Webrwanda Backend

Author: webrwanda

  • Minisitiri Dr. Ugirashebuja yitabiriye inama rusange ihuza Umuryango wa EAPCCO – #rwanda #RwOT

    Ni inama ngarukamwaka yateranye ku nshuro ya 23, yabereye mu Mujyi wa Kinshasa muri Repubulika Iharanira Demokarasi ya Congo.

    Iyi nama yahuje abaminisitiri bafite Polisi mu nshingano zabo mu bihugu 14 bigize Umuryango wa EAPCCO. Yabaye ikurikira iyateranye ku wa Kane, tariki ya 14 Ukwakira 2021, yahuzaga abayobozi bakuru ba Polisi. Yari ifite insanganyamatsiko igira iti “Kongera inzego zishinzwe umutekano uburyo bwo kurwanya ibyaha byambukiranya imipaka muri ibi bihe by’icyorezo cya COVID-19 no mu bihe bisanzwe.”

    Ibihugu bigize Umuryango wa EAPCCO ni u Burundi, Comoros, Repubulika Iharanira Demokarasi ya Congo, Erithrea, Ethiopia, u Rwanda, Kenya, Seychelles, Somalia, Sudani y’Epfo, Sudani, Tanzania na Uganda.

    Abaminisitiri bishimiye imbaraga ibihugu bigize EAPCCO bishyira mu kurwanya iterabwoba n’ibyaha byambukiranya imipaka binyuze mu bufatanye n’imikoranire.

    Ubwo yafunguraga ku mugaragaro iyi nama, Minisitiri w’Intebe wa Repubulika Iharanira Demokarasi ya Congo, Jean-Michel Sama Lukonde Kyenge, yagarutse ku kamaro k’imiryango yo mu Karere mu kurwanya ibyaha byambukiranya imipaka.

    Yagize ati “Ni ngombwa guteza imbere ubufatanye n’imikoranire no kubaka ubushobozi mu nzego zigenzura iyubahirizwa ry’amategeko. Ni ngombwa gukomeza guhanahana amakuru no gukumira abanyabyaha.”

    Yashimiye ibihugu bigize EAPCCO uburyo bikomeje gufasha Perezida wa Repubulika Iharanira Demokarasi ya Congo, Félix Antoine Tshisekedi Tshilombo, mu nshingano afite muri iki gihe ayoboye Umuryango wa Afurika Yunze Ubumwe.

    RDC ni yo yasimbuye Tanzania ku mwanya w’ubuyobozi bw’umuryango uhuza Polisi zo mu Karere ndetse no ku mwanya w’Abaminisitiri bafite Polisi mu nshingano zabo.

    Abaminisitiri bishimiye umwanzuro wafatiwe mu nama yahuje abayobozi ba Polisi wo gushinga ishuri ryigisha abapolisi ibijyanye n’umutekano wo mu mazi, ishuri rizaba riri i Mwanza muri Tanzania. Muri iki gihugu kandi ni naho hazaba ikigo cy’icyitegererezo cy’amahugurwa ku mutekano wo mu mazi.

    Repubulika Iharanira Demokarasi ya Congo yahawe inshingano zo gushinga Umutwe ushinzwe Ibikorwa bya Polisi mu Karere, uzaba uri mu kigo cy’icyitegererezo gishinzwe kurwanya iterabwoba, gukusanya, gusesengura no gukwirakwiza amakuru ajyanye n’iterabwoba.

    Minisitiri w’Ubutabera akaba n’Intumwa Nkuru ya Leta, Dr. Ugirashebuja Emmanuel, yitabiriye inama ihuza abayobozi ba Polisi zibumbiye mu Muryango wo mu Karere k’Iburasirazuba (EAPCCO)

    Umuyobozi Mukuru wa Polisi y’u Rwanda, IGP Dan Munyuza (hagati) ku wa 14 Ukwakira 2021, na we yitabiriye iyi nama iri kubera mu Mujyi wa Kinshasa

    source : https://ift.tt/3mZFYpV

  • Sudani y’Epfo: Abapolisi b’u Rwanda bahaye abaturage imyenda n’inkweto #Rwanda #RwOT via @kigalitoday #rwanda #RwOT

    Umuyobozi w’iryo tsinda ry’abapolisi b’u Rwanda, SSP Jeannette Masozera, ni we washyikirije ibyo bikoresho abaturage mu izina ry’itsinda ry’abapolisi abereye umuyobozi, ni igikorwa kijyanye na gahunda yo gufasha abaturage.

    Ku wa Gatanu tariki ya 15 Ukwakira 2021, igikorwa cyo gutanga iyo myenda n’inkweto cyakurikiwe n’umuganda rusange aho abapolisi b’u Rwanda bari mu butumwa bwo kubungabunga amahoro bifatanyije n’abapolisi bo mu gihugu cya Sudani y’Epfo, basukura hafi ya sitasiyo ya Polisi iri ahitwa Yei, nk’uko byatangajwe ku rubuga rwa Internet rwa Polisi y’u Rwanda.

    Iyi sitasiyo ya Polisi ikaba isanzwe ikora ibikorwa by’umutekano aho icyemura ibibazo by’impunzi ziri mu nkambi ebyiri ziri hafi yayo.

    Mu gikorwa cyo gutanga imyenda n’inkweto kandi hatanzwe ubutumwa bugamije gukangurira abagore kurwanya kanseri y’ibere, kongerera ubushobozi abagore, kurengera abana, kurwanya ishyingirwa ry’abana b’abakobwa bakiri bato ndetse abaturage banakangurirwa kugira uruhare muri gahunda zo kurwanya amakimbirane no guharanira amahoro.

    SSP Masozera yagize ati “Abana b’abakobwa bugarijwe n’ibibazo bijyanye n’ihohoterwa rishingiye ku gitsina, muri iryo hohoterwa harimo gushyingirwa bakiri bato kandi bagashyingirwa ku gahato. Nk’ababyeyi b’abagore mugomba guha icyizere abana banyu b’abakobwa, mukabarinda, mukanabakangurira kujya kwiga.”

    Abagore na bo bagaragaje zimwe mu mbogamizi bahura na zo mu buzima harimo ibibazo bahura nabyo babyara, agahinda gakabije ndetse no kwiyahura.

    SSP Masozera yakanguriye abagore kurenga ku mahame y’umuco atuma bashyingira abana b’abakobwa bakiri bato ahubwo bagaharanira kurwanya iryo hohotera rishingiye ku gitsinda n’irindi hohotera rya kiremwa muntu.

    Dr. Joseph Ndamiye Rugazura , Umuyobozi w’itsinda ry’abaganga b’abapolisi bari mu butumwa bwo kubungabunga amahoro (FPU-3), yagaragarije abagore ibimenyetso bya kanseri y’ibere harimo kubyimba igice cy’ibere, kubabara ibere, abakangurira kujya bihutira kugana ivuriro ribegereye kugira ngo basuzumwe igihe babonye bene ibyo bimenyetso.

    source : https://ift.tt/3p9jR3a

  • Rwanda Gospel Stars Live yateguye ibirori biz… – #rwanda #RwOT

    Ku nteguza y’ibi birori hagaragaraho abahanzi 15 bari muri iki gikorwa barimo na Theo Bosebabireba wasimbuye Vestine na Dorcas nyuma y’uko benshi basabye ko yangerwamo kuko ngo yatanze ibyishimo mu bakora umuziki wo kuramya no guhimbaza Imana.

    Kuri izi nteguza kandi biragaragara ko iki gikorwa kizabera kuri Park Inn Hotel mu Kiyovu tariki 24 Ukwakira 2021 kuva saa kumi z’umugoroba. Muri iki gikorwa abagize urubyiruko rwa Kigali Protocol rumenyerewemo n’abitabiriye Miss Rwanda ni rwo ruzaba ruri kwakira abazitabira ibirori bya Rwanda Gospel Stars.

    Rwanda gospel stars live ni igikorwa (Event) ngarukamwaka cyateguwe na sosiyete y’abikorera ariyo Metts Rwanda Service. Muri iki gikorwa abakunzi b'umuziki wo kuramya no guhimbaza Imana  bari mu Rwanda no hanze yarwo babasha gushyigikira abahanzi bakunda.

    Abahanzi bari mu gikorwa cya Rwanda Gospel Stars Live ni 15 aribo: Serge Iyamuremye, Israel Mbonyi, Aline Gahongayire, Tonzi, Gaby Kamanzi, Rata Jah Naychah, James na Daniella, Gisubizo Ministries, MD, Chorale Christus Regnat, Gisele Precious, True Promises Ministries, Aimee Frank Nitezeho, Annett Murava na Theo Bosebabireba uheruka gusimbuzwa Vestine na Dorcas bivanye muri iki gikorwa.

    Kigali Protocol niyo izakira abazitabira ibi birori 

    Urubyiruko rwa Kigali Protocal rubarizwamo abitabiriye Miss Rwanda rwiteguye kwakira abazitabira iki gikorwa

    Source : https://inyarwanda.com/inkuru/110474/rwanda-gospel-stars-live-yateguye-ibirori-bizamurikirwamo-ku-mugaragaro-abahanzi-ba-gospel-110474.html

  • Gicumbi FC itwaye igikombe cy’icyiciro cya ka… – #rwanda #RwOT

    Wari umukino wa nyuma wabereye kuri sitade Amahoro i Remera, utangira ku isaha ya 15:00 pm. Gicumbi FC yari yageze ku mukino wa nyuma itsinze Heroes FC mu gihe Etoile de L’est yari yasezereye Amagaju FC kuri Penariti.

    Abakinnyi babanje mubkibuga ku ruhande rwa Etoile de L’est

    Mu izamu: Batagatifu Yves, imbere: Biraro Yunusu, Bugingo Jean Pierre, Twagirayezu Fabien, Migambi Kevin, Fabrice Twagizimana, pacifique Dukundane, Mudahemuka Claude, Jean Pierre Gasongo, Gahamanyi Boniface.

    Ku ruhande rwa Gicumbi FC habanjemo: Muhawenayo, Rucogoza Aimable, Dusabimana Christian, Manzi Olivier, Nshimiyimana, Nsengiyumva, Mushimiyimana Teleshore, Nsengayire Shadad, Dusenge Bertin,  Dufutimukiza Pierre.

    Etoile de L’est niyo yafunguye amazamu ku munota wa 28 ku gitego cyatsinzwe na Mudahemuka Claude bakunze kwita Aguero. Gicumbi FC yatangiye gukina isatira ndetse ku munota wa 44 ibona Penariti yaje gutsindwa na Dusange Bertin.

    Igice cya mbere cyarangiye ari igitego kimwe kuri kimwe 

    Igice cya Kabiri Gicumbi yaje kubona igitego cya kabiri gitsinzwe na Okenge Lulu Kevin. Ku munota wa 90 Gahamanyi Boniface yaje gutsinda igitego cyo kwishyura iminota 90 irangira ari ibitego bibiri kuri bibiri.

    Amakipe yombi yahise yerekeza muri Penariti byaje no kubanza kugorana kubona ikipe itsinda kuko Gicumbi FC yatsinze Penariti 14 Kuri 13 za Etoile de L’est.

    Mu mukino wabanje wo gushaka umwanya wa gatatu, Heroes FC yatsinze Amagaju FC kuri Penariti 5-4 aho umukino wari warangiye ari igitego 1 kuri 1.

    Source : https://inyarwanda.com/inkuru/110471/gicumbi-fc-itwaye-igikombe-cyikiciro-cya-kabiri-itsinze-etoile-de-lest-penariti-14-13-110471.html

  • Umunyamakuru Bianca yasubije abavuga ko yamabara ubusa (VIDEO) #rwanda #RwOT

    Umunyamakuru wa ISIBO TV, Bianca yasubije abantu bavuga ko yambara ubusa atari byo ko ahubwo ari imideli(fashion) bityo ko abantu batabizi na none atabarenganya.

    Uyu mukobwa urimo gutegura ibirori bizitabirwa n’abantu biyizeye mu kurimba yise 'Bianca Fashion Hub’ bizaba tariki 23 Ukwakira 2021.

    Ifoto yakoresheje kuri 'post’ itegura iki kirori, aba yambaye agakoti imbere bigaragara ko nta kintu kirimo, niho bamwe buririye bamubwira ko yambaye ubusa.

    Aganira na ISIMBI, Bianca yavuze ko ari umuntu wambara ibintu byose, ariko ashimangira ko atari yambaye ubusa ahubwo ari imideli.

    Ati 'Ikintu wowe wifuza ko nambara ntabwo ari itegeko ko ncyambara , ntabwo tuzahora mu bintu bimwe, ikindi ndi umuntu wambara ibintu byose, uzambona nambaye nk’abahungu, hari umuntu unkunda nambaye imishanana… Abantu bambyumve neza iyi foto nta busa burimo, ni imdieli(fashion) ariko ababibonye bwa mbere bakavuga gutyo, ibyo ndabyakira ariko abazi imideli bazi ko bibaho.'

    Ibi birori arimo ategura bizabera kuri Onomo Hotel mu Kiyovu, abazabyitabira bazasabwa kuba bipimishije Covid-19 ndetse barikingije urukingo rumwe.

    Ifoto ya Bianca yatumye abantu bamubwira ko yambaye ubusa

    Source : http://isimbi.rw/imyidagaduro/article/umunyamakuru-bianca-yasubije-abavuga-ko-yamabara-ubusa-video

  • #COVID19: Nta muntu witabye Imana, abanduye bashya ni 80 #Rwanda #RwOT via @kigalitoday #rwanda #RwOT

    source : https://ift.tt/2YXfsp2

  • Inzora Bnot yavuguruye indirimbo ku mateka… – #rwanda #RwOT

    Uyu muhanzi amenyerewe mu njyana gakondo aho akorera mu itsinda 'Inzora' rizwi cyane mu gususurutsa ibirori, ari nawe warishinze akaribera n’umuyobozi.

    Iri tsinda ryashinzwe mu 2014 aho abarigize bose uko ari batatu barimo Inzora Bénoît, Inzora Janvier n’Inzora Germaine babarizwaga mu Itorero Ndangamuco ry’ Intayoberana. Bacutse bahisemo kwihuriza hamwe, bakora itsinda ryitwa 'Inzora'.

    'Mukerarugendo' ni indirimbo y’ amateka y’ubuhunzi bw’Abanyarwanda mu 1959, aho iyo uyikurikiranye usangamo amazina y’imisozi yo mu bihugu by’abaturanyi nka Uganda na Tanzaniya, kuko ariho abanyarwanda benshi bameneshejwe berekeza.

    Iyi ndirimbo umwimerere wayo yakozwe n’umusaza Nkubito Desire wamenyekanye nka Cyamutamu uherutse gutabaruka, ariko n'ubwo yagiye byumvikanisha ko yasize umusanzu ukomeye.

    Inzora Bénoît yabwiye INYARWANDA ko icyamuteye kuyikora neza mu mwimerere wayo, yashakaga gusigasira umuco n’amateka by’igihugu, akaba yumva igihangano nk’iki kitagenda ngo kizimire kuko iyo utazi iyo uva ntumenya n'iyo ugana.

    Ati 'Ni ugukomera ku muco wo gusigasira amateka kuko ari indirimbo y’amateka kandi yacu nk’Abanyarwanda, no kuyamenyekanisha ku bakiri bato batagize amahirwe yo kuyamenya.'

    Bénoît avuga kandi ko n'ubwo iyi ndirimbo ivuga ku mateka y’ubuhunzi ari nawo mwimerere wayo, hari n'indi yayo yakozwe mu 1990, yo yibanda cyane ku mateka y’urugamba rwo kubohora igihugu.

    Itsinda inzora rikomeje ibikorwa byo kunezeza abakunzi ndetse n'ababatumira mu birori.

    Bénoît yavuze ko afite uruhisho rw'umuzingo w’indirimbo nziza z’ubutumwa buhindura umuryango Nyarwanda, burushaho kuwuganisha aheza kurushaho. Iyo Album ikazajya ahabona muri Mutarama 2022.

    Nkubito Desire uzwi nka Cyamutamu, ni we nyiri indirimbo 'Mukerarugendo'. Yari umusirikare mu Ingabo zabohoye u Rwanda. Ntabandi bahanzi babashije gusubiramo iyi ndirimbo, uretse Inkotanyi zibohora igihugu zakoze indi 'version' yayo.

    Umuhanzi Inzora Benoit yasubiyemo indirimbo ya Nkubito Desire witabye Imana

    Inzora iyo zisusurutsa abantu

    Inzora zari zakoranye n’ umuhanzi Clarisse Karasira mu kwizihiza umunsi mpuzamahanga w’ uburenganzira bwa muntu

    Inzora ziratarama mu birori bitandukanye

    Inzora mu gitaramo

    KANDA HANO WUMVE INDIRIMBO ‘MUKERARUGENDO’ YA BENOIT

    “>

    Source : https://inyarwanda.com/inkuru/110463/inzora-benoit-yavuguruye-indirimbo-ku-mateka-yubuhunzi-bwabanyarwanda-video-110463.html

  • Ntabwo ikipe izagutegereza ntabwo uri kamara – Masudi n’umujinya agaruka kuri Muhire Kevin #rwanda #RwOT

    Umutoza wa Rayon Sports, Masudi Djuma avuga ko ntako batagize ngo binginge Muhire Kevin ngo abe yasinyira iyi kipe ariko akomeza kubagora, bityo rero ngo niba adashaka gukinira iyi kipe bazakinisha abo bafite kuko si we kamara.

    Muhire Kevin yasinyiye Rayon Sports muri Mata 2021 kuyikinira umwaka w’imikino 2020-21 wanganaga n’amezi 2, ntabwo yigeze awurangiza kuko yahise agira imvune.

    Iyi kipe yakomeje kumwegera kugira ngo yongere amasezerano ariko akomeza kugorana, ayibwira gutegereza kuko hari amakipe yo hanze barimo kuvugana, ibi byatumye n’ubuyobozi bwa Rayon Sports bushaka amafaranga yari yabaciye kuko yari yanze gufata igice ariko nabwo abasaba gutegereza kugeza uyu munsi ntarasinya.

    Umutoza Masudi Djuma agaruka kuri uyu musore, yavuze ko bamwinginze bishoboka byose ariko yabagoye, rero bakaba badashobora gukomeza kumutegereza kuko si we kamara mu ikipe bazakoresha abahari.

    Ati 'Ntabwo twagendana n’umuntu utabishaka, twaramwinginze, bamuha amafaranga… abakinnyi nkabo ngwewe… yarantengushye, sinkubeshya pe, twavuganye na we, avuganan n’ubuyobozi, abantu bamuha amafaranga akavuga ngo bategereze, abantu basigaje iminsi mike, ntabwo ikipe izagutegereza ntabwo uri kamara.'

    'Umuntu araguha uyu munsi, iminsi itatu, ine, ni inshuti yanjye ariko ibyo arimo gukora ntabwo ari byiza, n’umuntu ushaka kujya hanze ntabwo wakora CV utarimo gukina(…), niba twaramwinginze, abantu baramuvugisha, abarayon bose bumve twese twaramushakaga ariko niba adashaka ntabwo twakwinginga umuntu udashaka, ubwo tuzakinisha abo dufite.'

    Ntarasinyira iyi kipe mu gihe ku wa Mbere tariki ya 18 Ukwakira ari bwo hazarangira gutanga urutonde rw’abakinnyi amakipe azifashisha mu mwaka utaha w’imikino.

    Amakuru ISIMBI yamenye ni uko ku munsi w’ejo hashize, Muhire Kevin yabonanye n’ubuyobozi bwa Rayon Sports n’ubwo batandukanye adasinye.

    Muhire Kevin akomeje kugora Rayon Sports cyane

    Masudi Djuma avuga ko barambiwe ibisobanuro bya Kevin

    Source : http://isimbi.rw/siporo/article/ntabwo-ikipe-izagutegereza-ntabwo-uri-kamara-masudi-n-umujinya-agaruka-kuri-muhire-kevin

  • Ndabizeza ko amakosa nakoze atazongera – Akar… – #rwanda #RwOT

    Mu butumwa yanyujije ku rukuta rwe rwa Twitter mu masaha macye ashize, Pierre Damien Habumuremyi yagize ati “Nyakubahwa Perezida wa Repubulika & Chairman wa FPR Inkotanyi, ndabashimira mbikuye ku mutima njye n’Umuryango wanjye imbabazi mwampaye za kibyeyi. Imbabazi mwampaye nazihaye agaciro gakomeye cyane,ndabizeza ko amakosa nakoze atazongera. Ndashimira n’ubutabera bw’u #Rwanda”.

    Mu bandi bishimiye imbabazi Dr Habumuremyi yahawe harimo n’Umuhungu we witwa Mucyo Apollo usanzwe ari n’umunyamuziki wanditse ku rukuta rwe rwa Instagram ko yasazwe n’ibyishimo. Yagize ati “Umutima wanjye uruzuye, nasazwe n’ibyishimo!. Sinshobora no kubona amagambo akwiye yo kuvuga. Ndashimira Imana muri ibi byose, urukundo mfitiye igihugu cyanjye rutahindutse”. Yongeye ashyiraho ifoto ya Se munsi yayo yandikaho ati “Urugendo ni uku turutangiye. Way to go, ibyiza biri imbere”.

    Amakuru y’uko Pierre Damien Habumuremyi yahawe imbabazi, yatangarijwe mu myanzuro y’Inama y’abaminisitiri yabereye muri Village Urugwiro kuwa Gatatu tariki 13 Ukwakira 2021 iyobowe na Nyakubahwa Perezida Paul Kagame, hakaba harimo ingingo ivuga ko “Ashingiye ku bubasha ahabwa n’amategeko, Nyakubahwa Perezida Paul Kagame yahaye imbabazi Pierre Damien Habumuremyi”.

    Dr Habumuremyi yahawe imbabazi n’Umukuru w’Igihugu

    Dr Pierre Damien Habumuremyi yabaye Minisitiri w'Intebe w'u Rwanda kuva muri 2011-2014, nyuma yaho aba Umuyobozi Mukuru w’Urwego rw'Igihugu rushinzwe Intwari z'Igihugu, Imidari n'Impeta by'Ishimwe. Indi mirimo yakoze harimo nko kuba yarabaye Minisitiri w’Uburezi, Umuyobozi Wungirije wa Komisiyo y’Igihugu y’amatora, Umwalimu muri Kaminuza, Umudepite muri EALA, n’iyindi.

    Dr Habumuremyi yatawe muri yombi n'Urwego rw'Ubugenzacyaha (RIB) tariki 03 Nyakanga 2020 akurikiranyweho ibyaha byo gutanga sheki zitazigamiye hamwe no gusabira Kaminuza ye yitwa Chrisitian University of Rwanda inguzanyo zitangwa n'abantu bungukira ku bandi inyungu z'ikirenga, ibizwi nka 'Banki Lambert'.

    Mu mpera za 2020, Dr Habumuremyi yakatiwe n'Urukiko rw'Ibanze rwa Nyarugenge igifungo cy'imyaka itatu no gutanga ihazabu ya Miliyoni 892 Frw. Ni nyuma yo kumuhamya icyaha cyo gutanga sheki zitazigamiye, uyu mwanzuro ukaba warasomwe hifashishijwe ikoranabuhanga, Dr Pierre Damien Habumuremyi akaba yari muri Gereza i Mageragere.

    Dr Habumuremyi yahawe icyo gihano, naho Serushyana Charles bareganwaga wahoze ari umucungamutungo muri kaminuza ya Christian University we agirwa umwere ku cyaha cyo gutanga sheki itazigamiye. Ni mu gihe kandi Dr Pierre Damien yahanaguweho icyaha cy'ubuhemu nyuma y'uko nta bimenyetso bifatika byatanzwe n'Ubushinjacyaha. Dr Pierre Damien Habumuremyi we yavuze ko ibyaha ashinjwa bikwiye kubazwa kaminuza ya Christian University kuko ibyakozwe byose byakorwaga mu izina ry'iyo kaminuza.

    Icyakora urukiko rwo rwasanze Dr Habumuremyi ari we ukwiye kubibazwa kuko ari imbere mu basinye kuri izo sheki zitazigamiwe, akaba atari akwiye kubyitirira iyo kaminuza. Inkuru ya Kigali Today ivuga ko Dr. Habumuremyi yajuriye, agabanyirizwa igihe yagombaga gufungirwa muri gereza, Urukiko rutegeka ko igihano cy'igifungo yari yarakatiwe n'Urukiko kigera ku mwaka umwe n'amezi atatu gisubikwa, agafungwa muri Gereza umwaka umwe n'amezi icyenda, kandi akazishyura n'ihazabu ya Miliyoni 892Frw.

    Nyuma y’amezi agera kuri 15 yari amaze mu gihome, Dr Pierre Damien Habumuremyi, yamaze guhabwa imbabazi na Nyakubahwa Perezida wa Repubulika y’u Rwanda, Paul Kagame. Dr Habumuremyi yagaragaje ko imbabazi yahawe n’Umukuru w’igihugu yazihaye agaciro kenshi, akaba yamushimiye cyane anamwizeza ko amakosa yakoze atazayasubira ukundi.

    Dr Habumuremyi arashimira cyane Perezida Kagame wamuhaye imbabazi

    Source : https://inyarwanda.com/inkuru/110458/ndabizeza-ko-amakosa-nakoze-atazongera-akari-ku-mutima-wa-dr-pierre-damien-habumuremyi-wah-110458.html

  • Ibitaramenyekanye ku bukwe bwavuzwe ku muhanzikazi Marina – YEGOB #rwanda #RwOT

    Mu minsi mike ishize ku mbuga nkoranyambaga hakomeje gusakazwa amafoto agaragaza Marina na Yvan Muziki bikavugwa ko baba barakoze ubukwe, icyakora amakuru avuga ko nta bwigeze bubaho ahubwo byari ifatwa ry'amashusho y'indirimbo bari gukorana.

    Amakuru avuga ko amafoto yifashishijwe havugwa ko aba bahanzi bakoze ubukwe ari ayafotorewe mu ifatwa ry'amashusho y'indirimbo 'Urugo ruhire' ya Masamba bari gusubiramo.

    Ati 'Marina, Massamba Intore na Yvan Muziki bari gusubiranamo indirimbo 'Urugo ruhire', mu ifatwa ry'amashusho y'iyi ndirimbo niho abantu bakuye amafoto bahamya ko bakoze ubukwe.'

    Iyi ndirimbo bivugwa ko izasohoka kuri EP Yvan Muziki ateganya gusohora mu minsi iri imbere.

    Abavuga iby'ubukwe bw'aba bahanzi babishingira ku nkuru zimaze iminsi zivuga ko bari mu rukundo.

    Source : https://yegob.rw/ibitaramenyekanye-ku-bukwe-bwavuzwe-ku-muhanzikazi-marina/