Webrwanda Backend

Author: webrwanda

  • Rayon Sports yasubiye mu bihe byo gutsinda,APR FC yambura umwanya wa mbere Kiyovu Sports #rwanda #RwOT

    Ikipe ya Rayon Sports yari imaze imikino 2 idatsinda ndetse itaninjiza igitego yisubiyeho itsindira Etincelles FC i Rubavu ibitego 2-0 mu gihe APR FC yatsinze Gorilla FC igitego 1-0.Kiyovu Sports yahagamwe na Etoile de l'Est banganya 0-0 bituma iva ku mwanya wa mbere.

    APR FC imaze imyaka 2 idatsindwa ndetse kugeza n'uyu munsi ikaba itaratsindwa, yari yakiriye Gorilla FC mu mukino w'umunsi wa 13 wa shampiyona y'iclyiciro cya mbere mu Rwanda.

    APR FC yabonye igitego ku munota wa 57 gitsinzwe na Byiringiro Lague kuri penaliti nyuma y'ikosa ryari rikorewe Jacques Tuyisenge.

    Mu wundi mukino wabereye I Rubavu,Rayon Sports yaherukaga kunganya na Musanze FC na Gicumbi FC yatsinze Etincelles ibitego 2-0 byatsinzwe na Manace Mutatu ku munota wa 39 na Muhire Kevin kuwa 89,bituma igaruka mu bihe byiza.

    Muri uyu mukino,Rayon Sports yahawe ikarita itukura ya Nizigiyimana Karim uzwi nka Makenzi.

    AS Kigali yatsinze Bugesera FC ibitego 2-1 byatsinzwe na Ramadhan Niyibizi ku munota wa 30' na Kayitaba Bosco watsinze penaliti ku munota wa 4 mu yongerewe kuri 90,nyuma y'uko Biramahire Abeddy agushijwe mu rubuga rw'amahina.

    Igitego cy'impozamarira cya Bugesera FC cyatsinzwe na Mucyo Junior Didier ku munota wa 47.

    Uyu mukino wabonetsemo amakarita abiri atukura arimo iya Rugwiro Hervé wa AS Kigali nyuma yo gushwana n'umusifuzi n'iya Muniru Abdul Rahman nyuma yo gukubita Ndacyayisemga Ally.

    Nyuma y'iyi mikino,APR FC yaraye ifashe umwanya wa mbere ihigitse Kiyovu Sports yanganyije 0-0 na Etoile de l'Est.

    Urutonde:

    1. APR FC 27 Pts (-2)
    2. Kiyovu Sports 26 Pts
    3. AS KIGALI 23 Pts
    4. Rayon Sports 23 Pts
    5. Police FC 22 Pts (-1)

    Uko imikino yagenze:

    FT APR FC 1-0 Gorilla FC
    FT Etincelles 0-2 Rayon Sports FC
    FT Etoile de L'Est 0-0 Kiyovu Sports
    FT Bugesera FC 1-2 AS Kigali

    Source : https://umuryango.rw/imyidagaduro/imikino/article/rayon-sports-yasubiye-mu-bihe-byo-gutsinda-apr-fc-yambura-umwanya-wa-mbere

  • Mu Rwanda hatangijwe uburyo bushya bwo gushimisha ba mukerarugendo #rwanda #RwOT

    RDB itangaza ko iyi Hot Air Balloon isanzwe iba irimo umwuka igatembera mu kirere, izajya ibasha gutwara abantu bari hagati ya bane na batandatu ikabasha kuzamuka mu butumburuke buri hagati ya Metero 100 na Metero 1 000.

    Ubu buryo bwatangijwe ku bufatanye n’Urwego rushinzwe iterambere mu Rwanda (RDB) n’Ubuyobozi bwa Pariki y’Igihugu y’Akagera, Akagera Management Company.

    Royal Balloon Rwanda izaba ikoresha imipira ibasha kureremba mu kirere kubera ko haba harimo umwuka ugenda ushyushywa n’imashini yabugenewe, ishobora kugendamo hagati y’abantu bane kugeza kuri batandatu. Mu bijyanye n’ubugenge, umwuka ushyushye ujya hejuru y’ukonje, ari nayo mpamvu iyi mipira ibasha kuzamuka.

    Izi 'balloons’ zishobora kuzamuka mu kirere ku butumburuke buri hagati ya metero ijana na metero 1000, ni ukuvuga kilometero imwe hejuru ya pariki.

    Ni uburyo bushobora gutuma abantu barushaho kuryoherwa n’ibyoza bitatse Pariki y’Igihugu y’Akagera, ibonekamo inyamaswa eshanu zikomeye muri Afuruka (Big Five), ni ukuvuga Inzovu, Inkura, Intare, Ingwe n’Imbogo.

    Umuyobozi Mukuru wa RDB, Clare Akamanzi, yavuze ko bishimiye gufatanya na Royal Balloon Rwanda mu kongera ibishobora gukurura ba mukerarugendo mu Rwanda.

    Ati 'Twiyemeje gukomeza kubaka ubufatanye bushya no korohereza ishoramari mu rwego rw’ubukerarugendo, kugira ngo tubashe guhaza ibyifuzo by’abadusura ari nako bitanga umusanzu urambye mu kubungabunga ibidukikije.'

    Umuyobozi wa Pariki y’Igihugu y’Akagera, Ladis Ndahiriwe avuga ko iyi Hot Air Balloon izatuma abasura iyi Pariki barushaho kuyishimira no kureba ubwiza bwayo n’imirambi yayo kandi bikazagira uruhare mu gukomeza kubungabunga iyi pariki.

    Source : http://www.ukwezi.rw/1-1/Amakuru-anyuranye/article/Mu-Rwanda-hatangijwe-uburyo-bushya-bwo-gushimisha-ba-mukerarugendo

  • Aba 'Agents' ba MTN bijejwe ko bagiye guhabwa komisiyo bari bamaze iminsi basaba #rwanda #RwOT

    Ubuyobozi bwa Sosiyete y'itumanaho ya MTN buvuga ko aba-agents bose bagaragaraye mu bikorwa yita ibya forode guhera kuri uyu wa Gatatu tariki 19 Mutarama 2022, batangira guhembwa Komisiyo y'ukwezi kwa 12 bakoreye mu buryo bwa nyabwo.

    Aba bazwi nk'aba Agents bagaragaza ko bacuruza serivise zitandukanye z'iyi sosiyete zirimo kubikira amafaranga abakiriya no kuyabikuza, ariko bagatungurwa n'uko itariki yo kwakira komisiyo MTN isanzwe ibaha buri kwezi, bahabwa ubutumwa bubamenyesha ko batazahembwa ngo kuko babikiye abakiriya inshuro nyinshi kuruta izo babikuje.

    Umwe yagize ati 'Umukiriya rero iyo aje kubitsa ntabwo wamubaza ngo uje kuyakoresha iki? Hari igihe baba banze gutonda umurongo kuri Banki, akaza akakubitsaho agahia ashyira kuri Banki bitewe nuko ikoranabuhanga ryaje.Abakiriya tubafasha muri ubwo buryo, Ariko tugatangazwa nuko bavuga ko twakoze forode.Iyo forode twayobewe iyo ariyo. Ngereranyije igihe bahereye banyambura na Miliyoni 2 zageramo. Ubu bana bananiwe kujya ku ishuri bicaye mu rugo.'

    Undi ati 'Hari uwo ubikira ukabona ako kanya ahise ayashyira kuri konti koko nibyo, ariko ntabwo nagutegeka ngo aya mafaranga yagumishe kuri simukadi uzayakoreshe utayashyize kuri banki? Banki se zibereyeho iki?'

    Mugenzi wabo ati 'Njye mfite igishoro cya Miliyoni 3. Ibaze kuba ukoresha igishoro cya Miliyoni 3 ku kwezi ntuhembwe n'igihumbi? Ukeneye kugaburira abana, bakeneye kujya kwiga, ukeneye no kwishyura Inzu, urumva atari ikibazo? Mutuvuganire rwose.'

    Aba bavuga ko MTN yareba uburyo umukiriya azajya acibwa amafaranga yo kubika aho kugira ngo umu-agents akomeza kubihomberamo. Gusa ngo nibakomeza kwimwa iyi komisiyo bazahagarika serivise yo kubikira abakiriya burundu.

    Umwe aragira ati 'Icyo twifuza ni uko MTN niba ibona ko kubika ari amakosa , nibafate umukiriya tugiye kubikira amafaranga najya kuyashyira kuri bankibagire ibiguzi bamukata, ariko twe tubarirwe kuko tuba twakoze akazi. Mu by'ukuri nka Perezida wa Repubulika ajya acyemura ibibazo byinshi tujya tubona, twifuza ko natwe yakwinjira muri iki kibazo tukarenganurwa.'

    Undi ati 'Serivise yo kubika tuzayifunga burundu, tujye tubikura gusa.'

    Itangazamakuru rya Flash ryabajije ubuyobozi bwa MTN uko ibifatwa nka forode bikorwa maze Joel Mugabo ushinzwe ibikorwa by'ubucuruzi muri Mobile Money abisobanura muri aya magambo.

    Ati 'Niko bibwira ariko siko biri, ibaze kohereza amafaranga bikorwa mu munota umwe, ukabikira abantu Batatu batandukanye, abo bantu 3 bakayashyira kuri konti imwe yo muri Banki, noneho ayo mafaranga yagiye kuri banki akongera agasubira kuri wa mu Agent, bikaba byakozwe mu gihe kingana n'umunota utageze,mu by'ukuri uba ubona ko harimo igikorwa cya forode.'

    Ubuyobozi bwa MTN buvuga ko hari kwigwa uburyo hahindurwa ingingo yo kwima komisiyo yose umuntu wagaragaye mu bikorwa bya forode, nk'uko byari bisanzwe.

    Ubu buyobozi bunavuga ko guhera kuri uyu wa Gatatu tariki 19 Mutarama 2022, abagaragaye muri ibi bikorwa bahabwa Komisiyo y'ukwezi kwa 12.

    Joel Mugabo niwe ukomeza agira ati 'Mu masezerano uko byari bimeze bivugwa ko umu-Agent wagaragaye mu gikorwa cya forode adahembwa komisiyo, ariko turimo kubikorera ubugororangingo dushaka ko icyo kintu gihindurwa. Twafashe umwanzuro ko aba-Agents bose bagaragaye muri icyo gikorwa bagiye guhembwa umufuragiro wabo bigaragara neza ko bawukoreye mu buryo bwa nyabwo bakaba bagiye guhembwa komisiyo yabo y'ukwezi kwa Cumi n'abiri guhera kuri uyu wa Gatatu.'

    Uretse kuba aba bacuruza serivisi za MTN bavuga ko iki kigo kibambura, banagaragaza ko imyanzuro myinshi ifatwa batayigiramo uruhare.

    Mu minsi micye ishize nabwo hakunze kumvikana mu itangazamakuru aba ba agents bashinja iki kigo gufunga amasimukadi bakoresha batazi ikibitera ndetse no gutinda kubaha komisiyo baba bagejejemo.

    The post Aba 'Agents' ba MTN bijejwe ko bagiye guhabwa komisiyo bari bamaze iminsi basaba appeared first on FLASH RADIO&TV.

    Source : https://flash.rw/2022/01/19/aba-agents-ba-mtn-bijejwe-ko-bagiye-guhabwa-komisiyo-bari-bamaze-iminsi-basaba/?utm_source=rss&utm_medium=rss&utm_campaign=aba-agents-ba-mtn-bijejwe-ko-bagiye-guhabwa-komisiyo-bari-bamaze-iminsi-basaba

  • RDC: Polisi yerekanye abakekwaho kwica uwari Ambasaderi w’u Butaliyani #Rwanda #RwOT via @kigalitoday #rwanda #RwOT

    Abafashwe beretswe Guverineri wa Kivu y’Amajyaruguru General Constant Ndima ni babiri ari bo Bahati na Balume naho uwitwa 'Aspirant’ warashe Ambasaderi aracyashakishwa.

    Umuyobozi wa Polisi mu Ntara ya Kivu y’Amajyaruguru, Aba Van Ang, yatangaje ko abafashwe basanzwe mu mutwe witwaza intwaro ukora ibikorwa byo kwambura abantu no kubashimuta uzwi ku mazina ya Balume Bakulu.

    Yagize ati “Ni abagizi ba nabi barembeje Umujyi wa Goma, bakaba barafashwe hagendewe ku iperereza ryakozwe n’intwaro bakoresha. Bagabye igitero ku modoka zitwaye Ambasaderi bashaka kubashimuta no kubambura. Bari bayobowe na Bahati naho uwarashe Ambasaderi yitwa Aspirant n’ubu arashakishwa.”

    Polisi ivuga ko abafashwe bemera icyaha ndetse bakaba ngo bicuza kuko batari bagambiriye kwica Ambasaderi.

    Icyo bari bagamije ngo kwari ukumushimuta hanyuma bakamurekura ari uko bahawe miliyoni y’Amadolari ya Amerika. Kuba uwitwa Aspirant yaramurashe ngo byarabababaje kuko byatumye bahomba iyo miliyoni y’Amadolari.

    Lucas Attanasio wari Ambasaderi w’u Butaliyani muri Repubulika Iharanira Demokarasi ya Congo yarasiwe mu muhanda wa Goma-Rutshuru ari mu modoka z’ishami ry’Umuryango w’Abibumbye rishinzwe ibiribwa ku isi ubwo yari agiye kureba uko gahunda yo kugaburira abana ku mashuri ikorwa.

    Guverineri Carly Nzanzu wari mu buyobozi yavuze ko Ambasaderi Lucas Attanasio yageze mu Mujyi wa Goma tariki 19 Gashyantare 2021 saa 10h30 mu ndege ya MONUSCO ifite nimero 5Y/SIM.

    Tariki ya 22 Gashyantare 2021 ku isaha ya 10h15 imodoka zitwaye Ambasaderi n’umurinzi we zaguye mu gico cy’abantu bitwaje intwaro bazirasaho barazihagarika ku birometero 15 uvuye mu Mujyi wa Goma werekeza i Kibumba.

    Source : https://www.kigalitoday.com/umutekano/hanze-y-igihugu/article/rdc-polisi-yerekanye-abakekwaho-kwica-uwari-ambasaderi-w-u-butaliyani

  • Judith yahishuye ukuri kose kumubano we na Safi Madiba ndetse n'uburyo yakuyemo inda y'amezi 3 #rwanda #RwOT

    Mu kiganiro Safi Madiba aherutse kuvuga ko yatandukanye na Judith ndetse ko hashize imyaka ibiri batandukanye ariko nk'uko ibya gatanya bigombera amategeko nabyo babirimo – abanyamategeko bari kubikoraho- bitandukanye n'ibyo Judithe we aherutse gutangaza.

    Ukuri kose Judith yagutangaje mu kiganiro yagiranye yagiranye na Isimbi Tv, yavuye imuzi icyamutandukanyije na Safi Madiba anahishura ibyavuzwe ko yamufungiranye akamuraza hanze nk'intandaro ya byose.

    Muri iki kiganiro Niyonizera yabanje kwikoma Safi Madiba ukunze kumvikana mu itangazamakuru avuga ku mubano wabo.

    Ati 'Ubundi umugabo aba ari umugabo, niyo bamubeshyera aricecekera, nta mugabo ukwiye kujya mu itangazamakuru ngo avuge ibye n'umugore we.'

    Uyu mugore agiye mu itangazamakuru kuvuga icyamutandukanyije na Safi Madiba, nyuma y'iminsi mike uyu muhanzi avuze ko amaze umwaka urenga batandukanye anasaba itangazamakuru kutazongera kumwita umugore we.

    Safi Madiba mu kiganiro na Flash TV yavuze yamaze gutandukana n'uyu mugore ibintu bimaze umwaka n'amezi atandatu.

    Ati 'Tariki 10 Mata 2020 twatandukanye nabi, mu 2021 navuye aho ntuye njya kumureba ngo dufate gatanya arabyanga. Umunyamategeko wanjye yambwiye ko namwihorera kuko bifite uko urukiko ruzabikemura.'

    Safi Madiba yahishuye ko ubwo yafataga icyemezo cyo kutazongera kuvugisha uwari umugore we byatewe n'uko yamubwiye ko azamwangiriza izina.

    Uyu muhanzi yasabye Judith Niyonizera kumushyirira izina hasi amwiyama kutazongera kumuvuga mu itangazamakuru ukundi.

    Mu rwego rwo kumvikanisha ko adaheruka uwari umugore we, Safi Madiba yagize ati 'Njye ibintu bya Judith mbibona kuri youtube nkuko buri wese abibona, ntabwo muheruka kandi na we ntamperuka.'

    Niyonizera ntiyariye indimi ku byo gufungirana Safi Madiba akamuheza inyuma y'inzu

    Niyonizera yahishuye ibyari bimaze igihe bivugwa ko baba baratandukanyijwe n'uko yakingiranye Safi Madiba akamuraza mu modoka, icyakora ahakana ko atigeze amwicisha imbeho.

    Ati 'Namuraje mu rubura se ko yari mu modoka? None se ko zigira ubushyuhe yahuriye he n'imbeho.'

    Yavuze ubwo bageraga muri Canada nyuma y'igihe gito yatangiye kugirana ibibazo na Safi Madiba, ahitamo kujya abiganiriza umugabo wari inshuti yabo.

    Bitewe n'akabazo bari bafitanye, Niyonizera yavuze ko hari ibyo batumvikanyeho Safi Madiba asohoka mu nzu ajya mu modoka hanze asiga umugore aryamye.

    Ati 'Naricuye mbura umuntu, ndebye hanze mubona mu modoka ndabyuka njya kumureba nsanga ari kuvugana na mubyara we, nanjye turavugana. Icyakora kuko nari mfite umujinya wa bya bindi tutumvikanyeho ngarutse nahise mfunga umuryango kugira ngo naza akomange nkanguke tubanze dukemure ibyo twari tutarasoza.'

    Uyu mugore yavuze ko ubwo Safi Madiba yakomangaga yanze kujya kumukingurira, hashize umwanya agiye gukingura asanga undi yamaze kugenda.

    Niyonizera yongeyeho ko Safi Madiba yagiye gucumbika kuri ya nshuti yabo ndetse ahita afata icyemezo cyo kutazasubira mu rugo.

    Safi Madiba yongeye kuvugisha Niyonizera amusaba ibyangombwa bye, undi abijyana ku biro by'abashinzwe abinjira n'abasohoka muri Canada

    Niyonizera wageranye na Safi Madiba muri Canada atwite, avuga ko nyuma yaje kujya kwa muganga kuko yumvaga atangiye kugira ibibazo, bamubwira ko basanze inda ye itari gukura asabwa n'abaganga kuyikuramo.

    Uyu mugore avuga ko Safi Madiba atigeze yongera kumuvugisha ahubwo yahisemo ku mu 'block' ku buryo batazongera kuvugana ukundi.

    Ati “Igihe cyose nari ndwaye Safi ntiyigeze angeraho ariko ndabizi barabimubwiraga.”

    Icyakora ku rundi ruhande Safi Madiba wari wasize iwe ikarita imwemerera gutura muri Canada yongeye guhamagara umugore we ayimusaba.

    Nyuma yo kutumvikana ku kuyimuha ku neza, byabaye ngombwa ko biyambaza inshuti zabo ariko nazo zinanirwa gukemura ikibazo cyari gihari ndetse n'ikarita arayimwa.

    Niyonizera wari umaze kubona ko umugabo we atagishaka ko bavugana, avuga ko yafashe ikarita ye ayijyana ku biro by'abashinzwe abinjira n'abasohoka.

    Ati “Safi Madiba abifashijwemo na wa mugabo wamujyanye, yageze aho yiyambaza inzego zishinzwe umutekano avuga ibintu byinshi bishingiye ku kuba nari namutwariye ikarita, mfata icyemezo nyijyana ku biro by'abinjira n'abasohoka.”

    Mu 2021 baje kongera guhura birangira bashwanye, Safi Madiba ashatse gatanya bizamo kidobya

    Ubwo batandukanaga, Niyonizera yavuze ko Safi Madiba yamubwiye ko atifuza no kongera kumubona ndetse nta n'aho bazongera guhurira.

    Icyakora siko byagenze kuko mu 2021, uyu mugore wari warimukiye mu gace Safi Madiba yari atuyemo, baje guhura batabiteguye bahana gahunda yo kongera kujya basurana.

    Ati “Twarahuye turaganira, twemeranya ko twajya twongera gusurana tukaganira. Iki gihe ni njye wamusuye bwa mbere, hanyuma na we atangira kujya aza kundeba mu rugo.”

    Niyonizera ahamya ko bakomeje kugenderana kugeza ubwo bongeye kugirana ibibazo mu mpera z'umwaka ushize.

    Avuga kuri ibi bibazo, yagize ati “Rimwe yaje kunsura mu rugo mfite umushyitsi, dufata icyemezo cyo kujyana muri Hotel. aha twahamaze iminsi ndetse twemeranya ko tugiye kubana mu kazi. Uwo munsi nibwo namwumvise kuri telefone ari kuvuga ibintu bitanshimishije, duhita twongera turashwana.”

    Nyuma yo kutabasha kongera kumvikana, Niyonizera avuga ko Safi Madiba yagiye gushaka abanyamategeko bamufasha gushaka gatanya ariko birangira bijemo kidobya.

    Niyonizera yavuze ko ubwo yahamagazwaga n'abanyamategeko bari batangiye gukurikirana ikibazo cya Safi Madiba wifuzaga gatanya, yabahaye ibimenyetso by'uko bari bari kumwe mu minsi mike yari ishize bituma ibya gatanya bipfa bityo kuko uyu muhanzi yari yababwiye ko haciyemo umwaka urenga adahura n'umugore we.

    Icyakora Niyonizera ahamya ko kugeza ubu yamaze gufata icyemezo cya nyuma, yaretse Safi Madiba ku buryo niba anakeneye gatanya yajya kuyisaba.

    Source : https://umuryango.rw/imyidagaduro/article/judith-yahishuye-ukuri-kose-kumubano-we-na-safi-madiba-ndetse-n-uburyo-yakuyemo

  • Umufana wa Clapton Kibonge yamusabye ko yamugira inama yatumye abyibuha | Ibyo Clapton yamusubije birasekeje – YEGOB #rwanda #RwOT

    Umunyarwenya Clapton Kibonge abinyujije ku rukuta rwe rwa instagram yerekanye amagambo umwe mu bafana be yakoresheje ubwo yamubazaga ibanga yakoresheje kugirango abyibuhe. Ni nyuma yuko Clapton Kibonge yari amaze iminsi yerekana amafoto n'amavideo ye maze uyu mufana akabona Clapton yarabyibushye ndetse akifuza ko yamusangiza ibanga yakoresheje kugirango abyibuhe.

    Uyu mufana wa Clapton yamubajije akoresheje amagambo akurikira:

    Clapton yahise asubiza uyu mufana mu magambi agira ati ” Karabaye🤣🤣🤣🤣🤣😍😍😍 “.

    Source : https://yegob.rw/umufana-wa-clapton-kibonge-yamusabye-ko-yamugira-inama-yatumye-abyibuha-ibyo-clapton-yamusubije-birasekeje/

  • Umuhanzi Juno Kizigenza yatangiye ishuri #rwanda #RwOT

    Kwizera Bosco Junior uzwi nka Juno Kizigenza uherutse gushyira hanze indirimbo yise Umufungo, yatangaje ko yatangiye amasomo muri Kaminuza.

    Mu butumwa yanyujije kuri Twitter ye, Juno Kizigenza yagize ati 'Natangiye kwiga Kaminuza ko bifite icyo bisobanuye kuri Mama Jubo (Uyu Mukecuru ntiyumva ukuntu ngo ibi bintu byo guceza byatuma ugafata utarize).'

    Yakomeje agira ati 'Uyu munsi ni uwa mbere ku ishuri. Munyifurize amahirwe masa.'

    Amakuru avuga ko Juno Kizigenza yatangiye kwiga muri Kaminuza ya Mount Kenya mu bijyanye n’ubucuruzi (Business Management).

    Juno Kizigenza yarangije amashuri yisumbuye muri 2019 mu bijyanye n’Imibare, Ubukungu n’Ubumenyi bw’Isi (MEG) aho yigaga mu ishuri rya Ahagozo Shalom Youth Villages.

    Bamwe mu bahanzi bagiye bavugwaho gutangira amashuri ariko bakayacikiriza, gusa Juno Kizigenza we avuga ko adashobora gucikiriza iri shuri.

    Yagize ati 'Iyo ntangiye ibintu mba nabirangije. Nari nkumbuye kwiga, njye ntabwo nari umuswa, buriya abantu batinya kwiga baba ari baswa.'
    Avuga kandi ko kuba atangiye amasomo bitazabangamira ibikorwa bye bya muzika kuko azajya yiga nijoro.

    Ati 'Nzajya nkora umuziki ku manywa, ku mugoroba nge kwiga nk’abandi bakozi bose.'

    Juno Kizigenza yari aherutse kuvugwa cyane ubwo umuhanzikazi Ariel Wayz bavuzwe mu rukundo, bateranaga amagambo ku mbuga nkoranyambaga bagaragaza ko urukundo rwabo rwajemo urunturuntu.

    Source : http://www.ukwezi.rw/Imyidagaduro/article/Umuhanzi-Juno-Kizigenza-yatangiye-ishuri

  • Birantega muri gahunda yo kugaburira abana ku mashuri #rwanda #RwOT

    Ibigo by'amashuri biravuga ko gahunda yo gufatira ifunguro ku mashuri yafashije abana kwiga neza ntawishwe n'inzara, ariko ngo hari ababyeyi bakigenda biguru ntege mu gutanga uruhare rwabo, rimwe na rimwe inkunga ya leta nayo igatinda kubageraho kugira ngo haboneke ifunguro ry'abana.

    Guverinoma y'u Rwanda yashyizeho gahunda yo gufatira ifunguro ku mashuri mu gihugu nyuma yo kubona ko hari abana bajya ku mashuri batariye,inzara igatuma badakurikira amasomo neza.

    Ni gahunda yagiye ivugururwa mu ngingo zitandukanye zirimo kumvisha ababyeyi uruhare rwabo mu kugaburira abana ndetse na leta ijyenda yongera ingano y'abana bagerwaho n'iyi nkunga y'amafranga 56 leta itanga ku munsi. Umubyeyi bibarwa ko nawe atanga amafranga 94 ku munsi yo kugaburira umwana ku ishuli.

    Gusa haracyagaragara imbogamizi zirimo kutabonera ku gihe aya mafaranga haba kuruhare rw'ababyeyi na leta.

    Uwimpuhwe Rose ushinzwe gahunda yo kugaburira abana  mu kigo kisumbuye cya Kacyiru ya 2 yagize ati 'Leta inkunga iraza, urabona nk'ubu wenda muri iki gihe hari ukuntu bisa n'ibyatinzeho gato kuko hari ukuntu gahunda yavuye mu turere ijya mu mujyi wa Kigali, twibaza ko arizo mbogamizi kuko mbere ni akarere kajyaga kaduha inkunga ikazira igihe, ariko aho habereyeho iyi mpinduka yo kuza mu mujyi wa Kigali, bisa nkaho byatinze…..'

    Minisiteri y'uburezi ivuga ko ababyeyi bakwiye gukomeza kwigishwa  kugira ngo uruhare rwabo rutangwe.

    Ku nkunga leta igenera iyi gahunda nayo itagerera ku bigo ku gihe,iyi miniisteri irashinja bimwe mu bigo kutuzuza kare amakuru abakenewe muri system ikoreshwa mu kumenya amakuru y'ibigo by'amashuri,bigatuma n'amafaranga atinda.

    Rose Baguma  umuyobozi wa politike y'uburezi n'isesengura muri ministeri y'uburezi uku niko abisobanura.

    Ubutumwa bwa madame Rose Baguma umuyobozi wa politike y'uburezi n'isesengura /MINEDUC

    Bamwe mu banyeshuri baganiriye n'itangazamakuru rya flash bavuga ko kuva batangira gufatira ifunguri ku mashuri byongereye ubumenyi bahakura.

    Umwe yagize ati 'N'ukuvuga ngo nk'umunyeshuri iri funguro rya kumanywa ryagize akamaro kenshi cyane, kuko mbere ritarajyaho wasangaga abana bajya kurya mu ngo kandi harimo abataha kure batabashaga kugera iwabo, ugasanga biriwe ku ishuri batagize icyo bafata, ariko ubu kuva ryajyaho nabo bararibona bakiga nta kibazo bafite kuko baba bariye.'

    Mugenzi we nawe ati 'Gahunda yo kurira ku ishuri yagize umumaro munini cyane, kuko hari ubwo wasangaga umunyeshuri yabuze n'ibyo kurya iwabo, iyo rero ariye hano bimuha imbaraga zo kwiga neza…'

    Minisiteri y'uburezi yavuze ko binyuze mu gukoresha uburyo bw'ikoranabuhanga mu  gucunga amakuru y'ishuri (SDMS), Inkunga leta igenera ibigo by'amashuri muri iyi gahunda itazongera kubageraho itinze,nibayikoresha nkuko bikwiye.

    Biteganijwe ko miliyari zisaga 6.7 z'amafaranga y'u Rwanda zizakoreshwa muri gahunda yo kugaburira abanyeshuri muri iki gihembwe cya kabiri,mugihe ingengo y'imari y'uyu mwaka muri iyi gahunda ari miliyari zisaga 27.

    The post Birantega muri gahunda yo kugaburira abana ku mashuri appeared first on FLASH RADIO&TV.

    Source : https://flash.rw/2022/01/19/birantega-muri-gahunda-yo-kugaburira-abana-ku-mashuri/?utm_source=rss&utm_medium=rss&utm_campaign=birantega-muri-gahunda-yo-kugaburira-abana-ku-mashuri

  • Yolo yashimangiye ko ari we mukobwa ushobora kuba afite imiterere y'umubiri uteye neza kurusha abandi mu Rwanda[AMAFOTO] #rwanda #RwOT

    Umunyarwandakazi Yolo The Queen wamamaye cyane kubera amafoto atandukanye yagiye ashyira ku mbuga nkoranyambaga by'umwihariko instagram, akomeje kwerekana ko ariwe munyarwandakazi uteye neza muri Kigali.

    Ibi bikaba byahamijwe n'abamukurikirana ku mbuga nkoranyambaga ze nyuma y'amafoto yashyize hanze mu minsi ishize abinyujije ku rukuta rwe rwa instagram aho abatari bake bagiye batangarira imiterere y'umubiri we.

    Uyu munyarwandakazi w'uburanga n'imiterere idasanzwe yamamaye ku mbuga nkoranyambaga cyane cyane ku rubuga rwa Instagram. Amafoto ashyiraho agaragaza ikimero cye ni yo akurura benshi barimo n'ibyamamare bifite ibigwi n'amateka birebire ku isi. Akurikiranwa n'abarimo umuraperi Aubrey Graham, Drake ukorera umuziki muri Amerika ariko akaba afite inkomoko muri Canada, n'abandi.


    Yolo The Queen yavugishije abanya-Uganda

    Yolo The Queen, ifoto nshya yashyize hanze yambaye bikini zavugishije abanya-Uganda ndetse hari n'ibitangazamakuru byayigarutseho birimo n'ikitwa showbizuganda.com gisanzwe kigaruka ku myidagaduro.


    Iki kinyamakuru cyavuze ko Yolo The Queen yongeye kwiyerakana muri bikini kigaragaza ko ari umukobwa w'agatangaza muri Africa. Hari aho cyavuze ko iyi foto yashize hanze yerekana ko ari mu cyiciro cy'abakobwa abantu bagomba kubona mbere y'uko basoza urugendo rwabo kuri iyi Isi.

    REBA HASI UMUBUMBE W'AMAFOTO 'YOLO THE QUEEN' YASHYIZE HANZE AGARAGAZA IMITERERE Y'UMUBIRI WE:






    Source : https://umuryango.rw/imyidagaduro/article/yolo-yashimangiye-ko-ari-we-mukobwa-ushobora-kuba-afite-imiterere-y-umubiri-60571

  • Meddy n'umugore we Mimi berekanye akababaro gakomeye batewe n'urupfu rwa Akeza Elisie #rwanda #RwOT

    Nyuma y'urupfu rw'umwana w'umukobwa w'imyaka 5, Akeza Elisie Rutiyomba wamamaye mu gusubiramo indirimbo 'My Vow', umuryango wa Meddy na Mimi uri mu bamuhaye icyubahiro, bamwifuriza kuruhukira mu mahoro.

    Abantu benshi bakomeje kugaragaza ko bababajwe n'urupfu rw'uyu mwana, muribo hakaba harimo umuryango wa Ngabo Medard Jobert wamamaye nka Meddy, n'umugore we Mimi Mehfira wanakomeje kugenda agaragaza ko yashenguwe n'urupfu rw'uyu mwana.

    Abinyujije ku rukuta rwa Instagram, Meddy yashyizeho ifoto ya Akeza Elisie Rutiyomba, yongeraho ubutumwa bugira buti: 'Uruhukire mu mahoro mu malayika mutoya turagukunda.' Mimi nawe yahise ashyira ahagenewe ubutumwa bw'amasaha 24 kuri instagram ubutumwa bwa Meddy, yongeraho ati: 'Uruhukire mu mahoro.'

    Kuva Akeza Elisie Rutiyomba yakwitaba Imana mu masaha ya saa sita n'igice y'amanywa kuwa 14 Mutarama 2022, ibihumbi by'abanyarwanda bakomeje kugaragaza ko bababajwe n'urupfu rwe kandi bihanganisha umuryango we by'umwihariko nyina wari umufite ari umwe.

    Akeza akaba yari afite inzozi zo kuzaba umuririmbyi, dore ko yanamamaye mu gusubiramo indirimbo 'My Vow' no kwifata amashusho anyuranye asekeje.


    Akeza yari yagiye mu murenge wa Kanombe, akagari ka Busanza gusura se Florian Rutiyomba kuko atabana na nyina Niragire Agathe, ahubwo afite undi mugore uri no mu bacyekwaho kugira uruhare mu rupfu rw'uyu mwana.

    Agathe nyina wa Akeza akaba yarahoze atuye Kabeza, ariko mu minsi micye ishize akaba yari yarimukiye mu Bugesera.


    Meddy yifurije kuruhukira mu mahoro uwo yise umumalayika muto Akeza Elisie washyinguwe none

    Source : https://umuryango.rw/imyidagaduro/article/meddy-n-umugore-we-mimi-berekanye-akababaro-gakomeye-batewe-n-urupfu-rwa-akeza