Author: webrwanda

Ku munsi w'ejo tariki ya 14 Ukwakira 2021 nibwo Mugisha Emmanuel wamamaye ku izina rya Clapton Kibonke yagize isabukuru y'amavuko. Umugore we, inshuti ze za hafi, abafana be n'abandi bantu batandukanye bamwifurije isabukuru nziza bamwibutsa agaciro afite mu buzima bwe.

Mu bazirikanye Clapton Kibonke ku munsi w'ejo ubwo yizihizaga isabukuru y'amavuko harimo n'abo bakinana muri filime ya Seburikoko bamukoreshereje umutsima w'isabukuru ye y'amavuko (birthday cake). Clapton Kibonke abinyujije ku rukuta rwe rwa instagram yeretse abafana be ifoto y'umutsima yakoresherejwe n'abo bakinana muri Seburikoko maze ayiherekesha amagambo agira ati ” Thank you @seburikoko_tv_series🙏🏽🙏🏽 “.

View this post on Instagram

A post shared by Mugisha Emmanuel (@claptonkibonge)

Source : https://yegob.rw/ibyo-kibonke-yakorewe-na-bagenzi-be-bakinana-muri-seburikoko/

Ku mbuga nkoranyambaga hasakajwe amashusho y'abana babiri bari barimo umwe wabazaga mugenzi we impamvu bavutse basa nk'abazungu.

Nkuko amashusho akurikira abigaragaza, nyuma yuko umwe abajije mugenzi we impamvu bavutse basa nk'abazungu, mugenzi we yahise amusubiza ko impamvu bavutse basa nk'abazungu ari uko Mama wabo yahingaga abatwite maze izuba rikabababura

Source : https://yegob.rw/abana-babanyarwanda-bibajije-impamvu-bavutse-basa-nkabazungu-dore-igisubizo-batanze/

Kubira ibyuya bikabije ni indwara izwi mu cyongereza nka 'Hyperhidrosis'. Iyi ndwara igaragazwa no kugira ibyuya mu buryo budasanzwe kandi byinshi, ni indwara ishobora kuza mu buto cyangwa uri ingimbi. Ibice bikunda kwibasirwa cyane ni mu kiganza hagati, mu bworo bw'ikirenge, mu kwaha ndetse no mu ihiniro (nko ku mavi cyangwa inkokora).

Kubira ibyuya bikabije biterwa n'iki?

Kubira ibyuya bikabije bishobora kuba indwara yizanye, iturutse ku bundi burwayi waba ufite, ikibazo mu mikorere y'umubiri cyangwa se ikoreshwa ry'imiti.

Bigaragara mu bwoko 3:

Kubira ibyuya bikabije bitewe n'ibyiyumviro (nk'ubwoba, stress, kubona umuntu ukunda cyangwa se guhagarara imbere y'abantu, nibindi.), ibi akenshi bikunze kuza mu biganza, mu ihiniro no ku gahanga.

Kubira ibyuya bikabije mu bice bimwe; ni ukwangirika gukurikirwa no kugaragara ku bwinshi ku dutsi duto tw'ubwonko dushinzwe kugena ubushyuhe umubiri ugomba kuba uriho muri ako gace runaka.

Kubira ibyuya ahantu hose icyarimwe; ibi akenshi biterwa n'imikorere mibi y'ingingo zishinzwe kugena ubushyuhe mu mubiri, cyangwa se bishobora guterwa n'indi ndwara ushobora kuba ufite. Nubwo iyi ndwara itica, ariko ibangamira uyifite.

Ni izihe ndwara zitera kubira ibyuya bikabije?

Nubwo kuri bamwe byizana ariko hari indwara zishobora gutera iki kibazo, zimwe muri zo twavuga:

Indwara z'udutsi duto tw'ubwonko ndetse n'indwara ya neoplastic (uku ni ukwiyongera gukabije k'uturemangingo ahantu runaka aribyo kenshi bibyara kanseri).

Ubushyuhe bw'umubiri kuba buri hasi cyane (iyi ni indwara idakunze kuboneka cyane ituruka mu duce tw'ubwonko dushinzwe ubushyuhe mu mubiri tuba tudakora neza rimwe na rimwe).

Indwara zitera imihandagurikire mu mikorere y'umubiri. Aha twavuga; Diyabete cyangwa indwara y'igisukari, Menopause, Pheochromocytoma (soma; fewokoromositoma, iyi ni indwara idakunze kuboneka nayo yibasira imvubura ziba ku mpyiko, zishinzwe gutanga amategeko ku mubiri; adrenal glands), Kwangirika kw'imitsi y'ubwonko y'igice cyegereye uruhu (peripheral nerve):

Kugira isukari nke, Goutte, Indwara zica intege umubiri, Indwara y'igituntu (umurwayi wayo abira ibyuya bikabije cyane cyane nijoro), Kwiyongera gukabije kwa zimwe mu ngingo (bishobora kuba impyiko, cg se ingingo zikora amatembabuzi), indwara yibasira imihindagukire y'uruhu, n'ibindi.

Source : https://yegob.rw/wari-uziko-kubira-ibyuya-ari-indwara-ikomeyesobanukirwa/

Umunyamakuru Sandrine Isheja Butera ukorera kuri Radio 102.3 KISS FM yasazwe n'akanyamuneza kenshi nyuma y'ibyo umugabo we, Kagame Peter, yamukoreye ubwo yamusangaga muri studio ya Radio 102.3 KISS FM.

Abinyujije ku rukuta rwe rwa instagram, Sandrine Isheja yashyize hanze amashusho ubwo umugabo we yamusangaga muri studio za 102.3 KISS FM maze akamusanganiza indabo n'akabaruwa kanditseho utugambo twiza. Nyuma yo gushyira hanze aya mashusho, Sandrine yayaherekesheje ubutumwa bugira buti ” Thank you Love for the surprise “.

Ibi bibaye mu gihe Kagame Peter na Sandrine Isheja Butera bitegura kwibaruka umwana wabo w'ubuheta.

Source : https://yegob.rw/ibyo-umutware-wumunyamakuru-sandrine-isheja-butera-yamukoreye-ubwo-yamusangaga-muri-studio-video/

Uruganda Premier Tobacco Company rwareze rusaba guhagarikisha icyamunara ya Hotel iri mu Kiyovu ruvuga ko uruhushya rwatanzwe mu buryo budakurikije amategeko.

Umucamanza yanzuye ko urwo ruhushya rwatanzwe mu buryo bwemewe n'amategeko. Ariko abo kwa Rwigara bemeje ko nyuma yo kutanyurwa n'icyemezo cy'urukiko bazakijuririra.

Mu cyumba cy'urukiko hagararaye abo ku ruhande rw'uruganda rw'itabi rwa Nyakwigendera Rwigara gusa. Banki y'ubucuruzi ya COGEBANK yo ntiyari ihagarariwe.

Muri urwo rubanza kompanyi y'ubwishingizi Prime Insurance yasabiwe gusubiza miliyoni zisaga 349 na COGEBANK mu gihe yari yarishyuye iyi bank miliyoni zisaga 540 mu rubanza rwasabaga kwishyura ubwishingizi ku rupfu rwa Rwigara.

Me Henry Pierre Munyengabe wunganira iyo bank akavuga ko kuba hari ikirego cy'iremezo bitabuza icyamunara gukomeza kuko umwenda PTC ibereyemo banki yunganira utararangira.

Me Janvier Rwagatare wunganira abo kwa Rwigara avuga ko uruhushya rwo guteza icyamunara iriya nyubako rwatanzwe bidakurikije amategeko ndetse avuga ko uru rubanza rutareba iyi kompanyi ya ba Rwigara kuko itabayemo umuburanyi.

Yasobanuye ko haburanaga Madamu Mukangemanyi aho kuba PTC mu gihe umucamanza yashimangiye ko uruhushya rwo guteza cyamunara iyo Hotel byakurikije amategeko.

Nyuma y'urubanza,Madamu Adeline Rwigara,yabwiye Ijwi ry'Amerika dukesha iyi nkuru ati “Ni agahomamunwa,ubundi uru hari urubanza rurimo ko ari urucabana.Twe twumvaga nta rubanza ruhari kuko baratwiba ku mugaragaro kandi dufite ibimenyetso.Ntawe uburana n'umuhamba gusa tuba tugomba gukora ibyo tugomba gukora.”

Yakomeje yemeza ko bagiye kujuririra kiriya cyemezo cyo gutezwa icyamunara iriya Hoteli.

Source : https://umuryango.rw/amakuru/mu-rwanda/ubutabera/article/rwanda-urukiko-rwashimangiye-ko-hoteli-y-umuryango-wa-rwigara-itezwa-cyamunara

Nk'uko k24tv ibivuga, ibi byabereye mu gace kitwa Kangemi,muri Nairobi ku ya 3 Ukwakira 2021.

Raporo yahawe urukiko ku wa kane, tariki ya 14 Ukwakira, nyakwigendera yasuye uregwa mu gace ka Kangemi aho bakodesheje inzu nyuma yo kuva ahitwa Nyeri aho babanaga kuva muri Kanama 2021.

Ikirego kikaba kivuga ko nyakwigendera yasize umugabo we avuga ko agiye gusura “mubyara” we muri Kiserian gusa nyuma y'igihe gito yaramuhamagaye ashaka kumenya igihe azagarukira undi amumenyesha ko yagiye mu cyaro.

Raporo igira iti: “Nyuma y'iperereza ryakozwe, ushinjwa yamenyeshejwe ko umugore we adafite bene wabo muri Kiserian kandi ko atigeze agera mu cyaro”.

Ushinjwa yavuze ko yabajije murumuna w'umugore we,amubwira ko badafite mubyara wabo muri Kiserian.

Ikirego kikaba kivuga ko ku ya 1 Ukwakira 2021, ushinjwa yahamagaye umugore we amusaba kumusura kubera ko atameze neza ndetse koko ngo yaramusuye.

Raporo y'abapolisi ivuga ko baganiriye ariko ntibashobora kumvikana kuko nyakwigendera ngo yarize bari gutera akabariro.

Ku ya 3 Ukwakira 2021, barabyutse nyakwigendera ategura ifunguro rya mu gitondo. Mu gihe barimo banywa ikawa, ushinjwa ngo yabwiye umugore we ko atagomba kumuta ngo ajye ku wundi mugabo.

Mu magambo ye, ushinjwa yavuze ko nyuma yo gufata ifunguro rya mu gitondo uyu mugore yamubwije ukuri ko yabanaga n'undi mugabo. Avuga ko umugore yahise atangira kumutontomera avuga ko atari mwiza bihagije mu buriri nyuma y'ibyo yamukoreye nijoro.

Ushinjwa yabwiye abapolisi ko yamufashe agerageza kumuturisha amufunga umunwa.

Avuga ko yatekereje ko yatuje ariko nyuma ahita yiyahura kuko yari yamaze guta ubwenge.

Uyu mugabo yavuze ko yahamagaye abaturanyi ngo bamujyane mu bitaro ariko bamenyeshwa ko yapfuye bakihagera.

Umucamanza mukuru mu rukiko I Nairobi, Bernard Ochoi, yategetse ko uregwa asuzumwa ibibazo byo mu mutwe kugira ngo barebe niba imitekerereze ye ari mizima, mbere yo kumugarura mu rukiko ku wa 17 Ukwakira 2021.

Source : https://umuryango.rw/ubuzima-115/udushya/article/arashijwa-kwica-umugore-we-amuziza-ko-yamututse-ko-atazi-gutera-akabariro

Urutonde rw'abakinnyi 30 bahataniye igihembo cya Ballon d'Or uyu mwaka rwatangajwe ku wa gatanu ushize, aho N'Golo Kante na Jorginho begukanye igikombe cyaChampions League, bakina muri Chelsea, batsindiye igihembo cy'abakinnyi b'umwaka muri UEFA.

Pochettino yavuze ko yizera ko Messi ari we mukinnyi mwiza ku isi kandi ko agomba kwegukana iki gihembo, mu gihe Cristiano Ronaldo na Robert Lewandowski barangiza muri batatu ba mbere.

Abajijwe gutoranya uwo yaha igihembo cya Ballon d'Or uyu mwaka, Pochettino yabwiye El Partidazo de COPE mu ijoro ryo ku wa gatatu ati: 'Ballon d'or igomba kujya kwa Messi nta gushidikanya. Nubwo kandi ntaba ntoza Messi, nakomeza kuvuga Messi. Ndasubiza n'umutima wanjye. Buri gihe mvuga uko mbyumva. Lewandowski yaba uwa kabiri, Cristiano Ronaldo wa gatatu. '

Uzegukana iki gihembo azamenyekana mu kwezi gutaha ariko amahirwe menshi ari hagati ya Messi na Jorginho.

Uyu wahoze ari umutoza wa Tottenham yavuze kandi ko yizeye ko Paris Saint-Germain ishobora kumvisha Kylian Mbappé kuyigumamo nubwo akunda Real Madrid.

Source : https://umuryango.rw/imyidagaduro/imikino/article/maurico-pochettino-yahishuye-abakinnyi-3-abona-bakurwamo-utwara-ballon-d-or

Hashize Iminsi hacicikana amafoto y'ubukwe agaragaza Marina na Yvan Muziki bikavugwa ko baba barakoze ubukwe mu ibanga rikomeye, ku makuru Umuryango ufite nuko nta bwigeze bubaho ahubwo byari ifatwa ry'amashusho y'indirimbo bari gukorana.

Amakuru dukesha Igihe yavuze ko amafoto yifashishijwe havugwa ko aba bahanzi bakoze ubukwe ari ayafotorewe mu ifatwa ry'amashusho y'indirimbo 'Urugo ruhire' ya Masamba bari gusubiramo.

Ati 'Marina, Massamba Intore na Yvan Muziki bari gusubiranamo indirimbo 'Urugo ruhire', mu ifatwa ry'amashusho y'iyi ndirimbo niho abantu bakuye amafoto bahamya ko bakoze ubukwe.'

Iyi ndirimbo bivugwa ko izasohoka kuri EP Yvan Muziki ateganya gusohora mu minsi iri imbere.

Abavuga iby'ubukwe bw'aba bahanzi babishingira ku nkuru zimaze iminsi zivuga ko bari mu rukundo.

Hari amakuru avuga ko urukundo rwa Marina na Yvan Muziki rugeze aharyoshye, ndetse kuva uyu muhanzi yaza mu Rwanda inshuro nyinshi baba bari kumwe.

Source : https://umuryango.rw/imyidagaduro/article/hamenyekanye-ukuri-kose-k-ubukwe-bwa-marina-na-yvan-muziki-bwavugishije-benshi

Eddy Kenzo yahishuye byinshi kuva yatangira kuririmba ,aho yahishuye uburyo yahinduye imyaka ye kugira ngo abashe kubona ibya ngombwa mu gitaramo cya mbere yaragiye gukorera hanze Uganda muri Dubai

Uyu mugabo ufite inzu ifasha abahanzi ya Big Talent mu kiganiro n'ikinyamakuru Howwebiz yavuze ko afite imyaka 17 yatumiwe mu gitaramo I Dubai kandi muri icyo gihugu bemerara abahanzi bafite Imyaka 20 kuhataramira gusa kandi atarifuzaga kubura ayo mahirwe byamusabye kwongera imyaka 3 kuyo yari afite .

Yagize ati 'Nari mfite imyaka 17 gusa ubwo nahamagarwaga gukorera igitaramo i Dubai. Kandi byansabaga kuba mfite imyaka 20 ntagomba kugisiba'.

Kugeza ubu Eddy Kenzo amaze gukorera ibitaramo byiza kandi bikomeye muri Uganda, Afurika.Uburasirazuba bwo hagati, n'Uburayi.

Source : https://yegob.rw/umuhanzi-eddy-kenzo-byamutwaye-gukora-ibidasanzwe-kugirango-aririmbe-i-dubai/

Miss Pamella Uwicyeza na The Ben bari mu biruhuko ku kirwa kimwe giherereye mu gihugu cya Maldives mu nkengero z'inyanja y'abahinde (océan indien) nkuko amashusho yashyizwe hanze n'aba bombi babinyujije ku mbuga nkoranyambaga bakoresha abigaragaza.

Source : https://yegob.rw/video-ubuzima-buraryoshye-kuri-pamela-na-the-ben-bibereye-ku-kirwa/