Author: webrwanda

Ni gahunda izakorerwa mu turere twose tw'igihugu uko ari 30, hasurwa amashuri yisumbuye na za kaminuza.

Ibi bigo bizasurwa bizerekwa filme mbarankuru y'isaha n'iminota 15, yitwa 'Beyond the Genocide' igaruka ku mateka yo mu gihe cya Jenoside yakorewe Abatutsi mu 1994, ndetse n'urugendo rwo kwiyubaka.

Umuyobozi mukuru wa Zion Films Company, Zion Sulaiman Mukasa Matovu, yavuze ko urubyiruko rworoherwa no kwigira ku bintu bareba cyangwa bumva nk'indirimbo, filme n'ibindi nkabyo, ariyo mpamvu nabo bashyizeho iyi gahunda.

Yagize ati 'Urubyiruko rwinshi mu Rwanda, bakunda ubuhanzi, bakunda filme indirimbo n'ibindi nk'ibyo, rero kubigisha ukoresheje ibintu nka byo ni byo bituma biga vuba, kandi bakabyishimira kurenza kubaha ikiganiro cyangwa kubigisha mu buryo busanzwe.'

Yakomeje avuga ko ubuhanzi buri mu byakoreshejwe igihugu kijya mu icuraburundi, ari yo mpamvu bukwiye no gukoreshwa mu kubaka igihugu ndetse no kwigisha amateka ya Jenoside yakorewe Abatutsi cyane cyane higishwa urubyiruko.

Ati 'Mu gihe cya Jenoside yakorewe Abatutsi, ubuhanzi bwakoreshejwe mu kuyobya no kubiba urwango mu bantu, ariko uyu munsi twe turi kubukoresha mu kwigisha no komora ibikomere by'abarokotse.'

Iyi gahunda yatangiye ku wa 7 Kamena 2025, aho kugeza ubu hamaze gusurwa ibigo 5 biri mu karere ka Musanze na Rubavu.

Umuyobozi wa Zion Films yavuze ko uko ubuhanzi bwakoreshejwe mu gushyira igihugu mu kaga ubu bukwiye gukorehswa mu kucyubaka

Film Beyond the Genocide ni yo ikoreshwa mu kwigisha urubyiruko kuko ikubiyemo amateka yaranze igihe cya Jenoside na nyuma yayo

Kwemeza Prof. Egara Kabaji byanyuze mu itangazo ryatanzwe na Prof. Simon Gicharu, Umuyobozi w'Inama Nkuru y'Ubutegetsi ya Kaminuza akaba ari nawe washinze Mount Kenya University.

Nyuma yo kuzamurwa ikaba kaminuza yigenga mu Rwanda, Prof. Gicharu yavuze ko Mount Kigali University igiye kwagura amasomo n'ubushakashatsi bwayo hagamijwe gufasha mu iterambere ry'igihugu n'akarere.

Iyi mpinduka zashyigikiwe n'Inama Nkuru y'Igihugu ishinzwe Amashuri Makuru (HEC), ivuga ko ari intambwe iganisha ku gushimangira ubushobozi bw'u Rwanda mu gutanga uburezi bugezweho no kureshya abanyeshuri baturutse hirya no hino ku mugabane wa Afurika.

Prof Kabaji afite impamyabumenyi y'ikirenga mu bijyanye n'itumanaho yakuye muri University of South Africa.

Prof. Egara Kabaji yagizwe Umuyobozi w’Icyubahiro wa Mount Kigali University. Azatangira inshingano nshya ku wa 1 Kanama

Yabigarutseho ku wa 14 Kamena 2024, ubwo hashyingurwaga mu cyubahiro imibiri 320 y'abishwe muri Jenoside yakorewe Abatutsi, yari yaragaragaye ubwo hacukurwaga umuyoboro w'amazi tariki ya 10 Mata 2025. Ni igikorwa cyabereye Rwibutso rwa Ntarama mu Karere ka Bugesera.

Mu kiganiro cyagarutse ku ruhare rw'amadini n'amatorero muri Jenoside yakorewe Abatutsi, Minisitiri Dr. Bizimana yagarutse ku icengezamatwara ryakozwe mu gihe cy'imyaka 38, Abahutu bigishwa ko umwanzi wabo wa mbere ari Umututsi, agaragaza ko byageze n'aho abana bica ba nyina.

Yagaragaje ko hari n'abagabo bishe abagore babo b'Abatutsikazi mu gutanga ingero ku Nterahamwe ko nta Mututsi n'umwe ugomba gusigara mu gihugu.

Yagize ati 'Ubukana n'ubugome bwageze aho abana bica ba nyina b'Abatutsikazi ngo baratanga urugero rw'uburyo Umututsi atagomba kubabarirwa. No kuduhisha imibiri ni urwango rubitera, ngenda henshi mu gihugu rero ni ikibazo dusanga hose.''

'Bene uru rwango ntabwo rupfa gushira ni yo mpamvu ababishe bakomeje kwanga kwerekana iyi mibiri, kubahendahenda mujye mubyihorera aho izajya ibonekera izajya ishyingurwa, iyo mubahendahenze bibatera imbaraga.''

Minisitiri Dr. Bizimana yakomeje avuga ko mu Karere ka Karongi mu Murenge wa Mubuga hari umwicanyi witwaga Munyangabe Michel, akaba yari Perezida wa MDR Power muri Komini yitwaga Gishyita.

Ati 'We n'abahungu be bakoze ibintu by'agahomamunwa. Bagiye kwica bahera kuri nyina w'Umututsikazi undi na we ahera ku mugore we w'Umututsikazi barabica mu buryo bwo gutanga urugero ko nta Mututsi ugomba gusigara mu Rwanda. Uwo mubyeyi wazize urushako n'urubyaro rubi yitwa Nyirabayuru Margarethe.''

Minisitiri Dr. Bizimana yakomeje yavuze ko undi mwicanyi wakoze amahano nk'ayo ari uwitwa Eduard Niyitegeka uvuka i Cyangugu mu Karere ka Rusizi.

Jenoside yakorewe Abatutsi yabaye Niyitegeka akora mu ruganda rw'ibibiriti i Butare. Yavuze ko na we yabanje kwica umugore we w'Umututsikazi mu buryo bwo gutanga urugero ku Nterahamwe ko nta Mututsi uwo ari we wese ugomba gusigara mu Rwanda.

Minisitiri Dr. Bizimana yavuze ko kandi hari Abatutsi bari barahinduje Indangamuntu bigira Abahutu biranabahira harimo Kabalisa wabaye Perefe wa Butare, uyu kimwe n'abandi benshi barishwe kuko bari bazwi ko bahinduje ibyangombwa ariko ari Abatutsi.

Minisitiri Dr. Bizimana yagaragaje uburyo abana bishe ba nyina babaziza ko ari Abatutsi

Yashyinguwe ku wa 14 Kamena 2025 mu Rwibutso rwa Jenoside yakorewe Abatutsi rwa Ntarama, abafite amakuru y'ahakiri imibiri itari yashyingurwa bongera gusabwa kuyatanga kuko bifasha ababo kuruhuka.

Ni igikorwa cyitabiriwe n'abayobozi banyuranye barimo Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène, Guverineri w'Intara y'Iburasirazuba, Rubingisa Pudence, abayobozi batandukanye n'abaturage.

Ku wa 10 Mata 2025 ni bwo mu Mudugudu wa Gatare lll mu Kagari ka Nyamata Ville mu Murenge wa Nyamata hatangiye kuboneka imibiri y'Abatutsi bishwe muri Jenoside, ibonywe ahacukurwaga umuyoboro w'amazi.

Rwamuninge Maurice uri mu barokokeye i Ntarama watanze ubuhamya, yavuze ko Jenoside yakorewe Abatutsi yatangiye muri Nyamata kuri tariki 11 Mata ubwo mu gitondo imodoka nyinshi zirimo Interahamwe zanyuze ku musozi wa Kayumba zisaba abantu ngo baze muri Nyamata.

Yakomeje avuga ko bahise batangira kugenda barasa Abatutsi bose, abasigaye batangira kujya kwihisha mu bihuru kugeza ubwo banahungiye ku nsengero benshi bakahicirwa.

Yashimiye Inkotanyi zabohoye Igihugu anashima ko ubu ari mu gihugu cyiza kizira ivangura.

Bitega Joseph wavuze mu izina ry'imiryango yabonye ababo ikanabashyingura mu cyubahiro, yashimiye Leta idahwema gushakira Abanyarwanda ibyiza, avuga ko abarokotse bafite icyizere cyinshi kuko bongeye kubaho kandi neza.

Ati 'Icyizere kuri benshi cyaragarutse kuko iyo usubije amaso inyuma usanga hari aho twavuye n'aho tugeze heza mu kwiyubaka.''

Minisitiri Dr. Bizimana yasabye abagifite ingengabitekerezo ya Jenoside kwitandukanya n'urwango batojwe n'abateguye bakanashyira mu bikorwa umugambi wa Jenoside.

Ati 'Kuterekwa imibiri y'Abatutsi bituruka ku rwango bamwe muri bo batari bakira, batari barekura, batari bitandukanya na rwo. Abatari babohoka na bo igihe kirimo kirabarengana, ntibakomeze kwifungirana mu mwijima w'urwango rudafite aho ruzabageza na hamwe, nibave mu rwango, kubyifungiramo no gushaka kubyifungiranamo ni ukwihemukira.''

Yakebuye bamwe mu bibwira ko igihe kizagera u Rwanda rugasubira mu bihe bya kera nk'ibyo rwahozemo avuga ko ari ukurota uhagaze, yasabye buri wese gushyira imbere ubumwe mu kubaka u Rwanda.

Imibiri 320 y’Abatutsi bishwe muri Jenoside iheruka kuboneka mu Karere ka Bugesera yashyinguwe mu cyubahiro

Rwamuninge Maurice warokokeye i Nyamata yashimiye Inkotanyi zahagaritse Jenoside yakorewe Abatutsi

Bitega Joseph wavuze mu izina ry'imiryango yashyinguye ababo yasabye abagifite amakuru y'ahari imibiri kuyagaragaza kuko byafasha ababo kuruhuka

Minisitiri Dr. Bizimana yakebuye abumva ko igihugu kizasubira mu icuraburindi abasaba kwikuramo iyo myumvire mibi

Imibiri 320 y’Abatutsi bishwe muri Jenoside yabonetse mu Bugesera yashyinguwe mu Rwibutso rwa Ntarama

Byatangajwe ku wa 13 Kamena 2025 mu gikorwa cyo kwibuka ku nshuro ya 31 abari abakozi ba Perefegitura ya Cyangungu, Kibuye na Gisenyi bishwe muri Jenoside.

Amakomine yari agize izi Perefegitura wongeyeho Komine Nkuri yo muri Perefegitura ya Ruhengeli, ni yo yahurijwe hamwe agirwa Intara y'Iburengerazuba.

Abimana Mathias wari umwarimu mu gihe cya Jenoside yakorewe Abatutsi, mu buhamya yatanze yagaragaje uruhare rw'abari abategetsi mu gutegura no gushyira mu bikorwa Jenoside yahitanye umugore n'abana batanu mu bana umunani yari afite, avuga ko nubwo ibyo byose byabaye Abanyarwanda atari babi.

Ati “Abanyarwanda ntabwo babayeho ari babi, ahubwo bagizwe babi n'inyigisho mbi bahawe bituma bamwe bahinduka ibikoraburozi bica bagenzi babo. Igihugu cyacu kiratera intambwe nziza mu kongera kwiyubaka.'

Umuyobozi wa IBUKA ku rwego rw'Igihugu, Dr. Gakwenzire Philbert, wasabye Intara y'Iburengerazuba kwandika iki gitabo, yavuze ko kubona amakuru bitagoye kuko Minisiteri y'Abakozi ba Leta n'Umurimo n'Ikigo cy'Ubwiteganyirize baba bafite imyirondoro yose y'abakozi ba Leta.

Ati “Kugeza ubu usanga imbaraga zimaze gukorwa hagenda hagaragara izina ry'umuntu, wanabyumvise ko bagendaga bavuga izina, ntabwo bavugaga igihe yavukiye, ntibavugaga icyo yize, ntibavugaga serivisi yakoragamo. Ibyo ntabwo twabigaya ahubwo twabifa neza nk'intangiriro.'

Nkurunziza Jean Marie Vianney wavuze mu izina ry'abafite ababo bari abakozi b'iyi Ntara bishwe muri Jenoside, yavuze ko yiteguye gutanga umusanzu we kugira ngo iki gitabo cyandikwe, kuko nicyandikwa kizafasha abazavuka nyuma kumenya imibereho y'abo bakozi bishwe muri Jenoside.

Ati “Kwibuka umuntu ntabwo bihagije kwibuka amazina gusa, ahubwo umuntu yibuka n'ibikorwa yakoze, byaba byiza abantu bakabyigiraho indangagaciro yo kwitanga no gukorera neza igihugu.'

Guverineri w'Intara y'Iburengerazuba, Ntibitura Jean Bosco, yavuze ko bagiye kwicarana na IBUKA na Minisiteri y'Ubumwe bw'Abanyarwanda bakarebera hamwe uko byakorwa.

Ati “Kwandika iki gitabo ni igitekerezo cyiza, kuko bidufasha kugumana ayo mateka, ariko ntabwo ari igikorwa cyakorwa n'Intara yonyine. Tuzafatanya na IBUKA na Minubumwe kubera ko ni bo bafite mu nshingano kubungabunga amateka ya Jenoside yakorewe Abatutsi.'

Magingo aya hamaze kumenyekana amazina y'abagera ku 133 bari abakozi b'iyi Ntara bishwe muri Jenoside yakorewe Abatutsi. Icyakora ngo hari andi mazina uturere twoherereje Intara akirimo gusuzumwa.

Intara y’Iburengerazuba igiye kwandika igitabo ku mibereho y’abari abakozi bayo bishwe muri Jenoside yakorewe Abatutsi

Guverineri Ntibitura yashimye igitekerezo cyo kwandika igitabo ku mibereho y’abari abakozi b’Intara, avuga ko bagiye kugishyira mu bikorwa

Ibuka yasabye ko handikwa igitabo kivuga ku buzima bw’abari abakozi b’Intara y’Iburengerazuba bishwe muri Jenoside

Bamwe mu bayobozi bitabiriye igikorwa cyo kwibuka abari abakozi b’Intara y’Iburengerazuba

Ni gahunda igamije kuzamura ba rwiyemezamirimo bafite intego yo kwagura ibikorwa byabo, barengera ibidukikije ndetse no gukoresha neza umutungo kamere aho abafite imishinga myiza bazahabwa inguzanyo igera kuri miliyoni 30 Frw yishyurwa nta nyungu.

Umwe mu basoje ayo mahugurwa, Uwababyeyi Olive, ufite umushinga wo korora inkoko, yavuze ko aya mahugurwa yayungukiyemo byinshi mu bijyanye no gutegura umushinga cyane cyane igendanye no kurengera ibidukikije. Yongeyeho ko uretse kwiga gutegura umushinga, yize no gucunga umutungo.

Ati 'Ubworozi bwanjye bw'inkoko bugira ifumbire, kandi iyo ngurishije ifumbire cyangwa nkayishyira mu mirima, mba ndengera ibidukikije kubera ko ibiti iyo biyibonye bikura neza nta kibazo, ni bwo buryo umushinga wanjye urengeramo ibidukikije.'

Mugiraneze Augustin afite umushinga wo gukora ifumbire y'imborera, avuga ko bungukiye byinshi mu mahugurwa kandi nta kabuza ko bizabafasha mu bucuruzi bwabo.

Ati 'Usanga ikirere kitugiraho ingaruka nyinshi zikomeye, tukaba tuje nk'abantu bifuza ko nyuma y'aya mahugurwa tumaze gucamo, tureba icyo twakora uko twari abantu batandukanye barenga 100. Bizatuma buri muntu mu bucuruzi bwe hiyongeramo nibura agace ko kurengera ibidukikije cyangwa kurushaho kunoza ibyo wakoraga harimo no kurinda ikirere n'ibidukikije.'

Umukozi wa BK Foundation ushinzwe gahunda zayo, Pascal Nkurunziza, yavuze ko nyuma y'amahugurwa hakurikiraho ko ba rwiyemezamirimo bakora imishinga yabo neza, bakazagira igihe cyo kuyitanga hagatoranywamo imyiza kurusha indi, ari na yo izahabwa igishoro.

Ati 'Turateganya hagati y'imishinga 30 na 40, bivuze ko uko umubare w'abaka amafaranga menshi uba munini ni ko umubare w'abahabwa amafaranga uba muto.'

Umujyanama w'Umushinga mu bijyanye n'Ibikorwa byo Gukora no Gukoresha Ibidukikije muri GIZ Rwanda, Sandy Mukundente, yashimiye ubufatanye bwa BK Foundation muri uyu mushinga, avuga ko bizafasha igihugu kugera ku ntego yacyo yo kugabanya ibyangiza ikirere no kugera ku bukungu burambye.

Ati 'Abashoramari bagaragaje ubushake bwo kumenya uburyo bategura imishinga yabo, by'umwihariko mu gucunga umutungo. Tugiye gukurikirana uko bazabishyira mu bikorwa kugira ngo bagire uruhare mu ntego z'igihugu.'

Yongeyeho ko amafaranga azatangwa ku bashoramari binyuze mu nguzanyo yishyurwa nta nyungu akazasubira mu kigega, bityo akazabasha kugera ku bandi bazafashwa na 'Urumuri Program'.

Ba rwiyemezamirimo bagera ku 138 bahawe impamyabumenyi

Abashoramari bafite imishinga ijyanye no kurengera ibidukikije bahawe amahugurwa

Umukozi wa BK Foundation ushinzwe gahunda zayo, Nkurunziza Pascal, yasabye ba rwiyemezamirimo kugenda bagategura neza imishinga yabo bakurikije ubumenyi bahawe

Hazatoranywa imishinga iri hagati ya 30 na 40 izahabwa inguzanyo

Hazatoranywa imishinga iri hagati ya 30 na 40 izahabwa inguzanyo

Nkurunziza yashimiye ba rwiyemezamirimo basoje amahugurwa muri “Urumuri Program”

Abashoramari bahuguwe bavuze ko uretse kwiga gutegura imishinga bize no gucunga umutungo

Imishinga izatsinda izahabwa inguzanyo igera kuri miliyoni 30 Frw yishyurwa mu myaka itatu

Babigaragaje ubwo bari bitabiriye inama nyunguranabitekerezo yabereye mu Karere ka Rwamagana, yahuje abahinzi baturutse mu turere twose tugize Intara y'Iburasirazuba.

SAIP ni umushinga ugamije kongera umusaruro w'ubuhinzi, kuwushakira amasoko no kwihaza mu biribwa, ukaba ugenzurwa n'ishami rishinzwe gukurikirana imishinga mu Kigo cy'igihugu gishinzwe guteza imbere Ubuhinzi n'Ubworozi (RAB-SPIU).

Umuyobozi ushinzwe Ishami ry'Ubuhinzi muri RAB-SPIU, Rurangwa Emile, yavuze ko iyi nama yari igamije gusangizanya ibitekerezo hagati y'abahizi bafashijwe n'icyiciro cya mbere cy'uyu mushinga SAIP I ndetse n'abari gufashwa mu cyiciro cya kabiri [SAIP II] kugira ngo harebwe niba hari icyakosorwa cyangwa kikongerwa.

Rurangwa yavuze ko umushinga ukorera mu gihugu hose ariko buri Ntara ikagira umwihariko wayo aho mu Burengerazuba bibanda ku kijyanye no kuhira imyaka kuko ari igice kirangwamo ubushyuye n'izuba ryinshi.

Yavuze ko igihe uyu mushinga umaze uhakorera, wagize uruhare mu kongera umusaruro ukomoka ku buhinzi cyane cyane uw'imboga n'imbuto.

Ati 'Dutangira igice cya kabiri cy'uyu mushinga (SAIP II) twari dufite intego yo gufasha abahinzi hegitare 1000 ariko twuhiye hegitare 1079 kandi twabigezeho mbere y'igihe twari twiyahe ndetse byatanze ibisubizo.'

Yakomeje agira ati 'Urugero ku bigori nka kimwe mu bihingwa byera cyane muri iyi ntara, byongeye umusaruro kuko mbere y'uko batangira kuhira kuri hegitare havaga toni ebyiri ariko ubu nyuma yo kuhira hari ahava toni zirindwi, kandi igishimishije ni uko abahinzi bamaze kumenya agaciro ko kuhira.'

Kayirangwa Beatha ukorera ubuhinzi bw'imboga n'imbuto mu Karere ka Rwamagana, Umurenge wa Musha, yavuze ko kuhira byamufashije kongera umusaruro w'ibyo yezaga ugereranyije n'uwo yasaruraga mbere y'uko atangira kuhira.

Ati 'Nari nsanzwe ndi umuhinzi w'avoka ariko kuko inaha haba izuba ryinshi inyinshi mu zo twahingaga zarumaga kuko nahinze ibiti 600 by'avoka 400 muri byo biruma, nyuma uyu mushinga untera inkunga yo kuhira nkoresheje imirasire y'izuba ndetse ibiti 100 nyuma byose byarakuze ntana kimwe cyumye ku buryo ubu buri byumweru bibiri nsarura ibilo 30 ku giti kimwe ndetse badushakiye amasoko kuko umwaka ushize nasaruye toni icyenda, eshanu nzohereza ku masoko yo hanze.'

Byukusenge Vianney utuye mu Karere ka Bugesera, Umurenge wa Nyarugenge, yavuze ko nk'umuhunzi uri gutangira ibiganiro byabaye biramufasha gukora ubuhinzi kinyamwuga kuko hari ibyo yakoraga akarumbya kubera kutamenya uko bikorwa.

Ati 'Mpinga Ibitunguru ariko hari igihe nahingaga umurama naguze ku bantu bayicuruza ugasanga bampaye uwashaje, nawuhinga ntiwere ariko batubwiye uko utunganywa neza. Ikindi ni uko ntarinzi igihe cyo kuhira imyaka ariko ubu batubwiye uko umuntu yuhira haba mu gihe cy'izuba cyangwa mu mvura.'

Umuyobozi w'Akarere ka Rwamagana, Mbonyumuvunyi Radjab, yavuze ko ikigamijwe ari ugiteza umuhinzi imbere haba ku giti cye cyangwa no kuri sosiyete muri rusange binyuze mu kubahugura ndetse no kubashakira amasoko haba ay'imbere mu gihugu ndetse no hanze ku buryo nta muhinzi uzataka ko umusaruro we wapfuye ubusa kuko yabuze aho awugurisha.

Ati 'Ikintu cya mbere n'uko Abahinzi bamenya igihingwa kidakenera imvura ahubwo gikenera amazi. Ku bw'ibyo rero bagomba kumenya uko bahinga kinyamwuga bikabagirira inyungu ku giti cyabo ndetse no ku gihugu.'

Yakomeje agira ati 'Ubuhinzi buri mu bintu leta iri gushyiramo imbaraga cyane kandi ntabwo bwatera imbere tugitegereza imvura kugira ngo tubone gutangira ihinga ibyo byari ibya kera ibihe bitarahinduka n'ikoranabuhanga ritaraza.'

Meya wa Rwamagana, Mbonyumuvunyi Radjab, yavuze ko mu buhinzi bugezweho igihingwa kidakenera imvura ahubwo gikenera amazi

Kayirangwa Beatha uhinga avoka yavuze ko umusaruro yeza wiyongeye nyuma yo guhabwa inkunga n’umushinga wa SAIP agatangira kuhira akaba asarura toni icyenda z’avoka ku mwaka

Abitabiriye beretswe uko ubuhinzi bukorwa kinyamwuga

Abahinzi bo mu turere dutandukanye tugize Intara y’Iburasirazuba bahuriye mu nama nyunguranabitekerezo igamije kurebera hamwe ibibazo biri mu buhinzi n’icyakorwa ngo bikemuke

Mu rwego rwo guteza imbere uburezi bw'ibanze, bisaba ko umubare munini w'abana bageze igihe cyo kwiga amashuri abanza baba baranyuze mu y'inshuke kuko afasha mu gukangura ubwonko bw'umwana.

Nubwo bimeze bityo ariko imibare iracyari mike y'abitabira ayo mashuri kandi bikomeje gukoma mu nkokora gahunda yo guteza imbere uburezi bw'ibanze.

Minisitiri w'Uburezi, Joseph Nsengimana, yagaragaje ko u Rwanda rufite intego y'uko nibura abana banyura mu mashuri y'inshuke bagera kuri 65%.

Ati 'Ni yo mpamvu ubu ingamba nshya twafashe ari uko tuzamura iyi mibare tukagera kuri 65% banyura mu mashuri y'inshuke kugira ngo bajye batangira amashuri abanza biteguye neza.'

Imibare igaragaza ko abana bigaga mu mashuri y'inshuke mu 2023/24 barenga ibihumbi 605.

Uterere dufite ubwitabire buke twahwituwe

Umuyobozi ushinzwe Igenamigambi muri Minisiteri y'Uburezi, Adia Umulisa, yagaragaje ko mu 2023/2024 hari hamaze kubakwa ibigo by'amashuri y'inshuke 4.168 n'ibyumba by'amashuri 11.734.

Nubwo ibikorwaremezo bikomeje kubakwa, ubucucike bukomeje kuba hejuru kuko mu ishuri harimo abana 64 kandi batari bakwiye kurenga 32.

Yerekanye ko hakiri ikibazo cy'aho uturere tumwe tugifite intege nke mu gufasha abana kwiga mu mashuri y'inshuke, asaba ko byashyirwamo imbaraga.

Kayonza iza ku isonga mu kugira umubare munini w'abana batari mu mashuri y'inshuke ku kigero cya 63%, Gasabo ni 61%, Rubavu ni 61%, Nyamasheke 60%, Rwamagana ni 58%, Rusizi bikaba kuri 58%, Ngoma 57%, Gisagara ikagira 56% na Kicukiro ifite 56%.

Uturere tuza ku isonga mu kugira umubare muto turangajwe imbere na Musanze, Kamonyi, Muhanga, Karongi, Nyamagabe na Burera.

Ubu hari abarimu barenga 10.830 babifitiye ubushobozi bwo kwigisha mu mashuri y'inshuke.

Umuyobozi Mukuru Wungirije w'Urwego rw'Igihugu rushinzwe Uburezi bw'Ibanze, Dr. Flora Mutezigaju, yavuze ko igihugu cyashyize imbaraga mu guha abana benshi amahirwe yo kugera kuri serivisi z'uburezi, ingo mbonezamikurire y'abana bato, gushaka abarimu bafite ubushobozi no gushishikariza ababyeyi kujyana abana mu mashuri y'inshuke.

Umukozi muri UNICEF ushizwe Uburezi bw'Ibanze, Firmin Dusengumuremyi, yagararagaje ko amashuri y'inshuke ari umusingi w'uburezi akwiye gutezwa imbere.

Ati 'Amashuri y'inshuke ni umusingi w'uburezi, murabizi neza ko iyo abana bakiri bato ni ho baba bafite ubushobozi bwo gufata cyane kurusha iyo bakuze.'

Abarimu bagaragaza ko iyo abana banyuze mu mashuri y'inshuke bagera mu y'abanza bafite ubumenyi bw'ibanze bikoroshya imyigire n'imitsindire ikazamuka.

Umwarimu Nkusi yagaragaje ko abana banyuze mu mashuri y’inshuke biborohereza mu kwiga

Hagaragajwe ko hakwiye gushyirwa imbaraga mu guteza imbere amashuri y’inshuke

Umuyobozi Mukuru Wungirije w'Urwego rw'Igihugu rushinzwe uburezi bw'ibanze, Dr. Flora Mutezigaju, yavuze ko igihugu cyashyize imbaraga mu guha abana benshi amahirwe yo kugera kuri serivisi z'uburezi

Umuyobozi ushinzwe igenamigambi muri Minisiteri y'Uburezi, Adia Umulisa, yagaragaje ishusho y’amashuri y’inshuke mu Rwanda

Abasesenguzi batangiye kwibaza niba bitari ikimenyetso cy'uko Leta Zunze Ubumwe za Amerika zari zizi mbere y'igihe iby'iki gitero, nubwo zidafite uruhare mu kugitegura.

Ku rubuga rwa X rwa Pentagon Pizza Report, rwatangaje ko guhera saa kumi n'imwe z'ijoro ahacururizwa pizza hafi y'Ibiro bikuru by'Ingabo za Amerika bagize ubusabe buri hejuru kurusha uko byari bisanzwe.

Mu butumwa bwashyizweho bugira buti 'Byari nk'ibyabaye mu buryo butunguranye, byihuse, kandi budasanzwe. Ahacururizwa pizza hafi ya Pentagon zashakishijwe cyane kurusha ibisanzwe ku mugoroba umwe,'

Abakurikiranira hafi ibya politiki y'Amerika babihuje n'amateka agaragaza ko mbere y'intambara zikomeye, ibikorwa nk'ibi biba byagaragaye.

Nko muri Mata 2024, mbere y'igitero cya Israel kuri Iran, na bwo habayeho gutumiza pizza nyinshi. Ibyo byabaye kandi mu 1989 mbere y'igitero cya Amerika kuri Panama no mu 1991 mbere y'intambara ya Iraq.

Ibintu byarushijeho kujya ahabi nyuma y'uko Perezida Donald Trump atangaje ko 'yari azi itariki y'igitero cya Israel.'

Ibi byakurikiye itangazo rya Leta Zunze Ubumwe za Amerika ryari ryamaze gutangaza ko irimo gukura abadipolomate bayo n'imiryango yabo mu Burasirazuba bwo Hagati, mbere gato y'igitero.

Bamwe mu basesenguzi bavuga ko ibikorwa byoroheje nk'ibi bishobora kuba ibimenyetso by'intambara zitegurwa mu ibanga rikomeye.

Umusesenguzi umwe yagize ati: 'Iyo Pentagon yiteguye ijoro rirerire, itumiza pizza ku bwinshi. Iyo biba inshuro nyinshi kandi bihuzwa n'ibikorwa bya gisirikare, ntitwabifata nk'impanuka.'

Ibyo bikomeje gutuma abantu bibaza ku ruhare amerika yaba yaragize cyangwa urwego rw'amakuru yari ifite ku gitero cya Israel kuri Iran.

Minisitiri w'Intebe wa Israel, Benjamin Netanyahu yavuze ko umugambi bari bafite bawugezeho kuko inganda nyinshi zikorerwamo intwaro za nucléaire zasenywe.

Israel yabanje kugaba ibitero kuri Iran yica abantu 78 barimo abasirikare bakuru 20 n'abahanga mu bya nucléaire bagera ku icyenda. Mu kwihimura kuri ibi bitero, Iran na yo yarashe ibisasu birenga 100 muri Israel bikomeretsa benshi ndetse bisenya inyubako nyinshi.

Izamuka ry’itumizwa rya pizza hafi ya Pentagon mbere y'igitero cya Israel kuri Iran ryateye impungenge