Miss Mwiseneza Josiane abinyujije ku rukuta rwe rwa instagram yashyize hanze amafoto amugaragaza mu isura nshya ari nabwo yatunguraga abafana be.
Ayo mafoto Mwiseneza Josiane yashyize hanze ni aya akurikira:
Nyuma yuko Miss Mwiseneza Josiane ashyize hanze aya mafoto, bamwe mu bafana be bamubwiye ibi bikurikira:
Source : https://yegob.rw/miss-mwiseneza-josiane-yatunguye-abafana-be-mu-myambaro-batari-bamumenyereyeho/
Ibyo yabivuze nyuma y’uko iyo Guverinoma iriho muri Mali itangaje ko yifuza kuguma ku butegetsi mu gihe cy’imyaka itanu, ikabona gutegura amatora.
Guterres ku wa Kane tariki 13 Mutarama 2022, yabwiye abanyamakuru ati 'Ni ngombwa cyane ko Guverinoma ya Mali itanga gahunda y’amatora yakwemerwa. Nizeye ko vuba bidatinze nzahura n’icyo gisirikare'.
Ati 'Ndimo gukorana na ECOWAS na Afurika yunze ubumwe (AU), kugira ngo dushyireho uburyo bwatuma Guverinoma ya Mali ishyiraho gahunda yakwemerwa yo kurangiza igihe cy’inzibacyuho, kuko n’ubundi imaze igihe kinini'.
Guterres yongeyeho ati 'Ibi byasubiza ibintu mu buryo, mu rwego rw’imibanire hagati y’ibihugu ndetse no mu rwego rw’umuryango mpuzamahanga, by’umwihariko hagati y’ibihugu bigize ECOWAS'.
Antonio Guterres yatanze ubwo butumwa, nyuma y’umwuka mubi wazamutse ubwo mu cyumweru gishize ECOWAS yafashe umwanzuro wo gufunga imipika ihuza ibihugu bigize uwo muryango na Mali no kuyibuza kugira ibikorwa by’ubuhahirane n’ibihugu biwugize.
Igisirikare cya Mali cyari cyatanze isezerano ko amatora y’umukuru w’igihugu azaba muri Gashyantare uyu mwaka wa 2022, ariko bigeze mu Kwezi k’Ukuboza 2021, Guverinoma iriho itangaza ko ishaka kuguma ku butegetsi mu yindi myaka itanu iri imbere, ibyo bihita bikurura ibibazo by’umutekano.
Urubuga rwa Internet rwa Polisi y’Igihugu, rwatangaje ko aba bose bafatiwe ahakorerwa ibizamini byo kubona impushya zo gutwara ibinyabiziga, Umuvugizi wa Polisi mu Ntara y’Amajyepfo, SP Theobald Kanamugire yavuze ko Ndikumana yafashwe afite ubutumwa bugufi bugaragaza ko yipimishishije icyorezo cya Covid-19 nyamara ubwo butumwa ntibwari ubwe.
Yagize ati 'Nk’ibisanzwe abapolisi barimo kugenzura ibyangombwa by’abagomba gukora ikizamini cyo kwandika cy’abashaka uruhushya rw’agateganyo. Bagenze kuri Ndikumana bamubajije ikigaragaza ko yipimishije icyorezo cya Covid-19 yerekana ubutumwa bugufi muri telefoni ye, bashishoje bahita babona ko ubwo butumwa atari ubwoherejwe n’ikigo cy’Igihugu cy’ubuzima (RBC), ahubwo ni ubutumwa yohererejwe n’umugore we wari uherutse kwipimisha, Ndikumana yahise afatwa atyo na we arabyemera.'
SP Kanamugire yakomeje avuga ko Ndikumana amaze gufatwa yapimwe kugira ngo hasuzumwe ko nta bwandu afite ariko ibisubizo bigaragaza ko ari muzima, nyuma yashyikirijwe Urwego rushinzwe ubugenzacyaha (RIB) kugira ngo akurikiranwe ku gukoresha inyandiko mpimbano.
Umuvugizi wa Polisi mu Ntara y’Iburengerazuba, CIP Bonaventure Twizere Karekezi, yavuze ko Twaha yafashwe arimo kugerageza gukorera undi muntu wari wariyandikishije gukora ibizamini byo kubona uruhushya rwo gutwara ibinyabiziga, kategoteri B.
Yagize ati 'Twaha yafatanywe uruhushya rw’agateganyo rwo gutwara ibinyabiziga ndetse n’indangamuntu biriho amazina ya Mwizerwa Issa ariko hariho amafoto ya Twaha Abdul. Abapolisi bashinzwe gukoresha ibizamini bamufatiye ahakorerwa ibizamini agiye gukora.'
Yakomeje avuga ko Twaha yari afite ibyangombwa bigaragaza ko asanzwe afite akazi mu Rwanda k’ubushoferi mu kigo gitwara abagenzi mu buryo bwa rusange. Amaze gufatwa yemeye ko umugambi wo guhimba ibyangombwa yawucuranye na Mwizerwa kugira ngo amukorere ikizamini ku gihembo kingana n’amafaranga y’u Rwanda ibihumbi 300.
Abaturarwanda barakangurirwa kwirinda ibyaha kuko amwe mu mayeri barimo gukoresha agenda atahurwa. Abashaka impushya zo gutwara ibinyabiziga barakangurirwa kwiga neza ndetse bakanihugura kugira ngo birinde kugwa mu mutego wo gukora ibyaha bashaka ababakorera.
Abajya gukorera impushya zo gutwara ibinyabiziga barasabwa kandi kubahiriza amabwiriza yose ajyanye no kwirinda icyorezo cya Covid-19 bakirinda guhimba ubutumwa bw’uko bisuzumishije cyangwa bikingije, kuko kubihimba ari icyaha gihanwa n’amategeko kandi bikaba bimwe mu bikwirakwiza icyo cyorezo.
Twaha na Ndikumana bahise bashyikirizwa RIB kugira ngo hatangire iperereza ku byaha bacyekwaho.
Aba bafashwe nyuma y’iminsi ibiri gusa mu Karere ka Huye na Nyamagabe hafatiwe abandi bantu Barindwi na bo barimo gukora icyaha nk’icyo ndetse no guhimba inyandiko zigaragaza ko bipimishije Covid-19.
Itegeko no68/2018 ryo ku wa 30/08/2018 riteganya ibyaha n’ibihano muri rusange, Ingingo ya 276 ivuga ko umuntu wese uhimba cyangwa uhindura mu buryo ubwo ari bwo bwose inyandiko cyangwa ikindi kintu cyanditseho igitekerezo, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa, aba akoze icyaha.
Umuntu wese, ku bw’uburiganya, wandika, wandikisha ibintu bidahuye n’ukuri cyangwa ukora imenyekanisha ritari ryo afatwa nk’uwakoze icyaha cyo gukora ibihimbano.
Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’Amafaranga y’u Rwanda atari munsi ya miliyoni eshatu (3.000.000 FRW) ariko atarenga miliyoni eshanu (5.000.000 FRW) cyangwa kimwe gusa muri ibyo bihano.
Brig Gen Didas Ndahiro, Umuyobozi w’iryo shuri, yavuze ko umunsi w’umuco uhuriza hamwe uruhurirane rw’imico itandukanye mu bihugu bihagarariwe. Yashimangiye ko gukomeza iterambere ry’ishuri rikuru biterwa no gukoresha neza impano n’ubushobozi by’abarimu ba kaminuza n’abanyeshuri, mu myigire n’imibereho ihuza abantu baturuka mu mico itandukanye.
Yavuze ko umunsi w’umuco ari umwanya wo kungurana ubumenyi ku buryo bw’imibereho, indangagaciro n’imigenzo y’ibihugu bihagarariwe muri iri shuli.
Uhagarariye abanyeshuri, Lt Col Callixte Migabo, yavuze ko umuco ari ingenzi cyane ku Ngabo kuko inyigisho za gisirikare zishingiye ku mateka, indangagaciro n’amahame akomeye yawo.
Yagaragaje kandi ko imyumvire y’umuco ituma Ingabo zibasha guhangana n’ibibazo by’umutekano bigoye, nk’igihugu kimwe kitabasha kwikemurira muri iki gihe. Yongeyeho ko uyu munsi ibyinshi bigoye bisaba imbaraga zihuriweho haba mu karere, ku mugabane cyangwa ku rwego mpuzamahanga.
Maj Ben Gondwe ukomoka muri Zambia mu mutwe w’Ingabo zirwanira mu kirere, yavuze ko ubucuti barema hagati yabo nk’abanyeshuri baturutse mu bihugu bitandukanye bitabiriye amasomo, bizagira akamaro cyane mu gihe kizaza, ubwo bazaba bafite inshingano zo kuyobora.
Ibihugu 11 nibyo byari bihagarariwe, ari byo u Rwanda, Botswana, Ethiopia, Kenya, Malawi, Nigeria, Senegal, Sudani y’Amajyepfo, Tanzania, Uganda na Zambia.
Umuneke n'igishishwa cyawo bifite ibyiza bitangaje ku ruhu rw'umuntu, Igishishwa cy'umuneke kigira intungamubiri nyinshi hamwe n'ibifasha uruhu kurwanya iminkanyari, imirongo mu maso hamwe no kwangirika ku ruhu.
Iminkanyari yo mu maso ibaho mu gihe cy'ubuzima bw'abandi mu gihe uruhu rwatakaje itoto rugahinduka nk'urudasanzwe, rukorohera kandi rugatakaza gukomera.
Rimwe na rimwe, gusaza ku ruhu hamwe n'iminkanyari bishobora kubaho mu buryo busanzwe, nabyo bivuka biturutse ku myitwarire y'ubuzima ubamo harimo nko kunywa itabi ndetse n'ibindi.
Hari byinshi mu ma farumasi byagufasha harimo nk'amavuta, hamwe n'ubundi buryo bw'ubwiza bwo gukemura iki kibazo, ikindi kandi hari umuti wakora wibereye mu rugo iwawe kandi udafite ingaruka.
Ni umuti woroshye gukorwa kandi ugakorerwa mu rugo ugizwe n'ibintu karemano, kandi ukawukoresha buri gihe dore ko nta ngaruka ugira ku buzima bwawe.
Igishishwa cy'umuneke kiroroshye kugikoresha ku ruhu rwawe kugirango ukureho ibiheri n'inkovu, bigasiga uruhu rusukuye kandi rudafite inenge kandi bikorwa mu buryo bworoshye cyane.
Icyo ukeneye gusa ni igishishwa cy'umuneke ukajya ugisigaho byibuze inshuro ebyiri ku munsi nk'uko bitangazwa n'ikinyamakuru kitwa pinterest.
Icyitonderwa: Koresha gusa ibishishwa by'imineke igishya, itari yashya n'iyaboze bundi ugire uruhu rwiza kandi rusukuye.
Source : https://yegob.rw/dore-akamaro-kigishishwa-cyumuneke-ku-ruhu-rwawe/
Miss Nishimwe Naomie wegukanye ikamba rya Miss Rwanda 2020 yahawe impano n'umwe mu basore bakora ibihangano bishushanyijr witwa Shakuru ari n'umufana we.
Nkuko bigaragara ku rukuta rwa instagram rwa Shakuru, iyi mpano y'ifoto ya Naomie niyo Shakuru yari yaramugeneye ku isabukuru ye y'amavuko.
Kuri uyu wa 14 Mutarama 2022 nibwo Shakuru na Miss Naomie bahuriye mu kiganiro Versus gica kuri RTV maze akayimushyikiriza.
Dore uko byari bimeze mu mafoto:
Source : https://yegob.rw/miss-naomie-yahawe-impano-yagaciro-numufana-we-amafoto/
Ingabire Emmanuel, Padiri wa Diyosezi ya Gikongoro wakoreraga umurimo w'iyogezabutumwa muri Paruwasi ya Kizimyamuriro, yasezeye yandikira Musenyeri ibaruwa irimo amagambo yateye bamwe agahinda.
Padiri Ingabire yatangiye agira ati 'Nyiricyubahiro Musenyeri, mbandikiye iyi baruwa ngo mbagezeho ubwegure bwange ku busaseridoti ndetse n'inshingano zose zijyanye nabwo.
Ubwegure bwange ntibukomoka ku ntege nke z'ibwirizabutumwa cyangwa gutsindwa bikomoka ku myitwarire mibi iyo ari yo yose, ahubwo naniwe kwihanganira imyitwarire yanyu impungabanya kandi inkomeretsa mwahisemo gutsimbararaho aho kumfasha mu buryo bw'amarangamutima no kuntera ikunga mu by'ubukungu ngo mbashe gukemura ibibazo by'ubuzima nk'umushumba wanjye.
Ndicuza cyane kubwo kuva mu iyogezabutumwa; impano nari narateguriye ubuzima bwanjye bwose.
Mu by'ukuri, Nyiricyubahiro Musenyeri ndi umupadiri wa diyoseze yanyu kuva taliki ya 21 Kanama 2021, kandi nagize ikibazo cy'ubuzima kinkomereye kuva mu kwezi kwa mbere 2021 aho nari nkeneye ubufasha mu by'amarangamutima n'inkunga y'amafaranga ku Mushumba wanjye ndetse na Diyoseze yanjye.
Iki ni icyemeze mfashe nyuma y'amezi cumi n'umunani ndi mu busaseridoti ndetse na nyuma y'amezi cumi n'abiri ndembye mu buryo bw'umubiri, mu mutwe, amarangamutima, uburyo natekerejeho cyane kandi nkanabuganiraho n'inshuti, n'abavandimwe b'abapadiri, wowe nk'umushumba wanjye ndetse n'abandi bashumba banakuganirije kenshi ku kibazo cyanjye  ndetse n'igisibizo cyanyu kuri icyo kibazo.
Nyiricyubahiro Musenyeri, si ibanga rwose imyitwarire yanyu ku kibazo cyanjye nk'umushumba wanjye, yarankomerekeje. Â N'ubwo hari byinshi byari bikenewe ngo ibintu bice mu mucyo, ndifuza kugaragaza ibintu bike byaciye integer ishyaka ryanjye mu murimo w'ubusaseridoti, bityo nkasaba ko mwakwemera ukwegura kwanjye.
Ku bwa mutagatifu Iraneaus 'icyubahiro cy'Imana ni umuntu wuzuye muzima' n'ubwo bwose ntashobora gutandukanya ubusaseridoti n'ubuzima bwanjye, nubwo ibyo byombi byomatanye, mbasha kuba umusaseridoti gusa igihe ndiho ndi muzima.
Bityo, ububabare bw'umubiri n'imitekerereze mfite, kutitabwaho no kubura inkunga y'amafaranga kuri diyoseze no ku mushumba wanjye byarankomerekeje, ntibyakomerekeje roho yanjye gusa ahubwo byakomerekeje n'ubusaseridoti bwanjye, bityo rero ubuzima buzira umuze kuri njye ni ingezi kugirango ubusaseridoti butange umusaruro.
Nyiricyubahiro Musenyeri, ibyo bikorwa byose ndetse n'ibindintiriwe ndondora, ntabwo birwanya ubuhamya ba gikiristo gusa ahubwo biarandemereye cyane ku buryo ntashobora kubigereka ku bubabare bwo mu mutwe n'umubiri mfite. Ibikorwa byababaje umutima wanjye. Ndifuza gukomeza gukora umurimo w'Imana nk'umulayiki aho nzaba negereye kandi ndi hafi y'umuryango wanjye n'inshuti kandi bikaborohera gukomeza kumfasha kuko nkeneye ubufasha nk'umuntu ubana n'ubumuga. Bityo rero ndagusaba kwemera ubusabe bwanjye.
Nyiricyubahiro Musenyeli, mu gihe nkitegereje igisubizo cyanyu kiza, mushobora kwemera igisubizo cyanjye? Ndagushimira ibyo mwankoreye byose ku iseminari igihe nari nkifite ubuzima buzira umuze. Ndifuza ko ibyo nakorewe bitazigera bikorerwa undi uwo ari we wese muri diyoseze yanyu. Ndagusabye jya unyibuka mu masengesho yawe. Mpora nkuzirikana mu masengesho nkene yanjye.
Padiri Emmanuel Ingabire'
Twagerageje kuvugisha Umushumba wa Diyoseze ya Gikongoro, Musenyeri Célestin Hakizimana ntibyadukundira, ariko ubwo yaganiraga na Kigali Today, yavuze ko iyi baruwa itaramugeraho.
Yavuze ko ibyo gusezera k'uwo mupadiri yabibonye ku mbuga nkoranyambaga ariko ko atarakira mu ntoki ibaruwa y'umwimerere nyiri ubwite yiyandikiye, kuko ngo aheruka yaraje i Kigali kwivuza, bityo ibindi uwo mupadiri yanditse Musenyeri akaba ntacyo yabivugaho.
Musenyeri Hakizimana avuga ko ubusanzwe iyo umupadiri yanditse asezera ngo abo yandikiye basuzuma impamvu asezeye niba ari impamvu ifatika, cyangwa se hakabaho kumugira inama, bakamusaba gufata igihe cyo kubitekerezaho, cyangwa se bakandika bamusubiza ko bamwemereye.
Musenyeri Hakizimana yavuze ko ubundi kugira ngo bigende neza uwo mupadiri yandikira Papa akaba ari we utanga uburenganzira kuri uwo mupadiri.
Musinga C.
Â
Â
The post Diyoseze ya Gikongoro: Padiri yasezeye yandikira Musenyeri ko yamukomerekeje appeared first on IRIBA NEWS.
Shampiyona y'ikiciro cya mbere mu Rwanda irasubukurwa mu mpera z'iki Cyumweru hakinwa umunsi wa 12, aho umukino ukomeye uzahuza Kiyovu Sport iyoboye urutonde rwa shampiyona na APR FC iyikurikiye.
Imikino irongeye iragarutse nyuma y'ibyumweru bibiri yarasubitswe kubera icyorezo cya coronavirus, ariko nyuma hakaza kwemezwa ko isubukurwa hubahirizwa ingamba zashyizweho zo kwirinda iki cyorezo.
Imikino y'umunsi wa 12 wa shampiyona izakinwa kuva ku wa Gatandatu, 15 Mutarama kugeza ku wa Mbere, 17 Mutarama.
Imikino iteganyijwe ku wa Gatandatu
Umukino uzabimburira iyindi, AS Kigali iri ku mwanya wa gatatu rutonde rwa shampiyona izakira Rutsiro izamutse uyu mwaka.
Mu gihe, indi mukino uhari Rayon Sport yamaze gutandukana na Youcef Rharb wari uyifatiye runini cyane izacakirana na Musanze.
Andi makuru
12:30 CAT â” AS Kigali v Rutsiro
15:00 CAT â” Entincelles v Marines
15:00 CAT â” Rayon Sport v Musanze
15:00 CAT â” Espoir v Etoile de l'Est
Imikino iteganyijwe ku Cyumweru
Kuri uyu munsi, hari umukino ukomeye cyane uzahuza APR FC igifite ibirarane bibiri izasura Kiyovu Sport iri ku mwanya wa mbere ku rutonde rwa shampiyona.
Kiyovu Sport iri ku mwanya wa mbere ku rutonde rwa shampiyona n'amanota 23 irusha APR FC iyikurikiye unota rimwe ryonyine.
12:30 CAT â” Gorilla v Bugesera
15:00 CAT â” Kiyovu SC vs APR FC
Imikino iteganyijwe Ku wa Mbere
Police FC izaba idafite Hakizimana Muhadjiri izerekeza i Huye, ku kibuga cya Mukura VS&L.
15:00 CAT â” Gasogi Utd v Gicumbi
15:00 CAT â” Mukura VS&L v Police
Abakinnyi batemerewe gukina
Hakizimana Muhadjiri wa Police FC umaze gutsinda ibitego byinshi muri shampiyona y'ikiciro cya mbere mu Rwanda, bitanu, niwe uyoboye urutonde rw'abakinnyi batazakina uyu munsi wa shampiyona.
1. Gakwavu Jean Berchmas â” Etincelles
2. Kayigamba Jean Paul â” Gorilla FC
3. Hakizimana Félicien â” Marine FC
4. Ishimwe Fiston â” Marine FC
5. Ntakirutimana Théotime â” Marine FC
6. Hakizimana Muhadjiri â” Police FC
Source : https://yegob.rw/pnl-ibyo-wamenya-mbere-yumunsi-wa-12-muhadjiri-ntabwo-yemerewe-gukina/
Ubundi ntibikunze kubaho ko Musanze FC ikura amanota kuri Rayon Sports, aho mu mikino itandukanye yahuje ayo makipe, Rayon Sports yakunze gutahana amanota atatu.
Mu kiganiro bamwe mu bafana ba Musanze FC bagiranye na Kigali Today ndetse na bamwe mu bakinnyi b’iyo kipe, intero ni imwe ni ugutsinda Rayon Sports dore ko bakomeje kumva amakuru avugwa muri Rayon Sports y’uko harimo urunturuntu.
Byakomeje kuvugwa muri Rayon Sports ko hari bamwe mu bakinnyi bafatwa nk’inkingi za mwamba bahagaritswe barimo na kizigenza Youssef, aho byakomeje kuvugwa ko abo bakinnyi bahagaritswe bazize imyitwarire idahwitse mu gihe bitegura umukino ubahuza na Musanze FC.
Harerimana Canisius uzwi ku izina rya Drogba, umufana ukomeye wa Musanze FC yavuze ko ibibazo ari kumva muri Rayon bagomba kubyuririraho bakayitsinda byinshi.
Ati 'Abakinnyi dufite hano baraduha icyizere kubera Morale mbabonana, Rayon Sports n’ibibazo byayo bitazapfa no gushira ni icyizere dufite cyo kuyitsinda. Rayon ifite ibibazo byinshi bijyanye n’imishahara y’abakinnyi, twamenye ko hari abakinnyi banze kwitabira imyitozo, ni na byo tugomba kuririraho tukayifatirana muri ibyo bibazo tukayitsinda'.
Arongera ati 'Abakinnyi bacu barashoboye, ibyo bibazo bya Rayon Sports biradufasha na bitatu twayibitera, abakinnyi bacu bafite morale idasanzwe n’ubuyobozi bubitayeho, byanze bikunze turatsinda'.
Undi mufana uzwi ku izina rya Cangirangi ati 'Ejo Rayon turayitera ibitego bibiri dutahane atatu yacu tunayijye imbere, ndabishingira kuri Morali y’abakinnyi bacu, yego duheruka gutsinda Rayon kera, ariko iyi Rayon ifite ibibazo byinshi kandi gutsinda Rayon ni ishema ku Ntara y’Amajyaruguru, ni ishema ku Karere ka Musanze ni n’ishema ku bakinnyi, turayifatiranya n’ibyo bibazo'.
Habyarimana Eugene nka Kapiteni wungirije w’ikipe ya Musanze ati 'Ubundi amakipe yose ntabwo tuyitegura kimwe, hari iyo twitegura nka finali, cyane cyane nka Rayon Sports ni ikipe nkuru, ikipe ifite icyo ivuze ku buzima bwacu, kuyitsinda ni ishema kuri twe, kuyitsinda bifite igisobanuro ku miryango yacu, ku Karere ka Musanze, ni yo mpamvu turi kwitegurana ingufu'.
Arongera ati 'Rayon Sports ni ikipe ifite abafana benshi, ni yo kipe ikunzwe mu gihugu, iyo utsinze Rayon Sports ugaragara nk’umukinnyi mukuru kandi ukomeye, nta mvune dufite, abafana baradushyigikiye, nta bibazo by’imishahara nta bibazo by’imirire, byose ni amahoro, turahangana kugeza tuyitsinze'.
Intego yo gutsinda uwo mukino kandi yashimangiwe n’Umutoza wungirije wa Musanze FC, Nshimiyimana Maurice uzwi ku izina rya Maso, wavuze ko gukura amanota atatu kuri Rayon Sports bishoboka.
Ati 'Intego dufite, ni uko tugiye gushaka amanota atatu kuko buri kipe yose ikinisha abakinnyi 11 kandi kuba hari ikibazo cya COVID-19 nta kintu kirekire kigihari ikipe irusha indi, wenda Rayon Sports icyabaga ari gikuru ni abafana yabaga ifite ku kibuga, ubu ntabahari twese tuzakina nk’abari hanze'.
Ati 'Rayon Sports ni ikipe ikomeye ku izina, ariko numva ko mu kibuga byose bishoboka kuko ni abakinnyi 11 kuri 11, kuba ari n’ikipe nabayemo nzi ngo bitegura gutya, na byo ni akarusho'.
Kugeza ubu abakinnyi ba Musanze FC bose barahari, umwe wari wagize ikibazo cy’uburwayi bwa COVID-19, na we yagarutse mu myitozo.
Umunyamakuru w’imikino mu kigo cy’igihugu cy’itangazamakuru, Butoyi Jean, avuga ko abakinnyi b’ibihe byose kuri we ari Jimmy Gatete na Karekezi Olivier kuko bari bafite impano ihambaye.
Butoyi Jean, ni umunyamakuru w’imikino ubimazemo igihe kinini, imikino y’ingenzi y’aba ku ikipe y’igihugu ndetse n’ama-club yarayogeje nk’aho nk’igikombe cya CECAFA Kagame Cup Rayon Sports yakuye Zanzibar ni we wari kumwe n’iyi kipe, umukino wajyanye Amavubi muri CAN 2004 ni we wogeje igitego cya Jimmy Gatete cyatumye abanyarwanda barara neza.
Mu kiganiro yagiranye n’ikinyamakuru ISIMBI, Butoyi Jean yavuze ko umukino w’amateka yogeje kuri we ari umukino wabaye tariki ya 6 Nyakanga 2003 wo u Rwanda rwatsinzemo Ghana rukabona itike y’igikombe cy’Afurika cya 2004.
Avuga ko uretse kuba ari umukino w’amateka ku banyarwanda, ni umukino w’amateka mu muryango we kuko yawogeje nyuma y’amasaha make amaze kwibaruka imfura ye.
Ati 'Ni igitego ntazibagirwa, ni umukino w’amateka kuko uwo munsi nibwo nari nabyaye umwana wanjye w’imfura, nari nabyaye umwana wanjye w’imfura kuko yavutse nka saa 13:30′ uwo munsi, ninjiye no mu mukino ntinze aho ninjiye bakimpa micro, igitego cya Gatete kiba kigiyemo, ni umukino w’amateka yaba mu rugo mu nzu yanjye yaba no mu banyarwanda.'
Abakinnyi 2 afata nk’ab’ibihe byose kuri we ni Jimmy Gatete ndetse na Karekezi Olivier kuko ari abakinnyi bari bazi icyo bakeneye kandi b’abahanga.
Ati 'ni ikibazo gikomeye ariko kugeza ubu hari Jimmy Gatete, buriya abantu bamubonye akina yari afite impano, buriya Jimmy nta n’ibigango yagiraga (..) ni umuntu wabonaga izamu cyane, impamvu mvuga ko ari mu bakinnyi nemera yaravugaga ngo muzaze ku kibuga ejo ibintu birahari, iyo ubimbwiye gutyo 1,2,3 ibintu bigacamo, ndakwemera.'
'Hari Karekezi Olivier Danger Man, hari CECAFA yabereye mu Rwanda mu 2000 ntazibagirwa, Olivier iyo atagira umuhate yari guhita areka umupira, abafana ba APR FC bamuteye akaruru ariko ntiyacika intege arakora cyane kandi kuva icyo gihe yateye imbere kugeza aho tumwise Danger Man, abo ni abakinnyi iyo babaga bari mu kibuga iyo bafataga icyemezo warakibonaga.'
Akomeza avuga ko hari abakinnyi abona bakizamuka kandi barimo kuzamuka neza baramutse bakomereje mu murongo barimo bazagera kure barimo nka Ruboneka Jean Bosco, abona ko iyo ari mu kibuga uba ubona ari umukinnyi w’umuhanga.
Yizeye ko umunsi umwe azongera kubona abanyarwanda bishimye, bafite ibyishimo nk’ibya 2003 babikesha ikipe y’igihugu.
