Webrwanda Backend

Author: webrwanda

  • Rubavu: Abagabo babiri barashwe bagerageza kwinjira mu gihugu banyuze ahatemewe –

    Aba baturage barasiwe mu murenge wa Rubavu, Akagari ka Buhaza,umudugudu wa Murambi aho bakunze kwita Diaspora.

    Muri babiri barashwe uwabashije kumenyekana ni Nzayisaba Jean Damascene wo mu murenge wa Rubavu mu kagari ka Rukoko warashwe ahetse umufuka urimo magendu y’imyenda naho mugenzi we ntabwo ntiyari yamenyekana.

    Umuyobozi wungirije wa Brigade ya 201 ikorera mu turere twa Rubavu, Nyabihu, Ngororero n’igice cya Rutsiro, Colonel Mpabuka Innocent yabwiye abaturage ko ingabo zishinzwe kubungabunga umutekano wabo atari ukubarasa, abasaba kwirinda guca ahatemewe by’umwihariko ahatemewe.

    Ati “Ntabwo dushinzwe kurasa abaturage, dushinzwe kubarindira umutekano. Ibintu byo guca hano nijoro ntitubasha kugutandukanya n’umwanzi, byibura uje ku manywa twakujyana ugahanwa ariko aba baza nijoro ni abagizi ba nabi kuko hano baca n’umwanzi na we yahaca’’.

    Umuyobozi w’akarere ka Rubavu, Habyarimana Gilbert,yasabye abaturage kwirinda kunyura mu bihuru kuko baba biyemeje gufatwa nk’abanzi, abakangurira kwitabira kunyura mu nzira bemerewe.

    Ati “Nubwo imipaka ifunzwe hari uburyo bwashyizweho bwo koroshya ubuhahirane hagati y’abaturage ku mpande zombi ariko bagaca ku mipaka yemewe izwi. Mudufashe mukurikize amabwiriza kuko birababaje kubona umuntu aza mu ijoro akanyura mu birindiro by’ingabo, ababikora mubireke muze tubafashe. Mujye mwambuka byemewe n’abizeza ko nibishoboka ko umupaka mwasabye wa Rutagara hari ubwo uzafungurwa vuba’’.

    Yashoje abasaba kunyura mu mipaka itatu yemewe ari yo Kabuhanga,Petite Barriere na Grande Barriere.

    Imbibi zihuza u Rwanda na Repubulika Iharanira Demukarasi ya Congo mu mirenge ya Rubavu na Cyanzarwe hakunze kurasirwamo abaturage baagerageza kwinjira mu gihugu ku buryo bunyuranyije n’amategeko abenshi muri bo bakaba ari abinjiza magendu n’ibiyobyabwenge.

    Umwe mu barashwe abaturage batangaje ko batamuzi imyirondoro

    Col Mpabuka Innocent yasabye abaturage kwirinda kunyura mu nzira zitemewe n’amategeko

    Imodoka yaje gutwara imirambo y’abarashwe binjira mu buryo butemewe

    Inzego zitandukanye zaramukiye aho byabereye guhumuriza abaturage no kubaha ubutumwa

    Umubyeyi w’uwarashwe yari afite agahinda

    Meya wa Rubavu, Habyarimana Gilbert yasbaye abaturage kwirinda kunyura mu nzira zitemewe kuko bituma bafatwa nk’abanzi

  • Rubavu: Abagabo babiri barashwe bagerageza kwinjira mu gihugu banyuze ahatemewe – #rwanda #RwOT

    Aba baturage barasiwe mu murenge wa Rubavu, Akagari ka Buhaza,umudugudu wa Murambi aho bakunze kwita Diaspora.

    Muri babiri barashwe uwabashije kumenyekana ni Nzayisaba Jean Damascene wo mu murenge wa Rubavu mu kagari ka Rukoko warashwe ahetse umufuka urimo magendu y'imyenda naho mugenzi we ntabwo ntiyari yamenyekana.

    Umuyobozi wungirije wa Brigade ya 201 ikorera mu turere twa Rubavu, Nyabihu, Ngororero n'igice cya Rutsiro, Colonel Mpabuka Innocent yabwiye abaturage ko ingabo zishinzwe kubungabunga umutekano wabo atari ukubarasa, abasaba kwirinda guca ahatemewe by'umwihariko ahatemewe.

    Ati 'Ntabwo dushinzwe kurasa abaturage, dushinzwe kubarindira umutekano. Ibintu byo guca hano nijoro ntitubasha kugutandukanya n'umwanzi, byibura uje ku manywa twakujyana ugahanwa ariko aba baza nijoro ni abagizi ba nabi kuko hano baca n'umwanzi na we yahaca''.

    Umuyobozi w'akarere ka Rubavu, Habyarimana Gilbert,yasabye abaturage kwirinda kunyura mu bihuru kuko baba biyemeje gufatwa nk'abanzi, abakangurira kwitabira kunyura mu nzira bemerewe.

    Ati 'Nubwo imipaka ifunzwe hari uburyo bwashyizweho bwo koroshya ubuhahirane hagati y'abaturage ku mpande zombi ariko bagaca ku mipaka yemewe izwi. Mudufashe mukurikize amabwiriza kuko birababaje kubona umuntu aza mu ijoro akanyura mu birindiro by'ingabo, ababikora mubireke muze tubafashe. Mujye mwambuka byemewe n'abizeza ko nibishoboka ko umupaka mwasabye wa Rutagara hari ubwo uzafungurwa vuba''.

    Yashoje abasaba kunyura mu mipaka itatu yemewe ari yo Kabuhanga,Petite Barriere na Grande Barriere.

    Imbibi zihuza u Rwanda na Repubulika Iharanira Demukarasi ya Congo mu mirenge ya Rubavu na Cyanzarwe hakunze kurasirwamo abaturage baagerageza kwinjira mu gihugu ku buryo bunyuranyije n'amategeko abenshi muri bo bakaba ari abinjiza magendu n'ibiyobyabwenge.

    Umwe mu barashwe abaturage batangaje ko batamuzi imyirondoro

    Col Mpabuka Innocent yasabye abaturage kwirinda kunyura mu nzira zitemewe n’amategeko

    Imodoka yaje gutwara imirambo y’abarashwe binjira mu buryo butemewe

    Inzego zitandukanye zaramukiye aho byabereye guhumuriza abaturage no kubaha ubutumwa

    Umubyeyi w’uwarashwe yari afite agahinda

    Meya wa Rubavu, Habyarimana Gilbert yasbaye abaturage kwirinda kunyura mu nzira zitemewe kuko bituma bafatwa nk’abanzi

    Source : http://igihe.com/amakuru/u-rwanda/article/rubavu-abagabo-babiri-barashwe-bagerageza-kwinjira-mu-gihugu-banyuze-ahatemewe

  • Miss Mutesi Jolly arembejwe n’abantu bamubaza iby’ubukwe bwe, avuze ukuri ku rukundo rwe #rwanda #RwOT

    Nyampinga w’u Rwanda 2016, Miss Mutesi Jolly avuga ko nta mukunzi afite ndetse ko nta na gahunda afite yo kumushaka kuko abona atari cyo kintu kihutirwa mu buzima bwe.

    Miss Mutesi Jolly mu kiganiro n’ikinyamakuru ISIMBI yavuze ko umuntu mu buzima bwe haba hari gahunda yihaye ndetse n’ibyo ashaka kugeraho.

    Ku giti cye akaba abona kwinjira mu rukundo atari cyo cyihutirwa kuko hari icyo bishobora kwica muri gahunda ze, bityo akaba avuga ko atanabiteganya.

    Ati'Nta mukunzi mfite nta n’ubwo mbiteganya vuba. Ubu sinteganya kuba nakwinjira mu rukundo nta n’ubwo ari ingenzi kuri njyewe, mbona ko hari ibindi bintu byinshi mfite byo gukora. Buriya buri muntu agira intego ze mu buzima, ibintu aba yumva ashaka kugeraho, ibintu by’ibanze, ni iki gikurikira ikindi rero kuri njye nonaha ntabwo numva ko ari byo byihutirwa ko ari byo nakora.'

    Uyu mukobwa yakomeje avuga ko niba Imana yaramugeneye ko azashaka bizaba kandi azabyemera kandi akanabyishimira kimwe n’uko ngo bitanabaye nta nka yaba yaciye amabere.

    Jolly kandi yavuze ko agaciro k’umukobwa cyangwa umugore katagaragarira mu kuba yashaka umugabo.

    Ati'Ntabwo nibwira ko agaciro k’umukobwa cyangwa umugore kari mu gushaka. Nakubwira ko nkanjye ari ikibazo abantu banambaza, ku myaka 25 ngiye kuzuza, mfite imyaka 24 ariko kubona umuntu akubaza ngo uzashaka ryari ngo Sharifa yaragiye, ngo kanaka, abana bo muri 2017 baragiye.'

    Ngo n’ubwo bamubwira ibyo byose ngo nta gitutu na kimwe bimushyiraho cyo kuba yakwinjira mu rukundo kuko ngo azi icyo ashaka ndetse afite uko yateguye ibintu bye.

    Miss Mutesi Jolly yasabye abantu korohera abana b’abakobwa bakareka kubatesha umutwe bababaza igihe bazashakira kuko nta gihe ntarengwa cyo gushaka kandi buri umwe aba afite gahunda yihaye mu buzima bwe.

    Mutesi Jolly ngo nta mukunzi afite ndetse nta n’uwo akeneye kuko hari izindi gahunda afite zihutirwa

    Ngo gihe ntarengwa cyo ushaka kibaho

    Source : http://isimbi.rw/imyidagaduro/article/miss-mutesi-jolly-arembejwe-n-abantu-bamubaza-iby-ubukwe-bwe-avuze-ukuri-ku-rukundo-rwe

  • Umuraperi Block Rob wabaga muri Bad Boy ya P Diddy yitabye Imana #rwanda #RwOT

    Amakuru yatanzwe na bagenzi be babanye muri iyi nzu itunganya umuziki avuga ko Black Rob yitabye Imana kuri uyu wa Gatandatu, agwa mu Mujyi wa Atlanta muri Leta ya Georgia.

    DJ Self uri mu babanye cyane n'uyu mugabo yavuze ko uburwayi bw'impyiko bwamuhitanye yari abumaranye iminsi ku buryo impyiko ze zitakoraga neza.

    Black Rob yaherukaga kugaragara mu mashusho uyu mu-dj yashyize hanze ubwo yavugaga ku rupfu rwa mugenzi we DMX na we uherutse kwitaba Imana azize uburwayi.

    Uretse kuvuga ku rupfu rwa DMX, Rob wari uri mu bitaro yavuze ko amaze imyaka igera kuri itanu afite ibibazo by'ubuzima bitandukanye birimo no kuba yaragiye aturika udutsi two mu bwonko (Stroke).

    Black Rob mu busanzwe witwaga Robert Ross yavukiye mu gace ka Buffalo muri Leta ya New York mu 1969. Yatangiye gukora rap ubwo yari afite imyaka 11. Ku myaka 22 nibwo yinjiye mu itsinda ry'abandi baraperi ryari rizwi nka 'the Schizophrenics'.

    Yatangiye gukorana na Bad Boys Records mu 1996, ubwo yagaragaraga mu ndirimbo yitwa Come See me remix y'itsinda ryitwa 112 naryo ryabarizwaga muri iyi nzu y'umuziki. Yagiye akorana n'abandi bahanzi bo muri Bad Boy Records barimo Faith Evans, Mase Notorious B.I.G na P Diddy.

    Mu 2010 Black Rob yatandukanye na Bad Boy Records yinjira muri Duck Down Records ndetse nyuma aza gushinga inzu ye y'umuziki yise Box and One.

    Mu ndirimbo ze zamenyekanye harimo iyo yise “Whoa!” Yanaciye agahigo ko kujya muri Billboard Hot 100, Let's get it na I dare you.

    Refe:Black Rob, Bad Boy Records Rapper Behind 'Whoa!,' Dies at 52. MSN. (2021). Retrieved 20 April 2021, from https://www.msn.com/en-us/music/news/black-rob-bad-boy-records-rapper-behind-e2-80-9cwhoa-e2-80-9d-dies-at-52/ar-BB1fPJLR?ocid=BingNewsSearch.

    Source : http://umuryango.rw/imyidagaduro/article/umuraperi-block-rob-wabaga-muri-bad-boy-ya-p-diddy-yitabye-imana

  • Perezida wa Repubulika y'u Rwanda, Paul Kagame, ari i Luanda muri Angola, aho yitabiriye inama ihuza Abakuru b'Ibihugu bigize Umuryango Mpuzamahanga wita ku Mahoro n'Umutekano mu karere k'Ibiyaga Bigari. #rwanda #RwOT

    Akigera i Luanda muri Angola kuri uyu wa kabiri tariki 20 Mata 2021, Perezida wa Repubulika, Paul Kagame , yahise agirana umubonano na Perezida w'icyo gihugu, Joao Lourenço, bagarira ku mubano w'ibihugu byombi, baniyemeza kurushaho kuwushimangira.

    Amakuru afitiwe gihamya kandi aravuga ko Perezida Kagame na mugenzi we Lourenço banagarutse ku mutekano muri aka karere k'Ibiyaga Bigari, cyane cyane ku mitwe yitwaje intwaro ihungabanya umutekano mu bihugu by'aka karere, dore ko Perezida Lourenço ari mu biyemeje gutanga inkunga mu kuyirandura.

    Ababikurikiranira hafi kandi baravuga ko nta kuntu Abakuru b'Ibihugu byombi batanavuze ku mubano hagati y'uRwanda na Uganda, cyane cyane ko Perezida wa Angola kimwe na mugenzi we wa Repubulika Iharanira Demokarasi, Félix Tshissekedi bihaye inshingano yo gutanga umusanzu mu gukemura ibibazo uRwanda na Uganda bifitanye.

    Uretse uyu mubonano wihariye Perezida Kagame yagiranye na mugenzi we wa Angola, Umukuru w'Igihugu cy'uRwanda aranitabira inama isuzuma ikibazo cy'intambara muri Repubulika ya Santrafrika. Abandi Bakuru b'Ibihugu bitabira iyi nama , ni Faustin Touadéra wa Santrafrika, Denis Sassou Nguesso wa Congo, Gen Abdel Fatah Buhani wa Sudan na Joao Lourenço wa Angola, ari nawe watumije iyi nama. Ingingo nyamukuru zibandwaho ni ikibazo cy'abaturage ibihumbi 60 bavuye mu byabo, n'uburyo amahoro yagaruka ,intambara iyogoza icyo gihugu cya santrafrika igahosha.

    U Rwanda rurebwa cyane n'ibibera muri Santrafrika, kuko rusanganywe amasezerano y'ubufatanye n'icyo gihugu, ndetse kubera ayo masezerano magingo aya muri Santrafrika hariyo abasirikari b'uRwanda babungabuga amahoro n'umutekano, bafatanyije n'ingabo za Loni zirimo n'iz'uRwanda.

    Kuva Ingabo z'uRwanda zagerayo zimaze guhabwa imidari myinshi izishimira ubwitange, ubuhanga n'ubunyamwuga mu gukoma imbere ibitero by'inyeshyamba zari zarayogoje Santrafrika.

    The post Perezida wa Repubulika y'u Rwanda, Paul Kagame, ari i Luanda muri Angola, aho yitabiriye inama ihuza Abakuru b'Ibihugu bigize Umuryango Mpuzamahanga wita ku Mahoro n'Umutekano mu karere k'Ibiyaga Bigari. appeared first on RUSHYASHYA.

    Source : https://rushyashya.net/perezida-wa-repubulika-yu-rwanda-paul-kagame-ari-i-luanda-muri-angola-aho-yitabiriye-inama-ihuza-abakuru-bibihugu-bigize-umuryango-mpuzamahanga-wita-ku-mahoro-numutekano/

  • Chad : Perezida Deby yapfuye nyuma y’amasaha macye atangajwe ko yatsindiye manda ya 6 #rwanda #RwOT

    Marchal Idriss Déby Itno yishwe n’ibikomere nyuma yo kurasirwa ku rugamba kuri uyu wa Kabiri tariki 10 Mata 2021.

    Yari ku rugamba ruhuza ingabo za Leta n’inyeshyamba mu mirwano ikomeje kubera muri kiriya gihugu.

    Television ya Gisirikare muri kiriya gihugu yatangaje iby’urupfu rwa Idriss Déby Itno ariko ntibuatangajwe uko yagiye kuri uru rugamba rw’inyashyamba zagabye mu murwa mukuru wa Chad i N’Djamena.

    Uyu mugabo upfuye afite imyaka 68 yari amaze imyaka 31 ku butegetsi dore ko yagiyeho mu 1990.

    UKWEZI.RW

    Source : http://www.ukwezi.rw/Mu-mahanga/Politiki/article/Chad-Perezida-Deby-yapfuye-nyuma-y-amasaha-macye-atangajwe-ko-yatsindiye-manda-ya-6

  • APR FC irahera kuri Gorilla FC, Rayon Sports na Gasogi United (Gahunda yose ya shampiyona) #rwanda #RwOT

    Nyuma y’uko shampiyona hatangajwe igihe izatangirira ndetse n’amakipe agashyirwa mu matsinda, FERWAFA yamaze kugaragaza uko amakipe azahura.

    Shampiyona biteganyijwe ko izatangira ku wa 1 Gicurasi 2021 igasozwa ku wa 29 Kamena 2021.

    Tariki ya 1 Gicurasi mu itsinda A, Bugesera izakira AS Muhanga ku kibuga cya Bugesera saa 15:00′.

    Bukeye bwaho APR FC kuri Stade Amahoro izakira Gorilla FC 15:30′. Tariki ya 5 Gicurasi AS Muhanga izakira APR FC i Muhanga, Gorilla yakire Bugesera kuri Stade Amahoro. Iri tsinda rizasoza imikino ibanza tariki ya 8 Gicurasi Bugesera yakira APR FC na Gorilla yakira AS Muhanga.

    Mu itsinda rya B, tariki ya 1 Gicurasi, Rutsiro izakira Kiyovu kuri Stade Umuganda saa 12:30′. Bukeye bwaho Rayon Sports yakire Gasogi United kuri Stade Amahoro saa 12:30′.

    Imikino yo mu itsinda B izakomeza tariki ya 5 Kiyovu Sports yakira Rayon Sports kuri Stade Amahoro mu gihe Gasogi United izakira Rutsiro mu Bugesera, imikino ibanza y’itsinda izasozwa tariki ya 8 Gicurasi 2021 Rutsiro yakira Rayon Sports mu gihe Gasogi United izakira Kiyovu Sports.

    Mu itsinda C tariki ya 1 Gicurasi, kuri Stade Ubworoherane Musanze izatangira yakira AS Kigali mu gihe Police FC kuri Stade Amahoro izaba yakiriye Etincelles.

    Tariki ya 4 Gicurasi, kuri Stade Umuganda Etincelles izakira Musanze FC mu gihe kuri Stade Amahoro AS Kigali izaba yakiriye Police.

    Imikino ibanza yo muri iri tsinda izasozwa tariki ya 7 Gicurasi, Musanze izaba yakiriye Police FC mu gihe AS Kigali izaba yakiriye Etincelles.

    Mu itsinda D ari ryo rya nyuma, tariki ya 1 Gicurasi Marines izakira Espoir FC kuri Stade Umuganda, Mukura VS yakire Sunrise FC i Huye. Tariki ya 4 Gicurasi Sunrise FC izakira Marines FC kuri Golgotha Stadium icyo gihe i Rusizi Espoir FC izaba yakiriye Mukura VS.

    Iri tsinda imikino ibanza izarisoza tariki ya 7 Gicurasi Marines yakira Mukura VS mu gihe Sunrise izaba yakiriye Espoir FC.

    Biteganyijwe ko imikino yo kwishyura y’amatsinda izatangira tariki ya 10 isozwe tariki ya 16 Gicurasi ari nabwo hazamenyekana amakipe 8 agomba kwishakamo itwara igikome n’andi 8 agomba kwishakamo 2 zimanuka.

    Rayon Sports na Gasogi United zizahura ku munsi wa mbere

    Source : http://isimbi.rw/siporo/article/apr-fc-irahera-kuri-gorilla-fc-rayon-sports-na-gasogi-united-gahunda-yose-ya-shampiyona

  • Nyabihu: Uko ‘Isange mu ndorerwamo’ yabaye urufunguzo rwo kubabarirana ku bahemutse n’abahemukiwe muri Jenoside –

    Isange mu ndorerwamo ni itsinda ryashinzwe mu mwaka wa 2011 ritangijwe n’abantu batanu. Ryari rigamije kwimakaza gahunda y’ubumwe n’ubwiyunge hagati y’abarokotse Jenoside yakorewe abatutsi n’abayikoze.

    Kayisire Anastase wo mu Murenge wa Mukamira ni umwe mu barokotse Jenoside yakorewe abatutsi agasigara ari umwe mu muryango we wose. Yavuze ko kwishyira hamwe byababohoye bagatanga imbabazi ndetse n’abagize uruhare muri Jenoside bagasaba imbabazi. Byatumye kuri ubu babanye neza ndetse bakaba baratangiye n’ibikorwa by’iterambere.

    Yagize ati “Nkanjye ubwanjye nahuraga n’abampemukiye bakanyicira nkumva ntabanyura iruhande ndetse nabo ari uko, tumaze guhugurwa kuri gahunda y’ubumwe n’ubwiyunge tuza kwishyira hamwe dutangiza itsinda turi batanu muri 2011.”

    “Twarakomeje, iyo duhuye mu bikorwa byacu turaganira ku mateka yacu kuko burya abatatanye barashira ariko abishyize hamwe batera imbere. Ubu dufite intama tugenda tworozanya, duhinga ibirayi intego yacu ni uko tuzikura mu bukene tukagera ahashimishije kuko twarangije kubohoka mu mitima yacu”.

    Nzabonimpa Antoine wo mu Mudugudu wa Kamabuye Akagari ka Nyirakigugu Umurenge wa Jenda, ni umwe mu bakoze Jenoside aza no kubihangirwa afungwa imyaka 13 aza gufungurwa ku mbabazi za Perezida wa Repubulika.

    Yavuze ko n’ubwo abibumbiye muri aya matsinda bateye indi ntambwe iganisha mu bumwe n’ubwiyunge, hakiri inzitizi yo kuba hakiri abatarabona ababo bishwe kubera abadatanga amakuru.

    Yagize ati ” Mbere ntarajya mu itsinda nahuraga n’abarokotse Jenoside nkakwepa nkaca kure yabo kuko numvaga mfite ipfunwe, ubwo maze kurigeramo ndiga mbona uko abarokotse banyakiye neza ndabohoka ubu tubanye neza bihagije. Ikibazo kikigaragara ni uko hari abatarabona ababo bishwe bakajugunywa kandi ababishe bakaba bataratanga amakuru”.

    Yakomeje asaba abandi bakoze Jenoside kubohoka bagasaba imbabazi ndetse bagatanga n’amakuru ku baba bazi aho bajugunye imibiri y’abishwe kuko ariyo nzira yo kubohoka no kwiyunga bikwiye.

    Ati” Kuba hari abakoze Jenoside bakinangiye banze bakaba batarabohoka ngo basabe imbabazi, nababwira ko bakwiye kuzisaba ndetse bagatanga n’amakuru y’ahaba harajugunywe imibiri y’abishwe. Nta pfunwe nkigira tubanye neza n’abarokotse, nashize ubwoba. Duhurira ahantu tugakora ibikorwa biduteza imbere, bampa akazi iyo kabonetse turasangira nta kibazo tubanye neza cyane. Ubu mfite mushiki wanjye kwa data wacu washyingiye ku muntu warokotse rwose turisanzuye.”

    Nyiransabimana we ni umwe mu bakomoka ku wagize uruhare muri Jenoside yakorewe abatutsi wishyuye imitungo yangijwe na se umubyara, avuga ko kuba mu itsinda rya Isange mu ndorerwamo byamubohoye ndetse bigatuma yumva neza akamaro ko guhabwa imbabazi.

    Yagize ati “Naje mu itsinda nzanywemo n’umubyeyi data yagize imfubyi kuko yamwiciye ababyeyi. Nibazaga ukuntu nzabana n’abantu data yiciye ababyeyi bikantera ubwoba. Maze kugeramo twarabanye dufatanya mu bikorwa by’ubuhinzi bw’itsinda, aza no kumbabarira ku mitungo ye twishyuraga yangijwe na data, maze gupfusha mabukwe yambaye hafi ambera mabukwe. Numvishe neza akamaro ko kubabarirwa no kubohoka”.

    Sinangumuryango Moise, Umurinzi w’igihango mu Karere ka Nyabihu ubarizwa mu itsinda Isange mu ndorerwamo, na we avuga ko kuba abarokotse Jenoside yakorewe abatutsi n’abayigizemo uruhare babanye neza bagakorera hamwe ari ikintu gishimishije.

    Ati “Tubanye neza nta kibazo, ubona bose barabohotse nta rwikekwe ruhari. Duhana amatungo tukorozanya, duhingira hamwe tugasarurira hamwe, tugasurana, tugasangira. Tujya guhura nta buyobozi bwaduhuje byavuye ku bushake bwacu kuko twabonaga kubana bidufitiye akamaro cyane tugamije ko abantu babohoka bagatera imbere”.

    Uretse ko iri tsinda rifasha komora ibikomere, abaririmo bishimira kandi ko ryabaye n’uburyo bwo guteza imbere imibereho myiza kuko borozanya amatungo magufi n’amaremare hamwe no kugobokana binyuze mu bushobozi bizigamira nk’uko Sinangumuryango Moise akomeza abivuga.

    Ati” Ubu tworozanya intama, twatangiye no guhana inka. Twejeje ibirayi ubu mu itsinda tumaze kugira amafaranga agera ku bihumbi 700 kandi dukomeje gukorera hamwe ngo dutere imbere biruseho.”

    Umuyobozi w’Akarere ka Nyabihu wungirije ushinzwe imibereho myiza y’abaturage, Simpenzwe Pascal avuga ko aya matsinda ari ikimenyetso cy’uko bishoboka ko ubumwe n’ubwiyunge bwagerwaho kandi hakaba hifuzwa ko mu mirenge yose igize aka karere bene aya matsinda yahagera.

    Yagize ati ” Ni urumuri rumurikira abandi banyarwanda bose kuko ari ikintu kigaragaza ko ubumwe n’ubwiyunge bushoboka, ntabwo ahuriyemo abarokotse gusa, ahubwo ahuza n’abayigizemo uruhare, uyu munsi turifuza ko imirenge yose igize Akarere ka Nyabihu yagezwamo.”

    Abagera kuri 40 barimo abarokotse Jenoside yakorewe abatutsi, abayikoze bireze bakemera icyaha, abafite ababo bafungiwe gukora Jenoside, abari kuriha imitungo bangije mu gihe cya Jenoside n’abarinzi b’igihango nibo bibumbiye muri aya matsinda.

    Amatsinda nk’aya amaze gushingwa mu mirenge 6 y’Akarere ka Nyabihu ariyo Mukamira, Jenda, Karago, Shyira, Rambura na Bigogwe.

    Abibumbiye mu itsinda ‘Isange mu Ndorerwamo’ bamaze gutera intambwe yo kwiyunga ndetse bari mu bikorwa by’iterambere

  • U Rwanda rwirukanye Abakobwa babiri b’Abagande #rwanda #RwOT

    Ikinyamakuru Softpower cyanditse ko aba bakobwa ari bo Birungi Monique w’imyaka 25 na Kansiime Lilian w’imaka 26, bafatiwe i Kibuye mu Karere ka Karongi tariki 14 Mata 2021 bakaza gufungirwa mu Karere ka Burera.

    Ku mugoroba wo ku itariki 18 Mata 2021 bararekuwe bahita bagezwa ku mupaka bahawe impapuro bahawe n’Urwego rw’Igihugu rw’Ubutasi (NISS) zibasaba kuva ku butaka bw’u Rwanda kuko babugezeho mu buryo bunyuranyije n’amategeko.

    Izi nyandiko bahawe zibibutsa amategeko y’u Rwanda ngo kuko hari aho zigira ziti 'Menya ko uri umwimukira utemewe mu Rwanda nk’uko bisobanurwa n’ingingo ya 12 n’iya 15 y’itegeko 57/2018 ryo ku wa 13/08/2021 ryo kwinjira no gusohoka mu Rwanda.'

    Umwe muri aba bakobwa birukanywe ku butaka bw’u Rwanda, amaze kugera mu gihugu cye, yavuze ko kuko azi ko hari Abanyarwanda benshi bakorera muri Uganda yumvaga na we ntakibazo cyo kuba yajya gukorera mu Rwanda.

    Ati 'Ariko nishimiye ko narekuwe n’inzego z’umutekano z’u Rwanda nkasubira mu rugo.'

    Umubano w’u Rwanda na Uganda umaze iminsi urimo igitotsi cyatewe n’ibyo ibi bihugu byombi bishinjanya birimo kuba hari Abanyarwanda benshi bagiye bafatirwa muri kiriya gihugu bakagirirwa nabi ndetse bamwe bakahasiga ubuzima.

    Mu minsi ishize kandi havuzwe inkuru y’Umunyarwandakazi witwa Byukusenge Jeniffer washimuswe n’urwego rw’ubutasi bw’igisirikare cya Uganda rwa CMI.

    Bivugwa ko uyu mukobwa yashimuswe tariki 05 Mata 2021 agahita ajyanwa gufungirwa ku biro bikuru bya CMI biherereye i Mbuya.

    UKWEZI.RW

    Source : http://www.ukwezi.rw/mu-rwanda/3/article/U-Rwanda-rwirukanye-Abakobwa-babiri-b-Abagande

  • Perezida Kagame ari muri Angola mu inama ya ICGLR #rwanda #RwOT

    Perezida Paul Kagame agiye yageze i Luanda muri Angola mu gitondo cyo kuri uyu wa Kabiri tariki 20 Mata 2021 aho yitabiriye iri huriro rya kabiri rya ICGLR.

    Iri huriro rya kabiri rito, ririga ku bibazo bya Politiki n’iby’umutekano bimaze iminsi muri Repubulika ya Centrafrique.

    Perezida Kagame witabiriye iri huriro rigiye kuba ku nshuro ya kabiri, yabanje guhura na mugenzi we Perezida João Lourenço wa Angola.

    Ubwo ihuriro nk’iri rya mbere ryabaga mu mpera za Mutarama 2021, Perezida Paul Kagame yari ahagarariwe na Minisitiri w’Ububanyi n’Amahanga n’Ubutwererane, Dr Vincent Biruta.

    Iri huriro ryabaye tariki 29 Mutarama 2021, ryari ryitabiriwe kandi na Perezida wa Centrafrique, Faustin-Archange Touadéra ; uwa Congo, Denis Sassou Nguesso ; uwa Chad, Idriss Déby Itno ndetse na João Manuel Gonçalves wa Angola wari watumije iriya nama.

    UKWEZI.RW

    Source : http://www.ukwezi.rw/mu-rwanda/3/article/Perezida-Kagame-ari-muri-Angola-mu-inama-ya-ICGLR