Webrwanda Backend

Author: webrwanda

  • Guverineri Habitegeko yasuye ibikorwa by'iterambere mu Mujyi wa Karongi – #rwanda #RwOT

    Ni uruzinduko Guverineri Habitegeko ari kugirira mu turere dutandukanye tw'Intara y'Uburengerazuba agamije kureba uko bimwe mu bikorwa biri mu mihigo biri gushyirwa mu bikorwa ndetse n'ibyifuzo abaturage bafite hagamijwe kubegereza ibikorwa by'iterambere na serivisi.

    Ku wa Kabiri aherekejwe n'abayobozi b'Akarere ka Karongi, Abayobozi ku rwego rw'Intara, Abashinzwe Umutekano barimo Ingabo na Polisi basuye ibikorwa birimo ahari kubakwa Umuhanda wa kilometero ebyiri mu Mujyi wa Karongi.

    Uyu muhanda uzafasha mu bukerarugendo ku nkengero za Kivu unahuze amahoteli akikije ikiyaga cya Kivu.

    Mu kiganiro Guverineri Habitegeko yagiranye na IGIHE, yavuze ko uruzinduko yagiriye muri Karongi rwari rugamije kureba aho ibikorwa by'iterambere bigeze byubakwa ndetse n'icyakorwa ngo byihutishwe.

    Yakomeje agira ati 'Twarimo tureba ibikorwaremezo, iyo ahantu hiswe umujyi urumva ibikorwaremezo ni intambwe ya mbere ifasha kugira ngo ari ishoramari ryorohe ariko n'abahatuye nabo baba bakeneye ibikorwaremezo by'ibanze nk'imihanda n'ibindi.'

    Mu bindi bikorwa uyu muyobozi yasuye harimo Isoko Mpuzamahanga rya Karongi riri kubakwa ahitwa i Ruganda, ryambukiranya imipaka kuko rihuza aka karere na Repubulika Iharanira Demukarasi ya Congo.

    Guverineri Habitegeko yavuze ko muri iri soko hari ibikorwaremezo byashyizwemo birimo ibiri gufasha muri iki gihe cy'icyorezo cya Covid-19, birimo aho gupimira umuriro n'ahantu abarijemo bakarabira.

    Ubwo yasuraga Umudugudu w'Icyitegererezo wa Rugabano, mu bibazo yagejejweho n'imiryango 328, ifite abantu basaga 1000, bawutujwemo birimo kutagira urwuri rw'amatungo aho inka bahawe kuzibonera ubwatsi ari ingorabahizi.

    Ati 'Icyo batubwiye ni uko bashima Perezida wa Repubulika Paul Kagame wabatuje neza, ni inzu nziza cyane zigezweho hari n'abatuye muri etage.'

    Yakomeje agira ati 'Ariko hari n'imbogamizi mu bijyanye n'imibereho aho hari ikibazo kijyanye n'urwuri rw'amatungo, inka bahawe ku buryo kubona ubwatsi ku nka yahabwa buri muryango byaba ari ibintu bigoye. Hari abashoramari batanze imiringoti ngo iterweho ubwatsi bw'amatungo ariko turakomeza gushaka uko haboneka aho bakura ubwatsi bwo gutunga izi nka bahawe n'Umukuru w'Igihugu.'

    Guverineri Habitegeko kandi yanasuye ibikorwa by'ubuhinzi bikorerwa hafi y'urutare rwa Ndaba, ibikorwa bijyanye no kuhira imyaka imusozi anasura Uruganda rw'icyayi rwa Rugabano.

    Guverineri Habitegeko yasuye ahari Isoko mpuzamipaka rya Karongi

    Guverineri Habitegeko [uwa kabiri iburyo] ubwo we n’abandi bayobozi basuraga Umudugudu w’Icyitegererezo wa Rugabano

    Abatuye muri uyu mudugudu bafite ibikorwaremezo byose by’ibanze

    Yasuye kandi imihanda iri gukorwa mu Mujyi wa Karongi

    Guverineri Habitegeko yagejejweho ikibazo cy’abatuye mu Mudugudu wa Rugabano babuze ubwatsi bw’amatungo yabo

    Source : http://igihe.com/amakuru/u-rwanda/article/guverineri-habitegeko-yasuye-ibikorwa-by-iterambere-mu-mujyi-wa-karongi

  • Team Manager wa Sunrise FC yakoze ubukwe (AMAFOTO) #rwanda #RwOT

    Rebero Emmanuel akaba Team Manager wa Sunrise FC, yasezeranye imbere y’amategeko na Mutesi Gloria bemeranywa kubana akaramata.

    Mu ntangiriro z’uku kwezi nibwo Rebero yamwambitse impeta ya fiançailles amusaba ko yazamubera umugore undi nawe arabyemera.

    Ku wa Kabiri w’iki cyumweru tariki ya 19 Mata 2021 nibwo aba bombi bahamije isezerano ryabo imbere y’amategeko.

    Basezeraniye mu Karere ka Nyagatare, Intara y’Iburasirazuba mu murenge wa Nyagatare.

    Rebero na Gloria bakaba bafashe umwanzuro wo kubana nyuma y’urugendo rw’imyaka 4 bakundana.

    Rebero Emmanuel, Team Manager wa Sunrise FC yanabaye umunyamabanga mukuru w’iyi kipe aho yaje kuvaho mu mpeshyi ya 2017 ubwo batoraga komite nyobozi nshya.

    Rebero yamanitse akaboko ati”nemeye ko Gloria ambera umugore nkamubera umugabo tukazatandukanywa n’urupfu”

    Babisinyiye ko bamaze kuba umwe

    Nyuma yo gusezerana bahawe icyemezo cy’uko bamaze kuba umugabo n’umugore

    Bategereje ko Gitifu abemerera gusezerana

    Aho umwe azajya niho n’undi azajya

    Rebero na Gloria n’abari babaherekeje

    Team Manager wa Sunrise FC, yamaze gusezerana imbere y’amategeko

    Akanyamuneza kari kose

    Source : http://isimbi.rw/siporo/article/team-manager-wa-sunrise-fc-yakoze-ubukwe-amafoto

  • Menya intiti zakoze Raporo y'u Rwanda ku ruhare rw'u Bufaransa zirimo izaburanye imanza za Trump – #rwanda #RwOT

    Ni akazi Leta y'u Rwanda yatanze kuko n'ubwo hari raporo nk'iyitiriwe Mucyo yakozwe mu 2008 zerekanaga uruhare rw'u Bufaransa muri Jenoside yakorewe Abatutsi, hari abayinengaga ko ibogamiye ku ruhande rw'u Rwanda kuko yakozwe n'abantu bayo.

    Ku rundi ruhande, hari raporo yari yarakozwe n'umucamanza w'Umufaransa, Jean Louis Brugière yashinjaga abayobozi bakuru b'u Rwanda kugira uruhare mu bikorwa birimo ihanurwa ry'indege ya Perezida Habyarimana Juvénal. Iyi raporo nayo u Rwanda rwayiteraga utwatsi, rukavuga ko idashingiye ku kuri kw'amateka, ahubwo ari uburyo bwo guhisha uruhare rw'u Bufaransa.

    Ibi rero ni byo byatumye hatekerezwa uko hakorwa ubushakashatsi n'uruhande rutagize aho rubogamiye, rugasesengura amakuru yose ashobora kwerekana uruhare rw'u Bufaransa mu bihe bya Jenoside yakorewe Abatutsi, maze Leta itanga aka kazi ku Kigo gitanga ubujyanama mu by'amategeko cya Levy Firestone Muse.

    Ni raporo ya paji zirenga 600, yiswe 'A Foreseeable Genocide: The Role of the French Government in Connection with the Genocide against the Tutsi', bishatse kuvuga 'Jenoside yatutumbaga: Uruhare rwa Guverinoma y'u Bufaransa muri Jenoside yakorewe Abatutsi', yagarutse ku ruhare rw'u Bufaransa mbere ya Jenoside, mu gihe cyayo na nyuma yayo kandi yakozwe mu bwisanzure bwuzuye nta ruhare na rumwe Leta y'u Rwanda ibigizemo.

    Bitewe n'uburemere bw'iyi raporo, yakozwe n'ibigo bifite ubunararibonye mu bushakashatsi n'amategeko birimo Levy Firestone Muse LLP, ifatanyije n'ibigo byo mu Rwanda birimo MRB ATTORNEYS (MRB), Trust Law Chambers na Certa Law.

    Levy Firestone Muse, ikigo cyaburanye imanza za Trump

    Iki kigo ni cyo cyari kiyoboye ubushakashatsi bwo gukusanya amakuru yashyizwe muri iyi raporo.

    Ni ikigo gitanga ubufasha mu by'amategeko giherereye muri Leta ya Washington DC muri Leta Zunze Ubumwe za Amerika, aho cyatangiye kumenyekana cyane mu mwaka wa 2014 nyuma yo kwakira abanyamategeko barimo Robert Muse na Daren Firestone.

    Ni kimwe mu bigo bikomeye mu by'amategeko ku Isi, kikagira umwihariko wo kuburana imanza zo ku rwego rwo hejuru, zihuza ibigo by'ubucuruzi, abanyapolitiki bakomeye, ibihugu ndetse n'ibindi kikanakora ubucukumbuzi bwihariye, nk'uko bwakorewe u Rwanda, mu rwego rwo kumenya amakuru runaka akenewe.

    Binyuze mu barimo Daren Firestone, iki kigo cyagize uruhare mu manza zikomeye muri Leta Zunze Ubumwe za Amerika, zirimo nk'urubanza rwa Donald Trump wari Perezida wa Amerika, washinjwaga kuba yaranyereje imisoro mu bucuruzi akorera muri Leta ya New York.

    Iki kigo kandi cyagize uruhare mu manza zikomeye muri Amerika, zirimo izisaba ko Leta zimwe na zimwe zakuraho, cyangwa zikarushaho gushyiraho amananiza ku ikoreshwa ry'intwaro muri izo Leta.

    Uretse ingingo y'intwaro mu baturage, iki kigo kiri kugira uruhare ku ngingo yo kugabanyiriza Polisi imbaraga, ndetse no kuba yazamburwa intwaro burundu. Indi ngingo ikomeye ni ijyanye n'ikoreshwa ry'urumogi nk'umuti, aho kuba ikiyobyabwenge.

    Mu minsi yashize kandi, nabwo iki kigo cyagaragaye mu rubanza rwaregwagamo Hunter Biden, umuhungu wa Perezida Joe Biden, kugirana imikoranire n'abayobozi ba Ukraine, aho byakekwaga ko itemewe n'amategeko ndetse yagaragayemo ibibazo bya ruswa.

    Iki kigo cyahagarariye mu mategeko abarimo Glenn Simpson na Peter Fritsch, bagaragaje bwa mbere ko u Burusiya bushobora kuba bwarafashije Donald Trump gutsinda amatora mu mwaka wa 2016.

    Uretse ibirego, iki kigo cyanagize uruhare mu bucukumbuzi bwagaragaje ibibazo bya ruswa ikomeye iboneka mu bagurisha abakinnyi mu mukino wa Baseball muri Leta Zunze Ubumwe za Amerika.

    Inararibonye zagize uruhare muri iyi raporo

    Robert F. Muse

    Robert Muse niwe wari uyoboye ubu bushakashatsi. Uyu munyamategeko ni umwe mu babimazemo imyaka myinshi, kuko amaze imyaka 37 afite uruhushya rwo gukora mu rwego rw'ubwunganizi mu mategeko.

    Muri iyo myaka yose, uyu mugabo yamaze imyaka 25 agaragara ku rutonde rwa Best Law Firms, ikigo kigenzura imikorere y'abanyamategeko n'ibigo bakorera, nk'umwe mu banyamategeko bakomeye, bijyanye n'ikigero cy'umusaruro atanga mu manza aburana.

    Mu 2016, mbere gato yo guhabwa akazi n'u Rwanda, yari yatowe nk'umunyamategeko uhiga abandi muri Amerika.

    Uyu mugabo yakoze mu nkiko za Leta ya Amerika, ndetse aburanira abarimo abasenateri, abadepite, abakomoka mu mashyaka ya politiki, abakozi bakora mu Biro bya Perezida wa Amerika, White House, amashyirahamwe y'abakozi, ibigo byigenga, ndetse n'ibindi bigo bikomeye.

    Robert F. Muse yagize uruhare rukomeye mu kwandika iyi raporo

    Joshua A. Levy

    Uyu munyamategeko abimazemo imyaka hafi 20, afite umwihariko wo kuburana imanza zijyanye n'ibibazo by'ubuzima, birimo ingurane z'impanuka ndetse no ku manza zisaba iperereza ryimbitse.

    Uyu mugabo yabaye umujyanama mu by'amategeko wa Komite Ishinzwe Umutekano n'Ibikorwa bya Guverinoma ya Amerika, ariko igihe kinini yakimaze yigisha amategeko muri Kaminuza ya Georgetown.

    Uretse raporo k'u Rwanda, uyu munyamategeko yanagaragaye mu bindi bikorwa by'ubucukumbuzi birimo ibibazo by'imitwarire na ruswa y'abagura abakinnyi bakanabagurisha mu mukino wa Baseball muri Amerika.

    Joshua A. Levy nawe yari umwe mu bakoze ubushakashatsi bw’iyi raporo

    Daren H. Firestone

    Uyu mugabo afite ubunararibonye bukomeye kuko yabaye umushinjacyaha wa Leta ya Amerika, ndetse anaba umunyamategeko w'Ibiro bya Perezida wa Amerika, White House.

    Ku ngoma ya Perezida Barrack Obama, Levy yabaye umujyanama wa ba Ambasederi ba Amerika, Sena ya Amerika, abayobozi bo ku rwego rwo hejuru, ibigo bikomeye by'ubucuruzi n'ibindi, imiryango mpuzamahanga itari iya Leta, banki zikomeye n'ibindi bigo bitandukanye.

    Uyu akunze kwibanda ku manza z'imisoro, ubuzima, ubujura n'izindi nk'izo zitandukaye.

    Daren Firestone ni umunyamategeko wakoze muri White House

    Bamwe mu banyarwanda bagize uruhare mu ikorwa ry'iyi raporo

    Uretse abaturuka hanze y'u Rwanda, iyi raporo yanagizwemo uruhare n'ibigo bitanga ubufasha mu by'amategeko byo mu Rwanda.

    Ibyo bigo ni MRB ATTORNEYS (MRB), Trust Law Chambers na Certa Law.

    Ni ibigo nabyo bimaze kubaka izina rikomeye mu Rwanda, kuko nka MRB ATTORNEYS (MRB) yashinzwe muri 2013, yibanda ku manza z'ubucuruzi, zihuje cyane ibigo bya banki n'ibindi nk'ibyo.

    Trust Law Chambers nacyo ni ikigo kimaze kwiyubaka kuko cyatangiye mu 2004. Iki kigo cyibanda ku manza z'ubucuruzi ndetse kinatanga ubwunganizi mu mategeko mu bihugu byo hanze y'u Rwanda.

    Certa Law yagize uruhare muri ubu bushakashatsi nacyo ni ikigo kiri kuzamuka ku rwego rukomeye, kikibanda ku mategeko y'umusoro, amabanki, n'ibindi bigo by'ubucuruzi.

    Iki kigo gifite umwihariko kuko 80% by'imanza cyaburanye cyazitsinze, mu gihe arenga miliyari 5 Frw yishyuwe abakiliya bacyo.

    Muri rusange, iyi raporo yakozwe n'abantu 43 barimo Abanyarwanda 10.

    Ubwo Minisitiri w'Ububanyi n'Amahanga w'u Rwanda, Vincent Biruta, yasobanuraga iby'iyi raporo

    Urutonde rw’abanyamategeko bose bagize uruhare mu ikorwa ry’iyi raporo

    Source : http://igihe.com/amakuru/u-rwanda/article/ni-bande-bagize-uruhare-mu-ikorwa-rya-raporo-ya-a-foreseeable-genocide

  • Huye: Polisi yafashe ucyekwaho kwiba mudasobwa ebyiri mu nzu y'ubucuruzi y'uwitwa Ntawuzumunsi Elias #rwanda #RwOT

    Ku mugoroba wo kuri uyu wa kabiri tariki ya 20 Mata ahagana saa kumi n'imwe Polisi y'u Rwanda ifatanije n'izindi nzego z'umutekano bafashe uwitwa Hategekimana Emmanuel w'imyaka 36, uyu yafashwe amaze kwiba mudasobwa ebyiri azikuye mu nzu
    y'ubucuruzi(Supermarket)  , y'uwitwa  Ntawuzumunsi Elias w'imyaka 30 ucururiza mu Karere ka Huye mu Murenge wa Ngoma mu Kagari ka Butare.

    Umuvugizi wa Polisi mu Ntara y'Amajyepfo, Superintendent of Police(SP) Theobald Kanamugire avuga ko Hategekimana yaje nk'umukiriya acunga  Ntawuzumunsi arangariye mu bakiriya aterura mudasobwa yifashisha mu bucuruzi bwe  azishyira mu gikapu arasohoka aragenda. 

    Ati'Muri ariya masaha ya saa kumi n'imwe z'umugoroba abacuruzi muri Huye baba barimo kwitegura gukinga ngo batahe, Hategekimana yinjiye nk'umukiriya acunga Ntawuzumunsi arangariye mu bakiriya amutwara mudasobwa ebyiri. Ku bw'amahirwe muri iyo nzu y'ubucuruzi harimo Camera, bazirebyeho babona uwazitwaye baramukurikirana.'

    SP Kanamugire akomeza avuga ko  Ntawuzumunsi yahise atanga amakuru kuri Polisi, yahise ifatanya n'izindi nzego z'umutekano bashakisha Hategekimana ahita afatwa atararenga umujyi wa Huye. Amaze gufatwa yiyemereye ko koko ariwe wari wibye izo mudasobwa.

    Umuvugizi wa Polisi mu Ntara y'Amajyepfo yashimiye uriya muturage wihutiye gutanga amakuru anakangurira n'abandi baturage kujya bagira uburyo bubafasha gutahura abajura.

    Ati' Camera zo mu nzu y'ubucuruzi nizo zamufashije guhita atahura umutwariye mudasobwa, turakangurira n'abandi baturage kujya bagira uburyo nka buriya bubafasha kwicungira umutekano. Ariko turanashimira Ntawuzumunsi kuba yihutiye gutanga amakuru tugahita dufata ucyekwaho kwiba.'

    Ubusanzwe uyu Hategekimana Emmanuel akomoka mu Karere ka Ruhango mu Murenge wa Ruhango , Akagari ka Munini,Umudugudu wa Bugari. Amaze gufatwa yahise ashyikirizwa Urwego rushinzwe ubugenzacyaha(RIB) rukorera muri sitasiyo ya Polisi ya Ngoma.

    Itegeko no 68/2018 ryo kuwa 30/08/2018 ingingo ya 166 ivuga ko  Umuntu wese uhamijwe n'urukiko icyaha cyo kwiba, ahanishwa igifungo kitari munsi y'umwaka umwe (1) ariko kitarenze imyaka ibiri (2) ,ihazabu y'amafaranga y'u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y'inyungu rusange mu gihe cy'amezi atandatu (6) cyangwa kimwe gusa muri ibyo bihano.

    Ifoto yakoreshejwe haruguru yakuwe kurubaga rwa RNP

    Source : https://impanuro.rw/2021/04/22/huye-polisi-yafashe-ucyekwaho-kwiba-mudasobwa-ebyiri-mu-nzu-yubucuruzi-yuwitwa-ntawuzumunsi-elias/

  • Menya intiti zakoze Raporo y’u Rwanda ku ruhare rw’u Bufaransa zirimo izaburanye imanza za Trump –

    Ni akazi Leta y’u Rwanda yatanze kuko n’ubwo hari raporo nk’iyitiriwe Mucyo yakozwe mu 2008 zerekanaga uruhare rw’u Bufaransa muri Jenoside yakorewe Abatutsi, hari abayinengaga ko ibogamiye ku ruhande rw’u Rwanda kuko yakozwe n’abantu bayo.

    Ku rundi ruhande, hari raporo yari yarakozwe n’umucamanza w’Umufaransa, Jean Louis Brugière yashinjaga abayobozi bakuru b’u Rwanda kugira uruhare mu bikorwa birimo ihanurwa ry’indege ya Perezida Habyarimana Juvénal. Iyi raporo nayo u Rwanda rwayiteraga utwatsi, rukavuga ko idashingiye ku kuri kw’amateka, ahubwo ari uburyo bwo guhisha uruhare rw’u Bufaransa.

    Ibi rero ni byo byatumye hatekerezwa uko hakorwa ubushakashatsi n’uruhande rutagize aho rubogamiye, rugasesengura amakuru yose ashobora kwerekana uruhare rw’u Bufaransa mu bihe bya Jenoside yakorewe Abatutsi, maze Leta itanga aka kazi ku Kigo gitanga ubujyanama mu by’amategeko cya Levy Firestone Muse.

    Ni raporo ya paji zirenga 600, yiswe “A Foreseeable Genocide: The Role of the French Government in Connection with the Genocide against the Tutsi”, bishatse kuvuga “Jenoside yatutumbaga: Uruhare rwa Guverinoma y’u Bufaransa muri Jenoside yakorewe Abatutsi”, yagarutse ku ruhare rw’u Bufaransa mbere ya Jenoside, mu gihe cyayo na nyuma yayo kandi yakozwe mu bwisanzure bwuzuye nta ruhare na rumwe Leta y’u Rwanda ibigizemo.

    Bitewe n’uburemere bw’iyi raporo, yakozwe n’ibigo bifite ubunararibonye mu bushakashatsi n’amategeko birimo Levy Firestone Muse LLP, ifatanyije n’ibigo byo mu Rwanda birimo MRB ATTORNEYS (MRB), Trust Law Chambers na Certa Law.

    Levy Firestone Muse, ikigo cyaburanye imanza za Trump

    Iki kigo ni cyo cyari kiyoboye ubushakashatsi bwo gukusanya amakuru yashyizwe muri iyi raporo.

    Ni ikigo gitanga ubufasha mu by’amategeko giherereye muri Leta ya Washington DC muri Leta Zunze Ubumwe za Amerika, aho cyatangiye kumenyekana cyane mu mwaka wa 2014 nyuma yo kwakira abanyamategeko barimo Robert Muse na Daren Firestone.

    Ni kimwe mu bigo bikomeye mu by’amategeko ku Isi, kikagira umwihariko wo kuburana imanza zo ku rwego rwo hejuru, zihuza ibigo by’ubucuruzi, abanyapolitiki bakomeye, ibihugu ndetse n’ibindi kikanakora ubucukumbuzi bwihariye, nk’uko bwakorewe u Rwanda, mu rwego rwo kumenya amakuru runaka akenewe.

    Binyuze mu barimo Daren Firestone, iki kigo cyagize uruhare mu manza zikomeye muri Leta Zunze Ubumwe za Amerika, zirimo nk’urubanza rwa Donald Trump wari Perezida wa Amerika, washinjwaga kuba yaranyereje imisoro mu bucuruzi akorera muri Leta ya New York.

    Iki kigo kandi cyagize uruhare mu manza zikomeye muri Amerika, zirimo izisaba ko Leta zimwe na zimwe zakuraho, cyangwa zikarushaho gushyiraho amananiza ku ikoreshwa ry’intwaro muri izo Leta.

    Uretse ingingo y’intwaro mu baturage, iki kigo kiri kugira uruhare ku ngingo yo kugabanyiriza Polisi imbaraga, ndetse no kuba yazamburwa intwaro burundu. Indi ngingo ikomeye ni ijyanye n’ikoreshwa ry’urumogi nk’umuti, aho kuba ikiyobyabwenge.

    Mu minsi yashize kandi, nabwo iki kigo cyagaragaye mu rubanza rwaregwagamo Hunter Biden, umuhungu wa Perezida Joe Biden, kugirana imikoranire n’abayobozi ba Ukraine, aho byakekwaga ko itemewe n’amategeko ndetse yagaragayemo ibibazo bya ruswa.

    Iki kigo cyahagarariye mu mategeko abarimo Glenn Simpson na Peter Fritsch, bagaragaje bwa mbere ko u Burusiya bushobora kuba bwarafashije Donald Trump gutsinda amatora mu mwaka wa 2016.

    Uretse ibirego, iki kigo cyanagize uruhare mu bucukumbuzi bwagaragaje ibibazo bya ruswa ikomeye iboneka mu bagurisha abakinnyi mu mukino wa Baseball muri Leta Zunze Ubumwe za Amerika.

    Inararibonye zagize uruhare muri iyi raporo

    Robert F. Muse

    Robert Muse niwe wari uyoboye ubu bushakashatsi. Uyu munyamategeko ni umwe mu babimazemo imyaka myinshi, kuko amaze imyaka 37 afite uruhushya rwo gukora mu rwego rw’ubwunganizi mu mategeko.

    Muri iyo myaka yose, uyu mugabo yamaze imyaka 25 agaragara ku rutonde rwa Best Law Firms, ikigo kigenzura imikorere y’abanyamategeko n’ibigo bakorera, nk’umwe mu banyamategeko bakomeye, bijyanye n’ikigero cy’umusaruro atanga mu manza aburana.

    Mu 2016, mbere gato yo guhabwa akazi n’u Rwanda, yari yatowe nk’umunyamategeko uhiga abandi muri Amerika.

    Uyu mugabo yakoze mu nkiko za Leta ya Amerika, ndetse aburanira abarimo abasenateri, abadepite, abakomoka mu mashyaka ya politiki, abakozi bakora mu Biro bya Perezida wa Amerika, White House, amashyirahamwe y’abakozi, ibigo byigenga, ndetse n’ibindi bigo bikomeye.

    Robert F. Muse yagize uruhare rukomeye mu kwandika iyi raporo

    Joshua A. Levy

    Uyu munyamategeko abimazemo imyaka hafi 20, afite umwihariko wo kuburana imanza zijyanye n’ibibazo by’ubuzima, birimo ingurane z’impanuka ndetse no ku manza zisaba iperereza ryimbitse.

    Uyu mugabo yabaye umujyanama mu by’amategeko wa Komite Ishinzwe Umutekano n’Ibikorwa bya Guverinoma ya Amerika, ariko igihe kinini yakimaze yigisha amategeko muri Kaminuza ya Georgetown.

    Uretse raporo k’u Rwanda, uyu munyamategeko yanagaragaye mu bindi bikorwa by’ubucukumbuzi birimo ibibazo by’imitwarire na ruswa y’abagura abakinnyi bakanabagurisha mu mukino wa Baseball muri Amerika.

    Joshua A. Levy nawe yari umwe mu bakoze ubushakashatsi bw’iyi raporo

    Daren H. Firestone

    Uyu mugabo afite ubunararibonye bukomeye kuko yabaye umushinjacyaha wa Leta ya Amerika, ndetse anaba umunyamategeko w’Ibiro bya Perezida wa Amerika, White House.

    Ku ngoma ya Perezida Barrack Obama, Levy yabaye umujyanama wa ba Ambasederi ba Amerika, Sena ya Amerika, abayobozi bo ku rwego rwo hejuru, ibigo bikomeye by’ubucuruzi n’ibindi, imiryango mpuzamahanga itari iya Leta, banki zikomeye n’ibindi bigo bitandukanye.

    Uyu akunze kwibanda ku manza z’imisoro, ubuzima, ubujura n’izindi nk’izo zitandukaye.

    Daren Firestone ni umunyamategeko wakoze muri White House

    Bamwe mu banyarwanda bagize uruhare mu ikorwa ry’iyi raporo

    Uretse abaturuka hanze y’u Rwanda, iyi raporo yanagizwemo uruhare n’ibigo bitanga ubufasha mu by’amategeko byo mu Rwanda.

    Ibyo bigo ni MRB ATTORNEYS (MRB), Trust Law Chambers na Certa Law.

    Ni ibigo nabyo bimaze kubaka izina rikomeye mu Rwanda, kuko nka MRB ATTORNEYS (MRB) yashinzwe muri 2013, yibanda ku manza z’ubucuruzi, zihuje cyane ibigo bya banki n’ibindi nk’ibyo.

    Trust Law Chambers nacyo ni ikigo kimaze kwiyubaka kuko cyatangiye mu 2004. Iki kigo cyibanda ku manza z’ubucuruzi ndetse kinatanga ubwunganizi mu mategeko mu bihugu byo hanze y’u Rwanda.

    Certa Law yagize uruhare muri ubu bushakashatsi nacyo ni ikigo kiri kuzamuka ku rwego rukomeye, kikibanda ku mategeko y’umusoro, amabanki, n’ibindi bigo by’ubucuruzi.

    Iki kigo gifite umwihariko kuko 80% by’imanza cyaburanye cyazitsinze, mu gihe arenga miliyari 5 Frw yishyuwe abakiliya bacyo.

    Muri rusange, iyi raporo yakozwe n’abantu 43 barimo Abanyarwanda 10.

    Ubwo Minisitiri w’Ububanyi n’Amahanga w’u Rwanda, Vincent Biruta, yasobanuraga iby’iyi raporo

    Urutonde rw’abanyamategeko bose bagize uruhare mu ikorwa ry’iyi raporo

  • Zari Hassan yaciye agahigo gakomeye kamugize umugore wa kabiri muri Afurika y'i Burasirazuba. – YEGOB #rwanda #RwOT

    Umuherwekazi Zari Hassan ukomoka muri Uganda ariko akaba yituriye muri Afurika y'Epfo yaciye agahigo ko kuba umugore wa kabiri muri Afurika y'i Burasirazuba (EAC) ukurirwa n'abantu benshi kuri instagram .

    Uyu mugore w'abana batanu, nyuma yo kuzuza abamukurikira kuri Instagram miliyoni 9, yashimiye aba bakunzi be aho yavuze ko ari ingenzi kuri we.

    Ati'ibyo mukora byose, abo muri bo bose, nzahora nshimira ko mwaje mu buzima bwanjye. Mwarakoze kuba mu muryango w'abantu miliyoni 9 bankurikira.'

     

    Zari Hasasan akaba yabaye umugore w'icyamamare wa kabiri muri Afurika y'Iburasirazuba ukurikirwa n'abantu benshi kuri Instagram, ni nyuma y'umukinnyi wa filime w'umunyakenya, Lupita Nyong'o nawe ukurikirwa n'abantu miliyoni 9 n'ibihumbi birenga 30.

    Kugeza ubu uza ku mwanya wa 3 ni Wema Sepetu umukinnyi wa filime muri Tanzania wanabaye nyampinga w'iki gihugu wa 2006, ubu akurikirwa na miliyoni 8 n'ibihumbi 600.

    Leave your vote

    Comments

    0 comments

    Source : https://yegob.rw/zari-hassan-yaciye-agahigo-gakomeye-kamugize-umugore-wa-kabiri-muri-afurika-yi-burasirazuba/

  • Mrs World 2020 wakomerekeje uwagombaga guhabwa ikamba agahita afungwa yafashe icyemezo kigayitse. – YEGOB #rwanda #RwOT

    Mrs World 2020 ,Caroline Jurie uherutse gufungwa nyuma yo gukomeretsa mugenzi we wagombaga kwambikwa ikamba, ndetse agahita atabwa muri yombi yafashe ikemezo kigayitse cyo kureka inshingano ze nyuma yo kuva muri gereza by'agateganyo.

    Caroline Jurie yakoreye urugomo mugenzi we Pushpika De Silva wari wambitswe ikamba, byabaye mu marushanwa yo gushaka umugore mwiza cyane ku Isi (Mrs World) yitabirwa gusa n'abagore bafite abagabo. Ni irushanwa ritandukanye na Miss World kuko yo yitabirwa n'abakobwa batarashaka ndetse bataranabyara aho baba bashakisha umukobwa mwiza.

    Iyi mihango ya Mrs World ibera mu murwa mukuru wa Sri Lanka. Pushpika De Silva yakomeretse ubwo yamburwaga ikamba ku gahato niko kujya kwa muganga, uwamukomerekeje Caroline arafungwa. Kuri ubu Caroline Jurie, yeguye ku mirimo ye. Umuryango uyobora aya marushanwa wavuze ko Jurie yatawe muri yombi arekurwa by'agateganyo, icyemezo cyo gusezera ku bushake cyafashwe na Caroline ubwe.

    Ubwo Jurie yamburaga ikamba ku gahato De Silva avuga ko atarikwiye kubera ngo yaba yaratandukanye n'umugabo we.Uyu De Silva akaba akomeje gusaba ko uyu Mrs World 2020 akurikiranwa agakomeza no gufungwa ngo kuko yamusebeje.

    Leave your vote

    Comments

    0 comments

    Source : https://yegob.rw/mrs-world-2020-wakomerekeje-uwagombaga-guhabwa-ikamba-agahita-afungwa-yafashe-icyemezo-kigayitse/

  • Rayon Sports yatsinze umukino wayo wa mbere wa gishuti – YEGOB #rwanda #RwOT

    Rayon Sports yatsinze Bugesera FC ibitego 2-0, umukino wabereye mu karere ka Bugesera.

    Kuri iki gicamunsi nibwo Rayon Sports yakinaga umukino wayo wa mbere wa gishuti yahuragamo na Bugesera FC. Bugesera FC wari umukino wayo wa 2 ikinnye kuva umupira w'amaguru wasubukurwa, nyuma y'umukino banganyijemo n'ikipe ya Police FC igitego kimwe kuri kimwe.

    Igice cya mbere cyarangiye ari ubusa ku busa ku mpande zombi, yaba Rayon Sports yari yagaruye Sekamana Maxime wari umaze igihe adatanga umutahe muri iyi kipe yambara umweru n'ubururu.

    Abakinnyi benshi Bugesera FC yari yakoresheje ku mukino wa Police FC ni nabo batangiye kuri uyu mukino. Ku munota wa 60 nibwo Rayon Sports yabonye igitego cya mbere gitsinzwe na Manase matatu, umukino Wenda kurangira ku munota wa 82 nibwo rutahizamu w'Amavubi ndetse na Rayon Sports Sugira Ernest yaje guterekamo igitego cya kabiri bituma umukino urangira ari ibitego 2 bya Rayon Sports kubusa bwa Bugesera FC.

    Maxime yari yagarutse mu kibuga

    Ni umukino wagaragayemo amakarita 2 y'imituku, ku ruhande rwa Bugesera Rafael yaje guhabwa ikarita y'umutuku ndetse na Mudacumura Jackson bakunze kwita Rambo abona ikarita ku ruhande rwa Rayon Sports.

    SRC: inyarwanda

    Leave your vote

    Comments

    0 comments

    Source : https://yegob.rw/rayon-sports-yatsinze-umukino-wayo-wa-mbere-wa-gishuti/

  • Sobanukirwa uburyo bwiza buboneye ukwiye kuryamamo,ibyiza n'ibibi byabyo. – YEGOB #rwanda #RwOT

    Abantu bakunze kuryama mu buryo butandukanye (positions) gusa muri iyi nkuru tugiye kurebera hamwe buri buryo turyamamo ,turebe ubwiza n'ububi ukwiye kureka nubwo buri buryo bwose bugira ibyiza byabyo n'ibibi byabwo.

    1.Kuryamira urubavu

    Ibyiza byabwo: Birinda kubabara ibikanu n'umugongo, birinda ikirungurira, ntabwo upfa kugona, ndetse ni bwo buryo bwiza iyo utwite.

    Ibibi byabwo: ubu buryo bubangamira amabere ku bagore ndetse n'uruhu rw'aho ukunda kuryamira.

    Mu by'ukuri nubwo mu bwiza ari uburyo bwa kabiri, nyamara usanga ari bwo buryo bunogeye abantu bose udakuyemo n'umwe keretse abafite uburwayi bwihariye.

    Iyo uryamiye urubavu bifasha urutirigongo, ndetse ku barware ikirungurira uu buryo burabafasha gusa ntiburuta kuryama ugaramye.

    Gusa nanone wibukeko umusaya uba waryamiye ariwo ugira iminkanyari cyane ndetse akenshi ubyuka hishushanyijeho ibyo waryamiye.

    Kuko nanone amabere aba ameze nk'ari gutendera bituma arushaho kugwa ndetse ibiyakomeza bigacika intege.

    Ibyo kuzirikana: Niba utwite ni byiza kuryamira uruhande rw'ibumoso kurenza urw'iburyo

    Mu gihe uryamira urubavu usabwa gukoresha umusego munini cyane ku buryo urutugu, ijosi n'umutwe biba biringaniye.

    2.Kugarama

    Ibyiza byabyo: bikurinda kuba warwara ibikanu, bikagabanya kuba warwara ikirungurira kandi ku bagore ntacyo bitwara ku mabere yabo kuko nta kiba kiyabyiga.

    Ibibi: Bishobora gutuma ugona iyo usinziriye

    Nibyo koko kuryama ugaramye ni uburyo bwiza kuko bifasha umutwe, ijosi n'urutirigongo. Kandi bitewe nuko uba wiseguye umutwe bituma igifu kiba kiri munsi y'umuhogo bityo aside ntibe yabona uburyo izamuka ngo ugire ikirungurira.

    Si ibyo gusa kuko nta nubwo wagira iminkanyari kuko nta kiba gitsikamiye mu maso. Kandi amabere uko yaba angina kose ntabangamirwa ahubwo abona uko yisanzura.

    Icyo kuzirikana: Akenshi mu gihe uryamye ugaramye ushobora kugona niyo mpamvu usabwa kwisegura umusego utuma umutwe utaba wunamye cyane ku buryo byabuza umwuka kwinjira neza ahubwo ukaba umusego utuma wumva umutwe n'ibikanu biseguye neza.

    3.Kubika inda

    Kuryama wubitse inda nibwo buryo bubi bubaho, ndetse wari ukwiye guhita ubihagarika. Gusa hari aho biba byiza

    Ibyiza byabyo: Iyo ugona biragabanyuka

    Ibibi: kuribwa umugongo n'ibikanu, kuryamira amabere akabwatarara, iminkanyari mu maso, umugore utwite arabibujijwe by'umwihariko kimwe n'abarwayi b'umugongo

    Akenshi iyo uryamye wubitse inda bibangamira urutirigongo bikaremerera ingingo n'imikaya bikaba byabyara ibinya no kuribwa.

    Kuko akenshi usanga iyo wubitse inda uba ureba ku ruhande, binaniza ijosi cyane kuko uba umeze nk'uwahindukiye.

    Ibyo kuzirikana: Niba uhisemo kuryama wubitse inda, bikore ku buryo uryama utareba ku ruhande ahubwo ureba hasi cyangwa usa n'ureba imbere, nibyo bitananiza ijosi ugereranyije no kuba ureba ku ruhande.

    Gusa hano umusego ntuba ari ngombwa niyo uwushyizeho ugomba kuba ari muto cyane.

    4.Kuryama wihinnye cyane

    Ubu buryo twagereranya na kwa kundi umwana mu nda ya nyina aba ameze si uburyo twakugiramo inama yo kuryamamo nubwo kuri bamwe bubabera bwiza.

    Ibyiza byabwo: bufasha abasanzwe bagona kutagona, bukanaba bwiza ku batwite

    Ibibi: Iyo waryamye gutya akenshi ubyuka ubabara umuongo, ibikanu ndetse ushobora no kurwara urukebu, amabere nayo akarushaho kugwa.

    Ibyo kuzirikana: usanga akenshi muri ubu buryo amavi aba atunnye ndetse n'umugongo uhese ugasanga rero iyo ubyutse umugongo ukubabaza ndetse rimwe na rimwe ukumva mu mavi haguhekenya.

    Ibi rero ni bibi dore ko iyo ukunze kuryama gutya wihese akenshi ugira iminkanyari mu maso ku buryo bwa vuba, amabere akagwa imburagihe ndetse ukazahetama umugongo vuba cyane cyane iyo uri muremure.

    Niba ukunze kuryama wihinnye gerageza kutihina cyane, kandi ukoreshe umusego usigasira urutugu n'umutwe.

    Rero mbere yuko utwarwa n'agatotsi banza uryame mu buryo bunogeye kuko hari igihe uba uryamye uko wiboneye ibitotsi bikagutwara.

    Leave your vote

    Comments

    0 comments

    Source : https://yegob.rw/sobanukirwa-uburyo-bwiza-buboneye-ukwiye-kuryamamoibyiza-nibibi-byabyo/

  • Biratangaje:amaze imyaka 20 yose angana gutya||ntiwamenya ko ari umukobwa kubera uburyo akinamo umupira. – YEGOB #rwanda #RwOT

    Uyu mukobwa w'inkumi ariko ugaragara nk'umwana yitwa Nishimwe Josephine aho bavuga ko afite imyaka 20 y'amavuko ariko kubera ubumuga yavukanye  bwatumye agaragara nk'aho ari umwana muto ndetse agira umutwe munini watumaga abandi bana bamuserereza.

    Uyu mukobwa utuye mu karere ka Gisagara ubwo yasurwaga na Afrimax Tv bamusanze akina umupira n'abandi bana,aho na we yavuze ko akunda umupira w'amaguru ndetse afite inzozi zo gusimbura Lionel Messi ngo kuko amukunda cyane.yagize ati:'nkunda umupira cyane nari nziko nzasimbura Messi gusa ubumuga bwanjye ntibonyoroheye.'

    Mama wa Josephine yavuze ko yamujyanye ku ishuri abandi bana bakamuseka bamuserereza kubera ubugufi bwe,ndetse ko byatumye ajya yanga gusubira ku ishuri ariko ngo kuri ubu atangiye kumenyera ishuri ,aho na we atangaza ko hari byinshi mu byo biga amaze kumenya nk'imibare,icyongereza, na siyansi.

    Josephine arimo gukina n'abandi bana.

    Mama we yakomeje avuga ko Josephine akunda kwinezeza no gukora uturimo dutandukanye two mu rugo, nubwo babayeho mu buzima bw'ubukene.

    Leave your vote

    Comments

    0 comments

    Source : https://yegob.rw/biratangajeamaze-imyaka-20-yose-angana-gutyantiwamenya-ko-ari-umukobwa-kubera-uburyo-akinamo-umupira/