Author: webrwanda

Mu minsi micye ishize nibwo Shaddyboo yatawe muri yombi ari kumwe n’ibyamamare binyuranye mu myidagaduro mu karere ka Rutsiro bazizwa kurenga kumabwiriza rusange yo kwirinda icyorezo cya COVID19.

Shaddyboo wari umaze iminsi mu maboko y’inzego z’umutekano yongeye kugaruka asa n'ubwira 'abishimiye' ko yafunzwe

Mubo bafatanwe harimo King James, K8 Kavuyo, Muchomante n’abandi banyuranye inzego z’umutekano zemeje ko bafashwe bakoze ibinyuranije n’amabwiriza, zikanongeraho ko batawe muri yombi nyuma y’amakuru yatanzwe n’abaturage.

Mu butumwa bukakaye yashyize kuri Instagram, Shaddyboo umaze guca agahigo ko gukurikirwa n'abarenga ibihumbi 900, yabwiye abasa n'abishimiye ko yafunzwe ndetse anasaba imbabazi muri rusange. Shaddyboo niwe uyoboye abakurikirwa cyane mu Rwanda ku rukuta rwa Instagram rumaze kugeza abagera ku bihumbi 902.

Mu magambo yanditse, aho 'asa nk'ugaragaza ko ari umunyembaraga ibye bidatinda, byange bikunde aba agomba kugaruka', ugenekereje mu kinyarwanda yagize ati: 'Ntukansunike kuko ndi hasi, kuko ningaruka uzaba usebye.” 

Shaddyboo yabwiye abamuvuga ibyo biboneye mu gihe adahari

Ashaka kwereka abantu ko uko byagenda kose 'badakwiriye kumucira urubanza ngo bamuvuge n'ibitari byo kuko ukuri kwigaragaza kandi iyo kugaragaye, abahaye umurindi ikinyoma baseba'.

Yongeraho ko kandi yagarutse, ubu akaba ari ubutumwa yanyujije kuri instagram kimwe na  Twitter  hose yongeraho ubutumwa bwo gusaba imbabazi agira ati: “Mumbabarire”

Ubutumwa bwa Shaddyboo yanyujije kuri Twitter avuga ko umuriro ugiye kwaka

Ubutumwa shaddyboo yanyujije kuri Instagram abwira 'abamuvuga adahari'

Mu mashusho mato yashyize kuri instagram yumvikana muchomante avuga ko baje basomana byateye banumva indirimbo yitwa ‘Nduw’i Kigali’ yaririmbwemo abahanzi banyuranye barimo na K8 Kavuyo bafatiwe mu cyaha kimwe.Ubu nabwo ni ubundi butumwa yasangije abamukurikira 

Source : https://inyarwanda.com/inkuru/108251/shaddyboo-yatanze-ubutumwa-bukakaye-asa-nubwira-abishimiye-ko-yafunzwe-108251.html

Ndayishimiye Thierry yari amaze iminsi ashakishwa n’ab'amakipe atandukanye yo mu mujyi wa Kigali harimo na As Kigali yamushatse mbere yo gusinyisha Rugwiro Herve. Kiyovu Sport yari igishakisha umusimbura wa Ngando Omar werekeje muri Afurika y’Epfo, amahitamo yabo rero akaba yaberekeje kuri Ndayishimiye Thierry wari umaze igihe mu mutima w’ubwugarizi bwa Marine FC.

Thierry uri imbere, ni umukinnyi mushya wa Kiyovu Sport

Thierry washatswe na As Kigali mbere, Marine FC ntabwo yemeye amafaranga yahabwaga ku mwaka uyu musore yari ayifitiye, byatumye ibiganiro bihagarara. Muri Kiyovu Sport rero Thierry agiyemo ahagaze miriyoni 7 zirimo 3 Marine FC yahawe ku mwaka yari ayifitiye andi asigaye ahabwa umukinnyi ku masezerano y'imyaka 2. Ndayishimiye Thierry yakiniye ikipe ya Vision JN isanzwe ikina ikiciro cya kabiri ayivamo yerekeza muri Marine FC na n'ubu yari agikinira.

Source : https://inyarwanda.com/inkuru/108262/ndayishimiye-thierry-yatandukanye-na-marine-fc-yerekeza-muri-kiyovu-sport-108262.html

U Rwanda rwatangiye kohereza abasirikare b'inyongera 750 mu butumwa bw'amahoro bwa Loni muri Repubulika ya Centrafurika.

Uyu munsi, itsinda ry'abasirikare 300 riyobowe na Lt Col Patrick Rugomboka ryahagurutse ku Kibuga cy'Indege Mpuzamahanga cya Kigali ryerekeza i Bangui.

Guhera mu 2014, Ingabo z'u Rwanda ziri mu butumwa bwo kugarura amahoro muri Centrafrique. Ni kimwe mu bihugu bifite ingabo nyinshi mu butumwa bwa Loni bwo kugarura amahoro muri icyo gihugu (MINUSCA).

Hejuru yo kurinda umutekano no kugarura amahoro muri Centrafrique, Ingabo z'u Rwanda muri icyo gihugu guhera mu 2016 zifite inshingano zo kurinda Umukuru w'Igihugu.

Mu mpera z'umwaka ushize wa 2020,Guverinoma y'u Rwanda yatangaje ko yohereje ingabo zo kurinda umutekano w'ingabo zayo zishinzwe kugarura amahoro muri Repubulika ya Centrafrique no kubungabunga ibikorwa by'amatora byari muri icyo gihugu.

Itangazo ryashyizwe hanze n'Ingabo z'u Rwanda, ryavugaga ko izi ngabo zagiye gushyigikira izari zisanzwe muri icyo gihugu zibasiwe n'inyeshyamba zishyigikiwe na François Bozizé wabaye Perezida hagati ya 2003 na 2013.

Kuwa 21 Ukuboza 2020,Perezida Kagame yavuze ko hari imitwe y'inyeshyamba ishyigikiye uwahoze ari Perezida François Bozizé,yashotoye ingabo z'u Rwanda ariyo mpamvu bafashe umwanzuro wo kohereza izindi zo kuzifasha.

Icyo gihe yavuze ko hari ibitero byari biherutse kuba bikozwe n'imitwe yitwaje intwaro byagambiriye n'ingabo z'u Rwanda zisanzwe ziri mu butumwa bwa ONU bwo kubungabunga amahoro.

Yavuze ko abasirikare u Rwanda rwohereje bari bafite “amategeko y'akazi atandukanye” n'ay'abahasanzwe,bityo bizatuma bashobora kurinda ingabo zarwo zihasanzwe, abaturage ba Centrafrique, abapolisi u Rwanda ruhafite ndetse no gucunga umutekano mu matora yimirije.

Yavuze ko imitwe izagerageza kugaba ibitero ku basirikare b'u Rwanda “rwose iziboneraho”.

Source : https://umuryango.rw/amakuru/mu-rwanda/umutekano/article/u-rwanda-rwohereje-abandi-basirikare-b-inyongera-750-muri-centrafriue

Nemeye Platini uzwi mu muziki nka Platini, yamaze gusinyana amasezerano na Sosiyete yo muri Nigeria yitwa One Percent Managers izwi mu kumenyekanisha ibihangano by’abahanzi.

Mu ntangiriro z’iki cyumweru nibwo Platini yagiye muri iki gihugu muri gahunda z’umuziki we.

Uyu munsi tariki ya 3 Kanama 2021nibwo aya masezerano n’iyi Sosiyete yasinywe aho igiye kurereberera inyungu ze no kwamamaza ibihangano bye.

Iyi Sosiyete kandi bivugwa ko izamufa no kuba yakorana indirimbo na bamwe mu bahanzi bakomeye muri Nigeria.

Uretse ibi kandi uyu muhanzi ashobora kuzava muri iki gihugu akorereyeyo amashusho y’indirimbo ye nshya.

Platini yamaze gusinya amasezerano na Sosiyete yo muri Nigeria

Source : http://isimbi.rw/imyidagaduro/article/platini-yasinyanye-amasezerano-na-sosiyete-yo-muri-nigeria-imenyekanisha-ibihangano-by-abahanzi

Umusore w'imyaka 19 ukomoka mu Karere ka Ruhango mu Murenge wa Kinihira, akomeje kugorwa n'ubuzima cyane bitewe n'impinduka zikunze kumubaho buri kwezi zijyanye no kujya mu mihango ariko ntisohoke kandi mu byukuri ari umuhungu.

Uyu musore ngo abangamiwe cyane n'ibigenda bimubaho byo kujya mu mihango kandi yiyumva nk'umuhungu, nubwo ngo afite amabere ariko ubusanzwe avuga ijwi ry'abagabo ndetse igihagararo cye bigaragara neza ko ari icy'abasore.

Amakuru akomeza avuga ko uyu musore akivuka yajyanwe kwa muganga n'umubyeyi we baramupima basanga afite nyababyeyi muri we bikaba ari nayo mpamvu ituma ajya mu mihango buri kwezi nubwo iyo ayirimo itajya isohoka hanze ahubwo imugumamo imbere bigatuma amererwa nabi cyane akaremba bakamujyana kwa muganga.

Umubyeyi w'uyu musore yatangaje ko umwana we yamubyariye mu rugo maze aza kujya kwa muganga abonye umwana we afite ibintu bidasanzwe gusa ahageze abaganga ntibigeze bamenya ibyabaga k'umuhungu we kuko hari kera akivuka, nyuma yaho yaje gusubira kwa muganga ashaka kumuvuza ariko acibwa amafaranga menshi cyane agera kuri miliyoni 7 kandi ntayo yari afite birangira ibyo kuvuza umwana we bihagarara.

Uyu mubyeyi yakomeje avuga ko ubwo yajyaga kwa muganga kuvuza umwana we bakamuca amafaranga menshi, abaganga bapimye uyu mwana we maze basanga afite nyababyeyi y'igitsina gore ndetse ngo hari bamwe bamubwiraga ko umwana we ari umukobwa.

Uyu musore wahuye nibi ibibazo yatangaje ko ataramenya igitsina cye bimutera ipfunwe rikomeye mu bandi ndetse bigatuma atagira n'ubwisanzure mu rungano rwe.

Nyina w'uyu musore yasoje asaba leta ndetse nundi wese waba afite umutima ufasha ko yamurwanaho maze umwana we akabasha kuvurwa kuko ikibazo afite gikomeye cyane kandi we nta bushobozi afite bwabasha kuvuza umwana we.

Ivomo: Umuseke

Source : https://impanuro.rw/2021/08/03/ruhango-umusore-akomeje-kubabazwa-nubuzima-nuko-ajya-mu-mihango-inshuro-nyinshi-nk-abakobwa_-inkuru-irambuye/

Mu ijoro ryakeye,zimwe mu mfungwa zo muri Gereza ya Muhanga zashatse gutoroka ariko abarinzi bari maso barazigarura hakoreshejwe amasasu yarashwe mu kirere.

Aya masasu yumvikanye mu ijoro ryo kuwa 2 Kanama 2021, aho bivugwa ko aba bafungwa bagerageje gutoroka gereza, abacungagereza barabatahura bagerageje uburyo bwo kubabuza biranga biba ngombwa ko haraswa amasasu mu kirere.

Umuvugizi w'Urwego rushinzwe Imfungwa n'Abagororwa, SSP Pelly UWERA GAKWAYA yabwiye Umuseke dukesha iyi nkuru ko izi mfungwa zuriye igipangu hanyuma abacungagereza barazibona,bazisaba gusubira hasi ziranga biba ngombwa ko barasa amasasu mu kirere kugira ngo bazikange zisubire hasi.

Yaati 'Byaraye bibaye nijoro, hari imfungwa (nta bagororwa barimo), ni imfungwa 3 zikiri mu Rukiko kuburana, bashatse gutoroka nk'uko bisanzwe…urabizi tuba turinze bariya bantu ariko tubizi ko bahora bagerageza guturoka ariko tukabakoma mu nkokora…

Mu by'ukuri bashatse gutoroka Abacungagereza baraye ku izamu barabahagarika kuko bashakaga kurira urukuta bari bamaze kurira bari hejuru abandi bari hasi, barababwira ngo nimumanuke abandi barabyanga baguma hejuru, icyakozwe barashe hejuru babakanga kuko ntabwo warasa umuturage, urasa hejuru kugira ngo yikange.

Basubiye muri Gereza, twababonye turabafite, nta n'umwe wakomeretse nta n'Umucungagereza wacu wagize ikibazo ngo yakomeretse, nta muntu n'umwe wigeze akomereka ku mpande zombi.”

Aba bari bagiye gutoroka bazasubizwa imbere y'ubutabera baaregwe n'iki cyaha cyo gushaka gutoroka.

Amakuru avuga ko babiri muri aba bari bagiye gutoroka bari bakiburana ndetse ubushinjacyaha bukaba bwari bwarabasabiye gufungwa burundu, ku byaha by'ubujura bakoze

Undi we ngo yari akiburana ku cyaha ashinjwa cyo kwica umugore w'undi muntu mu Karere ka Kamonyi.

Source : https://umuryango.rw/amakuru/mu-rwanda/umutekano/article/harashwe-amasasu-mu-kirere-kubera-imfungwa-zashakaga-gutoroka-gereza-ya-muhanga

Barack Obama wabaye Perezida wa 44 wa Leta zunze ubumwe z'Amerika agiye gukoresha isabukuru y'imyaka 60 izabera mu nzu ye y'akataraboneka ifite agaciro ka miliyoni 12 z'amapawundi.

Iyi nyubako nziza cyane ya Obama,yagarutsweho cyane kuko mu mpera z'iki cyumweru aribwo azakoreramo ikirori kizitabirwa n'ibyamamare nka Oprah Winfrey, George Clooney na Steven Spielberg.

Perezida Biden usanzwe ari inshuti ya Obama kuko yanamubereye Visi Perezida mu myaka 8 yamaze ku butegetsi,ntabwo azitabira iki kirori cy'akataraboneka.

Iyi nzu Obama yayiguze kuri Edgartown Great Pond muri Massachusetts mu Ukuboza 2019 ariko mbere y'aho yarayikodeshaga.

Iyi nzu yari iya nyiri Celtics witwa Wycliffe Grousbeck n'uwahoze ari umugore we Corinne Grousbeck bayubatse 2001.

Iyi nzu ifite ibyumba 8,amadushe menshi,ibyumba by'inama,ibikoni n'ahandi hantu hanini ho kwidagadurira.

Abanyamerika benshi barakajwe no kumva ko Obama ari gutegura ikirori kandi USA yugarijwe n'icyorezo cya Covid-19.

Source : https://umuryango.rw/ubuzima-115/udushya/article/reba-ubwiza-bw-inzu-y-umuryango-wa-barack-obama-igiye-gukorerwamo-ikirori-cy

Ntibisanzwe kwiyumvisha uburyo umusore yajya mu mihango, cyangwa ukwezi k'umugore cyangwa umukobwa.Gusa mu Karere ka Ruhango mu Murenge wa Kinihira hari umuntu (umusore-kobwa) uvuga ko atazi iherezo ry'ubuzima bwe kuko ajya mu mihango ariko ntize.

Afite amabere, avuga ijwi nk'iry'abasore ndetse n'igihagararo n'icy'abasore. Gusa mu gihe cyose nta cyaba gikozwe ngo avurwe biragoranye kumenya ejo hazaza he kuko kugeza ubu n'ubwo afite imisusire nk'iya basore yifitemo nyababyeyi.

Uyu muntu (twamwise umusore-kobwa) aganira na TV1 yavuze ko yiyumva nk'umuhungu ariko buri uko hashize iminsi 28 ajyanwa kwa muganga ari indembe kuko ajya mu mihango ariko ntize.

Yagize ati 'Kuko imihango idasohoka ndarwara nkumva mu nda harimo ibintu by'amazi, bantera umuti ungabanyiriza uburibwe.'

Uyu musore uri mu kigero cy'imyaka 19 avuga ko afite igitsina cy'abahungu ariko icy'abakobwa cyo ntikigaragara agasaba gufashwa akivuza.

Uyu musore yavuze ko imiterere ye imubangamira kuko atazi niba ari umukobwa cyangwa ari umuhungu.

Umubyeyi w'uyu mwana yavuze ko yakabaye yaravuwe akiri muto ariko aza kugorwa n'ubushobozi kuko bamuciye amafaranga we atakwigondera.

Yagize ati 'Namubyariye mu rugo njya ku Bitaro neretse abaganga bayobebwa ibyo ari ibyo. Byari mu mwaka wa 2002 ikoranabuhanga ritaraza.'

Yavuze ko yasubiye ku Bitaro bya Gitwe bamuca amafaranga y'u Rwanda 7 ,000, 000frw kugira ngo abe umukobwa. Icyo gihe i Gitwe bamubwiye ko umwana we ari umukobwa ko afite na nyababyeyi.

Usibye kuba uyu mwana ataramenya igitsina cye bimutera n'ipfunwe mu bandi kuko atisanzura muri bagenzi be.

Source : https://yegob.rw/bwa-mbere-mu-rwanda-hagaragaye-umusore-ujya-mu-mihango/

Mbabazi Shadia uzwi nka Shaddyboo kuri ubu bamaze kurekurwa. Ni nyuma yuko we na bagenzi be barimo umuhanzi King James, K8 Kavuyo n'abandi bari bafashwe barenze ku mabwiriza yo kwirinda Covid-19.

Akiva mu gihome, Shaddyboo abinyujije kuri Twitter yavuze amagambo agira ati ” I m so sorry !🙏 “.

I m so sorry !🙏

— Shaddyboo ( Mbabazi Chadia) (@shaddyboo__92) August 3, 2021

Source : https://yegob.rw/ijambo-rya-mbere-shaddyboo-yavuze-nyuma-yo-kuva-mu-gihome/