Ezee Daring uri mu ndirimbo ya Juno Kizigenza nyuma yuko abaye icyamamare kuri ubu arasabwa kwitonda kuko hari abantu batandukanye batangiye kumwiyitirira ku mbuga nkoranyambaga.
Nkuko Ezee yabyeretse abamukurikira yerekanye konti 3 za instagram zahimbwe mu mazina ye abwira abantu ko izo konti zose atari ize.
Ezee yamamaye kubera kujya mu mashusho y'indirimbo Please me ya Juno Kizigenza.
Abafana ba Rayon Sports biganjemo abibumbiye muri za Fan club, bamaze gukusanya amafaranga arenga miliyoni 1,42 Frw akenewe kugira ngo yishyurwe umwenda yasigawemo ubwo yasinyiraga iyi kipe mu 2020, kugirango atagira ahandi yerekeza.
Blaise yageze muri Rayon Sports tariki ya 08 Nzeri 2020 avuye muri Marines FC, akaba yari yemerewe miliyoni 4Frw ariko ahabwa imwe gusa andi bayamusigaramo.
Mu mwaka we wa mbere uyu mukinnyi yarigaragaje cyane bituma abengukwa n'amakipe atandukanye arimo APR FC na Kiyovu Sports.
Nyuma y'uko aya makipe agaragaje ko yifuza uyu mukinnyi ndetse anamuha akayabo, Blaise yandikiye Rayon Sports asaba kuvugurura amasezerano kuko ibikubiye mu yo yasinye mbere bitubahirijwe.
Rayon Sports ntabwo yihutiye kwishyura uyu mukinnyi, ariko imusubiza imwemerera ko imubereyemo umwenda ndetse azawuhabwa uko ubushobozi buzajya buboneka.
Nyuma y'ibyo byose byazengurukiraga kuri uyu mukinnyi ari nako amakipe arimo APR FC akomeza kumuganiriza, abafana b'iyi kipe bafashe iya mbere biyemeza gutanga amafaranga yo kwishyura uyu mukinnyi kugira ngo akomeze abakinire, ndetse ku ikubitiro bakaba bamaze gutanga miliyoni 1,45Frw muri Miliyoni 2Frw biyemeje gutanga.
Munyakazi Sadate wayoboye Rayon Sports umwaka umwe ndetse akaba ari nawe wasinyishije uyu mukinnyi avuye muri Marines FC, ari mu bitanze aho yatanze ibihumbi 200 Frw, Dr Uwiragiye na Ndahiro batanze ibihumbi 100.
Biravugwa ko Nishimwe Blaise yamaze kuganira n'ikipe ya APR FC inamwizeza byinshi, akaba ari yo mpamvu yandikiye Rayon Sports asaba kuvugurura amasezerano.
Blaise ni umwe mu bakinnyi bigaragaje cyane muri Rayon Sports umwaka ushize w’imikino
Nishimwe Blaise ashobora kwerekeza muri APR FC
Alpha Rwirangira ari mu bahanzi bakomeye mu gihugu cy'u Rwanda no muri East Afrika ibyo yemeza ko kubigeraho byagizwemo uruhare n'abantu benshi bo mu karere k'ibiyaga bigari by'umwihariko abakomoka mu bihugu birimo Kenya, Uganda, Tanzania n'abavandimwe be b’abanyarwanda.
Alpha Rwirangira yize umuziki guhera mu 2012 nyuma y’amateka yanditse yo kwegukana irushanwa nyafurika rya Tusker
Mu biganiro akomeje gutanga muri iyi minsi akomeza kugenda agaruka ku cyafasha umuziki w'u Rwanda ukava ku rwego rumwe ukajya ku rundi, mu cyo yatanze bwa mbere yibanze ku banyamakuru n'abafana, bamwe mu bo avuga ko badahari umuziki ntacyo waba uvuze.
Agaragaza abanyamakuru nk'abarimo ibyiciro bibiri; abakora umwuga wabo mu buryo bukwiye batagira ivangura na munyangire n'abandi babaswe n'urwango akongeraho ko abo badatinda ndetse benshi bagiye bava mu mukino agashima abakora neza.
Ku ruhande rw'abafana ho agaragaza ko barimo ibyiciro bitatu; abakunda umuziki mwiza banawukurikirana, abajya aho byacitse, n'abari aho bawukunda ariko na none badashyigikira abahanzi ngo bakore subscribe kuri youtube channel zabo na follow kuzindi mbuga nkoranyambaga zabo.
Amaze imyaka itari micye mu muziki yakuze akunda akaza kuwinjiramo by’umuga mu mwaka wa 2008
Mu kiganiro cya kabiri yagarutse ku bahanzi agaragaza ko gushyigikirana, guhanana no kubahana ko ari ibya mbere byabafasha kugeza umuziki nyarwanda yihereyeho, yemeza ko ntaho uragera mu ruhando mpuzamahanga.
Mu cya gatatu yakoze mu rurimi rw'icyongereza n'igiswahili ngo n'abakomoka mu bindi bihugu babashe kumva ubutumwa bwe, yavuze ko agiye kugaruka mu muziki mu buryo butigeze kubaho mbere. Atangira ashima abatuye muri East Afrika bose by'umwihariko ku bwo kuba baramuherekeje kuva yatsinda irushanwa rya Tusker kugeza n’ubu badahwema kumwereka urukundo.
Yinjiye mu kiganiro neza agaragaza bimwe mu bintu bikomerera umuntu wese uhanzwe amaso inyenyeri imurikira imbaga nyamwinshi ati:'Nta kintu kibaho cyiza kiryoha ariko gikomera nko kuba icyamamare, iyo ubaye icyamamare ibyiza n'ibibi byose bikugwaho ariko igitangaje ni uko ibibi ari byo abantu baha agaciro kuruta ibyiza wakoze.'
Yongeraho ko haba harimo imbogamizi zikomeye ushobora kumva ugasa nk’utabyumva neza ariko biba bigoye iyo bigeze ku mafaranga n'ubukire ati:'Ibaze kubyuka mu gitondo Imana ikaguha umugisha w'amafaranga menshi ni ukuri ibi bikubayeho wakumva ukuntu ubutsinzi bumera, nshima Imana ko ndi umwe mu bo byabayeho binyuze mu muziki binyuze mu rushanwa rya Tusker nkaba nkibasha kuba mpagaze ndwana.'
'Nzi neza ko abavandimwe b'abahanzi bagenzi banjye ibi babyumva, ukuntu utangira kwigira nk’aho ibintu byose bimeze neza noneho izi mbuga nkoranyambaga zo zazanye ibindi aho abantu tubasha kubona uko tubeshya abandi bigakunda noneho bikarangira natwe ubwacu twibeshye.'
Avuga indimi neza zigera kuri eshatu; Swahili, English n’ikinyarwanda
Alpha yerekana ko atari abahanzi bonyine bagirwaho ingaruka n’ibi ahubwo abo abantu bose bahanga amaso bagirwaho ingaruka n’ub'ubuzima bisangamo ati: 'Iyo bigeze ku byamamare, abo isi ihanze amaso tugera ku rwego tuba tutakiri twebwe bibaho, ku ruhande rwanjye hirya y’ibyo nkora byose nemereye Imana kuba umuhuza w'ubuzima bwanjye, si ndikuvugira abandi aha ndivugira kuko buri umwe agira inzira yo kunyuzamo ibintu.'
Asaba abakunzi b’ibihangano bye kumushyigikira na none bahereye ku rukuta rwa youtube rwe bagakora 'subscribe' kuko agiye kugaruka mu ishusho nshya ati: 'Imana yarandinze niba ukomoka muri Tanzania, Kenya, Uganda n'ahandi waba uri utavuga Ikinyarwanda kuko abavandimwe b’abanyarwanda bo narabasabye mu rurimi duhuriyeho rw'ikinyarwanda, ndabasabye mukore 'subscribe' kuri youtube channel yanjye ndabasaba gukora ibi kuko ngiye kugaruka mu buryo butandukanye n’ubwigeze kubaho kandi nziko Imana izabimfashamo.'
Atsindagira icyo acyeneye kuri ubu agira ati:'Icyo nkeneye ni urukundo rwanyu n'ubufasha nk’uko mwahoze mubikora mumpesha umugisha mumbera aho ntari, na none ndavuga ku bahanzi, turi umuryango, ni ukuri ntabwo dukeneye kwangana ngo tubashe gutera imbere. Maze kubona ibi ari ibintu byateye ahantu hose, aho ugomba kurwana n'umuntu runaka kugira ngo ubashe kuzamuka”.
Alpha akomoza ku mpanuro za se umubyara agira ati: 'Data yajyaga ambwira ko ubwamamare bumeze gutya buciriritse, urakoresha ubu buryo ntacyo witayeho ariko amatiku ntacyo amaze ndetse ibije biciye muri ubu buryo ntibiramba, nyamara imbaraga z'urukundo, umuhate n'ubumuntu zigukura ku rwego ruto zikakugeza kure hashoboka ugaha umwanya Imana igakora muri wowe ubu buryo buraramba, niyo umanutse irongera ikakuzamura.'
Yerekana kandi ko abantu bapfa ubusa kuko byose bishira agira ati:'Mu mpera byose birarangira ubwamamare, ubutsinzi ikintu cyose kirarangira bityo rero ugomba guhora na none utekereza uwo uzaba we nyuma y'ubuzima bw'ubwamamare buciriritse kandi bw'igihe gito.'
Alpha yemeza ko mu bihe bya vuba agiye gushyira hanze indirimbo nziza kandi yizera ko zizakora kuri roho za benshi
Yongera gushima byimazeyo abakunzi b'umuziki we agira ati: 'Ngarutse ku bantu ba Tanzania, Uganda, Kenya ni iby'icyubahiro n'amahirwe kuko ndi uwo mwazamuye mwashyizeho amaboko ngo ngere aho ndi none n’ubwo ntakoze ibyo mwari mwiteze wenda ngo nkore indirimbo nyinshi nk’izo mwari mwiteze.'
Asobanura impamvu yatumye ibyo benshi bari biteze bitagenda muri ubwo buryo ati:'Ariko navuga ni iy'isi tubamo by'umwihariko iyo uri icyamamare, umukire ufite ibintu hafi ya byose uri hagati aho buri umwe aba akwerekejeho ijisho uba ugomba kwitonda kuko biragoye benshi babivamo ndetse bagiye banabivamo, byose kubera itangazamakuru ribashyira igitutu, abantu bakabashyiraho igitutu, amafaranga akabashyiraho igitutu ibintu byose biba bigoye, njye rero icyo nakoze nizeye Imana kugira ngo nabura mbe ndi aho ndi uyu munsi.'
Ku bijyanye no kuba akibasha gukora no kuba amafaranga n'ibindi yagiriyemo umugisha mu muziki bitaratumye azima burundu nk’uko benshi bo mu bihe bye n'abaje nyuma byagiye bigenda, yagize ati:'Imana yanyoherereje abantu banyoboye bambwije ukuri. Uyu munsi ndacyahagaze, icyo mvuga ni reka tubibe mu rukundo, reka twicishe bugufi, reka twige kwemera kwiga, reka dukundane kuko niyo nzira yonyine izabasha gutuma dushyirwa hejuru. Rero uwibwira ko azagira icyo ageraho kuko yababaje mugenzi we ibyo ni ikintu kibi kandi ni no kwibeshya.'
Mu gusoza ashima byimazeyo abakunzi b'umuziki by'umwihariko b’ibihangano bye bamuhesheje umugisha, bakamufasha kandi akanabasaba gukora 'subscribe' kuri youtube channel ye yitwa 'Alpha Rwirangira' akabizeza ko agiye gushyira hanze indirimbo nziza zizabakora kuri roho, ati “Mukundane, musabirane, mwicishe bugufi, kandi mwige kwiga ndabakunda kandi mbashima iteka”.
KANDA HANO WUMVE INDIRIMBO YAÂ ALPHA RWIRANGIRA YITWA NIMENGI AHERUTSE GUSHYIRA HANZE
Rwirangira asaba abantu kumushyigikira nkuko bahoze babikora bakarushaho gukora ‘subscribe’ kurukukuta rwe rwa Youtube rwa ‘Alpha Rwirangira’ bakanakora follow kuri Twitter, facebook na instagram.
Yemeza ko Imana yamwoherereje abantu bo kumuyobora mu buzima bwe bw’ubuhanzi, ubwamamare n’ubutunzi ibintu biba bigoranye byagiye bituma benshi bazima.
Â
Kuri uyu wa mbere tariki ya kabiri Kanama 2021, nibwo Komite Nyobozi ya Musanze FC yari imaze imyaka isaga 2 iyoboye iyi kipe yasezeye kuri izi nshingano kubere impamvu zirimo kuba Akarere karageneye ikipe amafaranga adahagije.
Mu rwandiko Komite Nyobozi iyobowe na Placide, batangaje ko mu mpamvu zatumye basezera ku nshingano harimo kuba Akarere ka Musanze karageneye Musanze FC ingengo y’imari umwaka w’imikino 2021-22 idahagije, bo babona ko byazagira ingaruka ku ikipe bayoboye harimo no kudasoza shampiyona.
Indi mpamvu iyi Komite yatangaje, ni uko mu myaka igera kuri ine bamwe bari bamaze bayoboye iyi kipe, basanze amafaranga bakoreshaga arimo kugenda agabanyuka bishobora gutuma ikipe ijya habi kandi yari ifite abafana benshi.Â
Ingingo ya nyuma yatumye iyi Komite isezera harimo kuba hari ukuntu nabo ubwabo bashyiragamo amafaranga yabo none hakaba harabuze abandi babatera ingabo mu bitugu.
Iyi Komite Nyobozi yari yaratowe tariki 31 Ukuboza mu 2019, aho nabwo hari hashize iminsi 4 iyi Komite iyobowe na Tuyishimwe Placide isezeye kuri izi nshingano, nk'uko babikoze kuri uyu munsi.
Abari bagize Komite Nyobozi ya Musanze FC basinye kuri iyi nyandiko y’isezera:
Perezida Tuyishimire Placide, Visi Perezida: Rwabukamba JMV, Visi Perezida wa Kabiri: Rwamuhizi Innocent, Perezida w’abafana: Nsanzumuhire Dieudonne, n’umujyanama w’ikipe: Habineza Haruna.
Mukerarugendo witwa Yevgeny Starkov w'imyaka 42, yari kumwe na bagenzi be bari kuzinga amahema yabo hanyuma inyamaswa yitwa idubu ihita ibatera iramwica bagenzi be bakwira imishwaro kubera ubwoba bakuzwa n'amaguru.
Aba bantu bagiye gukambika muri pariki yo mu Burusiya ariko uyu Yevgeny Starkov ahahurira n'uruva gusenya kuko iyi dubu yabateye iramwica.
Bwana Yevgeny Starkov,wari wagiye muri siporo zo kurira imisozi,yapfuye ibyishimo byabo bigeze ku musozo kuko iyi dubu yabateye ubwo barimo kuzinga amahema batashye nk'ukoikinyamakuru the Sun cyabitangaje.
Anton Shelkunov wari kumwe na Starkov yavuze ko we na bagenzi be 2 babonye iyi nyamaswa iri kumurya bashya ubwoba.
Aba bavuze ko bahise bahunga aka gace birukanka amasaha 7 batambaye inkweto babona gutabaza.
Abakora iperereza babuze uko bagera aho byabereye muri kajugujugu kubera ikirere kibi.Uyu mugabo yaririwe ahitwa Yergaki Nature Park, muri Krasnoyarsk mu gace ka Siberia.
Iyi dubu yateye aba bantu saa kumi n'ebyiri za mu gitondo bari kwitegura gutaha iwabo nkuko Shelkunov abivuga.
Ati 'Twari dutangiye gufunga ibikapu byacu.Hari amahema 2 hanyuma umutwe wanjye nwerekeza ibumoso mbona idubu yazamuye umutwe wayo,idubu nini cyane iri gucira amacandwe menshi.Iyo dubu yahise igira umujinya itangira kutwirukaho.'
Uyu mugabo na bagenzi be Yevgeny Dobrorodny w'imyaka 33 na Pavel Zhemchugov w'imyaka 32,bashoboye guhunga ariko mugenzi wabo utuye Moscow iramusigarana.
Yakomeje ati 'Narebye inyuma mbona iri kutwirukaho,Twuriye ahantu hareshya na metero 50,tureba aho amahema yacu yasigaye.Twabonye umurambo wa Starkov iyi dubu iwuhagaze iruhande.Yari yamushwanyaguje.Yaje kurangara iratubona tururira cyane.'
Uyu mugabo na bagenzi be barokotse bahise biyemeza kugenda n'amaguru bagahunga aka gace ari nako bajya gusaba ubufasha.
Source : https://yegob.rw/mukerarugendo-yariwe-ninyamaswa-yinkazi-bagenzi-be-amaguru-bayabangira-ingata/
Umuhanzi Platini yerekeje mu gihugu cya Nigeria, aho agiye gutunganyiriza amashusho y'indirimbo ye.
Amakuru aravuga ko Platini yagiye gufatira amashusho y'indirimbo muri Nigeria, ndetse akanasinya amasezerano mashya n'ikipe (Management) igiye kujya imufasha mu muziki we.
Biravugwa ko iyi kipe (Management) igiye gutangira kumufasha mu muziki we, izamufasha gukorana indirimbo n'abahanzi bakomeye muri iki gihugu. Iyi kipe bagiye gutangira gukorana ni yo yamwishyuriye itike y'indege n'ibindi byose azakorera muri Nigeria.
Platini agiye muri Nigeria nyuma yo gusohora amashusho y'indirimbo ye nshya yise 'Helena'.
Source : https://yegob.rw/umuhanzi-platini-yerekeje-muri-nigeria-agiye-gukora-iki/
Ibi Perezida Kagame yabivuze mu ijambo ryo guha ikaze mugenzi we Perezida wa Tanzania, Madamu Samia Suluhu Hassan uri mu ruzinduko rw'imindi ibiri mu Rwanda,kuva kuri uyu wa Mbere tariki 02 Kanama 2021.
Perezida Kagame yavuze ko u Rwanda na Tanzania bafitanye umubano w'amateka mu bufatanye ndetse no gushakira ubusugire abaturage.
Yavuze ko amasezerano yasinywe hagati y'ibihugu byombi uyu munsi,azatuma uruzinduko rwa Madamu Samia rutanga umusaruro mwiza kurushaho mu mubano mwiza w'ibihugu byombi.
Uru ruzinduko rwa Perezida Samia kandi ruzatuma ibihugu byombi bifatanya mu kubaka ibikorwaremezo bitandukanye birimo umuhanda wa Gri ya moshi ndetse n'ishoramari,gutunganya amata,n'ibikorwa bikorerwa ku cyambu.
Perezida Kagame yarangije ashimangira ko “U Rwanda ruriteguye gukorana bya hafi n'abavandimwe na bashiki bacu bo muri Tanzania mu murongo wo kuba duhuriye mu Muryango wa Afurika y'Iburasirazuba n'ibirenze ibyo mu rwego rwo kwihutisha ibikorwa byo mu bihugu byacu ndetse n'akarere kacu mu kwikura mu ngaruka zatewe n'icyorezo cya COVID-19.'
Perezida Suluhu yageze i Kigali ahagana saa tatu z'igitondo. Nyuma yo kwakirwa na Perezida Kagame, bahise bagirana ibiganiro mu muhezo mbere y'isinywa ry'amasezerano y'ubufatanye ku mpande zombi.
Samia Suluhu yaherekejwe n'itsinda ririmo abayobozi bakuru muri Tanzania nka Minisitiri w'Ububanyi n'Amahanga, Minisitiri w'Ikoranabuhanga, Minisitiri w'Ibikorwaremezo n'ubwikorezi na Minisitiri ushinzwe ubucuruzi n'inganda, Minisitiri ushinzwe ishoramari.
Perezida Samia Suluhu asuye u Rwanda nyuma y'ingendo yagiye agirira mu bindi bihugu byo mu karere birimo Tanzania, u Burundi, Kenya na Uganda.
Perezida Samia Suluhu yarahiriye kuyobora Tanzania muri Werurwe 2020 nyuma y'urupfu rutunguranye rwa Dr John Pombe Magufuli. Mbere yo kujya muri izi nshingano yari Visi Perezida.
Tuyishimire Placide uzwi nka Trump wayoboraga ikipe ya Musanze FC yamaze kwegura kuri iyi miromo we na komite ye kubera ingengo y’imari Akarere kageneye iyi kipe babona ntacyo yamara.
Ku gicamunsi cyo kuri uyu wa Mbere tariki ya 2 Kanama 2021 nibwo Trump yanditse ibaruwa yegura ku mirimo ye.
Mu ibaruwa yasinyweho n’abagize komite nyobozi ya Musanze FC bayobowe na Tuyishime Placide, bamenyesheje akarere ko amafaranga kageneye ikipe bitahura.
Bagize bati 'Nyuma yo gusesengura neza ingengo y’imari mwageneye ikipe tubereye umuyobozi mu mwaka wose wa 2021-22, tugasanga amafaranga mwagennye atarangiza irushanwa ry’umupira w’amaguru mu Rwanda, dukurikije ibikenerwa kugira ngo sampiyona irangire neza twasanze bitashoboka.'
'Nyuma y’imyaka ine bamwe muri twe tumaze tuyobora ikipe ya Musanze FC, dukurikije amafaranga twakoreshaga muri iyi myaka tukabona ingengo y’imari igenda igabanuka, twabonye ko bishobora kuzatujyana habi kandi ikipe ya Musanze FC ifite abakunzi benshi. Nyuma yo gusanga natwe ubwacu abafatanyabikorwa dushyiramo amafaranga hakaba harabuze abandi kandi mu nkarere harimo imishinga myinshi, twasanze ikipe itatera imbere ku bushobozi bwacu gusa kandi amafaranga akarere gashyiramo kagenda kayagabanya ukurikije n’ukuntu ibintu byagehenze ku masoko.'
Abeguye harimo perezida Tuyishime Placide, visi perezida wa mbere Rwabukamba JMV, visi perezida wa 2 Rwamuhizi Innocent, perezida w’abafana Nsanzumuhire Dieudonne n’umujyanama w’ikipe, Habineza Haruna. Uretse aba kandi bivugwa ko hari n’abandi bashobora gusiga iyi kipe harimo n’ushinzwe ubuzima bwa buri munsi bw’ikipe akaba n’umuvugizi wayo, Uwihoreye Ibrahim.
Amakuru ISIMBI yamenye ni uko iyi kipe Akarere ka Musanze kayigeneye ingengo y’imari ingana na miliyoni 100 mu mwaka w’imikino wa 2021-2022. Ubuyobozi bw’iyi kipe bukaba bwarasanze bitahura n’ikipe bifuza gukoresha.
Mu minsi ishize nibwo twabagejejeho inkuru y’uburyo ubuyobozi bw’iyi kipe bushinja akarere kwivanga mu mikorere y’iyi kipe aho banayisabye kutagira ikintu bongera gukora batakamenyesheje.
Source : http://isimbi.rw/siporo/article/perezida-wa-musanze-fc-yeguye
Ibi abakuru b’ibihugu byombi babigarutseho kuri uyu wa 2 Kanama 2021, ubwo bari mu muhango wo gusinya amasezerano y’ubufatanye mu nzego zitandukanye.
Muri uru ruzinduko rwa Samia, hasinywe amasezerano atanu arimo ay’ubufatanye mu ikoranabuhanga n’itumanaho. Byasinyanye kandi ay’ubufatanye mu bijyanye n’urujya n’uruza rw’abantu n’ibintu, uburezi n’amabwiriza agenga ibijyanye n’imiti.
Nyuma yo gushyira umukono kuri aya masezerano, Perezida Kagame yavuze ko u Rwanda na Tanzania ari ibihugu by’inshuti bisangiye ibirenze umupaka.
Ati “U Rwanda na Tanzania bisangiye ibirenze umupaka, igihango gikomeye dufitanye mu bijyanye n’amateka n’ubushake duhuriyeho bwo gutanga ibyiza ku baturage bacu bwagiye buba izingiro ry’ubufatanye bwacu.”
Yakomeje avuga ko aya masezerano yasinywe agaragaza ubushake bw’ibihugu byombi mu kurushaho guteza imbere umubano ubyara inyungu.
Ati “Gusinyana aya masezerano ni ukwiyemeza ko uru ruzinduko rutuganisha ku musaruro ufatika kandi rukongera kuvugurura ubufatanye n’umubano w’ibihugu byombi.”
“Ibi kandi bitanga izindi mbaraga nshya ku bikorwaremezo n’imishinga y’ishoramari mishya igamije inyungu ku mpande zombi by’umwihariko mu bijyanye n’umuhanda wa gari ya moshi, gutunganya umusaruro w’amata n’ibijyanye n’imikorere ivuguruye y’icyambu.”
“U Rwanda rwiteguye gukorana bya hafi n’abavandimwe bacu bo muri Tanzania mu bijyanye n’Umuryango wa Afurika y’Iburasizuba no mu bindi.”
Perezida Kagame yakomeje avuga ko kugira ngo akarere karenge ibibazo gafite bisaba ubufatanye bukomeye.
Ati “Ibibazo akarere kacu gahura nabyo byabasha gukemurwa binyuze mu bumwe butajegajega no kubyaza umusaruro amahirwe afite inyungu ku mpande zombi.”
Perezida Samia Suluhu yashimiye Perezida Kagame ku bw’ubutumire, avuga ko amufata nk’umuvandimwe kandi byamweretse ko u Rwanda ruba hafi ya Tanzania.
Ati “Nashakaga gushimira musaza wanjye Perezida Paul Kagame kuba yarantumiye ngo nze mu Rwanda, iri ni ishema rikomeye cyane kuri twe biratwereka ko u Rwanda ruri hafi ya Tanzania, Tanzania nayo ikaba iri hafi y’u Rwanda.”
Yashimye uburyo Abanyarwanda babaye hafi y’Abanya-Tanzania ubwo bapfushaga Perezida, Dr John Pombe Magufuli.
Ati “Nashakaga gukoresha uyu mwanya mu izina rya Leta n’Abanya-Tanzania bose ngo ntange ubutumwa bwo kubihanganisha mwebwe Perezida, Leta n’abaturage b’u Rwanda kubera amahano ya Jenoside yabaye muri Mata.”
“Ndongera gushimira wowe Perezida Kagame n’abaturage b’u Rwanda muri rusange kuba mwarabanye natwe mu gihe igihugu cyacu cyanyuraga mu kiriyo cyo kubura umuyobozi wacu Dr John Pombe Magufuli wari Perezida wa Tanzania. Turabashimira cyane ku bufatanye no kudufata mu mugongo.”
Yavuze ko ibiganiro yagiranye na Perezida Kagame byibanze ku kureba uko ubucuruzi bukorwa hagati y’ibihugu byombi bwatezwa imbere kurushaho.
Ati “Ibiganiro byacu byibanze ku guteza imbere ubufatanye mu bucuruzi hagati yacu. Nk’uko mubizi ku Isi, ubu umubano w’ibihugu uri cyane mu bijyanye n’ubucuruzi ku bw’ibyo ni ngombwa ko natwe tujya muri icyo cyerekezo hamwe n’ibindi bintu bitandukanye muri politike yacu mu Muryango wa Afurika y’Iburasirazuba n’ahandi.”
“Ariko igikomeye twemeranyije ni ugukomeza ubufatanye kurushaho. Tanzania n’u Rwanda turi mu bucuruzi, umubano mwiza dusanganywe haracyari ahantu henshi dushobora kuwukoresha mu guteza imbere ubucuruzi mu nyungu z’impande zombi uko ari ebyiri.”
Samia Suluhu uri mu ruzinduko rw’iminsi ibiri mu Rwanda biteganyijwe ko azasura Urwibutso rwa Jenoside rwa Kigali ruri ku Gisozi n’icyanya cyahariwe inganda i Masoro.