Webrwanda Backend

Author: webrwanda

  • Ihurizo mu ishyirwa mu bikorwa ry’umushinga wo kuhira imyaka wari washowemo miliyari 100Frw – #rwanda #RwOT

    Uyu mushinga wo kuhira imyaka byari byitezwe ko ushyirwa mu bikorwa mu turere dutatu harimo urugomero rwa Warufu mu Karere ka Gatsibo, Nyamukana hakaba muri Nyanza mu gihe urugomero rwa Mugesera ari mu Karere ka Ngoma.

    Wari ugamije guhashya ikibazo cy’amapfa hitezwe kuhira nibura hegitari 6000 z’ubutaka, bigatuma umusaruro wiyongera ndetse bigafasha mu gukemura ikibazo cy’ibura ry’ibiribwa muri utwo duce n’ahandi mu gihugu.

    Icyo gihe kandi Ikigo cy’Igihugu gishinzwe guteza imbere Ubuhinzi, RAB, cyatangazaga ko uyu mushinga ugomba kumara imyaka ine. Ku rundi ruhande ariko kuri ubu imyaka itatu irashize u Rwanda ruhawe iyo nguzanyo mu gihe ishyirwa mu bikorwa ry’umushinga ritaratangira.

    RAB igaragaza ko mu gukora inyigo y’urugomero rwa Warufu na Nyamukana yakozwe mu gihe kuri Mugesera ho nta nyigo irakorwa, ni ukuvuga ko umushinga udashobora gutangira.

    Urugomero rwa Nyamukana n’urwa Warufu, byo byari biteguwe ku buryo byatangira kuhirwa ariko nyuma yo kugenzura bigaragara ko amabwiriza agenga inguzanyo agena ko nibura 75% by’ibikoreshwa muri uwo mushinga bigomba kuba bituruka mu Buhinde.

    Umuyobozi Mukuru wa RAB, Karangwa Patrick, yabwiye New Times ko izo ari zimwe mu mbogamizi zatumye umushinga udashyirwa mu bikorwa mu gihe cyari cyateganyijwe.

    Ati “Amabuye n’umusenyi biramutse bitaravanwa mu Buhinde, amabwiriza ntabwo yaba yubahirijwe.”

    Karangwa yavuze ko ibiteganywa nk’amabwiriza agenga iyi nguzanyo bitashoboka ko ibikoresho nk’ibyo birimo amabuye bivanwa mu Buhinde bizanwa mu Rwanda.

    Yavuze ko kuri ubu nka RAB barimo gutegereza ahashobora kuboneka amafaranga yo gushyira mu mushinga wo kubaka ingomero za Warufu na Nyamukana, ahatekerejwe kugirana ibiganiro na Banki ya Exim yo mu Bushinwa [China Exim Bank] ndetse ibiganiro bigeze kure.

    Ati “Turi mu biganiro n’Abashinwa ku buryo twabona inguzanyo idasaba amabwiriza ahambaye, kugira ngo dushyire mu bikorwa iyo mishinga.”

    Imibare ya Minisiteri y’Ubuhinzi n’Ubworozi, igaragaza ko mu Rwanda ubutaka bungana na hegitari 60.000 bwuhiye, mu gihe ubutaka bukenerwa kuhirwa ari hegitari miliyoni 1,5. Gahunda ya guverinoma ni uko mu 2024, hazaba hari ubutaka bwuhirwa bungana na hegitari 102.000.

    Urugomero rwifashishwa mu kuhira imyaka mu Karere ka Rulindo

  • Nyamagabe: Gitifu w’Umurenge yashyize Akagari muri Guma mu Rugo – #rwanda #RwOT

    Ni icyemezo yafashe kuri uyu wa Kabiri tariki 3 Kanama 2021 nk’uko bigaragara mu itangazo yashyize hanze ariko riza guteshwa agaciro n’Ubuyobozi bw’Akarere ka Nyamagabe bubinyjije ku rubuga rwa twitter.

    Iryo tangazo riragira riti “Ubuyobozi bw’Umurenge wa Gatare buramenyesha abaturage bose ko nyuma yo kubona ko ubwandu bwa Covid-19 bukomeje kwiyongera mu Kagari ka Gatare, hafashwe imyanzuro ikurikira kandi igomba gushyirwa mu bikorwa kuva ku wa Gatatu tariki ya 4/8/2021 kugeza ku ya 14/8/2021.

    Ryakomeje rivuga ko ingendo ziva cyangwa zijya mu kagari ka Gatare zibujijwe. Abaturage b’Akagari ka Gatare basabwa kuguma mu rugo kandi imodoka na moto bitemerewe gutwara abagenzi muri ako kagari.

    Rivuga kandi ko abaturage bose basabwe gukorera mu rugo, Sacco na COTHEGAB bifunze abakozi babyo bagomba gukorera mu rugo. Abakozi b’ikigo ngororamuco cya Nyamagabe/ NRC- Gatare bazakomeza kwitabira akazi mu kigo bitwararika mu kubahiriza amabwirza yo kwirinda Covid-19.

    Serivisi zo ku Kagari ka Gatare no ku Biro by’Umurenge wa Gatare zizatangwa hifashishijwe ikoranabuhanga (telefone cyangwa mudasobwa). Abakozi b’akagari n’umurenge bazakomeza gukora bafatanya n’inzego z’umutekano n’izindi nzego ku kugenzura iyubahirizwa ry’amabwiriza.

    Rikomeza rivuga ko amaduka, resitora, butike n’izindi nzu z’ubucuruzi bifunze ndetse n’utubari tuzakomeza gufunga.

    Iryo tangazo ryavuze kandi ko amashuri y’incuke n’abanza azakomeza gukora; abasoromyi b’icyayi n’imodoka zikijyana mu ruganda rwa Mushubi na byo bizakomeza.

    Ryasozaga risaba abaturage bose kwambara neza agapfukamunwa, gukaraba intoki n’amazi meza n’isabune, guhana intera igihe bari mu bantu benshi cyangwa mu nzira, abarwayi basabwa kuguma mu rugo kugeza igihe cyose bakorewe isuzuma rya kabiri ryerekana ko bakize.

    Ubuyobozi bw’Akarere bwahise buritesha agaciro

    Iryo tangazo ryatanzwe n’Umunyamabanga Nshingwabikorwa w’Umurenge wa Gatare, ryahise riteshwa agaciro n’Ubuyobozi bw’Akarere ka Nyamagabe.

    Bwagize buti “Ubuyobozi bw’Akarere ka Nyamagabe burasaba abantu bose kudaha agaciro iri tangazo kuko uwafashe umwanzuro nta bubasha abifitiye. Abaturage b’Akagari ka Gatare barakomeza gukora ibikorwa byabo bya buri munsi bubahiriza amabwiriza asanzwe yo kwirinda icyorezo cya COVID-19.”

    Inyubako y’Ibiro by’Akarere ka Nyamagabe

    Ubuyobozi bw’Akarere ka Nyamagabe burasaba abantu bose kudaha agaciro iri tangazo kuko uwafashe umwanzuro nta bubasha abifitiye. Abaturage b’Akagali ka Gatare barakomeza gukora ibikorwa byabo bya buri munsi bubahiriza amabwiriza asanzwe yo kwirinda icyorezo cya COVID-19. pic.twitter.com/yNqsF1kOX1

    — Nyamagabe District (@Nyamagabe) August 3, 2021

    [email protected]

  • Perezida Kagame yashyize mu kiruhuko cy’izabukuru ba Ofisiye Bakuru n’Abato muri Polisi na RCS – #rwanda #RwOT

    Muri Polisi y’Igihugu, Abakomiseri, ba Ofisiye Bakuru n’Abato bashyizwe mu kiruhuko bose hamwe ni 112.

    Abashyizwe mu kiruhuko cy’izabukuru barimo ACP Anthony Kulamba wigeze kuba Umuyobozi w’Ishami ry’u Rwanda rya Polisi Mpuzamahanga (Interpol) ndetse n’Umuyobozi w’ishami rya Polisi y’u Rwanda ryari rishinzwe Ubugenzacyaha, CID.

    ACP Kulamba yayoboye CID nyuma yo kumara igihe ari Umuyobozi ushinzwe gukurikirana imirimo y’Ubugenzacyaha muri CID ndetse nyuma yaje no kugirwa Umuvugizi wa Polisi y’u Rwanda.

    Kulamba kuri ubu asigaye ari Umuyobozi w’Ishami ryo gutwara abantu n’ibintu mu Rwego Ngenzuramikorere, RURA, nyuma yo kubanza kuba umuvugizi warwo ubwo yari avuye muri Polisi y’Igihugu.

    Mu bandi bashyizwe mu kiruhuko cy’izabukuru harimo ACP Révérien Rugwizangoga, wigeze kuba Umuyobozi wa Polisi y’u Rwanda mu Ntara y’Amajyaruguru ndetse ayobora Abapolisi b’u Rwanda mu butumwa bw’amahoro mu gihugu cya Haiti.

    Umukuru w’Igihugu kandi yashyize mu kiruhuko cy’izabukuru ACP Seminega Jean Baptiste wari Umuyobozi w’ishami rya Polisi rishinzwe kurwanya inkongi.

    ACP Murenzi Sebakondo wari Umuyobozi wungirije mu ishami rya Polisi ushinzwe guhuza ibikorwa bya Polisi n’abaturage nawe ni umwe mu bashyizwe mu kiruhuko cy’izabukuru.

    Umukuru w’Igihugu kandi yashyize mu kiruhuko cy’izabukuru Abofisiye batandatu b’Urwego rw’Igihugu rushinzwe Imfungwa n’Abagororwa, RCS, barimo CSP Zuba Camille wigeze kuba Umuyobozi wa Gereza ya Nyarugenge iri i Mageragere.

    Abandi bashyizwe mu kiruhuko cy’izabukuru muri RCS, ni CSP Mubihame Alphonse, SUPT Kajabo Semariza Denis, CIP Nizeyimana Bernard, CIP Harorimana Evariste na AIP Bagenzi Jean Baptiste.

    Hari kandi na CIP Ndayambaje Jackson wirukanywe burundu mu Rwego rw’Igihugu rushinzwe Imfungwa n’Abagororwa, RCS.

    Kuri uyu wa Kabiri kandi Su-Ofisiye ba Polisi y’u Rwanda 80 bashyizwe mu kiruhuko cy’izabukuru. Ni mu gihe Abapolisi bato bane basubijwe mu buzima busanzwe.

    Ba Su-ofisiye n’abapolisi bato 19 bo basezerewe muri Polisi y’u Rwanda ku mpamvu z’uburwayi.

    Ba Su-Ofisiye b’Urwego rw’Igihugu rushinzwe Imfungwa n’Abagororwa, 151 nabo kandi bashyizwe mu kiruhuko cy’izabukuru.

    Ku rundi ruhande, ba Su-ofisiye b’Urwego rw’Igihugu rushinzwe Imfungwa n’Abagororwa 12 nabo basubijwe mu buzima busanzwe mu gihe bagenzi babo n’Aba-Wada 29 birukanywe burundu muri RCS.

    ACP Seminega Jean Baptiste wari Umuyobozi w’ishami rya Polisi rishinzwe kurwanya inkongi nawe yashyizwe mu kiruhuko cy’izabukuru

    ACP Anthony Kulamba yigeze kuba Umuyobozi w’Ishami ry’u Rwanda rya Polisi Mpuzamahanga (Interpol)

    ACP Murenzi Sebakondo yashyizwe mu kiruhuko cy’izabukuru

  • U Rwanda ku mwanya wa 5 ku Isi mu bihugu bifite ingabo nyinshi mu butumwa bw’amahoro – #rwanda #RwOT

    Iyi raporo yasohotse ku wa 31 Gicurasi 2021, yagaragaje ko u Rwanda rufite ingabo 5.331 mu butumwa bw’amahoro, harimo abagabo 4.784 n’abagore 547, mu gihe iheruka gusohoka muri Werurwe 2021, rwari ku mwanya wa kabiri n’ingabo 6.335 nyuma ya Bangladesh.

    U Rwanda rufite ingabo mu butumwa bwa Loni bwo kugarura amahoro muri Sudani y’Epfo (UNMISS), i Darfur muri Sudani (UNAMID) kuva mu 2004 ndetse no muri Centrafrique (MINUSCA) kuva mu 2014.

    Ubu Bangladesh ni yo ikiri ku mwanya wa mbere n’ingabo 6.554, igakurikirwa na Nepal ifite 5.571, ndetse u Rwanda rushobora kugaruka ku mwanya wa kabiri muri raporo y’ubutaha kuko rwatangiye kohereza izindi ngabo 750 mu butumwa bwo kugarura amahoro muri Centrafrique.

    Ku wa Kabiri tariki 3 Kanama 2021, rwohereje icyiciro cya mbere kigizwe n’ingabo 300 ziyobowe na Lt Col Patrick Rugomboka, aho zizaba zifite inshingano zo kurinda umuhanda unyuramo ibicuruzwa uhuza umujyi wa Bangui na Cameroun.

    U Rwanda ni kimwe mu bihugu bike bikomeje umuhigo wo gutanga umusanzu mu kurinda abasivile bagirwaho ingaruka n’ibikorwa bya politiki, ndetse no kugira uruhare mu kugarura amahoro mu bice birangwamo intambara n’umutekano muke hirya no hino ku Isi.

    Ingabo z’u Rwanda zikora n’ibikorwa bitandukanye byo gufasha abaturage bagezweho ingaruka n’intambara birimo kubegereza amazi, kububakira amashuri, gutanga ubufasha mu buvuzi n’ibindi.

    Ubu igihugu gifite abasirikare bake mu kubungabunga amahoro ku Isi ni Qatar ifite umwe, mu gihe ibihugu nk’u Bwongereza bufite ingabo 55o, u Budage 552, u Bufaransa 622 na ho u Bushinwa bukagira 2.471.

    Muri Afurika, Ethiopia ni yo ifite ingabo nyinshi mu butumwa bwa Loni bwo kugarura amahoro ku Isi bangana na 5.488 ikaba iri ku mwanya wa Kane, naho ibihugu bituranye n’u Rwanda biza mu myanya ya hafi ni Tanzania ku mwanya wa 14 n’ingabo 1.467, u Burundi ku mwanya 26 n’ingabo 768, Uganda ku mwanya 33 n’ingabo 651 mu gihe Repubulika Iharanira Demokarasi ya Congo ntabo.

    Ingabo z’u Rwanda zitanga ubufasha no mu bijyanye n’imyubakire mu bihugu zibungabungamo amahoro

    Abapolisi bitegura kujya mu butumwa bw’amahoro

  • Burya disi urukundo rubaho koko umusore yiyambuye ubugabo bwe abona ko ntacyo yakwima umukunzi we afata icyemezo ajya kumukorera ikizami , ubu bose bari mu kaga gakomeye_ inkuru irambuye #rwanda #RwOT

    Umunyeshuri wa kaminuza muri Sénégal ari mu bibazo ashinjwa ko yiyoberanyije akigira nk'umugore kugira ngo akorere umukobwa bakundana ikizamini cy'Icyongereza gisoza amasomo.

    Amashusho agaragaza Khadim Mboup yambaye imyenda nk'iy'abagore ateze n'igitambaro mu mutwe, yahererekanyijwe ku mbuga nkoranyambaga anagarukwaho mu bitangazamakuru byo muri Sénégal.

    Uyu munyeshuri w'imyaka 22 watawe muri yombi mu mpera y'icyumweru gishize, yavuze ko yabikoze gusa 'kubera urukundo' kuko umukunzi we yagorwaga n'Icyongereza, nkuko ibitangazamakuru byaho bibivuga.

    Ku wa mbere yagejejwe mu rukiko aregwa kwiba umwirondoro w'undi muntu ndetse no gukora uburiganya mu kizamini, hamwe n'uwo mukobwa bakundana warezwe ubufatanyacyaha.

    Inkuru ya BBC

    Source : https://impanuro.rw/2021/08/04/burya-disi-urukundo-rubaho-koko-umusore-yiyambuye-ubugabo-bwe-abona-ko-ntacyo-yakwima-umukunzi-we-afata-icyemezo-ajya-kumukorera-ikizami-ubu-bose-bari-mu-kaga-gakomeye_-inkuru-irambuye/

  • Pasiteri yavuye kubwiriza none bamusanze yapfiriye mu muhanda yishwe n' inzara , abayoboke be barize karahava #rwanda #RwOT

    Mu mujyi wa Accra ho muri Ghana, Umupasiteri witwa Madina wari umenyereye kugendagenda abwiriza  mu muhanda yasanzwe aryamye ku gasozi yapfuye azize inzara yari amaranye igihe.

    Uyu mukozi w'Imana wari uzwi cyane muri aka gace, yabonywe aryamye mu muhanda yapfuye mu gitondo cyo kuwa 26 Nyakanga uyu mwaka n'abacuruzi bari baje gufungura amaduka ngo bacuruze.

    Abayoboke b'uyu mupasiteri bavuze ko yakundaga kwigisha yicaye ku giti cy'imyembe ndetse ngo ubuzima bwe bwose yabumaze yigisha abahisi n'abagenzi.

    Umwe mu batangabuhamya yavuze ko yakundaga kubona uyu mupasiteri ku muhanda ndetse rimwe na rimwe yakundaga kumugurira ibyokurya cyangwa se akamwihera amafaranga ngo ajye kubigura.

    Polisi ntabwo iratangaza neza icyamuhitanye gusa abantu benshi bemeje ko yishwe n'inzara cyane ko ngo atagiraga aho kuba n'akandi kazi.

    Source : https://impanuro.rw/2021/08/04/pasiteri-yavuye-kubwiriza-none-bamusanze-yapfiriye-mu-muhanda-yishwe-n-inzara-abayoboke-be-barize-karahava/

  • Burera: Abakingira ikibaba abishora mu biyobyabwenge batuma bidacika #Rwanda #RwOT via @kigalitoday #rwanda #RwOT

    Inzego zitandukanye mu Karere ka Burera zagaragarijwe ko guhishira abatunda ibiyobyabwenge bituma bidacika
    Inzego zitandukanye mu Karere ka Burera zagaragarijwe ko guhishira abatunda ibiyobyabwenge bituma bidacika

    Ubu butumwa yabutangiye mu Nama y’Umutekano, yateraniye mu Murenge wa Butaro mu Karere ka Burera kuwa kabiri tariki 4 Kanama 2021, yahuje inzego zitandukanye zo ku rwego rw’ako Karere n’Intara, hagamijwe kurebera hamwe ingamba zo kurwanya ibiyobyabwenge.

    Muri ako Karere, hakomeje kugaragara ibyiciro by’abantu batandukanye bakomeje gufatirwa mu biyobyabwenge binyura inzira zitemewe, aho baba babikuye muri Uganda. Hakaba ababifatirwamo, bagashaka kurwanya inzego z’umutekano, ibikorwa biba bibashyira mu kaga ko kuba banahaburira ubuzima.

    Guverineri, Nyirarugero Dancille, yagaragaje ko bene nk’abo akenshi baba bazwi n’abaturanyi babo, ba Mudugudu, ba mutwarasibo, ariko rimwe na rimwe bakabakingira ikibaba ntibabatangire amakuru, bitwaje ubushuti n’amasano bafitanye, bigatuma abijandika mu biyobyabwenge batabicikaho.

    Yagize ati “Kuba hari Imidugugudu ikigaragaramo abishora mu biyobyabwenge, kugera n’aho ihinduka indiri yabyo cyangwa inzira bicishamo bijyanwa ahandi, ahanini biba byatewe n’uko abo bantu bakingiwe ikibaba. Byumvikane ko iyo habuze ubatangira amakuru, bwaba ubuyobozi bwaho n’abaturage, nta n’umwe uba wujuje inshingano ze mu kubirwanya. Igihe kirageze ngo twese duhagarare twemye, turwanye ibiyobyabwenge, tubirinde urubyiruko rw’u Rwanda twivuye inyuma, tuzirikana ko ari rwo maboko yarwo”.

    Mu kiganiro ku ngaruka z’ibiyobyabwenge, Bishop John Rucyahana yagejeje ku bantu bitabiriye iyo nama, yagize ati “Kurwanya ibiyobyabwenge bigomba gushingira ku muryango, abakuru bagatoza abana guharanira kuba ab’ahazaza beza; kandi ko kugendera kure y’ibiyobyabwenge ari imwe mu ntwaro izabafasha kugera ku buzima bufite intego. Mureke turerere u Rwanda ruzira ibiyobyabwenge”.

    Ati “Niba Umuturanyi wawe anywa, acuruza Kanyaga cyangwa ibindi biyobyabwenge, mugire Inama yo kubireka. Nubirenza Amaso wibwira ko ibyo akora nta cyo bigutwaye, uzaba wibeshya. Menya ko ingaruka zabyo zizakugeraho byanze bikunze”.

    Kanyanga iri mu biyobyabwenge byinjizwa mu Karere ka Burera biturutse muri Uganda
    Kanyanga iri mu biyobyabwenge byinjizwa mu Karere ka Burera biturutse muri Uganda

    Umuyobozi wa Polisi mu Ntara y’Amajyaruguru, ACP Réverien Rugwizangoga n’Umuyobozi w’Urwego rw’Igihugu rw’Ubugenzacyaha (RIB) muri iyo Ntara, Mukamana Béline, bagaragaje ko ibyaha harimo gukubita, gukomeretsa no gusambanya abana bikorwa ahanini n’abanyoye ibiyobyabwenge.

    Imibare igaragaza ko mu Karere ka Burera, abantu 49 ari bo bamaze guhitanwa n’ibiyobyabwenge mu gihe kitarenga umwaka umwe. Ni mu gihe abasaga 400, ari bo bamaze gufatirwa mu burembetsi mu gihe kitarenga umwaka umwe. Bamwe muri bo bigishijwe ububi bwabyo, bafata umwanzuro wo kubivamo bagana ibindi bikorwa bibateza imbere.


  • Dore umugisha uzanwa no kumvira Imana #rwanda #RwOT

    Umugisha usobanuye kurebwa neza n’Imana bishatse kuvuga ngo umuntu wubaha Imana akayumvira ijisho ryayo rimureba neza, kandi uyu muntu aba afite umutekano usesuye kuko mu mugisha harimo uburinzi. Muri iyi nkuru turarebera hamwe abantu bumviye Imana bikabazanira umugisha.

    Samweli aramusubiza ati 'Mbese Uwiteka yishimira ibitambo byoswa n’ibindi bitambo kuruta uko yakwishimira umwumviye? Erega kumvira kuruta ibitambo, kandi kwitonda kukaruta ibinure by’amasekurume y’intama. (1Samweli 15:22)

    Nugira umwete wo kumvira Uwiteka Imana yawe, n’uwo kwitondera amategeko yayo yose ngutegeka uyu munsi, Uwiteka Imana yawe izagusumbisha amahanga yose yo mu isi, kandi iyi migisha yose izakuzaho, ikugereho niwumvira Uwiteka Imana yawe. (Gutegeka kwa kabiri 28:1-2)

    Nubwo kumvira Imana rimwe na rimwe bitunanira ndetse bikatugora, ariko bigira inyungu nyinshi.

    Dore ingero z’abantu bumviye Imana bikabazanira umugisha:

    Aburahamu Imana yaramuhamagaye iramubwira ngo va mu nzu ya so uze nkwereke igihugu nzakujyanamo. Akimara kumva iryo jwi araryumvira, kandi Imana imuhamagara yaramubwiye ngo nzaguha umugisha kandi nzogeza izina ryawe, kandi nzakugira ubwoko bukomeye ndetse nzagukomeza kandi uzaba umugisha.

    Aburahamu yarumviye ahita ahaguruka aragenda, ibyo byose Imana yamuvuzeho yarabisohoje. Uyu munsi yamugize ubwoko bukomeye umuntu wese arabizi ko Abisiraheli ari ubwoko bukomeye, babikomoye kuri sekuru Aburahamu wumviye Imana.

    Yozefu yumviye Imana kuko yari yaramubwiye ngo ntuzasamabane, ageze muri Egiputa kwa Potifari iryo hame yararikomeje n’ubwo nta muntu wamurebaga kandi yari umunyagano, ariko aravuga ngo ndibuka ibyo Imana yacu yadutegetse ibyo tubuzwa sinzabikora ngo ni uko ndi mu mahanga.

    Kumvira Imana kwa Yozefu kwamuzaniye umugisha kandi kwamugize umugisha. Nitwumvira Imana tuzagira umugisha kandi n’abatuba hafi bazarya kuri uwo mugisha wacu. Muribuka ko abo muri Egiputa bagiriye umugisha kuri Yozefu mu gihe ahandi hari harateye inzara ariko we yari yarabagiriye inama yo guhunika ibiribwa.

    Dawidi yumviye Imana akajya ayubaha aragiye intama za se Yesaya, akajya azirwanirira mugihe zitewe n’inyamaswa akumva afite urukundo rw’intama kandi akumva akunze Imana aho ari kuko yahoraga ahimbaza Imana aririmba. Imana yarebye Dawidi ibona umutima we umeze nk’uko ishaka. Imana iherako iravuga ngo Sawuli nari narimitse akansuzugura nabonye uwamusimbura ufite umutima wo kunyubaha no kunyumvira.

    Umunsi umwe Imana yagendereye Samweli iramubwira ngo genda kwa Yesaya nkwereke uwo unyimikira, agezeyo Imana yimika Dawidi. Iyo twumviye Imana iratugabira nk’uko yagabiye Dawidi ubwami. Natwe nitwumvira Imana hari byinshi tuzagabana tutabirwaniye.

    Muri macye dore inzira itagoye kandi itavunanye yo kubona umugisha w’Imana ni uko wakwitondera amategeko y’Uwiteka Imana yawe hanyuma ugaca mu nzira ikuyoboye. Kumvira Imana birashoboka kuko hari ababishoboye bakayumvira bakagira umugisha, nawe nuyumvira uzagira umugisha.

    Ev. Claudine

    [email protected]

    Source : https://agakiza.org/Dore-umugisha-uzanwa-no-kumvira-Imana.html

  • U Rwanda rwahawe kwakira igikombe cya Afurika mu mukino wa Volleyball, Ikipe y'igihugu y'abagabo n'abagore ihabwa Umunya-Brazil Paulo De Tarso Milagres nk'umutoza mukuru #rwanda #RwOT

    Ishyirahawe Nyarwanda ry'umukino wa Volleyball FRVB, ryahawe uburenganzira bwo kwakira Igikombe cya Afurika cy'ibihugu cy'umwaka wa 2021, iri rushanwa rikaba ari iry'abagore ndetse n'abagabo kizaba muri Nzeri 2021.

    Igikombe cya Afurika cy'abagore kizaba kuva tariki ya 05 kugeza ku ya 15 Nzeri 2021 naho Igikombe cya Afurika cy'abagabo kibe kuva tariki ya 10 kugeza ku ya 20 Nzeri 2021. Aya marushanwa yombi azatanga itike y'igikombe cy'isi cya Volleyball kizaba mu mwaka wa 2022 akazabera mu nyubako ya Kigali Arena.

    Nk'uko byatangajwe na FRVB, ubusabe bw'u Rwanda bwemewe hashingiwe k'ubushobozi u Rwanda rwerekanye mu kwakira imikino yo ku rwego rwa Afurika mu bihe bitandukanye byo mu mezi atambutse; kuba hari ibikorwaremezo bigezweho bishobora kwakira amarushanwa yo ku rwego mpuzamahanga muri Siporo ndetse n'ingamba zitajenjetse u Rwanda rwashyizeho zo gukumira, kwirinda no guhangana n'ikwirakwira rya COVID-19.

    Minisitiri wa Siporo mu Rwanda Munyangaju Aurore Mimosa, avuga kuri iki cyemezo yagize ati: 'Turashimira CAVB ku cyizere yagiriye u Rwanda. Nk'igihugu tubijeje kuzategura irushanwa ryiza kandi abagize umuryango mugari wa Volleyball muri Afurika tubijeje ubuzima buzira umuze ubwo bazaba bari mu gihugu cyacu.'

    Umuyobozi wa FRVB, NGARAMBE Raphaël yagize ati: 'Twishimiye kandi dutegerezanije ibyishimo kwakira i Kigali abavandimwe duhuriye mu muryango wa Volleyball muri Afurika. Turabizi kandi ko dufite inshingano zo gutegura ikipe izahesha ishema igihugu cyacu.'

    Umuyobozi w'Impuzamashyirahamwe ya Volleyball muri Afurika, Madame Bouchra HAJIJ yagize ati: 'Mu kwemera ubusabe bw'u Rwanda, nta kindi twashingiyeho uretse kuba bwari busobanutse kandi buhiga ubundi twakiriye. Ikindi, uruhare rw'u Rwanda mu iterambere rya Volleyball muri Afurika rurashimishije.'

    Ku ruhande rw'ikipe y'igihugu y'umukino wa Volleyball ikaba yahawe Umunya-Brazil Paulo De Tarso Milagres nk'umutoza mukuru mu bagabo ndetse n'abagore, mu bazambwungiriza mu bagabo barimo Nyirimana Fidele ndetse na Ntawangundi Dominique, mu bagore azungirizwa na Ndayikengurukiye Jean Luc na Mudahinyuka Christophe.

    Biteganyijwe kuri uyu wa gatatu aribwo hari buhamagarwe ikipe zigomba gutangira imyitozo yo izatangira tariki ya 6 kugeza kuya 25 Kanama 2021.

    The post U Rwanda rwahawe kwakira igikombe cya Afurika mu mukino wa Volleyball, Ikipe y'igihugu y'abagabo n'abagore ihabwa Umunya-Brazil Paulo De Tarso Milagres nk'umutoza mukuru appeared first on RUSHYASHYA.

    Source : https://rushyashya.net/u-rwanda-rwahawe-kwakira-igikombe-cya-afurika-mu-mukino-wa-volleyball-ikipe-yigihugu-yabagabo-nabagore-ihabwa-umunya-brazil-paulo-de-tarso-milagres-nkumutoza-mukuru/?utm_source=rss&utm_medium=rss&utm_campaign=u-rwanda-rwahawe-kwakira-igikombe-cya-afurika-mu-mukino-wa-volleyball-ikipe-yigihugu-yabagabo-nabagore-ihabwa-umunya-brazil-paulo-de-tarso-milagres-nkumutoza-mukuru

  • Musanze: Hari ababyeyi batarasobanukirwa neza amabwiriza ajyanye no konsa #Rwanda #RwOT via @kigalitoday #rwanda #RwOT

    Ni mu gihe isi yose iri mu cyumweru mpuzamahanga cyahariwe konsa cyizihizwa guhera buri tariki ya 1 kugeza kuya 7 Kanama, mu rwego rwo kugaragaza akamaro ko konsa, aho konsa neza abana bibaha intangiriro nziza y’ubuzima, bikaba ari kimwe mu bikorwa byoroshye, kandi gitanga inyungu kuko hagomba gushakwa uburyo abana bose babaho kandi bagakura neza.

    Igikomeje kugora abaturage muri iyo gahunda, ni ubumenyi n’agaciro baha ayo mabwiriza ajyanye no konsa neza umwana, aho abaganiriye na Kigali Today mu Karere ka Musanze bagaragaje ko bagira imbogamizi mu kubahiriza gahunda ikwiye yo konsa umwana, zirimo ubukene, ubumenyi buke, n’imibanire mibi y’abo bashakanye.

    Ubundi konsa umwana uko bikwiye, biba byiza ari uko bikozwe inshuro umunani ku munsi, kandi bigakoranwa isuku nk’uko bivugwa n’Umuyobozi w’ibitaro bikuru bya Ruhengeri, Dr Muhire Philbert.

    Yagize ati “Umwana umaze kuvuka ntiyagombye kurenza isaha imwe atarashyirwa ku ibere, icyo ababyeyi bagomba kukimenya kuko ari ingirakamaro, aho ayo mashereka ya mbere aba arimo intungamubiri zikomeye zirimo n’ibirinda umwana uburwayi kandi bigafasha wa mubyeyi kubona amashereka imiyoboro iyazana ikabasha gukora neza. Ikindi agomba kureba uburyo azonsa umwana byibura imyaka ibiri, umubyeyi kandi akonsa umwana mu gihe cy’amezi atandatu nta mfashabere”.

    Arongera ati “Guhera ku kwezi kwa gatandatu, nibwo umubyeyi ashaka ikizunganira ibere, kandi umwana akonswa byibura inshuro umunani ku munsi, umwana akonka buri masaha atatu, kandi ntituvuge ngo umwana aronka ku manywa asibe ijoro”.

    Bavuga ko akazi katabemerera konsa abana babo uko bikwiye
    Bavuga ko akazi katabemerera konsa abana babo uko bikwiye

    Mu gihe u Rwanda ruri mu cyumweru cyahariwe konsa, abenshi mu baganiriye na Kigali Today, bavuga ko batubahiriza ayo mabwirizwa yagenewe gahunda yo konsa, aho bonsa abana inshuro ziri munsi y’izagenwe n’impuguke mu buvuzi, bitewe n’akazi kenshi kaba kabahugije, imirire mibi y’abo babyeyi aho bamwe babura amashereka ndetse bamwe bakonsa abana batabanje gusukura intoki.

    Nyirarwangano Josephine ati “Bitewe n’imibereho ababyeyi ntibakibona umwanya wo konsa abana, urabyuka ugenda, umwana ukamusigira umukozi utamufite na we agashaka uko yirwanaho, ugasanga bigeze ku mugoroba umwana yonse rimwe. Ibi bikomeje kugira ingaruka ku bana kuko ntibagira imikurire myiza ari na ho hava ikibazo cy’igwingira”.

    Arongera ati “Uragera ku bahinzi byo bigahumira ku mirari, kuko ntibakaraba mbere yo konsa, nanjye ngituye mu cyaro sinakozwaga ibyo gukaraba, maze no gukaraba bagiye kurya ntibabikora, ni ikibazo gikomeye”.

    Nyiramana Emerence ufite umwana w’uruhinja avuga ko iyo yamwonkeje inshuro nyinsi ku munsi amwonsa kane, akavuga ko n’ubwo aba amuhetse aba ari mu kazi ashaka imibereho, bikaba ngombwa ko yibuka konsa umwana ari uko arize kubera inzara.

    Kuri we ngo ikibazo bagira, ni ubumenyi buke kuri gahunda yo konsa umwana, ikindi ngo kubona ibyo kurya ntacyo umugabo amufasha aho iyo yabonye udufaranga atumarira mu nzoga, ibyo byose ngo bigatera ikibazo cyo kubaho nabi, yakonsa umwana rimwe na rimwe akabura amashereka kubera imirire mibi.

    Umwe mubemeza ko amabwiriza yo konsa atubahirizwa
    Umwe mubemeza ko amabwiriza yo konsa atubahirizwa

    Siniragiye Donatha nawe avuga ko akazi kenshi agira ko gucuruza imbuto apagasa, kamwibagiza konsa umwana we akamuha ibere iyo arize mu buryo bwo kumuhoza, avuga ko ubukene ari kimwe mu bimutera atita ku mwana we nk’uko bikwiye.

    Ati “Nk’ubu nta gikoma mperuka nitungiwe n’amazi y’umugezi, umwana ndamushyira ku ibere agakurura ntagite icyo abona, ubukene butumereye nabi, none se uwo mwana koko ubwo azakura neza?

    Iyo nabonye udufaranga ngura ibirayi, iby’ibikoma narabyibagiwe, imirire ni mibi, nk’ubu iyo ngize amahirwe yo kurya akanyama ni kuri Noheli, abakora ubuhinzi bo sinakubwira, aratamika umwana ibere atitaye ko intoki zanduye, ni uko Leta yatwibutse itugenera ibinini by’abana, na ho ubundi inzoka zari kuzabica”.

    Ikindi abo babyeyi bagaragaje ni umubare munini w’abagore bagifite inyumvire yo kwirinda konsa abana, bakemera bakabakamira amashereka kugira ngo amabere yabo atagwa. Ibyo abenshi bafashe nk’ubwirasi ndetse na Dr Muhire Philbert avuga ko, ibyo na we abibona henshi kandi ko byangiza imikurire y’abana.

    Dr Muhire ati “Hari ababyeyi bajya bavuga ngo ntibonsa abana kuko bibahindurira amabere, icyo nababwira batekereze ku buzima bw’abana babo bareke gutekereza ku buzima bwabo bwite. Iyo umubyeyi yabyaye aba yagize abana, aba yavuye mu cyiciro kimwe yageze mu kindi, n’abagabo babyumve niba ufite umugore akabyara aba yabyaye nyine, mwagize abana, bigomba kubaho ntabwo bagomba kugereranywa n’ubuzima bw’abana babo, ababyeyi bamenye ko umwana akenera ibere kandi nta kirisimbura, ni yo mpamvu habaho iki cyumweru cyahariwe konsa”.

    Abana bageze ku mezi atandatu batangira guhabwa inyunganirabere kugeza ku myaka ibiri
    Abana bageze ku mezi atandatu batangira guhabwa inyunganirabere kugeza ku myaka ibiri

    N’ubwo abo babyeyi bagaragaza izo mbogamizi, Raporo y’Ikigo cy’Igihugu Gishinzwe Imikurire no Kurengera Umwana yo mu mwaka wa 2019, igaragaza ko hafi 87% by’ababyeyi b’u Rwanda bonsa neza abana babo, mu gihe cy’amezi atandatu ya mbere y’ubuzima bwabo nta mfashabere, mu gihe 64% by’abana bo mu Rwanda ari bo bahabwa imfashabere nyuma y’amezi atandatu.