Webrwanda Backend

Author: webrwanda

  • Ndandika, ndaririmba, ndaseka, ndanacuranga… – #rwanda #RwOT

    Israel Mbonyi yaje mu buryo bwihutiye benshi guhita bamwiyumvamo kuko atigeze atinda kumenyekana.  Ibihangano bya mbere yashyize hanze byahise bimuha igikundiro gikomeye benshi bifuza kumenya uwo ariwe barafashwa barihana kubera ubutumwa bukora ku mutima bwari bubirimo kandi bubamo.

    Israel Mbonyi amaze gukora Album eshatu arizo Number One, Intashyo na Mbwira

    Mu myaka ibarirwa muri 7 amaze mu muziki by'umwuga, mu bahanzi bakora indirimbo zisanzwe n'ibihangano by'umwuka byo kuramya no guhimbaza Imana n'umuco, niwe ufite umusaruro mwiza ku rukuta ruri muzigaragaza abahanzi bakunzwe mu Rwanda rukoreshwa na benshi rwa Youtube.

    Israel w'imyaka 29, yatangiye by'umwuga umuziki mu mwaka wa 2014 muri Gicurasi kuwa 10 Weurwe ubwo yashyiraga hanze imwe mu ndirimbo zakunzwe n'ubu yise 'Number One' ahita anayitirira Album ye ya mbere, urukundo rw'umuziki yarugize kuva mu buto bwe.

    Urukuta rwe rwa Instagram rwitwa 'Israel Mbonyi' rukurikirwa n'abarenga ibihumbi 229, amaze gusangiza birunyuzeho ubutumwa mu mafoto bugera kuri 619. Instagram n'izindi nkuta nkoranyambaga, Israel agaragaza ko ari umunyamuziki akongeraho  ko ari umwanditsi, umuririmbyi, useka, akanacuranga.

    Bimwe mu bintu ashyira mubyo azi akora harimo no guseka nkuko bigaragara ku mbuga nkoranyambaga nyinshi kimwe no mu mafoto anyuranye.

    Akurikirana abantu bagera ku 193 binyuze kuri Instagram muri bo abazwi cyane barimo Hillsong itsinda ry'abaramyi rikomoka muri Australia, Meddy kugeza ubu uyoboye urutonde rw'abahanzi b'abanyarwanda bafite umusaruro mwiza kuri Youtube, Don Moen, Alpha Rwirangira, Tom Close, David Bayingana, Yvan Buravan, Luckmanzeyimana.

    Akurikira kandi Uncle Austin, Jules Sentore, Igor Mabano, Clapton Kibonge, Patient Bizimana, Tman, Aime Uwimana, Philpeter, Sintex, Serge Iyamuremye, umunya-Kenya Bahati, Mbappe, Davido, Pastor Warren, Mani Martin, Deejaypius, The Rock, Gaby Kamanzi, Alga Bae, Kitoko, Alyn Sano, DiamondPlatnumz.

    Kimwe na Sandrine Isheja, Rocky Kimomo, Mico The Best, Miss Doriane Kundwa, Miss Ishimwe Naomie, Neymar, Bushali,Kimenyi Yves, N'Golo Kante, Muyoboke Alex n'abandi banyuranye. Urukuta rwa Instagram rwa Israel Mbonyi rwafunguwe kuwa 30 Nyakanga 2015.Yizihiza isabukuru y’amavuko buri tariki 20 Gicurasi. Afite imyaka 29, yavutse mu mwaka 1992.

    Facebook nayo ikaba ari rumwe mu mbuga Israel Mbonyi akoresha afiteho abamukurikira barenga ibihumbi 190, ni mu gihe kuri Twitter akurikirwa n'abarenga ibihumbi 9. Kugeza ubu, ku rukuta rwe rwa youtube rwafunguwe kuwa 16 Gashyantare 2012, ku mashusho agera kuri 34 amaze gusangiza abamukurikira afite umusaruro rusange  urenga Miliyoni 45.5.

    Bimushyira ku mwanya wa kabiri w'abafite umusaruro mwiza kuri uru rubuga rucururizwaho amashusho rwa youtube. Indirimbo ya mbere ni iyitwa 'Hari Impamvu' imaze kurebwa inshuro zirenga Miliyoni 1.6 mu myaka 6 n'ubwo bigaragara ko uru rukuta rumaze imyaka 9.

    Mu banyarwanda bose bakora umuziki, niwe wa kabiri ufite umusaruro mwiza kuri youtube mu gihe ari uwa mbere mu bakora indirimbo zo kuramya no guhimbaza Imana, ibintu yagezeho mu gihe gito gishoboka.

    Mu ndirimbo zigaragara ku rukuta rwa Youtube rwa Israel Mbonyi, inyinshi zagiye zirebwa inshuro zirenga Miliyoni imwe, ebyiri, ndetse n'eshatu. Indirimbo yitwa 'Karame' yagiyeho kuwa 31 Nyakanga 2019 niyo imaze kurebwa inshuro nyinshi zirenga Miliyoni 4.6 , ikagubwa mu ntege n'iyitwa 'Ibihe' yagiye hanze kuwa 16 Mutarama 2018 imaze kurebwa inshuro zirenga Miliyoni 3.6.Muri iyi minsi Israel Mbonyi yarategerejwe n'abakunzi b'umuziki wo kuramya no guhimbaza Imana mu gihugu cy'u Burundi nyamara ibi bitaramo byagombaga kuba mu matariki yo hagati muri Kanama byamaze gusubikwa kubera ahanini icyorezo cya COVID 19.

    Mu mezi atanu ashize nibwo yafashe umwanya wo gushima abamaze gukora subscribe kuri channel ye barenga ibihumbi 200 yongeraho ko ari umugisha kandi abasabira umugisha

    Source : https://inyarwanda.com/inkuru/108215/ndandika-ndaririmba-ndaseka-ndanacuranga-israel-mbonyi-umuhanzi-wa-kabiri-mu-gusarura-agat-108215.html

  • Knowless na Clment bizihirije muri Kenya imy… – #rwanda #RwOT

    Amakuru agera kuri INYARWANDA avuga ko Knowless na Clément bari muri Kenya mu mpera z'icyumweru gishize, aho bizihirije imyaka 5 ishize biyemeje kubana nk'umugabo n'umugore.

    Aba bombi bari mu Murwa Mukuru Nairobi aho bamaze umunsi umwe bahita bagaruka mu Rwanda.

    Imyaka itanu ishize barushinze ifite igisobanuro kinini kuri uyu muryango! Ni imyaka isanze baramaze kubyara abana babiri; Ishimwe Or Butera na Inzora.

    Ni imyaka isanze Knowless ashyize ku isoko Album zikomeye zirimo na 'Inzora' aherutse gusohora yitiriye umwana we, iriho indirimbo yakoranye n'abahanzi batandukanye.

    Ni imyaka isanze inzu ifasha abahanzi mu bya muzika ya Kina Music bombi bahuriyeho yinjije umuhanzi mushya Nel Ngabo inakomeza kwigaragaza ku isoko ry'umuziki.

    Imyaka itanu isanze baramaze kwimukira mu nzu yabo, inzu y'agaciro kanini iherereye i Nyamata mu Karere ka Bugesera.

    Knowless na Clément barushinze tariki 7 Kanama 2016; bivuze ko habura iminsi itanu kugira ngo bizihize byihariye iyi sabukuru y'imyaka itanu ishize bambikanye impeta y'urudashira. Ku isabukuru y'urushako rwabo, buri wese agaragaza amarangamutima ye.

    Knowless na Clément bavuye mu Mujyi wa Nairobi muri Kenya aho bizihirije isabukuru y'imyaka itanu ishize barushinze

    Tariki 7 Kanama 2016, ni bwo Knowless na Clément barushinze

    KANDA HANO UREBE AMASHUSHO Y'INDIRIMBO 'IKOFI' YA KNOWLESS, NEL NGABO, PLATINI P, IGOR MABANO NA TOM CLOSE

    “>

    Source : https://inyarwanda.com/inkuru/108222/knowless-na-clement-bizihirije-muri-kenya-imyaka-5-ishize-barushinze-108222.html

  • Hamenyekanye igihe shampiyona y’u Rwanda izat… – #rwanda #RwOT

    Inama ya komite ya FERWAFA kuri uyu wa mbere tariki 2 Kanama nibwo yicaye hamwe igamije gusesengura ibitekerezo byatanzwe n’abanyamuryango ba FERWAFA mu nama yari yarabaye tari 30 Nyakanga 2021.

    Mubyo bafasheho umwanzuro harimo ingingo ya 35 mu mategeko agenga amarushanwa yavuguruwe, aho kuri ubu amakipe yo mu kiciro cya mbere mu bagabo yemerewe gukora abakinnyi 5 b’abanyamahanga ku mukino aho kuba 3 nk'uko byari bisanzwe. Umukinnyi w’umunyamahanga wese winjiye mu gihugu  agomba kuba atarengeje imyaka 30  cyangwa yaba ayirengeje akaba nibura yarakiniye ikipe y’igihugu cye mu myaka 3 ishize.

    Gusa iyi myaka ntabwo ireba abakinnyi b’abanyarwanda. Amakipe yo mu kiciro cya mbere mu bagore yemerewe abanyamahanga 3, amakipe yo mu kiciro cya kabiri mu bagabo yo yemerewe abanyamahanga 3 mu gihe amakipe yo mukiciro cya kabiri mu bagore nta banyamahanga yemerewe.

    Komite Nyobozi Kandi yemeje ko shampiyona y’ikiciro cya mbere mu Rwanda izatangira tariki 16 Ukwakira 2021, ariko ivuga ko imyanzuro ijyanye n’igihe ibindi byiciro by’amarushanwa ategurwa na FERWAFA bizatangirira izafatwa mu minsi iri imbere.

    Source : https://inyarwanda.com/inkuru/108220/hamenyekanye-igihe-shampiyona-yu-rwanda-izatangirira-bidasubirwaho-umubare-wabanyamahanga–108220.html

  • Ifoto ya Yolo The Queen mbere y'uko ajya kwiyongeresha – YEGOB #rwanda #RwOT

    Kuri uyu munsi twabavumburiye ifoto ya Yolo The Queen ya kera. Nk'uko bigaragara kuri iyi foto iri hano hasi, Yolo The Queen yari ataragira amataye nk'ayo afite kuri ubu nk'uko amafoto ye aheruka yashyize kuri instagram ye abigaragaza. Ifoto ya Yolo The Queen atariyongeresha amataye ni iyi ikurikira:

    Source : https://yegob.rw/ifoto-ya-yolo-the-queen-mbere-yuko-ajya-kwiyongeresha/

  • Abantu 10 bahitanwe na Covid-19 mu Rwanda abandi 720 barayandura #rwanda #RwOT

    Abarwayi bashya babonetse uyu munsi ni 720 bangana na 11.1% by'ibipimo 6,429 byafashwe mu masaha 24.Uyu munsi hasezerewe abantu 19 mu gihe 24 bahawe ibitaro. Abakingiwe ni 5,685.

    Mu gihe u Rwanda rutaragera nibura ku rugero rwa 60% bagomba gukingirwa, buri wese arasabwa kwitwararika no kubahiriza amabwiriza yo kwirinda ari yo gusiga intera ya metero, kwambara neza agapfukamunwa no gukaraba intoki kenshi bakoresheje amazi meza n'isabune cyangwa alukolo yabugenewe.

    Igiciro cy'urukingo rwakozwe na Pfizer cyiyongereyeho 25% mu gihe igiciro cy'urukingo rwakozwe na Moderna cyiyongereyeho 10% ku isoko ry'i Burayi.

    Uku kuzamuka kw'ibiciro kwatewe n'uko inkingo z'ibi bigo byombi zikomeje gukenerwa cyane mu Burayi na Leta Zunze Ubumwe za Amerika, bitewe n'ikwirakwira rya Coronavirus yo mu bwoko bwa Delta, yanduza ku muvuduko ukubye kabiri ubwoko bwa mbere bwa Coronavirus bwagaragaye mu Bushinwa.

    Indi mpamvu ni uko izi nkingo zombi zifite ubushobozi bwo kurinda Covid-19 kurusha iza AstraZeneca na Johnson & Johnson zihanganye ku isoko rimwe.

    Urukingo rumwe rwa Moderna ruzajya rugurishwa amadolari 18,41$, mu gihe urukingo rumwe rwa Pfizer ruzagurishwa amadolari 23,16$.

    Pfizer yari iherutse gutangaza ibimenyetso byerekana ko inkingo izagurisha zizagera kuri miliyari 2,1 kugera nibura mu 2023, mu gihe amafaranga iki kigo cyateganyaga kwinjiza muri uyu mwaka nayo yiyongereye, akava kuri miliyari 26$ akazagera kuri miliyari 33,5$.

    Ibi bigo byombi byavuze ko bicuruza inkingo ku giciro gito ku bihugu bikiri mu nzira y'amajyambere.


    Source : https://umuryango.rw/amakuru/mu-rwanda/ubuzima/article/abantu-10-bahitanwe-na-covid-19-mu-rwanda-abandi-720-barayandura

  • Perezida Kagame yakiriye ku meza Perezida Suluhu wa Tanzania – #rwanda #RwOT

    Ahagana saa Tatu z’igitondo, nibwo Perezida wa Tanzania yasesekaye ku kibuga cy’indege cya Kigali mu ruzindiko rw’iminsi ibiri mu Rwanda, ku butumire bwa Perezida Kagame.

    Abayobozi bombi bagiranye ibiganiro byihariye, byibanze ku bufatanye bukwiye gukomeza kuranga impande zombi mu bijyanye n’ubucuruzi ndetse n’ibindi bitandukanye.

    Nyuma y’ibiganiro, abakuru b’ibihugu byombi bakurikiye umuhango w’isinywa ry’amasezerano atanu agamije kunoza imibanire hagati y’ibihugu byombi.

    Amasezerano yasinywe arimo ay’ubufatanye mu ikoranabuhanga n’itumanaho, ay’ubufatanye mu bijyanye n’urujya n’uruza rw’abantu n’ibintu, uburezi n’amabwiriza agenga ibijyanye n’imiti.

    Perezida Suluhu kandi yasuye urwibutso rwa Jenoside rwa Kigali ruri ku Gisozi, yunamira inzirakarengane zirenga ibihumbi 250 ziharuhukiye.

    Ku munsi wa kabiri w’uruzinduko rwe, byitezwe ko Perezida Kagame na Perezida Suluhu bazasura icyanya cy’inganda kiri i Masoro, gitanga akazi ku bantu barenga ibihumbi 13.

    Perezida Kagame yakiriye ku meza Perezida Suluhu wa Tanzania

    Abakuru b’ibihugu byombi bagiranye ibiganiro ndetse banakurikira umuhanga w’isinywa ry’amasezerano hagati y’ibihugu byombi

  • Kanama irasiga Abanyarwanda ibihumbi 700 bakingiwe Covid-19 – #rwanda #RwOT

    Inkingo zizatangwa ni izakozwe n’uruganda rwa Pfizer, zikazatangirwa mu bigo nderabuzima ndetse no ku zindi site zateganyijwe.

    Muri rusange uku kwezi kuzarangira Abanyarwanda ibihumbi 300 bakingiwe, biyongere ku bandi barenga ibihumbi 400 bamaze gukingirwa, bitume umubare w’abamaze gukingirwa ugera ku bantu barenga ibihumbi 700 mu mpera z’uku kwezi.

    Umunyamabanga wa Leta muri Minisiteri y’Ubuzima, Ushinzwe Ubuzima bw’Ibanze, Dr. Mpunga Tharcisse, yavuze ko ibi bikorwa bizibanda ku baturage bari hejuru y’imyaka 40.

    Mu kiganiro na RBA, yagize ati “Iki ni igikorwa kigari cyo gukingira abantu benshi batuye mu Mujyi wa Kigali cyane cyane abari mu myaka 40 kuzamura, abagore batwite kuva ku byumweru 12, abonsa ariko n’abandi bantu bakora mu buzima busanzwe nk’ubucuruzi n’indi mirimo ifite aho ihuriye n’iterambere.”

    Kugeza ubu abantu 460.837 bamaze gukingirwa byuzuye mu Rwanda, bivuze ko batewe nibura inkingo ebyiri. Leta ifite gahunda y’uko bitarenze impera z’umwaka utaha, 60% by’Abanyarwanda bazaba bamaze gukingirwa, ibizatuma u Rwanda ruza mu bihugu bifite ubudahangarwa bwuzuye, bityo imirimo yose igasubukurwa.

    Abanyarwanda barenga ibihumbi 700 bazaba bakingiwe bitarenze Kanama

  • Kigali: Umushoferi yagongeye umusore kwa Rubangura ahita aburirwa irengero (Amafoto) – #rwanda #RwOT

    Abamubonye babwiye IGIHE ko batunguwe cyane n’uburyo uyu mushoferi akimara kugonga uyu musore yabajijishije nk’aho agiye guhagarara, ariko agahita yongera umuvuduka bakamubura.

    Umwe yagize ati “Njye nari nkiva hano mu gikari cya hano kwa Rubangura mbona umusore agaramye hasi ari gutabaza, nibwo yatweretse ko agiye guhagarara hariya hari parikingi, mbwira bagenzi banjye ngo bamukurikirane atabacika, nibwo yahise yongera umuriro agenda muri ubwo buryo.”

    Mushiki w’uyu musore we yavuze ko yababajwe cyane n’uburyo umuntu wamugongeye musaza we atigeze anareba ko nta kibazo yagize.

    Ati “Babaye bakimbwira ko bamugonze nza nihuta, ngeze aha nibwo ntunguwe no kumva ko uwamugonze yahise yikomereza, nta kindi nasaba uretse ubuvugizi kugira ngo uwamugonze amenyekane.”

    Iyi mpanuka ikimara kuba, Polisi yahise ihagera itangira iperereza ibaza abaturage bari bakiri hafi aho, bemeza ko babonye ibirango by’iyi modoka.

    Ubusanzwe amabwiriza avuga ko iyo umushoferi ugonze umuntu akiruka, ahanishwa amande y’amafaranga ibihumbi 150 Frw.

    Abaturage batunguwe n’uburyo umushoferi yagonze umusore akabaca mu rihumye

    Kwa Rubangura rwagati mu Mujyi wa Kigali hakunze kuba hari urujya n’uruza rw’abantu

    Impanuka ikimara kuba polisi ishinzwe umutekano wo mu muhanda yahise ihagera

    umusore wagonzwe yari aryamye mu muhanda afite intege nke

    Polisi ishinzwe umutekano wo mu Muhanda yahise ihagera

    Ahabereye impanuka hahise huzura abantu benshi bashungereye

    Abaturage batanze umusanzu wo kuvana umusore mu muhanda yagongewemo

    Ntabwo abaturage bigeze bategereza ambulance, bahise bijyanira uyu musore kwa muganga

    Abaturage bahageze mbere bateranyije amafaranga bamujyana kwa muganga mu buryo bwihuse

    Byitezwe ko camera ziri hejuru y’inyubako ya Rubangura ziri buze kwifashishwa mu kumenya umwirondoro w’umushoferi wagonze

  • Umujyi wa Kigali wihanangirije ba rwiyemezamirimo bambura abakora isuku mu mihanda – #rwanda #RwOT

    Umujyi wa Kigali ni umwe mu mijyi isukuye ku Isi, ariko ibi bishoboka kubera ibigo bikora isuku muri uyu Mujyi, bifite abakozi batandukanye bashinzwe kuwusukura, nubwo bakunze gutaka kudahemberwa igihe, nk’uko umwe mu baganiriye na Radio 1, akaba akorera sosiyete ya Comfort Safari Ltd yabitangaje.

    Ati “Tugira ikibazo cyo kudahembwa, bakatubwira ngo ni ibihumbi 30 Frw, tukabaza tuti ‘ko twakoreraga ibihumbi 40 Frw mukaba muyagabanyije bizaganda bite?’ Bati ‘nta kibazo ibihumbi 10 Frw tuzabishyiraho’, turategereza ntiyayashyiraho. Na ya yandi ibihumbi 30 Frw nayo amezi agashira atayaduha.”

    Aba baturage bavuga ko kubera kutishyurwa ubuzima bwabo buzahara, abana babo bakabura ibyo kurya ndetse bamwe bakaba baratangiye gusohorwa mu nzu kubera kubura ubukode.

    Ku ruhande rw’Umujyi wa Kigali, Umuyobozi w’Ishami ry’Ubuzima rusange, Mukangarambe Patricie, yavuze ko mu masezerano bagirana na ba rwiyemezamirimo, baba bagomba kwishyura abo bakoresha badategereje ayo bazahabwa.

    Yagize ati “Ibyo biba biri ku ruhande kugira ahembe umukozi. Mu masezerano tugirana ntabwo harimo ko azahemba umukozi ari uko yishyuwe, agomba guhabwa isoko yagaragaje ko afite ubushobozi bwo guhemba abakozi be, adategereje amafaranga azishyurwa n’ikigo cyamuhaye isoko.”

    Yakomeje avuga ko iyo habayeho kutubahiriza amasezerano bagiranye, hafatwa ingamba zikomeye zirimo no kuyahagarika.

    Ba rwiyemezamirimo batishyura abakozi bakora isuku mu muhanda baburiwe

  • Perezida Samia Suluhu yunamiye Abatutsi bazize Jenoside – #rwanda #RwOT

    Samia Suluhu yasuye Urwibutso rwa Jenoside rwa Kigali ruri ku Gisozi ku gicamunsi cyo kuri uyu wa 2 Kanama 2021. Ni kimwe mu bikorwa byari biteganyijwe ko agomba gukora mu ruzinduko rw’iminsi ibiri ari kugurira mu Rwanda.

    Perezida Samia Suluhu yashyize indabo kumva rusange zishyinguwemo Abatutsi bishwe mu 1994.

    Mbere yo kujya gusura uru rwibutso, mu ijambo Perezida Suluhu yavugiye muri Village Urugwiro, yihanganishije Abanyarwanda bose kubera Jenoside yakorewe Abatutsi yasize babuze benshi mu bari bagize imiryango yabo.

    Muri uru ruzinduko Samia Suluhu ari kugirira mu Rwanda biteganyijwe ko azasura n’Icyanya cyahariwe inganda i Masoro.

    Perezida Samia Suluhu yageze ku Rwibutso rwa Jenoside rwa Kigali aherekejwe n’abayobozi batandukanye barimo Minisitiri w’Ububanyi n’Amahanga, Dr Vincent Biruta

    Perezida wa Tanzania, Samia Suluhu Hassan yunamiye abazize Jenoside yakorewe Abatutsi

    Perezida Samia yashyize indabo ku mva zishyunguwemo Abatutsi bishwe mu 1994

    Kanda hano ureba andi mafoto