Author: webrwanda

Iyi mpanuka yabaye ahagana Saa Saba z'amanywa. Ambulance zahise zihagera kugira ngo zijyane kwa muganga abakomeretse na Polisi yihutira gutanga ubutabazi.

Umwe mu baturage babonye iyo mpanuka iba, babwiye IGIHE ko iyo modoka yari iturutse i Muhanga, igeze i Nyabugogo igonga Coaster yari iri imbere yayo iri kugenda buhoro.

Ati 'Kuko yo yari ifite umuvuduko mwinshi, yahise imanuka, igonga inzu. Hari uwo dukorana bamutwaye ameze nabi.'

Uwitwa Ngarambe yagize ati 'Yakomeje ikubita inzu nta muntu yahitanye. Igikuta bishoboka ko cyaba cyagwiriye n'abantu. Impanuka ishobora kuba yatewe no kubura feri.'

Undi witwa Ntambara Jean Bosco we yavuze ko iyo modoka yabanje kugonga iyari imbere yayo, ati 'Imwe yamaze kugonga indi, ifata umuvuduko mwinshi irenga umuhanda, igonga urukuta. Abantu bakomeretse, abandi babajyanye kwa muganga.'

Zebra ikora ingendo zerekeza mu Ntara y'Iburengerazuba mu Karere ka Rusizi.

Uretse ibiro bya Zebra, hanagozwe inyubako y'ubucuruzi yacururizwamo telefoni ibyari birimo byose birangirika.

Ntabwo umubare w'abakomerekeye muri iyi mpanuka n'ingano y'ibyangijwe biramenyekana.

Iyo mpanuka yabaye nyuma gato y'uko hari indi yari imaze kubera mu marembo ya Gare ya Nyabugogo aho Coaster yagonze umuntu umwe agahita yitaba Imana.

Ababonye iyo mpanuka bavuga ko imodoka yabanje kumukandagira ikirenge, akagwa hanyuma ikamunyura hejuru.

Ku bw’amahirwe bivugwa ko umushoferi yakomeretse bidakanganye

Imodoka yakoze impanuka ikagonga inyubako ya gare, nayo yangiritse cyane

Imodoka yakoze impanuka yahise ijyanwa mu igaraje

Nyuma y’impanuka ibinyabiziga bindi byakomeje akazi nk’uko bisanzwe

Iyi mpanuka yatumye umuvundo w’imodoka wiyongera

Ababonye iyo mpanuka bavuga ko yakomerekeyemo benshi

Abaturage bashungereye ari benshi

Igice cy’inzu yacururizwagamo telefoni zigezweho nacyo cyagonzwe

Abakozi ba Zebra bahise batangira kwegeranya ibyaba byarokotse

Ibyari mu nzu byose byangiritse cyane

Imodoka yagonze urukuta rugwamo imbere

Inzu yasenywe n’iyi mpanuka ni iyakatirwagamo amatike

Mbabazi Norbert warokotse ubwicanyi i Ngororero mu 1991, ubwo yahanyuranaga n'ababyeyi be bagiye gusura mushiki we wigaga mu Rwunge rw'Amashuri rwa Rambura bavuye i Butare, ni umutangabuhamya.

Mu gikorwa cyo Kwibuka ku nshuro ya 31 Jenoside yakorewe Abatutsi mu Ishuri Rikuru ry'Imyuga n'Ubumenyingiro (RP), Koleji ya Huye ryahoze ryitwa ESO Butare, yasangije abari bitabiriye uko yarokotse ubwicanyi bw'i Ngororero mu yahoze ari Perefegitura ya Gisenyi mu 1991.

Mbabazi yavuze ko mu 1991 yajyanye n'ababyeyi be i Ngororero gusura mushiki we wigaga i Rambura, banyura mu muhanda wa Muhanga-Ngororero-Mukamira wari ukiri igitaka.

Mu nzira bagenda, ngo bageze mu Karere ka Ngororero, bahasanga bariyeri iriho abicanyi bari gutangira abantu bakabica babahora ko ari Abatutsi.

Ati ''Twari mu modoka yacu, tugeze mu nzira, dusanga bahagaritse imodoka ya bisi basohoye abantu bose. Bafataga abantu bakabapima ku giti cya metero 1,65 maze ugisumba agashyirwa ku ruhande ngo yicwe kuko yafatwaga nk'umututsi, naho uwo gisumba akarokoka.''

Yakomeje avuga ko n'ubwo yari kumwe n'ababyeyi n'abandi bo mu muryango we barebare, babashije kurokoka kuko abicanyi barangariye bisi yari imbere iri gukurwamo abantu, bo kuko bari mu modoka yabo bwite, babategeka kugenda ngo kuko bafunze umuhanda.

Ati ''Niba mu 1991 abantu baricwaga bazira uko baremwe, wavuga ko baziraga iki kindi?''

Umwarimu w'amateka muri Kaminuza, Dr. Nkaka Rafael, yagaragaje ko gahunda yo kwandika amoko mu ndangamuntu iri mu byatije umurindi Jenoside, kuko yatumaga n'umuntu utakuzi akumenya akakwica.

Umuyobozi w'Akarere ka Huye, Sebutege Ange, yibukije abanyeshuri ba RP, Koleji ya Huye, ko kwibukira ahahoze ari Ishuri rya Gisirikare rya ESO Butare, bigomba kujyana no kwamagana abakoze Jenoside, akomoza ku witwa Gakwerere wari mu nyeshyamba za FDLR, ubu wagaruwe mu Rwanda aho yasize ahekuye.

Mbabazi Norbert warokotse ubwicanyi i Ngororero mu 1991

Umuyobozi w’Akarere ka Huye, Sebutege Ange, yasabye abiga mu Karere ka Huye guhinyuza ababaga muri ESO muri Jenoside barimo na Jenerali Gakwerere uri mu bari abayobozi ba FDLR uherutse kuzanwa mu Rwanda

Impuguke mu mateka, Dr. Nkaka Raphael, yagaragaje ko indangamuntu zabagamo ubwoko nka kimwe mu byatije umurindi iyicwa ry’Abatutsi muri Jenoside

Umuyobozi Mukuru wa RP Koleji ya Huye, Col Dr Twabagira Barnabé, yasabye abiga muri iri shuri kurushaho kunga ubumwe bubaka u Rwanda

Col. Dr. Twabagira Barnabé (uri imbere ibumoso) yagaye Abajenosideri bahombeje igihugu bafata ishuri rya tekiniki nka Murambi bakaryiciramo abantu rikarinda kuba urwibutso

Abiga muri RP Koleji ya Huye, basabwe gutanga imbaraga zabo zose mu kubaka u Rwanda rwiza binyuze mu myuga itandukanye biga

Abahagariye abandi muri RP Koleji ya Huye basuye Urwibutso rwa Jenoside rwa Murambi, bababazwa n’ibyahabereye

Byagarutsweho mu biganiro bigaragaza ishusho y'uburezi mu Rwanda mu mashuri abanza n'ay'inshuke byabaye kuri uyu wa 13 Kamena 2025.

Kugeza ubu, 52% by'abanyeshuri biga mu myaka itatu ibanza biga mu byiciro (bamwe mu gitondo abandi nyuma ya Saa Sita) n'aho 48% bakiga ingunga imwe (umunsi wose).

Abo 48% wasangaga biga bacucitse mu mashuri, kuko hari bamwe mu bayobozi babaga barabishyize mu mihigo bigatuma umubare w'abanyeshuri mu cyumba uba munini hari aho wasangaga bagera ku 100 kandi badakwiye kurenga 46.

Ibyo byatumaga umwarimu atabasha gukurikirana abo yigisha bose, bityo bamwe bagasigara, umubare w'abatsindwa ukiyongera.

Ku rundi ruhande 52% biga mu byiciro bo ntibabashaga kurangiza ibyateganyijwe mu nteganyanyigisho kubera ko yateguwe hagendewe ku biga ingunga imwe.

Ubusanzwe kwiga ingunga imwe abana baba bafite amasaha umunani yo kwiga (isaha yo mu ishuri igizwe n'iminota 40) ariko uwize mu byiciro we agira amasaha atanu gusa.

Byagiraga ingaruka z'uko abarimu bigisha baharanira ko barangiza integanyanyigisho batitaye ku kuba abana basigaranye ubumenyi.

Impinduka zigiye gukorwa ni uguhuza integanyanyigisho n'igihe abana bafite ku masaha 25 aho kuba 40 nk'uko byari bimeze mbere.

Izo mpinduka zigamije gufasha umubare munini w'abanyeshuri biga mu byiciro no kugabanya ubucucike mu mashuri y'abiga ingunga imwe.

Minisitiri w'Uburezi Joseph Nsengimana yagize ati 'Mu by'ukuri hari igihe abana biga, hari n'ibyo biga, biba bigomba guhura. Nka Minisiteri dushyiraho politiki noneho REB iragenda ikareba ngo ibyigwa ni ibiki bakabishyira muri ayo masaha.'

Mu kiganiro cyihariye na IGIHE, Umuyobozi Mukuru Wungirije w'Urwego rw'Igihugu rushinzwe Uburezi bw'Ibanze, Dr. Flora Mutezigaju, yavuze ko izo mpinduka zigamije gufasha abana kwiga neza no kurangiza ibyateganyijwe.

Ati 'Integanyanyigisho dufite, iteguye ku buryo umwana wiga amasaha umunani ku munsi (isaha y'isomo igizwe n'iminota 40) ari we ubasha kurangiza ibyateganyijwe. Kubera ko hari amashuri afite abana biga mu byiciro, usanga bafite amasaha 25. Abo rero nta na rimwe bazarangiza integanyanyigisho.'

Yongeyeho ati 'Icyo twakoze ni mu buryo bwo kugira ngo duhe abana amahirwe angana. Integanyanyigisho tuyishyira ku kigero cy'uko umwana wiga amasaha 25 ku cyumweru na we ayirangiza. Uziga amasaha 40 we azaba afite umwanya uhagije wo gusubiramo amasomo cyane cyane.'

Yerekanye ko ibyahinduwe ari ugufata integanyanyigisho n'amasomo yigwaga bigenewe umwana ufite amasaha 40 buri cyumweru, bigakorwa ku buryo uwiga amasaha 25 abasha kuyiga kandi nta masomo avanywe mu byo biga.

Yavuze ko ibizakorwa nta kintu na kimwe bizangiza kuko igipimo cya UNESCO kigaragaza ko umwana urangije amashuri abanza agomba kuba yize nibura amasaha 4800 mu gihe cy'imyaka itandatu kandi bizajya bikorwa.

Mu byarebweho cyane ni icyo umwana urangije amashuri atatu abanza agomba kuba azi ari byo kubara, gusoma no kwandika mu Kinyarwanda n'Icyongereza.

Yasobanuye ko hakozwe impinduka zirimo guhuza integanyanyigisho n'igihe gihari cy'amasaha 25 mu cyumweru no gukora ku buryo ishuri rimwe ritagomba kurenza abana 46 mu cyumba.

Umuyobozi Mukuru Wungirije w'Urwego rw'Igihugu rushinzwe Uburezi bw'Ibanze, Dr. Flora Mutezigaju, yasobanuye ibijyanye n’impinduka nshya

Minisitiri w’Uburezi, Joseph Nsengimana, yasobanuye ko amasomo yigwa akwiye kujyana n’igihe abanyeshuri bafite

Iyi nama yitabiriwe n’abantu b’ingeri zitandukanye mu rwego rw’uburezi

Abitabiriye inama banyuzwe n’ibitekerezo byayitangiwemo

Ikiganiro kigaruka ku myigishirize inoze mu myaka itatu y’amashuri abanza

Amafoto:Kwizera Herve

Ni 'Gym' igizwe n'ibice bitanu by'ingenzi: Icya mbere cyitwa “Body Fitness Zone” kigizwe n'ibikoresho bikangura ingingo, icya kabiri kikaba igce cya “Streaching and Recovery Zone” kigizwe n'imashini zikandakanda mu ngingo zikagororoka, hakabaho n'icyitwa 'Strength Training Zone' kigizwe n'ibikoresho birambura amaboko, amaguru n'ibindi.

Hari ikindi gice cyitwa “Aerobic Zone” gikorerwamo imyitozo ya rusange bumva n'imiziki, ndetse n'icyitwa “Cardio Zone” gihambaye mu gufasha imikorere y'umutima n'itembera ry'amaraso.

Umuyobozi Mukuru wa Goodrich Business Group, Dr. Francis Habumugisha, yavuze ko uretse iyi 'Gym', bafite na gahunda nshya bise 'Medium Fitness Gym at workplace or home' yo gushishikariza abantu kugira Gym mu rugo cyangwa ku kazi, ababyifuza bakabagurisha ibikoresho ku giciro gito.

Ati 'Ababyifuza tubagurisha ibyo bikoresho bya Gym bakenera mu rugo cyangwa mu kazi ku 11.500$ gusa.'

Goodrich Group Lifecare imaze gufasha benshi bagaragaje ibibazo by'ubuzima nk'uko ubuhamya bwa bamwe bubishimangira. Umuyobozi wayo ahamya ko bababye igisubizo ku Banyarwanda no hanze yarwo.

Ati 'Kugeza ubu tumaze gufasha abantu bagera ku 19.600 bo mu Rwanda gusa tutabariyemo n'abo twafashije tutabanditse.'

Yavuze ko yatekereje gushinga Gym nk'igisubizo ku Banyarwanda, gusa akifuza kugira umwihariko wo gutanga ibikoresho byuzuye, imashini zishoboye n'abatoza bafasha abatabimenyereye.

Ati 'Natekereje Gym nyuma yo kubona ko benshi bazikoresha nabi bakaba bapfirayo. Kuko usanga Gym nyinshi zidafite abatoza bafasha abantu bigatuma umuntu avangavanga imikorere yayo akaba yanakwiyangiriza. Rero twatangiye tuvuga ko tugiye kuyikora ariko ifite byose umuntu yakenera.'

Ibikoresho bigize iyi Gym bihagaze ibihumbi 250$. Ni Gym ifite ibyuma 86, bivuze ko ishobora kwakira abantu bangana na byo mu isaha imwe, ku munsi ikaba yakwakira abarenga 300 cyangwa 400.

Mu gihe abantu benshi bajya muri Gym batarakorewe igenzura ry'umubiri, aho ho hari imashini zagenewe gupima umubiri zikaba zakubwira ngo mu bilo uterura nturenze umubare runaka.

Dr. Habumugisha yagize ati 'Twazanye icyo gisubizo cyo gupima abantu mbere yo kuyikoresha bakabanza kumenya uko bahagaze n'ibyo bemerewe gukora.'

Umuyobozi Mukuru wa Kaminuza yigenga ya ULK, Prof. Rwigamba Balinda, na we yashimiye ubufatanye bwa Goodrich Business Group mu kumufasha kwita ku buzima.

Yanashyigikiye ko abantu bagira Gym mu ngo cyangwa mu kazi baharanira kwita ku mubiri hakiri kare.

Ati 'Imiti yabo narayikoresheje nubwo atari cyane, gusa ibamo vitamini zikenewe mu mubiri ugakora neza. Kugira Gym mu ngo cyangwa mu kazi byafasha benshi kwirinda. Iki gitekerezo ndagishyigikiye cyane'

Umuhanzi Mariya Yohana ni umwe mu bafashijwe na Goodrich Business Group binyuze mu gukoresha imiti yayo, yivura indwara yo kwibagirwa ndetse afashwa no gukomeza amagufa.

Ati 'Ugirango se nashoboraga guhagarara? Sinabashaka kunama bitewe n'imvune nigeze kugira. Maze kunywa imiti yabo y'inyunganiramirire, ubu nshobora kwikorera uturimo. Mubwire abantu baze bivure banirinde mbere yo kurwara.'

Ibirori byo gutaha iyi Gym byitabiriwe n'abarimo Ambasaderi wa Repubulika ya Kiyisilamu ya Pakistan mu Rwanda, Naeem Khan; Bernard Makuza wabaye Minisitiri w'Intebe w'u Rwanda; Umuhanzikazi Mariya Yohana; Umuyobozi Mukuru wa ULK, Prof. Rwigamba Balinda n'abandi batandukanye.

Goodrich Business Group yasabye abayigana kwita ku buzima no gukomeza kubagana bagahabwa ubujyanama.

Goodrich Business Group yatashye Gym iheruka gushinga

Ambasaderi wa Repubulika ya Kiyisilamu ya Pakistan mu Rwanda, Naeem Khan, ni umwe mu bitabiriye ibi birori

Gym yashinzwe na Goodrich Business Group ifite ubushobozi bwo kwakira abantu benshi icya rimwe

Umuyobozi wa Goodrich Group, Dr. Francis Habumugisha, yavuze ko Gym yatashywe ifite ubushobozi bwo kwakira abarenga 300 ku munsi

Umuyobozi Mukuru wa ULK, Prof. Rwigamba Balinda, yashimye ubufatanye bwa Goodrich Business Group mu kumufasha kwita ku buzima

Mariya Yohana na we ari mu bafashijwe na Goodrich Business Group

Ubu butumwa bwari bwahawe izina rya SAMIDRC, bwari bugamije gufasha ubutegetsi bwa Perezida Felix Tshisekedi wa RDC kurwanya umutwe wa M23 wigaruriye ibice byinshi muri Kivu y'Amajyaruguru n'iy'Amajyepfo.

Ntabwo byatanze umusaruro Perezida Tshisekedi yari yiteze, kuko Umutwe wa M23 wakubise inshuro ihuriro ry'ingabo za Leta FARDC, FDLR, Abacanshuro b'Abanyaburayi, Ingabo z'u Burundi n'iza SADC ugafata umujyi wa Goma muri Mutarama 2025.

Ingabo za SADC zatashye mu byiciro kuko habanje gutwara intwaro zazo na zo zahawe inzira mu Rwanda kuko ari yo mahitamo zari zisigaranye zerekeza muri Tanzania mbere yo kujya mu bihugu zaturutsemo.

Ku mugoroba wo ku wa 13 Kamena 2025, Abasirikare bagera kuri 249 bo muri Afurika y'Epfo bakiriwe na Minisitiri w'Ingabo.

Byari ibyishimo kuri abo basirikare ubwo bari bageze ku butaka bwa Afurika y'Epfo nyuma y'iminsi myinshi bari muri RDC mu gace kagenzurwaga na M23 bahoze bahanganye ku rugamba.

Ubutumwa bwatangajwe ku rukuta rwa X rw'Igisirikare cya Afurika y'Epfo bukomeza bugira buti 'Minisitiri yakiriye abasirikare 249 b'ingabo za Afurika y'Epfo zivuye mu butumwa bwa SADC bwasojwe muri RDC (SAMIDRC).'

Ubwo butumwa kandi bubanzirizwa n'ubundi bugizwe n'amashusho y'abasirikare b'icyo gihugu bari gucinya akadiho, bishimira ko bongeye kugera ku butaka bw'iwabo amahoro.

Ubutumwa bwa SAMIDRC bwatangiye mu mpera za 2023. Muri Werurwe 2025, abakuru b'ibihugu bya SADC bafashe icyemezo cyo kubuhagarika mu rwego rwo gushyigikira ibiganiro by'impande zifitanye amakimbirane.

Aba basirikare bageranyeyo n’imizigo yabo

Bacinye akadiho ubwo bageraga ku kibuga cy’Indege

Minisitiri w'Ingabo muri Afurika y'Epfo, Angie Motshekga, yakiriye abasirikare 249 b'icyo gihugu bari muri RDC

Minisitiri w'Ingabo muri Afurika y'Epfo, Angie Motshekga, yishimira kwakira abasirikare b’igihugu cye

Babanzaga kugenzura ibyangombwa byabo

Buri wese yagenzurirwaga ibyangombwa bakigerayo

Ubwo aba basirikare bageraga iwabo

Byatangarijwe mu bukangurambaga Umujyi wa Kigali watangiye mu cyumweru gishize bwiswe Ubaka Wuzuze, bufite insanganyamatsiko igira iti 'Inzu zuzuye, ishema kuri twese'.

Umujyi wa Kigali wagaragaje ko mu gihe umuntu asabye uruhushya rwo kubaka ukaruhabwa aba agomba kubaka inzu yarwakiye ikuzura kandi akubaka ibihuye n'ibyo yarusabiye.

Ibyo bigomba gukorwa mu gihe cy'imyaka ibiri uhereye igihe urwo ruhushya rwatangiwe.

Icyakoze mu gihe iyo myaka ishize uwubaka yaratangiye ibikorwa ariko inzu ye itaruzura yemerewe kujya kongeresha uruhushya akongerwa andi mezi atandatu.

Kubaka inzu ikuzura ni inyungu kuri nyirayo no ku mujyi muri rusange

Umuvugizi w'Umujyi wa Kigali, Ntirenganya Emma Claudine yabwiye IGIHE ko kubaka inzu ikuzura ari ugushyira mu bikorwa igishushanyombonera cy'Umujyi wa Kigali no gukomeza gushyigikira iterambere ryawo.

Umujyi wa Kigali uvuga ko kubaka ukuzuza bituma haboneka umutekano w'agace inyubako iherereyemo bikayirinda kuba indiri y'abajura bihishamo bagakora urundi rugomo.

Ikindi bifasha ni ukongera isuku y'agace inyubako iherereyemo bikarinda kwangirika kw'inyubako itaruzura bityo uwubaka ntahendwe kuko igiciro cyo kuyuzuza kigenda kizamuka uko itinda.

Ntirenganya yasobanuye ko abadakurikiza icyo ubutaka bwagenewe gukoreshwa bashobora kubwamburwa bugahabwa abandi bashobora kubukoresha.

Ati 'Iyo utabyaza ubutaka umusaruro urabwamburwa kuko niba waratangiye inyubako ukaba umaze icyo gihe utayirangiza ishobora gufatirwa kuko bifatwa nk'aho iyo nzu cyangwa icyo kibanza cyatawe.'

Yakomeje ati 'Itegeko rivuga ko iyo utabyaza ubutaka umusaruro bufatirwa. Tubuha ushoboye kububyaza umusaruro. Ni ukuvuga ko na nyirabwo yakabaye abyikorera mu gihe abona adafite ubushobozi bwo kubibyaza umusaruro hatiriwe hazamo ubuyobozi.'

Umujyi wa Kigali ugaragaza ko mu rugendo rwo kubaka ufasha abantu kubona ibindi byangombwa mu buryo bwihuse iyo ibyo bari bafite byarangiye ndetse ukabaha inama ku mbogamizi bagira zijyanye n'imyubakire.

Ubafasha kandi kubaha impushya zo kubaka ku mihanda minini, kubemerera gukora mu masaha y'ijoro igihe bikenewe ndetse ukubaha impushya zo gukoresha imihanda runaka mu kugeza ibikoresho aho bari kubaka.

Mu Mujyi wa Kigali habarurwa inyubako 31 ziri ku mihanda minini zari zaratawe harimo 12 ziri mu Karere ka Kicukiro, 10 ziri mu Karere ka Nyarugenge, n'icyenda ziri mu Karere ka Gasabo.

Kuri iyo mihanda kandi habarurwa ibibanza 112 bidakorerwa isuku harimo 101 byo muri Nyarugenge, birindwi byo muri Gasabo n'ibindi bine biri muri Kicukiro.

Imibare y'izo nyubako n'ibibanza iri hejuru muri Kigali kuko iyo itabariyemo ahatari ku mihanda minini.

Gusa, kuva ubukangurambaga bwa Ubaka Wuzuze bwatangira mu cyumweru gishize, inyubako zigera kuri 16 zahise zisubukura imirimo yo kubakwa ku mihanda minini.

Umujyi wa Kigali utanga inama y'uko aho inzu yaba iri hose cyangwa ikibanza bigomba kubakwa bikuzura ariko mu gihe uwubaka akibitegura hagomba gukorerwa isuku harimo kuhatera ibiti n'ibyatsi neza bitahahinduye igihuru ku buryo haba indiri y'abajura n'abandi banyarugomo.

Iteka rya Minisitiri w'Ibidukikije ryerekeye gufatira ubutaka by'agateganyo no gusesa amasezerano yo gutunga ubutaka ryasohotse muri Nyakanga 2024 rivuga ko nyuma y'igihe nyiri ubutaka atabubyaza umusaruro ntanagaragaze impamvu ifatika ituma atubahiriza amasezerano yo kubutunga aseswa akabimenyeshwa mu nyandiko.

Nyuma Umujyi wa Kigali cyangwa akarere gafite ubuzima gatozi bikoresha igenagaciro ry'ubutaka n'ibikorwa byahakorewe, ushaka kubugura ngo abubyaze umusaruro akishyura nyiri ubutaka amafaranga havanywemo ikiguzi cy'ibyakozwe; hanyuma bukandikwa k'ubuguze.

Inzu zitubatswe ngo zirangire zituma icyo ubutaka bugenewe gukoreshwa kitagerwaho

Ibibanza byatawe babangamira isura nziza y’umujyi

Byabereye mu Mudugudu wa Mutongo, Akagari ka Tara, Umurenge wa Mururu mu Karere ka Rusizi ku wa 12 Kamena 2025.

Umuvandimwe wa nyakwigendera yagiye ku bwihererero arebye mu giti abonamo mukuru we amanitsemo yapfuye.

Uyu musore mbere y'uko agaragara mu giti yapfuye yari yabanje gushyira ifoto ku mbuga nkoranyambaga yandikaho R.I.P bisanzwe bikoreshwa mu kwifuriza uwapfuye kuruhukira mu mahoro.

Umunyamabanga Nshingwabikorwa w'Umurenge wa Mururu, Ngirabatware James yabwiye IGIHE ko uyu musore yakoraga akazi ko kuranguza inzoga, hakaba hari Umunye-Congo wari uherutse kumwishyura amadorali 100$ abura aho yayabitse.

Bikekwa ko aya madorali 100$ yabuze ari yo yatumye uyu musore yiyahura.

Ati “Amakuru twayamenye ahagana saa kumi n'ebyiri za mu gitondo ubwo umuvandimwe wa nyakwigendera yarebaga mu giti akamubonamo. Ntabwo umuntu ashobora kugera aho yiyahura ataragaragaza ibimenyetso. Turasaba ababyeyi kugira umuco wo kuganira n'abana babo ku buryo ufite ikibazo kimenyekana hakiri kare agafashwa”.

Gitifu Ngirabatware yavuze ko hatangiye iperereza kugira ngo hamenyekane impamvu nyakuri yateye urupfu ashimangira ko ubuyobozi bufatanyije n'inzego z'umutekano bugiye gushishikariza imiryango kugira uruhare mu kuganiriza urubyiruko.

Mu karere ka Rusizi umusore w’imyaka 21 yasanzwe mu mugozi yapfuye

Ibi ni bimwe mu byo batangaje ku wa 12 Kamena 2025, ubwo inzego zitandukanye zaganiraga ku bibazo byagaragaye mu bushakakashatsi bwakozwe n'Ihuriro Nyarwanda rishyigikira Ibikorwa by'Amajyambere y'Ibanze (CCOAIB).

Ni ubushakashatsi bwakozwe ku bahinzi b'umuceri, ibigori n'ibirayi hagamijwe kureba ibibazo bahura na byo, bituma batabasha gutungwa n'umurimo bakora w'ubuhinzi.

Mu byagaragaye mu bushakashatsi harimo ko umusaruro w'ubuhinzi utakibura abaguzi, byashimangiwe na Perezida wa Federation y'abahinga umuceri mu Rwanda (FICORIRWA), Rwamwaga Jean Damascene.

Ati 'Mbere twagiraga umuceri uhera mu bubiko kuko wabuze abaguze. Twajyaga kubona tukabona ibiciro bigiye hanze, ariko ubu ntabwo ariko bigenda kuko twicarana n'inganda tukagena igiciro cy'umuceri.'

'Ibyo rero bituma inganda zitugurira, zidahenzwe natwe tudahenzwe. Ibyo biragaragara kuko ubu nta muceri twejeje mu gihe cy'ihinga gishize ukibitse, wose waraguzwe.'

Umunyamabanga Nshingwabikorwa wa CCOAIB, Ngendandumwe Jean Claude, avuga ko n'izindi mbogamizi abahinzi bafite zigomba kurangira zirimo n'iz'ifumbire.

Ati 'Mu masoko haracyarimo ibibazo nubwo bigenda bikemuka. Ariko icyo turi kureba kugeza ubu ni inyongeramusaruro zirimo n'ifumbire. Bamwe baracyabona ifumbire igihe cy'ihinga kiri kurangira. Ikindi kikibagora ni ugukura umusaruro mu murima bawujyana ku isoko.'

Ngendandumwe yongeyeho ko abahinzi bakeneye ubumenyi cyane cyane abahinga ibirayi ndetse n'ibigori, kuko biri mu bituma batabona umusaruro uhagije.

Kugeza ubu mu Rwanda hari amakoperative y'abahinzi b'umuceri agera ku 120, muri yo 75 abarizwa mu Ihuriro ry'Amakoperative y'Abahinzi b'Umuceri mu Rwanda.

Minisiteri y'Ubuhinzi n'Ubworozi (MINAGRI), ivuga ko igiye gukuba gatatu umusaruro w'igihingwa cy'umuceri, ku buryo bitarenze mu 2030, buri mwaka hazajya hahingwa hegitari 60.000 mu gihugu, zitange umusaruro wa toni 390.000 buri mwaka.

Hagaragajwe raporo y’ibyavuye mu bushakashatsi ku bibazo abahinzi b’umuceri, ibirayi n’ibigori bahura na byo

Umusaruro w’umuceri ntabwo ukiburirwa abaguzi

Abahinzi bazafashwa gukemura ibibazo bagifite binyuze mu byagaragajwe n’ubushakashatsi

Ihuriro Nyarwanda rishyigikira Ibikorwa by'Amajyambere y'Ibanze (CCOAIB) rivuga ko hari ibibazo bikiri mu buhinzi bigomba gukemuka

Ihuriro Nyarwanda rishyigikira Ibikorwa by'Amajyambere y'Ibanze (CCOAIB) ryakoze ubushakashatsi ku bahinzi

Umukozi wa MINAGRI, Mutabazi Egide, yari yitabiriye uyu muhango

MINAGRI na MINICOM bikorana bya hafi ngo abahinzi babone uko bageza umusaruro wabo ku isoko

Inzego zitandukanye ziri gukorana ngo ikibazo cy’inyongeramusaruro kibonerwe umuti

Amafoto: Kwizera Herve