Author: webrwanda

Ibi yabigarutseho ku wa 03 Gicurasi 2025, mu gikorwa cyo Kwibuka ku nshuro ya 31 Jenoside yakorewe Abatutsi mu Karere ka Nyamagabe, mu Murenge wa Cyanika, ahibukwaga Abatutsi biciwe kui Paruwasi Gatolika ya Cyanika.

Nikuze Mariane waharokokeye, yagaragaje ubugome ndengakamere bakorewe bicishwa inyota ngo babure intenge bazaninirwe guhunga.

Yagaragaje ko mbere y'uko baza kubica babanje guca amatiyo yazanaga amazi kuri Paruwasi, ibyatumye babura ubuzima maze bamwe mu bana bagatangira kwicwa n'inyota kugeza ku wa 21 Mata 1994, ubwo Interahamwe n'abandi bicanyi bagiye kubica bavuye no kwica i Murambi.

Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène, yagaragaje ko n'ubwo iyi Paruwasi Gatolika ya Cyanika yashinzwe mu 1935, ariko nta mbuto z'urukundo zigeze zihaboneka kuko aka gace kabaye igicumbi cya Jenoside kuko yahatangiye kuva kera mu cyiswe Noheli y'amaraso mu bwicanyi bwahabaye mu mwaka wa 1963.

Yagaragaje uko inama yo kwica Abatutsi kuri Noheli yo mu 1963, uwa Perefe wa Gikongoro, Nkeramugaba Andreé, yaje gukoreshereza mu Cyanika ku wa 23 Ukuboza muri uwo mwaka.

Perezida wa Sena, Dr. Kalinda François Xavier, yavuze ko kwibuka ari umwanya uboneye wo gusesengura amateka y'u Rwanda hagamijwe gukumira ko Jenoside yazongera kubaho ukundi, kuko imbaraga zo kuyikumira zihari.

Yagize ati 'Iyi myaka 31 ishize, igaragaza ko ibyagezweho byubakiye ku bumwe bw'Abanyarwanda, bikaduha ikigereranyo hagati y'ubuyobozi bubi n'ubwiza. Ni yo mpamvu, abarota kongera guhembera amacakuru n'ingengabitekerezo ya Jenoside, imbaraga zo kubatsinda zihari kandi na bo barabizi.'

Iyi gahunda yo Kwibuka mu Cyanika, yanahuriranye no gushyingura imibiri 53 mu cyubahiro irimo 51 yabonetse hirya no hino mu murenge ndetse n'indi ibiri yimuwe, aho ije isanga indi isaga ibihumbi 40, iruhukiye mu Rwibutso rwa Cyanika.

Umurenge wa Cyanika uhuje amateka n'ibindi bice byinshi, aho umunsi wo ku wa 21 Mata 1994 wishweho Abatutsi benshi mu gihugu barenga ibihumbi 250 mu bice nka Cyanika, Murambi na Kaduha mu Karere ka Nyamagabe, Karama, Cyarwa, Tumba na Kinazi muri Huye, Nyanza, i Gishubi muri Gisagara, Muhanga, Ruhango, Kamonyi n'ahandi.

Perezida wa Sena, Dr. Kalinda François Xavier, yavuze ko abahembera ingengabitekerezo ya Jenoside ntacyo bazageraho kuko u Rwanda rufite imbaraga zo kubarwanya

Minisitiri Dr. Bizimana yagaragaje mu Cyanika habaye indiri ya Jenoside guhera mbere ya 1994

Abatuye mu Cyanika basabwe kubaka ubumuntu muri bagenzi babo

Abagize inzego z’ubuyobozi bw’Akarere ka Nyamagabe n’iz’umutekano bashyira ururabo aharuhukiye Abatutsi biciwe kuri Paruwasi ya Cyanika

Minisitiri Dr. Bizimana, Perezida wa Sena, Dr. Kalinda na Guverinei w’Intara y’Amajyepfo, Kayitesi Alice, muri iki gikorwa cyo Kwibuka Jenoside yakorewe Abatutsi mu Cyanika

Paruwasi Gatolika ya Cyanika yashinzwe mu 1935 ariko mu 1994 hicirwa Abatutsi benshi

Hanashyinguwe imibiri 53, harimo 51 yabonetse, n’ibiri yimuwe

Urwibutso rwa Jenoside rwa Cyanika, ruruhukiyemo abasaga ibihumbi 40

Ibiganiro bigamije gushakira umuti ikibazo cy'umwuka mubi uri hagati y'u Rwanda na RDC, hashize iminsi mike bitangiye gushyirwamo imbaraga cyane ndetse byinjiyemo ibihugu birimo Leta Zunze Ubumwe za Amerika, Qatar, u Bufaransa n'ibindi.

Mu gihe ibi biganiro biri kuba, u Bubiligi buherutse kugaragaza ko bwifuzaga kubigiramo uruhare, ariko hari imbogamizi bw'uko u Rwanda rwaciye umubano nabwo.

Ubwo Minisitiri w'Ububanyi n'Amahanga w'u Bubiligi, Maxime Prévot, yagiriraga uruzinduko muri RDC, yasobanuye ko kugira ngo igihugu kibe umuhuza, biba bisaba ko cyemerwa n'impande zose zifitanye amakimbirane, ariko ngo si ko biri ku Bubiligi.

Yagaragaje ko icyemezo u Rwanda rwafashe muri Werurwe 2025 cyo guhagarika umubano warwo n'u Bubiligi, ubwo rwabushinjaga kubogamira kuri RDC bugamije kwenyegeza aya makimbirane, ari cyo cyabaye imbogamizi.

Mu kiganiro na RBA, Minisitiri w'Ububanyi n'Amahanga w'u Rwanda, Amb. Olivier Nduhungirehe, yagaragaje ko u Bubiligi budakwiriye guhirahira bwinjira muri ibi biganiro kubera imyitwarire yabwo.

Ati 'Kuba Minisitiri w'Ububanyi n'Amahanga w'u Bubiligi aza mu karere mu bindi bihugu ni uburenganzira bwe, ariko ibyo yakorana nabo byose ntabwo bireba u Rwanda, kandi nta nubwo binareba n'ibi biganiro turimo kuko numvise ko bashaka kugira uruhare muri ibi biganiro, nta ruhare bagomba kugira muri ibi biganiro turimo kubera ko bagaragaje ko badashobora kwizerwa mu kutagira uruhande babogamiyemo, kuko bagaragaje ko babogamiye ku ruhande rwa Kinshasa.'

Minisitiri Nduhungirehe yakomeje avuga ko abibwira ko u Bubiligi ari igihugu gifite ijambo mu karere kandi gikwiriye kugira uruhare mu bihakorerwa bibeshya.

Ati 'U Bubiligi nta jambo bugifite mu karere kuko u Bubiligi ni igihugu cyakolonije ibihugu bitatu byo muri aka karere, RDC, u Rwanda n'u Burundi ngira ngo no muri Minisiteri yabo y'ububanyi n'amahanga bari bafite ishami rinini rishinzwe aka karere kurusha ibindi bihugu by'i Burayi.'

Yavuze ko aho kugira ngo u Buligi bukoreshe neza umwanya bwari bufite mu karere, bwawangije.

Ati 'Aho kugira ngo bakoreshe uwo mwanya neza mu kureba ukuntu hagaragara amahoro muri aka karere, bakoresheje uwo mwanya wabo nabi mu gushyigikira Leta ya Congo, mu gushaka gukangurira amahanga yose ngo afatire u Rwanda ibihano, nibyo byatumye duhagarika umubano n'u Bubiligi, hanyuma bikaba byumvikana ko Leta y'u Bubiligi nta jambo igifite mu karere, ntabwo ushobora kugira ijambo mu karere waracanye umubano na kimwe mu bihugu byo muri aka karere aricyo u Rwanda, ibyo birumvikana.'

Muri Werurwe 2025 nibwo u Rwanda rwafashe icyemezo cyo gucana umubano n'u Bubiligi, runategeka abadipolomate b'iki gihugu kuva ku butaka bwarwo.

Impamvu y'icyo cyemezo ni uko hari hashize igihe kinini u Bubiligi busaba amahanga n'imiryango mpuzamahanga kurufatira ibihano, burushinja gufasha umutwe witwaje intwaro wa M23 ukorera muri RDC.

U Rwanda rwarabihakanye, rwamagana iyo myitwarire y'u Bubiligi, igihugu cyagize uruhare rukomeye mu mateka mabi yabaye mu Karere ka Afurika y'Ibiyaga Bigari, kuva mu bihe bwarukolonizaga hamwe na RDC ndetse n'u Burundi.

Minisitiri w'Ububanyi n'Amahanga, Amb. Olivier Nduhungirehe, yavuze ko kugeza ubu nta biganiro bihari bigamije kuzahura umubano hagati y'u Rwanda n'u Bubiligi, ndetse ashimangira ko icyo gihe kitaragera.

Minisitiri w'Ububanyi n'Amahanga w'u Bubiligi, Maxime Prévot, aherutse kugirira uruzinduko i Kinshasa ahura na Perezida Félix Antoine Tshisekedi

Trump yavuze ko ateganya guha uburenganzira Ishami rishinzwe Ubucuruzi kugira ngo ritangire gusoresha filimi zo mu mahanga zerekanwa muri Amerika, kuko uruganda rwa sinema mu gihugu cye 'rwari rutangiye gupfa rwihuse'.

Yavuze ko hari na filimi zimwe na zimwe zo mu mahanga zibangamira umutekano w'igihugu, ngo kuko ziba zirimo icengezamatwara ritari ukuri kuri Amerika.

Ati 'Dukeneye ko filimi zikorewe muri Amerika zongera kugaruka.'

Umunyamabanga wa Leta ushinzwe Ubucuruzi, Howard Lutnick, yahise asubiza Trump ati 'Turi kubikoraho'.

Ntabwo uburyo bizakorwa buratangazwa, ndetse ntibizwi niba uyu musoro uzashyirwa no ku nganda zo muri Amerika zikorera filimi mu mahanga.

Ibigo bikomeye mu gutunganya filimi muri Amerika byari bimaze iminsi bijya kuzikorera hanze y'iki gihugu. Zimwe mu zamamaye zakiniwe hanze ya Amerika harimo nka Deadpool & Wolverine, Wicked, Gladiator II n'izindi nyinshi.

Trump yatangaje ko filimi zitari izo muri Amerika zigiye kujya zitanga umusoro wa 100%

Ibi byagarutsweho ku wa 4 Gicurasi 2025, mu gikorwa cyo Kwibuka ku nshuro ya 31 abagore n'abana biciwe ku Ibambiro mu Karere ka Nyanza.

Ubusanzwe izina Ibambiro, rikomoka mu bihe bya kera aho ako gace kiswe ku Ibambiro, kuko habambwaga impu z'inka, kugira ngo zizakorwemo ibikoresho bitandukanye.

Mukandutiye Immacule, warokotse Jenoside yakorewe ku Ibambiro afite imyaka 18, yavuze mu gihe cya Jenoside hiciwe Abatutsi benshi, aho nyina umubyara n'abandi bo mu muryango we biciwe aha, abenshi bakabajugunya mu musarane w'urusengero rwa ADEPR ruhari ari bazima.

Ati “Bafataga abantu nka batanu bakabakubita ubuhiri, ariko bakabata mu cyobo batarahwana, kuko umubare munini n'uw'abatawemo bari bazima, nyuma yo gusabwa kwicukurira bakabyanga.'

Yasabye ko imva abiciwe ku Ibambiro bashyinguyemo yasimbuzwa urwibutso kuko itabahesha agaciro, bakanashingira ku mateka akomeye hafite.

Ati 'Abacu baracyashyinguye mu mashitingi, turasaba ko hakubakwa urwibutso bagahabwa icyubabiho, rukanigisha ababyiruka ububi bwa Jenoside.'

Ndayambaje Védaste na we ufite abe bashyinguye ku Ibambiro yunze mu rya Mukandutiye asaba ko ubuyobozi bwabafasha kubona urwibutso rusigasira amateka y'ibyabereye aha, ashimangira ko ubwicanyi bwo ku Ibambiro bwibasiye abana n'abagore ari ikimenyetso zimusiga ko Jenoside yakorewe Abatutsi yari igamije kubarimbura.

Perezida wa Ibuka mu karere ka Nyanza, Niyitegeka Jean Baptiste, yavuze ko ku Ibambiro hari amateka yihariye ari yo mpamvu hakwiriye kwihutishwa umushinga wo kuhubaka urwibutso rwazabungabunga amateka, rugaha agaciro abahiciwe, ariko by'umwihariko rugamije no kuba ishuri ry'amateka.

Visi Perezida w'Inteko Ishinga Amategeko, Umutwe w'Abadepite, Uwineza Béline, na we yavuze ko nk'Inteko Ishinga Amategeko, bazokomeza kubaba hafi mu rugendo rwo kubaka uru rwibutso ku Ibambiro.

Ati 'Tuzakomeza kubaba hafi muri uru rugendo, inzira yatangiye ntabwo izahagarara, uko ubushobozi bw'igihugu cyacu bugenda buboneka, tuzagera igihe tugire urwibutso rwihariye rw'aya mataka.'

Ku Ibambiro, hiciwe abana n'abagore 454 bari bakuwe mu rusengero rwa ADEPR watabwa mu musarane, ndetse n'umusaza umwe wababimburiye kwicwa ngo kugira ngo akize umwaku abicanyi, batazasamwa n'amaraso y'abana n'abagore bari bagiye kwica, kuko bitari bisanzwe bibaho mu Rwanda.

Mu gihe uru rwibutso rwaba rumaze kuzura aha ku Ibambiro, rukazaba rufite n'igice cy'amateka.

Abagore n’abana 454 bashyinguye ku Ibambiro bibutswe baturwa indabo

Mukandutiye Immaculée warokotse ubwicanyi bwo ku Ibambiro yasabye ko kuhubaka Urwibutso byakwihutishwa kugira ngo amateka yaho asigasirwe

Visi Perezida w’Umutwe w’Abadepite, Uwineza Béline, yavuze ko Inteko Ishinga Amategeko, izakomeza kubaba hafi mu iyubakwa ry’urwibutso ku Ibambiro

Iki cyobo cyari umusarane cyatawemo abana n’abagore 454 bishwe nabi cyane ku Ibambiro

Inzu isigaye ari urusengero rwa ADEPR rwo ku Ibambiro ni yo yari yahurijwemo abana n’abagore b’Abatutsi mbere yo kubica

Yabitangaje ku wa 04 Gicurasi 2025 mu kiganiro Inkuru mu Makuru cya RBA.

Ku wa 10 Werurwe 2025 intumwa zikora mu bijyanye n'ubutasi bw'u Rwanda n'iz'u Burundi zahuriye mu Ntara ya Kirundo, ziganira ku bibazo by'umutekano byateje umwuka mubi mu mubano w'ibihugu byombi.

Imwe mu ngingo ikomeye zaganiriweho ni ukuba u Burundi bwafungura imipaka yabwo n'u Rwanda bwafunze muri Mutarama 2024.

Minisitiri Nduhungirehe yavuze ko ibyo biganiro bigikomeje ndetse n'iyo ahuye na mugenzi we w'u Burundi buri gihe bagaragarizanya ubushake bwo gukemura ikibazo kiri hagati y'u Rwanda n'u Burundi kugira ngo bibane neza.

Ati 'Ariko ikibazo tugira ni uko rimwe na rimwe Perezida w'u Burundi atanga ikiganiro mu bitangazamakuru mpuzamahanga ashinja u Rwanda, bikaba bitudindiza mu byo twifuza. Ntabwo ari Abanyarwanda gusa n'Abarundi bifuza ko twagarura umubano mwiza hagati y'ibihugu byombi.'

Minisitiri Nduhungirehe yagarutse ku biganiro Perezida Ndayishimiye aherutse kugirana n'ibitangazamakuru mpuzamahanga ashinja u Rwanda ko ngo rushaka gutera igihugu cye, ibintu rutahwemye kugaragaza ko nta shingiro bifite.

Ati 'Bivuze ko ibyo biganiro bitudindiza ariko ntabwo bizaduca intege mu gushaka amahoro n'u Burundi, n'uko umubano wakongera kumera neza.'

Kugira ngo ibyo bigerweho Minisitiri Nduhungirehe yavuze ko u Rwanda rwifuza ko impande zombi zakomeza gukorana ku rwego rw'umutekano ariko n'imvugo zibasira ikindi gihugu ku mpande zombi zikagabanyuka.

Ati 'Cyane ko [izo mvugo] ziba zidashingiye ku kuri. Iyo uvuze ngo u Rwanda rurashaka gutera u Burundi, ibyo ntabwo bishingiye ku kuri n'Abarundi ubwabo barabizi. Twifuza ko izo mvugo zagabanyuka ku ruhande rw'u Burundi hanyuma tugakomeza gufatanya igihe nikigera umubano uzongera ugaruke.'

Muri Mutarama 2025 ni bwo Guverinoma y'u Burundi yafunze imipaka yose ihuza icyo gihugu n'u Rwanda.

Hari nyuma y'amarenga Perezida Ndayishimiye yari yaciye mu ijambo risoza umwaka wa 2023, ko ashobora gufunga imipaka ihuza igihugu cye n'u Rwanda nyuma yo kurushinja gufasha umutwe wa RED Tabara urwanya ubutegetsi bwe.

Ni ibirego u Rwanda rwateye utwatsi, rugaragaza ko nta shingiro bifite, dore ko n'ibice RED Tabara yanyuzemo itera u Burundi, ntaho bihuriye n'u Rwanda.

Nyuma yo gufunga umupaka Ndayishimiye yagiye agaragara mu mvugo zitandukanye zishinja u Rwanda ko rushaka gutera igihugu cyabo, nyamara rukabihakana rugaragaza ko nta shingiro bifite.

Minisitiri Nduhungirehe yagaragaje ko Perezida Ndayishimiye ari kudindiza umunano w’u Rwanda n'u Burundi binyuze mu mvugo ze

Perezida Ndayishimiye akomeje kwibasira u Rwanda, akwiza ikinyoma cy’uko rushaka gutera igihugu cyabo, rwo rukagaragaza ko ari amakuru adafite ishingiro

Ni imvura iteganyijwe cyane cyane mu Mujyi wa Kigali, Intara y'Amajyaruguru n'iy'Iburengerazuba ndetse no mu turere twa Muhanga, Nyaruguru, Nyamagabe, Huye, Rwamagana, Ngoma na Kirehe.

Mu butumwa buburira Meteo Rwanda yanyujije ku mbuga nkoranyambaga kuri uyu wa 4 Gicurasi 2025, yatangaje ko imvura iteganyijwe izaba iri hagati ya milimetero 25 na 60.

Meteo Rwanda yatangaje ko ingaruka ziteganyijwe guterwa n'iyo mvura nyinshi, zirimo imyuzure mu bishanga no mu bibaya, inkangu, isuri n'iriduka ry'imikingo iri ahahanamye hatarwanyijwe isuri, ingaruka ziterwa n'inkuba.

Yakomeje ivuga ko 'Turagira inama Abaturarwanda gukomeza gufata ingamba zijyanye no kwirinda ingaruka zituruka ku mvura n'umuyaga mwinshi biteganyijwe.'

Imvura iherutse kugwa mu Mujyi wa Kigali kuva tariki ya 10 kugeza ku wa 13 Mata 2025, yahitanye ubuzima bw'abantu babiri.

Raporo ya Minisiteri y'Ibidukikije igaragaza ko mu myaka icyenda yashize kugeza mu 2023 abantu 1595 bishwe n'ibiza bitandukanye, mu gihe byakomerekeje abandi 2368.

Imyuzure yishe 307 ikomeretsa 101, inkangu zihitana abantu 425 ikomeretsa 187, inkuba zica abantu 538 zikomeretsa 1338, imvura nyinshi ihitana 315 ikomeretsa 612, mu gihe umuyaga mwinshi wahitanye abantu 10 ukomeretsa abandi 128.

Kuva ku wa 4 Gicurasi kugeza ku wa 6 Gicurasi 2025, mu Rwanda hateganyijwe imvura nyinshi

Uyu musore yafatiwe mu Murenge wa Nyabirasi, Akagari ka Mubuga ku mugoroba wo ku wa 3 Gicurasi.

Umunyamabanga Nshingwabikorwa w'Umurenge wa Nyabirasi, Mpirwa Migabo, yahamirije IGIHE ko ukekwaho gusambanya abana babiri yidegembyaga muri uyu murenge.

Ati 'Nibyo koko uwo musore washakishwaga akekwaho gusambanya abana babiri, barimo uw'imyaka 13 n'uwa 12 yafatiwe mu Kagari atuyemo yidegembya. Abo bana bahuriye na we aho afungiye ngo bagaragarize Ubugenzacyaha niba uwafashwe ari we.”

Akomeza avuga ko uyu musore bahise bamushyikiriza Polisi y'u Rwanda ishami rya Kivumu.

Umusore ukwekwaho gusambanya abana babiri yatawe muri yombi

Imyanda yose ikusanywa muri iri soko irimo ibora n'itabora yose irundwa ku ruhande mu isoko, ibituma hari ubwo byuzura bikahaborera, bigateza amasazi n'umunuko.

Umwe mu bagore badodera hafi y'aharundwa iyi myanda yabwiye IGIHE ko bimubangamira asaba ko iki kimoteri cyashakirwa ahandi kijyanwa.

Ati 'Iyo izuba rivuye haba hari gutumuka amasazi menshi, kandi n'umunuko uvamo uratubangamira nk'abadodera hano ndetse n'abakiriya bacu. Icyifuzo cyacu ni uko iki kimoteri cyakwimurirwa ahandi'.

Uwayisenga Pascasie uhahira muri iri soko avuga ko iyi myanda
Ibangamiye abarihahiramo kuko aho imenwa hegeranye n'ahacururizwa imbuto n'isambaza.

Ati 'Hari igihe uhagera ugiye guhahira abacuruzi aho imenwa ukumva haranuka. Icyifuzo cyacu ni uko ikimoteri bakimura'.

Undi mugore ucururiza imbuto muri iri soko yagize ati 'Mu gihe cy'izuba haba hatumuka amasazi menshi. Abashinzwe kubitwara baratinda cyane kuko babihakura byarabaye ifumbire y'imborera'.

Umuyobozi w'Akarere ka Nyamasheke, Mupenzi Narcisse, yavuze ko muri iri soko bahashyize ibikoresho by'imbaho bishyiramo imyanda akavuga ko bagiye gukora ubugenzuzi hakarebwa niba ashinzwe gutwara ibyo bishingwe batabihatinza no kureba niba ntababimena ku ruhande.

Ati “Turaza kureba ko batabihatinza kubera ko icyo gipuberi twateganyaga ko bitajya biharenza icyumweru. Biba bigomba kutahatinda kuko hari site tujya kubimenaho mu Mudugudu wa Rwakagara. Icyo kibazo turaza kugisuzuma kandi ndumva byoroshye kugikemura”.

Isoko rya Tyazo rikoreramo abarenga 300 rikaba ricururizwamo ibiribwa by'amoko atandukanye n'imyambaro.

Mu karere ka Nyamasheke abacururiza mu isoko rya Tyazo babangamiwe n’imyanda imenwa hafi y’aho bacururiza

Mu gihe cy’izuba iyi myanda iranuka ikanatumaho amasazi

Ibi yabigarutseho ku wa 03 Gicurasi 2025, mu gikorwa cyo Kwibuka ku nshuro ya 31 Jenoside yakorewe Abatutsi mu Karere ka Nyamagabe, mu Murenge wa Cyanika, ahibukwaga Abatutsi biciwe kui Paruwasi Gatolika ya Cyanika.

Nikuze Mariane waharokokeye, yagaragaje ubugome ndengakamere bakorewe bicishwa inyota ngo babure intenge bazaninirwe guhunga.

Yagaragaje ko mbere y'uko baza kubica babanje guca amatiyo yazanaga amazi kuri Paruwasi, ibyatumye babura ubuzima maze bamwe mu bana bagatangira kwicwa n'inyota kugeza ku wa 21 Mata 1994, ubwo Interahamwe n'abandi bicanyi bagiye kubica bavuye no kwica i Murambi.

Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène, yagaragaje ko n'ubwo iyi Paruwasi Gatolika ya Cyanika yashinzwe mu 1935, ariko nta mbuto z'urukundo zigeze zihaboneka kuko aka gace kabaye igicumbi cya Jenoside kuko yahatangiye kuva kera mu cyiswe Noheli y'amaraso mu bwicanyi bwahabaye mu mwaka wa 1963.

Yagaragaje uko inama yo kwica Abatutsi kuri Noheli yo mu 1963, uwa Perefe wa Gikongoro, Nkeramugaba Andreé, yaje gukoreshereza mu Cyanika ku wa 23 Ukuboza muri uwo mwaka.

Perezida wa Sena, Dr. Kalinda François Xavier, yavuze ko kwibuka ari umwanya uboneye wo gusesengura amateka y'u Rwanda hagamijwe gukumira ko Jenoside yazongera kubaho ukundi, kuko imbaraga zo kuyikumira zihari.

Yagize ati 'Iyi myaka 31 ishize, igaragaza ko ibyagezweho byubakiye ku bumwe bw'Abanyarwanda, bikaduha ikigereranyo hagati y'ubuyobozi bubi n'ubwiza. Ni yo mpamvu, abarota kongera guhembera amacakuru n'ingengabitekerezo ya Jenoside, imbaraga zo kubatsinda zihari kandi na bo barabizi.'

Iyi gahunda yo Kwibuka mu Cyanika, yanahuriranye no gushyingura imibiri 53 mu cyubahiro irimo 51 yabonetse hirya no hino mu murenge ndetse n'indi ibiri yimuwe, aho ije isanga indi isaga ibihumbi 40, iruhukiye mu Rwibutso rwa Cyanika.

Umurenge wa Cyanika uhuje amateka n'ibindi bice byinshi, aho umunsi wo ku wa 21 Mata 1994 wishweho Abatutsi benshi mu gihugu barenga ibihumbi 250 mu bice nka Cyanika, Murambi na Kaduha mu Karere ka Nyamagabe, Karama, Cyarwa, Tumba na Kinazi muri Huye, Nyanza, i Gishubi muri Gisagara, Muhanga, Ruhango, Kamonyi n'ahandi.

Perezida wa Sena, Dr. Kalinda François Xavier, yavuze ko abahembera ingengabitekerezo ya Jenoside ntacyo bazageraho kuko u Rwanda rufite imbaraga zo kubarwanya

Minisitiri Dr. Bizimana yagaragaje mu Cyanika habaye indiri ya Jenoside guhera mbere ya 1994

Abatuye mu Cyanika basabwe kubaka ubumuntu muri bagenzi babo

Abagize inzego z’ubuyobozi bw’Akarere ka Nyamagabe n’iz’umutekano bashyira ururabo aharuhukiye Abatutsi biciwe kuri Paruwasi ya Cyanika

Minisitiri Dr. Bizimana, Perezida wa Sena, Dr. Kalinda na Guverinei w’Intara y’Amajyepfo, Kayitesi Alice, muri iki gikorwa cyo Kwibuka Jenoside yakorewe Abatutsi mu Cyanika

Paruwasi Gatolika ya Cyanikana yashinzwe mu 1935 ariko mu 1994 hicirwa Abatutsi benshi

Hanashyinguwe imibiri 53, harimo 51 yabonetse, n’ibiri yimuwe

Urwibutso rwa Jenoside rwa Cyahinda, ruruhukiyemo abasaga ibihumbi 40