Webrwanda Backend

Author: webrwanda

  • Jose Mourinho yasubije Paul Pogba wamwibasiye anenga imitoreze ye #rwanda #RwOT

    Uyu mutoza Mourinho yasubije abanyamakuru ko atatiye na gato ku magambo ya Pogba wanenze imitoreze ye.

    Pogba yavuze ko umutoza we ubu Ole Gunnar Solskjaer adasuzugura abakinnyi nkuko Jose Mourinho abikora.

    Mu ijoro ryo kuri uyu wa Gatanu ubwo Tottenham yari imaze kunganya ibitego 2-2 na Everton muri Premier League,Mourinho yabonye umwanya wo gusubiza Pogba aho yavuze ko 'atitaye na gato ku magambo ya Pogba.'

    Mourinho yabwiye Sky Sports ati 'Icyo navuga nuko ntitaye na gato ku byo yavuze.ntibinshishikaje na gato.'

    Ibi Mourinho yabivuze nyuma y'aho Pogba abwiye abanyamakuru ati 'Icyo nzi kuri Ole n'umuntu utandukanye,ntiyanyuranya nibyo abakinnyi bashaka.

    Nibyo Ole ashobora kutabakoresha ariko ntiyabashyira ku ruhande nk'abatarigeze kubaho.Niho atandukaniye na Mourinho.

    Iyo nagiranaga umubano mwiza na Mourinho buri wese yarabibonaga ariko ku munsi ukurikiyeho wayoberwaga ibyabaye.Icyo ni ikintu gitangaje nzi kuri Mourinho ariko sinabasha kukibasobanurira kuko nanjye ntabwo mbizi neza.'

    Pogba yashwanye na Mourinho ubwo bakoranaga muri United kugeza ubwo uyu munya Portugal amwambuye icyizere yari yaramugiriye cyo kuba Visi kapiteni.

    Pogba yafashije Mourinho gutwara League Cup na Europa League mu mwaka we wa mbere atoza Manchester United ariko umubano wabo waje kuzamo agatotsi atangira kumwima umwanya wo gukina kugeza ubwo uyu mutoza yirukanwaga mu Ukuboza 2018.

    Source : http://umuryango.rw/imyidagaduro/imikino/article/jose-mourinho-yasubije-paul-pogba-wamwibasiye-anenga-imitoreze-ye

  • Chris Smalling wamenyekanye muri Manchester United yatewe n'abajura bamwiba bafatiyeho umugore we imbunda #rwanda #RwOT

    Chris Smalling w'imyaka 31 n'umugore we Sam Cooke w'imyaka 35 bakanguwe mu masaha y'urukerera n'abajura 3 bahise bafatira imbunda ku mugore we barangije baramwiba karahava.

    Polisi yavuze ko aba bajura binjiye bamenye idirishya ndetse ngo baba bahemukiye imbwa zirinda urugo.

    Nyina wa Smalling,mushiki we n'umuhungu w'imyaka 2 nabo bari muri uru rugo I Roma ubwo aba bajura bateraga.

    Ibi bisambo byahise bitegeka Smalling gufungura safe yabikagamo imikufi barangije bahita bafata iyi mikufi n'amasaha n'amayero 300 bariruka.

    Madamu Sam yahise yatsa intabaza [alarm] abapolisi bahita baza ariko basanga aba bajura bari bafite imodoka bamaze kugenda ariko abashinzwe gushaka ibimenyetso.

    Myugariro Smalling afite imvune ariyo mpamvu atari gukina muri iyi minsi,ariko aherutse kureba umukino wa AS Roma yanganyije na Ajax ihita ikatisha itike ya ½ cya Europa League izahanganamo na Manchester United.

    Source : http://umuryango.rw/imyidagaduro/imikino/article/chris-smalling-wamenyekanye-muri-manchester-united-yatewe-n-abajura-bamwiba

  • France : Padiri Hitayezu ukekwaho Jenoside yatawe muri yombi #rwanda #RwOT

    Kuri uyu wa Gatanu tariki 16 Mata 2021, Ubushinjacyaha bw’u Bufaransa bwatangaje ko Padiri Hitayezu yabajijwe n’umucamanza mu rugereko rwihariye rw’urukiko rwa Paris rushinzwe ibyaha byibasiye inyokomuntu.

    Hitayezu usanzwe ari umupadiri w’ahitwa Montlieu-la-Garde muri diyosezi ya La Rochelle muri kiriya gihugu, asanzwe ari mu bantu bari ku rutonde bashakishwa n’Ubushinjacyaha bw’u Rwanda kubera uruhare akekwaho kugira muri Jenoside Yakorewe Abatutsi.

    Muri 2016 urukiko rusesa imanza mu Bufaransa rwafashe icyemezo cyo kutoherereza Ubutebera bw’u Rwanda uyu musaseridoti Hitayezu.

    Padiri Hitayezu wahungiye mu Bufaransa mu 1999 avuye muri Repubulika Iharanira Demokarasi ya Congo aho yari yabanje guhungira.

    Avugwaho cyane gukorera ubugome Abatutsi bari bahungiye kuri Paruwasi Gatulika ya Mubuga muri Karongi, ubwo yabimaga ibyo kurya ahubwo akabiha Interahamwe zari zije kwica abo Batutsi.

    Ubwo yatabwaga muri yombi mu Bufaransa ku wa Kane tariki 14 Mata 2021, yanabajijwe kuri iki cyaha ariko we akagihakana.

    Uyu musaseridoti atawe muri yombi n’ubutabera bw’u Bufaransa bukomeje kugaragaraza intambwe mu kwemera uruhare rwa kiriya gihugu muri Jenoside yakorewe Abatutsi.

    Mu mpera z’ukwezi gushize kwa Werurwe, Komisiyo yitiriwe Duclert iherutse gushyira hanze Raporo igaragaza ko u Bufaransa bwagize uruhare rukomeye mu byabaye mu Rwanda hagati y’ 1990 n’ 1994.

    UKWEZI.RW

    Source : http://www.ukwezi.rw/mu-rwanda/3/article/France-Padiri-Hitayezu-ukekwaho-Jenoside-yatawe-muri-yombi

  • Gicumbi : RIB irashimira abaturage bagize uruhare mu ifatwa ry’ukekwaho icyaha cyo kwica #rwanda #RwOT

    Ku gicamunsi cyo kuri yu wa Gatanu tariki 16 Mata 2021, Urwego rw’Igihugu rw’Ubugenzacyaha RIB rwari rwatangaje ko ruri gushakisha uyu Nikobahoze Straton ukekwaho icyaha cyo kwica umuturage.

    Uyu Nikobahoze Straton akekwaho kwica Umuturage witwa Narame Delphine mu Mudugudu wa Rurama, Akagari ka Musenyi, Umurenge wa Mutete mu Karere ka Gicumbi.

    Akimara kumwica ejo ku wa Gatanu tariki 16 Mata 2021, yahise acika ariko Urwego rw’Igihugu rw’Ubugenzacyaha ruhita rutangira kumushakisha.

    Mu ijoro ryo kuri uyu wa Gantu, RIB yongeye kumenyesha Abanyarwanda ko uyu Nikobahoze Straton yafashwe.

    Iri tangazo rigira riti 'RIB irashimira abaturage batanze amakuru n’abandi bagize uruhare rwatumye uwashakishwaga afatwa, ubu akaba afungiye kuri sitasiyo ya RIB ya Byumba.'

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Gicumbi-RIB-irashimira-abaturage-bagize-uruhare-mu-ifatwa-ry-ukekwaho-icyaha-cyo-kwica

  • Guverineri Kayitesi yagaragaje ingamba zikomeye zo guhashya ingengabitekerezo ya Jenoside yiganje mu Majyepfo –

    Iki cyegeranyo kigaragaza ko mu myaka itatu ishize kugeza muri Kamena 2020, amadosiye 949 ajyanye n’ingengabitekerezo ya Jenoside yinjiye mu bushinjacyaha, akurikiranywemo abantu 1172. Muri abo hari harimo abagore 288 bangana na 24,5% n’abagabo 884 bangana na 75,5%.

    Intara y’Amajyepfo ni yo yagaragayemo amadosiye menshi y’Ingengabitekerezo ya Jenoside kuko yihariye 262, muri dosiye zose zakurikiranywe n’Ubushinjacyaha.

    Uturere twa Huye, Nyanza, Kamonyi, Nyamagabe na Ruhango turi mu 10 twa mbere mu kugira amadosiye y’ingengabitekerezo ya Jenoside muri iyo myaka itatu.

    Umuyobozi w’Intara y’Amajyepfo, Kayitesi Alice, yavuze ko iyi ntara iri mu zashegeshwe cyane muri Jenoside yakorewe Abatutsi, ari nayo mpamvu usanga hari benshi mu bayigize bagifite ingengabitekerezo.

    Mu kiganiro yagiranye na IGIHE, Guverineri Kayitesi yavuze ko binyuze mu biganiro bya Ndi Umunyarwanda n’ubukangurambaga butandukanye, batangiye kubona ko hari icyizere cy’uko abantu basobanukirwa amateka ya Jenoside yakorewe Abatutsi n’ibibi by’ingengabitekerezo yayo.

    Ati “Twashyize imbaraga cyane mu bijyanye no gushishikariza […] n’ubwo twakomwe mu nkokora n’iki cyorezo ariko hakoreshejwe amahuriro atandukanye mu buryo bw’ikoranabuhanga twakoze ibiganiro bya Ndi Umunyarwanda n’ubundi buryo bugamije kubaka ubumwe bw’Abanyarwanda.”

    Muri iyi ntara kandi hari ikindi kibazo kijyanye n’imanza za Gacaca aho nk’imitungo yangijwe muri Jenoside yakorewe Abatutsi itigeze yishyurwa. Ibintu nabyo bizana urwicyekwe mu mibanire umuntu akumva atanyuzwe, atishimye yibaza uko ashobora kubana n’uwamwangirije, wamuhemukiye kandi ataramwishyuye.

    Guverineri Kayitesi yavuze ko mu manza zisaga ibihumbi 340, izirenga ibihumbi 338 zararangijwe mu gihe imanza zigera muri 258 arizo zishobora kurangizwa mu bihe bya vuba kuko abishyurwa bahari n’abishyura.

    Ati “Twumva kurangiza izo manza ari ikintu kizadufasha koko gukomeza gushishikariza abaturage bacu kubana neza bakabana mu mahoro ndetse na bya bibazo by’ingengabitekerezo bikagabanyuka.”

    Itegeko ryo mu 2018 ryerekeranye n’icyaha cy’ingengabitekerezo ya Jenoside n’ibyaha bifitanye isano na yo rivuga ko guhakana Jenoside bishingiye ku kuvuga cyangwa kugaragaza ko jenoside atari jenoside; kugoreka ukuri kuri jenoside agamije kuyobya rubanda; kwemeza ko mu Rwanda habaye jenoside ebyiri no kuvuga cyangwa kugaragaza ko Jenoside itateguwe.

    Rikomeza rivuga ko gupfobya Jenoside bigizwe no kugabanya uburemere cyangwa ingaruka za jenoside; koroshya uburyo jenoside yakozwemo no kugaragaza imibare itari yo y’abazize Jenoside.

    Uhamijwe icyaha cyo gupfobya Jenoside cyangwa kuyihakana kuri buri kimwe ahanishwa igifungo kitari munsi y’imyaka itanu ariko kitarenze imyaka irindwi n’ihazabu y’amafaranga y’u Rwanda atari munsi y’ibihumbi magana atanu ariko atarenze miliyoni imwe.

    Guverineri w’Intara y’Amajyepfo, Kayitesi Alice, yavuze ko ibiganiro bya Ndi Umunyarwanda biri gukorwa byitezweho gutanga umusanzu mu kurandura ingengabitekerezo ya Jenoside

  • Mu myambaro mishya APR FC yasubukuye imyitozo(AMAFOTO) #rwanda #RwOT

    Ikipe ya APR FC yasubukuye imyitozo yitegura shampiyona izatangira mu ntangiriro z’ukwezi gutaha kwa Gicurasi.

    Iyi kipe irimo gukorera umwiherero i Shyorongi iranakoresha kibuga cya Shyorongi mu myitozo.

    Ku munsi w’ejo hashize ku wa Gatanu mu gitondo nibwo iyi kipe y’ingabo z’igihugu yasubukuye imyitozo.

    Mu myambaro myiza y’uruganda rwa Kappa nka kompanyi yasinyanye amasezerano yo kwambika iyi kipe niko abasore bayo baserutse.

    Bigaragara ko uru ruganda rwakoreye iyi kipe imyambaro itandukanye yo gukoresha imyitozo irimo jersey zisanzwe(ikabutura n’umupira), amasengeri, imipira y’amaboko maremare ishobora gukoreshwa mu gihe cy’ubukonje n’ibindi.zose ziriho nimero.

    Shampiyona izatangira tariki ya 1 Gicurasi 2021 isozwe tariki ya 29 Kamena 2021, APR FC iri mu itsinda rya mbere na Bugesera, AS Muhanga na Rutsiro FC.

    Umunyezamu Rwabugiri Umar

    Kapiteni wa APR FC, Manzi Thierry

    Niyonzima Olivier Seif

    Claude ayoboye bagenzi be bishyushya

    Nsanzimfura Keddy

    Mutsinzi Ange Jimmy mu myitozo ya mbere

    Mangwende (24)

    Manishimwe Djabel

    Umutoza Adil Erradi

    Rutahizamu Danny Usengimana

    Byiringiro Lague mu mupira muremure ushobora kwifashishwa mu myitozo mu gihe cy’ubukonje

    Source : http://isimbi.rw/siporo/article/mu-myambaro-mishya-apr-fc-yasubukuye-imyitozo-amafoto

  • AMAFOTO : APR ishaka kugumana shampiyona yatangiye imyitozo #rwanda #RwOT

    Iyi kipe itangiye imyitozo nyuma y’uko ibiherewe uburenganzira n’Ishyirahamwe ry’Umupira w’Amaguru mu Rwanda FERWAFA.

    Iyi myitozi yitabiriwe n’abakinnyi bose, bagaragazaga ko bishimiye kugaruka mu kibuga nk’ikipe ishyize hamwe kandi ifite intego yo kongera kwegukana igikombe cya Shampiyona.

    Iyi shampiyona izatangira tariki ya 01 Gicurasi 2021, izakinwa mu buryo budasanzwe bw’amatsinda ane y’amakipe.

    Ikipe ya APR iri mu itsinda A ririmo Bugesera FC, AS Muhanga na Gollira FC.

    Photos © APR FC-Urubuga

    UKWEZI.RW

    Source : http://www.ukwezi.rw/Imikino/article/AMAFOTO-APR-ishaka-kugumana-shampiyona-yatangiye-imyitozo

  • Polisi yasubukuye kwandika abashaka impushya zo gutwara ibinyabiziga –

    Mu itangazo yanyujije ku rubuga rwayo rwa Twitter kuri uyu wa Gatanu tariki 16 Mata 2021, Polisi yamenyesheje abifuza gukorera impushya zo gutwara ibinyabiziga z’agateganyo n’iza burundu ko kwiyandikisha bizatangira ku wa Mbere.

    Iryo tangazo rikomeza rivuga ko abo impushya zabo z’agateganyo zari zararangiye muri iki gihe cya Coronavirus, bemerewe kuziyandikisha bakazakorera iza burundu.

  • Musanze: Abarokotse Jenoside yakorewe Abatutsi basaba ko basanirwa amacumbi yenda kubagwaho –

    Bamwe muri bo, ni abatuye mu Midugudu ya Susa, Nduruma, Karwasa, Kinigi na Kimonyi bagaragaza ko inzu zabo zamaze kwangirika bikomeye kuko inyinshi zubakishijwe ibikoresho bitaramba izindi zikaba zarashaje kugeza n’ubwo amazi yatangiye kujya azinjiramo.

    Mujawamariya Agnes ni umwe muri bo usaba ubufasha kuko ubu amazi yamaze gutobora akaba yisuka mu nzu agasohokera ahandi.

    Ati “Iyi nzu nyimazemo igihe kirekire ariko ni uku nyituze, amazi yatangiye yinjira buhoro buhoro none murabona ko yakoze umugenda mu nzu agasohokera hariya, mfite impungenge ko izangwaho kuko iyo imvura iguye ibintu byose turabimanika kuko amazi ahita yuzura mu nzu.”

    Perezida wa Ibuka mu Karere ka Musanze, Rwasibo Pierre, yavuze ko ikibazo cy’amacumbi ashaje akenewe gusanwa n’icyabatarayabona byamaze gushyikirizwa inzego bireba ngo zibikemure ariko nabo bategereje ibisubizo.

    Ati “Turashimira Leta kuko yagerageje gushaka byibuze aho abantu bakinga umusaya mu bihe bitari byoroshye. Ibibazo by’amacumbi yamaze kwangirika n’abatarayabona byose twabishyikirije Akarere ngo bishakirwe ibisubizo kuko usanga bene ayo macumbi bafite ibindi bibazo nk’ibyo kuba bakuze, bafite ubumuga n’ibindi by’imibereho itatuma babona ubushobozi bwo kwisanira, ubu natwe turategereje.”

    Umuyobozi w’Akarere ka Musanze, Nuwumuremyi Jeanine, yavuze ko ku bufatanye na Ibuka hamaze gukorwa urutonde rw’inzu zimeze nabi zikeneye gusanwa ndetse n’abakeneye kubakirwa bundi bushya bitarenze umwaka utaha bizaba byakozwe.

    Ati ” Dufatanyije na Ibuka twamaze kubarura inzu zikeneye gusanwa kuko hari izagiye zubakwa mu buryo bwihuse ngo abantu babone aho kuba bakinze umusaya, hari n’iziba zimaze igihe kinini, ubu zose zirazwi hari n’abatarubakirwa kandi ubona ko bakeneye ubufasha, birumvikana natwe tubanza kubishakira ubushobozi ariko icyo tubizeza ni uko bitarenze umwaka utaha bazaba basaniwe abandi bubakiwe.”

    Inzu zigera ku 151 z’abarokotse Jenoside yakorewe Abatutsi bo mu Karere ka Musanze ni zo zikenewe gusanwa naho indi miryango igera kuri 27 ni yo ikeneye kubakirwa amacumbi.

    N’ubwo ikibazo cy’amacumbi y’abarokotse Jenoside yakorewe Abatutsi gikomeje kuba imbogamizi ku mibereho myiza yabo, bishimira aho bageze mu bikorwa byo kwiyubaka mu iterambere ry’igihugu kuko bataheranwe n’agahinda.

    Amafoto agaragaza uko izi nzu zimeze muri iki gihe

  • Polisi yasubukuye kwandika abashaka impushya zo gutwara ibinyabiziga – #rwanda #RwOT

    Mu itangazo yanyujije ku rubuga rwayo rwa Twitter kuri uyu wa Gatanu tariki 16 Mata 2021, Polisi yamenyesheje abifuza gukorera impushya zo gutwara ibinyabiziga z'agateganyo n'iza burundu ko kwiyandikisha bizatangira ku wa Mbere.

    Iryo tangazo rikomeza rivuga ko abo impushya zabo z'agateganyo zari zararangiye muri iki gihe cya Coronavirus, bemerewe kuziyandikisha bakazakorera iza burundu.

    Source : http://igihe.com/amakuru/u-rwanda/article/polisi-yasubukuye-kwandika-abashaka-impushya-zo-gutwara-ibinyabiziga