Pamela yifashishije indirimbo ya The Ben yitwa 'Roho yanjye', aho uyu muhanzi aririmba agira ati 'Mpa ikiganza duserukane wowe wahize bose, nkubona mu marembo nkiyumanganya […]' Yabwiye uyu muhanzi ko ari umufana we kandi 'ukwiriye Isi'.

    The Ben yakoresheje amagambo aryoheye umutima mu kwifuriza isabukuru y’amavuko Uwicyeza bacuditse
    The Ben yifashishije indirimbo ye ‘Habibi’ avuga ko Pamela ari inshuti nyanshutiYabaye isabukuru ya mbere uyu mukobwa yizihije bizwi ko afite umukunzi-Cyo kimwe no kuri The Ben

    Source : https://inyarwanda.com/inkuru/102755/umutoma-wa-the-ben-kuri-pamella-wizihiza-isabukuru-yamavuko-yise-jelly-102755.html

  • Abantu baciye agahigo batega indege idafite aho yerekeje|Ese babitewe ni iki? – YEGOB #rwanda #RwOT

    Ibi bishobora kugutungura ndetse ukumva ko bidashobora kubaho, gusa ibi byarabaye aho abantu bifashe bagatega indege nta hantu na hamwe berekeje kandi bose babizi neza.Ibi byabaye mu mwaka ushize wa 2020.

    Uru rugendo rw'indege rwiswe 'Qantas flight to nowhere' nirwo rugendo rwa mbere rw'indege ku isi rwagurishije amatike menshi mu gihe gito, kubera ko mu minota 10 gusa amatike yose yari yashize. Iki kigo cyo gutwara abantu mu ndege kizwi nka 'Qantas' cyo muri Australia cyafashe uyu mwanzuro wo gutwara abantu badafite aho bagiye nahamwe, ni urugendo rwamaze amasaha arindwi yose.

    Uru rugendo rwabaye kuwa 10/10/2020, rwahagurukiye ku kibuga cy'indege cya Sydney ndetse ninaho rwasorejwe. Uru rugendo rw'indege rwanditse amateka ku isi, ngo ntahantu nahamwe rwari rugamije kujya ahubwo ngo abayigiyemo batemberejwe ikirere cya Australia mu gihe cy'amasaha arindwi ndetse baryoherwa n'ibyiza byicyo gihugu.

    Indege yahagurutse itwaye abagenzi 134, mu ndege nziza cyane ya Boeing 787, ndetse ticket yurwo rugendo yari ihenze cyane kuko yariri y'amadorali 575 na 2765. Buri wese yaguraga iyihwanye n'umufuka we bitewe naho ashaka kwicara.

    Bajya gutegura uru rugendo, ahanini ngo byaturutse kukuba hari hashize igihe kinini abaturage bari muri guma murugo ndetse ntanumwe wari wemerewe gusohoka igihugu mu gihe gikabakaba umwaka. Ibi rero ngo babikoze bagamije kongera guturisha abantu mu mutwe bityo biyemeza gutwara abantu mu ndege ntahantu na hamwe bagiye ndetse iyo ndege nta na hamwe yigeze ihagarara.

    Ubuyobozi bw'ikigo Qantas bwo bwavuze ko aribwo bwa mbere bacuruze amatike menshi mu gihe gito ndetse ko nibiba ngombwa ngo bazajya bategura ingendo nyinshi nkizi, kuko babonye ko abantu ngo bababaye kugenda.

    Like this:

    Like Loading…

    Source : https://yegob.rw/abantu-baciye-agahigo-batega-indege-idafite-aho-yerekejeese-babitewe-ni-iki/

  • Mukura VS yabaye ihagaritse amasezerano y’abakinnyi mu gihe kitazwi #rwanda #RwOT

    Byatangajwe kuri iki Cyumweru tariki 31 Mutarama 2021, mu itangazo ryashyizwe kuri twitter y’iyi kipe iri mu zimaze igihe mu Rwanda.

    Muri iri tangazo, ubuyobozi bwa Mukura VS, buvuga ko bwafashe iki cyemezo kuko ibikorwa by’imikino byabaye bihagaritswe na byo mu gihe kitazwi, bakaba bahagaritse amasezerano n’abakinnyi kugeza igihe ibikorwa bizaba byasubukuriwe.

    Ubutumwa bwatambutse kuri Twitter ya Mukura VS :

    Dushingiye ku cyemezo cya Minisiteri ya Siporo twamenyeshejwe na FERWAFA cyo guhagarika ibikorwa byose bijyanye na shampiyona y’umupira w’amaguru mu Rwanda, mu rwego rwo gukomeza gukumira ikwirakwira ry’icyorezo cya Covid-19.

    Dushingiye ku kuba ingamba zafashwe muri icyo cyemezo hatazwi igihe zizahindurirwa kugira ngo amarushanwa y’umupira w’amaguru imbere mu gihugu yongere gutangira ; Kuva kuri uyu wa gatandatu tariki ya 30/01/2021, amasezerano abakinnyi bari bafitanye na MUKURA VICTORY SPORTS & LOISIRS abaye asubitswe by’agateganyo kubera izo mpamvu ndakumirwa, akazasubukurwa igihe hazaba hafashwe ingamba nshya zisimbura iziriho twagaragaje hejuru.

    Hari andi makipe yahagaritse amasezerano n’abakinnyi ngo kuko akazi kabo kahagaritswe mu gihe kitazwi. Muri yo harimo ikipe ya Kiyovu Sports yatangiye umwaka w’imikino yaraguze abakinnyi bashya ngo yifuza kuzegukana igikombe cya shampiyona.

    UKWEZI.RW

    Source : http://www.ukwezi.rw/Imikino/article/Mukura-VS-yabaye-ihagaritse-amasezerano-y-abakinnyi-mu-gihe-kitazwi

  • The Ben yateye umutoma urenze Pamella bivugwa ko bari mu rukundo ku isabukuru ye #rwanda #RwOT

    Kuri uyu wa Gatandatu,nibwo Uwicyeza Pamella yizihizaga isabukuru y'amavuko bituma The Ben ananirwa kwiyumanganya,amutera imitoma agaragaza ko yamwihebeye.

    Mu magambo yanditse ku rukuta rwe rwa Instagram yamwise igitangaza, avuga ko yabonye icyo yari yarabuze mu buzima.

    Ati 'Iyaba 'igitangaza ' cyari umuntu cyari kuba wowe. Nyuma na nyuma nabonye igice nari narabuze. Isabukuru nziza Jelly[akazina yamwise].'

    Ku wa 9 Mutarama ubwo The Ben yizihizaga isabukuru, Uwicyeza Pamella yanditse kuri Instagram na we amugaragariza urukundo. Yifashishije indirimbo y'uyu muhanzi yitwa 'Roho yanjye' maze ayikurikizaho amagambo y'urukundo.

    Uwicyeza yakunze kugaragaza amarangamutima ye kuri The Ben, aho yigeze gushyira hanze ifoto bari kumwe, arangije ayiherekesha amagambo agira ati “Mine”, bisobanuye “Uwanjye.”

    Mu minsi ishize,Mugisha Benjamin uzwi cyane nka The Ben,yananiwe kwihishira ko ari mu rukundo na Uwicyeza Pamella,ashyira hanze video bari kurya ubuzima muri Tanzania.

    Uwicyeza Pamella yahatanye muri Miss Rwanda mu 2019 aza mu bakobwa 20 bashakishwagamo Nyampinga w'u Rwanda, yanabaye Igisonga cya Mbere cya Miss Zuri Africa Queen yaberereye muri Kenya mu 2019.

    Source : http://umuryango.rw/ubuzima-115/imibereho/article/the-ben-yateye-umutoma-urenze-pamella-bivugwa-ko-bari-mu-rukundo-ku-isabukuru

  • Abafana ba Marseille bahanganye na Polisi ubwo bashakaga gutwika ikibuga cy'imyitozo mu myigaragambyo [AMAFOTO] #rwanda #RwOT

    Aba bafana batishimiye uko ikipe yabo iri kwitwara muri iyi minsi,bateguye imyigaragambyo abarenga 100 binjira kuri iki kibuga cy'imyitozo bacana ibishashi n'imiriro,polisi ije kubabuza bashaka kuyikubita byavirimo abasaga 25 gufungwa mu gihe n'uyu mukino wa Ligue 1 wahise ufungwa.

    Ku munsi w'ejo nyuma ya saa sita nibwo aba bafana bateraniye kuri iki kibuga cy'imyitozo bafite ibi bintu byaka umuriro ndetse amafoto n'amashusho yagiye hanze yagaragaje aba bafana bari gutera abarinzi ibi bintu.

    Umutoza Andre Villas-Boas yagerageje kugarura izina rya Marseille mu makipe akomeye mu Bufaransa ariko uyu mwaka ibintu biri kuzamba cyane ko bamaze iminsi batitwara neza.

    Marseille imaze imikino 4 idatsinda ndetse n'uyu mutoza wayo Andre Villas-Boas yavuze ko nta masezerano mashya yahawe.

    Guhera mu gitondo cyo ku munsi w'ejo aba bafana basanzwe bazwiho imyitwarire mibi bakoze ibyapa byamagana ubuyobozi bw'ikipe ariyo mpamvu abagera kuri 150-200 bagerageje kwinjira kuri iki kibuga cy'imyitozo ku ngufu mu rwego rwo kwigaragambya.

    Ibintu bitera ibishashi n'ibyaka byakoreshejewe n'aba bafana ndetse banatwitse igiti cyari hafi aho.

    Ntabwo bizwi neza niba hari umukinnyi cyangwa umuyobozi w'ikipe wari kuri iki kibuga cy'imyitozo ubwo aba bafana bigaragambyaga gusa bakoze ibikorwa by'agahomamunwa.

    Mu Ugushyingo umwaka ushize,Marseille yari mu makipe ahatanira shampiyona ariko mu mikino 10 ishize yatsinze 3 gusa bituma icyizere cyo guhangana na Lyon na PSG kiyoyoka.




    Gutsindwa kwa Marseille kwatumye abafana bashaka gutwika ikibuga cy'imyitozo cyayo

    Source : http://umuryango.rw/imyidagaduro/imikino/article/abafana-ba-marseille-bahanganye-na-polisi-ubwo-bashakaga-gutwika-ikibuga-cy

  • Ibinini by’inzoka bihabwa abana bigiye kujya bihabwa n’abakuze #rwanda #RwOT

    Kuri uyu wa Gatandatu tariki 30 Mutarama 2021, Isi yizihije umunsi mpuzamahanga wo kurwanya indwara zititabwaho zirimo n’inzoka zo mu nda.

    Umuyobozi wa gahunda yo kurwanya indwara zititaweho mu Kigo cy’Igihugu cy’Ubuzima RBC, Dr Ruberanziza Eugène avuga ko ubusanzwe indwara zititabwaho ari nyinshi ariko izizwi cyane inzoka zo mu nda.

    Avuga ko izi nzoka zikunze kwibasira abana n’abantu bageze mu za bukuru, gusa akavuga ko hari n’uburyo bwo kuzirinda.

    Yavuze ko mu buryo bwo kuzirinda harimo kugira isuku yaba iy’ibikoresho, iy’ibiribwa n’ibinyobwa ndetse n’iy’ahantu abantu batuye.

    Avuga ko nubwo inzoka zo mu nda abantu bazipinga ariko 'ni mbi cyane, ku bana zirabadidinza, bagakurizamo kugwingira, zituma batajya ku ishuri cyangwa se bagakurikira nabi, ibyo bikaba byatuma bava mu ishuri ndetse hari n’abazirwara zikabahitana.'

    Avuga kandi ko ari mbi ku bagore batwite kuko zishobora kugira ingaruka mbi ku bana batwite.

    Kuva muri 2008 Leta y’u Rwanda yatangije gahunda yo guha ku buntu ibinini by’inzoka abana bato ndetse ko hari n’abantu bakuze na bo bagiye kujya bahabwa ibi binini kuko na bo ziriya nzoka zibazahaza.

    UKWEZI.RW

    Source : http://www.ukwezi.rw/mu-rwanda/Ubuzima/article/Ibinini-by-inzoka-bihabwa-abana-bigiye-kujya-bihabwa-n-abakuze

  • Gisagara: Uruganda rubyaza amashanyarazi nyiramugengeri ntiruzageraho rukayibura? #Rwanda #RwOT via @kigalitoday #rwanda #RwOT

    Nyiramugengeri ubundi ni igitaka
    Nyiramugengeri ubundi ni igitaka

    Abibaza iki kibazo bagihera ku kuba sosiyete y’abanyaturukiya iri kubaka uru ruganda ari yo Power Yumn Ltd, yarumvikanye na Leta y’u Rwanda ko izarwubaka ikanarubyaza amashanyarazi, hanyuma nyuma y’imyaka 26 ikarwegurira Leta.

    Bamwe bati “Ese nyuma y’iyo myaka 26 iyo nyiramugengeri izaba ishize burundu?” Abandi na bo bati “Ese ko kubaka ruriya ruganda bizatwara amamiriyari menshi, nyiramugengeri ishizemo mu myaka 26 buriya ntihaba hari igihombo kuri Leta?”

    Umuyobozi mukuru w’uru ruganda, Dominique Gubbini, asubiza iki kibazo agira ati “Inyigo yagaragaje ko mu gishanga cy’Akanyaru tuzacukuramo nyiramugengeri, hari ishobora kwifashishwa mu gihe cy’imyaka irenze 50. Ni ukuvuga ko ibyo kwibaza ngo bizagenda gute nishira, bizatangira kwibazwa nyuma y’imyaka 50.”

    Igishanga kizakurwamo nyiramugengeri gifite ubuso bwa hegitari 4,200
    Igishanga kizakurwamo nyiramugengeri gifite ubuso bwa hegitari 4,200

    Dominique anasobanura ko mbere yo gutangira uyu mushinga bapimye bagasanga ubuso bw’igishanga bazakuraho nyiramugengeri bugera kuri hegitari ibihumbi bine na 200 (4200ha) kandi nyiramugengeri ishobora kuba igera ku bujyakuzimu bwa metero 100 (100m), n’ubwo bo ubu bari kuyicukura kugarukira kuri metero 20 (20m) z’ubujyakuzimu.

    Nyiramugengeri ko ari nk’ibitaka, ibyara amashanyarazi ite?

    Ugeze ku ruganda rwa nyiramugengeri kuri ubu ahasanga indundo z’igitaka cy’umukara, ari cyo nyiramugengeri, biteguye gutangira kwifashisha guhera mu kwezi kwa Werurwe, bakora amashanyarazi.

    Bituma umuntu yibaza ngo ese iki gitaka numvise ko gishobora gucanwa, gitanga amashanyarazi gute?

    Ikirundo cya nyiramugengeri itegereje kwifashishwa
    Ikirundo cya nyiramugengeri itegereje kwifashishwa

    Uruganda ruzakora amashanyarazi rwifashishije nyiramugengeri rwubatse ku buryo nyuma yo gucukura nyiramugengeri mu gishanga hanyuma ikagezwa mu bubiko bwabugenewe, hari ahantu hagenwe izajya isukwa hanyuma imashini zikayijyana aho izajya yifashishwa mu gucanira amazi.

    Umwuka ushyushye cyane (Vapeur/steam) uzajya uva mu mazi nyiramugengeri yacaniriye uzajya ukaraga imashini zibyara amashanyarazi, nuko amashanyarazi aboneke.

    Uruganda rutunganya nyiramugengeri
    Uruganda rutunganya nyiramugengeri

    Biteganyijwe ko megawati 80 z’amashanyarazi uru ruganda ruzajya rutanga zizajya ziboneka hacanwe toni 2600 za nyiramugengeri, ku munsi.

    Ivu rya nyiramugengeri rizajya ryifashishwa mu gukora sima

    Hari uwakwibaza ngo ese nyiramugengeri izajya iba yamaze gucanwa izajya hehe ko izaba ari ivu ryinshi? Dominique Gubbini ati “Twasanze ivu rya nyiramugengeri ryaherwaho mu gukora sima. Uruganda rukora sima ruzajya rurigura.”

    Nyiramugengeri kandi n’ubwo izifashiswa mu gukora amashanyarazi, ubusanzwe ngo ni ifumbire nziza yakwifashishwa mu buhinzi.

    Ziriya hangari ebyiri ni zo zizajya zibikwamo nyiramugengeri, ari na ho hari ahari imyenge imenwamo hanyuma imashini zikayizamura, ikazamukira ahatwikiriwe n
    Ziriya hangari ebyiri ni zo zizajya zibikwamo nyiramugengeri, ari na ho hari ahari imyenge imenwamo hanyuma imashini zikayizamura, ikazamukira ahatwikiriwe n’aya mabati y’ubururu


    source https://www.kigalitoday.com/amakuru/amakuru-mu-rwanda/article/gisagara-uruganda-rubyaza-amashanyarazi-nyiramugengeri-ntiruzageraho-rukayibura

  • KNC yavuze icyatumye atinda gutanga akayabo yemereye Amavubi. – YEGOB #rwanda #RwOT

    Umuyobozi wa RadioTv1 KNC yasobanuye impamvu yatinze guha Amavubi agahimbazamusyi yayemereye ko natsinda Maroc, buri mukinnyi azahabwa 100$ avuga ko afite uburyo azayatangamo ngo kuko amafaranga ni aye.

    Ubwo Amavubi yerekezaga mu irushanwa rya CHAN riri kubera muri Cameroun, hari ingeri zitandukanye z'abantu zemereye abakinnyi b'iyi kipe amashimwe atandukanye.

    Muri abo, harimo na KNC uyobora Gasogi United wavuze ko Amavubi naramuka atsinze umukino wa Maroc, buri umwe uri muri iyi kipe, yaba abakinnyi n'abatoza azabaha 100$ buri umwe.

    Ntabwo Amavubi yabashije gutsinda Maroc kuko baranganyije ariko iyi kipe y'igihugu yakatishije itike ya 1/4 cy'irangiza.

    Benshi bakomeje kwibaza impamvu uyu muyobozi ataratanga ibyo yemeye, ariko na we ntabwo ahakana ko azasohoza ubutumwa kuko yabyemeye nta muntu umushyizeho agahato.

    Mu kiganiro Rirarashe cya RadioTv1, KNC yavuze impamvu aya mafaranga ataragera ku bo yayemereye, ariko avuga ko bitandukanye n'ibyo bamwe bamaze iminsi bavuga.

    Ati 'Ibintu byacu bigira uko bikorwa. Ntegereje ko Perezida wa FERWAFA ambwira uko nzayabaha. Ntabwo ibintu bikorwa mu kajagari. Ese ubundi ayo nemeye ko ari ayanjye ikibazo abantu bafite ni ikihe? Niba utatanga ayawe reka abayatanga bayatange.'

    Uretse uyu muyobozi, hari n'abandi bemereye Amavubi agahimbazamusyi, aba barimo Munyakazi Sadate, Mbonabucya Desire n'abandi batandukanye.

    Like this:

    Like Loading…

    Source : https://yegob.rw/knc-yavuze-icyatumye-atinda-gutanga-akayabo-yemereye-amavubi/

  • Abanyarwenya Japhet na Etienne bagiriye inama Mashami kugirango atsinde| Aba basore ntibasanzwe mu gusetsa – YEGOB #rwanda #RwOT

    Abanyarwenya Japhet na Etienne basanzwe bazwi nka Bigomba Guhinduka, bagiriye inama Mashami Vincent uko agomba gukinisha abakinnyi be kugirango baze gutsinda ikipe ya Togo mu mukino wabaye ku wa kabiri ushize tariki ya 26/01/2021 (umukino waje no kurangira U Rwanda rutsinze Togo ibitego 3 kuri 2). Ibi Japhet na Etienne babivugiye mu kiganiro bagiranye na Yago Tv show aho yari yabasuye mu rugo aho batuye. Aba banyarwenya batangiye bavuga ku kazi kabi ka buri munsi ariko ka comedy. Japhet na Etienne batangiye bavuga ko umwaka wa 2020 utabagendekeye neza kimwe n'abandi banyarwanda muri rusange kubera icyorezo cya Covid-19 cyatumye ibikorwa bimwe na bimwe bihagarara harimo n'ibitaramo ari nabyo aba basore bakundaga kugaragaramo. Nubwo icyorezo cya Covid-19 cyakomye mu nkokora ibikorwa byinshi bya Japhet na Etienne ariko bagerageje kwishakamo ibisubizo aho bakoze ibitaramo bitandukanye nka showbizzlive comedy n'ibindi babinyujije kuri YouTube Channel yabo. Japhet na Etienne bagize icyo babwira bamwe mu bantu bajya babwira abanyarwenya ko bazimye aho bavuze ko uburyo bwiza bwo kubasubiza ari ukwicisha bugufi bakabanza bakumva ibitekerezo byabo nyuma bakababwira ko bifuza gutera imbere. Kuri iyi ngingo, Etienne yavuze ko byamubayeho aho umwe mu bafana be yamubwiye ko we na Japhet bazimye nyuma Etienne aza kumubwira ko ibyo avuga aribyo koko gusa bakaba basaba Imana ko yabongerera ibikorwa bakongera bagatwika nkuko byahoze. Uyu mufana yahise amusubiza amubwira ko amwemera ndetse anamushimira. Etienne abona inzira nziza yo gusubiza ababaca intege bababwira ko bazimye ari ukwicisha bugufi imbere yabo kugirango babereke ko nta gihe bataye batekereza ibyo bababwira.

    Japhet na Etienne

    Japhet na Etienne kandi babinyujije mu rwenya bagize umwuga, bagiriye inama Mashami Vincent kugirango abashe gutsinda umukino U Rwanda rwakinnyemo na Togo. Nkuko Japhet na Etienne babivuze, bavuze uko uburyo Mashami yakoresha kugirango atsinde ari uko nta musimbura wakagombye kuba yicaye ku ntebe y'abasimbura ahubwo ko bose bagakwiye kuzenguruka ikibuga bishyushya bityo bigatera gucanganyukirwa abakinnyi n'abatoza ba Togo bibaza ugiye kujyamo uwariwe. Japhet na Etienne kandi bavuze ko umukino ugitangira abakinnyi bose bagakwiye kuvuza igikobwakobwa no gucs imigara kugirango abari muri stade bose bamenye ko ari abanyarwanda. Aba banyarwenya bakomeje bavuze ko indi mpamvu ikomeye yatuma Amavubi atsinda ari ukudacika intege. Bati: Niba hari umukinnyi uhawe ikarita y'umuhondo nta gucika intege ahubwo abakinnyi bose bakagombye guhita bakoma amashyi ndetse bavuga ko Muhadjiri natera umupira ku mutambiko w'izamu (poteau) abakinnyi bose ndetse n'abafana bakwiye guhita bavugiriza induru rimwe bishimye cyane nk'abatsinze ibi nabyo bigatesha umutwe ikipe ya Togo. Ibi nibyo Japhet na Etienne babinyujije mu rwenya bakora bari bageneye umutoza Mashami nk'inama yamufasha gutsinda mbere y'umukino w'U Rwanda na Togo. Japhet na Etienne basabye ko abanyarwanda bakomeza gushyigikirs ikipe y'U Rwanda, Amavubi. Mu gusoza ikiganiro, Japhet na Etienne bifurije abanyarwanda bose umunsi mukuru mwiza w'intwari.

    Like this:

    Like Loading…

    Source : https://yegob.rw/abanyarwenya-japhet-na-etienne-bagiriye-inama-mashami-kugirango-atsinde-aba-basore-ntibasanzwe-mu-gusetsa/

  • Amavubi si ayo kwitondera ni ayo gutinywa- Babibwiye Mimosa wabahaye ubutumwa bwa Perezida #rwanda #RwOT

    Babivuze habura amasaaha macye ngo bakine umukino wa 1/4 cy’irangiza ry’irushanwa ry’Igikombe cya Africa cy’abakina iwabo (CHAN) baza guhuramo na Guinea.

    Iyi kipe y’u Rwanda itarahabwaga amahirwe, kuva yagera muri iri rushanwa ntiratsindwa kuko imikino ibiri yo mu matsinda bayinganyije bagatsinda umwe wanabinjije muri 1/4.

    Ku gicamunsi cyo kuri iki cyumweru bagiranye ikiganiro na Minisitiri wa Siporo, Aurore Mimosa Munyangaju abagezaho ubutumwa bwa Perezida wa Repubulika, Paul Kagame wabifurije intsinzi.

    Nyuma y’Iki kiganiro, Minisitiri Mimosa yatambukije ubutumwa bwe kuri Twitter agira ati 'Mu nama twagiranye n’Amavubi yiyemeje gushimangira ko atari ayo kwitonderwa ahubwo ari ayo gutinywa ! Tubadwinge Natwe i Rwanda dufane, twishimane na bo tubari inyuma kandi twubahiriza ingamba zo kwirinda COVID-19.'

    Ejo hashize, aba basore bashyiriweho agahimbazamusyi ka 3000 USD mu gihe batsinda Guinea azaba yiyongereye ku yandi 5000 USD babonye mu mikino bakinnye mbere.

    Ikipe y’u Rwanda ari na yo yonyine yo mu Karere ka Africa y’Iburasirazuba yinjiye muri 1/4, ubwo yatsinda Togo 3-2, yatangaje benshi kubera imikinire y’abasore bayo, bakotanye bigatinda kugeza babonye intsinzi.

    Ni intsinzi yakiriwe neza n’Abanyarwanda bataherukaga kubona ibyishimo nk’ibi, birengagije ibihe bidasanzwe byo kwirinda icyorezo cya COVID-19 by’umwihariko mu Mujyi wa Kigali, bibagiwe ibya guma mu rugo bakirara mu mihanda bishimira iriya ntsinzi.

    Inzego z’umutekano n’iz’ubuzima zikomeje kwibutsa abaturarwanda ko ntakiruta kwirinda kiriya cyorezo, zibasaba ko mu gihe bafana ikipe yabo batarenga ku mabwiriza yo kwirinda iki cyorezo.

    UKWEZI.RW

    Source : http://www.ukwezi.rw/Imikino/article/Amavubi-si-ayo-kwitondera-ni-ayo-gutinywa-Babibwiye-Mimosa-wabahaye-ubutumwa-bwa-Perezida