Webrwanda Backend

Author: webrwanda

  • Musanze : Umusore yatemye undi akaguru amuziza igiceri cya 50Frw amurimo #rwanda #RwOT

    Uyu musore w’imyaka 20 watemwe na mugenzi we amuziza igiceri cya 50 Frw amurimo nk’umwenda, yahise ajyanwa mu bitaro bya Ruhengeri kugira ngo yitabweho.

    Naho uriya w’imyaka 18 watemye mugenzi we yahise ashyikirizwa Polisi ubu akaba ari mu maboko y’uru rwego ubu akaba afungiye kuri station yarwo ya Remera.

    Twagirimana Edouard uyobora Umurenge wa Remera avuga ko abaturage bakwiye kumenya ko gukemura ibibazo bitagomba gutera ibindi.

    Yagize ati 'Icyo dusaba abaturage ni ukujya bakemura ibibazo bafitanye mu mahoro aho gukoresha imbaraga n’umujinya w’umurengera gutya. Uyu yishyuzaga amafaranga 50 mugenzi we amubwira ko ntayo afite ariko ntibyari bikwiye kugera kuri ruriya rwego.'

    ITEGEKO RITEGANYA IKI ?

    Ingingo ya 121 : Gukubita cyangwa gukomeretsa ku bushake

    Umuntu wese, abishaka, ukomeretsa undi, umukubita cyangwa umusagarira ku buryo bwa kiboko bubabaje aba akoze icyaha.

    Iyo abihamijwe n’urukiko, ahanishwa igifungo kitari munsi y’imyaka itatu (3) ariko kitarenze imyaka itanu (5) n’ihazabu y’amafaranga y’u Rwanda atari munsi y’ibihumbi magana atanu (500.000 FRW) ariko atarenze miliyoni imwe (1.000.000 FRW). Iyo icyaha cyakorewe umwana, umubyeyi, uwo bashyingiranywe cyangwa umuntu udashoboye kwitabara kubera imiterere ye ku mubiri cyangwa mu bwenge, ahanishwa igifungo kirenze imyaka itanu (5) ariko kitarenze imyaka umunani (8) n’ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenga miliyoni ebyiri (2.000.000 FRW).

    Iyo gukubita cyangwa gukomeretsa byateye indwara cyangwa kudashobora kugira icyo umuntu yikorera ku buryo budahoraho, igihano kiba igifungo kitari munsi y’imyaka icumi (10) ariko kitarenze imyaka cumi n’itanu (15) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000FRW). Iyo byateye indwara idakira, ubumuga buhoraho butuma ntacyo yikorera, kubuza burundu urugingo rw’umubiri gukora no gutakaza igice cy’umubiri, igihano kiba igifungo kitari munsi y’imyaka icumi (10) ariko kitarenze imyaka cumi n’itanu (15) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

    Iyo gukubita cyangwa gukomeretsa byagambiriwe, byategewe igico, uwakoze icyaha ahanishwa igifungo kitari munsi y’imyaka icumi (10) ariko kitarenze imyaka cumi n’itanu (15) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

    Iyo gukubita cyangwa gukomeretsa byateye urupfu, igihano kiba igifungo kitari munsi y’imyaka cumi n’itanu (15) ariko kitarenze imyaka makumyabiri (20) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atarenze miliyoni zirindwi (7.000.000 FRW).

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Musanze-Umusore-yatemye-undi-akaguru-amuziza-igiceri-cya-50Frw-amurimo

  • Inzara imeze nabi mu nkambi z’impunzi, ngo hari abari kwiyahura kubera yo #rwanda #RwOT

    BBC dukesha iyi nkuru, iherutse gusura inkambi za Mahama iburasirazuba, Kigeme mu majyepfo na Gihembe mu majyaruguru, aganira n’izo mpunzi z’Abarundi n’Abanyekongo.

    Mbere, umuntu umwe w’impunzi yagenerwaga 7,600Frw y’imfashanyo yo kumutunga ku kwezi, gusa guhera mu kwezi gushize kwa gatatu uyu mwaka umwe agenerwa 3,040Frw, ni angana na 100Frw ku munsi.

    Ishami rya ONU/UN rishinzwe ibiribwa ku isi, WFP/PAM rivuga ko iri gabanuka ryatewe n’uko “abaterankunga bahagaritse inkunga zabo kubera Covid”.
    Mu nkambi ya Kigeme irimo impunzi zirenga 20,000, Confiance Uwamahoro ushinzwe imibereho myiza avuga ko inzara imeze nabi muri iyi nkambi kuko 3,040Frw nta kintu afasha.

    Uwamahoro, ukomoka muri DR Congo, ati : “Bigendanye n’ibiciro byo ku isoko, inzara yishe abantu cyane. Igiceri cy’ijana ku munsi nawe urumva ko kitatunga umuntu.”

    Edson Munyakarambi wo muri iyi nkambi avuga ko hari amakuru ko inzara yatumye umuntu umwe yiyahura agapfa, undi we agatabarwa ntapfe nyuma yo kugerageza kwiyahura kubera inzara.

    Ati : “…umwe yariyahuye nanjye nari mpari tumushyingura, nubwo uwapfuye atavuga impamvu yiyahuye… ariko undi wari ugiye kwiyahura bamuca mu ngoyi [baramutabara] ubu ubuzima bwe bugeze ahabi, uwo twaramubajije we atubwira ko ari inzara.”

    I Mahama bari guhitamo gutaha

    Mu nkambi ya Mahama irimo impunzi zirenga 54,000 ziganjemo izituruka mu Burundi, kimwe no mu nkambi ya Gihembe irimo abarenga 12,000 biganjemo abakomoka muri DR Congo, naho bavuga ko bugarijwe n’inzara kubera igabanuka ry’imfashanyo.

    I Mahama, impunzi z’Abarundi zabwiye BBC ko abiyandikisha bashaka gutaha biyongereye nyuma y’iri gabanuka ry’imfashanyo ya PAM.

    Marco Minani ari mu bitegura gutaha, ati : “Nafashe umwanzuro wo gutaha kuko mbona inzara yanyicira hano…kurya 100 ku munsi nabonye bitashoboka ari kwa gupfa.”

    Emily Fredenberg, umuvugizi wa WFP mu Rwanda, yabwiye BBC ko n’ubu bagishakisha inkunga mu mahanga, ko hari iyo bahawe na leta ya Canada “yatumye WFP itagabanya kurushaho imfashanyo”.

    Ati : “Twizeye ko mu mezi ari imbere tuzabona inkunga ihagije yatuma twongera ibihabwa impunzi nanone…”

    Leta y’u Rwanda ivuga yo ko nk’igihugu cyakiriye impunzi – ubu zirenga 100,000 – izifasha gukora imishinga yo kwiteza imbere no kubaho byo ‘kwigira’ nk’uko bimeze ku bandi benegihugu.

    Uruzinduko rwa Filippo Grandi ukuriye ishami rya UN ryita ku mpunzi UNHCR ategerejwemo i Kigali mu mpera z’iki cyumweru rwitezweho gutanga umurongo na bimwe mu bisubizo ku byibazwa n’izi mpunzi.

    Ivomo : BBC

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Inzara-imeze-nabi-mu-nkambi-z-impunzi-ngo-hari-abari-kwiyahura-kubera-yo

  • Imiryango irenga ibihumbi 15 yiganjemo iyo muri Karongi na Nyamagabe niyo imaze kumenyekana ko yazimye muri Jenoside –

    Kuva mu 2009 nibwo GAERG yatangiye gukora ubushakashatsi bugamije kumenya imiryango yazimye muri Jenoside yakorewe Abatutsi, ubu bushakashatsi n’ubu burakomeje.

    Umunyamabanga Nshingwabikorwa w’Umuryango w’abahoze ari abanyeshuri barokotse jenoside yakorewe Abatutsi, GAERG Nsengiyaremye Fidele yabwiye RBA ko muri ubu bushakashatsi basanze Intara y’Uburengerazuba n’Amajyepfo ari zo zifite umubare munini w’imiryango yazimye.

    Yagize ati “Mu bushakashatsi twakoze, twasanze intara y’Uburengerazuba n’Amajyepfo arizo zibasiwe cyane, Akarere ka Karongi niko kagize imiryango yazimye myinshi irenga 2000, Akarere ka Nyamagabe niko kagakurikira.”

    Ubu bushakashatsi bugaragaza ko Akarere ka Karongi gafite imiryango irenga ibihumbi bibiri yazimye muri Jenoside yakorewe Abatutsi, mu gihe aka Nyagatare ko gafite umuryango umwe wazimye, Gatsibo ikagira imiryango 80.

    Nsengiyaremye yavuze ko kuba Akarere ka Nyamagabe na Karongi aritwo dufite umubare munini w’imiryango yazimye bifitanye isano no kuba aritwo Ingabo zahoze ari iza RPA zagezemo nyuma kubera Ingabo z’u Bufaransa zari ziturimo.

    Ati “Twabonye bifitanye isano n’uburyo Jenoside yakorewe Abatutsi n’uburyo yakozwemo, kuko utwo turere twombi Inkotanyi zatugezemo bitinze bitewe n’Ingabo z’Abafaransa zari zihari.”

    Mu rwego rwo gukomeza Kwibuka no guha agaciro abari bagize iyi miryango yazimye Nsengiyaremye yavuze ko batekereza kwandika igitabo kivuga kuri iyi miryango ndetse hagakorwa na filimi mbarankuru isobanura neza iyo miryango n’uburyo yazimye.

    Uretse kuba ingabo zahoze ari iza RPA zaratinze kuhagera, kuba Intara y’Uburengerazuba n’Amajyepfo arizo zifite imiryango myinshi yazimye bishingira ku kuba uturere tuzigize ari tumwe mu twari dufite umubare munini w’Abatutsi.

    Iyari perefegitura za Gikongoro (Nyamagabe y’ubu), Kibuye (Karongi) na Cyangugu ni ahantu ngo ingengabitekerezo ya Jenoside yigishijwe kuva kera kandi mu buryo buremereye, kubera imbaraga ishyaka rya Parmehutu ryahashyize.

    Mu 1959 na 1963 ngo nizo perefegitura zishwemo Abatutsi benshi, cyane cyane muri Gikongoro hishwe abarenga ibihumbi 25 mu byumweru bibiri.

    Icyiyongereyeho ni uko mu 1994, izo perefegitura Guverinoma ya Kambanda Jean yashyizemo imbaraga nyinshi mu cyo yitaga ukwirwanaho (auto-défense civile), hagenda hoherezwa abaminisitiri bagomba kuhayobora ubwicanyi.

    Ku Gikongoro hashyizwe Col Simba Aloys unahavuka ahashyira imbaraga mu gutanga intwaro no gutoza Interahamwe, ku Kibuye hoherezwa abaminisitiri babiri, Edouard Karemera wari uw’ubutegetsi bw’igihugu na Eliezer Niyitegeka wanahamaze igihe kigera ku mezi abiri, afatanyije na Perefe Clément Kayishema n’abandi.

    Mu 2020 ubwo habaga igikorwa cyo kwibuka iyi miryango yazimye, Madamu Jeannette Kagame yavuze ko kuba hari imiryango itararokotsemo umuntu n’umwe ari ikimenyetso cy’uko hari umugambi koko wo kurimbura abafite icyo bahuriyeho, asaba ko abakibyiruka bajya bigishwa ubumuntu kandi bagatozwa kumenya agaciro k’undi.

    Imiryango irenga ibihumbi 15 yiganjemo iyo muri Karongi na Nyamagabe niyo imaze kumenyekana ko yazimye muri Jenoside

  • Icyo kapiteni wa APR FC Manzi Thierry yasabye abafana b’iyi kipe #rwanda #RwOT

    Kapiteni w’ikipe ya APR FC, Manzi Thierry yabwiye abafana b’iyi kipe ko babizi neza ko icyo bakeneye ari igikombe ariko na we abasaba kubasengera mu rugendo rwa shampiyona bazatangira mu kwezi gutaha.

    APR FC ikomeje imyitozo yitegura shampiyona izatangira mu ntangiriro za Gicurasi 2021 igakinwa mu buryo bw’amatsinda.

    Manzi Thierry akaba kapiteni w’ikipe y’ingabo z’igihugu, yavuze ko ubu bakinnyi bameze neza ndetse bishimiye kugaruka mu myitozo.

    Ati”Ni ibyishimo muri rusange ku ikipe yose nyuma y’igihe kinini tudahura nk’umuryango wa APR FC ubu buri mukinnyi wese uko umubonye akanyamuneza ni kose.'

    Uyu mukinnyi waganiraga n’urubuga rw’iyi kipe, yavuze ko atari ibintu byoroshye kumara igihe nk’icyo bamaze badakina ngo bizere ko bazagaruka ku muvuduko vuba, ariko ngo si bibi cyane kuko hari abakinnyi bari mu ikipe y’igihugu bo bafite imikino mu maguru yabo.

    Ati”Ntabwo biba byoroshye nyuma y’igihe kinini abantu badahura kubera icyorezo cya COVID-19 ngo bakorere hamwe nk’uko byari bisanzwe, ariko muri rusange ntabwo duhagaze nabi abakinnyi benshi bafite imikino bakinnye mu ikipe y’igihugu bari kugerageza guhuza n’abari bamaze iminsi bakorera imyitozo mu rugo, icyo navuga nuko turi kwitegura neza dukora imyitozo umunsi ku wundi igomba kudufasha mu mikino ya shampiyona turi kwitegura mu kwezi gutaha'

    Uyu mukinnyi ukina mu mutima w’ubwugarizi yavuze ko abizi neza ko icyo abakunzi b’iyi kipe biteze ari igikombe ariko na we abasaba inkunga y’amasengesho kuko kuza ku kibuga byo bigorabye bitewe n’ibihe igihugu kirimo.

    Ati”Ni byiza kongera kugaruka, dufite intego yo gutwara igikombe ngira ngo abafana nibyo bakwishimira mbere ya byose kandi tubasaba y’uko aho bazaba bari hose, amasengesho yabo akenewe mu rugendo rwa shampiyona tuzatangira muri Gicurasi kuko imbaraga zabo baduteraga ku mukino turi kumwe muri sitade ubu ntekereza ko bizaba bigoyemo bitewe n’icyorezo cya COVID-19.'

    Shampiyona izatangira tariki ya mbere Gicurasi 2021, APR FC ikaba iri mu itsinda A aho iri kumwe n’ikipe ya Bugesera FC, Gorilla FC na AS Muhanga.

    Manzi Thierry avuga ko nk’abakinnyi bishimiye kongera guhura

    Manzi we na bagenzi be ngo barimo gukora cyane

    Abafana ba APR FC basabwe amasengesho

    Source : http://isimbi.rw/siporo/article/icyo-kapiteni-wa-apr-fc-manzi-thierry-yasabye-abafana-b-iyi-kipe

  • U Rwanda ruvuga ko Raporo yarwo itagamije kujyana u Bufaransa mu nkiko #rwanda #RwOT

    Iyi rapro yahawe umutwe witwa 'A Foreseeable Genocide : The Role of the French Government in Connection with the Genocide against the Tutsi.' Tugenekereje mu Kinyarwanda ni ukuvuga ngo 'Jenoside yagaragariraga buri wese : Uruhare rwa Guverinoma y’u Bufaransa muri Jenoside Yakorewe Abatutsi.'

    Iyi raporo yasohotse kuri uyu wa Mbere tariki 19 Mata 2021, yamurikiwe Inama y’Abaminisitiri idasanzwe yateranye iyobowe na Perezida Paul Kagame.

    Ni raporo yakozwe ku bufatanye bw’ibigo bitatu byo mu Rwanda n’ikigo cy’inzobere mu by’amategeko cy’Abanyamerika kitwa Levy Firestone Muse.

    Ibikubiye muri iyi raporo ya Paji zigera muri 600, ntibitandukanye cyane n’ibyagaragajwe na Komisiyo Duclert na yo iherutse gushyira hanze raporo igaragaza uruhare rw’u Bufaransa mu byabaye mu Rwanda mu 1994.

    Gusa iyi raporo yakozwe ku busabe bwa Guverinoma y’u Rwanda yo igaragaza ko ibyabaye mu Rwanda byagarariraga buri wese ko hariho umugambi wa Jenoside mu gihe iriya ya Duclert yo yavugaga ko u Bufaransa bwashyigikiye buhumyi Leta y’u Rwanda yateguye ikanashyira mu bikorwa Jenoside Yakorewe Abatutsi.

    Ntigamije kujyana u Bufaransa mu nkiko

    Ubushakashatsi bwo ku ruhande rw’u Rwanda bwakoze n’inzobere mu by’amategeko mu gihe ubwo ku ruhande rw’u Bufaransa bwakozwe n’abiganjemo inzobere mu by’amateka.

    Hari abibajije niba ku ruhande rw’u Rwanda iriya raporo itagamije kujyana u Bufaransa mu nkiko kuko yakozwe n’abanyamategeko.

    Nyuma y’uko iyi raporo y’u Rwanda igiye hanze, Minisitiri w’Ububanyi n’Amahanga n’Ubutwererane akaba n’Umuvugizi wa Guverinoma y’u Rwanda, Dr Vincent Biruta yavuze iyi raporo itagamije kugeza mu nkiko u Bufaransa cyangwa undi uwo ari we wese.

    Mu kiganiro n’Abanyamakuru, yagize ati 'Ntabwo icyo igambiriye ari uyu akurikiranyweho ibyaha ibi n’ibi, ku buryo nta nubwo duteganya ko leta y’u Rwanda izabiheraho ngo igire abantu ikurikirana.'

    Gusa avuga ko inkiko zishobora kubona amakuru kuri bamwe mu bantu bavugwa muri iyi raporo nk’umugore w’uwahoze ari Perezida, Agathe Kanziga uba mu Bufaransa kimwe n’abandi bakurikiranyweho uruhare muri Jenoside baba mu Bufaransa.

    Minisitiri Biruta avuga ko iyi raporo igaragaza neza ko u Bufaransa bwatumye Jenoside Yakorewe Abatutsi ishoboka kuko kiriya gihugu cyakomeje gushyikira Leta yari iriho itegura Jenoside Yakorewe Abatutsi.

    U Bufaransa bwishimiye intambwe bigezeho

    Minisiteri y’Ububanyi n’Amahanga y’u Bufaransa yashyize hanze itangazo rivuga ko Guverinoma ya kiriya gihugu yakiriye neza Raporo y’u Rwanda kuko igaragaza ukuri ku mateka ahuriweho n’ibihugu byombi kandi ko ari byo byifuzwa na kiriya gihugu kubaka umubano mushya ushingiye ku kuri.

    Minisitiri y’Ububanyi n’Amahanga w’u Bufaransa, Minisitiri Jean-Yves Le Drian washyize umukono kuri ririya tangazo, yavuze ko Igihugu cye kishimiye ubushake bw’u Rwanda muri iyi ntambwe nziza yo gukomeza kubaka umubano.

    JPEG - 170.5 ko
    Mu kiganiro n’Abanyamakuru kuri uyu wa Mbere

    UKWEZI.RW

    Source : http://www.ukwezi.rw/mu-rwanda/3/article/U-Rwanda-ruvuga-ko-Raporo-yarwo-itagamije-kujyana-u-Bufaransa-mu-nkiko

  • Niboye: Abaturage bubakiye abatishoboye inzu 20 zifite agaciro ka miliyoni 55 Frw –

    Kuri uyu wa Gatanu tariki ya 17 Mata 2021, nibwo izi nzu 20 zubatswe mu Murenge wa Masaka zatujwemo imiryango itishoboye zamuritswe ku mugaragaro mu muhango wari ugamije kumurika ibikorwa umurenge wa Niboye wagezeho.

    Ubuyobozi bw’uyu murenge wa Niboye, bwatangaje ko izi nzu zubatswe ku nkunga yatanzwe n’abaturage bo muri uyu murenge n’abahakorera mu rwego rwo kugira ngo bafashe bagenzi babo batishoboye batari bafite ahantu ho kuba.

    Umunyamabanga Nshingwabikorwa w’uyu Murenge wa Niboye,Murekatete Patricia, yavuze ko iki gikorwa bahisemo kukimurika mu Kwezi kwahariwe ubumwe n’ubwiyunge kuko bifitanye isano.

    Ati “ Abazitujwemo bari abaturage batishoboye batari bafite aho kuba harimo abakodesherezwaga n’Umurenge kuko batari bafite aho gutura, rero aho bihuriye n’ubumwe n’ubwiyunge ni uko tudakwiriye kwirebera mu ndererwamo y’amoko cyangwa iy’amacakubiri, twe intego twari dufite yari iyo gutuza abanyarwanda muri rusange ntabwo twigeze tuvuga ngo turatuza uyu tureke uyu.”

    Umwe mu bahawe inzu witwa Mukashyaka Immaculée, yavuze ko yishimiye ubufasha yahawe.

    Ati “ Nabyishimiye cyane kuko biranyereka ko dufite ejo heza ndetse binyongerera icyizere cyo kubaho iyo umuntu abonye akorerwa ibintu nk’ibi.”

    Umunyabanga shingwabikorwa wa Komisiyo y’Ubumwe n’Ubwiyunge, Fidele Ndayisaba, yashimiye ubuyobozi bw’uyu murenge wa Niboye anashimangira ko iki gikorwa bakoze kiri mu bizamura igipimo cy’ubumwe n’ubwiyunge.

    Ati “Muri uyu murenge mu gihe turimo kwibuka igihe cy’iminsi 100 Jenoside yakorewe Abatutsi yamaze, bashyize imbere ubukangurambaga bw’ubumwe n’ubwiyunge kugira ngo bubaherekeze muri iki gihe cyo kwibuka. Akaba ari naho bateganyije n’ibikorwa bataha harimo ibirango by’ubukangurambaga, ibikorwa byo kuremera abantu no kubafasha, ibikorwa byo kwibuka ari byo bijyana n’amahame abiri y’ingenzi mu rugendo rwo kubaka ubumwe n’ubwiyunge harimo kwita kuri bose, kureba ko nta we usigaye inyuma n’abatishoboye bakabazirikana bakabaremera.”

    Yongeyeho ko ibi bikorwa bifasha kurinda abantu kumva ko hari uwahejwe. Yongeye gusaba umusanzu wa buri wese mu gufata mu mugongo abarokotse Jenoside muri ibi bihe byo kwibuka kuko biri mu bituma igipimo cy’ubumwe n’ubwiyunge kizamuka.

    Iki gikorwa cyo gutaha ibirango by’ubumwe n’ubwiyunge ndetse no kuremera abatishoboye muri Niboye cyitabiriwe n’abayobozi batandukanye

    Umunyamabanag Nshingwabikorwa w Umurenge wa Niboye Murekatete Patricia yavuze ko inzu zubatswe ku nkunga y’abaturage bo mu Murenge ayobora

    Umunyamabanga Nshingwabikorwa wa Komisiyo y’Ubumwe n’Ubwiyunge Fidele Ndayisaba yavuze ko gufasha abatishoboye ntawe uhejwe biha icyizere abaturage ko bitaweho bose

    Mukashyaka uri mu baremewe yavuze ko yishimiye ubufasha yahawe

    Inzu zubatswe ku mafaranga y’abaturage batuye mu murenge wa Niboye zifite agaciro ka miliyoni 55

  • Niboye: Abaturage bubakiye abatishoboye inzu 20 zifite agaciro ka miliyoni 55 Frw – #rwanda #RwOT

    Kuri uyu wa Gatanu tariki ya 17 Mata 2021, nibwo izi nzu 20 zubatswe mu Murenge wa Masaka zatujwemo imiryango itishoboye zamuritswe ku mugaragaro mu muhango wari ugamije kumurika ibikorwa umurenge wa Niboye wagezeho.

    Ubuyobozi bw'uyu murenge wa Niboye, bwatangaje ko izi nzu zubatswe ku nkunga yatanzwe n'abaturage bo muri uyu murenge n'abahakorera mu rwego rwo kugira ngo bafashe bagenzi babo batishoboye batari bafite ahantu ho kuba.

    Umunyamabanga Nshingwabikorwa w'uyu Murenge wa Niboye,Murekatete Patricia, yavuze ko iki gikorwa bahisemo kukimurika mu Kwezi kwahariwe ubumwe n'ubwiyunge kuko bifitanye isano.

    Ati ' Abazitujwemo bari abaturage batishoboye batari bafite aho kuba harimo abakodesherezwaga n'Umurenge kuko batari bafite aho gutura, rero aho bihuriye n'ubumwe n'ubwiyunge ni uko tudakwiriye kwirebera mu ndererwamo y'amoko cyangwa iy'amacakubiri, twe intego twari dufite yari iyo gutuza abanyarwanda muri rusange ntabwo twigeze tuvuga ngo turatuza uyu tureke uyu.'
    Umwe mu bahawe inzu witwa Mukashyaka Immaculée, yavuze ko yishimiye ubufasha yahawe.

    Ati ' Nabyishimiye cyane kuko biranyereka ko dufite ejo heza ndetse binyongerera icyizere cyo kubaho iyo umuntu abonye akorerwa ibintu nk'ibi.'

    Umunyabanga shingwabikorwa wa Komisiyo y'Ubumwe n'Ubwiyunge, Fidele Ndayisaba, yashimiye ubuyobozi bw'uyu murenge wa Niboye anashimangira ko iki gikorwa bakoze kiri mu bizamura igipimo cy'ubumwe n'ubwiyunge.

    Ati 'Muri uyu murenge mu gihe turimo kwibuka igihe cy'iminsi 100 Jenoside yakorewe Abatutsi yamaze, bashyize imbere ubukangurambaga bw'ubumwe n'ubwiyunge kugira ngo bubaherekeze muri iki gihe cyo kwibuka. Akaba ari naho bateganyije n'ibikorwa bataha harimo ibirango by'ubukangurambaga, ibikorwa byo kuremera abantu no kubafasha, ibikorwa byo kwibuka ari byo bijyana n'amahame abiri y'ingenzi mu rugendo rwo kubaka ubumwe n'ubwiyunge harimo kwita kuri bose, kureba ko nta we usigaye inyuma n'abatishoboye bakabazirikana bakabaremera.'

    Yongeyeho ko ibi bikorwa bifasha kurinda abantu kumva ko hari uwahejwe. Yongeye gusaba umusanzu wa buri wese mu gufata mu mugongo abarokotse Jenoside muri ibi bihe byo kwibuka kuko biri mu bituma igipimo cy'ubumwe n'ubwiyunge kizamuka.

    Iki gikorwa cyo gutaha ibirango by’ubumwe n’ubwiyunge ndetse no kuremera abatishoboye muri Niboye cyitabiriwe n’abayobozi batandukanye

    Umunyamabanag Nshingwabikorwa w Umurenge wa Niboye Murekatete Patricia yavuze ko inzu zubatswe ku nkunga y’abaturage bo mu Murenge ayobora

    Umunyamabanga Nshingwabikorwa wa Komisiyo y’Ubumwe n’Ubwiyunge Fidele Ndayisaba yavuze ko gufasha abatishoboye ntawe uhejwe biha icyizere abaturage ko bitaweho bose

    Mukashyaka uri mu baremewe yavuze ko yishimiye ubufasha yahawe

    Inzu zubatswe ku mafaranga y’abaturage batuye mu murenge wa Niboye zifite agaciro ka miliyoni 55

    Source : http://igihe.com/amakuru/u-rwanda/article/niboye-abaturage-bubakiye-abatishoboye-inzu-20-zifite-agaciro-ka-miliyoni-55

  • Ntibisanzwe, Umukecuru w' imyaka 80 ari mu batawe muri yombi ubwo barimo bakata imyanya y'ibanga abagore 5 #rwanda #RwOT

      Umucekuru w'imyaka 80 yatawe muri yombi abandi 2 bacika inzego z'umutekano ubwo barimo bakata ibice by'imyanya y'ibanga abagore 5 byanaje kuviramo kujyanwa kwa muganga.
      The Citizen TV itangaza ko ibi byabereye mu ntara ya Bomet, iki gikorwa gisanzwe kizwi nka 'Female Genital Muturation', bivugwa ko kigamije kubuza abagore n'abakobwa kugira vuba ubushake bwo guhuza urugwiro n'igitsinagabo.
      Amakuru ava muri Kenya aravuga ko aba bagore bishoboka ko bakebwe nabi bajyanwe kuvurirwa mu bitario by'intara bya Longisa.
      Inzego z'umutekano zavuze ko aba bagore nibava mu bitaro nabo  bazajyanwa mu nkiko kuko uyu muco amategeko ya Kenya yawuteye ishoti kera, nubwo byateye impaka, bamwe bumva ko umuntu mukuru agomba gukoresha umubiri we icyo ashaka.
      Muri Werurwe uyu mwaka wa 2021, urukiko rukuru muri Kenya rwanzuye ko uyu muco wo gukata abagore n'abakobwa ucibwa muri iki gihugu, cyane ko amahanga awamagana nka bumwe mu buryo bwo guhohotera abagore.
      Muri 2011 ubutegetsi bwa Kenya bwategetse ko uzafatirwa muri ibi bikorwa azahanishwa gufungwa imyaka 3 agatanga n'ihazabu ya miliyoni 2 ushyize mu mafaranga y'u Rwanda.
      Perezida Uhuru Kenyatta yari yarahigiye ko muri 2022 uyu muco wo gukata abagore uzaba waracitse mu gihugu, ariko abaharanira uburenganzira bw'abagore bavugaga ko yihaye igihe cya kure, ukurikije ko hari uduce bisa naho byabaye itegeko bikorwa no ku ngufu.
      Nibura abantu miliyoni 200 b'abagore n'abakorwa ku Isi bakaswe ibice by'ibanga bagamije kubabuza kugira ibyishimo biva mu mibonano mpuzabitsina vuba.
      Muri Afrika uyu muco ngo uri mu bihugu 27, uboneka muri Asia no mu burasirazuba bwo hagati.

    Source : https://impanuro.rw/2021/04/20/ntibisanzwe-umukecuru-w-imyaka-80-ari-mu-batawe-muri-yombi-ubwo-barimo-bakata-imyanya-yibanga-abagore-5/

  • Musanze: Umusore w'imyaka 18 yatemye mugenzi we bapfa amafaranga 50 – #rwanda #RwOT

    Iri sanganya ryabereye mu Mudugudu Nyundo mu Kagari ka Murandi Umurenge wa Remera mu Karere ka Musanze. Uwatemwe akaguru yakomeretse bikomeye akaba yajyanwe mu Bitaro Bikuru bya Ruhengeri.

    Umunyamabanga Nshingwabikorwa w'Umurenge wa Remera Twagirimana Edouard yemeje aya makuru, asaba abaturage kujya bakemura ibibazo bafitanye birinda uburakari ibibananiye bakiyambaza inzego zizwi zabafasha aho kubyikemurira ku ngufu.

    Yagize ati “Nibyo uyu musore twahise tumufata tumushyikiriza Polisi, uwatemwe we yahise ajyanwa mu Bitaro bya Ruhengeri kuko yari yababaye cyane. Icyo dusaba abaturage ni ukujya bakemura ibibazo bafitanye mu mahoro aho gukoresha imbaraga n'umujinya w'umurengera gutya. Uyu yishyuzaga amafaranga 50 mugenzi we amubwira ko ntayo afite ariko ntibyari bikwiye kugera kuri ruriya rwego”.

    Ukekwaho gutema mugenzi we yashyikirijwe Polisi Ishami rya Remera ngo ashyikirizwe ubugenzacyaha nabwo bumukorere dosiye.

    Mu gitabo cy'amategeko agena ibyaha n'ibihano mu Rwanda mu ngingo ya ya 121 ivuga ko umuntu wese, abishaka, ukomeretsa undi, umukubita cyangwa umusagarira ku buryo bwa kiboko bubabaje aba akoze icyaha.

    Iyo abihamijwe n'urukiko, ahanishwa igifungo kitari munsi y'imyaka itatu ariko kitarenze imyaka itanu n'ihazabu y'amafaranga y'u Rwanda atari munsi y'ibihumbi magana atanu (500.000 FRW) ariko atarenze miliyoni imwe (1.000.000 FRW). Iyo icyaha cyakorewe umwana,

    Iyo gukubita cyangwa gukomeretsa byagambiriwe, byategewe igico, uwakoze icyaha ahanishwa igifungo kitari munsi y'imyaka icumi ariko kitarenze imyaka cumi n'itanu n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW). Iyo gukubita cyangwa gukomeretsa byateye urupfu, igihano kiba igifungo kitari munsi y'imyaka cumi n'itanu ariko kitarenze imyaka makumyabiri n'ihazabu y'amafaranga y'u Rwanda atari munsi ya miliyoni eshanu (5.000.000 FRW) ariko atarenze miliyoni zirindwi (7.000.000

    Source : http://igihe.com/amakuru/u-rwanda/article/musanze-umusore-w-imyaka-18-yatemye-mugenzi-we-bapfa-amafaranga-50

  • Abaturage bahiye ubwoba nyuma yuko Imva zo mu irimbi rya Busanza zirangaye #rwanda #RwOT

      Amasanduku menshi yo mu irimbi rya Busanza mu Murenge wa Kanombe, ari kugaragara hanze nyuma y'uko imva nyinshi zisenyutse. Ni ibintu abaturage bagaragaza nko gushinyagurira abariruhukiyemo.

    Umwe mu baturage batanze amakuru, yavuze ko bibangamye kuko usanga ahashyinguwe abantu babo amasanduku ari hanze.

    Aganira na IGIHE ducyesha iyi nkuru, uyu muturageyagize ati: 'Iyo urebye ukuntu imva zirangaye ntibyabura kugutera impungenge, biteje ikibazo gikomeye cyane kuba isanduku ziri hanze'.

    Yavuze ko uretse no guteza ikibazo abaturage, atari n'ishema kubona aharuhukiye abantu harangaye ibintu, bishobora no guteza intugunda mu miryango yahashyinguye abayo.

    Ati: 'Nkibaza nti ko abantu bacu iyo tubajyanye hariya tuba dushaka ko baruhukira mu mahoro biriya ni ibiki? Mbese ubuyobozi burebera aha hantu ntabwo bubizi?'

    Uyu mugabo wavuganaga agahinda, yavuze ko ubuyobozi bukwiye kugira icyo bukora mu maguru mashya.

    Umunyamabanga Nshingwabikorwa w'Akagari ka Busanza, Habimana Bosco, yavuze ko byaba bibabaje kubona irimbi rishanguka bene ako kageni kandi rifite rwiyemezamirimo uricunga wahawe n'amasezerano y'akazi.

    Ati: 'Ubwo duheruka kurisura rwiyemezamirimo yari yatweretse gahunda ihamye yo gusana ahangiritse kandi twabonaga n'imirimo yo kuhavugurura iri gukorwa. Bashobora kuba babona nta muyobozi uherutse kuhagera bagaterera agati mu ryinyo ariko tugiye kubikurikirana'.

    Rwiyemezamirimo ushinzwe ibikorwa byo kubaka imva muri iri rimbi avuga ko icyo kibazo batari bakizi ariko ko bagiye kubikurikirana.

    Ati: 'Ubundi bijya bikunda kubaho nk'iyo imvura yaguye ari nyinshi ugasanga ziguyemo imbere, ariko tujya duhita tuzisana, icyo kibazo cyo ntabwo twari tukizi ariko ngiye kujyayo ndebe kandi niba zarangiritse turahita tuzisana'.

    Umuyobozi ushinzwe imiyoborere myiza mu Karere ka Kicukiro, Muhikirwa Aaron, yabwiye IGIHE ko nk'Akarere batarabona raporo igaragaza ko iryo rimbi ryangiritse kugira ngo bishyirwe mu bigomba kwitabwaho mu maguru mashya.

    Ati: 'Navuganye n'umuyobozi w'umurenge ngo niba hari imva zangiritse bijye bikorerwa raporo bigezwe ku karere, hanyuma turebe niba bishobora gukorwa na rwiyemezamirimo bitewe n'amasezerano yagiranye n'ubuyobozi cyangwa se niba ari akarere kagomba gutanga amafaranga yo kuhasana natwe tugahita tubimenyesha Umujyi wa Kigali. Kugeza ubu nta raporo yabyo ndabona kandi yaraje naba narayibonye'.

    Muhikirwa yavuze ko nk'Akarere bagiye kuvugana n'ubuyobozi bw'umurenge kugira ngo bamenye neza uko ikibazo giteye hanyuma kivugutirwe umuti mu maguru mashya.

    Iyi foto twakoresheje yakuwe kuri Igihe.com

    Source : https://impanuro.rw/2021/04/20/abaturage-bahiye-ubwoba-nyuma-yuko-imva-zo-mu-irimbi-rya-busanza-zirangaye/