Webrwanda Backend

Author: webrwanda

  • Ibitaro bya “Baho” byafunzwe – #rwanda #RwOT

    Hashize iminsi ibi bitaro biri kotswa igitutu nyuma y’aho mu cyumweru kimwe gishize hari umurwayi witabye Imana ari kubagwa, RIB na Minisiteri y’Ubuzima, bagahita batangira iperereza.

    Amakuru agera kuri IGIHE ni uko umwanzuro wo gufunga ibi bitabo wafashwe kuri uyu wa Gatandatu tariki ya 18 Nzeli 2021 nyuma y’iperereza ryari rimaze icyumweru rikorwa.

    Ubwo ryakorwaga, hagenzuwe ingingo zirimo imitangire ya serivisi, ubushobozi bw’abakozi harebwa by’umwihariko abaganga niba bafite ibyangombwa bibemerera gukora umwuga.

    Harebwe kandi ku bikoresho ibi bitaro bifite, imiti, inyubako ndetse niba bifite imiyoborere ihamye ishobora kuba yatanga icyerekezo nyacyo cyangwa se igakemura ibibazo mu gihe byagaragaye.

    Isuzuma ryakozwe ryanarebye ku isuku n’umutekano. Niba ibitaro bifite amazi meza cyangwa se niba bifite uburyo bwo kurwanya inkongi mu gihe yaba ibaye.

    Ibyavuye muri iryo genzura nibyo byagendeweho hanzurwa ko ibitaro bifunzwe. Mu gukora ubucukumbuzi, harebwe mu gihe cy’imyaka ibiri, umubare w’abitabye Imana, uko byagenze, gusa “byagaragaye ko hari amakosa yakozwemo”.

    Minisante ifite gahunda yo gukora igenzura no mu bindi bitaro ireba niba ubuvuzi butangwa mu buryo buboneye.

    Baho International Hospital ni bimwe mu bitaro byigenga mu Rwanda. Byatangiye mu 2015, bivugwa ko byari birimo kubaka inyubako nshya byiteguraga kwimurirwamo.

    Ibi bitaro kandi byari biherutse gukorerwa igenzurwa na Minisiteri y’Ubuzima nyuma y’uko hari abantu bagaragaje ko bidafite isuku ihagije.

    Amakuru avuga ko ibi bitaro byari byarajyanywe mu nkiko kubera impfu ebyiri zabereyeyo, mu gihe byari biherutse gutsinda izindi manza enye byari byararezwemo uburangare.

    Ibitaro bya Baho byafunzwe

    source : https://ift.tt/3CF1HtF

  • Abanyarwanda 1,352,078 bamaze guhabwa dose ebyiri z’urukingo rwa Covid-19 – #rwanda #RwOT

    Mu bipimo 17,179 byafashwe, abantu 224 basanzwemo icyorezo cya Covid-19, mu gihe abashya binjiye mu bitaro bagera kuri batandatu, bituma umubare w’abarembye ugera kuri 23.

    Abitambye Imana uyu munsi ni abantu barindwi, bituma umubare w’abamaze kwitaba Imana bagera kuri 1,206.

    Abarwaye muri rusange bagera kuri 2,568.

    source : https://ift.tt/3hLkHi0

  • Minisitiri w’Ubuhinzi muri Centrafrique yasuye umupaka w’u Rwanda na Congo – #rwanda #RwOT

    Uyu muyobozi ari mu ruzinduko mu Rwanda, aho ari kwigira ku iterambere iki gihugu kimaze kugeraho mu rwego rw’ubuhinzi, na cyane ko ibihugu byombi bifitanye amasezerano y’imikoranire mu bijyanye n’ubuhinzi.

    Minisitiri Éric Rokosse-Kamot yavuze ko yasanze hari byinshi igihugu cye cyakwigira ku Rwanda mu bijyanye no guteza imbere ubuhinzi n’ubwongereza, ndetse avuga ko yasanze ubucuruzi ku mupaka w’ibihugu byombi buteye imbere.

    Ati “Ugendeye ku ngano y’ibicuruzwa binyuranamo hagati y’ibihugu bibiri, uhita ubonamo agaciro k’ubuhinzi kuko u Rwanda rufite ubuhinzi buri gutera imbere ku buryo rwohereza bimwe mu bihingwa byarwo muri Congo. Hari ibiribwa byinshi by’ibanze nabonye bigana mu mujyi wa Goma byanshimishije, bigaragaza ko ubuhinzi buhagaze neza kuko aho naciye hose guturuka i Kigali nabonye ahantu hose hahinze ibiribwa bifasha mu guhaza Abanyarwanda.”

    Umuyobozi w’Akarere ka Rubavu Wungirije, Ushinzwe Imari n’Iterambere ry’Ubukungu, Nzabonimpa Deogratias, yavuze ko kuba ubuhahirane hagati y’u Rwanda na Congo busigaye bwigirwaho n’ibindi bihugu, byerekana ko buri gutera imbere.

    Ati “Yasuye imipaka yose, areba uko ubuhahirane bukorwa hagati y’ibihugu byombi, ariko yibanda ku kureba uko ibikomoka ku buhinzi byambuka bijya muri Congo. Ibi byagaragaje ko abaturage bacu badashimwa n’ubuyobozi gusa, kuko bakurura n’abandi bo mu bindi bihugu.”

    Umunyamabanga wa Leta muri Minisiteri y’Ubuhinzi n’Ubworozi, Eng Ngabitsinze Jean Chrysostome, yavuze ko u Rwanda na Centrafrique uru rugendo ruzafasha mu kwerekana ibishobora kwigirwaho, bigateza imbere umubano w’u Rwanda na Centrafrique, bigendanye n’amasezerano ibihugu byombi bifitanye.

    Ati “Hari amasezerano twasinyanye yo mu buhinzi n’ubucuruzi bw’ibikomoka ku buhinzi ndetse no mu kubaka inzego kuko igihugu cyabo kivuye mu bibazo. Turi kubafasha kureba uko babona imbuto z’indobanure, tukabaha ubumenyi dufite kugira ngo hatezwe imbere ibihugu byombi. Yanasuye inganda zo mu Rwanda ziri kwitegura gushorayo imari mu rwego rw’ubuhinzi n’ubworozi.”

    Centrafrique ni igihugu gifite ubutaka bunini bwo guhingaho kuko gikubye u Rwanda inshuro 20, kandi kikaba gituwe n’abaturage batarenze miliyoni esheshatu gusa.

    source : https://ift.tt/3ztcEfS

  • Nyanza: Urubyiruko rwigishijwe gusana imihanda rwasabye kujya ruhabwa akazi – #rwanda #RwOT

    Ni abasore n’inkumi 50 baturutse mu mirenge 10 y’Akarere ka Nyanza bigishijwe gusana imihanda no kuyifata neza bakoresheje tekinike yitwa ‘Do-nou’ aho bafata imifuka bagashyiramo itaka mu buryo bungana bagatsindagira, ku buryo umuhanda usigara ukomeye utapfa kwangirika.

    Nyuma yo kumara iminsi 10 bigishwa, babwiye IGIHE ko ubumenyi bungutse bagiye kubwifashije mu kwiteza imbere.

    Girimpuhwe Esperence ati “Mbere nari nsanzwe nkora muri VUP, dutunganya imihanda ariko nta bumenyi buhagije mbifiteho. Iyi tekinike ya Do-nou yo gutsindagira imihanda twize narayimenye kandi niteguye kuyikoresha aho ubuyobozi bwaduha ikiraka hose tukabona amafaranga.”

    Bamporiki Fidele na we yavuze ko ubumenyi afite yiteguye kubukoresha mu gusana imihanda yo mu Karere ka Nyanza yangiritse, ariko asaba ko ubuyobozi bwajya bubaha ibiraka.

    Ati “Ndi umutekinisiye muri VUP kandi maze imyaka itandatu nkora muri aka karere. Iyi tekinike yari ikenewe kuko hari aho twakoraga harangiritse tugashyiramo itaka, ariko hakongera guhita hangirika, ubwo rero twize ubu buryo twiteguye kubukoresha ariko ubuyobozi bukwiye kutuba hafi bukajya buduha ibyo biraka tukabikora.”

    Urwo rubyiruko rwigishijwe n’umushinga wo mu Buyapani witwa Community Road Empowerment (CORE).

    Umukozi ushinzwe amahugurwa muri CORE, Ntakirutimana Obed, yavuze ko umuhanda ukozwe hakoreshejwe tekinike ya Do-nou uramba kuva kugeza ku myaka 10 kandi ari uburyo buhuza ubundi bubiri bwari busanzwe mu Rwanda.

    Ati “Mu Rwanda hari hasanzwe uburyo bwo gukoresha imashini mu gusana imihanda cyangwa abaturage bagakoresha amaboko, iyi tekinike ya Do-nou ihuza ubwo buryo bubiri kandi itanga akazi ku baturage benshi ndetse n’umuhanda ukaba ukomeye, ukaramba kuva ku myaka itanu kugeza ku myaka 10.”

    Umunyamabanga Nshingwabikorwa w’Umurenge wa Busasamana, Bizimana Egide, yabwiye urubyiruko ko ibyo bize bakwiye kubigaragaza mu mirenge yabo kandi ubuyobozi bwiteguye gukorana nabo.

    Ati “Dufite ikibazo cy’imihanda ikorwa ariko ntirambe ugasanga amafaranga n’ibikoresho byahagendeye bisa n’aho bipfuye ubusa, kugira ngo rero ijye iramba bisaba ko iyi tekinike bigiye hano bayishyira mu bikorwa mu miringe batuyemo kandi twiteguye gukorana nabo.”

    Muri iyo minsi 10 urwo rubyiruko rwasannye umuhanda wa metero 220 mu Murenge wa Busasamana, bitwara amafaranga agera kuri miliyoni 12 Frw.

    Urubyiruko rwigishijwe gusana imihanda rwasabye kujya ruhabwa akazi

    source : https://ift.tt/3zhkkS8

  • Nyakabanda: Hatangijwe gahunda yo kugenzura uburyo ingamba zo kwirinda Covid-19 zubahirizwa muri buri rugo – #rwanda #RwOT

    Kuri uyu wa Gatandatu tariki 18 Nzeri 2021, nibwo ubu bukangurambaga bwo kwirinda Covid-19 harebwa uko ingamba zo kuyirwanya zubahiriza mu ngo zose yubahirizwa muri uyu murenge.

    Muri ubu bukangurambaga bwatangijwe n’abajyanama b’ubuzima n’abanyerondo ndetse n’abatwarasibo, abaturage babwiye IGIHE ko babwishimiye kuko buzabafasha kurandura icyorezo cya Covid-19.

    Umujyanama w’Ubuzima mu mudugudu wa Kirwa witwa, Murekatete Sauda, yagize ati “Twabikoze kugira ngo turebe uko ingamba zubahirizwa mu ngo kuko tutari tuzi uko abaturage babyitwaramo iyo bari mu miryango yabo.”

    Umunyamabanga Nshingwabikorwa w’Akagari ka Nyakabanda ya II,Jean Damascene Ufiteyezu yavuze ko iki gikorwa kigamije kwirinda ko muri aka gace hazagaragara umuntu n’umwe wandiye covid.

    Ati “Twasanze ahandi hose ingamba zo kwirinda covid-19 zubahirizwa, niko guhitamo gutangiza igikorwa cyo kujya mu rugo ku rundi kugira ngo turebe uko izi ngamba zubahirizwa kuko mu miryango hashobora kuba indiri yo gukwirakwiza iki cyorezo mu gihe abantu batakomeza kukirinda uko bikwiriye.”

    Yongeyeho ko ibi bizagira uruhare mu gutuma uduce twose tw’igihugu turushaho kwirinda ikwirakwira ry’iki cyorezo, bityo kikaranduka vuba.

    Hatangiye gahunda yo gusura imiryango yo muri Nyakabanda harebwa uburyo ingamba zo kwirinda Covid-19 zubahirizwa

    source : https://ift.tt/3zxREVj

  • Hatanzwe icyizere ko umushinga w’Ishuri Rikuru ry’Ubukerarugendo n’amahoteli ugiye kuzahurwa – #rwanda #RwOT

    Uyu mushinga wari wadindiye ndetse hari impungenge zo guteza leta igihombo gikomeye nk’uko byagaragajwe muri raporo y’Umugenzuzi Mukuru w’Imari ya Leta y’umwaka wa 2019/20.

    Iyi raporo yerekana ko mu 2015 WDA yasinye amasezerano yo gutangiza Ishuri Rikuru ry’amahoteli i Kigali (Hospitality Management Institute:HMI), aya masezerano akaba yaragombaga kurangira mu 2019 n’ishuri rimaze kuzura.

    Igihe cy’amasezerano cyarangiye ku wa 30 Werurwe 2019, ibikorwa byo kubaka iri shuri bitaragera ku musozo ndetse muri raporo yatanzwe, nta gahunda yabonekaga y’uburyo imirimo izasubukurwa kubera ko WDA byari byarayinaniye.

    Kugeza ku wa 1 Ukwakira 2020 amasezerano afite agaciro ka 2.446.877.824 Frw yarahagaritswe biturutse ku kuba uwahawe isoko ryo kubaka iryo shuri yarananiwe gukomeza imirimo.

    Ni mu gihe WDA yari yaramaze kumwishyura 2.058.566.626 Frw bingana na 84% by’agaciro k’isoko ryose.

    WDA yari yaramaze kwakira ibikoresho byagombaga gukoreshwa muri HMI bifite agaciro k’ibihumbi 513 286 by’amayero ni ukuvuga hafi 488.099 153 Frw, byari birimo kwangirika mu bubiko kubera ko byari byarabuze icyo bikora mu gihe isuzuma ryakorwaga.

    Iki kigo kandi cyatahuweho kwishyura agera kuri 474 150 852 Frw yishyuwe ikigo cy’abanyamahanga kuri serivisi bitagaragara niba zaratanzwe.

    Nyuma y’idindira ry’uyu mushinga, wahawe undi rwiyemezamirimo (Reserve Force).

    Ubwo abahoze ari abayobozi ba WDA bitabaga PAC, Eng. Gatabazi yavuze ko rwiyemezamirimo amaze kunanirwa yasezerewe acibwa n’amande arenga miliyoni 280 z’amafaranga y’u Rwanda maze bagirana amasezerano na rwiyemezamirimo mushya kuri ubu ukomeje imirimo.

    Kugeza ubu ibikorwa byo gukomeza iyi nyubako ziri mu mabako ya Rwanda Polytechnic, bikaba birimbanyije nk’uko Umuyobozi ushinzwe abakozi n’imari, Aimable Nsabimana, yabivuze.

    Ati “Ibikorwa bimaze gushyirwa mu nshingano zacu twagiranye amasezerano n’undi rwiyemezamirimo ukomeza akazarangiza inyubako (Reserve Force).Imirimo yatangiye muri Kamena hagati bikaba biteganyijwe ko izarangira mu kwezi kwa 12 uyu mwaka nihatagira igihinduka, imirimo igeze kure.”

    Mu myanzuro yahawe Minisiteri y’Uburezi n’Inteko ishinga Amategeko, Umutwe w’abadepite harimo kugaruza amafaranga y’ingwate rwiyemezamirimo yari yatanze, kubyaza umusaruro ibikoresho bifite agaciro ka miliyoni zisaga 500 Frw, byaguzwe birimo ibyari kuri WDA no mu mashuri y’imyuga (TVET) haherewe ku byashoboraga kwangirika.

    Eng. Gatabazi yavuze ko ibyo bikoresho bimeze neza, gusa abadepite ntibizera ukuri kwabyo kuko mbere yari yagaragaje ko hari ibishobora kwangirika.

    HMI ni ishuri ryari ryitezweho umusanzu mu gukemura ibibazo bya serivisi zicumbagira mu rwego rw’amahoteli mu Rwanda no gufasha mu ishyirwa mu bikorwa rya gahunda y’igihugu yo gushyira imbaraga mu bukerarugendo bushingiye ku nama.

    Byari biteganyijwe ko ryagomgaba kuzaba rifite porogaramu z’amahugurwa mu by’amahoteli n’ubukerarugendo ku bari mu mwuga hakanatangirwa amasomo atuma uwaryizemo ahabwa impamyabushobozi yo ku rwego rwa Diploma. Inyubako zaryo zadindiye ziherereye mu Karere ka Gasabo mu Mujyi wa Kigali.

    Ikigo cyari gifitanye amaseserano na WDA mu itangizwa ry’uyu mushinga bivugwa ko ari Ishuri ry’Aba-Souisse ryitwa ‘Les Roches International School of Hotel Management.’ Mu byo cyagombaga gukora harimo gutanga amahugurwa mu by’amahoteli n’imicungire yayo mu Rwanda.

    Hari icyizere ko ibikorwa byo kubaka Ishuri Rikuru ry’Ubukerarugendo n’amahoteli bizaba birangiye mu mpera z’uyu mwaka

    source : https://ift.tt/3lFyaZI

  • Messi numuryango we bashobora kwimukira mu n… – #rwanda #RwOT

    kuva Messi yagera mu Bufaransa agiye gukinira Paris Saint Germain avuye muri Espagne, we n'umuryango we barimo kuba muri hoteli y'inyenyeri 5 ya Royal Monceau, gusa batangiye gushaka inzu yo kubamo bakava muri hoteli bamazemo igihe kitari gito.

    Messi n'umuryango we biravugwa ko bashobora kwimukira mu nyubako nini iri hanze y'Umujyi wa Paris yubatswe mu 1899 ndetse mu gihe cy'intambara ya II y'Isi yose niho Charles de Gaulle wari Perezida w'u Bufaransa yabaye.

    Iyi nyubako ifite ibyumba birenga 30, swimming pool nziza kandi irimo imbere mu nyubako n'ibindi byinshi byakurura buri wese ukeneye aho gutura heza kandi hatekanye.

    Hashize igihe Messi n'umuryango we bashaka kuva muri Hoteli, ariko babuze inzu ihuye n'ibyifuzo byabo baturamo, dore ko umugore w'uyu mukinnyi, Antonella yatanze amabwiriza ku babashakira inzu ajyanye n'imiterere y'inzu ashaka, ari nabyo byagiye bigonga inzu yageragaho nyishi.

    Gusa hari iyari yabonetse muri Neuilly-sur-Seine ariko nyirayo ngo yazamuye ibiciro kuko yamenye ko ari Messi uyishaka, yahise ayishyira ku bihumbi 8.5 by'amapawundi.

    Ibitangazamakuru byo mu Bufaransa bivuga ko Antonella yifuza iyi nyubako yabayemo Perezida w'u Bufaransa kuko ariyo yujuje byose yifuza kandi ikaba itanahenze cyane, dore ko ifite agaciro ka miliyoni 41 z'amapawundi (asaga miliyari 56 z'amafaranga y'u Rwanda).

    Gusa guhitira muri Hoteli kwa Messi n'umuryango we, ntibahite bajya kuba mu nzu yabo, bivugwaho bitandukanye dore ko hari abavuga ko guhitira muri Hoteli ari amahitamo ya Messi washakaga umutekano wihariye akabanza akamenyera igihugu gishya yari agiyemo ndetse akabanza akamenyera imico yaho, nyuma akajya mu nzu ye n'umuryango we ariko bazi neza igihugu barimo.

    Bavuga ko kujya muri Hoteli batari babuze inzu, ndetse n'inzu bazabamo yari yarateguwe mbere ahubwo byari mu byifuzo bya Messi kugira ngo abanze we n'umuryango we basobanukirwe neza umujyi barimo n'imico y'Abafaransa bagiye kubana.

    Messi yasinyiye FC Barcelona mu mpeshyi y'uyu mwaka avuye muri FC Barcelona yari amaze imyaka 21.

    Iyi nyubako yabayemo uwahoze ari Perezida w’u Bufaransa

    Iyi nyubako ifite ibyumba birenga 30 ndetse yujuje byoseMessi n’umuryango we bameze neza i Paris

    Source : https://inyarwanda.com/inkuru/109653/messi-numuryango-we-bashobora-kwimukira-mu-nyubako-yabayemo-perezida-wu-bufaransa-amafoto-109653.html

  • CAF CC: AS Kigali yasezereye Olympique de Mis… – #rwanda #RwOT

    Kuri uyu wa Gatandatu tariki ya 18 Nzeri 2021, kuri Stade ya Kigali i Nyamirambo, AS Kigali yatanze ubusabane ihanyagirira ikipe ya Olympique de Missiri ibitego 6-0 mu mukino wo kwishyura mu ijonjora ry'ibanze muri CAF Confederations Cup, bisanga 2-1 yari yatsindiye muri Comores mu mukino ubanza, ikinyuranyo kiba ibitego 8-1 mu mikino yombi.

    Mu mukino wo kwishyura wabereye kuri Stade ya Kigali itarimo abafana kubera ingamba zo kwirinda ikwirakwira ry'icyorezo cya Coronavirus, AS Kigali yarushije gukina neza, kurema uburyo buvamo ibitego no kwiharira umupira, ikipe ya Olympique de Missiri.

    Uretse kuba yavunikishije umunyezamu wayo wa mbere mu gice cya kabiri cy'umukino, Olympique de Missiri yagaragaje urwego ruri hasi cyane mu mikinire, aho wasangaga mu kibuga irushwa cyane na AS Kigali.

    Ikipe y'Abanyamujyi yo yari yiteguye neza ndetse bigaragarira buri wese ko ifite intego zihamye muri iri rushanwa, yatangiye umukino neza, inawusoza neza iri ku rwego rwo hejuru, aho itigeze iha agahenge ubwugarizi bw'Abanya-Comores.

    AS Kigali yafunguye amazamu ku munota wa 27 ku gitego cyatsinzwe na Kwizera Pierrot, Abanyamujyi bamera nk'abariye urusenda bakomeza gusatira cyane izamu ry'Abanya-Comores, ku munota wa 42 Niyonkuru Ramadhan atsinda igitego cya kabiri, mu gihe igice cya mbere kigana ku musozo ku munota wa 45, Aboubakar Lawal yatsinze igitego cya gatatu cya AS Kigali, amakipe ajya ku ruhuka AS Kigali iyoboye umukino ku ntsinzi y'ibitego 3-0.

    Igice cya kabiri cyahiriye cyane AS Kigali yihariye cyane umukino, aho ku munota wa 53 Umurundi Tchabalala Hussein yatsinze igitego cya Kane, nyuma y'iminota Irindwi ku munota wa 60, Rukundo Dennis atsinda igitego cya Gatanu, cyari icya mbere uyu mukinnyi atsindiye AS Kigali kuva yayigeramo, mu gihe Biramahire Abeddy yatsinze igitego cy'agashinguracumu cya Gatandatu umukino ugana ku musozo.

    Mu mikino yombi AS Kigali yasezereye Olympique de Misiri iyitsinze ibitego 8-1, ihita ikomeza mu ijonjora rya kabiri aho izahura na DCMP yo muri Congo, mu mukino uzaba ari ishiraniro.

    Mu irushanwa ry'umwaka ushize, AS Kigali nabwo yari yageze muri iki cyiciro ndetse iranakirenga iviramo mu ijonjora rya gatatu isezerewe na CS Sfaxien yo muri Tunisia.

    AS Kigali izakina na DCMP mu kwezi gutaha mu mukino wo mu ijonjora rya kabiri rya CAF Confederations Cup.

    Tchabalala ari mu bakinnyi bitwaye neza muri uyu mukino

    Abakinnyi ba AS Kigali bishimira intsinzi bakuye kuri Olympique de Missiri

    Mu mukino wo kwishyura AS Kigali yatsinze Olympique de Misiri 6-0

    Source : https://inyarwanda.com/inkuru/109650/caf-cc-as-kigali-yasezereye-olympique-de-missiri-iyinyagiye-8-1-isanga-dcmp-yo-muri-congo–109650.html

  • #COVID19: Abantu 7 bitabye Imana, abanduye bashya ni 224 #Rwanda #RwOT via @kigalitoday #rwanda #RwOT

    source : https://ift.tt/3hLZ1lM

  • Umukinnyi wa As Kigali yatsinze igitego agitura umukunzi we utwite (Amafoto) – YEGOB #rwanda #RwOT

    Biramahire Abeddy, umukinnyi w'ikipe ya As Kigali, yatsinze igitego cya 6 mu mukino ikipe ya As Kigali yakinaga n'ikipe ya Olympique de Misiri, maze ahita agitura umukunzi we, Kagame Vanessa unitegura kwibaruka umwana mu minsi ya vuba.

    Abeddy
    Vanessa
    Abeddy na Vanessa

    Kagame Vanessa aherutse gukorerwa ibirori bya Baby Shower.

    Vanessa aritegura kwibaruka umwana mu minsi ya vuba

    Source : https://yegob.rw/umukinnyi-wa-as-kigali-yatsinze-igitego-agitura-umukunzi-we-utwite-amafoto/