Webrwanda Backend

Author: webrwanda

  • Mukansanga Salima yasutse amarira nyuma yo gukora amateka muri AFCON 2021 #rwanda #RwOT

    Ku wa Kabiri, tariki ya 18 Mutarama 2022, ni bwo Mukansanga w'imyaka 33 yakoze amateka yo kuba umusifuzikazi wa mbere wasifuye umukino wa CAN y'Abagabo muri iri rushanwa rikinwa kuva mu 1957.

    Mukansanga yayoboye umukino usoza iyo mu Itsinda B wabereye kuri Stade Ahmadou Ahidjo i Yaoundé ubwo Zimbabwe yatsindaga Guinée ibitego 2-1.

    Uyu munyarwandakazi akimara gukora aya mateka,yasutse amarira ubwo yaganiraga n'umunyamakurukazi wa B&B FM- Umwezi.

    Asabwe kugira icyo abwira Abanyarwanda nyuma yo gukora aya mateka,Mukansanga yafashwe n'ikiniga ararira.

    Ati 'Ndumva ntacyo navuga kirenze kubashimira kuko ni iby'agaciro cyane. Biranandenze [yahise arira].'

    Mukansanga wari wasazwe n'amarangamutima,yongeyeho ati 'Ndashimira buri Munyarwanda wese, na buri muntu wese wambaye hafi. Murakoze.'

    Umutoza Norman Takanyariwa Mapeza wa Zimbabwe nyuma y'uyu mukino wasifuwe na Salma Mukansanga yatangaje ko 'yakoze neza'.

    Abantu batandukanye bari biteguye kureba Mukansanga ahindura amateka yo kuba umugore wa mbere usifuye umukino w'igikombe cya Africa cy'abagabo.

    Mu gihugu cye mu Rwanda bisa n'aho ari we ugiserukiye kuko ikipe y'Amavubi itabashije kugera muri iyi mikino ya nyuma, benshi bagaragaje kwishimira intambwe yateye.

    Kuri stade Kuri Stade Ahmadou Ahidjo i Yaounde abantu bakomye amashyi menshi ubwo Salma Mukansanga yatangizaga uyu mukino, kandi urangiye bashimye ko yawitwayemo neza, nk'uko umunyamakuru Yves Bucyana wari uhari abivuga.

    Warriors ya Zimbabwe yashakaga gutsinda nibura umukino wayo wa mbere nyuma yo gutsindwa ibiri yabanje, mu gihe Syli National ya Guinea yifuzaga gutsinda ngo ifate umwanya wa mbere, wari undi mukino w'ishiraniro.

    Salma Mukansanga yayoboye neza uyu mukino muri rusange, yawutanzemo amakarita atandatu y'umuhondo, atatu kuri buri ruhande, urangira nta kidasanzwe kiwubayemo.

    Mu kiganiro n'abanyamakuru nyuma y'umukino Norman Mapeza utoza Zimbabwe yabwiye abanyamakuru ko Mukansanga yabyitwayemo neza.

    Yagize ati: “…murabizi umukino w'abagabo buri gihe uba ukomeye, amahari aba ari hejuru amahane azamuka buri kanya, [ariko] uriya mugore yakoze neza cyane iri joro.

    “Ntekereza ko ari intembwe ikomeye kuri CAF guha uriya mugore umwanya ngo ayobore uyu mukino.”

    Ku kazi Mukansanga yakoze, umwe yanditse kuri Twitter ati “… Twabonye imyanzuro myinshi yo kwibazwaho mu byumweru bibiri bishize…ariko ntabyo uyu munsi!”

    Muri iri tsinda B, Guinea nubwo yatsinzwe uyu mukino yazamutse ari iya kabiri inyuma ya Senegal yanganyije 0 – 0 na Malawi (ya gatatu), naho Zimbabwe nubwo yatsinze yasezerewe kuko ari iya nyuma (4) n'amanota atatu gusa.

    Source : https://umuryango.rw/imyidagaduro/imikino/article/mukansanga-salima-yasutse-amarira-nyuma-yo-gukora-amateka-muri-afcon-2021

  • Ange Kagame na PSG mu berekanye amarangamutima yabo kubera Salima, umutoza wa Zimbabwe yatunguwe #rwanda #RwOT

    Wari umunsi w’amateka kuri Mukansanga Salima Rhadia wabaye umusifuzi w’umugore wa mbere usifuye imikino y’igikombe cy’Afurika cy’abagabo, benshi amatsiko yari menshi bategereje kureba uko uyu munyarwandakazi ari buze kwitwara, umutoza wa Zimbabwe yasifuriye yanyuzwe n’imisifurire ye ni mu gihe PSG na Ange Kagame nabo bagaragaje amarangamutima yabo kubera Salima.

    Iyi mikino y’igikombe cy’Afurika irimo kubera muri Cameroun guhera tariki ya 9 Mutarama 2022, Salima yaraye asifuye umukino wo mu itsinda B wo Zimbabwe yatsinzemo Guinea 2-1.

    Amatsiko yari menshi cyane ku banyarwanda biteze kureba uko uyu mukobwa uhagarariye u Rwanda muri iki gikombe agiye kwitwara cyane ko Amavubi nayo arimo kurebera kuri televizyo.

    Kuri Stade Ahmadou Ahidjo i Yaounde abantu bakomye amashyi menshi ubwo Salima Mukansanga yatangizaga uyu mukino, urangiye bamushimiye uko yawitwayemo neza na none bamuha amashyi menshi.

    Warriors ya Zimbabwe yashakaga gutsinda nibura umukino wayo wa mbere nyuma yo gutsindwa ibiri yabanje, mu gihe Syli National ya Guinea yifuzaga gutsinda ngo ifate umwanya wa mbere, wari undi mukino w’ishiraniro.

    Salima Mukansanga yayoboye neza uyu mukino muri rusange, yawutanzemo amakarita atandatu y’umuhondo, atatu kuri buri ruhande.

    Aganira n’itangazamakuru nyuma y’umukino, Norman Mapeza umutoza Zimbabwe yabwiye abanyamakuru ko Mukansanga yabyitwayemo neza.

    Ati 'Murabizi umukino w’abagabo buri gihe uba ukomeye, amahane azamuka buri kanya, uriya mugore yakoze neza cyane iri joro. Ntekereza ko ari intembwe ikomeye kuri CAF guha uriya mugore umwanya ngo ayobore uyu mukino.”

    Muri iri tsinda B, Guinea nubwo yatsinzwe uyu mukino yazamutse ari iya kabiri inyuma ya Senegal yanganyije 0 – 0 na Malawi (ya gatatu), naho Zimbabwe nubwo yatsinze yasezerewe kuko ari iya nyuma (4) n’amanota atatu gusa.

    Nyuma y’uyu mukino kandi amarangamutima ya benshi yazamutse kuri Twitter bashimira uyu munyarwandakazi wanditse amateka.

    Ange Kagame akaba umukobwa wa Perezida w’u Rwanda, na we yagaragaje amarangamutima ye aho yashimiye Mukansanga ku bw’amateka yakoze.

    Ati 'Mbega ibihe kuri we, abakobwa bose bakiri bato n’abagore bareba. Turakwishimiye Salima.'

    Ikipe ya PSG yo mu Bufaransa ifite amasezerano y’ubufatanye yo kwamamaza u Rwanda nayo binyuze kuri Twitter yagaragaje ko u Rwanda rwakoze amateka.

    Congz kuri Salima. Umupira ukirangira nahagurutse ndabyina bamwe bagira ngo ndi umufana usanzwe wa Zimbabwe kandi njye nishimiraga ishema MUKANSANGA yihesheje anarihesha igihugu cyacu cy’u Rwanda. Ndishimye

    — Kubana Richard (@KubanaRichard) January 19, 2022

    Rwanda makes history 👏 Congrats @visitrwanda_now https://t.co/Hi836RWG20

    — Paris Saint-Germain (@PSG_English) January 18, 2022

    HISTORY! 🎉

    Rwandan 🇷🇼 Salima Mukansanga becomes the first ever woman center referee to officiate at an AFCON in the 65-year old history of the event.

    She is in charge of the Zimbabwe vs Guinea Group B tie at the Ahmadu Ahidjo Stadium in Yaoundé. #AFCON2021 pic.twitter.com/vfivUzDpXu

    — Usher Komugisha (@UsherKomugisha) January 18, 2022

    What a moment for her & all the young girls/women watching. Congratulations Salima👏🏾👏🏾 https://t.co/0PQU7p5GKb

    — AIKN (@AngeKagame) January 18, 2022

    🇷🇼 Rwandan Salima Mukansanga became the first woman to officiate at an African Cup of Nations game today 👏#AFCON2021 pic.twitter.com/kO06STklq1

    — LiveScore (@livescore) January 18, 2022

    I think AFCON will be better served by female Refs. Today we saw good officiating from Rwandan Salima Mukansanga who was in charge of The Zimbabwe vs Guinea game. WE have seen a lot of questionable decisions in the past two weeks..but not today! #AFCON2021

    — Nick Zemura (@NickZemura) January 18, 2022

    Nsigaye njya kureba Match mfite ubwoba bwamabara abasifuzi bari bukore ariko ejo narebye match nizeye ko Salima Mukansanga agiye gutanga ubutabera mu kibuga and she did it 💯🙏 Alhamudulilah pic.twitter.com/eDuM2uLOBw

    — NO BRAINER🎯 (@kanisekere) January 19, 2022

    Salima Ni Ukuri natwe byaturenze peee aho waruri njye sinakubonaga ahubwo nabonaga Miliyoni zirenga 12 z’Abanyarwa, Miliyoni zirenga 6 z’Abagore baba Nyarwandakazi uhesheje agaciro, wanditse amateka ku Gihugu cyawe, African n’Isi muri rusange. Umugore adashoboye, Umugore ku Isong pic.twitter.com/3VcK1OLe5s

    — Munyakazi Sadate (@SadateMunyakazi) January 19, 2022

    Salima yazamuye amarangamutima ya benshi kubera amateka yakoze

    Source : http://isimbi.rw/siporo/article/ange-kagame-na-psg-mu-berekanye-amarangamutima-yabo-kubera-salima-umutoza-wa-zimbabwe-yatunguwe

  • Ange Kagame, Paris Saint Germain muri benshi bavuze ku mateka yanditswe na Salima Mukansanga (AMAFOTO) #Rwanda #RwOT via @kigalitoday #rwanda #RwOT

    Nyuma y’iminsi hategerejwe umugore wazayobora umukino w’abagabo mu gikombe cya Afurika, Umunyarwandakazi Salima Mukansanga yanditse amateka yo kuba ari we wabimburiye abandi, aho yasifuraga umukino wahuje Guinea na Zimbabwe kuri uyu wa Kabiri.

    Salima Mukansanga ni we wari uyoboye umukino wa Zimbabwe na Guinea

    Salima Mukansanga ni we wari uyoboye umukino wa Zimbabwe na Guinea

    Ni inkuru yavuzwe cyane ku isi yose, by’umwihariko inakora ku mutima Abanyarwanda barimo Ange Kagame wishimiye kubona uyu Munyarwandakazi ayobora umukino, avuga ko ari ibihe bidasanzwe kuri Salima ndetse no ku bana b’abakobwa bari kumureba.

    Ni umukino yatangiye yifitiye icyizere kandi awuyobora neza

    Ni umukino yatangiye yifitiye icyizere kandi awuyobora neza

    What a moment for her & all the young girls/women watching. Congratulations Salima👏🏾👏🏾 https://t.co/0PQU7p5GKb

    — AIKN (@AngeKagame) January 18, 2022

    Ikipe y’umupira w’amaguru ya Paris Saint Germain isanzwe ifitanye umubano n’u Rwanda binyuze muri gahunda ya Visit Rwanda nayo ibinyujije ku mbuga nkoranyabaga yashimiye Salima Mukansanga, ndetse n’ibindi binyamakuru bikomeye ku isi byandika kuri aya mateka.

    Rwanda makes history 👏 Congrats @visitrwanda_now https://t.co/Hi836RWG20

    — Paris Saint-Germain (@PSG_English) January 18, 2022

    Rwandan Salima Mukansanga makes history as the first woman to referee an AFCON game 👏 pic.twitter.com/hMCWsVm8Eu

    — B/R Football (@brfootball) January 18, 2022

    𝑳𝒆𝒂𝒅𝒊𝒏𝒈 𝒕𝒉𝒆 𝒘𝒂𝒚

    “This moment is not just for Salima but for every young girl in Africa who has passion for ⚽️ and sees herself as a referee in future.”

    Salima Mukansanga. Carine Atemzabong. Fatiha Jermoumi. Bouchra Karboubi. History makers.https://t.co/kAfAh2518h pic.twitter.com/7FcV0ndS0y

    — FIFA.com (@FIFAcom) January 18, 2022

    🇷🇼 Rwandan Salima Mukansanga became the first woman to officiate at an African Cup of Nations game today 👏#AFCON2021 pic.twitter.com/kO06STklq1

    — LiveScore (@livescore) January 18, 2022

    Salima Mukansanga ✔️ pic.twitter.com/8LErIM3JWQ

    — Teta Diana (@tetadiananow) January 19, 2022

    Rwandan Salima Mukansanga became the first woman to referee an Africa Cup of Nations match when she oversaw the Group B clash between Guinea and Zimbabwe in Yaounde on Tuesday. https://t.co/Y6kcAlNzGy

    — DailyNationFootball (@DN_Football) January 19, 2022

    #18Ene | Salima Mukansanga, primera mujer en arbitrar un partido de la Copa de África ⚽ https://t.co/9j8Y2d3Ltp

    — El Nacional (@ElNacionalWeb) January 19, 2022

    Source : https://www.kigalitoday.com/imikino-11/football/article/ange-kagame-paris-saint-germain-muri-benshi-bavuze-ku-mateka-yanditswe-na-salima-mukansanga-amafoto

  • #rwanda #RwOT

    Source : http://igihe.com/amakuru/u-rwanda/article/abakozi-bo-mu-bitaro-batangiye-guhugurwa-ku-gukumira-inkongi

  • Imipira ibiri mu kibuga! Kwizera Pierrot mu ihurizo, arakina uwa Rayon Sports cyangwa uwa AS Kigali? #rwanda #RwOT

    Umukinnyi ukina mu kibuga hagati w’umurundi, Kwizera Pierrot bisa n’aho atarafata icyerekezo cy’ikipe azakinira hagati ya Rayon Sports na AS Kigali, ni mu gihe zose zirimo gukora ibishoboka byose ngo zimwegukane.

    Uyu mukinnyi uri ku mpera z’amasezerano muri AS Kigali, ku munsi w’ejo nibwo byavuzwe ko yaba yamaze gusinyira Rayon Sports amasezerano y’umwaka umwe, gusa umuvugizi wa Rayon Sports, Jean Paul Nkurunziza yabwiye ISIMBI ko atari byo ariko na none ari umukinnyi mwiza bamubonye byaba ari byiza.

    Amakuru ISIMBI yamenye ni uko uyu mukinnyi atarasinya ariko ibiganiro n’ikipe ya Rayon Sports byabayeho ariko akaba ategereje itariki yahaye AS Kigali cyane ko ari yo irimo imuha amafaranga menshi.

    Amakuru ISIMBI yamenye kandi yizewe ni uko uyu mukinnyi yumvikanye na AS Kigali ndetse yemera kuyongerera amasezerano, ishaka kumwishyura igice ngo andi bazayamuhe nyuma ariko abasaba ko bakwitonda bakazayamuhera rimwe.

    Uyu mukinnyi yumvikanye na AS Kigali ko tariki ya 26 Mutarama 2022 ari bwo izamwishyura aya mafaranga aho bivugwa ko ari miliyoni 15 akazajya gukina umukino usoza igice kibaza cya shampiyona na Etoile del’Est afite amafaranga ye yose yumvimanye na AS Kigali.

    Amakuru avuga ko yabwiye ubuyobozi bwa AS Kigali ko uwo munsi atabonye amafaranga bumvikanye na we azahita asinyira indi kipe imwifuza.

    Nubwo bimeze gutya ariko, Rayon Sports nayo ntabwo imworoheye kuko ibifashijwemo na Muhirwa Prosper ushaka kugura uyu mukinnyi ku giti cye bashaka kumusinyisha ariko akaba atarafata umwanzuro.

    Rayon Sports irimo kumwishyura miliyoni 11 ariko we akabasaba kugeza 15 nk’izo AS Kigali yamwemereye, batabikora bakaba bagomba gutegereza itariki AS Kigali yamuhaye itamwishyura akaba ari bwo yabona gufata miliyoni 11 za Rayon Sports.

    Bivuze ko kugeza ubu Kwizera Pierrot ntaramenya umupira akina, niba ari uwatewe na AS Kigali cyangwa se niba ari uwa Rayon Sports yahoze akinira akanayibera kapiteni, aho batwaranye ibikombe bitandukanye yaba shampiyona n’icy’Amahoro mu myaka yayikiniye hagati ya 2015 na 2018.

    Kwizera Pierrot uri ku musozo w’amasezerano ye muri AS Kigali irashaka kumwongerera amasezerano

    Rayon Sports ishaka kwisubiza Kwizera Pierrot

    Source : http://isimbi.rw/siporo/article/imipira-ibiri-mu-kibuga-kwizera-pierrot-mu-ihurizo-arakina-uwa-rayon-sports-cyangwa-uwa-as-kigali

  • Ubushakashatsi bwemeje ko Intare zandura COVID-19 #rwanda #RwOT

    Ubu bushakashatsi bwakozwe muri 2020 bwakorewe kuri Puma ebyiri zari zacibwagamo, zifite ibicurane n’ibindi bimenyetso, bwagaragaje ko zarwaye COVID-19 ndetse zikaba zarakize nyuma y’iminsi 23.

    Mu itangazo rya Kaminuza ya Pretoria ryasohotse kuri uyu wa Kabiri, rivuga ko ubwoko bushya bwa Delta bwagaragaye bwa mbere muri Africa y’Epfo na bwo bwazanywe n’Intara eshatu aho imwe muri zo yari ifite ibibazo by’ubuhumekero yasanzwemo COVID-19.

    Ubu bushakashatsi buvuga ko ibimenyetso bigaragaza ko Coronavirus ishobora kuva ku nyamaswa ikajya ku bandi kimwe nk’uko abantu na bo bashobora kuyanduza inyamaswa.

    Abakoze ubu bushakashatsi batanga inama ko abasura pariki bakwiye kwitwararika kuko bashobora kwanduzwa n’inyamaswa kandi bakandura ubwoko bushya bw’icyorezo cya COVID-19.

    Abarimu babiri Marietjie Venter Katja Koeppel bo muri Kaminuza yakoze ubu bushakashatsi, bagize ati 'Ibi bigamije kurinda abantu n’inyamaswa kuba barwara cyagwa bapfa. Izi ngamba ni ingenzi kubera uburemere bw’ubwoko bushya bwa Virus bwihinduranyiza mu nyamaswa bukaba bwaza mu bantu.'

    Ubu bushakashatsi bwakozwe nyuma y’uko izi nyamaswa zigaragaje ibimenyetso nk’ibyo umuntu wanduye COVID-19 agira, birimo inkorora no guhumeka nabi.

    Nyuma yaho izi nyamaswa zahise zifatwa ibipimo ndetse biza kugaragara ko zanduye COVID-19. Birakekwa ko zaba zarandujwe n’abakozi ba pariki zibarizwamo.

    Aba bashakashatsi bagaragaje impungenge z’uko abatuye Isi bakwibasirwa na virusi nshya, mu gihe Coronavirus yagera mu mibiri y’inyamaswa ikihinduriza nyuma nazo zikazongera kuyanduza abantu.

    Source : http://www.ukwezi.rw/Mu-mahanga/18/article/Ubushakashatsi-bwemeje-ko-Intare-zandura-COVID-19

  • Wa mwana wapfuye bigashengura benshi yashyinguwe bamuvuga ibyiza yasenderezaga mu babyeyi n’abaturanyi #rwanda #RwOT

    Uyu mwana yitabye Imana mu cyumweru gishize tariki 14 Mutarama 2022 gusa urupfu rwe ntirwavuzweho rumwe aho bavugaga ko yaguye mu kidomoro cy’amazi.

    Abenshi bahurizaga ku kuba uyu mwana bitumvikana ukuntu yaguye mu idomoro y’amazi ya Litiro 200 akananirwa kuyivamo kandi mu bigaragara ayisumba, inzego zishinzwe iperereza zahise zitangira akazi kazo ndetse kugeza ubu babiri mu bacyekwaho kugira uruhare muri uru rupfu bakaba baratawe muri yombi.

    Nubwo iperereza rigikomeje, Ku gicamunsi cyo kuri uyu wa 18 Mutarama, Akeza Elisie Rutiyomba yaje gusezerwaho bwa nyuma ndetse aza no gushyingurwa mu irimbi rya Rusororo.

    Muri uyu muhango, benshi bagiye bafata ijambo bavuga ibigwi by’uyu mwana dore ko nubwo yari akiri muto ariko icyo benshi bahuriragaho ni uko ubuzima yabayemo bwose bwari bushimishije ndetse bunafite igisobanuro.

    Umuturanyi wo kwa Mama wa Akeza yavuze ko inshuro nyinshi uyu mwana yabaga yaje kubasura, ko yakundaga kubabwira ko azaba icyamamare ndetse akazanitabira Miss Rwanda. Ati” Uyu mwana yabagaho mu buzima bufite igisobanuro.Ndabyibuka kenshi yazaga kudusura, maze akatwicaza akatubwira ati, ariko ngewe nzaba umu Star ndetse nzajya no muri Miss”

    Yakomeje avuga ko muri iyi minsi kuva yitabye Imana nibwo yabonye ko Akeza ibyo yamubwiye bisohoye, kuko yanditsweho inkuru nyinshi ndetse anavugwa cyane ku mbuga nkoranyambaga ariko ikibabaje “Nuko ibi biri kuba adahari ngo abyibonere”

    Ababyeyi be nabo baje gufata ijambo, ndetse Papa wa Akeza, aza kuvuga ko nubwo agiye akiri muto ariko ubuzima bwe bwari umunezero, ndetse anacyebura abantu be kudakomeza kumva cyane ibivugwa ku mbuga nkoranyambaga ko ahubwo babirekera inzego zibishinzwe ndetse ko bizeye ubutabera bw’u Rwanda.

    Ati 'Akeza yitaba Imana sinari mpari, natashye bambwira ko ari impanuka (Accident), ariko Impanuka ziratandukanye, ishobora kuba impanuka isanzwe cyangwa ari impanuka yatejwe.Rero reka dutegereze Ubutabera.”

    Mama wa Akeza wasaga n’ukomeye mu buryo bw’umubiri, yavuze ko yishimye ko Akeza yitahiye amwita ‘Akamarayika’ ndetse ko iminsi mike yaramaze kwisi yayikoresheje neza. Yongeraho ko nubwo yitabye Imana batari kumwe, ariko ubutabera bukenewe ndetse ko bafitiye ikizere ubutabera bw’u Rwanda.

    Rutiyomba Akeza Elisie washyinguwe, yigaga mu mwaka wa mbere w’amashuri abanza ni umwe mu bana bari bazwi cyane ku mbuga nkoranyambaga. Yamenyekanye cyane ubwo yasubiragamo indirimbo 'My Vow’ ya Meddy.

    Source : http://www.ukwezi.rw/1-1/Amakuru-anyuranye/article/Wa-mwana-wapfuye-bigashengura-benshi-yashyinguwe-bamuvuga-ibyiza-yasenderezaga-mu-babyeyi-n-abaturanyi

  • Abakinnyi 14 ntibemerewe gukina imikino y’umunsi wa 13 wa shampiyona #Rwanda #RwOT via @kigalitoday #rwanda #RwOT

    Shampiyona y’icyiciro cya mbere mu mupira w’amaguru irakomeza kuri uyu wa Gatatu ku bibuga bitandukanye, aho umukino wagombaga guhuza Marine na Espoir Fc ku munsi w’ejo wasubitswe kubera umubare munini w’abasanzwemo COVID-19.

    Muri iyi mikino abakinnyi 14 batemerewe gukina kubera amakarita bahawe mu mikino itandukanye, barimo nka Ruboneka Jean Bosco wabonye ikarita itukura ku mukino wahuje APR FC na Kiyovu, na Kimenyi Yves wujuje amakarita atatu y’umuhondo kuri uwo mukino.

    Ruboneka Jean Bosco ari mu bakinnyi batemerewe gukina imikino y

    Ruboneka Jean Bosco ari mu bakinnyi batemerewe gukina imikino y’umunsi wa 13 wa shampiyona

    Urutonde rw’abakinnyi batemerewe gukina imikino y’umunsi wa 13 wa shampiyona

    1. RUBONEKA Jean Bosco – APR FC
    2. OSALUWE Olise Raphael – Bugesera FC
    3. RUCOGOZA Elias – Bugesera FC
    4. TWAGIRIMANA Fulgence – Espoir FC
    5. AGLEBAVOR Peter – Etoile de l’Est FC
    6. GARIA Paul Laab – Gicumbi FC
    7. KAREMA Eric – Gorilla FC
    8. KIMENYI Yves – Kiyovu SC
    9. MFITUMUKIZA Nzungu – Marine FC
    10. MUGIRANEZA Frodouard – Marine FC
    11. HABAMAHORO Vincent – Mukurs VS&L
    12. MURENZI Patrick – Mukura VS&L
    13. TURATSINZE John – Police FC
    14. MUGIRANEZA Jean Claude – Rutsiro FC

    Imikino y’umunsi wa 13 iteganyijwe

    Ku wa Kabiri tariki 18/01/2022

    Marine FC vs Espoir FC, Umuganda Stadium -15.00

    Ku wa Gatatu tariki 19/01/2022

    Etoile de l’Est FC vs Kiyovu SC, Ngoma Stadium – 15.00
    Etincelles FC vs Rayon Sports FC, Umuganda Stadium – 15.00
    Bugesera FC vs AS Kigali FC, Bugesera Stadium – 15.00
    APR FC vs Gorilla FC, Kigali Stadium – 15.00

    Ku wa kane tariki 20/01/2022

    Gicumbi FC vs Mukura VS&L, Gicumbi Stadium – 15.00
    Musanze FC vs Gasogi United, Musanze Stadium – 15.00
    Police FC vs Rutsiro FC, Kigali Stadium – 15.00

    Source : https://www.kigalitoday.com/imikino-11/football/article/abakinnyi-14-ntibemerewe-gukina-imikino-y-umunsi-wa-13-wa-shampiyona

  • Colombia: Uwigeze gushimutwa n'inyeshyamba aziyamamariza kuba Perezida #rwanda #RwOT

    Íngrid Betancourt wahoze ari senateri muri Colombia yatangaje ko azongera kwiyamamariza kuba Perezida, nyuma y'imyaka 20 ishize ashimuswe n'inyeshyamba ziharanira impinduka.

    Madamu Betancourt yari arimo kwiyamamaza mu matora ya perezida yo mu 2002 ubwo yashimutwaga n'inyeshyamba zo mu mutwe wa FARC zikamumarana imyaka itandatu.

    Yasezeranyije guhangana na ruswa n'ubucyene mu gihe yaba atsinze aya matora yo mu kwezi kwa gatanu.

    Mu murwa mukuru Bogotá, yabwiye abamushyigikiye ati: “Uyu munsi ndi hano kugira ngo nsoze ibyo natangiye”.

    “Ndi hano kugira ngo mparanire uburenganzira bw'Abanya-Colombia miliyoni 51 batarimo kubona ubutabera, kubera ko tubayeho mu butegetsi buteye mu buryo buhemba [bushimira] abagizi ba nabi”.

    Inyeshyamba za FARC zari umutwe ugendera ku matwara ya gikomunisiti watangije intambara kuri leta ya Colombia yamaze imyaka irenga 50, mbere yuko hagerwa ku gahenge mu 2016.

    Madamu Betancourt, uri mu murongo wa politiki w'ibitekerezo biharanira uburinganire muri sosiyete ariko bitemera impinduka za politiki zahindura sosiyete yose uko yakabaye, yinjiye muri iri hatana mu matora ryamaze kugeramo abandi bakandida barenga 20.

    Gustavo Petro, w'ibitekerezo bishaka impinduka wahoze ari umuyobozi w'umujyi wa Bogotá ndetse wigeze no kuba mu mutwe w'inyeshyamba uharanira impinduramatwara wa M-19, ubu ni we uza imbere mu makusanyabitekerezo.

    Abanya-Colombia benshi bamubona nk'uwasimbura Perezida wa Colombia Iván Duque, w'ibitekerezo bidashaka impinduka zahindura sosiyete yose uko yakabaye, ubu utemerewe kongera kwiyamamaza kubera igihe ntarengwa cya manda imwe y'imyaka ine. Bwana Duque amaze igihe atakaza cyane umubare w'abamushyigikiye.

    Nubwo yamamaye mu mahanga, Madamu Betancourt yakomeje kubaho atigaragaza cyane mu ruhame kuva yatabarwa n'igisirikare cya Colombia mu 2008. Ategerejwe n'urugamba rukomeye mu matora y'icyiciro cy'ibanze rwo kugira ngo atsindire guhagararira urugaga rw'amashyaka – arimo n'irye rya Green Oxygen – ahuje umurongo mugari w'ibitekerezo.

    Mu gihe ayo matora yo mu cyiciro cy'ibanze asigaje amezi abiri, byitezwe ko aziyamamaza nk'umukandida wazana ubwiyunge muri iki gihugu aho abaturage barenga miliyoni icyenda bibaruje (biyandikishije) muri leta nk'abagizweho ingaruka n'intambara.

    Madamu Betancourt yari arimo yerekeza mu gikorwa cyo kwiyamamaza mu mujyi wa San Vicente del Caguán ku itariki ya 23 y'ukwezi kwa kabiri mu 2002, ubwo yahagarikwaga kuri bariyeri (barrière), agashimutwa n'inyeshyamba za FARC.

    Mu myaka itandatu yamaze yarashimuswe aba mu ishyamba ry'inzitane muri Colombia, yakorewe ubugizi bwa nabi n'abamushimuse, mbere yuko ba maneko b'igisirikare cya Colombia babaga mu nyeshyamba za FARC bashobora kumutabara mu kwezi kwa karindwi mu 2008.

    Nyuma yaho yamaze igihe kinini aba mu mahanga mu Bufaransa hamwe n'umuryango we.

    Inyeshyamba za FARC zarwanye n'ingabo za leta ya Colombia mu ntambara yamaze imyaka irenga 50, yiciwemo abantu barenga 200,000.

    Uwo mutwe hamwe na leta bashyize umukono ku masezerano y'amahoro mu 2016, nyuma yaho ubona umwanya mu nteko ishingamategeko, ariko hari imitwe imwe iwukomokaho ikiri mu ntambara na leta ya Colombia.

    BBC

    Source : https://umuryango.rw/amakuru/mu-mahanga/politiki/article/colombia-uwigeze-gushimutwa-n-inyeshyamba-aziyamamariza-kuba-perezida

  • Banki ya Kigali na FERWABA batandukanye nyuma y’imyaka itatu y’ubufatanye #Rwanda #RwOT via @kigalitoday #rwanda #RwOT

    Banki ya Kigali ngo yabamenyesheje ko ayo masezerano atazongerwa bitewe n’ibindi bikorwa iyo banki ifite. Kugeza ubu FERWABA nta wundi muterankunga irabona.

    Ubutumwa bwakomeje buvuga ko inkunga yajyaga ihabwa amakipe ivuye muri ubwo bufatanye itazabasha kuboneka kugeza igihe hazaba habonetse undi mufatanyabikorwa. Ubu butumwa bukaba bwashyizweho umukono na Jabo Landry ushinzwe ibikorwa muri Federasiyo ya Basketball mu Rwanda.

    Ku itariki ya 23 Ugushyingo 2018, nibwo ishyirahamwe ry’umukino wa Basketball mu Rwanda na Banki ya Kigali bashyize umukono ku masezerano y’ubufatanye yagombaga kumara imyaka itatu. Muri iyo myaka iyi banki yatangaga inkunga y’amafaranga y’u Rwanda angana na miliyoni 300 yatangwaga mu byiciro, aho buri mwaka BK yagombaga gutanga miliyoni 100.

    Mu masezerano bagiranye hari hakubiyemo ko ayo mafaranga yagombaga kujya afasha mu mitegurire iri tekinike hanagurwamo ibihembo bizajya bitangwa mu marushanwa atatu ari yo: BK Basketball Junior League abakobwa n’abahungu, BK Basketball Pre-season Tournament, na BK Basketball National League ndetse n’imikino ya kamarampaka(Play offs).

    Buri kipe yitabiraga shampiyona y’Igihugu ya Basketball ( BK Baskteball National League) ndetse n’imikino ya kamarampaka na yo yahabwaga miliyoni ebyiri z’Amafaranga y’u Rwanda. Hari n’ibihembo byahabwaga umuntu ku giti cye ( Individual awards) byahabwaga abakinnyi icumi, ni ukuvuga abagore 5 n’abagabo 5 bakaba bahabwaga ibihembo bingana na miliyoni imwe y’Amafaranga y’u Rwanda buri muntu.

    Amakipe 2 mu bagabo n’abagore yahagarariraga u Rwanda mu mikino ya FIBA mu karere ka 5 ka Afurika na yo yahabwaga amafaranga angana na miliyoni 2 n’ibihumbi Magana atanu.

    Nyuma yo kugirana aya masezerano, Banki ya Kigali yahise ihabwa uburenganzira ntakumirwa bwo kwamamaza mu marushanwa yavuzwe haruguru, aho yihariraga 50% by’umwanya wo kwamamaza uba uteganyijwe mu gihe cy’amarushanwa.

    FERWABA iri mu myiteguro yo gutangira umwaka w’imikino dore ko bagombaga gutangirana n’irushanwa ry’Intwari ryagombaga kuba ryaratangiye ku itariki ya 14 Gashyantare 2022 gusa bikaza gukomwa mu nkokora n’isubikwa ry’ibikorwa bya siporo kubera ubwiyongere bwa Covid-19.

    Source : https://www.kigalitoday.com/imikino-11/basketball/article/banki-ya-kigali-na-ferwaba-batandukanye-nyuma-y-imyaka-itatu-y-ubufatanye