Webrwanda Backend

Author: webrwanda

  • CAFConfederationCup : AS Kigali yatsinze ibitego 6-0 birimo icya Abeddy wagituye umugore we ukuriwe #rwanda #RwOT

    Ni umukino wabaye kuri uyu wa Gatandatu,tariki 18 Nzeri 2021, kuri Stade ya Kigali i Nyamirambo, AS Kigali na Olympique de Missiri zarimo zishaka uzakomeza mu cyiciro gikurikiraho mu majonjora yo kujya mu matsinda ya.

    Umukino ubanza wari wabereye mu birwa bya Comores, aho umukino wari warangiye AS Kigali ikuyeyo insinzi ku bitego 2-1.

    Ni umukino watangiranye imbaraga, gusa AS Kigali bikagaragara ko iri hejuru kurusha Olympique de Missiri, ibi byaje kwigaragaza ku munota wa 25 aho Kwizera Pierrot yaje kuba afasha ikipe y’abanyamujyi kuguma mu nzira nziza yo gukomeza afungura amazamu, ni kumupira yari ahawe na Mugheni Fabrice.

    Icyizere cyari kimaze kwiyongera maze mbere yo gusoza igice cya mbere Niyibizi Ramadhan na Abubakar Lawal bafasha AS Kigali kujya mu kiruhuko bizeye gukomeza kuko byasabaga Olyimpic de Missiri gutsinda ibitego bitanu AS Kigali idakozemo kugiramo ikomeze mu kindi kiciro.

    Igice cya kabiri cyaje gutangira ariko abanyamujyi bakomeza intego yo gutaha izamu ry’abo mu birwa, ibi byaje gushimangirwa n’abakinnyi nka Biramahire Abbedy wari winjiye mu kibuga asimbuye kubona igitego cya kane.

    Uyu musore unitegura kubyarana n’umukunzi we, yishimiye iki gitego ashyira ballon mu mupira yari yambaye agaragaza ko kiriya gitego agituye uwo mugore we.

    Umukino ukaba warangiye AS Kigali isezereye Olympique de Missiri-Sima yo mu birwa bya Comores ibitego 8-1 mu mikino yombi.

    Umukino wo mu cyiciro gikurikira AS Kigali ikazacakirana na Club Motema Pembe yo muri Repubulika Iharanira Demokarasi ya Congo mu kwezi gutaha. Umutoza Eric Nshimiyimana akaba asabwa kuwutsinda kugirango akomeze mu matsinda ya CAF Confederation Cup.

    UKWEZI.RW

    Source : http://www.ukwezi.rw/Imikino/article/CAFConfederationCup-AS-Kigali-yatsinze-ibitego-6-0-birimo-icya-Abeddy-wagituye-umugore-we-ukuriwe

  • Volleyball-Abagore : Birangiye u Rwanda ruvanywe mu irushanwa rwashobora kwegukana #rwanda #RwOT

    Byatangajwe na Ministeri ya Siporo mu itangazo yashyize hanze mu ijoro rishyira kuri iki Cyumweru tariki 19 Nzeri 2021, rivuga ko kubera ibirego byashyizwe ku ishyirahamwe ry’umupira w’Amaboko wa Volleyball, byari byatumye iri rushanwa riba rihagaze ngo hakorwe isuzuma, ubu hafahswe icyemezo ko rikomeza.

    Iri tangazo rivuga iri rushanwa riza gukomeza hatarimo u Rwanda, mu gihe hakiri gukorwa iperereza ku kibazo cyagaragajwe n’ishyirahamwe ry’umukino wa Volleyball ku isi.

    Biteganyijwe ko amakipe asigaye usibye Senegal na yo yahise yikura muri aya marushanwa, araza gukomeza imikino ya 1/2 guhera i Saa ine za mu gitondo, naho umukino wa nyuma ukinwe Saa mbili z’ijoro muri Kigali Arena.

    U Rwanda rwari rwarezwe gukinisha abanyamahanga bakiniye ikindi gihugu mu ikipe ya Volleyball y’abagore.

    Aya makuru yamenyekanye nyuma y’uko umukino wagombaga guhuza ikipe y’u Rwanda na Senegal usubitswe ku mugoroba wo kuri uyu wa Kane tariki 16 Nzeri 2021 aho Komiseri w’umukino yatangaje ko uyu mukino usubitswe kubera ikibazo cya Tekiniki.

    Nyuma y’isubikwa ry’uyu mukino ni bwo hamenyekanye amakuru ko u Rwanda rwarezwe mu ishyirahamwe nyafurika ry’Umukino w’amaboko wa Volleyball ko rwakinishije abanyamahanga.

    Iki kirego cyatanzwe n’Ishyirahamwe rya Volleyball muri Nigeria ko u Rwanda ruri gukinisha abakinnyi bane batagombye kuba bakina iri rushanwa.

    Iki kirego bigaragara ko cyanditswe tariki 15 Nzeri 2021 kinagaragaza amazina y’abo bakinnyi ari bo Aline Siwurira A., Apolinario Caroline, Mariana De Silva Bianca, ndetse na Moreira Gomes D.

    UKWEZI.RW

    Source : http://www.ukwezi.rw/Imikino/article/Volleyball-Abagore-Birangiye-u-Rwanda-ruvanywe-mu-irushanwa-rwashobora-kwegukana

  • Menya imirongo ine yo muri Bibiliya ugomba kwifashisha mu gihe ukeneye kubona amafaranga , inkuru irambuye #rwanda #RwOT

    Hari igihe umuntu ageramo agakenera amafaranga cyane kandi adafite aho ari buyakure, bigatuma yiheba ndetse akaba yanatekereza ko Imana itamuzi cyangwa itamukunda nk'abandi. Gusa Imana ihora itegereje kumva icyo uyisaba ngo ikigukorere nk'umwana wayo ikunda kandi yishimira ni ahawe ho kuyisaba icyo ukeneye cyose.

    Dore iyo mirongo 4 yo muri Bibiliya ushobora gusoma igihe ukeneye amafaranga.

    1. Zaburi 72:12-14: 'Kuko azakiza umukene ubwo azataka, N'umunyamubabaro utagira gitabara, Azababarira uworoheje n'umukene, ubugingo bw'abakene azabukiza, Azacungura ubugingo bwabo, abukize agahato n'urugomo, kandi amaraso yabo azaba ay'igiciro cyinshi imbere ye'. Igihe cyose uzaba ukeneye amafaranga uzahamagare Imana kuko yumva abayiyambaza kandi ari inyampuhwe izakumva igutabare icyo usabwa gusa ni ukuyisaba.

    2. Imigani 19:1: 'Umukene ugenda atunganye, Aruta ufite ururimi rugoreka kandi ari umupfapfa'. Ntuzakena igihe cyose, rero ugomba kumenya ko nubwo waba ukennye ute ugomba kuba inyangamugayo. Kuko iyo uri inyangamugayo ukennye uba uruta umukire ufite byose ariko udatunganira Imana.

    3. Zaburi 14:6: 'Mukoza isoni inama z'umunyamubabaro, Ariko Uwiteka ni ubuhungiro bwe'. Uwiteka niwe buhungiro bwawe, ugomba kwizera ko Imana yagukura kure ikakwicazanya n'ibikomangoma. Wowe gusa yisabe, Uyizere ntizagutererana.

    4. 2Abakorinto 8:9: 'Kuko muzi Ubuntu bw'Umwami wacu Yesu Kristo uko yari umutunzi maze agahinduka umukene ku bwanyu kugira ngo ubukene bwe bubatungishe'. Nta mpamvu nimwe ugomba kubura amafaranga kandi Yesu Kristu ari we ubutunzi bwose buturukaho ndetse yemera no guca bugufi kugirango dukire.

    Icyo twe dusabwa ni ugusenga tugasaba Imana icyo twifuza cyose, Tugakora kuko Imana yanga abanebwe kandi tukizera ko ibyo twasabye tugiye kubibona nta kabuza Imana izabiduha uko twabisabye.

    Source : https://impanuro.rw/2021/09/19/menya-imirongo-ine-yo-muri-bibiliya-ugomba-kwifashisha-mu-gihe-ukeneye-kubona-amafaranga-inkuru-irambuye/

  • U Rwanda rwasezerewe mu gikombe cya Afurika gisozwa kuri iki Cyumweru #Rwanda #RwOT via @kigalitoday #rwanda #RwOT

    Nyuma y’iminsi itatu yari ishize igikombe cya Afurika cya Volleyball gihagaze kubera ikirego cyari cyatanzwe kigaragaza ko u Rwanda rwakinishije abakinnyi batabyemerewe, Minisiteri ya Siporo yatangaje ko irushanwa risozwa kuri iki Cyumweru.

    Irushanwa rirakomeza hatarimo ikipe y
    Irushanwa rirakomeza hatarimo ikipe y’u Rwanda

    Mu itangazo Minisiteri yatanze mu gicuku cyo kuri iki Cyumweru, yavuze ko iri rushanwa riza gukomeza hatarimo u Rwanda, mu gihe hakiri gukorwa iperereza ku kibazo cyagaragajwe n’ishyirahamwe ry’umukino wa Volleyball ku isi.

    Nyuma y’iminsi hasuzumwa ikibazo cy’abakinnyi bane bakomoka muri Brazil ari bo Aline Siqueira, Apolinario Caroline Taiana, Mariana Da Silva na Moreira Bianca Gomes, haje gufatwa umwanzuro ko u Rwanda rusezererwa muri aya marushanwa.

    Andi makipe asigaye usibye igihugu cya Senegal nacyo cyahise cyikura muri aya marushanwa, araza gukomeza imikino ya 1/2 guhera i Saa ine za mu gitondo, naho umukino wa nyuma ukinwe Saa mbili z’ijoro muri Kigali Arena.

    Itangazo rya Minisiteri ya Siporo y
    Itangazo rya Minisiteri ya Siporo y’u Rwanda
    Uko imikino yo kuri iki Cyumweru iteganyijwe
    Uko imikino yo kuri iki Cyumweru iteganyijwe


    source : https://ift.tt/3tPXXlM

  • CAFCC:AS Kigali yanyagiye Olympique de Missiri-Sima yerekeza mu cyiciro gikurikiraho #rwanda #RwOT

    Ikipe ya AS Kigali yasezereye Olympique de Missiri-Sima yo muri Comoros mu ijonjora rya mbere rya CAF Confederations Cup ku giteranyo cy'ibitego 8-1 mu mikino yombi muri CAF Confederations Cup.

    Nyuma yo kuyisanga iwayo ikayitsinda ibitego 2-1,AS Kigali yanyagiye Olympique de Missiri-Sima ibitego 6-0 mu mukino wo kwishyura wabereye i Kigali.

    AS Kigali yatangiye isatira ku bituma ku munota wa 27 ibona coup franc yakozweho na Kakule Mugheni Fabrice hanyuma Kwizera Pierrot atera ishoti rikomeye umupira uboneza mu nshundura.

    AS Kigali yaje kubona igitego cya kabiri gitsinzwe na Niyibizi Ramadhan ku munota wa 42,nyuma y'umupira wari uhinduwe na Mukonya ariko umunyezamu ananirwa kuwufata ngo awukomeze,myugariro we ashaka kuwuyobya wisangira uyu rutahizamu aho yari ahagaze wenyine awohereza mu nshundura.

    Ku munota wa 45, AS Kigali yabonye igitego cya gatatu gitsinzwe na Aboubakar Lawal nyuma y'uko myugariro wa Olympique de Missiri amwihereye umupira asigarana n'umunyezamu aramuroba AS Kigali yarangije igice cya mbere ifite ibitego 3-0.

    AS Kigali yatangiye igice cya kabiri ishaka igitego cya 4, ku munota wa 52 ibigeraho ibifashijwemo na Shabani Hussein Tchabalala n'umutwe ku mupira wari uhinduwe na Niyibizi Ramadhan.

    Ku munota wa 60 AS Kigali yabonye igitego cya gatanu gitsinzwe na Rukundo Denis.

    AS Kigali yahise ikora impinduka havamo Haruna Niyonzima na Aboubakar Lawal hinjiramo Buteera Andrew na Saba Robert.

    Ku munota wa 68 AS Kigali yakoze izindi mpinduka 3, Uwimana Guilain, Kayitaba Jean Bosco na Biramahire Abeddy binjiyemo havamo Niyibizi Ramadhan, Kakule Mugheni Fabrice na Shabani Hussein Tchabalala.

    AS Kigali yakomeje gushaka uko yatsinda ibindi bitego maze Ku munota wa 90 Biramahire Abeddy yanga kuviramo aho atsinda icya 6. Umukino warangiye ari 6-0, ikomeza ku giteranyo cy'ibitego 8-1.

    Nyuma yo gusezerera Olympique de Missiri-Sima, AS Kigali izahura na Darling Club Motema Pembe yo muri DR Congo.

    Source : https://umuryango.rw/imyidagaduro/imikino/article/as-kigali-yanyagiye-olympique-de-missiri-simayerekeza-mu-cyiciro-gikurikiraho

  • Tom Close yeretse abafana be abana be 5 (ifoto) – YEGOB #rwanda #RwOT

    Umuhanzi Muyombo Thomas wamamaye ku izina rya Tom Close, yerekanye abana be 5. Ibi Tom Close yabikoze abinyujije kuri story ya instagram ye. Tom Close yashyize hanze ifoto ikurikira y'abana be 5 maze ayiherekesha amagambo agira ati ” Full Squad “.

    Source : https://yegob.rw/tom-close-yeretse-abafana-be-abana-be-5-ifoto/

  • Umukobwa w'i Kigali bamurangirije ku ikariso aratwita. – YEGOB #rwanda #RwOT

    Uyu mwana w'umukobwa avuga ko yahohotewe n'umukunzi we akamusaba ko yamurangiriza ku ikariso ye birangira amuteye inda ari isugi.

    Uyu mwana w'umukobwa tutari buvuge amazina ye kubera umutekano we, atuye mu mujyi wa Kigali. Yatanze ubuhamya buteye agahinda bw'ibyamubayeho ariko nanone bukubiyemo impanuro yabera isomo abana b'abakobwa bari mu kigero cye.

    Yatangiye avuga ko ibi byamubayeho mu 2019 ubwo yari afite imyaka 17 yonyine. Icyo gihe ngo yigaga mu mwaka wa 6 w'amashuri abanza yitegura kujya mu wa mbere w'amashuri yisumbuye. Ngo yari afite umusore wari inshuti ye bari bamaze amezi atibuka neza bakundana, hanyuma rimwe bahana gahunda ko azajya kumusura.

    Mu kubisobanura yagize ati: 'Nyine twari dufitanye gahunda ko ndibujye kumusura njya kumusura bisanzwe ndamuhamagara nyine kugira ngo ahandangire njyayo, gusa ntabwo yari ari mu rugo, njyeze yo nsanga adahari, bacuti be baramumpamagarira ndamutegereza araza. Aje, baba shuti be bahita bagenda nsigarana nawe mu nzu'.

    Mu marira menshi mu kiganiro aherutse gutanga kuri Youtube yavuze ko ubusugi bwe yumvaga ari impano azagenera umugabo we

    Yakomeje agira ati 'Ubwo nyine ibyakurikiyeho ni uko yashatse ko turyamana nkabyanga nyine nkomeza kumunaniza cyane, we nyine ukuntu yabigenje yahise arangiriza ku myenda nari nambaye. Yari yazamuye ijipo ariko nari ncyambaye imyenda'.

    Source : https://yegob.rw/umukobwa-wi-kigali-bamurangirije-ku-ikariso-aratwita/

  • BREAKING NEWS: Irushanwa ry'Igikombe cy'Africa cy'Abagore cya #Volleyball cyaberaga mu Rwanda rirahagaritswe. – YEGOB #rwanda #RwOT

    Irushanwa ry'Igikombe cy'Africa cy'Abagore cya #Volleyball cyaberaga hano mu Rwanda rirahagaritswe, ndetse Amakipe yose agomba guhita asubira iwayo.

    Amakuru avuga ko impamvu yatumye iri rushanwa rihagarikwa ari uko hagiye hakinishwa abakinnyi b'abanyamahanga.Bivugwa ko u Rwanda rwakinishije Abanya-Brazil Bane ku mukino bahuyemo, kandi abo bakinnyi bari barakiniye ikindi gihugu (Brazil).

    Source : https://yegob.rw/breaking-news-irushanwa-ryigikombe-cyafrica-cyabagore-cya-volleyball-cyaberaga-mu-rwanda-rirahagaritswe/

  • Covid-19 yahitanye abantu 7 mu Rwanda abandi 224 barayandura #rwanda #RwOT

    Abarwayi bashya babonetse ni 224 bangana na 1.3% by'ibipimo byafashwe mu masaha 24.Uyu munsi abantu 36,872 ni bo bahawe doze ya 2 y'urukingo.

    Abaturarwanda barashishikarizwa kubahiriza amabwiriza atangwa n'inzego z'ubuzima mu gukumira ikwirakwira ry'icyorezo, ari yo kwambara agapfukamunwa neza, guhana intera, gukaraba intoki kenshi bakoresheje amazi meza n'isabune cyangwa gukoresha alukolo yabugenewe.

    Ikibazo cy'imyumvire ishingiye ku myemerere kiri mu bitera kwiyongera kwa Covid-19 nkuko byagaragajwe n'ubushakashatsi bwakozwe n'Ikigo cy'Igihugu cy'Ubuzima (RBC).

    Ubu bushakashatsi bwagaragaje ko imyumvire ishingiye ku myemerere ituma bamwe basanisha COVD-19 n'imperuka y'Isi, ko gukingirwa ari ukwakira Ikimenyetso cy'inyamaswa cyangwa umugambi wo kumaraho abantu ku Isi n'ibindi.

    Umunyamabanga wa Leta muri Minisiteri y'Ubuzima ushinzwe ubuvuzi bw'Ibanze Lt Col Dr. Mpunga Tharcisse, yashimangiye ko impamvu iyo myumvire itaracika burundu ahanini biterwa n'uruhare rw'abayobozi b'amadini n'amatorero, kuko ari bo bayobora intekerezo n'imyitwarire y'abayoboke babo.

    Yagize ati: 'Mu madini n'amatorero, abafitemo ibihuha bishingira ku bayobozi ubwabo kuko ni bo babigisha, mu nsengero nta mukirisitu ubaza ijambo ibyo wamubwiye ni byo ajyana; ni ukuvuga ngo we ntabwo afite umwanya wo kujya impaka. Uwamwigishije ni we turimo kuzana ahangaha tukamubwira tuti ariko we yarakingiwe, afite ubwo bwirinzi? Nagire uruhare atere intambwe yo kwigisha ko utarakingirwa agomba kwirinda akarinda n'abandi kuko atabikoze gutyo n'ubundi bazarwara, nibarwara bashobora no gutakaza ubuzima.'

    Yakomeje avuga ko amadini n'amatorero afite uruhare rukomeye mu guhangana n'iki cyorezo, cyane ko Abanyarwanda hafi ya bose bizera Imana. Yongeyeho kandi ko abanyamadini n'amatorero bakwiye kumenya ko abo COVID-19 yica ari bagenzi babo bityo imyumvire ituma batirinda idashobora kubakingira ibyago byo kwandura, kuremba no kubura ubuzima.

    Umuyobozi wungirije w'Impuzamadini n'Amatorero mu Rwanda (RIC), akaba na Mufti w'u Rwanda Sheikh Hitimana Salim, na we yashimangiye ko icyorezo cya COVD-19 kitazi imyumvire n'imyemerere y'abantu n'ibindi bibatandukanya nk'ubwenegihugu, ibara ry'uruhu n'ibindi, ari na yo mpamvu ntawukwiye kubyitwaza ngo arenge ku mabwiriza yashyiriweho kwirinda.

    Yavuze ko nk'abahagarariye imiryango ishingiye ku myemerere bamaze gutera intambwe yo kuba bandebereho bikingiza, kandi bubahiriza amabwiriza yose agamije kubungabunga ubuzima, bakaba bakomeje urugendo rwo kubikangurira abo bayobora.

    Yagize ati: 'Ndabanza gushima Igihugu cyacu cyabashije kutubonera inkingo ndetse natwe nk'abanyamadini tukabasha kugenerwa ayo mahirwe. Twarikingije rero kandi RIC yarabikurikiranye, n'icyiciro cyari gisigaye mu minsi ishize cy'abantu bakora mu nzego zihura n'abantu benshi cyane na bo mu minsi ishize bararangije nta kibazo dufite. Ariko mbere y'uko twikingiza gahunda z'ubukangurambaga twazitangiye rugikubita icyorezo kikigera mu Gihugu cyacu.'

    Yakomeje ashimangira ko abafite imyumvire idasesenguye ikomeza gushora ubuzima bw'abantu mu kaga, ashimangira ko RIC irimo gutegura uko yahura na bamwe mu bagaragaza ubutagondwa kugira ngo baganirizwe banerekwe ko iki cyorezo kititaye ku bumenyi budahagije umuntu agifiteho.

    Umuyobozi w'Umuryango World Relief uhagarariye ibikorwa by'amadini n'amatorero mu guteza imbere imibereho myiza y'abaturage Moses Ndahiro, yavuze ko bafatanyije na Minisiteri y'Ubuzima bagahura n'abayobozi kugira ngo bafatanye kongera imbaraga mu rugamba rwo guhangana n'iki cyorezo harimo no kurwanya imyumvire idindiza urwo rugamba.

    Nubwo hakiri abafite imyumvire idahwitse, Leta y'u Rwanda izirikana uruhare rw'amadini n'amatorero mu rugamba rwo guhangana n'icyorezo cya COVID-19 kuko yakoranye ibakwe mu gutanga urugero rwiza ashyira mu bikorwa ingamba zose zigamije kurinda no kurinda abayoboke kuva icyorezo cyagera mu Gihugu.


    Source : https://umuryango.rw/amakuru/mu-rwanda/ubuzima/article/covid-19-yahitanye-abantu-7-mu-rwanda-abandi-224-barayandura

  • Isura yawe ntaho yakugeza! Isomo mu nzira yuz… – #rwanda #RwOT

    Hari abavuka inzira ziharuwe, ibyo bakora byabagize ibyamamare byaraboroheye kubigeraho kubera ubafasha bw’imiryango n’ibindi. Gusa abo ni bo bacye kandi babasha kuramba mu kazi. Hariho abakiri bato bifuza kuzamera nk’ibyamamare runaka babona banumva nyamara batazi inzira baciyemo bakibwira ko inzira baciyemo zari zoroshye ariko si ko biri rwose.

    Uyu munsi INYARWANDA twabateguriye ibyamamare binyuranye byo mu Rwanda no hanze byagiye bivugwa nabyo ubwabyo bikaba byakivugira inzira y'amacumu byanyuze yuje gucibwa intege, mu bukene bukomeye ariko kuri ubu bakaba ari bo bafatirwaho urugero n'imbaga nyamwinshi.

    Mu bo twabateguriye harimo abazwi mu Rwanda, Africa n'isi muri yose muri rusange.

    Shakira w'imyaka 44 watangiye umuziki mu mwaka 1990 yatangiye afite munsi y'imyaka 13, akomoka mu gihugu cya Colombia, yigeze kuvuga ko urungano rwe rwajyaga rumubwira ko afite ijwi ribi rirutwa n’iry'ihene ariko ibyo ntiyabyitayeho yarabirenze birangira abaye icyamamare mpuzamahanga, rya jwi rye rikundwa na bose.

    Enrique Iglesias w'imyaka 46 yatangiye umuziki mu mwaka wa 1995, akomoka kuri Espagne mwene Julio iglesias na Isabel Preysler. Se umubyara Julio n’ubwo nawe ari umuririmbyi wanaconzeho umupira w'amaguru ntiyigeze yifuza ko umwana we yaba umuririmbyi. Nyamara ubwo Iglesias yajyaga kwiga muri Amerika yatangiye umuziki mu mazina yandi, se ajya kubimenya byararenze igaruriro.

    Davido w'imyaka 28 yavutse ku mushoramari ukomeye, Adedeji Adeleke na Veronica Adeleke. Yinijye mu muziki mu mwaka wa 2010, inzira yari igoye kuko se atigeze na rimwe yifuza ko umuhungu we yajya mu bintu by'imiziki. Yarwanije Davido yabonaga ntaho yazamugeza. Hari aho yigeze gukoresha ububasha bwe maze atageka polisi guhagarika igitaramo cya Davido.

    Urugendo rw'umuraperi wababaje benshi w'umunyarwanda witwa Jay Polly wafatwaga nk'umwami w'injyana ya Hip Hop nawe ntirwamworoheye nk’uko byagiye bigarukwaho yaba abo babanye mu muziki ndetse n'umuvandimwe we Uwera Jean Maurice. Uyu mukuru wa Jay Polly, yahishuye byinshi byaranze ubuzima bw’uyu muraperi nyuma y’uko yitabye Imana. Aragira ati:'Murumuna wanjye yari umugabo kuko namubwiraga kunyura aha akanga akanyura aho ashaka.'

    Aha yagarukaga ku buryo atakunze guhuza na Jay Polly murumuna we yarushaga imyaka irindwi kuko yumvaga atifuza ko yaba umuraperi akaba ahubwo yaramwifurizaga ubuzima busanzwe. Gusa Jay Polly yakomeje guhangana. Hari igihe Jean Maurice yigeze gukupira Jay Polly ibyuma ari ku rubyiniro i Gikondo, nyamara byaje kurangira mukuru we, Maurice amubereye umufana wa mbere kandi umwubaha akanamugira inama. Bull dogg wabanye na Jay Polly, nawe yemeje ko hari ubwo bararaga batariye ubundi bakaba nta n’inote y'igihumbi bafite.

    Riderman w'imyaka 34 mwene Etienne Rukwavu na Peruth Kantetere, umugabo ufite izina rikomeye muri iyi myidagaduro nyarwanda, nawe mu gutangira umuziki kwe avuga ko Se umubyarwa atabyumvaga. Nk’umubyeyi wo hambere, yari afite impungenge ko umuhungu we Riderman agiye kuba Sagihobe kubera kujya mu muziki. Nyamara Rusake yakomeje kubika kugeza Se yemeye.

    Riderman yavuze ko yumvaga agiye kuva mu muziki akigira mu bucuruzi busanzwe ariko se wari warahoze adashaka umuhungu mu muziki ni we wamubujije amugaragariza ko adakwiye kureka umuziki kuko hari byinshi wamugejejeho kandi ko yaba atengushye abafana be.

    Itahiwacu wamamaye nka Bruce Melodie nawe yagiye acibwa intege na benshi ndetse bivugwa ko hari umunyamakuru wamubwiye ko isura ye ari mbi idashamaje ko ntaho izamugeza, nyamara ubu ni umuhanzi ufatwa nka nimero ya mbere mu bakorera umuziki mu gihugu, akaba afatanya umuziki n'ubucuruzi akora na kompanyi zimwifashisha mu kwamamaza ibikorwa byazo, umuhanzi wishimirwa n'abari n'abategarugori batagira ingano.

    Si abo bonyine ariko amateka yabo akwereka ko iyo uzi icyo ushaka ukagikorana imbaraga n’umwete ukanagira imyitwarire myiza abakurwanyaga birangira bakubereye abafana.

    Shakira yatangiye umuziki ku myaka 13 acibwa intege n’inshuti ariko ntiyabivamo 

    Enrique Iglesias yatangiye umuziki yiyita andi mazina kugira ngo Se Julio atazabimenya, birangira abimenye ariko byararenze igaruriro

    Davido umuhungu w’umushoramari utarigeze yifuza na rimwe yifuza ko yaba umuhanzi kuko yagiye amurwanya nyamara birangira amubereye umufana

    Riderman nawe yabanje kugorwa na se nyamara biza kurangira amubereye umufana w’akadasohoka umugira inama yo kudatenguha abafana be

    Nyakwigendera Jay Polly Umwami wa Hiphop yagiye abangamirwa na mukuru we wifuzaga ko ajya mu masomo akazavamo umuntu ukomeye bitari mu muziki

    Bruce Melodie uyoboye umuziki w’imbere mu gihugu nawe yaciwe intege na benshi barimo n’umunyamakuru wamubwiye ko isura ye idashamaje ntacyo yamugezaho, nyamara gukora hamwe n’umugisha w’Imana byaramuciriye inzira

    Source : https://inyarwanda.com/inkuru/109641/isura-yawe-ntaho-yakugeza-isomo-mu-nzira-yuzuye-amacumu-yibyamamare-ku-isi-birimo-nabo-mu–109641.html