Author: webrwanda

Umuhanzi nyarwanda ukunzwe cyane muri iyi minsi, Chiboo, yongeye kwerekana ko afite intego yo guhanga udushya no gusigasira umuziki nyarwanda, ubwo yasohoraga indirimbo nshya yise VAZI. Iyi ndirimbo yasohotse mu masaha y'umugoroba wo kuri uyu waGatanu, ikaba imaze gutangira guca ibintu ku mbuga nkoranyambaga zitandukanye, by'umwihariko kuri YouTube ye bwite izwi ku izina rya 'Chiboo'.

VAZI ni indirimbo yuje ubuhanga mu miririmbire, amagambo aryoshye, ndetse n'umuziki utanga amarangamutima. Mu buryo yanditsemo ndetse ikanatunganywa, iyi ndirimbo yerekana iterambere n'imbaraga Chiboo akomeje gushyira mu buhanzi bwe.

Ku isura y'amajwi n'amashusho, hari kugaragaramo ubunyamwuga n'urwego rwo hejuru rugaragaza ko Chiboo atari mu rugendo rwo gukina, ahubwo afite intego yo guteza imbere umuziki we n'u Rwanda muri rusange.

Mu mashusho yayo yasohokanye, hagaragaramo imyambarire igezweho, ubugeni buhambaye mu gufata amashusho, ndetse n'uburyo yateguwe n'itsinda rimufasha mu buhanzi rye.

Abafana be bamaze kuyakira neza, aho bamwe bagaragaje ko iyi ndirimbo ishobora kuzaba imwe mu ndirimbo z'icyumweru cyangwa z'ukwezi muri iki gihe.

Abinyujije ku mbuga nkoranyambaga, Chiboo yashimiye abakunzi be uburyo bamushyigikira, anababwira ko iyi ndirimbo ari imwe mu mishinga myinshi ateganya gusohora muri uyu mwaka wa 2025.

Yagize ati: 'VAZI ni impano mpaye abafana banjye, iyi ni intangiriro gusa, hari byinshi biri imbere kandi nzakomeza kubakorera ibihangano byujuje ubuziranenge.'

Chiboo ni umwe mu bahanzi bari kuzamuka mu buryo butangaje, akaba ari n'umwe mu bafatiye runini urubyiruko, bitewe n'ubutumwa atanga ndetse n'uburyo yigaruriye imitima ya benshi binyuze mu ndirimbo ze zifite injyana n'ubutumwa bukubiyemo ubuzima bw'abasore n'inkumi b'iki gihe.

Indirimbo ye nshya VAZI ikaba iri mu ndirimbo yasohoye kandi ko irakomeza kumwubakira izina ndetse ikanaha abakunzi be icyizere ko umuziki nyarwanda ugifite icyerekezo.

Abasesenguzi b'umuziki bavuga ko iyi ndirimbo ishobora gukomeza gukora ku mitima ya benshi ndetse igatuma Chiboo arushaho kugwiza igikundiro no ku rwego mpuzamahanga, cyane cyane mu gihe akomeje gushyira imbaraga mu gukora indirimbo zifite ireme rihanitse.

Kuri ubu, ushaka kureba iyi ndirimbo cyangwa kuyumva, urasabwa gusura urubuga rwe rwa YouTube rwitwa Chiboo, aho yagaragaje ko azakomeza gushyiraho ibihangano byinshi bishya mu minsi iri imbere. Abafana n'abakunzi b'umuziki nyarwanda barasabwa kumushyigikira kugira ngo abashe kugera ku nzozi ze zo gukorera umuziki ku rwego mpuzamahanga.

Source : https://kasukumedia.com/chiboo-akomeje-gutigisa-imbuga-nkoranyambaga-nyuma-yo-gusohora-iindirimbo-nshya-vazi/

Ye yabwiye Kim Kardashian ngo: 'Reka gukoresha North mu nyungu zawe, ndetse no kumusiga wenyine … Niteguye kurwanira abana bacu!'

Kanye West arashinja Kim Kardashian gukoresha abana babo mu buryo bunyuranyije n'amategeko, ndetse akanavuga ko yigeze gusiga umukobwa wabo North West mu modoka wenyine mu gihe Kim yari yitabiriye ibirori bya Met Gala muri iki cyumweru—kandi ubu, Kanye aramuburira ko azamujyana mu nkiko.

Umunyamategeko wa Kanye, Kathy Johnson, yandikiye umunyamategeko wa Kim, Laura Wasser, ibaruwa isaba guhagarika ibyo Kim akora, ivuga ko bifitanye isano n'imibereho n'uburenganzira ku burere bw'abana babo bato: North West, Saint West, Chicago West, na Psalm West.

Nk'uko bizwi, Kim na Kanye batandukanye mu mwaka wa 2021, nyuma y'imyaka 7 bashakanye no kubyarana abana bane. Mu masezerano yo gutandukana, bemeranyije ko bagira uburere busesuye bw'abana bombi (joint custody), ndetse Kanye yemerera Kim amafaranga $200,000 buri kwezi nk'inkunga yo kurera abana.

Kanye arashinja Kim ibyaha bitatu

Mu ibaruwa isaba guhagarika ibyo Kim akora, Kanye avuga ko Kim yakoze ibinyuranyije n'uburenganzira bwe ndetse n'amasezerano y'itandukana mu buryo butatu:

1. Gusiga North wenyine mu modoka

Kanye avuga ko Kim yajyanye North muri Met Gala i New York muri iki cyumweru, ariko agasigara amushinja ko yamusize mu modoka wenyine igihe runaka cy'icyo gikorwa, kandi North afite imyaka 11 gusa. Kanye abifata nk'uburangare bukomeye ku mwana.

2. Kwirengagiza ibyo Kanye yasabye kuri TikTok

Kanye kandi avuga ko Kim yanze kubahiriza ibyo yamusabye, byo kutongera gushyira amafoto n'amashusho ya North kuri TikTok. Yongeraho ko ibyo ari ukunyuranya n'amasezerano yabo kuko we atemera ko abana babo bamamazwa kuri murandasi.

3. Gukumira Kanye mu burenganzira bwo kureba abana be

Kanye avuga ko Kim amwima amahirwe yo kugira uruhare rufatika mu burere bw'abana be, aho avuga ko atigeze abona Saint muri uyu mwaka, kandi n'ibyo kuganira cyangwa kugirana ibihe na North, Chicago, na Psalm byagabanyijwe bikabije.

Ariko, ku kijyanye na Saint, hari amafoto yagiye hanze agaragaza Kanye ari kumwe n'abana be batatu (barimo na Saint) ubwo bari muri Japani muri Mutarama, ibintu byamaze kwemezwa ko bihabanye n'ibyo avuga.

4. Gukoresha North mu nyungu ze bwite

Mu gusoza ibaruwa, Kanye ashinja Kim gukoresha North mu nyungu ze bwite cyangwa iz'ubucuruzi, abinyujije mu gushyira ibikorwa bya North kuri interineti, cyane cyane ibifitanye isano n'ibirori byitabirwa n'abantu benshi. Avuga ko ibyo ari uguhonyora uburenganzira bwe nk'umubyeyi ndetse n'ibyo yamaze kuvuga ko atemera ku bijyanye n'uko abana be bajya ahagaragara mu ruhame.

Ku ruhande rwa Kim Kardashian

Abantu begereye Kim batangaje ko Kanye atigeze agaragaza ubushake buhoraho bwo gusura abana muri uyu mwaka, kandi ko nta na rimwe Kim yamwangiye kubabona igihe yabisabye.

Hari n'ikindi gitangaje: Umunyamategeko wa Kanye, Kathy Johnson, yavuze ko anahagarariye umugore wa Kanye w'ubu, Bianca Censori, ariko ntiyagaragaje neza uruhare Bianca ashobora kugira muri uru rubanza ruri gututumba rurebana n'uburenganzira bwo kurera abana.

Icyo bivuze

Ibiri kuba hagati ya Kanye na Kim byongeye kugaragaza akajagari gahoraho hagati y'ababyeyi batandukanye bashyamiranye ku burere bw'abana. Nubwo bombi bafitanye amasezerano y'uko basangira inshingano z'uburere, hari ibimenyetso by'uko ibyo bumvikanyeho bishobora kuba bitubahirizwa, byaba ku ruhande rwa Kim cyangwa Kanye.

Mu gihe bitarakemurwa mu nkiko cyangwa se mu bwumvikane bwabo bombi, abana babo bane ni bo bagaragara nk'abahungabanywa n'ibi bibazo.

 

Source : https://kasukumedia.com/kanye-west-yandikiye-kim-kardashian-ibaruwa-ikomerera-amushinja-gukoresha-abana-babo-no-kwirengagiza-inshingano/

Mu rubanza rwa Diddy: Umunyamategeko umwunganira yatangaje ko uyu muherwe w'umuziki yakubitanaga na Cassie … Bombi ngo baranzwe n'imyitwarire y'icuruzwa!

Itsinda ryunganira Diddy mu rubanza rikomeje kugaragaza ko uyu muherwe w'umuziki yaba yarakoreraga ihohoterwa uwahoze ari umukunzi we, Cassie … ariko nanone barashimangira ko na Cassie atari intungane … kuko nawe ngo yakunze kumugirira urugomo.

Ku munsi wa kane w'uru rubanza, habayeho impaka zidasanzwe hagati y'umushinjacyaha Emily Anne Johnson n'umwunganizi wa Diddy mu mategeko Marc Agnifilo, ubwo baburaniraga imbere y'umucamanza Arun Subramanian mu rukiko rukuru rwa Leta Zunze Ubumwe za Amerika ruherereye i New York.

Byatangiye Johnson abwira umucamanza ko 'Umwe mu bahohotewe' — bikekwa ko ari Cassie — atazabazwa ibibazo bijyanye n'indwara zimwe na zimwe.

Umucamanza yahise avuga ko nibaramuka binjiye mu bindi bibazo byose by'ubuzima bw'uwo mugore, abaregwa bashobora kubaza uwo mugabo n'abandi batangabuhamya ibyo bashaka byose bijyanye n'iyo ngingo.

Aha niho Agnifilo yahise avuga ko uruhande rw'abunganira Diddy rwemera ko habayeho urugomo rw'impande zombi muri urwo rukundo, ati: 'Bombi barakubitanye. Ihohoterwa ryo mu ngo, ryabaye impande zombi.'

Yakomeje agira ati: 'Tuzemera rwose ko habayeho ihohoterwa ryo mu rugo. Ariko ikibazo ni iki: ryageze ku rugero rwo guhatira umuntu ibintu?'

Umucamanza Subramanian yahise asaba Agnifilo gusobanura neza ibyo avuga, amubaza ati: 'Ese urimo kuvuga ko bombi bari abantu b'abagome gusa?' Agnifilo amusubiza ati: 'Nibyo. Turavuga ko ari ingingo ifite ishingiro.'

Johnson yahise avuga ko agiye gutanga ibaruwa isobanura ibyo bitekerezo ku rukiko, anongeraho ko yiteguye gutanga amashusho abiri yafashwe kuri telefoni hamwe n'andi mashusho yakuwe kuri CNN yerekanaga uko Diddy yakubise Cassie muri 2016 mu cyumba cy'ihoteli ya Intercontinental i Los Angeles.

 

Source : https://kasukumedia.com/abunganira-diddy-babwiye-urukiko-ko-yari-afitanye-urugomo-na-cassie-bombi-barakubitanye/

Ubwo yaganiraga na Televiziyo y'Igihugu, Kamuhire yavuze ko ubu Umugenzuzi Mukuru w'Imari ya Leta agenzura 96,1% by'Ingengo y'Imari y'Igihugu yose.

Ibyo bivuze ko amafaranga angana 3,9% by'Ingengo y'Imari y'Igihugu akoreshwa muri zimwe mu nzego n'ibigo bya Leta adakorerwa ubugenzuzi n'Umugenzuzi Mukuru w'Imari ya Leta.

Ayo mafaranga atagenzurwa ariko Kamuhire yavuze ko nta mpungenge z'imikoreshereze yayo kuko ibigo n'inzego ajyamo bidafite inshingano zisaba ubugenzuzi bw'imari cyane.

Ati 'Ikigero tugenzura cya 96,1% ni ikigero cyo hejuru cyane nta handi nzi babashije kukigeraho. Aho handi na ho iyo dusuzumye dusanga nta kibazo hateje. Hari nk'ibigo usanga Ingengo y'Imari nini yabyo bayihemba abakozi hagasigara ayo bakoresha inshingano bakora.'

'Aho ntitwahata umwanya munini kuruta umushinga w'iterambere twashoyemo miliyari nko mu mazi, amashyanyarazi cyangwa ubuhinzi.'

Kamuhire yagaragaje ko igishimangira uburyo kugenzura imari ya Leta mu Rwanda bihagaze neza, ari abafatanyabikorwa n'abashoramari kuko bagirira icyizere igihugu mu mikoranire.

Yakomeje agaragaza ko abo bafatanyabikorwa basura na Minisiteri y'Imari n'Igenamigambi bakareba uburyo amasoko ya Leta atangwa, uburyo bwo gucunga amafaranga n'ibindi bagasanga bihagaze neza bigatuma imikoranire ikomeza.

Ibyo byiyongeraho kuba u Rwanda ari igihugu kigendera ku mategako, Kamuhire agahamya ko nta mushoramari wagira impungenge zo kuhakorera.

Umugenzuzi Mukuru w'Imari ya Leta, Kamuhire Alexis, yavuze impamvu inzego zose zidakorerwa ubugenzuzi

---

Source : http://igihe.com/amakuru/u-rwanda/article/kuki-hari-inzego-umugenzuzi-w-imari-ya-leta-atageramo

Ni nyuma y'aho mu ijoro ryo ku wa 6 Gicurasi 2025 bikekwa ko ari bo bagiye mu kirombe gicukurwamo amabuye y'agaciro cya Sosiyete yitwa Almaha Mining kiri mu Kagari ka Gahunga, Umudugudu wa Gatare bakomeretsa abantu umunani, biba amafaranga ndetse bangiza ibikoresho, baniba amabuye y'agaciro.

Umuvugizi wa Polisi mu Ntara y'Amajyepfo, SP Emmanuel Habiyaremye, yabwiye IGIHE ko abafashwe ubu bafungiye kuri Sitasiyo ya Polisi ya Busasamana.

Ati 'Bakekwaho ko mu ijoro ryo ku itariki ya 6 Gicurasi bakomerekeje abantu umunani, biba amabuye y'agaciro ya coltan, amafaranga ndetse banangiza n'ibikoresho.'

SP Habiyaremye, yakomeje avuga ko kandi bakekwaho gucukura no kugurisha amabuye y'agaciro bidakurikije amategeko aho banafatanywe moto ebyiri bakoreshaga mu kuyatwara, na zo zikaba zifungiye kuri Sitasiyo ya Polisi ya Nyagisozi, mu gihe iperereza rigikomeje.

Yaboneyeho kwibutsa abantu ko Polisi iburira umuntu wese watekereza nabi akijandika mu gukora ibyaha nk'ibi cyangwa se ibindi, kubireka ahubwo agafatanya n'abandi gukora imirimo yemewe kuko ubigerageza wese bitamugwa amahoro.

Abantu 17 bafungiye kuri Sitasiyo ya Polisi ya Busasamana bakekwaho ibyaha bitandukanye birimo ubujura

---

Source : http://igihe.com/amakuru/u-rwanda/article/nyanza-abantu-17-bakekwaho-ubujura-n-ubugizi-bwa-nabi-batawe-muri-yombi

Ahateraniye abaturage n'abayobozi bakuru ntihabura uzamura ikibazo cy'ubutaka bwe bwubatsweho ibikorwaremezo ariko ntiyishyurwe ingurane.

Nk'urugero muri raporo y'Urwego rw'Umuvunyi ya 2023/2024 igaragaza ko mu turere turindwi twasuwe hakiri amadosiye 1.266 y'abaturage atarishyurwa; amafaranga y'ingurane angana na 806.079.023 Frw.

Minisitiri w'Imari n'Igenamigambi, Yusuf Murangwa ubwo yagezaga ku Nteko Ishinga Amategeko imitwe yombi imbanzirizamushinga y'itegeko rigena ingengo y'imari ya 2025/2026 yavuze ko ibijyanye no kwishyura ingurane mu mishinga minini Leta ifatanyamo n'abafatanyabikorwa hari umuti wavuguswe.

Ati 'Ku kibazo kijyanye n'ingurane ubu byaremejwe akenshi n'abafatanyabikorwa banini dukorana nka Banki Nyafurika Itsura Amajyambere na Banki y'Isi ko imishinga ari uko tuzajya dushyiramo ayo mafaranga kugira ngo byose bijyane. Hari ibyo natwe twemeye gukora nk'igihugu kuko ntabwo bemera ko amafaraga yabo bayakoresha mu kwishyura imisoro.'

Uturere dukennye tuzitabwaho by'umwihariko

Ubushakashatsi ku mibereho y'ingo (EICV7) bwagaragaje ko ubukene mu Banyarwanda bwageze kuri 27,4% buvuye kuri 39,8% mu 2017, na ho ubukene bukabije bugera kuri 5,4%.

Uturere 10 dukennye kurusha utundi ni Nyamagabe, Gisagara, Rusizi, Nyanza, Nyamasheke, Rutsiro, Nyaruguru, Kamonyi, Rubavu na Karongi.

Minisitiri Murangwa yavuze ko mu gusaranganya ingengo y'imari mu turere harebwa umubare w'abadutuye n'igipimo cy'ubukene kiharangwa.

Ati 'Ubu tugiye kuzabisubiramo kuko dukurikije raporo y'imibereho y'ingo yabanjirije iyi, hari uturere twari dukennye cyane, urugero muri Nyamasheke ariko ubu urebye ubukene bwaragabanyutse muri Nyamasheke. Birumvikana ko tugomba guhindura hakibandwa ku turere dukennye cyane kurusha utundi.'

Impinduka zitezwe mu gukwirakwiza amashanyarazi

Mu byerekeye amashanyarazi habamo kuyatunganya no kuyageza ku ngo cyangwa ahandi bayakeneye.

Imibare igaragaza ko ingo 72% zifite amashanyarazi ndetse ubu hagezweho kongera ingano y'amashanyarazi igihugu gitunganya kugira ngo ashobore gukwira abantu bose.

Ati 'Icya mbere ni uko tubona ko igihe kigeze ko twongera tukinjira mu gutunganya amashanyarazi, tukongera inganda zitunganya amashanyarazi.'

Yongeyehp ko 'Iyo tumaze kuzamuka tukagera kuri 72% duhita duhura n'ikibazo cy'imiturire aho abaturage baba batuye kure kubagezaho amashanyarazi biba bitoroshye. Ubu icyo turi gukora mu igenamigambi (muzanabibona muri iyi minsi ikurikira) turimo turashaka kongera gushyira ku murongo Abanyarwanda uko batuye cyane cyane mu cyaro ariko no mu Mujyi twamara kubegeranya tukabaha umuriro.'

Politike y'urwego rw'ingufu yashyizwe hanze na Minisiteri y'Ibikorwaremezo muri Gashyantare 2025 igaragaza ko inganda zitunganya amashyanyarazi mu Rwanda zigeze ku bushobozi bwa megawatt 406,4.

Icyororo gishya cy'inka kiritezwe

Minisitiri Murangwa yavuze ko umukamo w'amata mu gihugu ukiri muke bituma uruganda rutunganya amata y'ifu rukora ku rugero rwa 30% gusa.

Ati 'Tugomba kongera ubwiza bw'amatungo dufite cyane cyane dushaka icyororo cyiza ku buryo amata dufite mu Rwanda yiyongera cyane. Tubibonera muri rwa ruganda rw'amata y'ifu, ubona ko ubushobozi buri hasi cyane, ntabwo tubona amata ahagije yo kujyana mu ruganda.'

Imibare ya Guverinoma y'u Rwanda igaragaza ko umukamo wavuye kuri litiro miliyoni 776 mu 2017 ukagera kuri litiro zirenga miliyari 1 mu 2024. Ku munsi haboneka litiyo miliyoni 2,9 z'amata mu gihugu hose.

Ahari kubakwa urugomero rwa Nyabarongo II ni hamwe mu himuwe abaturage benshi (Ifoto yo muri Werurwe 2024)

---

Source : http://igihe.com/amakuru/u-rwanda/article/ingurane-z-imitungo-y-abaturage-uturere-dukennye-no-gukwiza-amashanyarazi

'Mu rugendo rwose, ingingo ya nyuma ni yo ibarwa.' Ni umugani wo hambere ariko wuzuye ukuri. Europa League igeze ku musozo, ariko si buri wese uzatwara igikombe. Mu gihe intsinzi iri kure, ikosa rimwe rishobora gusenya byose.

Ruben Amorim, umutoza ukiri muto ariko w'ubwenge bwinshi, ari guca amarenga. Akomoka i Portugal, afite imyaka 39 y'amavuko gusa, ariko amaze kwandika amateka muri Manchester United.

Yabakuye mu mwijima, abavana mu bihe by'ishavu n'umubabaro, maze abafasha kugera ku mukino wa nyuma wa Europa League.

Ariko uyu mukino wa nyuma na Tottenham ntuzaba nk'indi yose. Mu magambo ye bwite, Amorim yagize ati: 'Nubwo twageze ku mukino wa nyuma, byose bizaba nta cyo bimaze nitutegukana igikombe.' Uwo ni umugani mushya mu isura nshya: 'Kurura ushyira, kuko iyo utakirangije uba waratakaje byose.'

United yahagurukanye icyizere, batsinda imikino ikomeye, barwana urugamba rukomeye. Ariko nk'uko umugani ubivuga: 'Uwo imbwa yananiwe kurya, ntashobora kurogoya.'

Tottenham nayo ni ikipe ikomeye, ifite abakinnyi bafite ubunararibonye n'ishyaka ryinshi. Ese Bazakora ibishoboka byose ngo batware igikombe?

Mu myitozo, mu bitangazamakuru, no mu myitwarire y'abakinnyi ba United, haragaragaramo impagarike.
Gutsindwa si iherezo ry'ubuzima, ariko kuri Amorim, gutsindwa uyu mukino byaba nko gukura igiti mu butaka bugifite imbuto zitari zera.

Hari umugani ugira uti: 'Ukora byinshi, ariko igikomeye ni ikizajya kivugwa nyuma yawe.' Imvune, ibyishimo n'umunaniro wose muri iyi Europa League, birashobora gutakara mu mpumyi y'akababaro niba badatwaye igikombe.

Europa League ni nk'isarura. Icyo usarura ni cyo kigaragaza ibyo wabibye. Amorim yatanze byose, abatoza bamwungirije, abakinnyi be, n'abafana bose bari ku ruhande rwe.

Ariko uyu mugani ntugomba kwibagirana: 'Inzira ndende ituma isarura riryoha.' Ese United izabashe gusoza uru rugendo ihagazeho bwuma? Cyangwa se amateka yayo azandikwa mu marira? 'Ubwenge si ukubona kure gusa, ahubwo ni ukumenya aho ushyira ikirenge bwa nyuma.'

'Mu rugendo rwose, ingingo ya nyuma ni yo ibarwa.' Ni umugani wo hambere ariko wuzuye ukuri. Europa League igeze ku musozo, ariko si buri wese uzatwara igikombe. Mu gihe intsinzi iri kure, ikosa rimwe rishobora gusenya byose.

Ruben Amorim, umutoza ukiri muto ariko w'ubwenge bwinshi, ari guca amarenga. Akomoka i Portugal, afite imyaka 39 y'amavuko gusa, ariko amaze kwandika amateka muri Manchester United.

Yabakuye mu mwijima, abavana mu bihe by'ishavu n'umubabaro, maze abafasha kugera ku mukino wa nyuma wa Europa League. Ariko uyu mukino wa nyuma na Tottenham ntuzaba nk'indi yose.

Mu magambo ye bwite, Amorim yagize ati: 'Nubwo twageze ku mukino wa nyuma, byose bizaba nta cyo bimaze nitutegukana igikombe.' Uwo ni umugani mushya mu isura nshya: 'Kurura ushyira, kuko iyo utakirangije uba waratakaje byose.'

United yahagurukanye icyizere, batsinda imikino ikomeye, barwana urugamba rukomeye. Ariko nk'uko umugani ubivuga: 'Uwo imbwa yananiwe kurya, ntashobora kurogoya.'

Tottenham nayo ni ikipe ikomeye, ifite abakinnyi bafite ubunararibonye n'ishyaka ryinshi. Ese Bazakora ibishoboka byose ngo batware igikombe?

Mu myitozo, mu bitangazamakuru, no mu myitwarire y'abakinnyi ba United, haragaragaramo impagarike.
Gutsindwa si iherezo ry'ubuzima, ariko kuri Amorim, gutsindwa uyu mukino byaba nko gukura igiti mu butaka bugifite imbuto zitari zera.

Hari umugani ugira uti: 'Ukora byinshi, ariko igikomeye ni ikizajya kivugwa nyuma yawe.'
Imvune, ibyishimo n'umunaniro wose muri iyi Europa League, birashobora gutakara mu mpumyi y'akababaro niba badatwaye igikombe.

Europa League ni nk'isarura. Icyo usarura ni cyo kigaragaza ibyo wabibye. Amorim yatanze byose, abatoza bamwungirije, abakinnyi be, n'abafana bose bari ku ruhande rwe.

Ariko uyu mugani ntugomba kwibagirana: 'Inzira ndende ituma isarura riryoha.' Ese United izabashe gusoza uru rugendo ihagazeho bwuma? Cyangwa se amateka yayo azandikwa mu marira? 'Ubwenge si ukubona kure gusa, ahubwo ni ukumenya aho ushyira ikirenge bwa nyuma.'

Source : https://kasukumedia.com/inzozi-za-united-muri-europa-league/

Kaneza Hugo Denzel ni umwe mu bakinnyi bakiri bato mu mukino wa volleyball, ufite impano n'umurava wihariye. Uyu mukinnyi wiga mu mwaka wa gatanu (Senior 5) kuri World Mission High School, avuga ko urukundo rwe ku mukino wa volleyball rwakomotse ku nzozi n'umurava mu kumukurikira papa we, wari umukinnyi ukomeye ndetse n'umutoza w'umukino wa volleyball. Mu kiganiro yagiranye na Yegob, Kaneza yagaragaje ko gukunda volleyball atari impanuka ahubwo byaturutse ku buryo yamenye umukino kuva akiri muto, cyane cyane abona uburyo abakinnyi basabanye neza bakina, kandi bakagaragaza imikoranire mu kibuga.

Kaneza avuga ko papa we ari we wamufashije kumenya gukunda uyu mukino ndetse akaba n'umugira inama mu nzira yo kugera ku nzozi ze. Yagize ati: 'Papa wanjye yari umukinnyi w'umuhanga, nabonaga uburyo akina ashishikaye, ndetse n'umwitozo w'ukwiyungura impano ye. Ibyo byatumye nifuza gukina volleyball.' Kuba yari afite umubyeyi umaze igihe kinini mu mukino byamufashije kubona agaciro ko kwitanga no gukunda ibyo akora.

Kaneza yatangiye gukina volleyball mu mwaka wa mbere w'amashuri yisumbuye, ubwo yigaga muri St. André i Nyamirambo. Nubwo atari mu gihe kinini cy'amahugurwa cyangwa kugera ku rwego rwo hejuru, yasobanukiwe ko kugira impano ari kimwe, ariko gukora cyane no guhora wiga ari byo bizamugeza ku ntera ndende. Akimara gukina, yahise yinjira muri APERUGUNGA VC, aho yakomeje kugira uruhare mu mikino y'ingenzi. Imyanya ahanini akina ni Left Attacker (Receiver) ndetse na Opposite Attacker (Right Attacker), aho ahamya ko akunda cyane gukina mu mwanya wa Left Attacker cyangwa Receiver.

Kaneza yavuze ko umukinnyi afata nk'icyitegererezo ari Mutabazi Yves, umukinnyi ukomeye ukina muri KEPLER VC. Yishimira uburyo Mutabazi abasha gukina neza kandi akagira imbaraga zidasanzwe mu kibuga. Yagize ati: 'Mutabazi Yves ni umukinnyi ukomeye nkunda cyane, kandi inzozi zanjye ni ugukina mu ikipe imwe na we, kugira ngo nige byinshi kuri we.' Uyu mugambi w'uko yifuza gukina na Mutabazi Yves ni kimwe mu byerekana umwete afite wo kugera ku ntego.

Intego Kaneza afite ni ukugera kure mu mukino wa volleyball, aho yifuza gukina ku rwego rwo hejuru nk'uko papa we yabimubwiye. Yafashe gahunda yo kuzajya abigeraho, kuko afite icyizere ko ibyo yize no gukunda umukino bizamufasha kugera ku ntego zose afite. Avuga ko gukina neza bitari gusa ku rwego rw'umukinnyi, ahubwo ngo yifuza kuba urugero rwiza ku bakinnyi bakiri bato. Yagize ati: 'Gukora cyane no gukunda ibyo ukora bizagufasha kugera ku ntego zawe, nifuza kuba urugero rwiza ku bashaka kugera ku rwego rwo hejuru mu mikino.'

Kaneza Hugo Denzel ni umukinnyi utanga icyizere ku bakiri bato bafite inzozi zo kwinjira mu mikino, cyane cyane muri volleyball. Uyu mukinnyi w'umuhanga akomeje kwitwara neza kandi afite icyerekezo cyo gukomeza gutera intambwe mu mukino wa volleyball, yifuza kuzagera ku ntera ndende, kandi azwiho kuba urugero rwiza rwo gukora cyane no gukunda ibyo ukora.

Source : https://yegob.rw/kaneza-hugo-denzel-byinshi-ku-rugendo-rwumukinnyi-ukiri-muto-ufite-inzozi-zo-kugera-ku-rwego-rwo-hejuru-muri-volleyball/

Abakinnyi, abatoza b'Ikipe ya Rayon Sports yaraye ishyikirijwe amafaranga mu rwambariro n'ubuyobozi bwa Gikundiro ubwo bari bamaze gutsinda ikipe ya Rutsiro FC mu mukino wa 26 wa shampiyona y'u Rwanda.

Ubwo umukino wari urangiye ku tsinzi y'ibitego 2-0, byatsinzwe na Aziz Bassane na Rukundo Abdalhaman uzwi nka Paplay ikipe yose yahise ishyikirizwa amafaranga.

Ni amafaranga azwi nk'agahimbazamusyi 'Prime' ahabwa ikipe iyo batsinze umukino runaka, nk'uko byatangajwe na Rayon Sports amafaranga batsindiye bahise bayahererwa aho.

Mu makuru twamenye ni uko buri mukinnyi wa Rayon Sports yahawe ibihumbi ijana na Mirongo itanu by'amafaranga y'u Rwanda asanzwe nk'agahimbazamusyi bahabwa burigihe iyo batsinze.

Guhabwa aya mafaranga kuri Gikundiro, birongerera abakinnyi imbaraga zo gukomeza guhatana cyane dore ko biteguea guhura na Police kuri iki cyumweru hakinwa umunsi wa 27.

Kugeza ubu Rayon Sports iri ku mwanya wa mbere w'agateganyo wa Rwanda Premier League aho ifite amanota 56 igakurikirwa na APR FC ifite amanota 55.

Biteganyijwe ko imikino y'umunsi wa 27 itangira kuri uyu wa Gatanu, aho Kiyovu SC ihura na AS Kigali bagakinira kuri Kigali Pele Stadium.

The post Bayaherewe mu Rwambariro, Rayon Sports yakiriye amafaranga nyuma yo gushimangira umwanya wa mbere appeared first on RUSHYASHYA.

Source : https://rushyashya.net/bayaherewe-mu-rwambariro-rayon-sports-yakiriye-amafaranga-nyuma-yo-gushimangira-umwanya-wa-mbere/?utm_source=rss&utm_medium=rss&utm_campaign=bayaherewe-mu-rwambariro-rayon-sports-yakiriye-amafaranga-nyuma-yo-gushimangira-umwanya-wa-mbere

Basimbuye bagenzi babo bageze i Kigali ku mugoroba wo ku wa Kane tariki 8 Gicurasi 2025, ahagana Saa Kumi n'Ebyiri, bagize itsinda RWAFPU2-9 ryari riyobowe na SSP Boniface Kagenza wari Umuyobozi wungirije w'itsinda. Iri tsinda ryari rimaze umwaka umwe muri ubu butumwa ahitwa Kaga Bandoro mu Majyaruguru y'igihugu.

Bakiriwe ku kibuga cy'indege Mpuzamahanga cya Kigali, i Kanombe na CP Yahya Kamunuga, wari uhagarariye ubuyobozi bwa Polisi y'u Rwanda, wabahaye ikaze abashimira n'akazi keza bakoze kinyamwuga.

Ati 'Tubifurije ikaze mu gihugu cy'u Rwanda, ubuyobozi bwa Polisi y'u Rwanda burabashimira ubwitange n'umurava, imyitwarire ya kinyamwuga byabaranze bikabafasha kuzuza inshingano zanyu neza.'

CP Kamunuga yababwiye ko bavuye mu kazi kamwe ariko ko baje mu kandi, mu gihe cy'umwaka bamaze hari ibyahindutse, abasaba gukomeza kugendana n'igihe bafatanya na bagenzi babo mu kurushaho kuvugurura imikorere barangwa na disipulini n'ubunyamwuga.

SSP Kagenza yavuze ko uretse akazi kajyanye no gucunga umutekano, mu gihe cy'umwaka bamaze mu butumwa bakoze n'ibindi bikorwa bitandukanye bijyanye n'imibereho myiza y'abaturage n'iterambere.

Ati 'Uretse akazi kajyanye no kugarura amahoro n'umutekano, hari n'ibindi bikorwa twakoze dufatanyije n'abaturage bijyanye n'iterambere birimo; umuganda rusange no gufasha abanyeshuri batishoboye tubaha ibikoresho by'ishuri n'ibindi bitandukanye byagiye bigira uruhare mu gutuma barushaho kutugirira icyizere no kugaragaza ubufatanye mu kubacungira umutekano.'

Yashimangiye ko ubushake no gukorera hamwe nk'ikipe ari bimwe mu byabafashije gusohoza neza inshingano zabo mu butumwa bw'amahoro kandi ko biteguye gukomeza akazi batanga umusanzu mu gucungira abaturarwanda umutekano nk'uko bisanzwe na nyuma yo kugaruka mu gihugu.

---

Source : http://igihe.com/amakuru/u-rwanda/article/abapolisi-b-u-rwanda-basimburanye-mu-butumwa-bw-amahoro-muri-centrafrique