Webrwanda Backend

Author: webrwanda

  • Meddie Kagere yaba yaramaze kongera amazezerano muri Simba SC #rwanda #RwOT

    Rutahizamu w’umunyarwanda wari usoje amazezerano ye mu ikipe ya Simba SC, Meddie Kagere amakuru avuga ko yamaze kongera amasezerano nubwo ikipe itarabitangaza.

    Meddie Kagere yari ku mpera z’amasezerano ye mu ikipe ya Simba SC, ni nyuma y’imyaka 3 akinira iyi kipe ibarizwa Msimbazi.

    Amakuru yavugaga ko atonzengera amasezerano muri iyi kipe bitewe n’uko atabonye umwanya uhagije wo gukina ku mwaka we wa nyuma.

    Havuzwe amakipe menshi ashobora kwerekezamo harimo na APR FC yo mu Rwanda bivugwa ko ikirimo no kumvugisha, hari na Yanga mukeba wa Simba SC.

    Bimwe mu binyamakuru byo muri Tanzania birimo Global Publishers byatangaje ko uyu rutahizamu yamaze kongera amasezerano nubwo ikipe ye itarabitangaza, ngo izabitangaza bari hafi gutangira imyitozo.

    Meddie Kagere mu minsi ishize abajijwe aho azerekeza mu mwaka utaha w’imikino, yavuze ko abantu bakihangana ko ari vuba kandi ari ‘Surprise’.

    Mu myaka 3 amaze muri iyi kipe yatwaranye nayo ibikombe 3 bya shampiyona, aba rutahizamu watsinze ibitego byinshi mu myaka 2 ye ya mbere aho umwe yatsinze 23 undi 21, umwaka we wa nyuma yatsinze ibitego 13.

    Meddie Kagere ashobora kuba yaramaze kongera amasezerano

    Source : http://isimbi.rw/siporo/article/meddie-kagere-yaba-yaramaze-kongera-amazezerano-muri-simba-sc

  • Muhanga: Rurageretse hagati y'Akarere n'abahoze ari abakozi birukanwe #rwanda #RwOT

    Abahoze ari abakozi b'Akarere ka Muhanga bamaze gutanga ibirego byabo muri komisiyo ishinzwe abakozi ba Leta n'umurimo ndetse hari na bamwe muribo basubijwe mu kazi ariko akarere kinangira kubasubiza mu myanya bityo bitabaza inkiko.

    Bamwe mubo twabashije kumenya ndetse bakanahamya aya makuru bavuga ko birukanwe mu buryo budakurikije amategeko, ibi bikaba byaratumye biyambaza inzego zisumbuyeho bagamije gushaka ubutabera buhamye kandi bubereye uwarenganye.

    Umwe muri bo ati' Nibyo koko twarirukanwe biranatubabaza kandi mu kazi kacu  twaritangiye gukora neza inshingano zacu uko bikwiye, ariko tuza kwirukanwa kubera impamvu za bamwe batashakaga ko dukomeza gutanga umusanzu wacu kubera inzangano ziri hagati y'abantu no kwirirwa bashakira abantu amakosa kugirango babikize'.

    Undi ati' Ibintu byatubayeho nta handi nzi byabaye, kubona wirukana umukozi utarigeze umugaragariza amakosa afite mu kazi? Hari abakozi bakora inshingano zabo bakongeraho no kwirirwa bashaka amakosa ku bakozi bamwe ndetse bagatanga raporo zigafatwa nk'ivanjiri imbere y'abayobozi maze umukozi akirukanwa nta kosa na rimwe afite rigaragara muri dosiye ye'.

    Mu makuru twamenye, nuko hari n'abandi bakozi birukanwe ndetse bamaze kwishyira hamwe bagashaka abazabunganira mu mategeko bityo bakaba bagiye nabo kugana inkiko mucyo bise guca akarengane nyuma yo gusabwa ko bandika begura ku nshingano zabo mu ntangiriro z'umwaka wa 2020. Gusa hari n'uwo Komisiyo y'Igihugu ishinzwe abakozi ba Leta n'umurimo yasubije mu kazi ariko akarere karinangira kubera ko hari abandi bahuje ibibazo nabo basaba kugasubizwamo.

    Umuyobozi w'Akarere ka Muhanga, Kayitare Jacqueline aherutse kubwira itangazamakuru ko byaba bitangaje kubona umuntu wanditse asezera ku kazi ke avuga ko ajyanwe n'impamvu ze maze akajya kurega akarere. Yongeyeho ko akarere gafite ubuzima gatozi bityo igihe kazahamagarwa mu nkiko kakwitaba ndetse kagatanga ibisobanuro kubyo kazabazwa bijyanye n'inshingano zako.

    Umuyobozi w'Akarere ka muhanga.

    Nubwo ubuyobozi buvuga ko bwiteguye kubazwa inshingano zabwo, aba birukanwe mu kazi bemeza ko bitewe n'imikorere y'abakozi baka karere ndetse na bamwe mu bayobozi ngo gutera imbere biri kure kubera hari bamwe bagifite iturufu y'amoko ndetse no kwanga abo batumva ibintu kimwe, ibyo kwirukanwa mu kazi kwa bamwe mu bakozi bigafatwa nka 'munyumvishirize'.

    Kugeza ubu nuko muri aka karere hari munyangire ikurikirwa na munyumvishirize ishingiye ku nzangano, ndetse utavuga rumwe n'ibitekerezo bya bamwe akitwa 'Ikigarasha' hagamijwe kumushakira ibyaha byo kumwikiza no kumwambura ijambo doreko hari n'abakozi bazwiho ibijyanye n'amoko bakanabyibonamo.

    Mu bushakashatsi bwakozwe na Komisiyo y'Igihugu ishinzwe kurwanya Jenoside uko imyaka igenda ishira bugaragaza ko muri aka karere hari ibigaragaza ko hakiri abaturage bakibonamo amoko bishobora guhembera amacakubiri.

    Hari tariki ya 29 Mutarama 2020 ubwo abakozi basaga 60 banditse basezera ku kazi mu kiswe ko banditse ku bushake bwabo, ariko abari abakozi bo bakaba baremeje ko'basabwe kwandika basezera mu kazi'kandi bamwe muri aba bari muri za konji ndetse mu birukanwe hakaba hari n'abatarabonye ibyo bagenerwaga n'amategeko batarava mu nshingano.

    Akimana Jean de Dieu

    Source : https://www.intyoza.com/muhanga-rurageretse-hagati-yakarere-nabahoze-ari-abakozi-birukanwe/

  • Perezida Kagame yasabye Samia ubufasha bw’abarimu bo kwigisha Igiswahili – #rwanda #RwOT

    Kuva mu 2017, Igiswahili ni ururimi rwa Kane rwemewe mu butegetsi bw’u Rwanda. Na mbere y’uko uwo mwanzuro ufatwa, cyari gisanzwe kivugwa kinakoreshwa bitewe ahanini n’amateka n’ibihugu bihana imbibi n’u Rwanda bigikoresha nka Repubulika Iharanira Demokarasi ya Congo, Kenya na Tanzania.

    Igiswahili ni ururimi rukoreshwa cyane mu mirimo y’ubucuruzi mu bihugu bihuriye mu Muryango wa Afurika y’Uburasirazuba ( EAC).

    Ubwo yakiraga Suluhu ku meza mu musangiro wabereye muri Kigali Convention Centre, Perezida Kagame yakomoje ku giswahili dore ko mu ijambo rye rigufi yarivuze mu Cyongereza n’Igiswahili.

    Yavuze ko Igiswahili ari uririmi abantu bakunda, ruhuza abantu cyane cyane abo muri Afurika y’Iburasirazuba. Yagaragaje ko Tanzania n’u Rwanda bihuriye kuri byinshi birimo urwo rurimi n’umuco.

    Ati “Tanzania n’u Rwanda bihuriye ku bintu byinshi birimo umuco, ururimi n’ubucuruzi. Abantu bacu kare bageragezaga kuvuga Igiswahili, ndatekereza ko hari intambwe nziza iri guterwa. Na Guverinoma yacu yafashe umwanzuro wo gutangira kwigisha Igiswahili mu mashuri, rero nagusabaga ko waduha umusanzu w’abatwigisha Igishwahili.”

    Abo Perezida Kagame yavugaga bagerageje kuvuga Igiswahili ni Umuyobozi Mukuru ushinzwe Itangazamakuru mu Biro by’Umukuru w’Igihugu, Vivianne Mukakizima, wakivuze neza mu muhango w’isinywa ry’amasezerano hagati y’ibihugu byombi wabaye ku munsi wa mbere w’uruzinduko rwa Samia mu Rwanda.

    Perezida Kagame yavuze ko Abanyarwanda bishimiye kwakira Samia ndetse ko ahawe ikaze mu Rwanda n’ikindi gihe.

    Umukuru w’Igihugu yavuze ko u Rwanda na Tanzania byifuza gukomeza gukorana mu guteza imbere akarere n’ukwihuza kwa Afurika nk’umugabane muri rusange.

    Yagaragaje ko hari amahirwe, impano n’ibindi byatuma abaturage bo muri EAC batera imbere, bityo za Guverinoma zifite inshingano zo gushora imari muri ayo mahirwe kugira ngo inyungu zibagereho.

    Si ubwa mbere u Rwanda rusabye Tanzania ubufasha mu bijyanye no kwigisha Igiswahili kuko no mu 2017 Magufuli wayoboraga iki gihugu yakiriye uwari Minisitiri w’Uburezi w’u Rwanda, Dr. Musafiri Papias Malimba.

    Icyo gihe bivugwa ko yamugejejeho ubutumwa bwa mugenzi we w’u Rwanda bwarimo n’ubusabe bw’abarimu bo gutanga umusanzu mu kwigisha Igiswahili.

    Bibarwa ko abaturage bavuga Igiswahili babarirwa hagati ya 50.000.000 na 100.000.000.

    Igiswahili ni uruvange rw’icyarabu n’ururimi rw’abaturage bo mu karere ka Afurika y’Iburasirazuba baturiye inyanja. Urwo rurimi rwateye imbere cyane mbere y’uko Afurika itangira gukolonizwa, bitewe ahanini n’abacuruzi b’Abarabu bakundaga kurukoresha baganira n’abaturage.

    Perezida Kagame na mugenzi we wa Tanzania, Samia Suluhu Hassan, ubwo bageraga muri KCC ahabereye uyu musangiro

    Perezida Kagame yakiriye ku meza Perezida Samia uri mu ruzinduko rw’iminsi ibiri mu Rwanda

    Abakuru b’ibihugu byombi bashimye intambwe imaze guterwa mu rugendo ruganisha ku iterambere ry’impande zombi

    Perezida Kagame ubwo yakiraga Samia n’abamuherekeje

    Perezida Kagame yavuze ko Igiswahili ari ururimi ruhuza abantu bityo ko Tanzania yafasha u Rwanda mu kurwigisha abaturage

    Minisitiri muri Primature, Ines Mpambara, ni umwe mu bari bitabiriye uyu musangiro

    Meya w’Umujyi wa Kigali, Pudence Rubingisa na Minisitiri w’Uburezi, Dr Uwamariya Valentine bari bitabiriye uyu musangiro

    Amafoto: Village Urugwiro

  • Perezida Kagame yakiriye ku meza Suluhu wa Tanzania – #rwanda #RwOT

    Perezida wa Tanzania yageze mu Rwanda mu masaha y’igitondo cyo kuri uyu wa Mbere mu ruzinduko rwe rwa mbere kuva yarahirira izi nshingano.

    We na Perezida Kagame bagiranye ibiganiro byihariye, byibanze ku bufatanye bukwiye gukomeza kuranga impande zombi mu bijyanye n’ubucuruzi ndetse n’ibindi bitandukanye.

    Nyuma y’ibiganiro, abakuru b’ibihugu byombi bakurikiye umuhango w’isinywa ry’amasezerano atanu agamije kunoza imibanire.

    Amasezerano yasinywe arimo ay’ubufatanye mu ikoranabuhanga n’itumanaho, ay’ubufatanye mu bijyanye n’urujya n’uruza rw’abantu n’ibintu, uburezi n’amabwiriza agenga ibijyanye n’imiti.

    Perezida Suluhu kandi yasuye urwibutso rwa Jenoside rwa Kigali ruri ku Gisozi, yunamira inzirakarengane zirenga ibihumbi 250 zirushyinguyemo.

    Ku munsi wa kabiri w’uruzinduko rwe, byitezwe ko Perezida Kagame na Perezida Suluhu bazasura icyanya cyahariwe inganda kiri i Masoro, gitanga akazi ku bantu barenga ibihumbi 13.

    Perezida Kagame yakiriye ku meza Perezida Suluhu wa Tanzania

    Abakuru b’ibihugu byombi bagiranye ibiganiro ndetse banakurikira umuhanga w’isinywa ry’amasezerano hagati y’ibihugu byombi

    Perezida Samia Suluhu Hassan ageza ijambo ku bari bitabiriye uyu musangiro

    Uyu musangiro washimangiye umubano mwiza uri hagati y’ibihugu byombi n’intumbero iganisha ku iterambere ry’abaturage abayobozi babyo bafite

  • U Rwanda rwabonye umwenda wa miliyoni 620$ aturutse mu mpapuro mpeshamwenda – #rwanda #RwOT

    Abashoramari bakomeje kugaragaza inyota yo kugura impapuro mpeshamwenda z’u Rwanda, kuko zakuruye ishoramari rya miliyari 1,6$, bigatuma inyungu igera kuri 5,5% mu myaka 10 zizamara.

    Minisitiri w’Imari n’Igenamigambi, Dr. Uzziel Ndagijimana, yatangaje ko kuba abashoramari benshi bifuzaga kugura impapuro mpeshamwenda z’u Rwanda, byerekana icyizere ubukungu bw’igihugu bufitiwe ku ruhango mpuzamahanga.

    Ati “U Rwanda ruzwiho kuba rwarashyizeho ingamba zatumye ubukungu bw’igihugu butera imbere, ishoramari rikiyongera, amafaranga y’imyenda agakoreshwa neza ndetse [u Rwanda] rukaba rufite amahirwe menshi y’uko ubukungu buzazahuka vuba nyuma y’icyorezo cya Covid-19.”

    U Rwanda ruherutse guhabwa inota rya ’B+’ n’Ikigo cya Fitch Ratings, rigaragaza ko ubukungu bwarwo buhagaze neza ku buryo igihugu gifite ubushobozi bwo kwishyura umwenda gifite.

    Hafi kimwe cya kabiri cy’aya mafaranga, azakoreshwa mu kwishyura undi mwenda wa miliyoni 400$ Leta yari yarafashe muri Gicurasi 2013 nabwo binyuze mu kugurisha impapuro mpeshamwenda ku isoko mpuzamahanga, igihe cyo kuwishyura kikaba kizarangira mu 2023.

    Uwo mwenda wari washowe mu bikorwa byo kwagura RwandAir ndetse no gusoza inyubako ya Kigali Convention Centre.

    Andi mafaranga asigaye azakoreshwa mu guteza imbere urwego rw’ubuzima, kurwanya ingaruka z’ihindagurika ry’ibihe, kurengera ibidukikije no guteza imbere ubuhinzi mu rwego rwo kongera umusaruro w’ibyoherezwa mu mahanga.

    Ifoto igaragaza icyicaro gikuru cya Banki Nkuru y’u Rwanda, BNR

  • Abantu 10 bahitanywe na Covid-19 – #rwanda #RwOT

    Abanduye ni abantu 720 mu bipimo 6.429 byafashwe kuri uyu munsi. Muri rusange ibipimo 2.089.868 nibyo bimaze gufatwa mu Rwanda.

    Umujyi wa Kigali niwo wanduyemo abantu banshi bagera kuri 94, ukurikirwa na Muhanga yanduyemo abantu 75 mu gihe Akarere ka Gicumbi kagize abantu 45 banduye iki cyorezo.

    Abantu 24 nibo binjijwe mu bitaro, mu gihe abandi 49 barembye.

  • Biratangaje: Yirirwaga atobora inzu z' abandi none yafatiwe mu musigiti yarambitsemo akarago #rwanda #RwOT

    Mu gihugu cya Nigeria haravugwa inkuru y'umugabo w'imyaka 31 y'amavuko witwa Hamza Usman ukomoka mu gace kitwa Maidahini watangaje abantu benshi cyane ubwo yafatirwaga mu musigiti yasinziriye nyuma y'uko yari yaraye amajoro atoboro amazu y'abandi akibamo ibikoresho bitandukanye.

    Nkuko ibinyamakuru bitandukanye byagiye bibyandika, byavuze ko uyu mugabo yafashwe tariki ya 30 Nyakanga 2021, akaba yarafatiwe mu musigiti uherereye mu gace ka Birmin Kebbi yasinziriye cyane ni nyuma yo kurara amajoro atobora inzu z'abandi arangije yibamo ibikoresho bitandukanye birimo Amatelefoni, Televiziyo, amaradiyo ndetse n'ibindi byinshi bitandukanye.

    Amakuru akomeza avuga ko uyu mugabo yakoze akazi gakomeye ko gutobora amazu bigera mu rukerera yananiwe aribwo yagiye mu musigiti kuruhuka maze aza gufatwa yasinziriye cyane yahejeje, yafashwe n'abayislamu bari baje mu musigiti gusenga mu gitondo cya kare maze bahita bamujyana mu buyobozi nabwo buhita bumufunga.

    Source : https://impanuro.rw/2021/08/03/biratangaje-yirirwaga-atobora-inzu-z-abandi-none-yafatiwe-mu-musigiti-yarambitsemo-akarago/

  • Essence niyo ndirimbo yumunyafurika iciye ag… – #rwanda #RwOT

    Mu byumweru bicye bishize, indirimbo 'Essence' ya Wizkid na Tems yinjiye mu ndirimbo 50 zumviswe kenshi kandi zikunzwe ku rukuta ruri muzikomeye kugeza ubu mu muziki ku isi rwa Apple Music; iza ku mwanya wa 48 mu mpera z’umwaka wa 2020; ikaba yarasohotse mu ndirimbo Perezida wa 44 wa Amerika, Barak Obama, yishimiye.Umuhanzikazi ukomoka muri Nigeria, Tems wakoranye na Wizkid indirimbo bise ‘Essence’ ikomeje kwandika amateka adasanzwe

    Yakomeje rero kugenda izamuka mu buryo bw'igikundiro, ikaba igeze mu 10 zikunzwe kuri Apple Music, ibintu bikomeye n'amateka atoroshye mu muziki w'umuhanzi udakomoka k'ubutaka bwa Leta zunze ubumwe z'Amerika, noneho ukomoka muri Afrika guca aka gahigo.

    Aya makuru yasakaye ahantu hose nyuma y'uko Wizkid abinyujije ku rukuta rwagenewe kunyuzwaho amakuru ye ya buri munsi, kandi rw'abafana be, banongeraho bati: 'Turabikoze, 'Essence yageze mu 10 ku rukuta rw'abanyamerika rwa 'Apple Music' niyo ndirimbo ya mbere y'umunyafurika iciye aka gahigo kuri uru rukuta rukomeye mu muziki.'

    Wizkid ufite Album ikomeje kubica bigacika yise ‘Made in Lagos’ by’umwihariko indirimbo 'Essence' yakoranye n’umuhanzikazi Tems

    'Essence' ni imwe mu ndirimbo zasohotse kuri Album ya Wizkid yitwa 'Made in Lagos' ikomeje kwandika amateka adasanzwe ku nkuta zinyuranye mu muziki zirimo Boomplay, Spotify, Apple Music n'ahandi hanyuranye.

    Iyi ndirimbo imaze igihe ica ibintu kandi, yaje no ku rukuta ruri mu nkuru 'ndetse rusumba izindi' mu muziki rwa Billboard, iza mu 100 zishyushye zikunzwe kandi ku mwanya utari mubi wa 82. Iyi ndirimbo mu buryo bw'amajwi, yageze hanze mu Ukwakira 2020 naho amashusho yayo yashyizwe hanze mu mwaka wa 2021 akaba yarafatiwe mu mujyi mugari wa Accra mu gihugu cya Ghana.

    KANDA HANO WUMVE INDIRIMBO ESSENCE IRIMUZIKUNZWE 10 KURI APPLE MUSIC

    “>

       

     

    Source : https://inyarwanda.com/inkuru/108219/essence-niyo-ndirimbo-yumunyafurika-iciye-agahigo-bwa-mbere-ko-kugera-mu-10-kuri-apple-mus-108219.html

  • Tokyo 2020: Marcell Jacobs yakuyeho agahigo k… – #rwanda #RwOT

    Ku Cyumweru tariki ya 01 Kanama 2021, Umutaliyani Marcell Jacobs yegukanye umudali wa zahabu mu mikino Olempike 2020 asize bagenzi be barimo Umunyamerika Fred Kerley n'umunya-Canada Andre de Grasse bari bahanganye.

    Jacobs yakoresheje amasegonda 9.80 mu gihe Fred Kerley wamukurikiye yakoresheje 9.84. Andre de Grasse, wari wabaye uwa 3 mu mikino ya olempike 2016 I Rio yakoresheje 9.89.

    Uyu Mutaliyani yakoresheje ibihe bito ugereranyije n'ibyo Usain Bolt yakoresheje yegukana umudali wa zahabu mu mikino Olempike yabereye i Rio muri Brazil mu 2016, akaba ariwe wa mbere uciye aka gahigo ko kwihuta cyane kurusha Bolt mu kwiruka metero 100.

    Guhera 2008 kugeza 2016, Usain Bolt niwe wegukanaga uyu mudali mu mikino Olempike ndetse no muri shampiyona z'Isi zimwe na zimwe gusa nyuma yo gusezera burundu kuri uyu mukino hatangiye kwibaza kumusimbura we.

    Impaka zari nyinshi mu binyamakuru aho benshi bahaga amahirwe uwitwa Christian Coleman waje kwivangira yanga kwipimisha ibiyobyabwenge bituma ahagarikwa mu mikino Olempike y'uyu mwaka.

    Uyu mugabo wari ufite ibihe byiza mu mikino y'isi ya Doha aho muri 100m yakoresheje amasegonda 9,70 yashyizwe ku ruhande amahirwe asigarana abarimo Andre de Grasse, Akani Simbini Justin Gatlin n'abandi.

    Gusa mu buryo butunguranye, Umutaliyani Jacobs niwe wakoreye mu ngata Bolt ndetse anakoresha ibihe byiza kuruta ibyo uyu munya-Jamaica yakoresheje mu mikino Olempike y'i Rio mu 2016.

    Jacobs wavukiye muri Amerika, yari mu karongo ka 3 yaje gukoresha neza imbaraga ze asiga bagenzi be birangira aguye mu maboko ya Gianmarco Tamberi, mwene wabo w'Umutaliyani wari umaze gutwara umudali wa zahabu mu gusimbuka urukiramende [high jump] barishimana.

    Kuva mu 2004 I Anthens mu Bugereki, nibwo bwa mbere hakinwe imikino Olempike itarimo umunyabigwi Usain Bolt, ndetse ni nabwo bwa mbere nta munya-Jamaica wabonetse ku isiganwa rya nyuma, bikaba byaherukaga kubaho mu 2000 I Sydney muri Australia.

    Umukinnyi mwiza kurusha abandi bose muri iyi mikino Olempike ni Umunyamerika w'imyaka 24 y'amavuko, umenyerewe cyane mu koga witwa Caeleb Dressel, umaze kwegukana imidali 5 ya zahabu n'umwe wa Silver aho amarushanwa yose yakinnye yabaye uwa mbere.

    Jacobs yegukanye umudali wa zahabu mu mikino Olempike asize bagenzi be

    Jacobs yakuyeho agahigo ka Usain Bolt yakoze mu 2016 i Rio muri Brazil

    Jacobs yakoze amateka akomeye mu mikino Olempike

    Source : https://inyarwanda.com/inkuru/108216/tokyo-2020-marcell-jacobs-yakuyeho-agahigo-ka-usain-bolt-mu-kwiruka-metero-100-amafoto-108216.html

  • Vestina na Dorcas bamaze gusinya muri MIE – YEGOB #rwanda #RwOT

    Ni nyuma yamagambo ndetse na mahane menshi yibyabaye bivakamo ikimeze nko kutumvikana gusa kurubu vestina n dorcas baratuje muri label yabo dore ko banasigne amasezerano yigihe kirekire bakora na MIE(M&Irene Empire).

    Ni iphoto yagaragaye kuri Instagram account ya Irene Murindahabi avuga ngo reka twigire studio tubahe imiziki.

    MIE irimo abahanzi bakunzwe cyane nka Niyo bosco ukunzwe mu ndirimbo piyapuresha ndetse na Vestina n Dorcas kurubu bakunzwe muyitwa Adonai.

    Source : https://yegob.rw/vestina-na-dorcas-bamaze-gusinya-muri-mie/