Author: webrwanda

Nyuma y’uko ingengabihe ya shampiyona y’icyiciro cya mbere mu mupira w’amaguru mu Rwanda icyiciro cy’amatsinda isohotse, Stade Regional yari imenyerewe gukoreshwa n’amakipe menshi y’i Kigali ntiri mu bibuga bizakoreshwa bitewe n’uko irimo kuvugururwa.

Shampiyona ya 2021 izakinwa mu buryo bw’amatsinda aho amakipe yashyizwe mu matsinda 4, buri tsinda rikaba rigizwe n’amakipe 4 aho hazazamuka 2 muri buri tsinda agahatanira igikombe mu gihe andi azaba ahatana arwana no kutamanuka.

Uyu munsi nibwo ishyirahamwe ry’umupira w’amaguru mu Rwanda ryashyze hanze uko amakipe azahura mu cyiciro cy’amatsinda.

Amakipe yo muri Kigali yari asanzwe yakirira imikino yayo kuri Stade Regional akaba azakirira kuri Stade Amahoro yari isanzwe yakira umukino wa APR FC na Rayon Sports gusa.

Mu minsi ishize nibwo ISIMBI yabagejejeho inkuru y’uko CAF yamenyesheje FERWAFA ko nta kibuga bafite cyemerewe kwakira imikino mpuzamahanga bityo ko nta gikozwe imikino y’ijonjora ryo gushaka itike y’igikombe cy’Isi izaba mu kwezi kwa Kamena bashobora kuyakirira mu kindi gihugu.

Icyo gihe umunyamabanga wa FERWAFA, Uwayezu François Regis yari yabwiye ISIMBI ko hari ibyo bababwiye gukosora kuri Stade Regional cyane ko Stade Amahoro yo imaze igihe itakira amarushanwa mpuzamahanga.

ISIMBI yashatse kumenya niba impamvu yatumye Stade Regional itazakira imikino ya FERWAFA ari uko hatangiye imirimo yo kuyivugurura cyangwa hari indi impamvu, maze umuntu umwe wo muri FERWAFA avuga ko ari yo mpamvu kuko imirimo yo kuyivugurura yatangiye.

Stade Regional babwiwe ko aho abantu bicara hagomba gushyirwa intebe buri muntu akagira intebe yicaraho aho kwicara ku ntebe za sima ku buryo bigorana kumenya umubare nyirizina iyi stade yakira, kuvugurura urwambariro(Dressing room), ubwiherero, guhindura aho abasimbura bicara no gusiga amarangi.

Amakuru akaba avuga ko mu gihe iki kibuga cyaba cyarangiye cyazatangira gukoreshwa nyuma y’imikino y’amatsinda, kibaye kitararangira hazakomeza gukoreshwa Stade Amahoro.

Shampiyona izatangira tariki ya 1 Gicurasi isozwe tariki ya 29 Kamena 2021.

Asubiza intege mu bugingo bwanjye, Anyobora inzira yo gukiranuka ku bw’izina rye. Zaburi 23:3

Impamvu dukwiye gusubizwamo intege

Iyo tuvuze gusubizwamo intege, tuba tuvuze gusanwa cyangwa se kuvugururwa. Gusanwa ni hahantu hababaye cyangwa se hangiritse Imana yongera gusana cyangwa se ikavugurura ubuzima bwawe.

Ikindi twavuga ni ukubakwa, Imana ishobora no kukubaka bundi bushyashya nabyo ibifitemo ubushobozi. Hanyuma ikindi ni ugusubizwamo imbaraga kubera igihe umaze urwana intambara, hari kandi no guhemburwa mu buryo bw’amarangamutima, cyangwa se mu gice cy’ubugingo kandi ibyo bishobora kubaho no mu mubiri. Ikindi ni ukongera gushibuka( kongera kubaho)

Ni ibiki dukwiye gukora byadusubizamo imbaraga?

Gusenga: Gusenga ni bwo buryo bukomeye Imana yadushyiriyeho kugira ngo dusohore ibituremereye byuzuye imitima yacu, twakire ihumure ry’Imana imbere muri twe. Tukongera gusanwa, tukongera gushibuka, tukongera kumva tumeze neza.

Guhuza ijambo ry’Imana n’ubuzima bwacu: Abantu benshi tubizi mu mutwe no mu mpapuro, ariko iyo tubashije guhuza ijambo ry’Imana n’ubuzima hongera kubaho gusanwa cyangwa se kubakwa, cyangwa gusubizwamo imbaraga nshya.

Kubana n’inshuti nziza: Hari igihe umuntu abaho adafite inshuti nzima pe! Ukaba ufite inshuti ziguca intege, zitagukomeza. Inshuti zitagufasha gutera imbere ahubwo zikubwira ko bicitse, ko upfuye, ntacyo uzageraho, burya biranakomeye, bakakubwira ibintu bibi gusa. Mubyukuri aba bantu ntibazagufasha gusanwa, ni byiza ko uhitamo inshuti nziza z’umumaro zigufasha gusanwa no kubakwa.

Gusaba Umwuka Wera: Umwuka Wera akaba mu buzima bwacu, akatwuzura, akavugurura ubuzima bwacu. Bibiliya iravuga ngo ntanubwo tuzi uko dukwiriye gusenga, ahubwo Umwuka Wera aradusengera akatunihira iminiho itavugwa. Ni byiza ko dushaka Umwuka Wera mu buzima bwacu.

Kubabarira: Iyo ufite umuntu wananiwe kubabarira muba muhambiranye: Iyo ugiye muri dushe muba muri kumwe, iyo ugiye ku meza muba muri kumwe, iyo ufashe urugendo nawe uramutegera¸mbese umuntu wananiwe kubabarira ntashobora gutuma uvugururwa( Usanwa). Ariko iyo umurekuye ukamushyira ku ruhande, ukabirekera Imana ukababarira wongera kumva usanwe.

Iyo tuvuze kubabarira harimo no gusaba imbabazi, akenshi dukunda kubwira abantu kubabarira ariko ntitubwire abantu gusaba imbabazi abo bahemukiye. Iyo ubashije gutura umutwaro ugasaba imbabazi z’ibyo wakoze, haba hongeyeho gusanwa cyangwa se kuvugururwa.

Nsoza ndagira ngo mbabwire ko ubu buhamya Dawidi yatanze, ni ubuhamya bwe. Dawidi yabayeho ahura n’ibicantege birenze uko twabitekereza, yavutse mu muryango utamukunda kuko yaravuze muri Zaburi 27 ngo nubwo Data na Mama bantaye, Uwiteka yarantoraguye. Nawe tekereza aho ababyeyi batamukunda, batamuha agaciro bakamwohereza kuragira intama mu ntare, mu idubu ahantu azapfira. Hanyuma, mwibuke ko Dawidi yabayeho adafite ikerekezo cy’ubuzima, kuko yaravuze ngo mba narihebye iyo ntizera ko nzabona kugira neza mu isi y’ababaho.

Hari igihe umuntu abaho nta Bije (Bigdet), akabaho nta mushahara, cyangwa se yaba anabifite agakena kandi abifite. Ukabaho ubuzima bwa Manu utazi ejo ikizakurikiraho, ukabaho ubuzima nawe ubwawe utakwicara ngo usobanure uko ubayeho. Ibyo bibaho mu gihe urimo kwiga ishuri ry’Imana, ariko nabwo Imana ijya idusubizamo intege ikaduha umugisha mu bundi buryo.

Dawidi igihe ajya kwica Goriyati, bari basezeranye ko umuntu uribumwice bamushyingira umukobwa w’umwami, hanyuma inzu ya se bakayikuraho umusoro, bakamuha ubutunzi bwinshi. Dawidi ati ninshobora kumwica ndaba mbaye umuherwe, ariko mwibuke ko Sawuli yavuze ngo’ nzamumushyingira amubere umutego’ kubera iki? Dawidi bamubyiniye, hanyuma Sawuli we bavuze ko yishe ibihumbi icumi gusa.

Byari ibintu bikomeye kuba Dawidi yarahise ahunga ari umugeni. Ntabwo mushobora kubyibaza, yamaze imyaka icumi mu buvumo bwa Aduramu abantu bamusanze yo: Ni imfubyi, abinuba, abanyamadeni, abafite intimba mu mutima. Nta murisansiye wari urimo, nta mucuruzi, nta muterankunga, ubuzima bwe bwari mu kaga. Murabizi ko Sawuli hari igihe yajyaga ajya kumuhiga yitwaje ingabo ibihumbi bitatu, zatoranyijwe, zigishijwe kujya guhiga Dawidi.

Ntabwo nzi ubuzima urimo urabaho uyu munsi, ariko ngufitiye inkuru nziza, Imana isubiza intege mu bugingo. Kandi si mu gice cy’ubugingo gusa, no mu mubiri Imana ijya idusubizamo intege. Ndabizi ko mu myaka ishize atari uko twasaga, si uko wari umeze Imana yagiye igusubizamo intege mu bugingo bwawe.

Yego biracyari urugendo Imana ntabwo irarangizanya nawe, iracyari mu kazi ko gusubizamo intege no kukuvugurura. Iracyarimo kukubaka no gongera kugushyiramo imbaraga nshya kugira ngo wongere kurwana urugamba.

Dawidi icyamufashije, ni ukubaho ubuzima bukiranuka, ni ukuba umunyakuri, ni uko yari afite intego mu buzima kandi Imana yabanye nawe. Imana ifite umugambi mwiza wo kugusubizamo intege mu mwuka, mu bugingo no mumubiri. Icyo ngusaba ni kimwe gusa ube umunyakuri ubwire Imana uti: Ndagukunda, ariko maze iminsi naracitse intege, ndagukunda ariko maze iminsi numva ubuzima bwanjye butameze neza.

Ba umunyakuri imbere y’Imana yiteguye kuguha imbaraga zihwanye n’igihe urimo, yiteguye kugutabara, yiteguye kuguha ibirenze ibyo wakwibwira. Yihange amaso nta nakimwe izakwima.

Indi nyigisho wasoma ijyanye n’iyi: Gusubizwa intege mu bugingo, birasaba ko uba umunyakuri : https://www.agakiza.org/Gusubizwa-intege-mu-bugingo-birasaba-ko-uba-umunyakuri.html

Iyi nyigisho yateguwe, ikanatambutswa na Pasiteri Habyarimana Desire kuri Agakiza Tv yose wayireba hano

Source: Agakiza Tv

[email protected]

Aba bagabo barashwe na batayo ya 63, bikaba byabereye mu Mudugudu wa Murambi aho bakunze kwita Diaspora, mu Kagari ka Buhaza, Umurenge wa Rubavu.

Ingabo z’u Rwanda zarashe aba bantu zikeka ko ari umwanzi, babiri bahita bahasiga ubuzima barimo Nzayisaba Jean Damascene wo mu Kagari ka Rukoko mu Murenge wa Rubavu akaba ari na we wabashije kumenyekana.

Ubuyobozi bw’Ingabo zikorera muri kariya gace, zahumurije abaturage, zibabwira ko nk’uko bisanzwe RDF ishinzwe kubarindira umutekano ariko ko na bo bakwiye kwirinda kunyura mu nzira zitemewe kuko ingabo zihora ziri maso kandi zishobora kubitiranya n’umwanzi.

Umuyobozi wungirije wa Brigade ya 201 ikorera mu turere twa Rubavu, Nyabihu, Ngororero n’igice cya Rutsiro, Colonel Mpabuka Innocent yagize ati 'Ntabwo dushinzwe kurasa abaturage, dushinzwe kubarindira umutekano.'

Yakomeje agira ati 'Ibintu byo guca hano nijoro ntitubasha kugutandukanya n’umwanzi, byibura uje ku manywa twakujyana ugahanwa ariko aba baza nijoro ni abagizi ba nabi kuko hano baca n’umwanzi na we yahaca.'

Habyarimana Gilbert uyobora Akarere ka Rubavu na we yagarutse ku butumwa bwo kwibutsa abaturage kwirinda gukora ibinyuranyije n’amategeko.

Yavuze ko nubwo imipaka ifunze ariko hashyizweho uburyo bwo koroshya ubuhahirane hagati y’ibihugu.

Yagize ati 'Mudufashe mukurikize amabwiriza kuko birababaje kubona umuntu aza mu ijoro akanyura mu birindiro by’ingabo, ababikora mubireke muze tubafashe.'

Aka gace gakunze kurasirwamo abaturage baba binjira mu gihugu mu buryo bunyuranyije n’amategeko bitwikiriye ijoro kuko baba bitiranyijwe n’umwanzi.

Ni agace kandi kakunze kunyuramo abarwanyi b’umutwe wa FDLR uhungabanya umutekano w’u Rwanda ku buryo ingabo z’u Rwanda zihora ziri maso zicunga ko ntaho bamenera.

Photos : Igihe

UKWEZI.RW

Shaddyboo wujuje imyaka 29 y’amavuko kuri uyu wa 20 Mata 2021, yavuze ko nubwo kuba ku Isi bigoye ariko yishimira kuba akomeje kubona amahirwe yo kubaho.

Yifashishije urubuga rwe rwa Instagram, Shaddyboo yagize ati 'Nishimiye kubona undi mwaka. Isi igoye kuyibaho ariko nishimiye amahirwe mbonye yo kuba nkiyiriho mpumeka kandi nshobora guhitamo icyerekezo cyanjye, ngakunda kandi ngakundwa.'

Yakomeje agira ati 'Nshishikajwe no gukora ibyiza nk’urumuri ngomba kumurika ku Isi. Ndi gukora ibishoboka byose muri ubu buzima kuko ni ubwanjye bwite.'

Shaddyboo yavukiye i Nyamirambo mu Karere ka Nyarugenge mu Mujyi wa Kigali, ku wa 20 Mata 1992.

Ni imfura mu muryango w’abana bane, abahungu babiri n’abakobwa babiri kandi ababyeyi be bose baracyariho.

Uyu mugore usanzwe unafite abana babiri b’abakobwa, ni umwe mu bahiriwe no gukoresha imbuga nkoranyambaga kubera agatubutse akuramo ndetse akaba aherutse gusinya amasezerano yo kwamamaza ya miliyoni 54 Frw.

UKWEZI.RW