Author: webrwanda

Hailey Bieber, umugore w'umuhanzi Justin Bieber, yanyomoje amakuru yavugaga ko umugabo we amufata nabi, aboneraho kugaragaza ko uburyohe bw'urukundo afitanye n'uyu mugabo w'imyaka 27, 'rwuzuye kandi rubanyuze bombi.'

Hailey usanzwe yerekana imideli, yatangiye kubana na Justin Bieber mu 2018, nyuma y'uko uyu muhanzi yari amaze igihe anyura mu bihe byaranzwe no gukoresha ibiyobyabwenge, ibintu byanagize ingaruka zikomeye ku mwuga we w'ubuhanzi.

Mu rukundo rw'aba bombi, bakunze kujya bashyira hanze amafoto bigaragara ko bishimye, icyakora bagakunda kuvugwaho kutabana neza, ndetse byigeze kuvugwa cyane ko Justin Bieber afata Hailey w'imyaka 24.

Mu kiganiro yahaye Demi Lovato nawe uri mu bahanzi bakunzwe muri Amerika, Hailey yavuze ko urukundo rwe na Bieber ruhagaze neza kandi rukura buri munsi.

Yagize ati 'Ngira amahirwe yo kubana n'umuntu unyubaha cyane, agatuma buri munsi numva ndi umuntu udasanzwe. Rero iyo mbonye ibyo abantu batuvugaho, birantangaza, buri wese utuzi azi ko ari uko bimeze.'

Source : https://yegob.rw/ibyo-umugore-wa-justin-bieber-yamuvuzeho/

Minisiteri y'Ubuzima yatangaje ko ivuriro ryigenga ryitwa Baho International Hospital risanzwe rikorera i Nyarutarama mu karere ka Kicukiro rifungwa yuma y'iminsi micye haguye umurwayi.

Ibi bitaro byagiye bishinjwakurangwa na serivisi zitanoze zagiye zinubirwa n'abatari bake byafunzwe nyuma y'icyumweru gishize rikorerwa igenzura ryaturutse ku rupfu rw'umuntu waripfiriyemo ari kubagwa byoroheje.

Minisiteri y'Ubuzima yaherukaga gushyiraho itsinda ryihariye ryo gusuzuma no kugenzura byimbitse imikorere y'Ibitaro Mpuzamahanga bya Baho (BAHO International Hospital (BIH) nyuma y'aho abaganga babiri batawe muri yombi bakurikiranyweho urupfu rw'umubyeyi waje kwivuza uburwayi bworoheje bikamuviramo urupfu.

Urwego rw'Igihugu rw'Ubugenzacyaha (RIB) rwavuze ko uwo murwayi wapfuye ari umugore wari ufite imyaka 54 akaba yarashizemo umwuka taliki 9 Nzeri 2021, abo baganga babiri batawe muri yombi bakaba bakekwaho kuba baragize uruhare mu rupfu rwe biturutse ku mikorere idahwitse.

Bikimara kuba,Umuvugizi wa RIB, Dr. Thierry B. Murangira, yabwiye itangazamakuru ati: 'Abakekwaho icyaha ni abagabo babiri b'abaganga, harimo umuganga w'abagore (Gynecologist) ndetse n'ushinzwe gutera ibinya (Anesthetist) . Ibizava mu iperereza, bizatangazwa nyuma.'

Nyuma y'itabwa muri yombi ry'abo baganga, Minisiteri y'Ubuzima yahise itangaza ko yashyizeho itsinda rigiye gutangira gusuzuma imikorere mibi imaze igihe ivugwa muri ibi bitaro byakira abantu batandukanye barimo Abanyarwanda n'abanyamahanga.

Source : https://umuryango.rw/amakuru/mu-rwanda/ubuzima/article/minisiteri-y-ubuzima-yafunze-ibitaro-bya-baho-international-hospital

Source : https://yegob.rw/live-match-as-kigali-vs-olympique-de-missiri/

Rocky Kimomo umaze kubaka izina hano mu Rwanda mu gusobanura Filime zitandukanye ndetse no mu bikorwa bitandukanye by'imyidagaduro, yavuze umuntu ashobora kwirukana mu bapampe be bagize Rocky Entertainment, aramutse asabwe kwirukanamo umwe.

Nkuko Rocky yabitangaje yavuze ko aramutse asabwe kwirukana umuntu umwe mu bapampe bagize Rocky Entertainment, yahitamo kugenda akabasiga kuko abona nta numwe yakwirukana kuko ubucuti bwabo bwararenze buhinduka ubuvandimwe ubu bose babanye nk'abavandimwe.

Amwe mu mafoto y'abapampe ba Rocky bagize Rocky Entertainment:

Source : https://yegob.rw/rocky-yavuze-uwo-yakwirukana-mu-bapampe-be-aramutse-asabwe-kwirukanamo-umwe/

Nyuma y'igihe kinini havugwa umwuka mubi ndetse n'agatotsi mu mubano wa Safi Madiba ndetse n'umugore we, Niyonizera Judith, kuri ubu amakuru ahari nuko aba bombi bamaze kwiyunga ndetse n'urukundo rwabo rugeze ahashimishije.

Amashusho akurikira yagiye hanze ku mbuga nkoranyambaga agaragaza Safi Madiba ari kumwe na Judith muri studio ubwo yararimo gutunganya amajwi y'indirimbo ye nshya biteganyijwe ko izasohoka vuba ni gihamya ko aba bombi bamaze gusubirana.

Source : https://yegob.rw/aho-rwaciye-ntihaca-urwango-safi-madiba-numugore-we-bameranye-neza-nyuma-yigihe-badacana-uwaka/

Umwe mu bafana ba Meddy bamukurikira kuri Twitter yamusabye ko yamugurira inkweto ndetse anashyiraho n'ifoto y'inkweto yifuza ko Meddy yamugurira.

Meddy akibona ubusabe bw'uyu mufana we, yahise amusubiza mu magambo agira ati ” 😂 nkagurire he ? “.

Sibyarangiriye aho kuko nyuma yuko uyu mufana abwiye Meddy aho yamugurira uru rukweto, Meddy yahise amusubiza mu magambo agira ati ” @BruceIntore Uyu Mu Jeune muvugane umugurire ako Gakweto ! ✍🏽 “.

@BruceIntore Uyu Mu Jeune muvugane umugurire ako Gakweto ! ✍🏽

— MEDDY (@Meddyonly) September 18, 2021

Source : https://yegob.rw/umufana-yasabye-meddy-ko-yamugurira-inkweto-dore-uko-meddy-yamusubije/

Ibi yabitangaje ubwo KIKAC Music yerekanaga umuhanzikazi mushya Bwiza bagiye gukorana, Mico the Best nk'umwe mu babarizwa muri iyi Label yari yitabiriye uyu muhango.

Mu kiganiro n'itangazamakuru ryari ryaje kumurikirwa umuhanzi mushya muri Kikac na Mico The Best abarizwamo, Mico The Best yasubije icyo kibazo ndetse anavuga ko atajya akunda gusubizanya n'abanditse ibintu bibi kuri we cyane ko uyu muziki awurambyemo ndetse awuzi. Yashimiye cyane ibitangazamakuru bifatika avuga ko nta gitangazamakuru gifatika kigeze cyandika ibyo bintu bidafututse anakomoza ku bukwe bwe buri mu cyumweru gitaha.

Yagize ati: “Nateye ikirenge mu cy'abagabo bagenzi banjye mfata irembo, nca mu rukiko manika ikiganza ko nemeye kuba umugabo, noneho mu gihe nitegura ubukwe mu cyumweru gitaha urabona umuryango wa madame ntabwo wenda tuba turi kumwe bagiye kubona babona ngo umukobwa wabo yakubiswe noneho umukwe wabo arafunze, icara urebe nka mama wawe ariwe wakiriye iyo nkuru ku mukwe we”.

Ati “Icara urebe bakuru bawe n'ababyeyi bawe batari hafi bakumva ngo umuntu uherutse guca mu Rukiko batarashyingirwa ngo yakubise umugore we ari muri RIB. Ntekereza ko ni ikintu kibabaje nakivuganye agahinda kandi hari ibyo nashimye nashimye ko nta gitangazamakuru icyo aricyo cyose gifatika cyigeze kivuga kuri ibyo bintu ngo kinabihe imbaraga”.

Yunzemo ati “Gusa icyasohotse kiba cyasohotse kandi kigera kure, byarambabaje. Ni nayo mpamvu uriya muntu namwise umuntu ntunze ntazi ariko ntabwo ari mwebwe muri hano. Ahantu ari uwatangaje icyo kintu amenye ngo ndamutunze ariko sinari muzi ariko mwebwe Imana ibahe umugisha.''

Source : https://umuryango.rw/imyidagaduro/article/mico-the-best-yahakanye-amakuru-yavugaga-ko-yikubitiye-umugore

Umutoza w’ikipe ya Rayon Sports, Masudi Djuma avuga ko bamwe mu bakinnyi b’iyi kipe batari ku rwego rwayo ko bagomba gushaka abakinnyi bakomeye ariko na none batari abana kuko iyi kipe atari irerero.

Uyu ni umunsi wa gatanu Rayon Sports itangiye imyitozo, ni ikipe yiganjemo abakinnyi bashya barimo abo yaguze n’abarimo gukora igeragezwa muri iyi kipe.

Aganira na Rayon Sports TV, umutoza w’iyi kipe Masudi Djuma yavuze ko ari ubwa mbere abonye ikipe ya Rayon Sports ifite abakinnyi batari ku rwego nk’urwo bafite.

Ati “Reka mvugishe ukuri, ni ubwa mbere haza abakinnyi batari ku rwego rwa Rayon Sports, ariko niko bigenda utangiye utinze, ni ukugenda ubakuramo dushakisha n’abandi bafite urwego rwa Rayon Sports.”

“Ufite amahirwe yo gukinisha abanyamahanga 5 bagomba kuba ari abakinnyi bafasha, iyi kipe ni ikipe ifite izina, imaze imyaka 2 idasohoka, ntabwo wazana umuntu uraho gusa, ntabwo byashoboka.”

Avuga ko abakinnyi bari mu igeragezwa yasanze benshi batari ku rwego rwa Rayon Sports.

Yavuze ko hari n’abandi bakinnyi bazaza mu igeragezwa kuko ashaka gukora ikipe y’abakinnyi batari abana kuko Rayon Sports atari irerero.

Ati “hari abandi bazaza barimo kumpamagara bazaza gukora igeragezwa, tuzakora ikipe y’abakinnyi 28 ariko bakomeye ntabwo ari babandi ngo bazakurira mu ikipe, iri si irerero ni Rayon Sports, niba ari umwana agomba kuba afite impano.”

Rayon Sports ikomeje imyitozo yitegura shampiyona umwaka utaha w’imikino wa 2021-22 izatangira mu kwezi gutaha k’Ukwakira.

Masudi Djuma aheruka muri Rayon Sports ubwo yayiheshaga igikombe cya shampiyona cya 2016-17, hari na nyuma yo kwegukana igikombe cy’Akahoro cya 2016.

Masudi Djuma yanenze urwego rw’abakinnyi Rayon Sports ifite

Abakinnyi benshi bari mu igeragezwa ntabwo urwego rwabo ari rwiza

Rayon Sports ikomeje imyitozo

Source : http://isimbi.rw/siporo/article/iri-si-irerero-ni-rayon-sports-masudi-djuma-watengushywe-n-urwego-abakinnyi-iyi-kipe-ifite

Inzu zo mu mujyi wa Goma muri RDC zihana imbibi n'Akarere ka Rubavu ku mupaka muto wa Petite Barrière zafashwe n'inkongi y'umuriro ikomeye.

Hitabajwe Ishami rya Polisi y'u Rwanda rishinzwe kuzimya inkongi kugira ngo uyu muriro udafata inzu zo mu Rwanda.

Inkuru turacyayikurikirana….

Source : https://umuryango.rw/amakuru/mu-mahanga/umutekano/article/inzu-zo-mu-mujyi-wa-goma-zafashwe-n-inkongi-y-umuriro-hitabazwa-kizimyamwoto-yo

Ishyirahamwe ry'umukino wa Volleyball ku isi,FIVB, ryanze kumva ugutakamba k'u Rwanda risaba ko ruterwa mpaga mu mikino 2 rwakinnye mu irushanwa ry'Igikombe cy'Afurika cya Volleyball cyaberaga muri Kigali Arena ndetse rukanirukanwa mu irushanwa.

Mu ibaruwa FIVB yandikiye perezida wa CAVB, Bouchra Hajij nyuma y'inama yahuje impande 3 ku munsi w'ejo,tariki ya 17 Nzeri 2021,yasabye ko hubahirizwa amategeko hakirukanwa u Rwanda n'abakinnyi badafite ibyangombwa bakirukanwa.

Amakuru avuga ko MINISPORTS yiteguye gukomeza gutegura irushanwa ariko isaba FIVB ko ihita ikuraho ibihano by'agateganyo yafatiye abakinnyi b'u Rwanda n'ikipe y'igihugu y'u Rwanda kugira ngo bemererwe gukomeza gukina irushanwa.

Akomeza avuga ko MINISPORTS yashimangiye ko ari ingenzi kureba ku cyifuzo cy'igihugu cyakiriye mu gihe hagiye gufatwa umwanzuro.'

CAVB yasabye ko ibihano byafatiwe abakinnyi byakomeza ariko ikipe y'igihugu y'u Rwanda igakomeza gukina.

FIVB yo yagaragaje ko ibihano by'abakinnyi n'ikipe y'igihugu byakomeza ndetse n'imikino yose yakinnye ikayiterwamo mpaga nk'uko biteganywa n'amabwiriza ya FIVB.

FIVB yasabye ko Minisiteri ya Siporo mu Rwanda na CAVB gukomeza gutegura irushanwa hatarimo ishyirahamwe ry'umukino wa Volleyball mu Rwanda (FRVB) kugira ngo irushanwa rirangire.

Muri iyi baruwa kandi perezida wa FIVB yavuze ko batafata umwanzuro unyuranye n'amategeko n'amabwiriza ya FIVB, bivuze ko yafashe umwanzuro ko ibihano byafatiwe abakinnyi bigumaho ndetse n'ikipe y'igihugu y'u Rwanda ikavanwa mu irushanwa ndetse ikanamara imyaka 2 nta marushanwa yitabira.

Ingingo ya 2.4.1 y'amategeko ya FIVB ni yo igonga u Rwanda, aho ivuga ko abakinnyi bakinira igihugu bagomba kuba bafite ikipe, ishuri cyangwa ikigo bakiniye mu ishyirahamwe ry'igihugu.

Aline Siqueira, Apolinario Caroline Taiana, Mariana Da Silva na Moreira Bianca Gomes bageze mu Rwanda muri Kanama uyu mwaka ndetse nta kipe bigeze bakinira.

Andi makuru avuga ko u Rwanda rutiteguye gukomeza gutegura irushanwa mu gihe ikipe y'igihugu ivanywe mu irushanwa.

Ikipe y'igihugu ya Nigeria niya Maroc zareze u Rwanda ko rwakinishije abakinnyi 4 b'abanya Brazil barimo Aline Siqueira, Apolinario Caroline Taiana, Mariana Da Silva na Moreira Bianca Gomes kandi nta byangombwa bafite ndetse banakiniye na Brazil.

Source : https://umuryango.rw/imyidagaduro/imikino/article/fivb-yirukanye-u-rwanda-mu-gikombe-cy-afurika-cya-volleyball-kubera-gukinisha