Webrwanda Backend

Author: webrwanda

  • Breaking News: APR FC isezereye umukinnyi ukomeye yari isigaranye – YEGOB #rwanda #RwOT

    Ubuyobozi bw'ikipe ya APR FC bubinyujije ku rubuga rwabo bumaze gutangaza ko bwasezereye umukinnyi Niyonzima Olivier Seïf wari umwe mu bakinnyi bakomeje ndetse banamaranye igihe kinini n'iyi kipe y'ingabo z'U Rwanda.

    Impamvu y'isezererwa rya Niyonzima Olivier Seïf nkuko byatangajwe na Chairman wa APR FC Lt General Mubarakh Muganga yavuze ko uyu mukinnyi yagiye agaragaza imyitwarire itari myiza mu bihe bitandukanye bihabanye nindagagaciro zigomba kuranga abakinnyi ba APR FC. Ndetse yewe yagiriwe inama kenshi akomeza kubyiregagiza nkana.

    Umuyobozi wa APR FC yakomeje agira ati ”  Dushyira imbere imyitwarire myiza kuruta ikindi cyose mu muryango wa APR FC kuko turerera igihugu “. Yavuze ko imbarutso yisezererwa rya Niyonzima Olivier Seïf yabaye kwanga kwikoresha imyitozo aho bari mu ngo zabo nkuko babisabwe n'abatoza. Ibyo byaje byiyongera ku myitwarire yakomeje kuranga uyu mukinnyi na mbere hose.

    Niyonzima Olivier Seïf atandukanye na APR FC nyuma y'igihe kingana n'imyaka 2 yari amaze ayikinira.

    Source : https://yegob.rw/breaking-news-apr-fc-isezereye-umukinnyi-ukomeye-yari-isigaranye/

  • Umunyamakuru Rugangura Axel yagize icyo abwira urungano rwe – YEGOB #rwanda #RwOT

    Umunyamakuru Rugangura Axel nyuma y'igihe kinini benshi mu rungano rwe bamusaba ko yazabereka umukunzi yagize atya ashyira hanze ifoto y'umukobwa bikekwa ko bari mu rukundo ndetse anaboneraho amwifuriza isabukuru nziza y'amavuko. Ibi Axel yabikoze abinyujije ku rukuta rwe rwa instagram.

    Nyuma yo gushyira hanze ifoto y'uyu mukobwa, Axel yayiherekesheje amagambo agira ati ” Happy birthday MA❤️ More years more blessings The your marvelous Gift is on the way!!!! “.

    Source : https://yegob.rw/umunyamakuru-rugangura-axel-yagize-icyo-abwira-urungano-rwe/

  • Wa mukobwa watumye Davis D afungwa yagaragaye arimo kurya ubuzima na Sentore (vidéo) – YEGOB #rwanda #RwOT

    Umukobwa wamamaye ubwo Davis D yafungwagwa bikanavugwa ko ariwe yari yazize kugirango ajyanwe mu gihome, yagaragaye arimo kurya ubuzima na Jules Sentore.

    Source : https://yegob.rw/wa-mukobwa-watumye-davis-d-afungwa-yagaragaye-arimo-kurya-ubuzima-na-sentore-video/

  • INYANDIKO IMENYESHA MIBURO Gina IMIKIRIZE Y 'URUBANZA #rwanda #RwOT

    Me PFAKWANDIKA Patrick, Umuhesha w'Inkiko w'Umwuga, amenyesheje MIBURO Gina imikirize y'urubanza nomero RC00290/2020/TB/KICU.

    INYANDIKO IMENYESHA IMIKIRIZE Y 'URUBANZA IKABA IRI HANO HASI

    Source : https://umuryango.rw/amatangazo/article/inyandiko-imenyesha-miburo-gina-imikirize-y-urubanza

  • Itangazo: Uwitwa HARERIMANA MUHIRE Olivier yasabye guhindura amazina akitwa MUHIRE Olivier #rwanda #RwOT

    Uwitwa HARERIMANA MUHIRE Olivier yasabye guhindura amazina mu buryo bwemewe n'amategeko akitwa MUHIRE Olivier mu bitabo by'irangamimerere.

    Impamvu atanga zituma asaba guhindura amazina akaba ari uko ari amazina menshi kandi maremare

    Ingingo z'ingenzi yashingiyeho asaba inzego zibishinzwe guhindura amazina zikaba ziri hano hasi:

    Source : https://umuryango.rw/amatangazo/article/itangazo-uwitwa-harerimana-muhire-olivier-yasabye-guhindura-amazina-akitwa

  • Rusizi: Ba bagore bakekwaho gukubita umucamanza bihannye umucamanza urubanza rurasubikwa #rwanda #RwOT

    Aba bose Ubushinjacyaha bubakurikiranyeho icyaha cyo gutuka no gusagarira inzego z'ubutabera icyi cyaha gihanishwqa ingingo ya 260 y'itegeko No 68/2018 ryo kuwa 30/08/2018 riteganya ibyaha n'ibihano muri rusange.

    Saa tatu zuzuye nibwo inteko y'umucamanza umwe n'umwanditsi yatangiye kuburanisha uru rubanza.Abaregwa bari bunganiwe uko ari bane n'abanyamategeko babiri Me Ndikumana Elisee na Me Ruremesha Nicolas.

    Abaregwa bose baregwa n'ubushinjacyaha ku kirego cyageze murukiko kuwa 26 Nyakanga 2021.Kuri iki gicamunsi,urubanza rwaburanishijwe mu buryo bwihuse
    kuko kuburana ifunga n'ifungurwa nta byabayeho kuko mu ibazwa ry'abaregwa bemeye icyaha banagisabira imbabazi.

    Ubwo umucamanza yatangiraga iburanisha yasabye abantu kugira ituze mu rukiko no kuzimya Telephone ku bazifite kubera ko yaragiye gutangira kuburanisha ababuranyi.

    Me Ndikumana Elisee wunganira abaregwa yahise abwira umucamanza ko amwihannye nk'uko ingingo ya 103 ibiteganya.

    Me Ndikumana yavuze ko uretse ingingo z'amategeko zibimwemerera yavuze ko umucamanza wahawe urubanza yavuye mu rukiko rwibanze rwa Nyakabuye kandi umucamanza wahohotewe akaba yaraje gukorera mu rukiko rwibanze rwa Kamembe ariho yabanje gukorera.

    Uyu munyamategeko ati “murumva ko dufite impungenge z'uko twabona ubutabera muri uru rubanza turasaba ko umucamanza urufite yaruvamo”.

    Indi mpamvu ikomeye uyu munyamategeko yatanze y'ubwihane bwe mu rukiko, nuko urukiko rwikirenga rwasohoye itanganzo rwamagana ibikorwa byakozwe na bariya bagore byo kuvogera urukiiko rwibanze rwa Kamembe bakanahohotera umucamanza.

    Me Ndikumana ati “Murumva ko uru rubanza mu gihe rwaba rubaye habaho kurengera urwego kurusha gutanga ubutabera kuko urukiko rw'ikirenga rwamaze kwerekana uruhande rubogamiyeho.”

    Uyu munyamategeko ati Ndihana Umucamanza kuko turacyemanga ubwigenge bwe mugutanaga ubutabera.”

    Me Ndikumana Elisee yasoje avuga ko mu gihe uru rubanza ruzaba ruburanishijwe abacamanza bazabogamira ku mucamanza mugenzi wabo wahohotewe ko bityo batizeye ubutabera bazahabwa.

    Nyuma y'ubwihane bwa Me Ndimumana Elisee, Me Ruremesha Nicolas nta kintu yongeyeho n'ubushinjacyaha nta kintu bwigeze buvuga.

    Umucamanza yahise ahagarika urubanza,asubika iburanisha urubanza rushyirwa igihe kitazwi.

    Umunyamategeko Me Gatete Collin,mu kiganiro cy'umwihariko yahaye Umuryango yavuze ko kwihana Umucamanza mu rukiko ari ibintu bisanzwe,ariko nanone uwihana umucamanza aba agomba gutanga ibimenyetso bifatika kuko kumwihana gusa bitaba bihagije.

    Me Gatete Collin yavuze ko iyo habayeho kwihana umucamanza urubanza ruhita ruhagarara rugasubikwa Umucamanza wari urifite agakora Raporo akayishyikiriza Perezida w'urukiko urwo rubanza rwaburanishirijwemo.

    Perezida w'urukiko asuzuma impamvu zatumye uwihannye yihana umucamanza iyo asanze impamvu yatanze nta shingiro zifite, wa mucamanza bari bihannye urubanza arusubiramo nta kabuza ariko iyo abaregwa batanze impamvu zifatika wa mucamanza bihannye aruvamo.

    Uru rubanza Umuryango uzarukurikirana kugera umucamanzna arufasheho icyemezo cya nyuma.

    Source : https://umuryango.rw/amakuru/mu-rwanda/ubutabera/article/rusizi-ba-bagore-bakekwaho-gukubita-umucamanza-bihannye-umucamanza-urubanza

  • Ingabo z'u Rwanda n'iza Mozambike zirukanye inyeshyamba mu birindiro bifatwa nk'icyicaro cyazo #rwanda #RwOT

    Jose Tembe, umunyamakuru wa BBC muri Mozambique avuga ko muri icyo gitero hafashwe imbunda nyinshi ntoya n'inini n'amasasu by'inyeshyamba.

    Awasse ubu ni agace kabohowe, kari muri 45Km mu burengerazuba bw'umujyi mukuru w'aka karere uri ku nyanja.

    Awasse ni hamwe mu hantu habiri muri Mocimboa da Praia aho kugumuka kw'izi nyeshyamba ziyitirira idini ya Islam kwatangiriye mu myaka ine ishize.

    Kubera uburyo ari ahantu h'ingenzi mu rugamba, hafatwaga nk'icyicaro gikuru cyizi nyeshyamba.

    Umujyi wa Mocímboa da Praia uri ku nyanja ukiri mu maboko y'izi nyeshyamba niwo ushobora gukurikiraho mu bitero by'izi ngabo za Mozambique zifashijwe n'iz'u Rwanda, nk'uko Tembe abivuga.

    Uwo mujyi uri muri 70Km mu majyepfo y'uwa Palma ahari umushinga munini wo guhindura gaze ibisukika washowemo miliyari z'amadorari na kompanyi y'Abafaransa ya Total.

    Tembe avuga ariko ko ikiri kure kurangira kuko izi nyeshyamba zikigenzura ahantu hatandukanye mu bice byinshi bya Cabo Delgado.

    Kuwa kabiri, Bernardino Rafael umukuru w'igipolisi cya Mozambique yasuye agace ka Awasse, aho yabwiye abanyamakuru ko aje no kureba uko hasubizwaho imiyoboro y'amashanyarazi n'itumanaho yashenywe n'izi nyeshyamba.

    Kubera kwangizwa kw'umuyoboro w'amashanyarazi wa Awasse, uturere twose two mu majyaruguru ya Mozambique nta mashanyatazi dufite kuva mu mpera z'umwaka ushize.

    Ingabo z'umuryango w'ibihugu bya Africa y'amajyepfo, SADC, nazo ziherutse kugera muri Mozambique ngo zinjire mu mirwano yo guhashya izi nyeshyamba.

    Izi nyeshyamba zateye ubwoba zinigarurira uduce twinshi mu ntara ya Cabo Delgado kuva mu 2017, abantu barenga 3,000 barishwe naho abarenga 800,000 barahunga.


    BBC

    Source : https://umuryango.rw/amakuru/mu-mahanga/umutekano/article/ingabo-z-u-rwanda-n-iza-mozambike-zirukanye-inyeshyamba-mu-birindiro-bifatwa-nk

  • Niyonzima Olivier “Seif” ari mu biganiro byimbitse na Rayon Sports nyuma yo kwirukanwa na APR FC #rwanda #RwOT

    Uyu Niyonzima bivugwa ko yamaze kumenyeshwa n'ubuyobozi bwa APR FC ko batazakomezanya umwaka utaha ariyo mpamvu yahise atangira ibiganiro na Rayon Sports.

    Uyu musore bivugwa ko atigeze atanga raporo y'imyitozo mu byumweru 2 bishize, bitashimishije ubuyobozi n'abatoza ariyo mpamvu basabye ko yirukanwa.

    Uyu mukinnyi akaba mu kwezi gushize

    APR FC yaherukaga kwirukana Bukuru Christophe,biravugwa ko yafashe umwanzuro wo kwirukana Niyonzima Seif wigeze gutoroka umwiherero muri shampiyona ishize hanyuma agaruka yasinze.

    Niyinzima Seif yavuye mu mwiherero w'ikipe ya APR FC ku mugoroba wo ku wa 11 Kamena 2021, agenda nta ruhushya asabye agaruka saa munani z'ijoro aho byavugwaga ko yaje yasinze, ubuyobozi buramufata buhita bumwirukana mu mwiherero.

    N'ubwo mu kwezi gushize Seif yongereye amasezerano y'imyaka 2 muri APR FC, amakuru yizewe ava mu bari hafi y'uyu mukinnyi ndetse na APR FC yemeza koimpande zombi zasheshe amasezerano uyu munsi kubera iriya myitwarire mibi.

    Nyuma yo kumenyeshwa ko atazakomezanya na APR FC, Seif yahise atangira ibiganiro na Rayon Sports yari yaturutsemo asinyira iyi kipe y'ingabo z'igihugu.

    Niyonzima ni umwe mu bakinnyi bafashije APR FC gutwara ibikombe bibiri bya Shampiyona biheruka idatsinzwe.

    Yayigezemo muri Nyakanga 2019, avuye muri Rayon Sports, aho yari amaze imyaka ine nyuma yo kuva muri Isonga FC.

    Source : https://umuryango.rw/imyidagaduro/imikino/article/niyonzima-olivier-seif-ari-mu-biganiro-byimbitse-na-rayon-sports-nyuma-yo

  • Perezida wa Centrafrique ategerejwe mu Rwanda kuri uyu wa Kane #rwanda #RwOT

    Bivugwa ko uru ruzinduko rugamije gushimangira ubufatanye buriho nko mu rwego rw'umutekano ndetse n'ubufatanye bw'abikorera no gukomeza kwagura amahirwe y'ubutwererane mu mu kurushaho gushimangira umubano.

    Muri Gashyantare uyu mwaka, Minisitiri w'ububanyi n'amahanga wa CAR Sylvie Baïpo Temon yagiriye uruzinduko rw'akazi mu Rwanda, aho ibihugu byiyemeje kwimakaza ubufatanye kugira ngo bikomeze gutera inkunga ingamba zo kubungabunga amahoro muri Santaradurika no kuyobora abaturage mu iterambere rirambye.

    U Rwanda ni umwe mu bagize uruhare runini mu butumwa bw'Amahoro bw'Umuryango Abibumbye muri Santarafurika (MINUSCA) kuva mu 2014, by'umwihariko rukaba ruherutse no kohereza itsinda ry'ingabo zishinzwe kunganira ibikorwa byo kugarura umutekano muri iki gihugu binyuze mu bufatanye bw'ibihugu byombi.

    Muri iki Cyumweru, Ubuyobozi bw'Ingabo z'u Rwanda (RDF) bwatangiye kohereza Batayo y'inyongera y'abasirikare 750 mu butumwa bwa MINUSCA.

    Mu kwezi k'Ukwakira 2019 ni bwo Perezida Kagame aheruka kugirira uruzinduko rw'umunsi umwe muri Santarafurika, we na Perezida Touadéra bakaba barahagarariwe isinywa ry'amasezwerano arimo ajyanye n'ubufatanye mu bya gisirikare, ubucukuzi bw'amabuye y'agaciro n'ibikomoka kuri Peteroli hamwe n'ajyanye n'ubufatanye mu guteza imbere ishoramari.

    Source : https://umuryango.rw/amakuru/mu-rwanda/politiki/article/perezida-wa-centrafrique-ategerejwe-mu-rwanda-kuri-uyu-wa-kane

  • Abaturage ntibavuga rumwe ku byuma bibasuzuma uburwayi bw'imbere mu mubiri #rwanda #RwOT

    Abahanga mu ikoreshwa ry'ibyuma byo kwa muganga bisuzuma ubuzima bw'umuntu nka 'scanner' bahamya ko guca mu cyuma bikurura ingaruka nyinshi harimo no kurwara kanseri, bagatanga ihumure ko hari ubwirinzi bwateganijwe mu rwego rwo gukumira izo ngaruka. Ni mu gihe hari bamwe mu baturage bavugako bitewe impungenge nuko ngo bigabanya iminsi yo kubaho .

    Hirya no hino mu gihugu usanga ku bitaro bitandukanye hari abaturage bagana serivisi zo kwivuza, zirimo n'izo guca mu byuma bireba mu mubiri imbere.

    Iyo uganiriye na bamwe mu bahabwa izi serivisi, bavuga ko baterwa impungenge n'amakuru bumva ko ngo iyo umuntu aciye mu cyuma nka scanner ashobora gukuramo izindi ngaruka zirimo nko kugabanya iminsi yo kubaho cyangwa kurwara kanseri. Icyakora bakifuza ko ababisobanukiwe babaha amakuru nyayo kuko babyumva nk'ibihuha.

    Umwe mu baganiriye n'Umuryango yagize ati ” Numva bavuga ngo iyo umuntu aciyemo niko iminsi ye igagabanuka, nanjye nagiciyemo kenshi bakambwira ko iminsi nari kubaho igenda igabanuka, ubwo rero abantu bose bahamya ko kiriya cyuma ari kibi igihe cyose ugiciyemo ngo niba wari ufite mirongo itanu hagenda havaho umwe umwe ahubwo nk'abaganga babitubwiraho niba hari ingaruka bigira bakajya batugabanyiriza inshuro ducamo.”

    Dr Sendegeya Augustin, Umuganga akaba n'umuyobozi mukuru w'ibitaro bya kaminuza bya butare CHUB avuga ko koko izi ngaruka zishobora kubaho biturutse ku mirasire y'ibi byuma, icyakora agashimangira ko kwa muganga haba hari uburyo bwizewe bwateganyijwe mu kuzikumira.

    Yagize ati “Birumvikana rero ko iyo mirasire yitwa Rayonku kigero runaka ishobora kwangiza ibice bimwe by'umubiri, uturemangingo igahindura imikorere yatwo ikaba yatera indwara ya kanseri, ni ukuvuga ko mu mubiri haba hagiyemo imirasire myinshi.

    Mujya mwumva ibyo bita ingufu za nuclear, iyo habayemo gusohoka ku iyo mirasire myinshi ikajya hanze icyo gihe iba yateza ibibazo bikomeye cyane. Ariko nabamara impungenge ko iyo mirasire dukoresha aba ari mike cyane ku buryo itateza ikibazo.

    Hari n'ubwirinzi tugira aho tubikorera tugerageza ku buryo ya mirasire ikomeze iri muri cya cyumba imbere, abadamu batwite nabo ntabwo dukunze kubikora kuko tuba dufite impungenge zuko hari ikibazo yagira ku mwana atwite, ndetse no kubana bakiri batoya dufite uburyo tubikora tukabakingira, tukabafotora gusa mu magambo make iyo mirasire nibyo ishobora kuba yateza ikibazo iyo ikoreshejwe ari myinshi.

    Kuba bavuga ko bigabanya iminsi yo kubaho ndumva nabyo tubyitaho hagamijwe gukumira izo ngaruka navuze haruguru. “

    Inzobere mu buzima zishimangira ko guca mu cyuma, ari bwo buryo bwizewe bufasha umuntu kumenya neza indwara ziri mu mubiri we, zirimo nk'izo mu mara yo mu nda, umuvuduko w'amaraso, diyabete, kanseri, koroha kw'amagufa, indwara zo mu mutwe nk'ibibyimba, impyiko, n'izindi.

    INKURU YA: Iradukunda Yves

    Source : https://umuryango.rw/amakuru/mu-rwanda/ubuzima/article/abaturage-ntibavuga-rumwe-ku-byuma-bibasuzuma-uburwayi-bw-imbere-mu-mubiri