Amakuru aturuka mu Rugezi aravuga ko mu gitondo cyo kuri uyu wa gatandatu havyukiye imirwano ikaze hagati y'impande zihanganiye muri kariya gace. Ni nyuma y'uko ku munsi w'ejo ku wa gatanu habaye imirwano yahuje umutwe wa Twirwaneho n'ihuriro ry'ingabo zirwana ku ruhande rwa Leta ya Repubulika Iharanira Demokarasi ya Congo.
Iryo huriro rigizwe n'ingabo za FARDC, iz'u Burundi (FDNB), n'indi mitwe yitwaje intwaro irimo FDLR na Wazalendo.
Aba bose bashinjwa na Twirwaneho na M23 kugira uruhare mu bwicanyi bukorerwa abaturage bo mu bwoko bw'Abanyamulenge, Abatutsi n'Abahema mu Burasirazuba bwa Congo.
Kasuku Media yamenye ko iyo mirwano yatangijwe n'ingabo za Leta ya Congo, ubwo zagabaga ibitero ku ngabo za Twirwaneho na M23 mu bice by'i Rugezi basanzwe bagenzura.
Aho hantu harimo ibice bya Mundegu, ku w'Ihene na Nyakirango, ahabereye imirwano ikaze. Twirwaneho na M23 ngo bahanganye n'iryo huriro, bararisubiza inyuma kugeza ubwo baryambuye uduce rwarimo harimo n'utwo mu gace ka Gasiro aho ryari ryarahungiye nyuma y'uko Twirwaneho na M23 bafashe Rugezi mu mpera z'ukwezi kwa gatatu uyu mwaka.
Imirwano ikaze yasubukuriwe i Rugezi hagati ya Twirwaneho, M23 n'Ingabo za Leta ya Congo
Nubwo Twirwaneho na M23 batsinze bikomeye izo ngabo za Leta n'abafatanyije na zo, biragaragara ko izo ngabo zitacitse intege, kuko zakomeje kugerageza gusubira mu duce zari zarirukanywemo.
Ibyo nibyo byatumye imirwano isubukurwa, aho buri ruhande rwazindukiye mu bushamirane. Ingabo za Leta n'abo bafatanyije baherereye mu duce twa Gasiro, naho Twirwaneho na M23 bakaba bakiri mu duce bagenzura twa Rugezi.
Imirwano yatangiye mu masaha ya saa kumi n'imwe za mu gitondo ikomeza kugeza mu masaha ya nyuma ya saa sita. Amakuru amwe avuga ko n'ubwo habayeho kurasana, ingabo za Leta zarashe amasasu menshi atagize icyo amaze. Gusa haracyari impungenge z'uko imirwano ishobora kongera ku isaha ku isaha.
Ibi byose byatangiye ubwo Catherine Kusasira, umuhanzikazi wamenyekanye cyane mu njyana ya Band mu myaka yashize, yangaga icyifuzo cyo guhatana na Sophie Nantongo, undi muhanzi w'igitsinagore ukunzwe cyane muri Uganda. Mu gusubiza, Catherine ntiyagarukiye ku kwanga gusa, ahubwo yagaragaje ko Sophie adakwiriye kumuhatana wenyine, ahubwo ko yabanza akihuriza hamwe n'abandi bahanzi nka Karole Kasita, Spice Diana, Stecia Mayanja ndetse na Maureen Nantume kugira ngo abahangane bose icyarimwe.
Iri jambo rya Catherine ryakwirakwiye ku mbuga nkoranyambaga, benshi babifata nk'ishyari, abandi bakabibona nk'ubwoba bwo kutemera guhatana na mugenzi we. N'ubwo bwose bwari uburyo bwo kwirinda, ryahise rituma izina rya Stecia Mayanja rigaruka cyane mu itangazamakuru, benshi bibaza niba nawe yaba yiteguye kwinjira muri iri rushanwa ryatangiye kuvugwa cyane.
Stecia Mayanja aravuga ko yiteguye ntaho abogamiye
Ubwo Stecia Mayanja yabazwaga niba yiteguye guhatana n'undi muhanzikazi uwo ari we wese, nta kuzuyaza yagize ati: 'Ndi umugore w'umuziki kandi ndi umunyamwuga. Ntawe nsuzugura, nta n'uwo nterera agati mu ryinyo. Uwo ari we wese wumva yashaka kumfata ku rubyiniro, ndi maso. Nta kurobanura.'
Ibi byatumye benshi bamushimira uburyo yagaragaje icyizere no kwihagararaho, atavuze izina ry'umuhanzi uwo ari we wese. Yerekanye ko atari mu guhangana ku by'abana, ahubwo ko ari umuntu uhamye, wemera guhatana ariko mu cyubahiro no mu murongo w'umwuga.
Aho abantu benshi batunguwe ni ku kiguzi Stecia Mayanja yashyize ku meza. Yavuze ko kugira ngo yinjire mu irushanwa ry'indirimbo n'undi muhanzikazi uwo ari we wese, agomba kwishyurwa miliyoni 100 z'amashilingi ya Uganda (UGX), ni ukuvuga asaga miliyoni 32 z'amanyarwanda.
Ati: 'Ndashaka ko abantu babanza gusobanukirwa ko ibi atari urwenya. Ntabwo turi mu bibuga by'imikino cyangwa mu mashusho ya TikTok. Iyo ugeze aho mfite izina n'ibikorwa mfite, uramenya agaciro kawe. Igihembo ni ingenzi, kuko niyo sura y'icyubahiro kuri twebwe nk'abahanzi.'
Abenshi mu bafana bamugaragarije ko ayo mafaranga ari menshi, ariko hari n'abandi bemeza ko uyu muhanzi afite uburenganzira bwo gushyiraho igihembo gikwiye bitewe n'inzira ndende y'umwuga amaze kunyuramo. Stecia si umuhanzi mushya, kuko amaze imyaka irenga 15 mu muziki, aho yamenyekanye cyane mu ndirimbo za Golden Band ndetse na Eagles Production mbere y'uko atangira umuziki ku giti cye.
Nk'umugore umaze imyaka myinshi mu ruganda rw'umuziki, Stecia yanatangaje ko adashaka abahanzi bajya kumuhatana ariko bakajya bacika intege igihe ibintu bitangiye gufata ishusho y'irushanwa rikomeye. Yagize ati: 'Niba uje kundeba ku rubyiniro, ujye uzi ko nshikamye. Ntabwo nkina, sinjya nsimbuka ibyo natangiye. Iyo ntangiye ikintu, ndagisoza. Niyo mpamvu uwo ari we wese ubyumva, ajye yitegura bihagije.'
Aha Stecia yashatse kwerekana ko irushanwa atarishyiramo kugira ngo yishimishe gusa, ahubwo ko ariryo afata nk'urugamba rw'akazi, aho umuntu wese uza agomba kuba afite ubushobozi n'icyifuzo gikomeye. Ni gasopo ikomeye ku bahanzi bashobora kugwa mu mutego wo gutinyuka ku buryo bwa siporo, ntibamenye ko baba bari guhatana n'umugore ubifata nk'umurimo w'ubuzima bwe.
N'ubwo atavuze izina ry'umuhanzi uwo ari we wese, amajwi akomeje kuzamuka ku mbuga nkoranyambaga agaragaza ko abashobora kwinjira mu irushanwa na Stecia Mayanja ari nka Karole Kasita, Rema Namakula, Spice Diana ndetse na Winnie Nwagi. Aba bose bafite ubwamamare, ibikorwa byinshi n'imbaraga ku rubyiniro. Gusa kugeza ubu nta n'umwe uratangaza ko yiteguye guhatana na Stecia ku mugaragaro.
Bamwe mu bafana bavuga ko Karole Kasita ashobora kuba ari we wenyine ushobora guhangana na Stecia, kubera imbaraga ze zidasanzwe ku rubyiniro no kuba aherutse no kuririmbira mu bitaramo mpuzamahanga. Hari n'ababona ko Spice Diana ashobora gukubitana na Stecia, cyane cyane kubera uburyo akunzwe n'urubyiruko no kuba afite indirimbo zitabarika zifite umuvuduko wa kizungu.
Muri iyi minsi, irushanwa rihuza abahanzi risigaye rikoreshwa cyane mu kureshya abafana, kwagura izina ry'umuhanzi no guteza imbere ibikorwa bye. Si ubwa mbere abahanzi bagiye bahatana hagati yabo, cyane cyane muri Nigeria, Ghana, ndetse no muri Tanzania aho Diamond Platnumz na Alikiba bagiye bapimwa n'abafana mu buryo bw'ibihe n'ibikorwa.
Mu gihe Uganda nayo ikomeje kwagura umuziki wayo, irushanwa rihuza abahanzi b'igitsinagore ryaba ari amahirwe yo kwerekana ko n'abagore bafite ubushobozi n'igitinyiro kimwe n'abagabo. Stecia Mayanja ashobora kuba ari we mugore wa mbere ufashe iya mbere muri uru rugamba, akerekana ko n'abagore bashobora guhatana ku rubyiniro rwisanzuye.
Mu bitekerezo byagiye bigaragara ku mbuga nkoranyambaga, benshi bafashe ibyatangajwe na Stecia nk'akanyamuneza gakomeye ku bakunzi b'umuziki wa live. Umufana witwa Fiona Nansubuga yagize ati:
'Stecia ni umukobwa w'igitinyiro. Uwaba yiyumvamo ubushobozi bwo kumuhatana, abikore. Ariko miliyoni 100 zishobora kuba zibaye imbogamizi kuri benshi.'
Undi witwa Isaac Mulindwa we yagize ati:
'Ni ukuri Stecia afite uburenganzira bwo gusaba amafaranga ashaka. Ni umugore umaze imyaka n'imyaka adusangiza impano ye. Aho kugira ngo duhore tuvuga ku bahungu gusa, n'abagore bakwiye guhatana.'
Uko ibintu bihagaze ubu, irushanwa ryaba rihuza Stecia n'undi muhanzikazi uwo ari we wese riracyari ku rwego rw'inkuru n'ibihuha. Nta kiragenda ku mugaragaro cyangwa ngo hatangazwe itariki runaka. Gusa, iryo tangazo rya Stecia rihagije kugira ngo rikangure abategura ibitaramo, ibigo by'ubucuruzi bishora mu muziki, ndetse n'abafana gukurikira hafi iby'iri rushanwa rishobora guhindura isura y'umuziki w'abagore muri Uganda.
Stecia Mayanja agaragaje ko atari gusa umuhanzi w'indirimbo, ahubwo ari umugore wiyiziho agaciro n'ubushobozi. Kuba yiteguye guhatana n'umuhanzikazi uwo ari we wese ndetse akanasaba igihembo cya miliyoni 100 z'amashilingi, ni igikorwa cyerekana ubunyamwuga, icyizere no kwiyubaha. Iri rushanwa, niryaba ribaye, rizaba intambwe ikomeye mu kongera isura y'abagore mu muziki wa Afurika y'Iburasirazuba.
Denzo ashimira Hon. Geofrey Kayemba Ssolo ku kuba yarabaye umucunguzi wa Rema Namakula mu rugendo rwa muzika
Mu gihe bamwe mu bahanzi bava muri Uganda bakomeje gutangariza itangazamakuru uruhare abantu batandukanye bagize mu buzima bwabo bwa muzika, umuhanzi Denzo yagarutse ku buryo Hon. Geofrey Kayemba Ssolo yabaye igikoresho cy'ingenzi cyahinduye ubuzima bwa Rema Namakula, amukura mu mwijima w'igicucu cy'abandi bahanzi, amushyira ku rwego rwo kuba icyamamare.
Uyu muhanzi uzwi cyane mu ndirimbo Big Mouth By Far yavuze ko iyo hatabaho Kayemba, Rema yari kugumishwa mu mwanya wa 'backup singer' aho yashyirwaga inyuma y'abandi bahanzi bakomeye nk'inkingi yo kubashyigikira, aho guhabwa urubuga rwe bwite rwo kwigaragaza nk'umuhanzi wigenga.
Ukuntu Rema yakuwe mu gicucu cya Gagamel
Denzo avuga ko Rema yatangiye urugendo rwe rwa muzika ari kumwe na Gagamel Crew, itsinda ryari riyobowe na Bebe Cool, umwe mu bahanzi bakomeye bo muri Uganda. Ariko ibyo byinshi byari ibisa no kumwigiza ku ruhande, kuko ngo atahabwaga amahirwe yo gutera imbere nk'umuhanzi wigenga.
'Abantu bari bayoboye ibikorwa bya muzika bya Bebe Cool babonaga Rema nk'umuririmbyi ubafasha gusa mu buryo bwo kuririmba inyuma (backup vocals), aho kumwubakira umwuga nk'umuhanzi ukwiriye guhagarara ku giti cye.'
Ibi ni byo byatumye benshi bavuga ko mu gihe yari mu Gagamel, Rema yagaragaraga nk'umugore udahawe agaciro k'impano ye nyayo, ahubwo agafatwa nk'ushamikiye ku bikorwa by'abandi.
Urugamba hagati ya Gagamel na Kayemba: Inzika n'impaka
Nyuma y'uko Rema afashe icyemezo cyo gukorana na Kayemba, hari amakimbirane n'impaka zavutse hagati y'impande zari zimaze igihe zimufiteho uburenganzira n'uruhare mu bikorwa bya muzika. Bivugwa ko habayeho amagambo menshi, kutumvikana, ndetse n'ibitutsi hagati y'abari bagize Gagamel n'itsinda rya Kayemba.
Denzo avuga ko hariho umugambi ugaragara wo guca intege uwo mukobwa, ariko Rema yahisemo guharanira uburenganzira bwe ku mpano ye, maze ajya aho yashoboraga kugaragarizwa agaciro.
'Hari amagambo menshi yatambutse, bamwe bemeza ko Rema ari umucika ku icumu, abandi bati 'ari kwitandukanya n'umuryango wamubyaye', ariko byose byari urwikekwe rutari rufite ishingiro.'
Mu gihe benshi babonaga Rema nk'uwigometse ku bayoboye Gagamel, abandi bamubonaga nk'intwari yihaye amahirwe yo guhindura ubuzima bwe.
Rema arigaragaza, aba icyamamare
Kuva yakorana na Kayemba, Rema yatangiye urugendo rushya, agira indirimbo zagiye zikundwa cyane muri Uganda no mu karere k'Afurika y'Iburasirazuba. Indirimbo nka Oli Wange, Siri Muyembe, Tikula, na Clear zagiye zigaragaza impano ye mu buryo butigeze bugaragara mbere.
Ubu Rema Namakula abarwa mu bahanzi b'igitsina gore bafite ibikorwa bikomeye muri Uganda, anahabwa ishema nk'umwe mu batangaje urwego rw'umuziki w'abagore mu gihugu cyabo.
Kayemba yabaye igikoresho cy'ingenzi mu kumuhindurira imyumvire, imikoranire, ndetse n'ubushobozi bwo kwinjira ku isoko mpuzamahanga ry'umuziki.
Gagamel n'imbogamizi zayo ku bahanzi
Denzo avuga ko itsinda rya Gagamel ryaranzwe no gushyira imbere inyungu za bamwe, rikaburizamo iterambere ry'abandi bahanzi bahakorera. Yemeza ko hari abahanzi benshi bari bafite impano ariko bagahera mu icuraburindi bitewe n'uko batabonaga aho berekana ibyo bashoboye.
'Kubona ko indirimbo yawe yajya ku mbuga za Gagamel nka YouTube, Facebook cyangwa Instagram, byari urugamba. Umuhanzi yashoboraga gusohora indirimbo ariko ntayimenyekane kuko nta support yayihabwaga.'
Bitewe n'ubwo buryo bw'imikorere, bamwe mu bahanzi bahavuye batanyuzwe, abandi baracika intege burundu. Ibi byatumye Gagamel ibarwa nk'itsinda ryari rifunze amarembo ku mpano nshya aho kuyafasha kuzamuka.
Umuhate wa Rema wagaragaye nyuma yo kuva muri Gagamel
Nyuma yo kuva mu itsinda ryamufataga nk'umuririmbyi wa kabiri, Rema yerekanye ko ashoboye gukora byinshi by'umwihariko. Yatangije ibikorwa by'umuziki ku giti cye, agira abajyanama bashya, abatunganya indirimbo, n'abamufasha mu bucuruzi bwo kwamamaza ibikorwa bye.
Yagaragaje ubwigenge mu buhanzi bwe, bituma abasha gukora indirimbo zijyanye n'ubuzima bwe bwite, amarangamutima ye, n'intego afite mu muziki.
Nk'umuhanzi w'inararibonye, Denzo avuga ko yabonye byinshi mu rugendo rwa muzika rwa Rema, ari na cyo cyamuteye kumushimira mu ruhame. Yemeza ko abahanzi bakeneye abayobozi babatekerezaho nk'abantu bafite ubuzima n'ahazaza, aho kubafata nk'abakozi bashyirwa imbere igihe babaye igikoresho cy'abandi.
Indirimbo ye Big Mouth By Far yakunzwe cyane, ariko Denzo avuga ko atigeze yibagirwa uburyo abahanzi bamwe bagira amahirwe mu buryo budashingiye ku mpano gusa, ahubwo bitewe n'abo bahuye na bo mu nzira.
Isomo ku bahanzi b'abagore
Uko Rema yitwaye, ni isomo rikomeye ku bakobwa n'abagore bakora muzika muri Uganda n'ahandi muri Afurika. Yerekanye ko kuguma ahantu hagufungira amahirwe bitari byo, ko umuntu akwiye kwihagararaho no gushakisha inzira zishya z'ubuzima.
Ubushake bwe bwo kuva mu mwijima bukajya mu mucyo ni intambwe ifite igisobanuro gikomeye mu rugendo rw'abahanzi b'abagore.
Hon. Geofrey Kayemba Ssolo, waje no kwinjira mu nteko ishinga amategeko ya Uganda, yakomeje kuba umujyanama w'abahanzi n'umuntu uharanira iterambere ry'impano. Yashoye amafaranga, igihe, n'ubushobozi bwe kugira ngo agire uruhare mu guteza imbere uruganda rw'imyidagaduro.
Aho yaciye hose, yagiye ashyira imbere ubunyangamugayo, kuganira no gutega amatwi abahanzi, ari na yo mpamvu abenshi bamufata nk'inshuti, umujyanama, ndetse n'umubyeyi mu ruhando rwa muzika.
Inkuru ya Rema Namakula ni urugero rw'uko umuntu ashobora kuva ku rwego rwo hasi akagera ku yindi ntera iyo abonye amahirwe yo kwitabwaho. Denzo yashimangiye ko iyo hatabaho Kayemba Ssolo, Rema yari kuba ari muri ba bantu benshi bagumye inyuma mu rwego rwa muzika. Gusa kubera ko yahuye n'umuntu wamwemeye, ubu ari ku rwego rwo hejuru, kandi akomeje kuba icyitegererezo ku bandi bahanzi bafite inzozi zo kwiyubaka.
Taylor Swift Yahamagawe n'Urukiko nk'Igihamya mu Rubanza Ruri hagati ya Blake Lively na Justin Baldoni
Umuhanzikazi w'icyamamare Taylor Swift yisanze arimo kurushaho gukubitwa n'inkubi y'umuyaga w'amakimbirane hagati ya Blake Lively na Justin Baldoni nyuma yo guhamagarwa n'urukiko ngo aze gutanga ubuhamya muri urwo rubanza.
Nk'uko byatangajwe na TMZ binyuze ku bantu bazi iby'uru rubanza neza, Bryan Freedman, wunganira Baldoni mu mategeko, yahamagaje Taylor Swift nk'umwe mu bazatanga ubuhamya mu rubanza Blake na Justin bamazemo iminsi bashyamiranye bikomeye.
Icyakora abahagarariye Taylor Swift baramagana bikomeye iyo subpoena (itegeko ryo guhamagarwa mu rukiko), bavuga ko uruhare rwa Taylor muri iyo film rwari ruto cyane, ndetse ngo ntaho yari ahuriye n'imvururu zabaye ku ikinwa rya 'It Ends With Us', filime yatumye ibyo bibazo byose byaduka hagati ya Blake Lively na Justin Baldoni.
Justin BaldoniTaylor Swift Yahamagawe n'Urukiko nk'Igihamya mu Rubanza Ruri hagati ya Blake Lively
Umuvugizi wa Taylor Swift yabwiye TMZ ati:
'Taylor Swift nta na rimwe yigeze yinjira ku ikibanza cyo gukinirwaho iyo film. Ntiyigeze ajya mu bijyanye no guhitamo abakinnyi cyangwa mu by'ubugeni bwa filime, ntiyigeze ahimba injyana yayo, ntiyigeze areba n'icyegeranyo na kimwe cyayo, ndetse ntiyigeze agira icyo ayivugaho kugeza ubwo yaje kuyireba hashize ibyumweru byinshi isohotse. Muri 2023 na 2024 yari mu rugendo rw'igitangaza ruzenguruka isi yose, ahakoraga ibitaramo binini kurusha ibindi byose mu mateka.'
Yakomeje agira ati:
'Uburyo rukumbi Taylor Swift yari ahuriye na It Ends With Us, ni uko yemereye abashinzwe filime gukoresha indirimbo ye 'My Tears Ricochet'. Uyu murongo w'inyandiko wo kumuhamagaza mu rukiko ubaye urwitwazo rwo gukoresha izina rye kugirango rubanza rube inkuru ifite isura ya clickbait, aho kurwitaho hashingiwe ku kuri ku rubanza nyir'izina. Birumvikana ko atari we wenyine wahaye filime indirimbo, kuko n'abandi bahanzi 19 babyemeye.'
Gusa, nk'uko twabibagejejeho mbere, Justin Baldoni yemeza ko Taylor yari abirimo kurenza uko abahagarariye be babivuga. Avuga ko atari uko gusa yatanze uburenganzira bwo gukoresha indirimbo, ahubwo ko Taylor yanemeye ishyirwa mu mwanya w'inkumi ya Lily Bloom wahawe Isabela Ferrer, muri iyo filime.
Harimo kandi ikibazo cy'inama ikomeye yabereye muri penthouse ya Blake iherereye i New York, aho Justin na Blake baganiriye ku gace ka filime Blake yari yanditse bushya. Justin avuga ko iyo nama yageze aho irenga urugero, ikaba iryoheje cyane, kuko yumvaga yasatswe cyane cyane ubwo umugabo wa Blake, Ryan Reynolds, yinjiraga mu nama batabiteganyije, hakiyongeraho n'uko Taylor Swift nawe yaje kwinjira.
Nk'uko bivugwa n'abari hafi y'ibi byose, Taylor na Blake ni inshuti zikomeye cyane. Nyuma y'iyo nama, Blake yoherereje Justin ubutumwa bugufi bwavugaga ko yiyumva nk'umwamikazi Khaleesi wo muri Game of Thrones, naho Taylor Swift na Ryan Reynolds abagereranya n'ibirura (dragons) bimurinda.
Umugore wa Simon, Natalie Fuller, yagiye mu rukiko ku wa Gatanu asaba gatanya nyuma y'ubuzima bw'ubukwe bumaze imyaka irenga 16.
Nk'uko ibyangombwa byafashwe na TMZ bibigaragaza, Natalie yashyizeho umunsi wa Gatanu nk'igihe batandukanye, kandi atangaza ko impamvu y'ukutabyumva kimwe ari 'itandukaniro ridashobora gukemurwa' ari yo mpamvu y'ubutandukane.
Umucamanza yahagaritse gahunda nini yo kugabanya abakozi ba Leta yari yatangijwe na Perezida Trump
Umucamanza wo muri leta ya California yategetse ko guverinoma ya Donald Trump ihagarika gahunda yayo nini yo kugabanya cyane abakozi ba Leta ya Amerika.
Iri tegeko ryihutirwa ryatanzwe n'umucamanza Susan Illston wo mu mujyi wa San Francisco kuri uyu wa Gatanu, nyuma y'uko impuzamiryango z'abakozi hamwe n'imijyi imwe ishyikirije urukiko ikirego cyamagana gahunda ya Perezida Trump yo kugabanya cyane ingano ya guverinoma y'Amerika, aho ayita ihenze kandi irimo ubunebwe bukabije.
Mu cyemezo cye, umucamanza Illston yagize ati: 'Urukiko rubona ko Perezida agomba gusaba ubufatanye bwa Kongere kugira ngo abashe kugera ku mpinduka ashaka, bityo rusohora itegeko ryo guhagarika by'agateganyo gahunda yo kugabanya abakozi ku bwinshi.'
Iryo tegeko ryo guhagarika by'agateganyo risaba ko ibigo byinshi bya Leta bihagarika gushyira mu bikorwa amabwiriza Perezida Trump yasinye muri Gashyantare, hamwe n'andi mabwiriza yasohowe n'Ibiro bishinzwe Gahunda yo Kunoza Imikorere ya Leta (DOGE) hamwe n'Ibiro bishinzwe Abakozi ba Leta (OPM).
Iryo tegeko rizamara iminsi 14, kandi ntirisaba ko ibigo bigomba gusubiza mu kazi abakozi bamaze kwirukanwa. Ahubwo abasaba b'iki kirego basabye ko itariki yo gutangira gushyira mu bikorwa ayo mabwiriza yasubikwa, ndetse ko ibigo bihagarika kwihutira cyangwa gukomeza gushyira mu bikorwa iryo tegeko rya perezida, harimo no gufata izindi ngamba.
Basabye ko iri tegeko rishingirwa gusa ku bigo aho gahunda yo gusenywa cyangwa kugabanywa kw'abakozi yatangiye cyangwa igiye gutangira. Harimo nk'Ikigo gishinzwe Ubuzima n'Imibereho Myiza (Department of Health and Human Services), cyatangaje muri Werurwe ko kizirukana abakozi 10,000 kandi kigashyira hamwe amwe mu mashami yacyo.
Umucamanza Illston, washyizweho na Perezida Bill Clinton wo mu ishyaka ry'Abademokarate, yavuze mu rukiko kuri uyu wa Gatanu ko Perezida afite uburenganzira bwo gusaba impinduka mu bigo na za minisiteri zashyizweho na Kongere.
Ariko yongeyeho ati: 'Agomba kubikora mu buryo bwemewe n'amategeko. Agomba kubikora mu bufatanye na Kongere, kuko Itegeko Nshinga ryubatswe mu buryo bubisaba.'
Perezida Trump yakunze kuvuga ko abamutoye bamuha uburenganzira bwo kuvugurura imikorere ya guverinoma, ndetse yashyize Elon Musk, umuherwe uzwi cyane, ku isonga y'iyo gahunda biciye muri DOGE.
Ibihumbi by'abakozi ba Leta bamaze kwirukanwa, abandi bavuye mu kazi binyuze muri gahunda zituma umuntu asezera akazi agategereza igihe runaka, abandi bajyanywe mu kiruhuko cy'igihe kirekire, kubera iyo gahunda yo kugabanya ubunini bwa guverinoma. Nta mubare nyakuri watangajwe w'abamaze gutakaza akazi, ariko nibura abakozi 75,000 boherejwe muri gahunda yo gusezera gahoro gahoro, abandi benshi bari mu gihe cy'igeragezwa bamaze kwirukanwa.
Mu cyemezo cye, umucamanza Illston yatanze ingero zigaragaza uko iyo gahunda yo kugabanya abakozi imaze kugira ingaruka:
Umuryango w'abakozi bakora ubushakashatsi ku ngaruka z'ubuzima ku bakozi b'amabuye y'agaciro watangaje ko ushobora gutakaza abakozi 221 kuri 222 bakoreraga mu biro byo i Pittsburgh, muri Pennsylvania.
Umuhinzi wo muri leta ya Vermont ntiyabonye igenzura ku gihe kugira ngo ahabwe inkunga yo kugoboka abahuye n'ibiza, maze atakaza igihe cy'ihingwa cy'ingenzi.
Uyu mucamanza yibukije ko ibigo byose byagize ingaruka byashyizweho na Kongere.
Abavoka ba Leta basobanuye ko amabwiriza ya Perezida n'impapuro zasohowe zisaba kugabanya abakozi no gukora igenamigambi ry'impinduka atari amategeko yemewe ahubwo ari amabwiriza rusange agomba kuyoborwa n'ibyo ibigo ubwabyo bifata nk'ibikwiye.
Umwavoka Eric Hamilton, ushinzwe gukurikirana imanza mu Rwego rw'Ubutabera, yagize ati: 'Iri tegeko rirasaba ibitekerezo n'inyandiko z'ubufatanye ku rwego rwa politike iyo ibigo bishaka gushyira mu bikorwa ayo mabwiriza. Ni amabwiriza agena umurongo.'
Ariko Danielle Leonard, uhagarariye abatanze ikirego, yavuze ko bigaragara neza ko Perezida, ibiro bya DOGE na OPM bari gufata ibyemezo birenze ububasha bafite, batabanje kugisha inama ibigo.
Yagize ati: 'Ntabwo barimo gutegereza ko inyandiko z'igenamigambi zinyura mu nzira zisanzwe. Ntabwo basaba uruhushya, kandi ntabwo banaritondeye.'
Iri tegeko ryo guhagarika by'agateganyo rishyirwa ku mashami ya Leta arimo: Minisiteri y'Ubuhinzi, Ingufu, Umurimo, Ubutaka, Ububanyi n'amahanga, Igenamigambi n'Imari, n'iyita ku Ntwari n'Abahoze ku rugamba.
Rinareba ibigo nka National Science Foundation, Small Business Association, Social Security Administration n'Ikigo gishinzwe kurengera ibidukikije (EPA).
Hari n'izindi mpuzamiryango z'abakozi hamwe n'imiryango itari iya Leta nayo iri mu kindi kirego kiri imbere y'undi mucamanza wo muri San Francisco, kijyanye n'iyirukanwa ry'abakozi bari bataramara igihe cy'igeragezwa. Muri icyo kirego, umucamanza William Alsup yari yategetse ko abo bakozi basubizwa mu kazi muri Werurwe, ariko Urukiko rw'Ikirenga rwa Amerika rwaje guhagarika icyo cyemezo.
Abari mu bashyikirije urukiko iki kirego harimo imijyi ya San Francisco, Chicago na Baltimore; ishyirahamwe ry'abakozi ba Leta rizwi nka American Federation of Government Employees; n'imiryango itari iya Leta nka Alliance for Retired Americans, Center for Taxpayer Rights na Coalition to Protect America's National Parks.
Ibi byabereye mu Murenge wa Cyanzarwe, Akagari ka Ryabizige kuri uyu wa kane, tariki 08 Gicurasi 2025, ubwo intama ya Murekezi Innocent yabyaraga abana batandatu.
Bamwe mu baturage bo muri uyu murenge baganiriye na IGIHE, bavuze ko ibyabaye kuri uyu muturage ari ibitangaza, ko ubu ari ubworozi wakora bukaguteza imbere mu gihe gito.
Uwamahoro Vestine ati 'Ejo ku isaha ya saa cyenda z'amanywa habaye igitangaza ubwo twari twumvise intama yabyaye ibyana bitandatu, ni ubwa mbere twari tubibonye kuko dusanzwe tubona izibyara ebyiri n'eshatu, abantu benshi ejo bari bahuzuye.'
Iyi ntama yari yabyaye amashashi abiri n'amasekurume ane. Ku wa Gatanu, amasekurume abiri yari amaze gupfa, gusa nyirayo afite icyizere ko izisigaye zizabaho.
Umukuru w'Umudugudu wa Musene, Ngizwenimana Theophile, iyi ntama yabyariyemo yabwiye IGIHE ko yatunguwe n'ibyabaye.
Mu Murenge wa Cyanzarwe intama icutse igeze ku mafaranga ibihumbi 70 Frw, mu gihe iya kwima irengeje ibihumbi 100 Frw.
Ebyiri mu ntama zapfuye, ntabwo zabashije kubaho kuko zapfuye nyuma y’amasaha make
Murekezi Innocent yavuze ko iyi ntama yamufashije kubona isambu ahinga
Ifi igira inyama ikungahaye ku ntungamubiri zitandukanye, ndetse inazwiho kugira ingaruka nke ugereranyije n'inyama zindi. Gusa umusaruro wayo mu Rwanda uracyari muke, ahanini bitewe n'ubworozi bwazo butari ku rwego rwiza mu myaka mike ishize.
Icyakora Leta y'u Rwanda, ku bufatanye n'abashoramari, yatangiye umushinga mugari wo kongera umusaruro w'amafi mu Rwanda, ku buryo mu 2035, amafi aboneka mu gihugu yaba amaze kugera kuri toni ibihumbi 80 ku mwaka umwe.
Gusa nta gihindutse, iyi ntego ishobora kuzagerwaho mbere y'igihe. Impamvu ni umusaruro udasanzwe w'ikigo cya Kivu Choice, gikorera ubworozi bw'amafi mu Karere ka Nyamasheke, mu kiyaga cya Kivu.
Iki kigo gikora ubworozi bw'amafi ya tilapia asanzwe aboneka mu Kivu, ariko bugakorwa mu buryo bugezweho, bwifashisha kareremba, cyangwa se 'cages.'
Kareremba ni uburyo bwo korora amafi, akagaburirwa mu buryo bumwe, agacungirwa hafi ku buryo akura vuba, agatanga umusaruro utubutse. Izi kareremba zubakwa mu Kiyaga hagati, aho imwe iba ifite metero 12 z'ubujyakuzimu. Zubakwa mu buryo ziri kumwe n'inshundura zifashishwa mu bihe byo kuroba.
Ku rundi ruhande, zubakwa mu buryo zishobora kwimurwa kandi zigashyirwa ahantu horoshya ukwivangavanga kw'amazi mu Kiyaga cya Kivu, ku buryo amazi adashobora kuguma ahantu hamwe.
Zubatswe kandi mu byiciro bitatu, birimo ahashyirwa amafi akiri mato, ahashyirwa amafi amaze gukura ariko ataragera ku rwego rwo kurobwa ndetse n'ahashyirwa amafi ashobora kurobwa. Ibi byiciro bitoranywa hashyingiwe ku biro by'ifi.
Mu kiyaga cya Kivu, Kivu Choice ihafite ahantu hatatu hakorerwa ubu bworozi, aho nko mu Karere ka Nyamasheke, hari ahashyizwe kareremba zifite ubutambike bwa metero 30, zikaba zimwe mu za mbere ku rwego rw'Isi.
Igikorwa cyo kumurika izi kareremba cyabaye kuri uyu wa 9 Gicurasi, mu Karere ka Nyamasheke mu Murenge wa Kagano. Arenga miliyari 12 Frw amaze gushyirwa muri uyu mushinga.
Umuyobozi Mukuru wa Kivu Choice ari nawe wayitangije, Kamran Ahmad, yavuze ko yatangiye gukorera mu Rwanda kubera politiki y'igihugu yo korohereza abashoramari, ashingira ko gufungura izi karerembe ziri kuri uru rwego, ari intambwe ikomeye mu guhaza isoko ry'amafi mu Rwanda.
Yongeyeho 'Gutangiza izi karerembe ni intambwe ikomeye mu rugendo rwo kwagura ubworozi bw'amafi mu Rwanda kandi bizatuma umusaruro w'amafi yororwa wiyongera ku rwego rwiza. Dufite intego yo gufasha u Rwanda kugeza ubworozi bw'amafi ahendutse kuri benshi.'
Umuyobozi Mukuru Ushinzwe Iterambere ry'Ubworozi muri MINAGRI, Ndorimana Jean Claude, yavuze ko iyi kareremba ari ikimenyetso cy'uko guhanga udushya bishobora gukemura ibibazo bihari, ati 'Byerekana imbaraga zo guhanga udushya n'ubufatanye mu guteza imbere ubworozi bw'amafi. Umushinga wa Kivu Choice uzadufasha mu kwihaza mu biribwa, guhanga imirimo ndetse no guteza imbere ubukungu bwo mu cyaro.'
Umuyobozi Wungirije w'Akarere ka Nyamasheke ushinzwe Iterambere ry'Ubukungu, Muhayeyezu Joseph Désiré, yavuze ko iri shoramari ryahinduye ubuzima mu Karere ka Nyamasheke 'binyuze mu guhanga imirimo ku rubyiruko, ndetse no kurushaho guteza imbere ubukungu bw'akarere kacu.'
Kivu Choice kandi iri kwiga ku mushinga wo gukora ifu y'amafi, ishobora kugira uruhare mu guhangana n'ikibazo cy'igwingira ry'abana.
Ubu bworozi bw’amafi ya tilapia butanga umusaruro uhagije
Inkingi zifashishwa mu kubaka kareremba
Umuyobozi Mukuru wa Kivu Choice ari nawe wayitangije, Kamran Ahmad, yavuze ko yatangiye gukorera mu Rwanda kubera politiki y'igihugu yo korohereza abashoramari
Abayobozi bagaburiye amafi
Izi kareremba zifite intera ya metero 30 z’ubutambike
Iki kiraro cyatashywe ku mugaragaro kuri uyu wa Gatanu tariki ya 9 Gicurasi 2025. Ni ikiraro kireshya na metero 54 cyubatswe ku bufatanye bw'Akarere na Bridge to Prosperty kugira ngo gifashe abaturage bari bamaze igihe kinini bari mu bwigunge kubera kubura aho banyura ngo bahahirane.
Niyonkuru Jean Bosco usanzwe yiga ku rwunge rw'amashuri rwa Kabare II, yavuze ko bishimiye ikiraro bubakiye kuko kigiye kubafasha mu kwambuka bajya kwiga. Yavuze ko abanyeshuri benshi byabagoraga kwambuka bajya kwiga ku buryo hari n'abasibaga amasomo.
Sindikubwabo Felecien yavuze ko hari abaturage benshi bagiye batwarwa n'ikiraro kibi cyari gihari, ashimira ubuyobozi bwiza bwabubakiye ikiraro cyo mu kirere.
Umwe mu baturage watanze ubuhamya, yavuze ko ahubatswe iki kiraro hajyaga hagwamo abana babo bagiye ku ishuri ariko ngo ubu abana bagiye kujya bajya kwiga bishimye. Yavuze ko kandi imihahirane hagati y'utugari twa Karujumba na Kabungo igiye koroha mu buryo bugaragara.
Ati 'Ntabwo twajyaga dukunda guhura kubera kubura aho duca, iyo imvura yabaga yaguye noneho byo byari ikibazo, hari ubwo twahingaga mu kandi Kagari imvura yagwa tukaburara kubera kubura uko tujyayo, iki kiraro kibaye igisubizo kuri twe kandi turashimira Umukuru w'Igihugu kuko imvugo ye ariyo ngiro.''
Umuyobozi w'Akarere ka Nyagatare, Matsiko Gozangue, yavuze ko muri uyu Murenge wa Kiyombe bamaze kuhubaka ibiraro bine byose bifasha abaturage mu mihahirane. Yasabye abaturiye iki kiraro kugifata neza buri wese akagicungira umutekano.
Ati 'Ibyiza by'ibi biraro binyura mu kirere byatuzaniye bidufasha mu mihahirane hagati y'imirenge, imihahirane hagati y'utugari bigatuma iterambere ry'abaturage ryihuta. Ibi biraro byose birubakwa ku bw'ineza y'umuturage.''
Ni igikorwa ku ikubitiro cyatangiriye mu bigo by'amashuri abanza 23, aho byahawe imashini 26 ziyungurura amazi ku bufatanye na Iriba Water Group. Izi mashini zikoresha ikoranabuhanga mu kuyayungurura hanyuma ushaka kunywa amazi agakoresha ikarita.
Ubusanzwe ibigo by'amashuri byakoreshaga uburyo bwa gakondo bwo guteka amazi abana banywa nyuma yo gufatira ifunguro ku ishuri, abandi bakoreshaga imiti isukura amazi ariko bakavuga ko byabahendaga cyane.
Umuyobozi w'Akarere ka Kayonza, Nyemazi John Bosco, yavuze ko iyi gahunda yo gushyira imashini ziyungurura amazi zikoresha ikoranabuhanga mu bigo by'amashuri rizabafasha mu kurengera ibidukikije kuko ubusanzwe amazi abana banywaga nyuma yo kurya yatekeshwaga inkwi nyinshi.
Yagize ati 'Biragabanya imyuka ihumanya ikirere kuko iyo dutekesheje inkwi hari imyuka izamuka igahumanya ikirere, bisobanuye ko ingufu zakoreshwaga mu guteka amazi zizagabanywa, bya biti twakoreshaga turabireka kandi na ya myuka ihumanya ikirere ntizongera kuzamuka.''
Meya Nyemazi yavuze ko kuri ubu amashuri 23 ari yo yahereweho ariko ko bafite gahunda y'uko amashuri abanza yose ndetse n'ayisumbuye yose azashyirwamo izi mashini ziyungurura amazi hifashishijwe ikoranabuhanga.
Niyonkuru Jean Claude wigisha ku ishuri ribanza rya Gahini, yavuze ko aho baboneye imashini iyungurura amazi ikoresha ikoranabuhanga, byabafashije mu gutuma abana banywa amazi meza asukuye ku buryo baciye ukubiri no kunywa amazi mabi yanabateraga indwara.
Ndagijimana Jean Pierre uyobora Urwunge rw'Amashuri rwa Adelaide, ishuri riherereye mu Murenge wa Kabare, we yavuze ko izi mashini z'ikoranabuhanga zatumye buri mwana wese asigaye anywa amazi meza bitandukanye na mbere.
Ati 'Abana benshi mbere banywaga amazi mabi ku buryo yanabatera indwara ariko ubu tumaze amezi abiri dutangiye gukoresha izi mashini mu kuyungura amazi nta kindi kibazo baragira, ikindi inkwi twakoreshaga duteka amazi ntabwo tukizikoresha.''
Ishimwe Yvette uyobora Iriba ari nayo iri gukwirakwiza izi mashini, yavuze ko bafite gahunda yo kugeza izi mashini ku bigo by'amashuri 200 muri uyu mwaka. Yavuze ko ikoranabuhanga bakoresha ari mpuzamahanga ku buryo ryizewe cyane.
Akarere ka Kayonza kabarizwamo ibigo by'amashuri 177 birimo ibigo bya Leta 114 ndetse n'ibigo byigenga 63.
