Author: webrwanda
-
Amafoto ya Miss Josine Ngirinshuti uzahagarar… – #rwanda #RwOT
Miss Earth ni irushanwa mpuzamahanga ry’ubwiza rikomeye ku Isi rikaba rifite umwihariko wo kubungabunga ibidukikije. Ni irushanwa rya 3 ryitabirwa n’ibihugu byinshi ku Isi. Kubera icyorezo cya Covid-19, irushanwa ry’umwaka ushize ryabaye hifashishijwe ikoranabuhanga ndetse n’iry’uyu mwaka naryo rizaba hifashishijwe ikoranabuhanga. Umukobwa witwa Lindsey Coffey wo muri Leta Zunze Ubumwe za Amerika niwe wegukanye ikamba ry’umwaka ushize (Miss Earth 2020) mu muhango wabaye tariki 29/11/2020. Umwaka ushize nta munyarwandakazi witabiriye iri rushanwa.
Mu gushakisha umukobwa w’umunyarwandakazi uzitabira Miss Earth 2021, habaye amatora yabereye kuri interineti kuri missearth.inyarwanda.com mu gihe cy’iminsi itatu, nyuma yaho hiyambazwa Akanama Nkemurampaka kemeje kuwa 18 Ukwakira 2021 ko Josine Ngirinshuti ari we wegukanye ikamba hashingiwe ku buranga bwe, amajwi yagize (37,260) ndetse n’umushinga we n’uburyo awusobanura neza.
Nyuma yo kwegukana irushanwa rya Miss Earth Rwanda, Josine Ngirinshuti w’imyaka 22 y’amavuko utuye i Kagugu mu mujyi wa Kigali, yanyarukiye ku rukuta rwe rwa Instagram (@nshutijosine_250) avuga ko umutima we wuzuye umunezero. Yavuze ko yishimiye cyane inkunga yetewe n’abamushyigikiye bose muri iri rushanwa anashimira abariteguye.Â
![]()
Josine Ngirinshuti ni we wabaye Miss Earth Rwanda
Clemy Keza ukuriye Akeza Talent Ltd yateguye irushanwa rya Miss Earth Rwanda, yabwiye INYARWANDA ko irushanwa rya Miss Earth 2021 rizaba mu Ugushyingo 2021 ribe hifashishijwe ikoranabuhanga kubera Covid-19. Yavuze ko umukobwa uzaba Miss Earth 2021 azahembwa ibihumbi 20 by’amadorali y’Amerika (aragera kuri Miliyoni 20 z’amanyarwanda) ariko ayahabwe mu byiciro. Yongeyeho ko hari n’andi makamba azatangwa ariyo Miss Air, Miss Fire na Miss Water.
Yagize ati “Ibihembo, ahembwa $20,000 bamuha mu byiciro, ariko kuri uwo munsi ahita ahabwaho ibihumbi bitanu by’amadorali ($5,000), umwaka wo kuba muri Philippines, hakaniyongeraho n’ibindi bitewe n’ibyabonetse kubera abaterankunga. Bariya ba Miss Air, Miss Fire na Miss Water bahembwa $1000 (1,000,000 Frw) buri umwe, ayahabwa ako kanya”. Keza yavuze ko na hano mu Rwanda bazatora Miss Air, Miss Fire na Miss Water, bakaba bazibanda ku mishinga y’abakobwa bitabiriye irushanwa rya Miss Earth Rwanda.
![]()
Miss Josine Ngirinshuti azahagararira u Rwanda muri Miss Earth 2021
Josine Ngirinshuti afite umushinga ugamije gukemura ikibazo cy'amafunguro amenwa na za Hoteli n'ibindi bigo bitandukanye. Asobanura ko ibyo kurya bimenwa byangiza ikirekire, bityo ko ashaka gufatanya na Leta 'mu gutanga ubukangurambaga mu baturage, mu mashuri ndetse n'ahandi hahuriye imbaga nyamwinshi kubigisha uburyo bashobora kurinda ibidukikije birinda kumena amafunguro basigaje. Yongeyeho kandi ko aho kumenya ayo mafunguro bajya bareba uko bayakusanya atarageza igihe cyo kumenwa, maze bakayaha abashonje kuko baba bahari bayakeneye.
![]()
Miss Josine ntiyishimira kubona ibiryo bimenwa kandi hari abantu bishwe n’inzara
![]()
Miss Josine w’i Kagugu asanga kumena ibiryo bikwiye kwirinda kuko byangiza ikirere
![]()
![]()
![]()
![]()
![]()
![]()
![]()
![]()
![]()
Miss Josine yiteguye kuzahagararira neza u Rwanda muri Miss Earth 2021
![]()
![]()
![]()
![]()
![]()
Miss Josine yahize beganzi be mu matora yabaye hifashishijwe ikoranabuhanga
AMAFOTO: Iradukunda Jean de Dieu (InyaRwanda.com) & Instagram
-
Manishimwe Djabel ayoboye abakinnyi 10 baguzw… – #rwanda #RwOT
Kuri uyu wa mbere mu ijoro, nibwo isoko ryigura n’igurisha mu Rwanda ryashyirwagaho akadomo. Ni isoko ryaranzwe n’abakinnyi bari bahenze byumwihariko Kiyovu Sport ikaba yarigaragaje cyane kuri iri soko. Mu bakinnyi 10 bahenze, harimo abakinnyi batatu ba Kiyovu Sport, babiri ba As Kigali, babiri ba APR FC babiri ba Police FC ndetse n’umwe wa Rayon Sports.
10 Hakizimana Muhadjiri
![]()
Uyu musore ubwo yavaga mu ikipe ya As Kigali yerekeza muri Police FC yatsinzweho akayabo ka Miliyoni 12 mu gihe kingana n’umwaka umwe aho bivugwa ko azajya anahembwe Miliyoni imwe y’amanyarwanda ku kwezi.
9. Muhire Kevin
![]()
Muhire Kevin byabanje kugorana kugira ikipe asinyira ndetse agera naho atangira imyitozo muri Rayon Sports ariko nta masezerano ayifiteye. Mu mpera z’iki cyumweru nibwo uyu Muhire Kevin yasinyiye Rayon Sports amasezerano y’umwaka umwe ahabwa miriyoni 15
8. Danny Usengimana
![]()
Ubwo yavaga muri APR FC yerekeza muri Police FC, Danny Usengimana yasinye amasezerano y’imyaka ibiri ahabwa Miliyoni 16.Danny Usengimana yari inshuro ya kabiri agiye gukinira iyi kipe y’igipiloce cy’ u Rwanda.
7. Alain Kwitonda Bacca
Ni we munyarwanda watsinze ibitego byinshi muri Shampiyona y’umwaka ushize, byatumye ahembwa kugurwa na APR FC aho na we yatanzweho Miliyoni 20.
6. Niyonzima Olivier
Olivier Seif ukina mu kibuga hagati, ubwo yari atandukanye na APR FC hakomeje kwibazwa aho Ari buze kwereza gusa byaje kurangira asinyiye ikipe ya As Kigali kuri Miliyoni 20.
5. Muzamiru Mutyaba
![]()
Mutyaba ni umukinnyi ukina mu kibuga hagati uheruka kugurwa na Kiyovu Sport aza asanga Emmanuel Okwi wari wanasabye ko uyu mukinnyi yaza akamufasha kujya amuha imipira. Uyu musore yageze mu Rwanda na we ahagaze Miliyoni 20.
4. Emmanuel Okwi
![]()
Kapiteni w’ikipe y’igihugu ya Uganda ni umwe mu bakinnyi bahenze Muri uyu mwaka kuko aherutse gusinyira ikipe ya Kiyovu Sport igice cy’umwaka kuri Miliyoni 20.
3. Lamine Moro
![]()
Nyugariro ukomoka muri Ghana, yaguzwe miriyoni 25 avuye muri Yanga African yari abereye Kapiteni. Uyu musore yageze muri As Kigali aje gufasha iyi kipe mu bwugarizi bwayo gusa kugeza nanubu ntaraba gukinira iyi kipe.
2. Bizimana Amisi
![]()
Ni umurundi ukina nka nimero 11 cyangwa mukibuga hagati kugira ngo ikipe ya Kiyovu Sport imubone nk’umukinnyi wayo byayihagaze Miliyoni 26 n’amanyarwanda kuko yari akiri umukinnyi wa Sofapaka FC yo muri Kenya.
1. Manishimwe Djabel
![]()
Djabel ukina mu kibuga hagati mu ikipe ya APR FC ejobundi yongereye amasezerano muri APR FC atangwaho Miliyoni zisaga 45 byatumye aba umukinnyi uhenze kurusha abandi.
-
Hamenyekanye umutoza Cristiano Ronaldo yifuza ko asimbura Solskjaer #rwanda #RwOT
Nk'uko ibitangazamakuru byo mu Bwongereza bibitangaza, ngo abayobozi ba United bashyigikiye byimazeyo Solskjaer kandi bakomeje kwizera ko uyu mutoza w'imyaka 48 wasinye amasezerano y'imyaka itatu muri Nyakanga, azazamura urwego rw'ikipe.
Nk'uko ikinyamakuru cyo muri Espagne El Chiringuito kibitangaza ngo United yatekereje ku mpinduka, maze igaragaza ko Zidane ashobora kuba umukandida mwiza usimbura Ole nyuma y'icyifuzo cya CR7.
Bivugwa ko Cristiano Ronaldo yasabye ubuyobozi bwa Manchester United ko Zinedine Zidane yazanwa gusimbura Ole Gunnar Solskjaer.
Raporo ivuga ko Zidane yavuganye n'abayobozi ba United ariko yanga kwimukira Old Trafford kuko ashaka kuba umutoza mushya w'Ubufaransa nyuma ya Didier Deschamps.
Bivugwa kandi ko Zidane yegerewe na Paris Saint-Germain na Newcastle United, ariko uyu wahoze ari umutoza wa Real Madrid yanga ubusabe bwayo makipe yombi.
United yatangiye gukina imikino itoroshye kuko muri Premier League igiye guhura n'imikino ikomeye ikurikirana guhera kuri Liverpool, Tottenham, Manchester City na Chelsea mu byumweru bitanu biri imbere.
Icyakora, Rio Ferdinand wamamaye muri Manchester United yifuza ko Solskjaer yahabwa umwaka w'imikino wuzuye kugira ngo yerekane ko ari umuntu ukwiriye gutoza United.
Ferdinand yagize ati: “Hagiye habaho iterambere buhoro buhoro buri mwaka kuva yagera hano kandi imiterere y'ikipe ni myiza kuruta igihe yatangiraga, ibintu byose biratunganye”.
-
Baturikanwe n'igisasu cyatezwe mu ntambara ya mbere y'isi ubwo bari mu kwezi kwa buki #rwanda #RwOT
Uyu mugore n'umuryango we bari bagiye mu misozi ya Carpathian muri Ukraine mu kwezi kwa buki nyuma yo gushyingirwa na Norbert Varga,iwabo mu Bwongereza.
Uyu mugore yakomerekejwe n'iki gisasu mu gihe murumuna we n'inshuti ye bishwe n'iki gisasu cyo mu ntambara ya mbere y'isi yose cyaturikiye mu birori byo kwizihiza ukwezi kwa buki bagiye gukorera muri Ukraine.
Ibirori by'uyu umuryango byari byitabiriwe n'abantu 11 barimo n'inshuti – harimo n'abana babiri.Ubwo bari bateraniye hafi y'umuriro mu ishyambabari kuganira no kunywa icyayi nibwo iki gisasu cyaturitse.
Bikekwa ko iki gisasu cyaturitse bitewe n'umuriro iryo tsinda ryacanye hejuru yacyo rirangije urugendo.
Bwana Varga, ukora kuri radiyo akaba n'umufotozi ukomeye wabaga mu Bwongereza kuva mu 2018, yari amaze akanya avuye kuri uwo muriro agiye gutunganya kamera ye ngo afotore ariko yumva iki gisasu kiraturitse.
Yabwiye Daily Mail ati'Ubwo narimo gupakira ibikoresho byanjye, urusaku rw'iturika rwangije umutuzo. Nanyarukiye ku muriro byihuse, mpamagara izina rya Lidiia, “
Madamu Makarchu yarakomeretse bikabije, ibisigazwa by'iki gisasu bimwinjira mu maguru, amaboko, n'ijisho ry'ibumoso.
Murumuna we, Myroslav w'imyaka 29, n'undi mugabo bapfuye mu isaha n'igice,abaganga batarabasha kubageraho.
Madamu Makarchu, umucungamari wavukiye muri Ukraine wimukiye mu Bwongereza mu 2017, yasobanuye ko ibyabaye yumva bimeze 'nk'umuntu wafashe urutare akarumujugunya mu maso.'
Bivugwa ko iki gisasu cyatezwe mu gitero cya Brusilov mu 1916, ubwo Abarusiya kurwanyaga Otirishiya-Hongiriya.
Madamu Makarchu aracyari mu bitaro ariko ubu yongeye kugenda. Azakenera kujya muri Hongiriya kwivuza amaso, nyuma azasubira mu Bwongereza.
-
Facebook irashaka guha akazi abantu 10,000 #Rwanda #RwOT via @kigalitoday #rwanda #RwOT
-
- Mark Zuckerberg nyiri Facebook akomeje kugaragaza inyota yo kwagura imikorere ishingiye ku ikoranabuhanga ryo ku rwego rwo hejuru
Abazakoresha iri koranabuhanga rya Metaverse bazaba bashobora gukina, gukorana no gutumanaho mu buryo buteye imbere.
Facebook yanditse ku rubuga rwa Interinet igira iti: “Metaverse ifite ubushobozi bwo gufasha gukingura uburyo bushya bwo guhanga, imibereho myiza, ndetse n’ubukungu.”
Biteganyijwe ko iyi mirimo yo guhanga iri koranabuhanga izakorwa mu gihe cy’imyaka itanu, hakazifashishwa abahanga kabuhariwe mu ikoranabuhanga.
Facebook kandi yavuze ko gushora imari mu muryango w’ubumwe bw’ibihugu by’Uburayi byatanze inyungu nyinshi, harimo kugera ku isoko rinini ry’abaguzi, gukorana na kaminuza zikomeye no gukorana n’abantu babahanga bafite impano zo ku rwego rwo hejuru.
source : https://ift.tt/3jnApAK
-
-
Kigali: Amatara yashyizwe ku mihanda yatumye barushaho kugira umutekano #Rwanda #RwOT via @kigalitoday #rwanda #RwOT
Mbere y’uko amatara ashyirwa ku mihanda itandukanye mu Mujyi wa Kigali wasangaga hari uduce tumwe na tumwe tugiye tuzwi ko nta muntu ushobora kuhanyura nyuma ya saa kumi n’ebyiri z’umugoroba atambuwe cyangwa ngo akorerwe urugomo rurimo gukubitwa mu gihe babuze icyo bamwambura.
Kuri ubu usanga mu bice bitanduknaye bigize Umujyi wa Kigali, harashyizwe ibikorwa remezo birimo imihanda yaba iminini cyangwa imito inyura mu makaritsiye, yarakozwe neza hakanashyirwa amatara ku buryo mu masaha ya nijoro, haba habona neza, bitandukanye no mu bihe byashyize.
Bamwe mu bo Kigali Today yaganirije batuye mu Mujyi wa Kigali, bavuga ko kuri ubu bishimira ko ikorwa ry’imwe mu mihanda ryatumye umutekano wabo urushaho kuba nta makemwa kuko batacyamburwa cyangwa ngo bakorerwe urugomo nk’uko byari bimeze mbere y’ikorwa ry’iyo mihanda.
Issac Al Amin Odde utuye mu Karere ka Kicukiro, avuga ko uretse kuba ikorwa ry’imihanda ryarafashije mu rujya n’uruza rw’abantu mu makaritsiye, ariko kandi ngo n’umutekano wabo warushijeho kuba nta makemwa kuko ntawatinyuka gukorera icyaha ahantu habona.
Ati “Aya matara yo ku mihanda ikintu yadufashije, ni uko rwa rugomo wasangaga abantu, hari ukuntu mu dukaritsiye baba bategereje umuntu yacaho bakaba bamukururaho agashakoshi, telefone se, cyangwa bakaba banamwambura, ibyo bintu bigenda bigabanuka kubera ko biba bigaragara nk’aho ari ku manywa. Icyo bidufasha nk’Abanyarwanda ni uko byongereye umutekano kandi tukaba tunasaba ko n’ahandi bitaragera byahagera kuko hari ikintu bifasha abantu benshi”.
Ildephonse Simbikangwa ni umumotari mu Mujyi wa Kigali. Avuga ko mbere y’uko henshi muri uyu Mujyi hashyirwa amatara ku mihanda bajyaga bahura n’ibibazo birimo kwamburwa.
Ati “Hari ingero nyinshi cyane, abambuwe amatelefone, abadamu bahashikurijwe amasakoshi, ugasanga mbese aho hantu umuntu wahanyuraga saa moya, saa mbili, saa kumi n’ebyiri, ugasanga umuntu aravuga ati aha hantu sinahanyura saa kumi n’ebyiri, kubera ko hatabona, ba bantu bagiye kuhitsimba kuko hatagaragara, ariko ubu hose hagiye hajya amatara umuntu ahanyura nta rwikango. Muri Rebero ntawapfaga kujyayo ariko ubu n’iyo haba saa tanu, saa sita nakwatsa moto nkagenda, kubera ko harabona”.
Abatuye mu Mujyi wa Kigali ariko banasaba ubuyobozi gushyira amatara ku mihanda bitarakorwamo, kuko usanga ari yo isigayemo ibikorwa by’urugomo, harimo umuhanda wa Nyabugogo – Gatsata, umuhanda uva Rwampara ukagera ahitwa mu Cyumbati ugakomeza ukagera i Nyamirambo, yose ikaba ikigaragaramo ibikorwa by’urugomo bitewe n’uko hatabona.
Umuyobozi wungirije w’Umujyi wa Kigali ushinzwe imiturire n’ibikorwa remezo Dr. Merard Mpabwanamaguru, avuga ko imihanda bubaka mu Mujyi wa Kigali bishimira ko irangira banayimurikiye kugira ngo abayikoresha bayikoreshe batekanye.
Ati “Ubu mu Mujyi wa Kigali dufite imihanda imurikiye ingana n’ibirometero 406.3, iyo ni imihanda ihari yagiye yubakwa mu gihe gitandukanye, hari n’iyo twagiye twagura, ndetse twayagura na yo tukayimurikira, tukaba dufite imihanda na none duteganya kumurikira mu myaka ine iri mbere, ingana n’ibirometero 106.7, ariko by’umwihariko muri ibyo birometero 106, muri uyu mwaka w’ingengo y’imari wa 2021/2022, tukaba dufite ibirometero 25 twagiye dushakira ingengo y’imari kugira ngo bizakorwe muri uyu mwaka w’ingengo y’imari”.
Ngo mu mihanda izakorwa muri uyu mwaka w’ingengo y’imari, harimo umuhanda wa Nyabugogo – Gatsata uzamurikirwa ahangana na kilometero 1.7, hakazamurikirwa n’umuhanda wa Ruliba – Karama – Nyamirambo, uzamurikirwa ibirometero bigera kuri 7, hari kandi n’umuhanda uva mu Rubirizi ugaca mu Busanza ugatunguka i Kanombe, uzamurikirwa ibirometero 6, hari n’umuhanda uva ku Karere ka Gasabo ugaca kuri Airtel ugaca mu Migina uzamurikirwa ahareshya na kilometero 1.8.
Iyo yose yiyongeraho imihanda iri muri Gacuriro ingana na kilometero 1.6, imihanda iri ku Kimihurura ahitwa mu kiminisitiri uzamurikirwa ku birometero 2, umuhanda unyura kuri Ecole Congolese i Gikondo, uzamurikirwa ahareshya na metero 300, kimwe n’umuhanda uri kimisagara ahitwa katabaro uzamurikira ahareshya na metero 400.
-
- Abamaze kumurikirwa barishimira ko ubu ku mihanda hari umutekano
Uretse iyo mihanda, hari n’umuhanda uri mu Gatsata uzamurikirwa ahareshya na kilometero 1.6, n’umuhanda uva ahazwi nko kuri 15 ujya mu Murenge wa Ndera uzamurikirwa, hamwe n’undi uzamuka ku bitaro bya Karayesi hamwe n’umuhanda uva Kimironko ahahoze gereza ugatunguka kuri Kigali Parents.
Ubuyobozi bw’Umujyi wa Kigali burasaba abawutuye kujya bafata neza ibikorwa remezo bibegerezwa kuko byagaragaye ko hari aho imihanda imurikirwa, nyuma yaho hakibwa insinga ndetse n’amatara, kandi nyamara byarashyizweho ngo bibafashe muri gahunda zibaganisha ku iterambere.
source : https://ift.tt/3vx4TVJ
-
-
#COVID19: Nta muntu witabye Imana, i Kigali habonetse umuntu umwe wanduye #Rwanda #RwOT via @kigalitoday #rwanda #RwOT
Nta muntu witabye Imana azize COVID-19, abantu babiri bakaba ari bo bishwe n’icyo cyorezo mu minsi irindwi. Ni mu gihe abamaze kwicwa n’icyo cyorezo bose hamwe mu Rwanda ari 1314.
Ahabonetse abanduye benshi ni muri Ngororero 19, Burera 5, Gicumbi 3, Musanze 3, Rubavu 2, i Kigali habonetse umuntu umwe, kimwe no mu turere twa Gakenke, Muhanga, Nyabihu, Nyaruguru, Rulindo, Rwamagana habonetse umuntu umwe muri buri Karere, ahandi nta muntu wanduye wahabonetse, nk’uko imibare yatangajwe ibigaragaza.
source : https://ift.tt/3C0oLTB
