Webrwanda Backend

Author: webrwanda

  • Ambasade ya Israel mu Rwanda yatanze inkunga ya matelas mu Bitaro bya HVP Gatagara – #rwanda #RwOT

    Izo matelas zatanzwe ku mugaragaro na Ambasaderi wa Israel mu Rwanda, Dr Ron Adam, kuri uyu wa Gatatu, tariki ya 20 Ukwakira 2021, ubwo yasuraga ibyo bitaro.

    By’umwihariko izo matelas zikimara gutangwa zahise zifashishwa mu kuziba icyuho cyagaragaraga mu byumba birwariramo abamaze kubagwa.

    Umuyobozi Mukuru wa HVP Gatagara, Frère Kizito Misago, yavuze ko bari bafite ikibazo cya bimwe mu bitanda bidafite matelas zo kuryamishaho abarwayi.

    Ati “Twari dufite icyuho cya matelas zigera muri 50 kuko muri rusange dufite ibitanda 130 kuko inyubako zagiye ziyongera.”

    Yakomeje avuga ko kutagira aho kuryamisha abarwayi hahagije byatumaga batanoza serivisi neza ariko ubwo babibonye bagiye kurushaho kwita ku babagana.

    Ati “Akenshi iyo aho kuryama habaga habuze kandi abarwayi ari benshi, hari abo byabaga ngombwa ko baryama ku gitanda kimwe ari babiri cyangwa ugasanga bibaye ngombwa ko tubaha gahunda yo kuzagaruka ikindi gihe.”

    Bamwe mu barwayi n’abarwaza twasanze muri ibyo bitaro, bavuze ko bishimiye ko bari kuvurwa bafite aho baryama bisanzuye.

    Mukasekuru Yvonne ati “Byatunejeje cyane kuko turyamye ahantu heza kandi hasa neza, kandi turi guhabwa serivise nziza ku buryo twizeye ko tuzakira tugasubira mu rugo.”

    Ambasaderi wa Israel mu Rwanda, Dr Ron Adam, yavuze ko abafite ubumuga bakwiye gukomeza kwitabwaho ari nayo mpamvu iki gihugu kizakomeza gufatanya na HVP Gatagara mu bikorwa bituma abigana ibi bitaro babona serivisi nziza.

    Ati “Abafite ubumuga ni abantu nk’abandi kandi bakwiye kwitabwaho, ni yo mpamvu twatekereje gutanga iyi nkunga. Tuzakomeza gufatanya n’u Rwanda ndetse n’ibi bitaro kugira ngo serivisi zihatangirwa zirusheho kuba nziza.”

    Ibitaro bya HVP Gatagara byita ku bafite ubumuga mu Karere ka Nyanza bitanga serivisi ku barwayi basaga ibihumbi bitandatu ku mwaka.

    Ibi bikoresho birimo matelas biherutse gutangwa na Ambasade ya Israel mu Rwanda bifite agaciro k’asaga miyoni 3 Frw.

    Ambasaderi wa Israel mu Rwanda, Dr Ron Adam, yasuye ikigo HVP Gatagara kuri uyu wa Gatatu

    Ambasaderi wa Israel mu Rwanda, Ron Adam, yasuye n’amashuri abana bigiramo baraganira

    Ambasaderi Dr Ron Adam yavuze ko abafite ubumuga bakwiye gukomeza kwitabwaho

    Bamwe mu banyeshuri biga muri HVP Gatagara

    Abarwayi bavuze ko bishimiye ko bari kuvurwa bafite aho baryama bisanzuye

    Matelas zatanzwe ku mugaragaro na Ambasaderi wa Israel mu Rwanda Dr Ron Adam kuri uyu wa Gatatu tariki ya 20 Ukwakira 2021 ubwo yasuraga Ibitaro bya HVP Gatagara

    Umuyobozi Mukuru wa HVP Gatagara, Frère Kizito Misago, yavuze ko bari bafite ikibazo cya bimwe mu bitanda bidafite matelas zo kuryamishaho abarwayi

    [email protected]

    source : https://ift.tt/3pow3x8

  • RDC:Minisitiri yatumijwe n'abadepite ngo asobanure uko ingabo z'u Rwanda zinjiye mu gihugu cyabo #rwanda #RwOT

    Byitezwe ko asobanura “ingamba zafashwe ngo ibintu nk'ibyo bitazasubira nanone”, nk'uko radio Virunga Business radio y'i Goma ivuga ko byatangajwe n'umwe mu badepite.

    Kuwa mbere ingabo z'u Rwanda zambutse umupaka zinjira muri territoire ya Nyiragongo mu ntara ya Kivu ya ruguru, haduka imirwano n'ingabo za DR Congo.

    Umuvugizi w'ingabo za DR Congo muri iyo ntara yabwiye BBC ko kompanyi y'ingabo z'u Rwanda yageze kuri 5Km uvuye ku mupaka.

    Itangazo ry'ingabo z'u Rwanda ryo kuwa kabiri rivuga ko abasirikare barenze umupaka “batabigambiriye” bakagera muri metero nkeya bakurikiye abacuruza magendu “bari baketse ko bitwaje intwaro”.

    Iryo tangazo rivuga ko ingabo z'ibihugu byombi zikomeje umubano mwiza.

    Gusa muri icyo gikorwa habaye imirwano yahuje ingabo za Congo n'izo zinjiye bituma abaturage bahunga, bongera kugaruka mu byabo ihosheje.

    Radio Okapi iterwa inkunga na ONU ivuga ko ingabo z'u Rwanda zasubiye mu gihugu cyazo zimaze kubohoza babiri mu basirikare bazo bari bafashwe n'ingabo za Congo muri uko kurenga umupaka.

    Iyo radio ivuga ko urwego ruhuriweho n'akarere rureba ibibazo by'umutekano n'amakimbirane ku mipaka (EJVM) rwemeje ko rwakiriye ibaruwa ya leta ya DR Congo irusaba gukora iperereza.

    Mu mpera z'imyaka ya 1990 no mu ntangiriro z'ikinyejana cya 21, u Rwanda rwohereje muri Congo ingabo inshuro ebyiri mu ntambara zahabaye.

    BBC

    Source : https://umuryango.rw/amakuru/mu-mahanga/umutekano/article/rdc-minisitiri-yatumijwe-n-abadepite-ngo-asobanure-uko-ingabo-z-u-rwanda

  • Iminsi irabarirwa ku ntoki ngo ibihembo bya Kiss Summer Awards 2021 bihabwe ba nyirabyo [Uko Amatora ahagaze] #rwanda #RwOT

    Ibi bihembo byatangiye gutangwa mu mwaka wa 2018,aho byatangirwaga kuri Radio ari nayo ibitegura ya Kiss Fm.

    Kuri ubu Ibi bihembo bigiye gutangwa ku nshuro ya kane aho habayeho impinduka zidasanzwe, bitandukanye nuko byakorwaga mbere, ubu bigiye gutangwa ku mugaragaro aho n'abafana bemerewe kwinjira muri ibyo birori biteganyijwe kubera muri Kigali Arena kuwa 23 Ukwakira uyu mwaka.

    Muri ibyo birori kandi hazabaho n'Umwanya wo gutambuka kuri tapi itukura ku byamamare, kimwe mu gikorwa gikundwa n'abatari bake.

    Bitewe n'ingamba zo kwirinda Covid-19, abafana bazakenera kwinjira muri ibi birori,bagomba byibuze kuba barikingije urukingo rumwe rwa Covid-19, ndetse no kwipisha mu buryo bwihuse ibizwi nka Test Rapid mu ndimi z'amahanga, gusa kwipimisha byo igiciro cyabyo gikubiye mu itike iyoariyo yose umufana azagura.

    Mu gihe amasaha asigaye ngo hamenyekane abegukana ibihembo mu byiciro bitandukanye, amatora yo arakomeje yaba kumbuga nkoranyambaga za Kiss Fm ndetse no kubutumwa bugufi.

    UKO AMATORA YO KURI TELEFONE AHAGAZE KUGEZA UBU:

    Mu bahanzi bashya bigaragaje mu mpeshyi yuyu mwaka Papa Cyangwe arayoboye kumajwi yo kuri telefone na 29%

    Umuhanzi wigaragaje cyane mu Mpeshyi yuyu mwaka, Mu majwi amaze kubarurwa kuri Telefone Meddy arayoboye na 44%

    Mubatunganya Umuziki muburyo bw'amajwi bigaragaje cyane muri iyi mpeshyi, Element (Eleeee) arayoboye na 77% ku majwi yo kuri telefone.

    Indirimbo yakunzwe cyane kurusha izindi mu mpeshyi yuyu mwaka, muziri guhatana ubu Meddy na My Vow ye iyoboye izindi n'amajwi 31% kuri telefone.

    UKO AMATORA YO KURI MURANDASI AHAGAZE KUGEZA UBU:

    Umuhanzi mushya wigaragaje cyane mu mpeshyi yuyu mwaka, aho amatora ageze ubu kuri murandasi, Vestine na Dorcas barayoboye namajwi 34%

    Mubatunganya umuziki muburyo bw'amajwi, Element (Eleeee) arayoboye n'am,ajwi 78%.

    Umuhanzi w'Umwaka wigaragaje cyane muri iyi mpeshyi, urutonde kuri murandasi ruyobowe na Bruce Melody namajwi 48% kugeza ubu.

    Indirimbo yahize izindi gukundwa cyane muri iyi mpeshyi, urutonde kugeza ubu ruyobowe na Igikwe ya Gabiro Guitar ft Comfy namajwi 40%.

    Uretse ibi bihembo kandi hazanatangwa n'igihembo cy'uwakoze ibikorwa by'indashyikirwa mu muziki aho azamenyekana ku munsi nyirizina wo gutanga ibi bihembo.

    Nkwibutse ko mu ijoro ryo kuri uyu wa gatandatu taliki 23 Ukwakira, aribwo hateganijwe ibirori byo gutanga ibi bihembo, bizabera muri kigali Arena aho kwinjira Ahasanzwe itike ari 10.000 frw, Mu myanya y'icyubahiro itike iragura 20.000 frw mugihe mu myanya y'icyubahiro cyane itike ari 30.000frw gusa kuri buri giciro gikubiyemo no kwisuzumusha Covid-19.Amatike araboneka ku rubuga rwa www.ticquet.rw.

    Source : https://umuryango.rw/imyidagaduro/article/iminsi-irabarirwa-kuntoki-ngo-ibihembo-bya-kiss-summer-awards-2021-bihabwe-ba

  • Kamonyi: Umusore w'imyaka 21 aracyekwaho gusambanya umwana akanamugira umugore #rwanda #RwOT

    Tariki 20/10/2021, Umusore ukekwaho icyaha cyo gusambanya umwana byakurikiwe no kubana nk'umugabo n'umugore, Ubushinjacyaha bwamusabiye gufungwa burundu, akaba yaraburaniye mu Rukiko Rwisumbuye rwa Muhanga.

    Umusore w'imyaka 21 y'amavuko, akekwaho kuba ku itariki ya 25/12/2020, kugeza ku itariki ya 5/1/2021, ari mu Murenge wa Ngamba, Akarere ka Kamonyi, Intara y'Amajyepfo, yarasambanyije umwana w'umukobwa w'imyaka 17 y'amavuko, kuva uwo munsi agahita anamugira umugore.

    Abaturage b'aho ukekwa atuye, batanze amakuru ko abana n'umwana nk'umugabo n'umugore, abayobozi b'Inzego z'ibanze bajya aho uregwa atuye bahasanga uwo mwana, n'uregwa babemerera ko babana nk'umugabo n'umugore.

    NPPA dukesha iyi nkuru yatangaje ko umwana wahohotewe avuga ko uregwa yamusabye ko babana bakazaba bashyingiranwa ari uko uwo mwana yujuje imyaka y'ubukure. Naho uwamugize umugore we yemera icyaha akanagisabira imbazi, akavuga ko yari azi ko uwo mukobwa ari mukuru, ko yari afite imyaka 18 y'amavuko.

    Ukekwa aramutse ahamwe n'icyaha akurikiranyweho, yahanishwa igifungo cya burundu, giteganywa mu ngingo ya 4 al. 5 y'itegeko No 69/2019 ryo ku wa 08/11/2019, rihindura Itegeko Nº 68/2018 ryo ku wa 30/08/2018 riteganya ibyaha n'ibihano muri rusange mu ngingo yaryo ya 133.

    Iyo ngingo iteganya ko iyo gusambanya umwana byakurikiwe no kubana nk'umugabo n'umugore, igihano kiba igifungo cya burundu kidashobora kugabanywa kubera impamvu nyoroshyacyaha.
    Urubanza ruzasomwa ku itariki ya 4/11/2021.

    The post Kamonyi: Umusore w'imyaka 21 aracyekwaho gusambanya umwana akanamugira umugore appeared first on IRIBA NEWS.

    Source : https://iribanews.rw/2021/10/21/kamonyi-umusore-wimyaka-21-aracyekwaho-gusambanya-umwana-akanamugira-umugore/

  • Bakame yavuze impanvu abona gusezera mu Mavubi hakiri kare #rwanda #RwOT

    Umunyezamu Ndayishimiye Eric Bakame avuga ko impamvu abakinnyi bakuru badasezera mu ikipe y’igihugu ari uko abakinnyi bato babakeneye kugira ngo babamenyereze.

    Umusaruro w’ikipe y’igihugu Amavubi muri iyi minsi ntabwo ari mwiza, byatumye bamwe batangira gutekereza ko abakinnyi bakuru barimo basezera hagahabwa amahirwe abakiri bato, bakabategura mu myaka iri imbere.

    Ndayishimiye Eric Bakame, akaba umwe mu bakinnyi bamaze imyaka myinshi bakinira Amavubi, aho yahamagawe guhera 2007, avuga ko abaye ari cyo gisubizo kugira ngo intsinzi iboneka atabyanga, ariko na none ngo abo bakinnyi bato bakeneye ababamenyereza.

    Ati 'Ayo makuru turayumva, atugeraho nk’abakinnyi bakuru ariko ku giti cyanjye nsanze ari cyo gisubizo ku ikipe y’igihugu cyatuma itsinda cyangwa kugera kure hashoboka nkeka ko icyo kintu nta muntu wacyanga, ariko na none tukibuka ko harimo abakinnyi bakiri bato bakeneye ba bakinnyi bakuru kugira ngo babafashe babazamure.'

    'Kuko turanabizi kuko ibihe ikipe y’igihugu Amavubi arimo muri iyi minsi navuga ko atari igihe cyiza, si igihe gishimishije, navuga ko rero igisubizo kibaye ari uko abakinnyi bakuru bava mu ikipe y’igihugu, nihereyeho njye naba niteguye.'

    Nyuma ya Bakame, abandi bakinnyi batungwa agatoki ko bakwiye gusezera harimo Haruna Niyonzima wahamagawe kuva 2006, Meddie Kagere na Jacques Tuyisenge batangiye guhamagarwa muri 20

    Bakame abona igihe kitaragera ngo basezere mu ikipe y’igihugu

    Source : http://isimbi.rw/siporo/article/bakame-yavuze-impanvu-abona-gusezera-mu-mavubi-hakiri-kare

  • Kayonza : Ku makuru yatanzwe n’Abashumba Polisi yafashe ibilo 80 by’urumogi rwari ruvanywe Tanzania #rwanda #RwOT

    Ibi biro by’urumogi byafatiwe mu Murenge wa Ndego mu Karere ka Kayonza ubwo byariho byinjizwa n’abariya bantu bambutse mu Mugezi w’Akagera.

    Na none kandi mu Murenge wa Rwempasha mu Karere ka Nyagatare hafatiwe litiro 10 za Kanyanga mu gihe mu Murenge wa Nyagatare ho hafatiwe Litiro 20 naho mu Murenge wa Tabagwe hafatirwa Litiro 3.

    Umuvugizi wa Polisi mu Ntara y’Iburasirazuba, Chief Inspector of Police (CIP) Hamdun Twizeyimana yavuze ko biriya biyobyabwenge byafashwe mu ijoro rimwe.

    Yagize ati 'Mu ijoro ryo kuri uyu wa Gatatu tariki ya 20 Ukwakira ahagana saa saba z’ijoro abashumba bo mu Murenge wa Ndego bahamagaye Polisi bavuga ko hari abantu babonye bambuka umugenzi w’Akagera bacyeka ko barimo kwinjiza mu Rwanda ibiyobyabwenge. Abapolisi bahise bajya ku cyambu cya Kibare ahakunze kwambukira abantu bavuye muri Tanzaniya banyuze mu kagera, bari abantu Bane bikanga abapolisi bakubita hasi ibyo bari bafite basubura mu bwato bari bajemo bahita basubira muri Tanzaniya.'

    CIP Twizeyimana avuga ko bariya bantu bamaze gusubira mu mugezi w’Akagera abapolisi barebye ibyo bari bamaze kujugunya basanga ni umufuka urimo urumogi ibiro 80. Yakomeje avuga ko atari ubwa mbere kuri kiriya cyambu hafatirwa abantu barimo kugerageza kwinjiza mu Rwanda urumogi ariko ntibibahire bagahita bafatwa.

    Mu rukerera rwo kuri uyu wa Gatatu tariki ya 20 Ukwakira mu Karere ka Nyagatare mu mirenge itandukanye hafatiwe abantu barimo kwinjiza mu Rwanda ibiyobyabwenge byiganjemo kanyanga.

    CIP Twizeyimana yagize ati 'Mu murenge wa Rwempasha uwitwa Nsabimana Dismas w’imyaka 18 na Manzi Dan w’imyaka 16 bafatanwe litiro 10 za kanyanga n’ibiro Bitatu by’urumogi, bari babivanye mu gihugu cya Uganda babizanye mu Rwanda. Mu Murenge wa Nyagatare uwitwa Kabagambe God w’imyaka 31 yafatanwe litiro 20 za kanyanga, Niyonshuti Eric w’imyaka 23 yafatanwe litiro 3 za kanyanga, yafatiwe mu Murenge wa Tabagwe. Aba bose bafashwe mu ijoro barimo kuva mu gihugu cya Uganda ari naho bakuraga biriya biyobyabwenge.'

    Ibi biyobyabwenge bifashwe nyuma y’aho tariki ya 17 na tariki ya 19 nanone Polisi ikorera mu Karere ka Nyagatare yari yafashe litiro 240.5 za kanyanga.

    CIP Twazeyimana yogeye kwibutsa abantu kwirinda kwijandika mu bucuruzi bw’ibiyobyabwenge n’ubundi bucuruzi butemewe n’amategeko. Yabibukije ko ufatiwe mu bikorwa bijyanye n’ibiyobyabwenge ahanwa hakurikijwe amategeko.

    Abafashwe bahise bashyikirizwa Urwego rushinzwe ubugenzacyaha (RIB) kugira ngo bakurikiranwe mu mategeko.

    IBITEGANYWA N’AMATEGEKO

    Ingingo ya 5 y’Iteka rya Minisitiri Nº001/MoH/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira inzoga zikozwe mu buryo budakurikije ibisabwa n’amabwiriza y’ubuziranenge n’andi mategeko mu biyobyabwenge byoroheje.

    Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu Gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo kitari munsi y’imyaka irindwi (7) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.

    Iteka rya minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi mu biyobyabwenge bihambaye.

    Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

    Source : http://www.ukwezi.rw/mu-rwanda/Amakuru-anyuranye/article/Kayonza-Ku-makuru-yatanzwe-n-Abashumba-Polisi-yafashe-ibilo-80-by-urumogi-rwari-ruvanywe-Tanzania

  • AMAFOTO : APR ishaka gukorera amateka mu Barabu yageze mu Tunisia yambariye urugamba #rwanda #RwOT

    APR FC iherutse kugaragaza umukino unogeye ijisho ubwo yanganyaga na Etoile Sportive du Sahel wabereye i Kigali, yerecyeje muri Tunisia mu gukina umukino wo kwishyura.

    Nyuma yo kugera i Tunis ikipe ya APR FC ikaba icumbikiwe muri Paris Accidental hotel iri mu mugi wa Tunis, usibye umunaniro batewe n’urugendo, kugeza ubu abasore bameze neza.

    Muri uriya mukino warangiye makipe yombi anganya, APR FC yarushije mu buryo bwagaragariye buri we se iriya kipe yo mu Barabu.

    Intego y’iyi kipe y’Ingabo z’u Rwanda ni ugutsinda uriya mukino bagiye gukinira muri Tunisia bigatuma ikomeza mu mikino ya CAF Champions League.

    APR iramutse itsinze Tunisia uretse kuba yaba igeze mu matsinda ya CAF Champions League, yaba inakoze amateka yo kuba ari yo kipe yo mu Rwanda ibashije gutsindira ikipe yo mu barabu iwabo.

    Abasesengura umupira w’amaguru mu Rwanda ndetse n’abakunzi ba APR FC bavuga ko bishoboka ko iyi kipe ishobora gucyura intsinzi muri Tunisia bakurikije umukino yagaragaje ubwo bakinaga i Kigali.

    UKWEZI.RW

    Source : http://www.ukwezi.rw/Imikino/article/AMAFOTO-APR-ishaka-gukorera-amateka-mu-Barabu-yageze-mu-Tunisia-yambariye-urugamba

  • Ibikorwa umukobwa wese w'umutima adakwiye gukora ari kumwe n'umukunzi we. – YEGOB #rwanda #RwOT

    Reba hano ibintu 7 by'ingenzi utari uzi umukobwa yagakwiye kwirinda gukorera imbere y'umukunzi we nk'uko byagaragajwe n'urubuga Elcrema:

    1.Wikwifata nk'umuntu ubizi byose

    Umva nkubwize ukuri,ntabwo abahungu bakunda umukobwa wigira bamenya,mbese werekana ko ibintu byo se abizi,niyo waba ubizi wimwereka ko ubizi ahubwo igire nk'umuntu utabizi,ugasanga umuhungu ari kukwereka ibyo ukora maze ugatangira kumunyomoza ahubwo ukanjya kumwigisha uko bikorwa,icyo gihe umuhungu ahita abona ko wamupinze wowe tuza maze ukore ibyo akubwira.

    2.Wirya cyane

    Iki kintu abahungu aho bava bakagera hafi ya bose baracyanga, niba umukunzi wawe agize atya akagusohokana nko muri Hotel cyangwa muri resitora gerageza nibazana ibyo kurya urye ibiryo biringaniye ntubirire kubimara cyangwa ngo urye maze urengere, rya nk'umwali ndagusabye, igirire akabanga.

    3.Iga kwicara neza imbere y'umukunzi wawe

    Ni ukuvuga ngo niba wicaranye n'umukunzi wawe wikwicara bijagaraye ngo wicare utandaraje yewe n'iyo waba wambaye ipantalo, ibuka ko uri umwali kandi ukwiye no kwiyubaha, abahungu ntibakunda umukobwa wicara bijagaraye.

    4.Gabanya urusaku

    Ubundi abahungu hafi ya bose ntabwo bakunda umukobwa ugira urusaku, mbese uvuga cyane, gerageza niba uri kumwe n'umukunzi wawe muri kuganira cyangwa aguhamagaye kuri Telefone ushyire ijwi hasi ntuvugire hejuru.

    5.Wivuga amagambo menshi

    Iyi ni ingingo nziza kandi ikwiye gukurikizwa na buri mukobwa wese wumva ashaka kuba uw'igikundiro, ni ukuvuga ngo niba uri kumwe n'umukunzi wawe wihurutura amagambo menshi, ahubwo wowe icyo uba usabwa ni ugutuza maze ukamutega amatwi ari nako unyuzamo ukamwenyura hanyuma ukamusubiza ibyo akubajije cyangwa ukamubwira ibiri ngombwa ko yumva..! Abahungu banga umukobwa uvugaguzwa.

    6.Wiryana ikinyabupfura gicye imbere y'umukunzi wawe

    Ibi ni ukuvuga ngo mu gihe uri kurya, wirya nk'inka cyangwa ihene, gerageza ukanje ibyo uri kurya umunwa wawe ubumbye, ku buryo amenyo adashobora kugaragara, abahungu barabikunda.

    Source : https://yegob.rw/ibikorwa-umukobwa-wese-wumutima-adakwiye-gukora-ari-kumwe-numukunzi-we/

  • Yazamuye amarangamutima ya benshi intashyo ziba nyinshi, Jimmy Gatete yahuye n’abo bakinanye mu Mavubi #rwanda #RwOT

    Izina Jimmy Gatete ryongeye kwigarurira amarangamutima y’abanyarwanda nyuma yo kumubona ari kumwe na bamwe bahoze bakinana mu Mavubi, benshi bamusaba ko yazaza mu Rwanda kuko bamukumbuye.

    Jimmy Gatete ni we benshi mu banyarwanda bafata nk’uw’ibihe byose bitewe n’ibyishimo yabahaye, ntawakibagirwa igitego yatsindiye Uganda iwayo muri Kamena 2003 mu gushaka itike y’Igikombe cy’Afurika cya 2004, yaje kwigarurira imitima y’abanyarwanda burundu mu kwezi kwakurikiyeho atsindira Ghana i Kigali igitego cyanahesheje u Rwanda itike y’iki gikombe, kikaba igikombe rukumbi Amavubi yitabiriye mu mateka yayo.

    Kuva yasezera umupira w’amaguru muri 2010, uyu mugabo yagiye kure cyane ya ruhago, ntiwamwumva yakoze ibiganiro n’itangazamakuru, yewe ntiyanakomeje inzira y’ubutoza nka bagenzi be ahubwo yigiriye mu bindi bitandukanye na ruhago bimuha inyungu.

    Ni umugabo utapfa kubona ku mbuga nkoranyambga, ku buryo abantu baba bibaza amakuru ye n’uko abayeho nyuma yo gukina.

    Jimmy Gatete yongeye kugaruka mu mitwe y’abanyarwanda ubwo ku munsi w’ejo yahuraga na bamwe mubo bakinanye mu Mavubi.

    Yahuye n’abatoza ba AS Kigali, Eric Nshimiyimana, Jimmy Mulisa, Mutarambirwa Djabir ndetse na kapiteni w’Amavubi, Haruna Niyonzima ukinira AS Kigali, bakaba bari mu nzira berekeza muri DR Congo gukina na DCMP umukino wo kwishyura wa CAF Confederations Cup.

    Aya mafoto Jimmy Mulisa yayasangije abamukurikira kuri Twitter, bizamura amarangamutima ya benshi aho basabye uyu munyabigwi w’Amavubi kuzaza gusura u Rwanda.

    Nothing warms a heart like reconnecting with an old friend @JimmyGatete. pic.twitter.com/eJpRG0CabG

    — Jimmy mulisa (@jimbomulisa) October 20, 2021

    Nice picture icyambwira stories mwateraga 😂😂😂

    — Daniel Gahamanyi(Danny🇷🇼) (@gamanyi) October 20, 2021

    The Nambole goal clicks. Great seeing you guys together reminding us how your football period flew the country’s flag high. Warm regards to Gat.

    — Martin Semukanya (@semukanyam) October 20, 2021

    He still number one in Rda .much respect papa.

    — MUSEVENI GILBERT7 (@MUSEVENIGILBER5) October 20, 2021

    Wamudasaiye koko akazaza Mu rugo #Rwanda

    — Igabe Gashabizi (@IGashabizi) October 20, 2021

    Wow, mumutubwirire azaze no mu Rwanda abanyarwanda baramukumbuye

    — Mukeshimana Assumpta 🇷🇼 (@AssumptaMuke) October 20, 2021

    Brother mukuru uraho neza papa ngo mutahe🚶🙇

    — Cpt.YEGO MWIDISHYI🇷🇼 (@Mwidishyi) October 20, 2021

    Yeweeeee weeee unsuhurize Jummy Gatete, uti turagukunda cyane cyane

    — Nkurunziza Egide (@Nkurunz26064584) October 20, 2021

    Hey coach! Could you say hello to Mr Gatete J!

    — Egidio (@Egidio74280352) October 20, 2021

    Abatoza ba AS Kigali bakiniye n’Amavubi bahuye na Jimmy Gatete, uhereye iburyo ni Jimmy Mulisa, Mutarambirwa Djabir, Jimmy Gatete na Eric Nshimiyimana

    Jimmy Gatete hagati ya Jimmy Mulisa(iburyo) na Haruna Niyonzima(ibumoso)

    Source : http://isimbi.rw/siporo/article/yazamuye-amarangamutima-ya-benshi-intashyo-ziba-nyinshi-jimmy-gatete-yahuye-n-abo-bakinanye-mu-mavubi

  • Ibigiye kuba kuri Facebook. – YEGOB #rwanda #RwOT

    Isosiyete y'ikoranabuhanga ikomeye ku Isi ya Facebook ihatse imbuga nkoranyambaga muri iki gihe, biravugwa ko vuba aha igiye guhindurirwa izina mu rwego rwo gukuraho isura izwiho yo kuba iy'imbuga nkoranyambaga gusa.

    Amakuru yatangajwe n'ikinyamakuru The Verge avuga ko Mark Zuckerberg umuyobozi w'iyi sosiyete imaze imyaka irenga 15 ibayeho, azatangaza izina rishya ryayo mu nama ngarukamwaka ya Facebook yitwa Connect conference izaba ku wa 28 Ukwakira 2021, ariko ko rishobora no gutangazwa mbere.

    Kugeza ubu iryo zina rishya riracyari ibanga, gusa birakekwa ko rizaba rifite aho rihuriye na 'Metaverse' ijambo riherutse gutangazwa na Zuckerberg rivuga ikoranabuhanga rirenga imbibi z'isi cyangwa se 'horizon', izina rishya ry'ikoranabuhanga rya VR (Virtual Reality) ryakozwe na Facebook ariko ritaramurikwa.

    Muri Nyakanga 2021 uyu muherwe yabwiye The Verge ko sosiyete ye ishaka kurenga urubibi rwo kwitwa iy'imbuga nkoranyambaga ikaba sosiyete ifite ikoranabuhanga ryagutse rishobora gutuma abantu basangira ubuzima bwo ku Isi bitabaye ngombwa ko bava aho bari ahubwo bakifashisa internet.

    Yagize ati 'Tuzahindura tuve ku kuntu abantu batubona nka sosiyete y'imbuga nkoranyambaga ahubwo batubone nka sosiyete ifite ikorabuhanga ryagutse rifasha abantu kubona ibirenze ibyo babonesha amaso ku Isi.'

    'Metaverse ni yo tugiye kwibandaho cyane, ndatekereza ko igiye kuba igice kinini kizerekana uburyo internet igenda itera imbere nyuma y'imbuga nkoranyambaga. Ndatekereza ko sosiyete yacu itazasigara inyuma na yo ari yo igiye kwibandaho cyane.'

    Nubwo hari kuvugwa ibyo guhindurirwa izina umuvugizi wa Facebook kugeza ubu ntacyo arabivugaho

    Source : https://yegob.rw/ibigiye-kuba-kuri-facebook/