Webrwanda Backend

Author: webrwanda

  • Muhanga: Abatujwe mu Mudugudu wa Horezo barataka kubura ibicanwa kuko biogaz bahawe zapfuye – #rwanda #RwOT

    Hashize imyaka irenga itatu hatashywe uyu mudugudu w’icyitegererezo watujwemo imiryango ijana.

    Nyuma y’umwaka n’igice aba baturage bawutujwemo bavuga ko biogaz yabafashaga gucana yahise yangirika.

    Bamwe mu baganiriye na Radio1 bayibwiye ko bagorwa no kubona ibyo gucana kuko babuze n’aho bakoreshereza iyi biogaz.

    Umwe yagize ati “Ubu biogaz ntikora igishashi cyayo cyarapfumutse, ntabwo yaka kandi nta bufasha dufite bwo kuyikoresha n’iyo katse kaba ari gake ntabwo ucana ngo iteke.”

    Undi yagize ati “Iyi biogaz ntabwo yaka neza, ntabwo wateka ibiryo ngo bishye cyereka gushyushya amazi. Turifuza ko bazidukorera cyangwa bakohereza abakanishi ku giciro cyiza tukazikoresha tutabaruhije.”

    Umuyobozi ushinzwe Igenamigambi no gukurikirana ibikorwa muri Minisiteri y’Ubutetegetsi bw’Igihugu, Mulindwa Prosper, yatangaje ko igitera kwangirika kwa biogaz muri iyi midugudu ari ubumenyi buke bw’abayikoresha, yemeza ko iki kibazo kigiye gukurikiranwa bagafashwa.

    Yagize ati “Za biogaz nazo hari aho zitagiye zikoreshwa ariko ugasanga bishingiye ku bumenyi buke. Ni ikibazo cy’ubumenyi tugomba gukomeza gukurikirana ikijyanye n’inka zidahagije hashobora gukora biogaz nke ariko zigakora neza.”

    Umushinga wo gukoresha biogaz watangijwe mu 2006 nk’uburyo bwo gushaka ingufu zakoreshwa mu guteka mu bice by’icyaro, hifashishijwe amase y’inka.

    Abadepite bagize Komisiyo Ishinzwe gukurikirana imikoreshereze y’Imari n’Umutungo by’Igihugu, PAC baherutse kugaragaza impungenge z’uko umushinga wo gukoresha ingufu za biogaz ushobora kudatanga umusaruro nyuma y’ibibazo byawubonetsemo bitarabonerwa ibisubizo, mu gihe washowemo amafaranga menshi witezweho kugirira akamaro abaturage.

    Visi Perezida wa PAC, yavuze ko nta karere na kamwe katarimo ibibazo bya biogaz ku buryo bisa n’aho amafaranga yashowemo yabaye impfabusa nyamara Mininfra na Monaloc byari byiyemeje gukemura iki kibazo mu buryo burambye.

    Raporo y’Ikigo cy’Igihugu cy’Ibarurishamibare (Statistical Year Book 2020) igaragaza ko ingo zikoresha gaz cyangwa biogaz nk’uburyo bw’ibanze bwo guteka ari 4,2%. Iri janisha ryavuye kuri 0,1% mu 2010/2011.

    Umudugudu wa Horezo ni umwe mu igezweho mu Rwanda ariko abawutujwemo barataka ko bagorwa no kubona ibicanwa kuko Biogaz bahawe yapfuye

    source : https://ift.tt/3ClC0xQ

  • Sandra yavuze ibihe byiza yagiranye n'umuzamu Kwizera Olivier – YEGOB #rwanda #RwOT

    Umukobwa witwa Sandra yavuze ibihe byiza yagiranye na Kwizera Olivier nyuma yuko Kwizera yari amaze kwirukanwa mu mwiherero w'Amavubi.

    Nkuko Sandra yabitangaje yavuze ko nyuma yuko Kwizera Olivier yirukanywe mu mwiherero w'Amavubi, yaje kumusura aho aba maze akamumwakura (akamukuraho umwaku). Yongeyeho ko afite uburyo bwinshi akoresha akuraho umwaku ku bawutewe harimo kubaganiriza ndetse yanavuze ko buri wese ugeze iwe afite umwaku ahita awukira ndetse akanawukurwaho.

    Source : https://yegob.rw/sandra-yavuze-ibihe-byiza-yagiranye-numuzamu-kwizera-olivier/

  • MIFOTRA yabaye ihagaritse gutanga akazi mu bigo bya Leta kugira ngo ishake abarimu 13,000 #rwanda #RwOT

    Minisiteri y'Abakozi ba Leta n'Umurimo (MIFOTRA) yabaye isubitse gahunda yo guha akazi abandi bakozi ba Leta kugira ngo yibande ku bikorwa byo gushaka abarimu bagomba gutangirana n'umwaka mushya w'amashuri wa 2021-2022.

    Uyu mwanzuro wafashwe mu gihe Minisiteri y'Uburezi yatangaje ko umwaka utaha uzatangirana na taliki ya 11 Ukwakira 2021, hakaba hakenewe abarimu basaga 13,000 bagomba kwigisha mu bigo by'amashuri bisaga 650 biherereye mu bice bitandukanye by'Igihugu.

    Iyo gahunda yatangajwe mu ibaruwa yagenewe abayobozi bakuru batandukanye muri MIFOTRA, ikaba yarashyizweho umukono na Minisitiri w'Abakozi ba Leta n'Umurimo Rwanyindo Kayirangwa Fanfan washimangiye ko ikeneye umwihariko kugira ngo ikoranwe ubushishozi.

    Yagize ati: 'Hashingiwe ku Ingengabihe y'Amashuri Abanza, Ayisumbuye n' ay'Imyuga n'Ubumenyingiro y'Umwaka w'Amashuri 2021/2022, nagira ngo mbamenyeshe ko indi myanya y'akazi ka Leta ibaye ihagaritswe by'agateganyo kugeza igihe amashuri azatangirira.'

    Uyu mwanzuro wafashwe kugira ngo ishyirwa mu myanya ry'abarimu bashya rihabwe umwihariko kandi rikoranwe ubushishozi mu mucyo no mu bwisanzure, cyane ko byitezwe ko ubusabe bw'abifuza guhatanira iyo myanya bushobora kurenga 40,000.

    Abarimu basaga 13,000 bagiye gushyirwa mu myanya nyuma y'aho buri Karere kagaragaje ibyuho gafite mu mashuri, bakaba bazahita bashyirwa mu bigo byabasabye.

    Ni gahunda irimo gukorwa ku bufatanye bwa Minisiteri y'Uburezi (MINEDUC), Ikigo cy'Igihugu gishinzwe Uburezi bw'Ibanze mu Rwanda (REB), n'Ikigo cy'Igihugu Gishinzwe Guteza Imbere Amashuri y'Imyuga n'Ubumenyingiro (RTB) nyuma y'aho Uturere twari twasabye abarimu 14,120 barimo n'abayobozi.

    REB ivuga ko icyuho ahanini cyatewe n'abarimu bagiye basezera akazi babonye andi mahirwe y'imirimo, abajya mu kiruhuko cy'izabukuru, abagiye birukanwa bitewe n'impamvu zitandukanye ndetse n'abahuye n'ibibazo by'uburwayi bituma batabasha gukomeza kwigisha.

    Gahunda yo kwinjiza abarimu bashya mu kazi yitezweho nanone kuziba icyuho cy'abarimu bakenewe mu byumba by'amashuri bishya byubatswe guhera mu mwaka wa 2020, hagamijwe kugabanya ubucucike mu mashuri no kugabanya umubare w'abanyeshuri ku mwarimu kugira ngo ajye yoroherwa no gukurikirana imyigire ya buri wese umunsi ku wundi.

    Source : https://umuryango.rw/amakuru/mu-rwanda/uburezi/article/mifotra-yabaye-ihagaritse-gutanga-akazi-mu-bigo-bya-leta-kugira-ngo-ishake

  • Basanga kutareberera abashuka abangavu ari byo byakemura ikibazo cy’abaterwa inda #Rwanda #RwOT via @kigalitoday #rwanda #RwOT

    Vénantie Nibagwire wo mu Murenge wa Nyagisozi mu Karere ka Nyaruguru, akanaba umwe mu bafashamyumvire b’urubyiruko mu bijyanye no kubagira inama ku myitwarire, ari mu bavuga ko buri wese abigize ibye, abangavu batakomeza gutwita ku rugero biriho.

    Agira ati “Abashuka abangavu baba bafite aho bahurira na bo bakaganira, ku buryo ababyeyi batabimenya. Ariko abantu bababonye bagatanga amakuru, byacika kuko nta muntu ubura umubona aho ari”.

    Yungamo ati “Hari nk’ubona ushuka umwana akavuga ngo mbese ko uwanjye we bamwangije, n’uriya nabone. Nyamara ntanze amakuru n’uriya akayatanga, byarinda abana bose. Niba udatanze amakuru y’uwo ubonye, n’uwawe nawe ntawe uzaguha amakuru. Rwose abantu batinyutse bakajya babivuga byakemura iki kibazo”.

    Yumva ko ibi byashoboka hashyizweho uburyo bwo gutanga amakuru, urugero nka telefone yo guhamagaraho, bikamenyeshwa abantu kugira ngo bajye bazifashisha.

    Hari n’abatekereza ko ubwo buryo bwo kugaragaza abashaka gushuka abana bwajya bureberwa mu midugudu no mu masibo, ababonywe bagasabwa kwisubiraho, bitaba ibyo hagashyirwaho uburyo bakurikiranwa.

    Abafite ibyo bitekerezo banagaragaza ko imvano yo gutwita kw’abangavu ari ukuba nta mubyeyi ugihanira undi nk’uko byahoze kera, aho umubyeyi yasangaga umwana mu makosa akamuhana, n’undi bikaba uko.

    Umusaza Ildephonse Musoni w’i Nyagisozi mu Karere ka Nyaruguru ati “Kuri ubu ushobora gusanga umwana ari mu makosa wamusaba gusigaho akagukabukana, hanyuma akajya iwabo akavuga ko wamukubise cyangwa wamututse, ugasanga bigushyize mu bibazo”.

    Ibyo avuga bishimangirwa na Yvan Nyarwaya na we w’i Nyagisozi agira ati “Iyo ubonye umwana utari uwawe ukagerageza kumuhana, se araza ati ko ibyo yakoraga ari we bireba, wankubitiye umwana kubera iki? Mwihorere azibonera!”

    Ku rundi ruhande, hari abavuga ko batatinyuka kugaragaza umuntu wifite uri mu mafuti yo gushuka abana, kuko baba babona byabaviramo inkurikizi.

    Kamana w’i Mamba mu Karere ka Gisagara ati “Wari uzi ko ugomba kuvuga ngo runaka arimo arashuka akana ko kwa runaka, yamara kumenya ko amakuru ari wowe wayatanze akakumerera nabi? Wari uzi ko ushobora kumugazwa biturutse ku ijambo wavuze?”

    source : https://ift.tt/3nOq0B0

  • Abanyarwanda barakaye cyane kubera gusezererwa ku ikipe y'igihugu muri Volleyball #rwanda #RwOT

    Iyi minisiteri ntitangaza impamvu iyi kipe yavanywemo, ariko hashize iminsi ibiri iri rushanwa rihagaze hari impaka ku birego byarezwe u Rwanda byo gukinisha abakinnyi batemewe.

    Iyi kipe yari irimo abakinnyi bane bakomoka muri Amerika y'Epfo, bivugwa ko amakipe ya Nigeria na Maroc yareze ko abo bakinnye mu buryo bunyuranyije n'amategeko.

    Bivugwa ko aba bakinnyi bazanywe n'umutoza w'umunya-Brazil Paulo De Tarso Milagres w'ikipe zombi iy'abagore n'iy'abagabo wahawe aka kazi mu ntangiriro z'ukwezi kwa munani, bakemezwa n'abashinzwe Volleyball mu Rwanda.

    Aba bakinnyi bari bagize uruhare rukomeye mu kugeza ikipe y'u Rwanda muri 1/2 idatsinzwe umukino n'umwe.

    Ku mbuga nkoranyambaga Abanyarwanda bamwe batangaje ko ari “igisebo” ku ikipe yakiriye irushanwa gukora amakosa nk'ayo bikayiviramo kuvanwa mu irushanwa yakiriye.

    Ikipe y'u Rwanda y'umupira w'amaguru mu myaka ishize yahanwe ku rwego rwa Africa ihamwe no gukinisha abakinnyi bo mu bindi bihugu mu buryo bunyuranyije n'ubwemewe.

    Umwe yanditse kuri Twitter ati: “Kuki amateka atatwigisha. Kuki ababishinzwe batabona ko ari ukwirarira gushaka guseruka uko tutari. Hakwiye kugira ubazwa ibi.”

    Undi yagize ati ” Ese ministry ntimwabonye list y'abakinnyi? Kuki mutakumiriye iri kosa?

    Aba bantu batekinika bagasebya igihugu bagomba kumenyekana ndetse bagahanwa by'intangarugero.

    Usibye ngo gusebya igihugu, bavukije abakini amahirwe no kuburizamo ibyishimo by'abafana b'ikipe y'Igihugu. Sad”.

    Undi ati “Ababigizemo uruhare bagomba kwegura ku mirimo yabo bose uhereye no muri minister ya sport ni gute bakinisha abakinyi batanatuye mu gihugu nibura umwaka wenda ahubwo turasaba ibisobanuro uko byagenze kugirango abo bakinyi babashe kwambara umwenda wi gihugu shame kabisa.”

    Undi ati “Ababigizemo uruhare begure, kandi bahanwe bikomeye. Mudukojeje isoni gusa.”

    Minisiteri y'imikino yavuze ko yahise ifata iyi mikino isigaye mu nshingano zayo mu gihe ishyirahamwe rya Volleyball mu Rwanda ryahagaritswe gukomeza gutegura iri rushanwa.

    Imikino ya nyuma yose uyu munsi
    Imikino yo gushaka umwanya (classement), iya demi-finale hamwe na finale y'igikombe cya Africa yose iraba kuri iki cyumweru kugeza nijoro.

    Gushaka umwanya

    DR Congo yari gukina na Senegal (ariko iyi kipe yaraye yitahiye)

    Bityo Tunisia irakina na DR Congo

    Demi-finale

    Kenya Vs Maroc

    Cameroun Vs Nigeria

    Finale/saa mbili z'ijoro (20h)

    Itsinda hagati ya Kenya na Maroc irahura n'itsinda hagati ya Cameroun na Nigeria.

    BBC

    Source : https://umuryango.rw/imyidagaduro/imikino/article/abanyarwanda-barakaye-cyane-kubera-gusezererwa-ku-ikipe-y-igihugu-muri

  • Itangazo ryihutirwa ku bijyanye n'imikino ya Volleyball #AfricaVolleyChampionship2021 irimo kubera mu Rwanda – YEGOB #rwanda #RwOT

    Ishyirahamwe ry'umukino wa Volleyball muri Afurika (CAVB) ryatangaje ko kuri iki Cyumweru tariki 19 Nzeri 2021 aribwo hari buze kuba imikino ya nyuma (semi-finals and finals) mu irushanwa rya African Women Volleyball championship 2021 ririmo kubera mu Rwanda. Nkuko bigaragara ku rutonde rwashyizwe hanze na CAVB ikipe y'U Rwanda Amavubi ntabwo iri mu makipe ari buze gukina iyi mikino isoza iri rushanwa rya African Women Volleyball championship 2021.

    Source : https://yegob.rw/itangazo-ryihutirwa-ku-bijyanye-nimikino-ya-volleyball-africavolleychampionship2021-irimo-kubera-mu-rwanda/

  • Kigali: Bakomeje gushyira intebe ahantu hatandukanye ababyifuza bazajya baruhukiraho #Rwanda #RwOT via @kigalitoday #rwanda #RwOT

    Intebe zagenewe abagendagenda muri Kigali zaruhuye abajyaga bananirirwa ku nzira n
    Intebe zagenewe abagendagenda muri Kigali zaruhuye abajyaga bananirirwa ku nzira n’abandi bifuza kwiruhukira

    Umuyobozi Mukuru ushinzwe igenamigambi ry’Imiturire n’Imitunganyirize y’Umujyi wa Kigali, Solange Umuhirwa, avuga ko batazigera bishyuza abantu bicara kuri izo ntebe, kandi zagenewe abantu bose, baba abagenda cyangwa abatuye muri uyu mujyi.

    Umuhirwa yaganirije Kigali Today agira ati “Usanga umuntu agenda n’amaguru akananirwa, yashaka ahantu yicara akahabura, nk’umuntu uva mu Mujyi ajya i Remera nta hantu ho kwicara hahari, hari ujya gukomanga ku gipangu cy’undi muntu agasaba intebe akicara, cyangwa akajya ku ibaraza. Ntabwo rero twifuza ibyo, kwicara kuri izo ntebe ni ubuntu”.

    Barahicara bakanakoresha Internet y
    Barahicara bakanakoresha Internet y’ubuntu

    Umuhirwa avuga ko hataramenyekana neza ingengo y’imari icyo gikorwa kizatwara, kuko ngo buri mwaka hari umubare runaka w’intebe bazajya batera ku mihanda kugeza ubwo bazabonera ko zihagije.

    Avuga ko umuryango witwa GGGI ari wo ushinzwe kubarebera ahantu hakwiye guterwa izo ntebe, akenshi haba ari mu byanya birimo gupfa ubusa.

    Mu Mujyi rwagati ahitwa muri ‘Car Free Zone’ uhasanga abantu biganjemo urubyiruko bicaye kuri izo ntebe bakoresha na internet, benshi bakaba ari ho baza kuganirira n’inshuti zabo ndetse no kuhamenyera amakuru atandukanye.

    Umusore witwa Iradukunda Jean Paul wavuye mu Gatsata, ashima izo ntebe akanashimira Umujyi wa Kigali kuba warabahaye internet y’ubuntu ibafasha kwandikirana n’abantu, kwandika asaba akazi cyangwa kwiga, ndetse no gukora ubushakashatsi butandukanye.

    Uko haba hasa nijoro
    Uko haba hasa nijoro

    Iradukunda yakomeje agira ati “Aha hantu haratuje cyane, hari umwuka mwiza, mpaza naniwe ngataha numva naruhutse mu mutwe”.

    source : https://ift.tt/3tRjxWZ

  • Minisitiri Gatabazi yakebuye abitwaza ko bakingiwe bakarenga ku mabwiriza yo kwirinda COVID-19 – #rwanda #RwOT

    Minisitiri Gatabazi yavuze ko bimaze iminsi bigaragara ko hari abantu, barimo n’abakunzi b’imikino bitwaza ko bakingiwe COVID-19 bakarenga ku mabwiriza asanzwe yarashyizweho n’inzego z’ubuzima hagamijwe kuyirinda.

    Yabwiye RBA ko abaturage bakwiye kumva ko kwikingiza iki cyorezo bidakuraho kucyirinda.

    Ati “Tuributsa abaturage bafashe inkingo ko kwikingiza bitavanaho kwirinda. Tumaze iminsi tubibona ndetse n’aba baza kureba imipira, iyo yumva ko yikingije yibagirwa ibindi byose bisabwa aribyo kwambara agapfukamunwa, gukaraba no guhana intera ugasanga babivanyeho.”

    Minisitiri Gatabazi abakora ibi ko kwikingiza bitababuza kwandura cyangwa kwanduza abandi.

    Ati “Kwikingiza ntabwo bivanaho kuba wakwandura cyangwa kuba wakwanduza abandi nubwo wenda bitakuzahaza.”

    Yakomeje asaba n’abitabira imihango irimo ubukwe kwitwararika nubwo baba barikingije. Ati “Turasaba abaturage gukomeza kwirinda nk’uko bari basanzwe birinda, bambara agapfukamunwa neza.”

    “Ndetse no mu mihango y’ubukwe n’indi ihuza abantu benshi yagiye yemerwa abantu bakazirikana guhana intera nk’uko byateganyijwe, bakazirikana gukaraba bakirinda ibintu byo gusabana cyane bitwaje ko bikingije ubu intero isigaye ari ngo njye narikingije ntakibazo, ariko bakwiye kuzirikana kwirinda.”

    Imibare igaragaza ko inzego z’ubuzima zigenda zishyira imbaraga mu kurushaho gukingira umubare munini w’Abanyarwanda, aho kugera ku wa 18 Nzeri 2021 abagera kuri 1 352 078 bari bamaze guhabwa dose ebyiri, mu gihe abandi 1 835 560 bahawe doze imwe.

    Nubwo bimeze gutya ariko n’umubare w’abandura n’abahitanwa na COVID-19 ukomeje kwiyongera. Ku wa 18 Nzeri 2021 handuye 224, batandatu muri bo bashyirwa mu bitaro, bituma umubare w’abarembye ugera kuri 23.

    Kuri uyu munsi kandi abantu barindwi bitabye Imana, bituma umubare w’abamaze kwicwa na COVID-19 mu Rwanda ugera kuri 1,206.

    Minisitiri w’Ubutegetsi bw’Igihugu, Gatabazi Jean Marie Vianney yakebuye abitwaza ko bakingiwe bakarenga ku mabwiriza yo kwirinda COVID-19

    source : https://ift.tt/2Z265UM

  • RTDA yasobanuye icyadindije imirimo yo kubaka ubwato bwashowemo miliyari 2,6 Frw – #rwanda #RwOT

    Amasezerano yo kubaka ubu bwato yashyizweho umukono muri Gicurasi 2018 hagati ya RTDA na sosiyete Avalon Steel Project yagombaga kubaka ubwato bwa Nkombo II.

    Imirimo y’iyi sosiyete yaradindiye ukurikije uko isoko ryari riteye yongererwa iminsi 336 yo kurangiza kubaka ubwato na yo yaje kongera kongererwa igera kuri 903.

    Isoko ryo gutanga ubwato bwo ku Nkombo ryari rifite agaciro ka miliyoni 2, 6 z’amafaranga y’u Rwanda.

    Igenzura ryabaye mu Ugushyingo 2020 ryagaragaje ko imirimo yo kubaka ubu bwato ikiri kure kandi rwiyemezamirimo yari yaramaze guhabwa ibihumbi 591 by’amadolari.

    Umuyobozi Mukuru wa RTDA, Munyampenda Imena, yabwiye abadepite ko hari impinduka zagiye zibaho zatumye habaho ubukererwe ariko ko n’ingengo y’imari yo kurangiza imirimo itaraboneka.

    Yavuze ko ku ikubitiro hagombaga gukorwa ubwato bugenewe gutwara abantu 150 n’imodoka esheshatu biza kuba ngombwa ko hongerwaho ubundi buto bushobora gutwara abantu 30 n’imizigo ya toni esheshatu.

    Yasobanuye ko kuri ubu ibikoresho byo gukora ubwato bunini byamaze kugera mu Rwanda ndetse rwiyemezamirimo akaba yari yongerewe amasezerano kugeza muri uku kwezi kwa cyenda nubwo kwenda kurangira.

    Ati “Ibikoresho byose bizakoreshwa mu guteranya ubu bwato bunini birahari, imbogamizi ihari ni iy’ingengo y’imari.”

    Imena Munyampenda yavuze ko bagikorana ibiganiro na Minisiteri y’Imari n’Igenamigambi ngo igene ingengo y’imari kugira ngo ubwo bwato bukorwe ku gihe.

    Umuyobozi wa RTDA, Imena Munyampenda n’Umunyamabanga Uhoraho muri Minisiteri y’Ibikorwaremezo, Uwase Patricie ubwo batangaga ibisobanuro kuri PAC

    source : https://ift.tt/39jHY68

  • Itangwa ry’akazi mu zindi nzego za Leta ryabaye rihagaze ngo hitabwe ku barimu bashya mu mashuri – #rwanda #RwOT

    Uyu mwanzuro uje nyuma y’aho Guverinoma y’u Rwanda itangaje ko igiye gushyira mu myanya abarimu bashya 9.418 bazigisha mu mashuri 650 harimo abanza n’ayisumbuye nyuma y’uko hagaragajwe icyuho cy’abo mu mashuri yo mu Turere dutandukanye mu gihugu.

    The New Times yatangaje ko Mifotra yasohoye iri tangazo kuwa Gatanu tariki 16 Nzeri 2021, ariko rigenewe abayobozi bakuru muri iyi Minisiteri.

    Iryo tangazo ririho umukono wa Minisitiri w’Abakozi ba Leta n’Umurimo, Fanfan Kayiranga Rwanyindo, rigira riti “Hagendewe ku ngengabihe y’umwaka w’amashuri utaha uzatangira ku itariki 11 Ukwakira, ndabamenyesha ko itangwa ry’akazi mu yindi myanya y’ibigo bya leta ihagaritswe by’agateganyo kugeza igihe amashuri azafungurira.”

    Rikomeza rivuga ko uyu mwanzuro ufashwe mu rwego rwo kwita ku gushyira mu myanya abarimu bashya bategerejwe mu mashuri mu kwezi gutaha ku Ukwakira, kugira ngo bizakorwe neza hirindwa amakosa.

    Gushyira mu myanya aba barimu bizakorwa na Minisiteri y’uburezi ifatanyije n’Ikigo gishinzwe Uburezi bw’Ibanze, REB, ndetse n’Ikigo cy’igihugu gishinzwe amashuri y’Imyuga n’Ubumenyingiro.

    Umuyobozi w’ishami rishinzwe abarimu n’iterambere muri REB, Mugenzi Léon, aherutse kubwira The New Times ko abarimu n’abayobozi b’amashuri bari bakenewe ari 14.120 ariko ingengo y’imari ibemerera guha akazi abarimu 9.418.

    Nubwo bimeze gutya ariko, iyi gahunda yo guha akazi abarimu bashya izafasha kuziba icyuho cy’abarimu, haboneke abigisha mu byumba by’amashuri bishya byubatswe mu kugabanya ubucucike bw’abana no kugabanya ikigereranyo cy’abanyeshuri umwarimu agomba kuba yigisha mu ishuri.

    Itangwa ry’akazi mu zindi nzego za Leta byabaye bihagaze ngo hitabwe ku barimu bashya mu mashuri

    source : https://ift.tt/39gBiFG