Webrwanda Backend

Author: webrwanda

  • Nyuma y'iminsi 23 atangajwe nk'umukinnyi wongereye amasezerano, APR FC yatandukanye na Niyonzima Olivier Seif kubera imyitwarire mibi #rwanda #RwOT

    Kuri uyu wa gatatu, tariki ya 4 Kanama 2021, nibwo ubuyobozi bwa APR FC bwafashe icyemezo cyo gusezera burundu umukinnyi wakinaga hagati mu kibuga Niyonzima Olivier Sefu, Impamvu yisezererwa ry' umukinnyi Niyonzima Olivier Sefu nkuko byatangajwe n'ubuyobozi bw'iyi kipe y'ingabo.

    Nk'uko byatangajwe n'urubuga rwa APR FC, umuyobozi w'iyi kipe Lt General Mubarakh Muganga yavuze ko uyu mukinnyi yagiye agaragaza imyitwarire itari myiza mu bihe bitandukanye bihabanye n'indagagaciro zigomba kuranga abakinnyi ba APR FC ndetse avuga ko uyu mukinnyi yagiriwe inama kenshi akomeza kubyirengagiza nkana.

    Umuyobozi wa APR FC yakomeje agira ati 'dushyira imbere imyitwarire myiza kuruta ikindi cyose mu muryango wa APR FC kuko turerera igihugu'.

    Aha kandi yavuze ko imbarutso yisezererwa rya Niyonzima Olivier Sefu yabaye kwanga kwikoresha imyitozo aho bari mu ngo zabo nkuko babisabwe n'abatoza, ibi ngo bikaba byiyongera ku myitwarire yakomeje kuranga uyu mukinnyi na mbere hose.

    Sefu atandukanye na APR FC, nyuma yaho ubwo hari ku itariki ya 12 Nyakanga 2021 ku rubuga rwa internet rwayo bari batangaje ko uyu mukinnyi yongereye amasezerano y'imyaka ibiri akinira iyi kipe y'ingabo z'igihugu.

    Niyonzima Olivier Sefu ukina hagati mu kibuga yaramaze imyaka atandukanye na APR FC nyuma yaho yari amaze imyaka ibiri muri iyi kipe yagezemo avuye muri Rayon Sports, Sefu ari muri iyi kipe yatwaranye nayo ibikombe bibi bya shampiyona bikurikirana ndetse banatwaye badatsinzwe umukino n'umwe.

    The post Nyuma y'iminsi 23 atangajwe nk'umukinnyi wongereye amasezerano, APR FC yatandukanye na Niyonzima Olivier Seif kubera imyitwarire mibi appeared first on RUSHYASHYA.

    Source : https://rushyashya.net/nyuma-yiminsi-23-atangajwe-nkumukinnyi-wongereye-amasezerano-apr-fc-yatandukanye-na-niyonzima-olivier-seif-kubera-imyitwarire-mibi/?utm_source=rss&utm_medium=rss&utm_campaign=nyuma-yiminsi-23-atangajwe-nkumukinnyi-wongereye-amasezerano-apr-fc-yatandukanye-na-niyonzima-olivier-seif-kubera-imyitwarire-mibi

  • Ibyo wamenya by’ingenzi Komite Nyobozi ya Rayon Sports yabwiye abayishyiriye amafaranga ya Blaise #rwanda #RwOT

    Ku wa Mbere w’iki cyumweru nibwo abafana b’ikipe ya Rayon Sports bashyikirije iyi kipe amafaranga angana na miliyoni 2 n’ibihumbi 600 kugira Nishimwe Blaise adasohoka muri iyi kipe, bizezwa ko mu minsi mike babona Rayon Sports ikomeye.

    Hamaze iminsi havugwa inkuru y’uko umukinnyi ukina mu kibuga hagati mu ikipe ya Rayon Sports, Nishimwe Blaise usigaranye imyaka 2 y’amasezerano muri iyi kipe, ashobora gutandukana nayo bitewe n’uko itubahirije amasezerano bumvikanye.

    Nishimwe Blaise yasinyiye Rayon Sports imyaka 3 muri Nzeri 2020, bumvikana miliyoni 4 aho yahise yishyurwa miliyoni n’igice, nyuma yahawe miliyoni n’ibihumbi 100 bamusigaramo miliyoni n’ibihumbi 400 ari nayo yabishyuzaga avuga ko banze kumwishyura aho ashaka ko amasezerano aseswa bagakora andi.

    Mu rwego rwo kugira ngo uyu mukinnyi atagenda, amatsinda y’abafana(Fan Clubs) y’iyi kipe yakusanyije amafaranga y’uyu mukinnyi yari asigaye, aho babonye miliyoni 2 n’ibihumbi 600.

    Aya mafaranga bayahaye bamwe mu bayobozi ba Fan Clubs ngo bayashyire komite Nyobozi y’iyi kipe ariko babaha n’ubutumwa bwo kuyibwira ko bababwira ahazaza h’iyi kipe ndetse ko Blaise naramuka agiye bagomba nabo kwegura.

    Iki gikorwa cyabaye ku wa Mbere tariki ya 2 Kanama, amakuru ISIMBI yamenye ni uko muri iyi nama yahuje Komite Nyobozi ya Rayon Sports na bamwe mu bayobozi b’abafana b’iyi kipe babijeje ko umwaka utaha bazaba bafite ikipe ikomeye.

    Icya mbere bababwiye ko bakwiye gushyira umutima mu gitereko kuko Nishimwe Blaise ntaho azigera ajya kuko atari umukinnyi ugurishwa.

    Ikindi bababwiye ko bagiye kugura abakinnyi kandi b’amazina hano mu Rwanda, aho banabwiye aba bayobozi ba za Fan Clubs amwe muri ayo mazina(gusa uwahaye amakuru ISIMBI yirinze kuyatangaza).

    Ikindi ni uko hari abakinnyi b’abanyamahanga b’amazina akomeye mu minsi mike iyi kipe izasinyisha kandi abafana bazishimira kumva ayo mazina.

    Abafana ba Rayon Sports bahawe icyizere ko ikipe mu minsi mike izana abanyamahanga bakomeye

    Source : http://isimbi.rw/siporo/article/ibyo-wamenya-by-ingenzi-komite-nyobozi-ya-rayon-sports-yabwiye-abayishyiriye-amafaranga-ya-blaise

  • Abamotari 46.000 barimo gukingirwa Covid-19 #Rwanda #RwOT via @kigalitoday #rwanda #RwOT

    Nk’uko bitangazwa n’Ikigo cy’igihugu cyita ku Buzima ‘RBC’, nibura abantu bagera ku 300.000 ni bo bazakingirwa mu gihe cy’ukwezi n’igice, uhereye ku itariki 3 Kanama 2021 ubwo hatangizwaga ubwo bukangurambaga bwo gukingira abantu bari mu byiciro bitandukanye harimo n’Abamotari.

    Ibikorwa byo gukingira birabera muri ‘Camp Kigali’, ku ‘Kibuga cya Expo’ i Gikondo, ndetse no ku bigo nderabuzima, bita cyane cyane ku bantu bafite imyaka 40 kuzamura.

    Iyo gahunda igamije ko hakingirwa abantu batanga serivisi zituma bahura n’abantu benshi ku buryo byatuma bandura Covid-19 ku rusha abandi.

    Abamotari ndetse n’abakozi ba za hoteri bari muri ibyo byiciro by’abagomba gukingirwa Covid-19 hatitawe ku myaka bafite. Abagore batwite ndetse n’abonsa na bo bari muri ibyo byiciro by’abagomba gukingirwa Covid-19.

    Aganira n’ikinyamukuru ‘The New Times’, Ngarambe Daniel, Umuyobozi w’urugaga ry’Abamotari mu Rwanda ‘Ferwacotamo’ yavuze ko gahunda yo gukingira Abamotari iziye igihe.

    Kuri we, ngo mu minsi itanu abamotari bose bateganywa gukingirwa mu gihugu bazaba bamaze gukingirwa, ariko ibyo ngo bizaterwa n’uko inkingo zibonetse.

    Biteganyijwe ko abamotari 26.000 ari bo bazakingirwa mu Mujyi wa Kigali, na ho mu Ntara hagakingirwa 20.000.

    Ngarambe yagize ati “Abamotari bishimiye guhabwa inkingo, turashimira Guverinoma yatekereje gukingira Abamotari nka kimwe mu byiciro by’abantu bafite ibyago byo kwandura Covid-19”.

    Abayobozi muri RBC bavuze ko abarimo gukingirwa mu bukangurambaga bwatangiye tariki 3 Kanama 2021, barimo guhabwa urukingo rwa ‘Pfizer’.

    Abamotari bakingiye bavuga ko bishimiye kubona urukingo.

    Mfashijwenimana Jean Baptiste, Umumotari ukorera mu Karere ka Gasabo, yavuze ko mbere yatinyaga urukingo rwa Covid-19 kubera ibihuha yarwumvagaho, ariko ubu ngo azi akamaro karwo mu kumurinda.

    Macumbi Aimable, we ni Umumotari ukorera mu Karere ka Kicukiro, avuga ko ubu nta bwoba agitewe n’urukingo rwa Covid-19.

    Yagize ati “Twajyaga twumva ibihuha byerekeye urwo rukingo, nkumva mfite ubwoba bwo kurwiteza, ariko ubu namenye ko nta ngaruka mbi rwangiraho, ahubwo rundinda”.

    Hashize igihe Guverinoma y’u Rwanda itangiye gukingira abaturage uko inkingo zigenda ziboneka.

    Abayobozi bo muri Minisiteri y’Ubuzima bizeza Abanyarwanda ko gahunda bari bihaye yo gukingira nibura 60% by’Abaturarwanda bitarenze uyu mwaka wa 2021 izagerwaho n’ubwo habanje kubaho ikibazo cy’ibura ry’inkingo.

    Umunyamabanga wa Leta muri Minisiteri y’Ubuzima, Lt Col Dr Mpunga Tharcisse, yavuze ko u Rwanda rutegereje inkingo zigera kuri Miliyoni eshatu zizaba zageze mu gihugu bitarenze ukwezi kwa Nzeli 2021.

    Kugeza tariki 3 Kanama 2021, abantu bagera ku 466.522 ni bo bari bamaze gukingirwa ku buryo bwuzuye mu Rwanda, ni ukuvuga bamaze guhabwa doze ebyiri z’urukingo.

  • Yihinduye umukobwa kugirango akorere ibizamini bya Leta inkumi yihebeye.. – YEGOB #rwanda #RwOT

    Umusore witwa Khadim Mboup yabaye igitaramo ku mbuga nkoranyambaga nyuma yo gufatwa yigize umukobwa mu kizamini, agamije kugikorera umukunzi we. Amakuru y'ibitangazamakuru bitandukanye birimo The Star, avuga ko Khadim Mboup yabikoze kugira ngo akorere ikizamini umukobwa bakundana byahebuje ukunda gutsindwa n'ururimi rw'icyongereza.

    Khadim Mboup, umunyeshuri w'imyaka 22 yaje gufatwa atabwa muri yombi. We avuga ko yabikoze kubera urukundo rwinshi akunda umukunzi we kuko yagorwaga kenshi n'Icyongereza nk'uko bitangazwa n'ibitangazamakuru by'iwabo muri Senegal.

    Source : https://yegob.rw/yihinduye-umukobwa-kugirango-akorere-ibizamini-bya-leta-inkumi-yihebeye/

  • Ubwiyongere bw'abakingiwe bakomeje gukwirakwiza covid19 buteye inkeke. – YEGOB #rwanda #RwOT

    Inkuru z'ibinyamakuru bikomeye ku isi ,zatangaje ko abandura Covid-19 barakingiwe bakomeje kuba benshi muri Leta Zunze Ubumwe za Amerika ku buryo buteye inkeke.

    Washington Post yo muri America yemeza neza ko abantu bakingiwe inkingo zose zisabwa n'amategeko aribo bahangayikishije cyane kurusha abatarakingirwa, kuko aba bakingiwe ngo aribo bafite uruhare runini mu gukwirakwiza icyorezo. Aya makuru yatangajwe nibi binyamakuru bikomeye ku isi kandi, bemeza ko nabo bayakuye mu mibare mishya y'ikigo cya America gishinzwe kurwanya indwara z'ibyorezo CDC ndetse bikaba biteganyijwe ko azashyirwa ahagaragara kuri uyu wa gatanu nk'uko NCB NEWS yabyanditse.

    Kuri ubu muri America gusa bari kurwana n'ubwandu bukomeje kwiyongera cyane bushya ndetse igikomeye muribyo nuko abagera kuri 80% byabandura bose basanganwa ubwandu bwa Delta. Muri America abantu barenga miliyoni 178 bamaze guterwa urukingo byibuze rumwe ndetse miliyoni 155 muribo bangana na 60% by'abanyamerika bose, bamaze gufata inkingo zose, ibi rero ngo bifite uruhare runini mu gukwirakwiza ubwandu bushya.

    Nubwo bimeze bityo ariko abahanga bemeza ko uwakingiwe atabasha kuremba cyangwa ngo yitabe Imana ariko kandi ashobora kundura ndetse akanduza abandi.

    Source : https://yegob.rw/ubwiyongere-bwabakingiwe-bakomeje-gukwirakwiza-covid19-buteye-inkeke/

  • Mozambique: Ingabo z’u Rwanda zafashe Awasse zinivugana abarwanyi barenga 70 #Rwanda #RwOT via @kigalitoday #rwanda #RwOT

    Col Rwivanga yatangarije Kigali Today ko abarwanyi benshi muri Awasse bivuganywe n’ingabo z’u Rwanda ku bufatanye n’iza Mozambique.

    Yagize ati “Birashoboka ko imibare irenga kuko abarwanyi bagiye batwara imirambo ya bagenzi babo mu kwanga ko ibarwa”.

    Itsinda rihuriweho n’ubuyobozi bw’intara n’ubuyobozi bw’ingabo zihuriweho n’u Rwanda, Botswana, Zimbabwe n’abanyamakuru basuye ibirindiro byari iby’inyeshyamba byamaze gufatwa, ndetse basura n’ibikorwa remezo izo nyeshyamba zari zarigaruriye ubu zasize zangije, birimo sitasiyo y’amashanyarazi.

    Agace ka Awasse kegereye ibice bindi bikomeye nka Mueda na Nangade mu Majyaruguru y’Intara ya Cobo Delgado.

    Abasirikare ba Mozambike n’u Rwanda bamaze kwigarurira uduce nka Awasse na Diaca ndetse hafatirwa ibikoresho bya gisirikare birimo intwaro n’amasasu.

    Ibitangazamakuru byandikirwa muri Mozambique nka DW bitangaza ko hakoreshejwe imbaraga z’indege hafi y’umujyi wa Mocímboa da Praia ahari ibirindiro bikuru by’inyeshyamba.

    Awasse ni hamwe mu hatangirijwe intambara n’inyeshyamba muri 2017, mu mujyi wa Mocímboa da Praia uri ku nkombe z’inyanja mu Majyaruguru y’Intara ya Cabo Delgado, gaherereye ku birometero 70 mu majyepfo ahari umushinga wo gushakisha gaze karemano, uyobowe n’ikigo cy’Abafaransa cya Total.

    Mu mpera za Kamena 2020 muri Mocímboa da Praia ni ho habaye imirwano ikomeye hagati y’ingabo za Leta n’imitwe y’inyeshyamba, bituma igice kinini cy’abaturage bahunga.

  • AMAFOTO : Abagore 10 bahamijwe gukuramo inda bahawe imbabazi na Perezida Kagame barekuwe #rwanda #RwOT

    Ubutumwa bwanyijijwe na RCS kuri Twitter, bugira buti 'Kuri uyu wa 04/08/2021, Abagore 10 bahamijwe n’inkiko icyaha cyo gukuramo inda bahawe imbabazi na Perezida wa Repubulika y’u Rwanda, ndetse n’abandi bagororwa 4 781 bafunguwe by’agateganyo n’Iteka rya Minisitiri batangiye gusubizwa mu miryango yabo.'

    Ni ubutumwa buherekejwe n’amafoto ya bariya bagore 10 bari bafungiye muri Gereza y’Abagore ya Ngoma.

    Ayo mafoto agaragaza abo bagore bari guhabwa ibyangombwa by’uko basohotse muri gereza ndetse banafite bimwe mu bikoresho batashye.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/AMAFOTO-Abagore-10-bahamijwe-gukuramo-inda-bahawe-imbabazi-na-Perezida-Kagame-barekuwe

  • Rusizi : Ba bagore bakubise Umucamanza bihannye uwagombaga kubaburanisha ngo ntibamwizeyeho Ubutabera #rwanda #RwOT

    Mukamana Jaeanine, Nyirabakiza Beatrice, Nyampundu Speratha, na Tuyishime Alphonsine bakurikiranyweho kiriya cyaha bakoze ubwo basagariraga Umucamanza bamushinja kurekura uwo bavuga ko yabibye, bagombaga kuburana kuri uyu wa 03 Kanama 2021.

    Aba bagore bahise batangira kuburanishwa mu mizi kuko abaregwa bemeye icyaha bakekwaho banagisabira imbabazi.

    Ubwo bari bagiye kuburana mu mizi mu rukiko rw’Ibanze rwa Kamembe, Umucamanza yasabye abari mu cyumba cy’iburanisha, kuzimya telephone kugira ngo iburanisha ritangire.

    Akimara guha ijambo ababuranyi, Me Ndikumana Elesee wunganira abaregwa yahise abwira Umucamanza ko amwihannye kuko uyu Mucamanza yavuye mu rukiko rw’Ibanze rwa Nyakabuye kandi Umucamanza wahohotewe yaje gukorera mu rukiko rw’Ibanze rwa Kamembe ari ho yabanje gukorera.

    Uyu munyamategeko yagize ati 'Murumva ko dufite impungenge z’uko twabona ubutabera muri uru rubanza.'

    Uyu munyamategeko yavuze kandi ko Urukiko rw’Ikirenga rwasohoye itangazo ryamagana ibikorwa byakozwe na bariya bagore byo kuvogera urukiko ku buryo urukiko rukuriye izindi mu gihugu rwamaze kugaragaza uruhande ruhengamiyeho ku buryo urukiko ruri munsi yarwo rudashobora gufata imyanzuro inyuranye n’ibyatangajwe n’urukiko rw’Ikirenga.

    Yagize ati 'Murumva ko uru rubanza mu gihe rwaba rubaye habaho kurengera urwego kurusha gutanga ubutabera kuko urukiko rw’Ikirenga rwamaze kwerekana uruhande rubogamiyeho.'

    Yavuze kandi ko abona abacamanza bagomba kubogamira kuri mugenzi wabo uvugwaho guhohoterwa n’abaregwa.

    Umunyamategeko Me Gatete Colin yaganiriye na UKWEZI.RW avuga ko kwihana umucamanza mu rukiko ari ibisanzwe ariko ko iyo bikozwe inteko yari ikurikiranye iryo buranisha ihita irusubika ahubwo igahita ikora raporo ikayishyikiriza Perezida w’urwo rukiko.

    Perezida w’urwo rukiko ni we uba afite ububasha bwo gusuzuma impamvu z’ubwihane, yasanga zifite ishingiro akagena undi mucamanza ukomeza urwo rubanza mu gihe zaba zidafite ishingiro wa Mucamanza akarukomeza

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Rusizi-Ba-bagore-bakubise-Umucamanza-bihannye-uwagombaga-kubaburanisha-ngo-ntibamwizeyeho-Ubutabera

  • Akarere ka Nyamagabe kakuyeho umwanzuro wa Gi… – #rwanda #RwOT

    Kuri uyu wa 3 Kanama 2021, Umunyamabanga Nshingwabikorwa w’Umurenge wa Gatare, Ndagijimana Gustave yasohoye itangazo rivuga ko ubuyobozi bw'Umurenge wa Gatare bwafashe icyemezo cyo gushyira Akagari ka Gatare muri Guma mu Rugo kubera ubwiyongere bw'ubwandu bwa Covid-19.

    Iri tangazo ryavugaga ko izi ngamba zigomba gutangira kubahirizwa kuva kuri uyu wa Gatatu tariki 4 Kanama 2021 kugera tariki 14 Kanama 2021.

    Ingamba zagombaga gukurikirizwa harimo ko ‘ingendo ziva cyangwa zinjira mu kagari ka Gatare zirabujijwe’, Abaturage b’Akagari ka Gatare barasabwa ku Guma mu Rugo, imodoka, moto n’amagare ntibyemerewe gutwara abagenzi mu kagari ka Gatare….

    Iri tangazo kandi rinavugamo imirimo izakomeza hubahirizwa amabwiriza yo kwirinda Covid-19 harimo amashuri y’incuke n’abanza, abasoromyi b’icyayi n’imodoka zijyana icyayi ku ruganda rwa Mushubi.

    Muri iri tangazo, abaturage bibutswa gukomeza kwambara agapfukamunwa neza buri gihe, gukaraba intoki neza, guhana intera n’ibindi.

    Ubuyobozi bw'Akarere ka Nyamagabe bwanyujije ubutumwa kuri Twitter, kuri uyu wa 4 Kanama 2021, busaba abaturage kudaha agaciro ubutumwa Gitifu w’Umurenge Ndangijima, kuko imyanzuro yafashe atayifitiye uburenganzira.

    Bagize bati “Ubuyobozi bw’Akarere ka Nyamagabe burasaba abantu bose kudaha agaciro iri tangazo kuko uwafashe umwanzuro nta bubasha abifitiye. Abaturage b’Akagali ka Gatare barakomeza gukora ibikorwa byabo bya buri munsi bubahiriza amabwiriza asanzwe yo kwirinda icyorezo cya Covid-19.'

    Inama y'Abaminisitiri yateranye tariki 30 Nyakanga 2021, yafashe icyemezo cyo gukura muri Guma mu Rugo Umujyi wa Kigali n'Uturere umunani bari bamazemo iminsi 15.

     

    Gitifu w'Umurenge yari yafashe umwanzuro wo gushyira Akagari muri gahunda ya Guma mu Rugo

    Akarere ka Nyamagabe kasabye abaturage kudaha agaciro itangazo rya Gitifu w'Umurenge ryashyiraga Akagari ka Gatare muri Guma mu Rugo kubera Covid-19

    Nyamagabe- Tariki 29 Nyakanga 2021 ubwo hubarizwaga gahunda ya Guma mu Rugo mu Mirenge Gasaka, Kamegeri, Kibumbwe na Mugano

    Source : https://inyarwanda.com/inkuru/108280/akarere-ka-nyamagabe-kakuyeho-umwanzuro-wa-gitifu-wari-washyize-akagari-muri-guma-mu-rugo-108280.html

  • Umunsi nk'uyu mu 1993 amasezerano ya Arusha yarasinywe akurikirwa na Jenoside ya #rwanda #RwOT

    Aya masezerano yari yarabanjirijwe n'ibindi biganiro n'amasezerano menshi hagati y'ubutegetsi bwa Juvénal Habyarimana n'abahoze ari abarwanyi ba FPR- Inkotanyi.

    FPR-Inkotanyi yari yarateye u Rwanda iharanira itahuka ry'impunzi z'Abanyarwanda, nk'imwe mu mpamvu nkuru z'intambara ku Rwanda.

    Inama y'i Mwanza muri Tanzania yo ku wa 17/10/1990, inama y'i Goma muri Zaïre yo ku wa 20/11/1990, inama yo muri Zanzibar tariki 17/11/1991, zari zigamije guhuza impande zombi nyuma y'uko intambara itangiye ku ya 01/10/1990.

    Hasinywe amasezerano yo guhagarika intambara (Cessez-le-feu) y'i N'sele muri Zaïre ku wa 29/03/1991, ay'i Gbadolite muri Zaïre yo ku wa 16/09/1991, ay'i Arusha ya tariki ya 12/07/1992 n'ayandi.

    Aya yose yari mu muhate wo guhuza ubutegetsi bw'u Rwanda n'umutwe wa FPR-Inkotanyi ngo bahagarike intambara.

    Hagati aha intambara ntiyahagaze yagendaga iba hato na hato mu bice by'amajyaruguru y'u Rwanda aho ingabo za FPR-Inkotanyi zari zarateye ziturutse. Ibihumbi by'abantu bavuye mu byabo.

    Amasezerano akomeye yasinywe ku wa gatatu tariki 04/08/1993 i Arusha ahari hamaze igihe habera inama zihuza impande zombi.

    Yavugaga iki?

    Ingingo ya gatatu y'aya masezerano yavugaga ko impande zombi zemeranyije ko Itegeko nshinga ry'u Rwanda ryo mu 1991 hamwe n'aya masezerano ari byo bigize Itegeko rikuru rigenga igihugu mu gihe cy'inzibacyuho kizamara amezi 22, nyuma hakaba amatora rusange.

    Ingingo ya gatandatu yarebaga igabana ry'ubutegetsi, yemeje ko Faustin Twagiramungu aba Minisitiri w'intebe mu nzibacyuho.

    Ko muri minisiteri 21 zigize guverinoma, ishyaka ryari ku butegetsi MRND rihabwa minisiteri eshanu, FPR igahabwa eshanu, ishyaka ritavuga rumwe na Leta rikomeye MDR rigahabwa enye na minisiteri y'intebe, andi mashyaka agabanywa minisiteri zisigaye.

    Aya masezerano yagombaga gushyirwa mu bikorwa bitarenze iminsi 37 nk'uko ingingo ya karindwi yayo yabiteganyaga.

    Ingingo ya gatanu yavugaga ko impande zombi ziyemeje gukora ibishoboka byose aya masezerano agashyirwa mu bikorwa, kandi zigaharanira ubumwe n'ubwiyunge bw'Abanyarwanda.

    Aya masezerano yashyizweho umukono imbere y'abagabo:

    Umuhuza, Ali Hassan Mwinyi, Perezida wa Tanzania,

    Perezida Yoweri Museveni wa Uganda nk'indorerezi,

    Melchior Ndadaye w'u Burundi nk'indorerezi,

    Faustin Birindwa, Minisitiri w'intebe wa Zaïre wari uhagarariye umuhuza Perezida Mobutu Sese Seko

    Dr Salim Ahmed Salim, umunyamabanga mukuru wa OUA (yaje kuba African Union)

    N'abari bahagarariye ONU, Ubudage, Ububiligi, Ubufaransa, Amerika, Nigeria na Zimbabwe.

    Aho abagabo basezeraniye….

    Mu Kinyarwanda 'ni ho bahurira'. Muri politiki…

    Tariki 05/10/1993 inama ishinzwe umutekano ku isi mu muryango w'abibumbye yatoye umwanzuro 872 wemeje ishyirwaho z'ingabo ziyobowe na Jacques-Roger Booh-Booh ziswe MINUAR, zihabwa ubutumwa bwo guhagarikira ishyirwa mu bikorwa ry'aya masezerano.

    Mu 1992, Perezida Habyarimana yari yaratangaje ko amasezerano ari gutegurwa i Arusha “ari impapuro gusa” nk'uko bivugwa na André Guichaoua, umuhanga mu mibanire y'abantu (sociologie) wakurikiraga iby'akarere k'ibiyaga bigari.

    Mu ishyirwa mu bikorwa ryayo, tariki 28/12/1993 FPR yohereje abasirikare 600 i Kigali ku ngoro yitwaga iya CND (ingoro y'inteko ubu) baje kurinda abanyapoliki bayo nk'uko byateganywa n'ayo masezerano.

    Abakurikirana ibya politiki bavuga ko Perezida Habyarimana atari yishimiye aya masezerano kuko yamburaga ububasha bunyuranye ibiro bye akabuha guverinoma y'inzibacyuho.

    Aya masezerano ntiyashyizwe mu ngiro mu gihe cyari giteganyijwe, impande zombi zatunganye urutoki kubangamira iyubahirizwa ryayo.

    Tariki 06/04/1994 indege yari ivuye i Dar es Salaam muri Tanzania itwaye Perezida Habyarimana na Cyprien Ntaryamira w'u Burundi, n'abandi, yahanuwe n'igisasu iri kururuka ku kibuga cy'indege cy'i Kanombe i Kigali bapfa bose.

    Perezida Habyarimana yari yasubiye muri Tanzania nk'intambwe ya nyuma ijyanye no gushyira mu bikorwa amasezerano y'amahoro ya Arusha.

    Ihanurwa ry'indege y'uyu mutegetsi kugeza n'ubu ntirivugwaho rumwe n'uruhande rwari rushyigikiye ubutegetsi bwe n'uruhande rwa FPR.

    Intambara hagati ya FPR Inkotanyi n'ubutegetsi bw'u Rwanda yarasubukuye byeruye, ariko hanatangira gukorwa Jenoside.

    Amasezerano ya Arusha yari amaze amezi 10 asinywe ahera mu mpapuro. Bimwe mu bikubiye muri aya masezerano byakurikijwe nyuma y'uko FPR-Inkotanyi ifashe ubutegetsi.

    BBC

    Source : https://umuryango.rw/amakuru/mu-rwanda/politiki/article/umunsi-nk-uyu-mu-1993-amasezerano-ya-arusha-yarasinywe-akurikirwa-na-jenoside