Author: webrwanda

Rwayaciwe kuri uyu wa Gatanu mu bugenzuzi buri gukorwa n'Ikigo cy'Igihugu gishinzwe Ubugenzuzi bw'Ubuziranenge, Ihiganwa mu bucuruzi no kurengera Umuguzi (RICA) hagamijwe kureba uko ibiciro by'umuceri byubahirizwa mu makoperative awuhinga no mu nganda ziwutunganya.

RICA ibinyujije kuri Twitter yatangaje ko urwo ruganda rwahanwe kuko rwatwaye umusaruro w'abahinzi nta masezerano rufitanye n'amakoperative yabo ndetse kugeza ubu abahinzi bakaba batarishyurwa amafaranga y'uwo musaruro

Yagize iti 'Uruganda rutunganya umuceri rwa Gikonko rice mu Karere ka Gisagara rwahanishijwe amande ya 2 000 000Frw nyuma y'uko bigaragaye ko rwatwaye umusaruro w'abahinzi nta masezerano rufitanye n'amakoperative yabo ndetse kugeza ubu abahinzi bakaba batarishyurwa amafaranga y'uwo musaruro.'

Ni muri gahunda iri gukorwa n'itsinda ry'abagenzuzi ba RICA aho bari hirya no hino mu turere dutandukanye tw'igihugu bakora ubwo bugenzuzi.

Hashize igihe kitari gito bamwe mu bahinzi b'umuceri bibumbiye mu makoperative, bataka kutishyurwa n'urwo ruganda, aho bagaragazaga ko rubatwarira umusaruro ariko rugatinda kubaha amafaranga ku buryo rimwe na rimwe byabatezaga igihombo no kudahingira igihe.

Urwo ruganda rwasabwe kwihutisha gahunda yo kugirana amasezerano n'amakoperative y'abahinzi no kwishyura umusaruro rumaze gufata.

Mu kurengera umuhinzi w'umuceri, RICA yongeye kwibutsa inganda zitunganya umuceri kugirana amasezerano n'amakoperative y'abahinzi, kuyishyura ku gihe bityo na yo akishyura abahinzi ku gihe.

Uruganda Gikonko Rice rwaciwe amande ya miliyoni 2 Frw

Uruganda Uruganda Gikonko Rice rwasabwe kunoza imikorere

[email protected]

Umuyobozi w'Akarere ka Huye, Sebutege Ange, mu kiganiro yagiranye n'abanyamakuru kuri uyu wa Gatanu tariki ya 14 Mutarama 2022, yatangaje ko hatangiye gahunda yihariye yitwa 'Back to School' yo kubarura abana bataye ishuri no kubashakisha kugira ngo hasuzumwe ibyabateye kurivamo bikemurwe basubire kwiga.

Ati 'Igihembwe cya mbere gisozwa hari abana basaga 300 bagaragaye mu cyiciro cy'amashuri yisumbuye n'abana basaga 600 mu cyiciro cy'amashuri abanza bavuye mu ishuri. Bagaragaye muri gahunda y'ubukangurambaga twatangiye yo gusubiza abana mu ishuri.'

Yakomeje avuga ko ahanini abana bavuye mu ishuri kubera ingaruka zishingiye ku cyorezo cya Covid-19.

Ati 'Icyo dukora ni ugushaka ikibazo cyatumye umwana ava mu ishuri kugira ngo tumenye uko tugikemura. Hari ababuze amakaye, amafaranga yo kujya ku ishuri n'ibindi.'

Sebutege yavuze ko hari n'abana batsindira kujya kwiga mu bigo by'amashuri bibacumbikira, ababyeyi babo bakabura ubushobozi ariko icyo gihe babagira inama yo ku bajyana mu mashuri y'uburezi bw'ibanze bw'imyaka 12 kuko nayo ari meza kandi yigisha neza.

Yatanze urugero ku Rwunge rw'Amashuri rwa Mpaza mu Murenge wa Kinazi, avuga ko ruri mu mashuri yatsinze neza mu Karere ka Huye, bityo ko ababyeyi bakwiye guhindura imyumvire ku mashuri y'uburezi bw'ibanze bw'imyaka 12.

Ati 'Ni ishuri riri mu mashuri yatsinze neza mu Karere ka Huye kurusha n'amwe mu mashuri acumbikira abana. Ni ngombwa ko ababyeyi bumva ko nta mwana ukwiye kuva mu ishuri, icyo duhora tubabwira ni uko uwagira ikibazo wese yagana ubuyobozi kigakemurwa.'

Umwe mu bangavu watewe inda imburagihe wo mu Murenge wa Tumba aherutse kugana ubuyobozi bw'Akarere ka Huye asaba ko yafashwa gusubira mu ishuri kuko umuryango we wamutereranye.

By'umwihariko mu bangavu bari munsi y'imyaka 18 bagera kuri 71 batewe inda imburagihe bava mu ishuri, abagera kuri 54 bagiye gusubira kwiga.

Abana basaga 900 bo mu Karere ka Huye bavuye mu ishuri

Umuyobozi w'Akarere ka Huye, Sebutege Ange, mu kiganiro yagiranye n'abanyamakuru kuri uyu wa Gatanu, yatangaje ko hatangiye gahunda yihariye yo gusubiza abana mu ishuri

[email protected]

Ubu Buyobozi Bukuru bw'Ubuzima (HAS) buvuga ko uru rukingo rushyashya hamwe na Janseen isanzwe ihabwa abarengeje imyaka 55, ari inkingo z'ingirakamaro zizunganirana.

N'ubwo mu Bufaransa habarirwaga inkingo enye, izitangwayo ni Pfizer na Moderna. Urukingo rwa AstraZeneca n'urwa Janseen zoherejwe mu bihugu bikennye binyuze muri gahunda mpuzamahanga ya Covax.

Uru rukingo rushya rwemewe mu Bufaransa, ruzatangira gutangwa mu ntangiriro z'ukwezi kwa Gashyantare nk'uko byatangajwe na Minisiteri y'Ubuzima mu cyumweru gishize, mu gihe yari itegereje ko Ubuyobozi Bukuru bw'Ubuzima bubyemeza.

Abantu bakunda umuziki cyane, yaba kuwumva no kuwureba mu bitaramo no mu mashusho y'indirimbo. Abanyamuziki rero iyo bashaka bawukora neza bita no ku mashusho bakora kugira ngo barusheho gushimisha abakunzi babo.

Kugira amashusho meza bivuze kuyitaho bijyanisha nuko indirimbo iteguye mu mbyino, ahantu harimbishirijwe ayo mashusho, ubusitani bw'agatangaza n'abakobwa b'uburanga butangaje bifashishwa muriyo.

INYARWANDA yabateguriye urutonde rw'abakobwa bakomeje guca ibintu mu mashusho y'indirimbo mu karere ka Afurika y’Uburasirazuba kubera ubwiza n'impano zabo.

1.Amanda SwartbooiNi umwe mu bakobwa bateye neza, yagiye agaragara mu mashusho y'indirimbo z'abahanzi bakomeye muri Afurika zirimo Show Me ya Harmonize na Rich Mavoko, Coolest Kids in Africa ya Davido na Nasty C n'izindi.

2.Hellen LukomaNi umugandekazi w'icyamamare kubera kugaragara mu ndirimbo z'abahanzi bakomeye muri iki gihugu barimo Bobi Wine na Teeba kimwe na Dj Slick Roja.

3.Hamisa MobetoNi we mukobwa ugaragara mu mashusho y'indirimbo ya Diamond Platnumz na Rayvanny yitwa Salome, uburanga bwe ni ntagereranywa, uretse kugaragara mu mashusho y'iyi ndirimbo ni n’umwe mu banyamideli batunze agatubutse wabyaranye n’abarimo Diamond, akaba amaze iminsi avugwa mu Rukundo na Rick Ross.

4.Nelly KamweluYagiye agaragara mu mashusho y'indirimbo zinyuranye, anaherutse kwifashishwa mu ya The Ben na Diamond Platnumz nyuma yuko yari yaragaragaye no mu ya Tom Close.

Uburanga bwe buhogoza benshi dore ko yagiye yibikaho amakamba anyuranye mu marushanwa y'ubwiza by'umwihariko mu mwaka wa 2011.

5.Nanah

Ni umwe mu bamikazi b'ubwiza wifashishijwe mu mashusho y'indirimbo 'I love you' ya Rayvanny, mu maso he n'amaso meza biri mu binyura benshi, akomoka mu gihugu cya Tanzania.

6.Fatma BanjUmunyakenyakazi uzwi mu mashusho y'indirimbo z'abahanzi bakomeye barimo Nyanshiski, Kristoof, Timmy T Dat, Darass n'abandi. Fatma ubusanzwe ni umushabitsi mu bijyanye n'imideli kandi w'umuhanga mu bijyanye n'imbuga nkoranyambaga na we akomeza kuryohereza benshi bamubona mu mashusho y'indirimbo.

7.Tunda SebastianTunda  ni undi munya Tanzania nawe uri mu b'imbere mu kwifashishwa mu mashusho y'indirimbo nyinshi zirimo n’iza Diamond Platnumz, yamamaye n’ubundi cyane kubera bigeze no kuvugwa mu rukundo.

8.Vera SidikaUmunyakenyakazi na none wamamaye ubwo yifashishwaga mu mashusho y'indirimbo yitwa 'You guy' ya P.Unit, na we ni undi mu Video Vixen ukomeye mu karere, yagiye kandi akomeza kugaragara mu ndirimbo zirimo iza Otile Brown, Brown Mauzo n'abandi.

9.BreezieNi umwe mu bakobwa bakomeye muri Gengetone Boondopcks gangs, uyu mukobwa w'ikimero gitangaje, w'imibiri yombi n'imiterere ikurura benshi ari mu bakomeje guca ibintu mu mashusho y'indirimbo.

10.BeckyNi umwe mu banyamuryango Ochungulo Music Band, akaba akunze kwifashishwa mu mashusho. Imiterere ye iri mu bituma arushaho gukundwa kimwe n'inseko izonga imitima y’abatari bacye.

11.Laura Wangui

Ni umushabitsi ariko unifashishwa mu ndirimbo zitandukanye, ari mu bagize Boondocks Gang muri Kenya akaba kandi n'umukunzi wa X-Ray, ubwiza bwe butuma yishimirwa cyane.

12.Amber Lulu

Ni umwe mu bagaragara mu ndirimbo nyinshi zo mu njyana ya Bongo harimo n’iya Harmonize yakoranye na Roma Mkatoliki.

13.Amina Maru

Uburanga bwa Amina buratangaje! Bityo bituma ari mu bigaruriye isoko ryo kujya mu ndirimbo nyinshi zitandukanye mu gihugu cya Kenya zirimo nka Nishike ya Sauti Sol. 

14.Maggie VampireAkomoka muri Tanzania, agenda agaragara mu ndirimbo zinyuranye zo mu njyana ya Bongo, akaba kandi azwiho kumenya by’agahebuzo uburyo bwo kwitwaramo buboneye mu mashusho y'indirimbo.

15.Zuhura Gora

Nawe ni umunyatanzaniyakazi wamamaye mu ndirimbo zinyuranye, uko yigaragaje bikaba byaramukururiye igikundiro.

16.Mimi MehfiraUmunya Ethiopia wegukanye umuhanzi uri mu b’imbere mu Rwanda, Meddy nyuma yuko bakoranye amwifashishije mu ndirimbo Ntawamusimbura bakaza no kujya mu munyenga w'urukundo wanavuyemo kubana akaramata.

Na nyuma yaje kumwifashisha mu ndirimbo zirimo 'My Vow' na 'Queen of Sheba' zikomeje kuza imbere mu zikunzwe.

17.Jacqueline WolperUmukinnyi wa filimi n'umunyamideli wagiye yifashishwa no mu mashusho y'indirimbo zinyuranye, yamamaye kandi mu rukundo na Harmonize mu mwaka wa 2016 baje gutandukana mu 2017, uyu mukobwa yanavuzwe kandi mu rukundo na Diamond Planumz.

18.Miss CadetteYifashishijwe mu ndirimbo zitandukanye ziganjemo iza Confy, anagaragara mu ya Jules Sentore yitwa Agafoto anaherutse kugaragara mu y’umuraperi K8 Kavuyo yise ‘Njonogo’. Ni umwe mu bakobwa bitabiriye banagera kure mu irushanwa ry’ubwiza rya Nyampinga w’u Rwanda ‘Miss Rwanda’ mu mwaka wa 2019.

19.DinahYatangiye agaragara mu ndirimbo ya Davis D yitwa Ifarasi, ari mu bakomeje kwifashishwa ku bwinshi mu ndirimbo zinyuranye zirimo Ubunyunyusi, Amabara, Slow Wine, Akaninja, Forget n'izindi. Imiterere ye, ubwiza  n'uburyo yirekura mu mashusho bikaba biri mu bituma akomeza kugirirwa icyizere.

20.Nancy Carina

Ni umunyarwandakazi ugaragara mu mashusho y'indirimbo zinyuranye zirimo nizikomeje guca ibintu, nka ‘Amahano’ ya B-Nadal, Bull Dogg na B-Threy kimwe no mu zindi zinyuranye zirimo n’iyitwa 'Kamwe' iri mu zikunzwe.

Rugende FC ibarizwa mu Karere ka Gasabo, yamanitse ibiganza yemera ko itazakomeza gukina shampiyona kubera ko amikoro ari macye. Rugende FC iyi shampiyona yatangiye igenza akaguru kamwe dore ko yari yaragurishije abakinnyi bayo benshi mu cyiciro cya mbere mu makipe nka Etoile de L’Est na Gicumbi FC.

Mu mpera z’umwaka wa 2021 iyi kipe yari yarasezeye muri shampiyona ariko iza kugaruka kubera ko yabonaga bigishoboka ko yakomeza shampiyona mu gihe yaba isubukuwe. Impamvu yari yateye Rugende FC gusezera, ni abakinnyi bayo batari bafite inkingo kandi shampiyona ikinwa n’abakinnyi bakingiye.

Shampiyona y’icyiciro cya kabiri irasubukurwa hanikwa umunsi wa 10 aho Rugende FC yagombaga gukina na Rwamagana City. Rugende FC Kandi yari ifite umukino w’ikirarane na Nyanza FC wagombaga kuba tariki ya 02 Gashyantare uyu mwaka, ukabera ku kibuga cya Rugende.

Amakuru ava muri iyi kipe avuga ko ubwo imikino yasubukurwaga bakoresheje inama bafata umwanzuro wo kwikura muri shampiyona kubera ubushobozi budahagije.

Itegeko rivuga ko iyo ikipe yikuye muri shampiyona itarangiye, iyo ishatse kugaruka ihera mu byiciro byo hasi, ariko mu Rwanda nta kindi cyiciro kiba munsi y’icya kabiri. 

Email FERWAFA yandikiye amakipe y’ikiciro cya kabiri

Tariki ya 08 Mutarama,  Kayitankore Ndjoli umunyarwenya wamamaye nka Kanyombya yashyize hanze agace gato k’iyi filime y’uruhererekane yiswe “SAGATWA Series “igomba kuzajya hanze tariki ya 20 Mutarama 2022.

Iyi filime irimo inyigisho zikomeye zizafasha abashatse abagore benshi

Iyi filime izajya inyuzwa kuri shene ya Youtube yitwa KANYOMBYA LIVE ari naho aka gace gato k’integuza kagaragara. Mu kiganiro cyihariye Inyarwanda.com yagiranye na Kanyombya yasobanuye byinshi kuri iyi filime izaba ari uruhererekane n’intego yayo.

Ahereye ku ntego yayo, yagize ati”Ni umugabo warongoye abagore benshi wayobewe ukuntu abajera bose agakora ubukwe nabo umunsi umwe. inyigisho irimo n’uko hari abagira nk’abagore batanu, urabizi ko abasiramu babagira, kugirango uzabajere biba bikomeye ugomba rero kuba uri hafi yabo ukagenda buhoro ntakwigira muremure”.

Yakomeje agira ati”Igihe wigize muremure n’abo bafata izindi ngamba, umwe akaba yavuga ati ‘nakomeza ibi ngibi tuzamwica tumubure twese, undi akavuga ati ‘uwajya kuraguza nkareba ko yarara kabiri iwanjye”. Yakomeje agaragaza ko mu by’ukuri ikubiyemo inyigisho zafasha abashatse abagore benshi kandi barahari ku buryo hari abo izagirira akamaro. 

Ikinnye mu rwenya rwinshi kuko n’ubusanzwe uyu mugabo asanzwe yihariye mu gukora ibisetsa rubanda. Kanyombya yavuze ko iyi filime atari iye gusa ahubwo ayifatanyije n’abandi barimo Aime uzagaragara akina yitwa Mwiza, Falwa uzagaragara akina yitwa Amina, aba akaba aribo bahuriye ku mushinga w’iyi filime.

Gusa hazagaragaramo n’abandi bakinnyi basanzwe bakina filime z’urwenya nka Prof.Mbata n’abandi. Muri aka gace gato kari hanze, kanyombya uba warashatse abagore babiri ahitamo ko bose asezerana nabo umunsi umwe bikarangira ubukwe butabaye kuko hari aho bagera bagakora impanuka.

REBA HANO AGACE GATO KAYO

Rhophi Ramathuba, yavuze aya magambo ku wa gatatu ubwo yari yasuye ishuri ryisumbuye ryo muri Gwenane riri mu gace ka Sekgakgapeng, ubwo hari ku munsi wa mbere w'itangira ry'amashuri. Minisitiri w'ubuzima w'intara ya Limpopo, yabwiye abanyeshuri ati:

'Ku mwana w'umukobwa uri hano ndagira ngo nkubwire nti ‘Fungura ibitabo byawe, ubundi ufunge amaguru yawe. Wifungura amaguru yawe, fungura ibitabo byawe. Murakoze cyane'.

Uyu mudamu utarakiriwe neza na gato, yongeyeho ko abakobwa barimo gushukwa n'abagabo bakuru bifashishije imisatsi ihenze y'imiterano ndetse n'amatelefone agezweho. Nyuma yo kuvuga aya magambo ye, byamuteye kugawa cyane nyuma y'uko videwo y'ijambo rye ishyizwe ku mbuga nkoranyambaga zitandukanye muri iki gihugu.

Ikinyamakuru BBC dukesha iyi nkuru gitangaza ko umwe mu bakoresha imbuga nkoranyambaga yanditse ati 'Ubu si uburyo buboneye bwo kuganiriza abana ku ihohoterwa, ku mibonano mpuzabitsina no ku kwifatira icyemezo ku kuyikora'.

Umwe mu batavuga rumwe n'ubutegetsi witwa Siviwe Gwarube yavuze ko ayo magambo 'ateje ikibazo gikomeye'. Mu butumwa bwo kuri Twitter, yagize ati 'Aka kari akanya ko kugirana ikiganiro gifatika n'aba banyeshuri ku kwifatira icyemezo ku gukora imibonano… None uregeka ikibazo ku bahohoterwa. Ugashyira igitutu kitari ngombwa ku bakobwa?'.Madamu Ramathuba yabwiye urubuga rwa TimesLive rwo muri Afrika y'Epfo ko amagambo ye yakuwe mu mvugo (context) yayo, kandi ko yayabwiraga n'abahungu atari abakobwa gusa yavugaga

Mu magambo ye Phophi yagize ati 'Nasabye abahungu kwibanda ku masomo yabo no kutaryamana n'abakobwa'.Yongeyeho ko abaturage ashinzwe mu ntara ya Limpopo bakiriye neza ubutumwa bwe. Ati 'Barimo banavuga ko bo batinya kuvuga ibi bintu kandi banshimiye kubera ko navuze ibintu uko biri nta guca ku ruhande'.

Imibare ya leta igaragaza ko abakobwa hafi 33,400 bafite munsi y'imyaka 17 babyaye muri Afurika y'Epfo mu mwaka wa 2020, mu gihe mu 2013, hafi 100,000 by'abangavu batewe inda muri Afurika y'Epfo nk'uko bitangazwa na Anne Soy.