Webrwanda Backend

Author: webrwanda

  • AMAFOTO : Nyuma yo gusura inganda Perezida Kagame yaherekeje Madamu Suluhu aramusezera #rwanda #RwOT

    Perezida Kagame Paul na mugenzi we Madamu Samia Suluhu Hassan uyu munsi mu gitondo babanje gusura zimwe mu nganda ziherereye mu cyanya cyazo i Masoro aho basuye inganda zirimo Inyange Industries, Maraphhone na Volkswargen.

    Ubwo basuraga izi nganda, bageze muri bimwe mu bice bizigize berekwa imikorere n’imiyoborere byazo bikomeje gutuma izi nganda zifasha u Rwanda kuzamura ubukungu.

    Nyuma yo gusura izi nganda, Perezida Madamu Samia Suluhu Hassan yahise asoza urugendo rwe rw’iminsi ibiri mu Rwanda yatangiye kuri uyu wa Mbere tariki 02 Kanama 2021.

    Perezida Samia Suluhu yaherekejwe na mugenzi we Perezida Paul Kagame ku kibuga cy’indenge cya Kigali i Kanombe aho yamusezeyeho ahita yerecyeza muri Tanzania mu Gihugu cye.

    Ni uruzinduko rwakozemo byinshi birimo isinywa ry’amasezerano hagati y’Ibihugu byombi ndetse no gusura ibikorwa binyuranye aho Perezida Samia Suluhu kuri uyu wa Mbere yasuye Urwibutso rwa Kigali ruherereye ku Gisozi rushyinguyemo inzirakarengane ibihumbi 250 zazize Jenoside Yakorewe Abatutsi.

    Ku mugoroba wo kuri uyu wa Mbere kandi Perezida Kagame yakiriye mugenzi we Samia Suluhu ku meza barasangira aho bongeye kugaruka ku mibanire myiza yakunze kuranga ibi bihugu byombi.

    UKWEZI.RW

    Source : http://www.ukwezi.rw/mu-rwanda/3/article/AMAFOTO-Nyuma-yo-gusura-inganda-Perezida-Kagame-yaherekeje-Madamu-Suluhu-aramusezera

  • Tunisia yanze kwakira igikombe cy’Afurika gihabwa u Rwanda #rwanda #RwOT

    Nyuma y’uko Tunisia itangaje ko ititeguye kwakira igikombe cy’Afurika mu bagabo n’abagore, cyahise gihabwa u Rwanda.

    Ku munsi w’ejo hashize nibwo Impuzamashyirahamwe y’Umukino wa Volleyball muri Afurika (CAVB) yatangaje ko aya marushanwa azaba tariki ya 5 kugeza 20 Nzeri 2021, azabera i Kigali muri Kigali Arena.

    Iyi mikino ikaba izatanga itike y’igikombe cy’Isi cya 2022 kizabera mu Burusiya. Iki gikombe cy’Afurika kizabera mu Rwanda kikaba kizitabirwa n’amakipe y’ibihugu bya Afurika aho kwiyandikisha bizarangira ku wa 6 Kanama 2021.

    Mu bagabo, ikipe y’u Rwanda iheruka kwitabira iyi mikino ya Afurika ubwo yaberaga muri Misiri muri 2017 aho yasoreje ku mwanya wa gatandatu.

    Mu bagore, ikipe y’u Rwanda yaherukaga gukina iri rushanwa Nyafurika muri 2011 ubwo ryari ryabereye muri Kenya hashakishwaga itike y’Igikombe cy’Isi. Aha, iyi kipe y’u Rwanda yasoreje ku mwanya wa cyenda mu makipe icyenda.

    Iyi mikino ikaba yagombaga kubera muri Tunisia ariko iki gihugu kikaba cyaratangaje ko cyo cyiteguye kwakira irushanwa ry’abagabo gusa, ni mu gihe CAVB yo yashakaga ko yakirwa n’igihugu kimwe niko kuyizana mu Rwanda.

    U Rwanda ruzakira igikombe cy’Afurika muri Volleyball

    Source : http://isimbi.rw/siporo/article/tunisia-yanze-kwakira-igikombe-cy-afurika-gihabwa-u-rwanda

  • Ese ugira ishyari? #rwanda #RwOT

    Kuko mukiri aba kamere. Ubwo muri mwe harimo ishyari n’amahane, mbese ntimubaye aba kamere koko ntimugenza nk’abantu? 1Abakorinto 3:3.

    Umunsi umwe, ubwo nari ndimo kuganira n’abo mu rugo, nafashe ijambo kugira ngo mbahe ubuhamya n’amarangamutima y’igitangaza Imana yari imaze gukora mu muryango wacu. Umuhungu n’umukazana bacu bari barifuje kuba ababyeyi imyaka myinshi. Ibisubizo bya muganga bijyanye n’uburumbuke bwabo byari birimo ikibazo kandi umwanzuro wa nyuma babahaye wari uko bazigera bashobora kubyara bisanzwe. Mbega igikuba ku mitwe yabo!

    Ariko, nyuma yamasaha 48, uwo mugore ukiri muto, abonyeko atinze kubona imihango, yahisemo kwipimisha inda, ibisubizo byagaragaje ko atwite! Ndababwiza ukuri nari nikoreye uyu mutwaro mu masengesho igihe kirekire. Umutima wanjye wari wuzuye gushima Imana. Mugihe nabwiraga abantu iyi nkuru nziza, nari niteze ko bose iza kubashimisha.

    Ariko umuntu yarantangaje ku buryo butunguranye kugira ngo arwanye ubuhamya bwanjye. Ambwira ko n’ubwo yahanuriwe ndetse agasengerwa bikomeye nta mwana azabyara. Mbega kugwa mu kantu! Njye, nizeraga kwinjira mugihe cyo guhimbaza Imana ikura ibishoboka mu bidashoboka.

    Intego yanjye ntabwo ari ugucira urubanza uyu mugore wagaragaje ububabare, ahubwo ni ugutekereza ku ishyari. Bibiliya mu Baroma 12:15 iraduhamagarira kwishimana n’abishimye. Birashoboka ko ubungubu umutima wawe uremerewe; nyamara, niba umuturanyi wawe afite ibihe bidasanzwe byo gutera imbere, gukorakora ku Mana, kuki utashyira ku ruhande ibyiyumvo byawe bwite hanyuma ukitabira ibirori, nta mpamvu zikomeye?

    Ishyari ni isoko y’uburakari, umujinya, kunegura; rirasenya: Ishyari ryateje urupfu rwa Kayini, kugurishwa nk’umucakara kwa Yozefu, gushaka kwica Dawidi n’ibindi byinshi. Mu bihe byo hambere Imana yaremye umuntu imwitezeho ko azayubahisha, ariko abantu barushijeho kugomera Imana. Yesu araduhamagarira kutagirira ishyari umuturanyi wacu ati: 'Mbese hari icyambuza kugenza ibyanjye uko nshaka, ko undeba igitsure, kuko ngize ubuntu!’ (Matayo 20.15)

    Buri wese muri twe amenye ko Imana ari Yo cyitegerezo cyacu kandi ko yahamagariwe kwera imbuto: Reka tureke kwigereranya n’umuturanyi wacu, twifuza umuhamagaro we, umuryango we, umwuga we, ibintu bye, impano z’ubuhanzi n’ibindi. Ntugahangayikishwe na gahunda Imana ifitiye umwe cyangwa undi. Yesu aratubwira ati: Yesu aramusubiza ati 'Niba nshaka ko agumaho kugeza aho nzazira, upfa iki? Nkurikira.' (Yohana 21.22)

    Isengesho ry’uyu munsi

    “Urakoze Mwami ku bw’iyi nyandiko inyereka ishyari n’ingaruka zaryo mbi. Mfasha kurinda umutima wanjye kuruta ibindi byose birindwa. Ubwami n’ububasha n’icyubahiro ni ibyawe iteka ryose. Amen!

    Source: www.topchretien.com

    [email protected]

    Source : https://agakiza.org/Ese-ugira-ishyari.html

  • 17 barimo Mugabe Aristide barerekeza muri Senegal #rwanda #RwOT

    Umunya- Sénégal Dr Cheikh Sarr akaba umutoza w’ikipe y’igihugu y’u Rwanda ya Basketball yatoranyije abakinnyi 17 barimo na Mugabe Aristide bagomba kwerekeza Dakar muri Senegal gukina imikino ya gicuti bitegura igikombe cy’Afurika kizabera mu Rwanda.

    Biteganyijwe ko u Rwanda mu rwego rwo kwitegura iri rushanwa rya Afrobasketb rizaba hagati ya tariki ya 24 Kanama n’iya 5 Nzeri 2021, ruzakina imikino ibiri ya gicuti na Senegal ndetse na Guinea tariki ya 10 na 14 Kanama.

    Biteganyijwe ko iyi kipe izahaguruka mu Rwanda ku wa Gatanu w’iki cyumweru tariki ya 6 Kanama tariki ya 16 Kanama 2021, ibi bikazafasha umutoza kumenya urwego rw’abakinnyi afite azajyana mu irushanwa.

    Abakinnyi 17 b’Ikipe y’Igihugu bagomba kujya muri Senegal ni: Gasana Kenneth Wilson Herbert, Nkusi Arnaud, Hagumintwari Steven, Nshobozwabyosenumukiza Wilson, Ibeh Prince Chinenye, Ntore Habimana, Kaje Elie, Ntwari Marius Trésor, Kazeneza Emile Galois, Sagamba Sedar, Manzi Stephane, Sangwe Armel, Mpoyo Axel Olenga, Shyaka Olivier, Mugabe Aristide, Williams Robeyns na Ndizeye Ndayisaba Dieudonné.

    Ikipe y’igihugu ya Basketball igiye kwerekeza muri Senegal

    Mugabe Aristide nyuma y’imyaka 3 yongeye kugaruka mu ikipe y’igihugu

    Source : http://isimbi.rw/siporo/article/17-barimo-mugabe-aristide-barerekeza-muri-senegal

  • Harabura Igazeti ya Leta ngo abahawe imbabazi barekurwe – RCS #Rwanda #RwOT via @kigalitoday #rwanda #RwOT

    Abagororwa bemerewe gufungurwa bategereje imyanzuro ikubiye mu Igazeti ya Leta
    Abagororwa bemerewe gufungurwa bategereje imyanzuro ikubiye mu Igazeti ya Leta

    Umuvugizi wa (RCS), SSP Uwera Pelly Gakwaya, atangaza ko iyo Inama y’Abaminisitiri yemeje kurekura ababisabye bujuje ibisabwa, n’abahawe imbabazi na Nyakubahwa Perezida wa Repuburika, hakurikiraho kwitegura kubarekura, ariko hakagenderwa ku bikubiye mu Igazeti ya Leta isohoka nyuma yaho.

    Avuga ko ubusanzwe iyo hatangajwe abari bafunze bemerewe kurekurwa, Igazeti ya Leta idatinda ku buryo haba hategerejwe ko isaha ku isaha yasohokeraho ntawe warara muri gereza kandi yarekuwe.

    Agira ati “Umuyobozi mukuru wa RCS yemeza ko turekura abantu ashingiye ku biteganyijwe mu Igazeti ya Leta isohoka nyuma yo gutangaza ko abantu bazarekurwa, ubundi ntitinda, yasohoka nonaha yasohoka ejo ntawe warara muri gereza kandi yarekuwe”.

    Ni bande bemerewe gufungurwa by’agateganyo

    Umuvugizi wa RCS atangaza ko abantu bemerewe gufungurwa by’agateganyo bari mu byiciro bitandukanye bitewe n’ibyaha bari bakurikinweho n’ibihano bahawe.

    Nk’urugero abantu bafunze bakatiwe igifungo cy’imyaka itanu, iyo bamazemo kimwe cya gatatu ni ukuvuga nibura umwaka n’amezi umunani bandika basaba gufungurwa by’agateganyo.

    Abafunze bakatiwe n’inkiko igihano kiri hejuru y’imyaka itanu na bo bakaba bemerewe kwandika basaba gufungurwa by’abateganyo nk’uko biteganywa n’itegeko ry’imiburanishirize y’imanza nshinjabyaha No 027/2019 ryo ku wa 19 Nzeri 2019, icyakora ngo ntabwo bivuze ko uwanditse asaba wese ubusabe bwe bwemezwa.

    Agira ati “Hari ibisabwa birimo no kwandika nk’uko itegeko ribimuhera uburenganzira, ariko hari ibindi byinshi bireberwaho uko yakoze icyaha, uko yitwaye muri gereza. Abanditse bo ni benshi ariko ntabwo bemerewe bose nta n’ubwo biba birangiye hakomezwa gusuzuma bwa busabe hakurikijwe uko uwakatiwe n’inkiko yitwara”.

    Abagiye kurekurwa basabwa kwitwararika ngo batagarurwa muri gereza

    Umuvugizi wa RCS asaba abagiye kurekurwa kwitwararika kuko baramutse bakoze ibindi byaha bazagarurwa muri gereza bakarangiza ibihano bari basigaje kandi bakanahanirwa ibyaha bazaba bongeye gukora.

    Avuga ko abemerewe kurekurwa baba baragaragaje ko bitwaye neza kandi bagorowe ku buryo haba hari icyizere cy’uko bazitwara neza ariko hari n’abagera hanze bakongera gukora ibindi byaha bagasubizwa muri gereza noneho bakabanza kurangiza igifungo bari basigajemo ku cyaha cya mbere, bakabona gukurikiranwaho ikindi gitumye bongera gufungwa.

    Agira ati “Abafunguwe bababwira ibyo bagomba kugenderaho birimo kwigaragaza imbere y’inzego z’ibanze, kuba bashobora kujya bitaba ubushinjacyaha n’ibindi basabwa bizasohoka mu igazeti ya Leta. Abatazubahiriza amabwiriza bafite ibyago byo kugaruka muri gereza, tuba twarakoze ibishoboka tukagorora ugiye kurekurwa, bakwiye kugerageza kwitwara neza”.

    Abagiye gufungurwa bemejwe n’Inama y’Abaminisitiri ni 4781, abagabo 4617 n’abagore 164, hakaba n’abagore 10 bahawe imbabazi na Nyakubahwa Perezida wa Repuburika bari bafungiye kwikuramo inda.

    Avuga ko kuva Covid-19 yakwaduka mu Rwanda hashyizweho umwihariko wo gucyura abarangije ibihano bakatiwe n’inkiko bakabageza ku buyobozi bw’inzego z’ibanze aho bari batuye, mu rwego rwo kubarinda kwandura.


  • Minisitiri w’Ingabo wa Tanzania yitabye Imana #Rwanda #RwOT via @kigalitoday #rwanda #RwOT

    Ministiiri w
    Ministiiri w’Ingabo wa Tanzania, Elias John Kwandikwa yitabye Imana

    Minisitiri Kwandikwa yaguye mu bitaro i Dar Es Salam aho yari yagiye kwivuza, ariko nta byinshi bifuje gutangaza kuri urwo rupfu rwe.

    Ibiro bya Perezida wa Tanzania byandikiye Itangazo i Kigali kuri uyu wa Kabiri, rikubiyemo ubutumwa bw’akababaro bwohererejwe Umugaba Mukuru w’Ingabo za Tanzania, Gen Salvatory Venance Mabeyo.

    Iryo Tangazo rivuga ko Perezida Samia Suluhu Hassan yababajwe n’urupfu rwa Minisitiri Kwandikwa, wari n’umudepite mu Nteko Ishinga Amategeko ya Tanzania uhagarariye agace kitwa Ushetu mu Ntara ya Shinyanga.

    Itangazo ry’ubutumwa bwa Perezida Suluhu rigira riti “Tubuze umuntu w’ingirakamaro, uruhare yagiraga mu mirimo itandukanye ntiruzibagirana. Kwandikwa yari umuyobozi w’intwari, wajyaga wita ku nshingano, akubahiriza amategeko”.

    Perezida Suluhu yihanganishije umuryango wa nyakwigendera, Ingabo ndetse n’Abanyatanzaniya muri rusange.

    Kwandikwa yagizwe Minisitiri w’Ingabo na Nyakwigendera Perezida John Pombe Magufuli ku itariki 05 Ukuboza 2020, ubwo yari amaze gutorerwa kuyobora manda ya kabiri.

    Kuri uyu munsi wa kabiri w’uruzinduko rwa Perezida Samia Suluhu Hassan mu Rwanda, biteganyijwe ko asura agace kahariwe inganda i Masoro ndetse n’uruganda rwa Inyange rukora amata ruri ahitwa kuri 15.

    Ubutumwa bwa Perezida wa Tanzania, Samia Suluhu Hassan
    Ubutumwa bwa Perezida wa Tanzania, Samia Suluhu Hassan


  • Ubuhamya bwa Anja Imana yakijije covid-19 #rwanda #RwOT

    Yesu ashimwe! Nitwa Anja, mperereye muri Afurika y’Epfo. Ndashaka kubasangiza ubuhamya bwanjye bw’uburyo Imana yankijije covid-19 ndetse igafungura imitsi yanjye kubwo kugira kwizera kungana n’akabuto ka sinapi.

    Naje kurwara Covid-19. Nari ndembye cyane ku rwego rukomeye; igituza cyanjye gifunze. Narwanaga no guhumeka kandi simbishobore kuko nta mwuka wo guhumeka (oxygen) nari mfite. Nisanze nuzuye inshinge mu ntoki no mu birenge.

    Ntabwo nigeraga numva uburyohe cyangwa guhumuriwa, mubyukuri umubiri wanjye wari umerewe nabi, kandi umuhogo wanjye wari ukakaye; Sinigeze mbona 2021, ariko na none, kubwo kwizera, nasabye umukunzi (fiance) wanjye kuvugana na pasiteri wanjye ansengera kuri terefone hanyuma igituza cyanjye kirafunguka noneho mbasha guhumeka.

    Nyuma yo kujya mu kato, nabonye icyo bita Covid Pneumonia, igituza cyanjye cyarongeye kirifunga, mbese byari bikomeye cyane.

    Iki gihe nagize ubwoba kuko fiancé wanjye atari mu rugo kandi ijwi ryanjye ryari ryarashize, kandi nzi ko nagerageje kubaho mu bukiranutsi, ariko igitekerezo cyanjemo mu bwonko kivuga ngo 'Uriteguye guhura na Data?' Imbere muri njye, nari ncyumva ko nshobora kandi nkwiriye gukora byinshi kugira ngo noze umubano mwiza n’Imana.

    Nabonye noneho ko ngiye gupfa ntasezeye kandi ntagize icyo mpindura. Nari nzi ko byibuze mbabarira abantu bambabaje, ariko nashakaga gusezera, byibuze ku muryango wanjye. Nahisemo ko ngiye kurwana intambara ikomeye byanga bikunda.

    Nanditse ubutumwa mbwohereza kuri pasiteri wanjye musaba ko ansengera mu izina rya Yesu, kandi na none, kubwo kwizera, igituza cyanjye cyarongeye kirafunguka, mbasha kongera guhumeka. Nyuma y’ibyo, natanze ibizamini by’amaraso ndangije mva amaraso menshi, ariko na none, Yesu yaje kunsanga arankiza.

    Nagarutse ku kazi ndetse ndakomeye meze neza. Byongeye kandi, nkoresha buri segonda mbwira abantu bose ko Imana ibaho, iracyakora ibitangaza byinshi, kandi Idukeneyeho kuyizera. Ntiyigeze adutererana cyangwa ngo Idute.

    Tugomba gushima Imana no Kuyirata mugihe cy’umuyaga, ubuzima waba unyuramo bwose, imiraba yose uhura na yo, rimwe na rimwe, ibi bintu bibaho kubwimpamvu; irahari kugira ngo igukomeze kugira ngo ubashe gukemura inzitizi zose ziza mu nzira yawe.

    Nize gushyira ibintu byose mu maboko y’Imana kuko ni Yo ibasha kugira icyo irema kandi ikagikomeza. Ni Yo itanga, ni Imana ikora ibitangaza kandi ntidusaba byinshi. Icyo ishaka ni uko dukora, kwemera ibyaha byacu no kwizera ko umwana wayo yadupfiriye ku musaraba kandi dufitanye isano ya hafi na We. Igitabo cy’Ibyahishuwe kirimo gisohora nkuko tuvuga. Ni ngombwa kwitwikiriza amaraso ya Yesu hejuru yawe n’umuryango wawe no kwambara intwaro zuzuye z’Imana.

    Muri macye dusangiye ubuhamya bwo gukira kwanjye, kugira ngo abantu bamenye ko Imana ari iyo kwizerwa kandi ari nziza, kandi icyo dukeneye ni uguhamagara izina ryayo, kandi izaba ihari. Yizanire amaganya yawe yose. Imana izakuruhura, reka Ikuyobore, kandi Izayobora intambwe zawe.

    Imana iguhe umugisha kandi ikurindire umutekano.

    Source: www.trusting-in-jesus.com

    [email protected]

    Source : https://agakiza.org/Ubuhamya-bwa-Anja-Imana-yakijije-covid-19.html

  • Komite Nyobozi ya FERWAFA yanzuye ko abanyamahanga bongerwa bakaba 5 , shampiyona y'u Rwanda ya 2021-2022 izatangira hagati mu kwezi k' Ukwakira 2021 #rwanda #RwOT

    Kuri uyu wa mbere tariki ya 3 Kanama 2021, nibwo hateranye inama ya Komite Nyobozi y'ishyirahamwe ry'umupira w'amaguru mu Rwanda FERWAFA, yanzura ko abakinnyi b'abanyamahanga bava kuri batatu mu kiciro cya mbere bagera kuri batanu ariko hazamo umwihariko ku bigendanye n'imyaaka.

    Mu bindi iyi komite nyobozi yanzuye ni uko mu kiciro cya kabiri mu bagabo ho hanzuwe ko abanyamahanga baguma 3, ni mu gihe mu kiciro cya mbere mu bagore hemejwe ko abanyamahanga nabo baba batatu naho mu kiciro cyabo cya kabiri ho ntan'umwe wemewe.

    Muri iyi komite nyobozi kandi ni naho hanzuwe ko imikino ya shampiyona y'ikiciro cya mbere mu mwaka utaha w'imikino wa 2021-2022 uzatangira ku itariki ya 16 Ukwakira 2021.

    Kugeza ubu imikino yo mu kiciro cya mbere umwaka w'imikino wa 2020-2021 wasojwe APR FC itwaye igikombe, naho ikipe ya Sunrise FC ndetse na AS Muhanga zigiye mu kiciro cya kabiri kitarakinwa kugeza ubu.

    Amakuru RUSHYASHYA yamenye, ni uko imikino y'amakipe yo mu kiciro cya kabiri hataremezwa n'iba koko izaba, aha ishyirahamwe ry'umupira w'amaguru mu Rwanda rikaba ryavuze ko ibijyanye n'iyi mikino bizatangazwa mu minsi ya vuba.

    Muri iyo nama ya komite nyobozi ya FERWAFA, yemeje ko ingingo ya 35 mu mategeko agenga amarushanwa ya FERWAFA yavuguruwe hemezwa ko:

    Amakipe yo mu Kiciro cya mbere mu bagabo yemerewe gushyira ku rupapuro rw'umukino ''Feuille de match'' ndetse no mu kibuga abakinnyi b'abanyamahanga batanu (5) aho kuba batatu (3) nk'uko byari bisanzwe.

    Umukinnyi w'umunyamahanga wese winjiye mu Gihugu aturutse hanze yacyo agomba kuba atarengeje imyaka mirongo itatu (30) y'amavuko.

    Umukinnyi w'umunyamahanga uturuka hanze y'Igihugu kandi akaba arengeje imyaka mirongo itatu (30) kugirango yemererwe gukina mu marushanwa ategurwa na FERWAFA agomba kuba yarakiniye Ikipe Nkuru y'Igihugu cye nibura mu myaka itatu iheruka.

    Ibijyanye n'imyaka y'abakinnyi b'abanyamahanga bivuzwe haruguru ntibireba abakinnyi basanzwe bakina mu Rwanda cyangwa abazinjira mu Gihugu bakarenza imyaka mirongo itatu (30) baramaze guhabwa ibyangombwa bibemerera gukina amarushanwa ategurwa na FERWAFA.

    Amakipe yo mu Cyiciro cya Mbere mu bagore yemerewe gukinisha abanyamahanga batatu (3).

    Amakipe yo mu Cyiciro cya Kabiri mu bagabo yemerewe gukinisha abanyamahanga batatu (3).

    Amakipe yo mu Cyiciro cya Kabiri mu bagore ntabwo yemerewe gukinisha abanyamahanga.

    The post Komite Nyobozi ya FERWAFA yanzuye ko abanyamahanga bongerwa bakaba 5 , shampiyona y'u Rwanda ya 2021-2022 izatangira hagati mu kwezi k' Ukwakira 2021 appeared first on RUSHYASHYA.

    Source : https://rushyashya.net/komite-nyobozi-ya-ferwafa-yanzuye-ko-abanyamahanga-bongerwa-bakaba-5-shampiyona-yu-rwanda-ya-2021-2022-izatangira-hagati-mu-kwezi-k-ukwakira-2021/?utm_source=rss&utm_medium=rss&utm_campaign=komite-nyobozi-ya-ferwafa-yanzuye-ko-abanyamahanga-bongerwa-bakaba-5-shampiyona-yu-rwanda-ya-2021-2022-izatangira-hagati-mu-kwezi-k-ukwakira-2021

  • Perezida Samia Suluhu arasaba abayobozi ba Afurika kudatoza abaturage amacakubiri #Rwanda #RwOT via @kigalitoday #rwanda #RwOT

    Ubwo yari amaze gusura Urwibutso rwa Jenoside ku gicamunsi cyo ku wa Mbere tariki 02 Kanama 2021, Perezida Samia yavuze ko Jenoside yakorewe Abatutsi mu 1994 ari inkuru ibabaje kandi iteye agahinda yifuzaga ko yari kuba ari inkuru gusa, ariko noneho ngo yasanze ari ukuri.

    Perezida Suluhu yakomeje yandika agira ati “Abayobozi ba Afurika bagombye kumenya ko amacakubiri mu miryango (y’abantu) atari inzira yo kunyuramo”.

    Ubutumwa Perezida wa Tanzania yasize yanditse ku rwibutso rwa Jenoside rwa Kigali
    Ubutumwa Perezida wa Tanzania yasize yanditse ku rwibutso rwa Jenoside rwa Kigali

    Perezida Samia Suluhu Hassan yanasengeye roho z’abashyinguwe mu rwibutso rwa Jenoside rwa Kigali, abasabira kuruhukira mu mahoro.

    Ubuyobozi bw’Urwibutso rwa Jenoside rwa Kigali buvuga ko aho ku Gisozi haruhukiye imibiri isaga 259,000 y’Abatutsi biciwe mu bice bitandukanye bigize Umujyi wa Kigali no mu nkengero zaho.

  • Ingengo y’imari idahagije itumye Komite ya Musanze FC yegura #Rwanda #RwOT via @kigalitoday #rwanda #RwOT

    Bamwe mu bari bagize komite nyobozi ya Musanze FC
    Bamwe mu bari bagize komite nyobozi ya Musanze FC

    Ni ibaruwa yanditswe tariki ya 01 Kanama 2021, aho iyo Komite yari iyobowe na Tuyishimire Placide yanditse yegura igira iti “Nyuma yo gusesengura neza ingengo y’imari mwageneye ikipe tubereye abayobozi mu mwaka wa 2021-2022, tugasanga amafaranga mwagennye atarangiza irushanwa ry’umupira w’amaguru mu Rwanda, dukurikije ibikenerwa kugira ngo Shampiyona irangire neza twasanze bitashoboka”.

    Barongera bati “Nyuma y’imyaka ine bamwe muri twe tumaze tuyobora Musanze FC, dukurikije amafaranga twakoreshaga muri iyo myaka tukabona ingengo y’imari igenda igabanuka, twabonye ko bishoboka kuzatujyana ahabi, kandi ikipe ya Musanze ifite abakunzi benshi”.

    Muri iyo baruwa, abo bayobozi bagaragaje kandi ko nyuma y’amafaranga yabo batanga mu ikipe nk’abafatanyabikorwa, ariko hakaba harabuze abandi babunganira mu gihe mu Karere ka Musanze hari imishinga myinshi, basanga ikipe idashobora gutera imbere ku bushobozi bwabo gusa, mu gihe amafaranga atangwa n’akarere agenda agabanywa hakiyongeraho n’izamuka ry’ibiciro ku masoko.

    Muri iyo baruwa abo bayobozi banditse bashima ubufatanye bwiza bagiranye n’ubuyobozi bw’Akarere ka Musanze, banashimira Imana ko bavuye mu nshingano ikipe bari babereye abayobozi ikiri mu cyiciro cya mbere.

    Ibaruwa y
    Ibaruwa y’ubwegure

    Iyo ngengo y’imari akarere katanze nka nyiri ikipe mu mwaka w’imikino 2021-2022 ingana na miliyoni 100 z’Amafaranga y’u Rwanda, amafaranga Kimite yeguye yemeza ko adahagije, kugira ngo ikipe yitware neza mu marushanwa ya Shampiyona itaha.

    Si ubwa mbere bamwe mu bayobozi ba Musanze FC beguye bitewe n’ingengo y’imari nke ubuyobozi bw’akarere bugenera ikipe nka nyirayo, aho mu myaka ibiri ishize n’ubundi Perezida Tuyishimire Placide yari yeguranye na Komite, biba ngombwa ko ubuyobozi bw’akarere bubegera baganira n’iyo komite, yemera gusubira mu nshingano zo kuyobora Musanze FC nyuma y’uko bumvikanye ko ingengo y’imari yongerwa.

    Kugeza ubu ubuyobozi bw’Akarere ka Musanze nka nyiri ikipe ntiburagira icyo buvuga kuri ubwo bwegure bwa Komite nyobozi y’ikipe.