Author: webrwanda

Ikipe y’igihugu y’u Rwanda isezerewe itarenze 1/4 cya CHAN 2020 irimo kubera muri Cameroun, ni nyuma yo gutsindwa na Guinea Conakry 1-0, ni umukino umunyezamu Kwizera Olivier yabonyemo ikarita ituruka itavuzweho rumwe.

Amavubi yageze muri 1/4 cya CHAN 2020 nyuma yo kuzamuka mu itsinda C ari aya kabiri, akaba yari yahuye na Guinea Conakry yazamutse ari iya mbere mu itsinda D.

Muri 11 umutoza Mashami Vincent yari yifashishije nta mpinduka nini zari zabayemo ugereranyije n’ababanjemo ku mukino wa Togo usoza itsinda.

Manzi Thierry wagiriye imvune muri uyu mukino ni we utagaragaye muri 11 aho yasimbuwe na Emery Bayisenge.

Amakipe yombi yatangiye ashaka igitego hakiri kare, mu minota 10 ya mbere Mangwende yahinduye imipira ibiri yakabaye yavuyemo ibitego ariko ba rutahizamu b’u Rwanda ntibayibyaza umusaruro.

Ku munota wa 14 umukinnyi wa Guinea, Mory Kante yahawe ikarita ituruka nyuma y’ikosa yakoreye Jacques Tuyisenge amukandagira mu ivi ry’iburyo aho yahise ava mu kibuga asimburwa na Sugira Ernest.

Ku munota wa 26 Sugira Ernest yagonganye n’umunyezamu wa Guinea Conakry ku mupira wari uvuye muri koruneri yari itewe na Muhadjiri, uyu munyezamu yahise aryama hasi kimwe na Sugira Ernest, umukino wahagaze iminota igera muri 3. Sugira Ernest yahise ahabwa ikarita y’umuhondo.

Ku munota wa 35 Kalisa Rashid yongeye gutonekara asimburwa na Martin Fabrice.

N’ubwo Guinea bari bake mu kibuga wabonaga irimo irusha u Rwanda ariko nta mahirwe menshi yabonye uretse nko ku munota wa 44 ariko umunyezamu Kwizera Olivier abyitwaramo neza.

Amavubi nta mahirwe yigeze abona ahambaye, guhuza no kubaka uburyo bw’igitego byari byanze, baranzwe no gukora amakosa mensi aho igice cya mbere cyarangiye ari 0-0 u Rwanda rwari rufite amakarita atatu y’umuhondo (Seif, Muhadjiri na Sugira).

Sugira Ernest yahushije igitego igice cya kabiri kigitangira ku mupira wahinduwe na Savio, agiye gutera mu izamu umupira ukubita igiti cy’izamu.

Ku munota wa 59 umunyezamu Kwizera Olivier yahawe ikarita ituruka ku ikosa yakoreye rutahizamu wa Guinea itavuzweho rumwe.

Yahise avamo maze umutoza akora impinduka havamo Byiringiro Lague hajyamo umunyezamu Kimenyi Yves wahise unatsindwa kufura ubwo bahanaga iri kosa ryakozwe na Kwizera Olivier, iyi kufura yatewe na Sylla.

Amavubi yagerageje gushaka uburyo yishyura iki gitego, babonye amahirwe ariko abasore barimo Sugira na Savio bakubise umutambiko ntibyabahira. Umukino warangiye ari 1-0, u Rwanda ruhita rusezererwa mu irushanwa.

U Rwanda rwaherukaga kugarukira muri 1/4 muri CHAN 2016 yabereye mu Rwanda.

Muri 1/2 Cameroun izahura na Maroc, Mali na Guinea Conakry. Imikino ya 1/2 iteganyijwe tariki ya 3 Gashyantare 2021.

Abakinnyi 11 babanjemo ku ruhande rw’Amavubi

Kwizera Olivier, Omborenga Fitina, Imanishimwe Emmanuel Mangwende, Emery Bayisenge, Mutsinzi Ange Jimmy, Kalisa Rashid, Niyonzima Olivier Seif, Hakizimana Muhadjiri, Nshuti Dominique Savio, Byiringiro Lague na Jacques Tuyisenge

Jacques Tuyisenge yavuye mu kibuga hakiri kare

Mangwende yagerageje ku ruhande rw’u Rwanda

Emery Bayisenge niwe wahise wambara igitambaro cya kapiteni

Amavubi ntiyahiriwe

Mu rwego rwo kwizihiza umunsi w’Intwari z’u Rwanda usanzwe uba buri mwaka tariki ya Mbere Gashyantare, Urwego rushinzwe Intwari z’igihugu, Imidari n’Impeta by’ishimwe (CHENO) bateguye amarushanwa y’indirimbo n’imivugo bisingiza Intwari z’u Rwanda, byigisha bikanakangurira Abanyarwanda kwimakaza indangagaciro z’umuco w’ubutwari.

Mu mivugo, abarushanyijwe ni 61 ariko hatoranyijwemo batatu ba mbere aho uwa mbere ari uwitwa “Ndikeshe nzikesha” wahimbwe na Uwanyirigira Josiane, uwa kabiri uba uwitwa “Imvune zabo, Imvano y’Ibyiza” wahimbwe na UYISABA Pascaline afatanyije na Ndizihiwe Erick naho uwabaye uwa gatatu ni uwitwa “Isoko nkesha iyi nseko” wahimbwe na MURARA Aime Prince.

Hanyuma mu cyiciro cy’indirimbo, uwabaye uwa mbere ni Bahoze Diane wahimbye indirimbo yitwa Turate intwari, uwa kabiri aba umuhanzi ukunzwe na benshi mu Rwanda, Clarisse Karasira wahimbye iyitwa Mwabaye Intwari naho uwa gatatu aba TUYISENGE Jean de Dieu bakunda kwita Intore mu ndirimbo ye yise Umuco w’ubutwari. Mu ndirimbo, abari bahatanye bageraga kuri 55.

Ku bijyanye n’ibihembo, indirimbo ya mbere izahembwa amafaranga y’u Rwanda 800.000 hiyongereho andi 150.000 yo gukoresha iyo ndirimbo muri studio, yose hamwe abe 950.000. Indirimbo ya kabiri ni ni amafaranga 600.000 kongeraho 150.000 yo gukora indirimbo yose hamwe akaba 750.000 naho iya gatatu yo izahembwa amafaranga y’u Rwanda 500.000 hiyongereho 150.000 yo kuyitunganya hanyuma yose hamwe abe 650.000.

Ku mivugo ho, uwa mbere azahembwa amafaranga y’u Rwanda 500.000, uwa kabiri uhabwe amafaranga 300.000 naho uwa gatatu uhabwe amafaranga 200.000.

Aya makuru yamenyekanye ku mugoroba wo kuri uyu wa Gatanu tariki ya 29 Mutarama 2021, ubwo abakozi bari bagiye kuvidura ibi byobo bakuragaho beto iba ihapfundikiye bagasangamo uyu murambo. Bahise bihutira kubimenyesha ubuyobozi bw’iki Kigo Nderabuzima cya Gahunga.

Ku wa 30 Mutarama, Umuyobozi w’Ikigo Nderabuzima cya Gahunga, Nasabyimana Martine yavuze ko bataramenya imyirondoro ya nyakwigendera kuko bataramukura muri icyo cyobo.

Yagize ati “Njyewe nahamagawe n’abaraye izamu nimugoroba kuko nari natashye, bambwira ko abari baje kuvidura ibyo byobo basanzemo umurambo, baraye bagerageje kuwukuramo ntibyakunda urumva bwari bunije ariko ubu nibyo tukigerageza dufatanyije n’izindi nzego harimo na Polisi. Ntabwo yari yamenyekana kuko nta n’uwigeze arwarira iwacu, nta n’umuntu wari wamumenya gusa, ukurikije uko uwari ugiye kuvidura yambwiye ngo wabonaga umubiri we waba utarengejemo iminsi nk’ibiri.”

Hari amakuru avuga ko uyu murambo waje gukurwa muri iki cyobo mu masaha y’umugoroba ugahita woherezwa I Kigali kugira ngo ukorerwe isuzuma hamenyekane icyateye urupfu rwa nyakwigendera.