Author: webrwanda

Leta ya Ethiopia irasaba ishami mpuzamahanga ry'Umuryango w'Abibumbye ryita ku buzima ku isi-OMS/WHO, gukora iperereza ku mukuru waryo ku byo imushinja ko atanga 'amakuru y'ibinyoma' kandi ko afite 'imyifatire mibi' ku bijyanye n'ibibazo biri muri icyo gihugu.

Leta ivuga iti: 'Arisuka mu bibazo bwite bya Ethiopia, harimo n'ibijyanye n'imibanire yayo na Eritrea'. Imenyesha kandi ko uyu munya-Ethiopia, Dr Tedros Adhanom Ghebreyesus ashobora guteza urubwa iri shyirahamwe ryita ku buzima ku Isi.

Muri iki cyumweru nkuko BBC ibitangaza, Dr Tedros yavuze ko imibereho y'abantu mu ntara ya Tigray yazahajwe n'intambara ari 'umuriro utazima' anashinja Leta ko yafunze amayira y' imfashanyo z'imiti kwinjira muri iyo ntara.

Ni mu gihe Leta yo ishinja abayirwanya muri ako karere, inyeshyamba za Tigray, ko ari bo batuma imfashanyo zitabasha kujyanwa. Muri iyo ntambara imaze umwaka urenga, impande zombi zishinjanya gutera cyangwa kunyegeza imfashanyo ziba zoherejwe muri iyo ntara.

Si bwo bwa mbere Addis Ababa (umurwa mukuru wa Ethiopia), igaragaza ukutishimira uyu mukuru wa OMS muri iyi ntambara ihuza Leta ya Ethiopia n'inyeshyamba za Tigray.

Haciye iminsi mike iyi ntambara yadutse mu kwezi kwa cumi na kumwe 2020, umukuru w'ingabo za Ethiopia yashinje Dr Tedros ko yafashije inyeshyamba za Tigray kubona ibirwanisho, ibyo yahakanye yivuye inyuma.

Dr Tedros Adhanom Ghebreyesus, ni umunya-Tigray mbere yabaye Minisitiri w'Ubuzima muri Leta ya Ethiopia yariho mbere y'ihari uyu munsi, yari iyobowe n'umugambwe/ishyaka TPLF.

intyoza

Source : https://www.intyoza.com/leta-ya-ethiopia-yasabye-ko-oms-who-ikora-iperereza-kuri-dr-tedros-uyiyobora/

UMUHESHA W'INKIKO W'UMWUGA ARAMENYESHA ABANTU BOSE KO AZATEZA MURI CYAMUNARA UMUTUNGO UTIMUKANWA UGIZWE N'INZU IRI MUBUTAKA BUFITE UPI:2/08/12/05/736 IHEREREYE KAMONYI-RUYENZI-RUNDA-RUYENZIRUGAZI.

PINGANWA MUBURYO BW'IKORANABUHANGA RIZATANGIR TARIKI YA 14/01/2022 SAA MBIRI ZA MUGITONDO(8H00) KUGEZA TARIKI YA 21/01/2021 SAA MBIRI ZA MUGITONDO (8H00).

UWIFUZA IBINDI BISOBANURO YASOMA ITANGAZO RIRI HANO HASI CYANGWA SE AGAHAMAGARA KURI:0785345782.

Source : https://umuryango.rw/amatangazo/article/itangazo-rya-cyamunara-y-umutungo-utimukanwa-ugizwe-n-inzu-iherereye-kamonyi-60501

Source : https://www.kigalitoday.com/ubuzima/indwara/article/covid19-abantu-bane-bitabye-imana-abanduye-babonetse-ni-533

Kuri uyu wa gatanu, tariki ya 14 Mutarama 2022 nibwo ubuyobozi bw'ikipe ya Rayon Sports bwatangaje ko bwagiranye ubufatanye n'ubuyobozi bw'akarere ka Nyanza ko mu ntara y'Amajyepfo, ni amasezerano y'ubufatanye azamara imyaka ine.

Binyuze ku rubuga rwa Twitter, ikipe ya Rayon Sports yagize iti 'Twishimiye kubamenyesha ko twasinyanye amasezerano y'ubufatanye azamara imyaka 4 n'Akarere ka Nyanza.'

Iyi kipe yavuze ko hari ingengo y'imari itatangajwe izajya ihabwa Rayon Sports ivuye mu karere ka Nyanza, bagize bati 'Kazajya kagena ingengo y'imari izahabwa ikipe mu gihe ikipe n'abakunzi bayo bazajya bafasha akarere mu bukangurambaga no kukamenyekanisha.'

Ubufatanye bwa Rayon Sports ndetse n'akarere ka Nyanza, si ubwa none kuko amateka avuga ko iyi kipe ifite inkomoko mu muri aka karere ndetse kandi mu myaka ishize Rayon Sports izwi nka Gikundiro yigeze no gusubira muri ako karere, nyuma yo gusuburiyo iyi kipe yanegukanye igikombe cya Shampiyona.

Gikundiro igiranye amasezerano y'ubufatanye n'akarere ka Nyanza yitegura gusubukura shampiyona y'u Rwanda ikomeza kuri uyu wa gatandatu aho iri bwakire ikipe ya Musanze FC yo mu ntara y'Amajyaruguru.

Ni umukino ubera kuri Sitade ya Kigali i Nyamirambo guhera ku isaha ya Saa cyenda zuzuye nyuma y'umukino uhuza AS Kigali ndetse na Rutsiro FC.

The post Ikipe ya Rayon Sports yasinyanye amasezerano y'ubufatanye n'akarere ka Nyanza azamara igihe cy'imyaka 4 appeared first on RUSHYASHYA.

Source : https://rushyashya.net/ikipe-ya-rayon-sports-yasinyanye-amasezerano-yubufatanye-nakarere-ka-nyanza-azamara-igihe-cyimyaka-4/?utm_source=rss&utm_medium=rss&utm_campaign=ikipe-ya-rayon-sports-yasinyanye-amasezerano-yubufatanye-nakarere-ka-nyanza-azamara-igihe-cyimyaka-4

Source : https://www.kigalitoday.com/umutekano/hanze-y-igihugu/article/minisitiri-biruta-yasuye-ingabo-z-u-rwanda-ziri-muri-santarafurika-azishyiriye-ubutumwa-bwa-perezida-kagame

Source : https://www.kigalitoday.com/imikino-11/football/article/musanze-fc-imaze-imyaka-itanu-idatsinda-rayon-sports-icyo-imibare-ivuga

Aba bahanga mu by'ubuvuzi bagira inama Leta ku birebana na Covid-19, barakariye Leta kubera ko idakurikiza ibyifuzo n'inama baba bayihaye.

Bimwe mu byo bashinja Leta ya Pologne ni uko idashyiramo imbaraga mu gushishikariza abaturage kwikingiza, ndetse byaba na ngombwa ikanabigira itegeko mu rwego rwo kurengera ubuzima bw'abaturage.

Nko mu Mpeshyi y'umwaka ushize, basabye Leta gukingira abantu bose bari mu nzego z'ubuvuzi ndetse n'abaganga bose ariko ntiyabikora. Amakuru ahari ni uko ngo bizatangira gukorwa muri Werurwe uyu mwaka.

Banashinja Leta kandi kureberera abantu bahakana ko Covid-19 ihari, abatemera inkingo ndetse n'abazipfobya.

Ibi babivuga bagendeye ku kuba mu minsi ishize barasabye Leta ko umwe mu bayobozi bakuru bashinzwe Uburezi yakwegura ariko Leta ntibikore. Basabye ko yegura bitewe no kuba yaratinyutse kuvugira kuri Radio ko atemera inkingo, anahamiriza kuri Radio ko 'inkingo zikiri mu igeragezwa kandi ko zifite n'ingaruka nyinshi zitazwi'.

Bashinja Leta ko idashyiraho ingamba zihamye zo kurwanya Covid-19, ndetse n'izo bashyizeho bakavuga ko batazikurikiza kuko babaye bazikurikiza zakabaye zitanga umusaruro.

Ibi babivuga bagendeye ku kuba kuri ubu iki gihugu kiri mu bihugu bya mbere ku isi bifite umubare munini w'abamaze guhitanwa na Covid-19, bagendeye ku mubare w'abatuye igihugu. Abaturage bamaze kwikingiza muri Pologne babarirwa gusa muri 57% by'abatuye iki gihugu bose, mu gihe abamaze kwicwa nayo bamaze kurenga 100,000. 

Omicron ikigera mu gihugu, Inama y'Ubuzima yahise isaba Leta ko hakwirakwizwa byihutirwa inkingo cyane cyane mu barengeje imyaka 60.

Ni mu gihe Minisiteri y'Ubuzima muri Pologne yatanze impuruza ku yindi nkubiri y'ubwandu bwa Omicron muri uku kwezi, kandi abagera ku 10%  bamaze kuyandura.

Mu minsi mike ishize, abaturage bo mu gihugu cya Pologne bunamiye abavandimwe n'inshuti bazize Covid-19 kuva iki cyorezo cyagera muri kiriya gihugu kiri ku mugabane w'Uburayi.

Iyi Nama y'Ubuvuzi kuri Covid-19, yashyizweho na Minisitiri w'Intebe mu mwaka wa 2020. Mu bantu 17 [harimo abahanga (scientifiques) mu by'ubuvuzi n'abaganga] bari bagize iyi Nama, 13 bose bamaze kwegura nk'uko babitangaje kuri uyu wa gatanu.

Source: RFI (Radio France Internationale: www.rfi.fr )

Source : https://inyarwanda.com/inkuru/113506/pologne-abagize-inama-yubuvuzi-kuri-covid-19-hafi-ya-bose-beguye-113506.html

Urwego rw'Igihugu rw'Ubugenzacyaha, RIB, rwataye muri yombi abakozi umunani bo kwa muganga bakurikiranyweho ibyaha bitandukanye bifitanye isano no kunyereza inkingo za COVID-19.

Aba bakozi bafunzwe ku wa 4-8 Mutarama 2022, bakurikiranyweho ibyaha byo gukoresha nabi umutungo ufitiye rubanda akamaro no kunyereza umutungo.

Bamwe muri bo bakorera ibigo Nderabuzima bya Kinunu, Nyabirasi na Biruyi byo mu Karere Ka Rutsiro mu gihe abandi bakorera mu Bitaro bya Nyanza na HP Gatagara.

Mu bafashwe harimo ushinzwe Farumasi n'Ibikorwa byo gukingira n'ushinzwe kubika inkingo mu Kigo Nderabuzima cya Kinunu mu Rutsiro.

Umuvugizi wa RIB, Dr Murangira B. Thierry, yabwiye IGIHE dukesha iyi nkuru ko dosiye zamaze gukorwa zikaba zaroherejwe mu Bushinjacyaha.

Yagize ati 'Aba bakozi ntibabasha gusobanura aho uducupa 30 tw'inkingo zo mu bwoko bwa AstraZeneca zagombaga kuzakingira abantu 300 zagiye.''

Abandi bakurikiranywe muri iyi dosiye, barimo Umukuru w'Ikigo Nderabuzima cya Nyabirasi mu Karere ka Rutsiro ndetse n'ushinzwe Ububiko.

Dr Murangira yasobanuye ko aba bakozi na bo badasobanura irengero ry'uducupa 45 tw'inkingo zo mu bwoko bwa Moderna twagombaga gukingira abantu 675 kuko agacupa kamwe k'urukingo gakingira 15.

Iperereza ry'ibanze rya RIB rigaragaza ko aba bantu iyo bajyaga kuri site zitandukanye gukingira abantu, batitaga ku mabwiriza agenga inkingo. Bafunguraga inkingo batabanje kureba niba umubare w'abantu wagenewe kuri buri gacupa k'urukingo wuzuye. Ibi bikaba byateye inkingo zimwe kwangirika.

Ubusanzwe agacupa ka AstraZeneca kamwe gakingira abantu 10 mu gihe aka Moderna kamwe gakingira abantu 15. Iyo kafunguwe, nibura aka Moderna kamara amasaha atandatu mu gihe aka AstraZeneca ari 12.

Dr Murangira yakomeje avuga ko iperereza ryerekana ko iyo hazaga abantu barindwi bapfunduraga agacupa, hatagira ababoneka nyuma y'amasaha atandatu, ako bakakajugunya, haza abandi bagapfundura akandi, gutyo gutyo.

Ati 'Ayo mabwiriza ntibayitagaho, ni byo byateye ibyo bibazo byo kwangirika kw'inkingo. Ibi bikorwa rero bigize ibyaha byo gukoresha nabi umutungo ufitiye rubanda akamaro.''

RIB kandi yanataye muri yombi Umuyobozi ushinzwe Laboratwari mu Kigo Nderabuzima cya Biruyi mu Rutsiro ukekwaho kunyereza umutungo. Uyu yafatanywe n'abandi bantu batatu bakekwaho ubufatanyacyaha ku cyaha cyo kunyereza umutungo ufitiye rubanda akamaro.

Aba bane bakekwaho kugurisha udukoresho twifashishwa mu gupima COVID-19 (Covid-19 rapid test kits) tugizwe n'udukarito tune aho mu gakarito kamwe haba harimo utugera kuri 25.

Ibikorwa byo kugurisha 'Covid-19 rapid test kits' byagaragaye no mu Karere ka Nyanza, ahafashwe abakozi batatu barimo ushinzwe kugenzura Ububiko bw'Imiti, ushinzwe Laboratwari n'ushinzwe Kwishyuza recouvrement muri HP Gatagara.

Aba bakuye ibikoresho byo gupima Covid-19 (test kits) 1750 mu Bitaro Bikuru bya Huye [CHUB] ntibabigeza mu bubiko bw'Ibitaro bya Nyanza. Ni ibikoresho bifite agaciro ka 6.125.000 Frw.

Dr Murangira yibukije ko ibitaro bya Leta bikwiye gukora isuzuma ryimbitse ndetse aho bisanze ikibazo bikitabaza Ubugenzacyaha.

Ati 'Kunyereza umutungo, gukoresha nabi umutungo ufitiye rubanda akamaro ni ibyaha bikwiriye kwirindwa. RIB ntizihanganira umuntu wese uzafatirwa muri ibi byaha. Abantu bakwiye kubyirinda kuko bifitanye isano na ruswa kandi bihanishwa ibihano biremereye.”

“RIB irasaba abantu gutunga agatoki ahari ibikorwa nk'ibi n'abashinzwe gucunga umutungo ufitiye rubanda akamaro bakigengesera cyane. Iperereza rizakomereza no mu bindi bigo nderabuzima nde n'ibitaro. Birashoboka cyane ko hashobora kuba n'ahandi ibyo bibazo bihari”.

Dosiye z'abakekwa zose zoherejwe mu Bushinjacyaha ku wa 10 na 12 Mutarama 2022. Nizimara gusuzumwa zizaregerwa urukiko.

Dr Murangira yavuze ko RIB igikomeje iperereza rigamije gukurikirana abakekwaho kugira uruhare mu kunyereza no gukoresha nabi umutungo ufitiye inyungu abaturage.

Icyaha cyo kunyereza umutungo gihanishwa igifungo kitari munsi y'imyaka irindwi ariko kitarenze 10 n'amafaranga y'u Rwanda yikubye inshuro kuva kuri eshatu kugeza kuri eshanu z'agaciro k'umutungo yanyereje.

Ku rundi ruhande, icyaha cyo gukoresha nabi umutungo gihanishwa igihano cy'igifungo kiri hagati y'imyaka itanu ariko kitarenze imyaka irindwi n'amafaranga y'u Rwanda atari munsi ya miliyoni 3 Frw ariko kitarenze miliyoni 5 Frw.

Inkuru ya IGIHE

Source : https://umuryango.rw/amakuru/mu-rwanda/umutekano/article/abakozi-8-bo-kwa-muganga-bakurikiranyweho-kunyereza-inkingo-n-udukoresho-dupima

Ku munsi w’ejo nibwo haje inkuru isi n’itunguranye ko abakinnyi ba Raja Casablanca batije Rayon Sports, Ayoub Ait Lahssaine na Rharb Youssef iyi kipe yafashe umwanzuro wo kubarekura, ni nyuma y’ibyo bari bamaze gutangariza itangazamakuru ry’iwabo ko mu Rwanda babayeho nabi, barya indyo imwe ndetse bamaze amezi 2 badahembwa.

Aba bakinnyi bageze mu Rwanda muri Nzeri 2021, ni nyuma y’amasezerano y’ubufatanye Rayon Sports yasinyanye na Raja Casablanca tariki ya 19 Nyakanga 2021.

Ikinyamakuru Sports1.ma cy’iwabo muri Maroc cyatangaje ko aba bakinnyi bagitangarije ko mu Rwanda babayeho nabi kuva bahagera bameze nk’abari muri gereza, barya indyo imwe idahinduka, nta muntu ubakurikirana ndetse ko bamaze amezi abiri nta mushahara.

Nyuma y’amasaha make Rayon Sports nayo yasohoye itangazo rivuga ko aba bakinnyi bamaze gusubizwa ikipe yabo ya Raja Casablanca.

Ibi byatumye umunyamakuru wa ISIMBI afata umwanya ngo atemberere aho aba bakinnyi bacumbitse mu rwego rwo kureba ko yahakura amakuru y’impamo ku mibereho y’aba bakinnyi bari bamaze amezi 4.

Hari mu mugoroba w’akabwibwi, ubwo yageraga aho aba bakinnyi bacumbitse mu Mujyi wa Kigali hafi ya Rond Point yo mu Mujyi ku muhanda umanuka ujya Muhima, ni nyuma y’inyubako ya Fantastic nshya.

Byari bigoranye ko uyu munyamakuru yabonana n’aba bakinnyi kuko bari hejuru mu byumba byabo aho baba kandi utajyayo nta ruhushya ufite, gusa barimo kuko itara ryo mu cyumba cyabo ryari ricanye.

Amahirwe yari asigaye ni ugushakishiriza amakuru mu bahakora, ku bw’amahirwe igikoni cyari kikinafunguye.

Ku kijyanye n’ibyo kurya aba basore bavuga ko barya indyo imwe gusa, bisa n’aho ari ikinyoma cyambaye ubusa kuko ubwo uyu munyamakuru yari agishakisha aho kwicara, yagiye kumva yumva umwe aravuze ngo 'reba muri frigo ya ba basore ba Rayon Sports mubategurire amasaha yagiye.'
Byatumye agira amatsiko abaza umwe niba abo bakinnyi bagira ibiryo byabo byihariye, avuga ko ariko bimeze kuko bitewe n’akazi bakora hari ibyo baba bagomba gutegurirwa bitandukanye kandi ngo ntibarya indyo imwe, baba bagomba guhindurirwa.

Ibyo kuba baba bameze nk’ababa muri gereza, amakuru yahakuye ni uko aba bakinnyi iyo bumvaga bashaka gutembera babahaga umuntu ubaherekeza ndetse aha baba hari n’igihe babahaga n’imodoka ibatembereza.

Ubwo uyu munyamakuru yari ahagurutse asa nusohotse arimo yinanura, yarubutswe ahantu bafurira harimo imyenda myinshi, yamenye ko kuhasura nta kibazo maze asaba umwe mu bakozi niba yamureka akinjira akareba, yamubwiye ko nta kibazo ndetse aranumutembereza, harimo ibyuma byinshi bigezweho byifashishwa mu gufura, ibitera ipasi n’ibindi, yaje kurabukwa imwe mu myenda y’aba bakinnyi, uyu musore yavuze ko nta kintu na kimwe bajya bikorera no kubafurira babafurira rwose.

Ikindi ni uko ari abakinnyi banahawe umuyoboro wabo wa murandasi (internet), ni mu gihe aha hari izi nzu zo kubamo (apartments) basanzwe bafite Wifi abakiriya bakoresha.

Ibyo byose bakorerwaga akaba ari Rayon Sports yabyishyuraga, bikaza byiyongera ku mushahara bahembwa na wo uri hejuru ya miliyoni y’amafaranga y’u Rwanda.

Byagenze bite ngo aba bakinnyi basubizwe Raja Casablanca?

Kugeza ubu haravugwa byinshi harimo kuba ari uko aba bakinnyi bakumbuye iwabo bagashaka kuba bajya iwabo gusura ababyeyi, ndetse amakuru avuga ko ubwo APR FC yajyaga gukina na RS Berkane muri CAF Confederation Cup bari begereye umutoza Adil bamusaba ko yabafasha bakajya gusura iwabo bakagarukana ariko birangira bidakunze kuko ubuyobozi bwa APR FC butabyemeye.

Ni mu gihe andi makuru aturuka mu Nzove aho bakorera imyitozo, aba basore bari bamaze iminsi bakorogana cyane, ahanini bitewe na Ayoub utabona umwanya wo gukina.

Kudakina kwe byatewe n’imvune za hato na hato yagiye agira kuva yagera mu Rwanda ndetse hakiyongeraho no kuba urwego rwe rutarashimwe n’abatoza.

Ayoub bivugwa ko kuba yaravunitse yajya kwa muganga bakabura ikibazo, ni mu gihe n’iyo yabaga ari muzima atahabwaga umwanya wo gukina, byatumye atagira kugumura na mugenzi we Youssef. Ayoub ngo avuga ko abatoza bamwanga ari yo mpamvu adakinishwa.

Youssef na Ayoub bamaze gutandukana na Rayon Sports, bavuze ko bari bafashwe nabi

Ayoub yavuze ko abatoza bamwanga

Source : http://isimbi.rw/siporo/article/twageze-aho-baba-twinjire-mu-buzima-bwa-youssef-na-ayoub-muri-rayon-sports-bavuze-ko-bafashwe-nabi

Umuryango wa Paul Rusesabagina n'abanyamategeko bawunganiye mu rubanza rwa Paul Rusesabagina wakatiwe gufungwa imyaka 25, bavuze ko Rusasabigina atazaba ari mu rubunza rw'ubujurire na begenzi be ruteganijwe ku wa mbere w'icyumweru gitaha.

Umukobwa wa Rusesabagina,Carine Rusesabagina,yabwiye BBC ko ngo urubanza rwa se ari nk'ikinamico ngo bo bazakomeza kumukorera ubuvugizi batazajurira.

Yakomeje avuga ko babonye imyanzuro y'urubanza yemeza ko isi yose ngo yabonye ko afunzwe mu buryo butemewe n'amategeko.

Uyu yavuze ko impamvu se atazajurira ngo ari uko urubanza rwe rutakurikije amategeko kuko ngo bamugejeje mu Rwanda ashimuswe.

Alain Mukuralinda, umuvugizi wa leta y'u Rwanda,yavuze ko ibisobanuro by'umuryango wa Paul Rusesabagina ku mpamvu zitumye atazitabira urubanza rw'ubujurire nta shingiro zifite.

Yavuze ko iby'uyu muryango uvuga ko babonye imyanzuro y'urubanza bitumvikana kuko ngo batavuze igihe bayiboneye n'igihe bifuzaga ko bayibona.

Yavuze ko nyuma y'aho Ubushinjacyaha bujuriye,bwashyize inyandiko aho bagombwaga kuzibona yaba muri gereza,muri system no kuyiha abavoka.

Abajijwe impamvu u Rwanda rwanze ko abavoka mpuzamahanga ba Rusesabagina baza mu Rwanda kumuburanira,Mukuralinda yagize ati “Ko ibyo bikorwa n'ingaga z'abavoka baba bujuje ibisabwa ngo bamwunganire?.”

Muri Nzeri umwaka ushize,Urukiko rukuru i Kigali rwategetse ko Paul Rusesabagina afungwa imyaka 25,kubera bimwe mu byaha aregwa by'iterabwoba, agirwa umwere ku cyaha cyo kurema umutwe w'ingabo utemewe.

Umucamanza yavuze ko Rusesabagina – wivanye mu rubanza ntaburane mu mizi – ibyo yemeye yabyemereye mu iburanisha ku ifungwa n'ifungurwa ry'agateganyo.

Rusesabagina yahamijwe ibyaha byo kuba mu mutwe w'iterabwoba no gukora iterabwoba, ariko yagizwe umwere ku cyaha cyo kurema umutwe w'ingabo utemewe, rumuhanisha gufungwa imyaka 25 gusa Ubushinjacyaha bwarajuriye.

Source : https://umuryango.rw/amakuru/mu-rwanda/ubutabera/article/umuryango-wa-rusesabagina-wemeje-ko-atazitabira-urubanza-rw-ubujurire